نضال حسن مالك

اطلق النار على زملائه في قاعدة فورت هود، طبيب نفسي في الجيش الامريكي، واكيد سمع هلاوس كتير من الظباط اللي جايين من العراق بعد ما قتلوا اطفال وستات

كان عايز يسيب الخدمة وطلبه اترفض

وكل محامي عشان يرفع له قضية عشان يسيب الخدمة

فكان الرد انهم قالوا له: انت ح تروح العراق

رجاء من الجالية المسلمة المذعورة ما تتخلاش عنه، هم عايزين يعني يكسروا مناخيره؟ يعني يطلب يسيب الخدمة يرفضوا وكمان يودوه العراق عشان عارفين انه من اصل عربي ومسلم وطبيب نفسي سمع اهوال عن اللي بيتعمل في اهله؟ 

ده اسمه كسر مناخير

انا واخدة بالي ان المسلمين دلوقت، خصوصا في الغرب، ماشيين يقولوا انا حسحس وحسحس انا

بس هو ما غلطش، هو ما غلطش في اي حاجة خالص، هو حاول يسيب الجندية، ثم ان الجنود اللي ضربوا على زمايلهم كتير، ماكلهم بيرجعوا من العراق يا اما مجانين يا اما متسولين، وهو امريكي، اشمعنى اي امريكي تاني لما بيضرب النار على زمايله وللا على ناس في المدرسة ماحدش بيقول: جده الماني وللا انجليزي وللا فرنساوي وللا ايطالي وللا حتى افريقي؟ هو فيه امريكاني اصله امريكاني غير الناس اللي بيشتغلوا في القمار والكازينوهات وبيدفعوا لهم فلوس عشان يسكتوهم عن حقهم في بلدهم؟ اشمعنى هو اللي يتقال عليه اصله عربي؟ وليه لو كان يهودي وللا كاتوليك ما كانش حد جاب سيرة دينه؟ اشمعنى المسلم اللي بيتقال عليه مسلم؟

وبعدين هو كان متهم بانه بيحاول يدعو الناس للاسلام؟ يا سلاااااااااااااااااااااااااااام، امال بقى فين حرية البلا بلا بلا اللي نازلين افغانستان والعراق بعد ما دمروا لهم بلدهم