الى اصحاب القلوب الرحيمة
النيل حيروح منا.. او تقريبا راح
اسرائيل مسيطرة على دول حوض النيل وهي اللي حتمول السدود بتاعتهم (موضوع ان دول عربية حتدخل في التمويل ده طلعت اشاعة مغرضة اطلقتها المصري اليوم ومافيش حاجة من دي حتحصل) وهي اللي مقوماها في دماغ دول حوض النيل
وبصراحة كده اللي عندنا ما بيعملوش حاجة
وبصراحة اكتر هم مش عارفين يعملوا حاجة
وبصراحة اكتر واكتر هم مش حيعرفوا يعملوا حاجة
حد ينجدنا
انا باتكلم جد
اللي في ايدهم عملوه، اقصد ان مبارك يقابل نتانياهو ويتوقع في عرضه وكده
بس ده مامنوش فايدة، دي اسرائيل وعاملة عبيطة وبتقولنا نيلهم وهم احرار فيه يوقع محفظته ماطرح ماهو عايز
ماحدش يفضل يلوم النظام المصري ده ما يعرفش حاجة ده ... ده اخره يتخانق على ماتشات كورة ما يعرفش يعمل حاجة
حد ينجدنا
حد ينجدنا
حد يدخل افريقيا ويقطع على اسرائيل وينقذنا... ياما استحملناكوا ما جراش حاجة لما تستحملونا واحنا بعافية دلوقت وواقعين في الاسر وزكاة المال تجوز على الاسير واحنا اسرى في ايد مبارك ومش عارفين نعمل ايه
بيقولوا ايران في افريقيا بتحاول تقطع على اسرائيل هناك، ياريت ربنا ينفخ في صورة تركيا وتدخل معاها على الخط، ما السعودية تدخل في الليلة وتحاول تغريهم بالفلوس، ما دبي تعمل استثمارات وتقايضهم.. انجدونا يا ناس
ولكم الاجر والثواب عند الله... معلش جار علينا الزمن وما بقاش لينا صاحب ولا لنا حامي، حد يتبنانا مؤقتا
مش حيبقى فيه مصر اصلا يا ناس.. حرام عليكوا يعني احنا ما نستاهلش كل ده
حنموت من العطش
احنا منتظرين تدخل ملك ملوك افريقيا معمر القذافي كوسيط لحل الأزمة
ReplyDeleteما لو كان حيتدخل كان اتدخل
ReplyDeleteما الاتفاقية اتمضت يا مواطن واحنا مش عارفين نعمل حاجة خالص
هم سايبينا كده ليه؟
يعني عشان لسانا طويل شوية؟ ما جراش حاجة يستحملونا، يعني ينبسطوا لو ما يبقاش فيه مصر خالص؟
الله يخرب بيتك يا عوكل كره فينا طوب الارض ماحدش عايز يتدخل لنا ابدا وهو مش عارف يعمل حاجة
This comment has been removed by the author.
ReplyDeleteيا نوارةةةةةةةةةةة
ReplyDeleteحرام عليكي ..انتي دماغك اكبر من كدة ...
كل ده فيلم النظام عامله ..بالظبط زي ايام ماتش الجزاير..الغرض منه هو جذب الناس للالتفاف حول الأسرة المالكة في معركتها الوهمية ضد العدو الأفريقي
حصة مصر ثابتة مش ممكن تتغير ..لكن نصيب الفرد بيقل لأن الناس بتظرب عيال ليل و نهار..اهم بيتسلوا
يعني مبارك متفق مع دول حوض النيل انهم يمضوا اتفاقية كده وكده عشان يلهونا؟ يا سلاااااااااااام على الافتكاسات
ReplyDeleteلا كده وصلنا بقى لقمة اليأس
http://www.ahram.org.eg/166/2010/05/14/25/20235.aspx
النظام مش مهتم خالص وحصة مصر ممكن تتغير
ثابتة ازاي؟ نازلة في القرآن؟
نوارة يا فالحة ...بذمتك و انا راضي ذمتك..اذا كان لا مصر و لا السودان حضروا الاتفاقية ..يبقي ازاي تسمي الدول اللي اجتمعت دول حوض النيل..وبعدين اللي عايز يبني سدود هو حر لكن حصة كل دولة ثابتة الا اذا كل الدول اتفقت علي تغييرها
ReplyDeleteو بعدين انتي لو اتريقتي علي تاني..انا هاعورك
مصر هبة النيل
ReplyDeleteمافيش نيل يبقى مافيش مصر ومافيش هبة والفرقة اللى بتلعب مش ممكن تحقق اى شئ
دول المنبع حيغيروا الاتفاقية اليوم ومصر مش حتقدر تعمل حاجة ولا الشحاتة حتنفع واسرائل بتمول المشاريع واحنا فى اضعف الحالات ومافيش فى ايدينا اى اوراق وصلنا بعد 30 سنة الى نقطة الصفر فلاحنا شغلين جنايتية فى الاردن وليبيا وسيداتنا شغالين خدم وموامس فى لبنان والخليج
80 مليون يعد 50 سنة من غير مية يبقوا 30 مليون وتبفى الشقيقة الصغرى ودة اللى بتعملة اسرائل ونجحت للاسف فية مقفولة زى الدومنو
انة لامر مهزوم
النظام المصري في حاله حرجه شويا ..ومش مستعد يدخل في شروط وتفاقيات الا وفق شروطه هوا ..ومخليهم عشان تدخل واسطات والنظام المصري خبير في مثل هيك امور
ReplyDeleteبس الناس الافارقه دماغهم ناشف.
ولسه ولسه ولسه ولسه ولسه ولسه ولسه ولسه ولسه ولسه ولسه ولسه ولسه ولسه ولسه ولسه ولسه ولسه ولسه ولسه ولسه ولسه ولسه ولسه ولسه ولسه ولسه ولسه ولسه ولسه ولسه ولسه ولسه ولسه ولسه ولسه ولسه ولسه ولسه ولسه ولسه ولسه ولسه ولسه ولسه ولسه ولسه ولسه ولسه ولسه ولسه ولسه ولسه ولسه ولسه ولسه ولسه ولسه ولسه ولسه ولسه ولسه ولسه ولسه
ReplyDeleteربك يستر
يقال ان الاستثمارات الاسرائيلية فى مشروعات الرى والسدود فى اثيوبيا صغيرة بالمقارنة بالاسثمارات الصينية والايرانية و معاهم البنك الدولى
ReplyDeleteومما صعب مهمة التفاوض هو التعالى على دول حوض النيل لزمن طويل استنادا الى التطمينات التى تقول ان حصتنا من المياه مضمونة وهى ليست كذلك
ودول حوض النيل متحدة الان ضدنا وليس معنا الا نظام البشير فى السودان ولو انفصل جنوب السودان فسوف ينضم فورا الى اتحاد دول حوض النيل ( الاندوجو سابقا ) وان الاسثمارات فى اثيوبيا من جانب دول كثيرة وليس اسرائيل فقط تهدف الى قطع مساحات شاسعة من الغابات وتحويلها الى الزراعة العادية اى التى تحتاج الى مياه كثيرة جدا
وان تعدد الدول المستثمرة هناك ووجود البنك الدولى يصعب من التفاوض وايضا يجعل الحل العسكرى مستحيل
تخيلى لو ضربنا الاسثمارات الصينية والايرانية بالطيران ايه ممكن يحصل
بدلاً من أن نتوجه لأصحاب القلوب الرحيمة
ReplyDeleteطيب ما نكشف راسنا وندعى على دول حوض النيل لا يكسبوا ولا يربحوا ويقعد لهم فى صحتهم وعافيتهم
أو نكنس عليهم السيدة زينب ونترجى أم العواجز تقف لهم مصلحة فلا يعرفوا يروحوا ولا يجيوا
نوارة
من يهن يسهل الهوان عليه
ما لا جرح بميت إيلام
ومن هانت عليه نفسه
كان على الناس أهون
غابة كلابها ديابــــا ... و نازلين في الناس هـم
ReplyDeleteو اللي ينام في الغابة ... رح يتاكل هــــــــم
و اللي يدور وشـــــو ... في غمضة عين يتهــــــم
و اللي يغيب عن جحرو .. لاجل القوت و المم
يتخان من ورا ظهرو ... او يتاخد خم
غابة بتاكل ميتة ... غابة بتشرب دم
غابة كلابها ديابا ... نازلين بالناس هم
غابة و ناسها غلابة .. خيخة لا ناب و لا فم
متكلين عالصدفة .... متاكلين بالهم
و احنا يا ملح الغابة .. هم يحرك هم
ضايعين و سط ديابا .. مش فاضيين نهتم
فاهمين و بنتغابا ... مش راضيين نتلم
This comment has been removed by the author.
ReplyDeleteاحسن بردو
ReplyDeleteيمكن تحصل انتفاضة عطش والناس تتخلص من النظام دا وبعدين نموت عطشا مش مهم
4 دول وقعت على الأتفاقية خلاص
ReplyDeleteاحنا لية منلاعبش الدول دي متشات كورة
و الي يكسب ياخد مياة النيل؟
بسيطة
ReplyDeleteنشرب من البحر
طب و احنا عايزين النيل في ايه يا نوراه؟
ReplyDeleteاحنا ممكن نشرب م البحر
:D
ببساكة شجيجة الناس دى بتدور على لقمة عيش طرية تاخدها وخلاص ... دلوقتى الناس دى بتفكر ان مصر مثلا حصتها 10 مليون متر مربع .. وهى عاوزة 30 .. يبقى خلاص تدفع تمن ال20 التانيين
ReplyDeleteوالناس دى مكانتش بتتكلم الاول لانها متعرفش تنفذ تهديداتها لان ممعاهاش فلوس تبنى بيها سدود
دلوقتى مع وجود التمويل الاسرائيلى هما حسوا بشوية قوة ممكن يهددونا بيها .. اقصد طبعا قوة مادية
وشكراااااااا
نوارة .. كلام الجد .. محدش هيتدخل فى أفريقيا لصالح مصر .. نقول تانى؟؟ .. محدش لا شقيق عربى و لا شقيق إسلامى و تحديدا جدا جدا .. لا إيران و لا تركيا هيكون تدخلهم لصالح مصر..
ReplyDeleteإن ما كانش الشعب ده يفوق من نومة العازب الخايبة اللى هو فيها و يتنيل و يشوف شربة المية اللى يا يحافظ عليها يا يروح فيها يبقى عليه العوض و منه العوض ..
و عشان يكون واضح .. إحنا تحت خط الفقر المائى و مع ذلك فينا ناس بتبلبط فى حمامات سباحة و يبرطعوا على أراضى الجولف و لسة الست سنية فاتحة الحنفية المخلوطة بمية مجارى و الأرض مش لاقية مية رى .. و اللى هيحصل بعد كده هو إن اللى بيبلبط و يبرطع هيفضل برضه يبلبط و يبرطع بل هيبلبط أكتر و أكتر .. و الست سنية هتفتح الحنفية مش هتلاقى مية و تنزل السوق ما تلاقيش خضار لأنه بح خلاص الأرض نشفت و ما عادش فيه رجا ..
يا نلحق نفسنا يا محدش هيلحقنا و لا يسمى علينا و لا يستعنى يقرى على روحنا الفاتحة و لا حتى يتف على قبرنا
يعني ايه ماحدش حيتدخل عشانا؟
ReplyDeleteنهون عليهم يعني؟
لا مش ممكن نهون عليهم، انا برضه باتكلم جد
يعني احنا ذنبنا ايه ان مبارك قابض علينا
ماهو مسيره يبقى مش موجود باي شكل من الاشكال - غير انه يموت لانه مش حيموت - واحنا نفضل
حرام عليهم
حد يساعدنا
وَمَنْ لَمْ يُعَانِقْهُ شَوْقُ الْحَيَـاةِ تَبَخَّـرَ في جَوِّهَـا وَانْدَثَـر
ReplyDeleteفَوَيْلٌ لِمَنْ لَمْ تَشُقْـهُ الْحَيَاةُ مِنْ صَفْعَـةِ العَـدَم المُنْتَصِر
ألا أيها الظَّالمُ المستبدُ
ReplyDeleteحَبيبُ الظَّلامِ، عَدوُّ الحياهْ
سَخَرْتَ بأنّاتِ شَعْبٍ ضَعيفٍ
وكفُّكَ مخضوبة ُ من دِماهُ
وَسِرْتَ تُشَوِّه سِحْرَ الوجودِ
وتبدرُ شوكَ الأسى في رُباهُ
رُوَيدَكَ! لا يخدعنْك الربيعُ
وصحوُ الفَضاءِ، وضوءُ الصباحْ
ففي الأفُق الرحب هولُ الظلام
وقصفُ الرُّعودِ، وعَصْفُ الرِّياحْ
حذارِ! فتحت الرّمادِ اللهيبُ
ومَن يَبْذُرِ الشَّوكَ يَجْنِ الجراحْ
تأملْ! هنالِكَ.. أنّى حَصَدْتَ
رؤوسَ الورى ، وزهورَ الأمَلْ
ورَوَيَّت بالدَّم قَلْبَ التُّرابِ
وأشْربتَه الدَّمعَ، حتَّى ثَمِلْ
سيجرفُكَ السيلُ، سيلُ الدماء
ويأكلُك العاصفُ المشتعِلْ
احنا فى انتظار توجيهات سيادتك بعمل توكيل لمين المرة دى ؟؟ ومكان الوقفة الاحتجاجية ومكانها ؟؟؟
ReplyDeleteيمكن يكون دة مخطط من الحزب التييت عشان لما المية متجيش يردمو النيل ويطلعوا بكام برج وفندق حاجة اخر سياحة ؟؟
مش لو لتردم النيل برضم حيبقى من الاراضى املاك الدولة ؟؟؟؟
يا نهار هبر ؟؟
دة النيل دة مكانة جامد طحن ؟؟
طيب بقول لو الافارقة معملوهاش اقترح على حكومتنا الرشيدة نقل النيل خارج القاهرة عشان هوة سبب الزحمة
اراضى الدولة خلصت وكل الشركات اتخصصت والبترول بيروح اسرائيل وقناة السويس دخلها بيكفى مصاريف اسمة اية ؟؟
يبقى لازم نكتشف مصادر جديدة للدخل ((( الوطنى )))؟؟؟
واقترح انى اكون وزير الدولة لهبر ارض النيل ..... اصلى ملحقتش اهبر فى اللى فات
لاحظي ان 4 دول فقط هم من وقعوا الاتفاق
ReplyDeleteبوروندي الكونغو غابوا عن التوقيع وبالتأكيد هناك اسباب للغياب لأن مستحيل بلد تغيب عن اتفاق هام جدا زي ده
وكينيا قالت موافقين لكنها لم توقع
بالشكل ده اطمني اللي بتفكري فيه مش هايحصل ان شاء الله
وخلي بالك
مهما وصلت درجة الغيبوبه للناس عندنا مش هايتركوا الامر بالسهوله اللي احنا متخيلينها
بس عاوزك تروحي تشوفي تعليقات الاخوه العرب على الموضوع في مختلف المواقع
وياريت تبقي تقولي او تكتبي موضوع تقولي رد فعلك ايه وشفتي ايه
طيب ما تيجى نتكلم جد لو مبارك مش موجود ايه اللى ممكن نعمله
ReplyDeleteمش معقول كل حاجه نحملها على مبارك المشكله فينا لازم نجوع و نعطش و نموت علشان نعرف اننا لازم نفوق مش حانفوق بلوشى
آدي آخرة اللي يحابي إسرائيل.
ReplyDeleteمتفق معاكي تماماً في كل حاجة إلا إنهم مش عارفين يعملوا حاجة دي .؟؟؟
ReplyDeleteلازم بقى نقتنع إنهم بيسعوا إلى هذا مع اليهود والأمريكان وزيهم بالضبط. لا يمكن نفترض فيهم الغباء ولا حسن النية الموضوع واضح جداً ... ومش ممكن الصورة تتفهم كاملة إلا باليقين أنهم ينفذون تعليمات اليهود والأمريكان وإنهم معاهم ضدنا .
تحياتي
المشكلة ياأبلتي مش في مية الشرب؛ الناس بتعرف تتصرف وبتشرب حشيش ومخدرات وبتشرب من كيعانها، المشكلة ياأبلتي لما النيل ينشف الناس هاتشخ فين؟ وهايعملوا إيه في البلهارسيا؟ فالمفروض نبدأ فورا في تطوير البلهارسيا بنوعيها البولينس والبيموفلاريا ونعملها نوع واحد ونسمهيا بلهارسيا التصحر
ReplyDeleteالمهم هو اثيوبيا يا جماعة
ReplyDeleteأهم من أي دولة منبع تانية
لإن 70% من مياه النيل اللي بتوصل مصر بتيجي من أثيوبيا
و 15% من أوغندا
و الـ 15% الباقيين بييجوا من بقية دول المنبع
يبقى لازم تركيزنا الرئيسي يكون على أثيوبيا و أوغندا
انا خايف ان الخطوة القادمة هي تدويل قضية سيناء و المطالبة ب الأنفصال عن الأدارة المصرية انا خايف من اليوم الي هيجي دة
ReplyDeleteما يحزنني هو أن الشعوب هي دوماً من يدفع فاتورة الحساب ..
ReplyDeleteطبعاً مصر دولة المصب ولا يمكن يجف النيل من عندها أبداً هو حصتكم في المياه رح تقل شوية ..
كان ممكن كل هذا ما يحصلش لو ردت مصر على اسرائيل ومدت لها القناة اللي توصل لها مياه النيل ..
لكن مصر بخلت على اسرائيل بشوية مياه من نهر النيل وهذا ما دفع اسرائيل وحلفاءها لاجبار مصر على بناء السور الفولاذي بينها وبين قطاع غزة وفي نفس الوقت كانت اسرائيل تنفخ في آذان الأفارقة أصحاب دول المنبع للنيل وتحثهم على إلغاء الاتفاقية المبرمة من زمن الملك فاروق ..
إلكم الله يا شعب مصر .. إن شاء الله لو لقينا حد يوقف معنا ويقدر يهدم السور الفولاذي رح ندله عليكم ونقول له حرام هالمصريين والله شعب مصر ما بيستاهل إلا كل خير ..
وبلكي إذا وصل مصر يقدر يخرج أسرانا من سجون الأمن المصري ..
يا حيف على جرحهم جرحي وعالجرح داسوا ..
هل ستختنق مصر..مائيا؟
ReplyDeletehttp://www.aljazeeratalk.net/node/6009
بهيج ههههههه
ReplyDeleteاحنا ندعي عليهم يحصل لهم جفاف عشان ميعرفوش يقطعوا عننا المياه.
ReplyDeleteزي المصريين الجدد اللي يقولوا اشمعنا عايزين يدخلوا غزة من مصر ما يدخلوا من سوريا و لا لبنان
نعيب زماننا
http://globalvoicesonline.org/2010/05/21/egypt-no-longer-jewel-of-the-nile/
ReplyDelete