Friday, 23 October 2009

ايش عرفك انت 3

ايش عرفك انت

مادو سأل اسئلة


ايش عرفك انت بالناس الفقرا الي مش لاقيين قوت يومهم
ايش عرفك انت بالمرضي الي مش لاقيين تكاليف العالج ولا مكان ادمي يتعالجو فيه
ايش عرفك انت بملايين الشباب الي بتتخرج ومبتلاقيش فرصة عمل ولو في فرصة عمل بيبقو تحت رحمة اصحاب العمل وبيتم استغلالهم
ايش عرفك انت بالطعام الملوث والمحاصيل الزراعية الي بتروي بمياه الصرف
ايش عرفك انت بالمحاصيل المسرطنة
ايش عرفك انت بالموصلات المتهالكة و الزحمة في المترو والاتوبيس
ايش عرفك انت اشارات المرور الي ممكن الناس تقف فيها بالساعات متعطلة مصالحهم
ايش عرفك انت بالشباب الي بترمي نفسها في البحر وبتحاول تهاجر وتهرب من ظروف المعيشة السيئة
ايش عرفك انت بالفساد الي مالي البلد و مصالح الناس الي مش بتمشي غير بالرشاوي
ايش عرفك انت بفساد الجهاز الاداري في الدولة
ايش عرفك انت بالتعذيب واهانة المواطنين في اقسام البوليس وعلي يد رجال الشرطة
ايش عرفك انت طوبير العيش الي ناس بتموت فيها علشان يجيبو كام رغيف
ايش عرفك انت عن مياه الشرب الملوثة بالصرف
ايش عرفك انت الشوراع الي مليانة مطبات ومفيهاش اضاءة ومليناة اكوام زبالة
ايش عرفك انت بمصر ولا ناس مصر
------
Wild Heart


إيش عرفك إنت بإحساس واحد ماشي في الشارع خايف اللي يطلع عليك بمطواة ولا الي يشدك إحم ولا اللي يدوسك بالعربية عشان ماحدش بينفذ القانون ولا تدوس على سلك كهربا عريان ولا ابنك يقع في بلاعة مفتوحة؟
------
الباب لسه مفتوح ومافيش حد ح يسدك... اسأل، ايش عرفه هو؟
-----
الشباب اللي بيستأذنوا ياخدوا بانر وللا اسئلة، اللي ياخد حاجة من المدونة دي ياخدها من غير استئذان، حقوق النشر محفوظة للانسانية
--------
شارك في جروب إيش عرفك انت؟ على الفيس بوك



at

15 comments:

  1. Dr Nemo23 October 2009 at 11:14

    ايش عرفك انتا ببنت فى الجامعه محترمه جدا بريئه جدا وتستاذن من صاحب الميكروباس ياخد منها نص الاجره لان مش معاها يكمل .... ودى فى الجامعه..... اش عرفك بابوها اش عرفك باخوها اش عرفك باللى خلفوها....."شايفها امبارح وانا مروح "

    ReplyDelete
  2. ☼♫♪ عمــاد الدين يــوسف ☼♫♪23 October 2009 at 12:49

    اومال بتاع ايه عايز تشيل الليله لما انت متعرفش عنها حاجه ؟؟
    للاسف مهياش عزبه بابي علشان تورثها ، هي آي نعم عزبه طول ما فيها اي حد موافق عليك ، بس برضو حتى الاغنام في العزب عايزلها راعي عارف عن العزبه .... بس إيش عرفك انت

    ReplyDelete
  3. الـسـيـدة نـون23 October 2009 at 13:17

    بعد اذنك يا نوارة

    بوستاتك عن حملة
    ايش عرفك انت

    سخنتنى وخلتنى اكتب انا كمان بوست بعنوان ايش عرفك انت

    انا ماليش فى الفيس بوك
    فبالتالى هتضامن مع حملتك من خلال مدونتي


    شكرا ليكى

    اختك خيخة

    ReplyDelete
  4. هتشوفوا23 October 2009 at 14:46

    ايش عرفك انت قد ايه بيعاني المعتقلين


    ايش عرفك انت قد ايه بنكرهك انت وأبوك
    ايش عرفك انت باليوم الأسود اللي هاتفكر ترشح فيه نفسك, ايش عرفك انت برد فعلنا هيبقى أزاي

    ReplyDelete
  5. Kalimalhus23 October 2009 at 15:23

    بت خيخة و أى كلام ..

    تدوينة أكثر من رائعة :)

    http://nouranelshamly.blogspot.com/2009/10/blog-post_23.html

    ReplyDelete
  6. ماجد23 October 2009 at 16:00

    ايش عرفك انت انت لما تبقى عاوز تاخد حقك ومتعرفش لانك مش ظابط او ابن د مهم وايش عرفك انت لما تبقى عيان وعايز تتعالج وبردك متعرفش لانك مش ابن دكتور ولا ابن مسؤل وايش عرفك انت لما تبقى عاوز تعيش محترم وفى خالك وكمان متعرفش من البلا والضغط اللى انت فية من اول ما تتولد لحد ما تموت وايش عرفك انت لما تبقة عاوز تعمل اى حاجة تعلم عيالك كوبس تتعالج كويس تتعامل كبنى ادم فى بلدك او برة بلدك وايش عرفك انت بينا اصلا هو انت من هنا

    ReplyDelete
  7. فاروق عادل23 October 2009 at 19:09

    ايش عرفك انت بشحططة الدروس الخصوصية؟؟

    ايش عرفك انتا بالخوف من امتحانات الثانوية؟؟

    ايش عرفك انت لما تتكسر امالك وتخش كلية مش على مزاجك قوى علشان مجموعك؟؟

    ايش عرفك انت بضرب المدرسين او طريقتهم الغبيه؟؟

    ايش عرفك انت بالجلوس على ديسك مكسور والخشب مجننك؟؟

    ايش عرفك انت بالخوف من تأخير الواجبات\الابحاث؟؟

    ايش عرفك انت بعدم القدرة على النوم قبل الامتحان؟؟

    :)

    ReplyDelete
  8. الخوجة23 October 2009 at 19:25

    أيش عرفك أنت بالتعليم فى مدارسنا
    أيش عرفك أنت بالعلاج على حساب الدولة
    أيش عرفك أنت بكل حاجة أخدتوها من أيدينا
    أيش عرفك أنت بالحاجت دهه ...دهه.دهه
    Tainted nightmare - مصل أنفلوانزا الخنازير طلع مضروب و عبارة عن سلاح بيولوجى


    HUMAN ORGANS TRADE -Harvesting Human Organs -تجارة الأعضاء البشرية

    ReplyDelete
  9. Bahaa23 October 2009 at 19:26

    ايش عرفك انت صحيح ؟ الناس الي بتاكل من الزباله..ايش عرفك انت ان الجنيه مبقاش يفطر واحد زي زمان....ايش عرفك انت لو فضلت تحوش مرتبك 50 سنة مش حتعرف تتجوز و لا تجيب حق شقة و لا شبكة و لا مهر و لا فرح

    ReplyDelete
  10. الخوجة23 October 2009 at 20:02

    ايش عرفك انت ؟

    ReplyDelete
  11. الخوجة23 October 2009 at 20:51

    واللى مجننى ومخلى مخى لحس خلاص هما اعضاء المجالس المحلية ورجال الحزب الوطنى مابيشوفوش زى غيرهم ولا علشان مصالحهم مقضية واولادهم متعينين وليهم مستقبل واى واحد ييتكلم يصبح مغضوب عليه ماخلاص ماخدتوا كل حاجه.......جاى والشباب اللى مشارك معاه مابيشوفش وكله كوم والبدلة اللى لابسها كوم منين حتة والفانلة اللى تحتها رحت العتبة اجيب واحدة زيها ماعرفتش .....طيب كله يعدى والمؤتمرات دى لو فيه شفافية مين اللى دافع فلوسها........انا عاوز اتعالج واسافر برة للعلاج زى وزير المالية بالدولار على حساب الدولة
    مش دى فلوس الشعب
    وعاوز لمبات صفرا زى اللى عندكوا وامام مجلس المدينة
    والشارع بتاعنا عاوزة يترصف
    تعالوا عندنا فى الشتا وعاوزين مدارس عندنا زى مدارس عيالكم مش بتقولوا شارك اشارك بايه ولا ايه والشباب اللى طالعه معاه فى الاعلانات لابسيين هدوم ايه على سنجة عشرة طيب منين واشمعنا دول يعنى هو بقيت شباب مصر شخ عليه القرد
    مافيش حاجة عارف يعنى ايه مافيش حاجة التعليم من جيبنا والعلاج من جيبنا والسكن من جيبنا وتعبنا وشقانا
    هو مش كل واحد حر فى رأية
    دى كل حاجة بتاعتكم
    هو انته مش شايف مدارسنا وحالنا
    صباح الخير ملفات كاملة اهه.....اهه ورينا هتعمل فيها اهه
    ............
    أنته مولود فى بقك معلقة دهب خلاص بقى سيب الغلابة
    ........
    الواقع اهه
    وكلامكم اهه
    معنى كده أبا الحاج الكبير ماعملش حاجه وأنته اللى هتعمل
    معنى كلامك ان ابا الحاج ماكانش بيشارك شعبة وانته عاوزنا نشارك
    بامارة ايه
    أيه اللى عملته لينا من يوم مامسكت لجنة السياسات
    حد عبرنا حد قال انتم شعبى الغلبان
    لاتكونوا فاكرين ان مصر كلها زى التقارير والوزراء مابيصوروا ليكم
    .......

    ايش عرفك انت ؟

    http://alkoga.blogspot.com/2009/10/blog-post_23.html

    ReplyDelete
  12. الخوجة23 October 2009 at 20:52

    أفتحى يانوارة التعليقات ومن فضلك خلى اى واحد خبير يجعلها تنشر بجوجل من فضلك لأن التعليقات بمدونتك كلها اكتر من التدوينات وتعبر عن حرقة الناس
    وفقعتها
    بس ماتنسيش

    ReplyDelete
  13. Al23 October 2009 at 22:32

    جمال مبارك ليس مواطنا، لكنه سيد، والأسياد لا يترشحون أمام العبيد، وهو الذي يحاسب الآخرين ولا تستطيع جهة واحدة في مصر كلها من باخرتها الغارقة إلى مسرحها المحترَق، ومن مُقَطمها الجاثم فوق أبناء القهر والفقر والبؤس إلى مدافنها التي يحسد أحياؤها أمواتها على الهدوء والسلام أنْ ترفع اصبعها احتجاجا أو تذمُرا أو تلجأ إلى القانون والدستور وشرعة حقوق الانسان، فالرجل الكبير يملك مصر، برا وبحرا وجوا، وهو شريك لله، تعالى، في العبودية، غير أن الله، سبحانه، يرحم ويعفو ويصفح، أما مالك مصر ورقاب شعبها فقد تلقى من المديح والولاء والثناء والاستجداء والاستغفار أكثر مما تلقى العلي القدير حتى لو تنقبت أو تحجبت كل نساء مصر والتحى أبناؤها وكحّلوا عيونهم وضاعفوا صلاة التراويح سبعين ضعفا، فالعبودية عبوديتان، واحدة شكلية لخالق الكون، والأخرى واقعية لسيد القصر وابنه ومن يحملون اسمه!

    ReplyDelete
  14. Kontiki24 October 2009 at 09:50

    حقوق النشر محفوظة للانسانية"
    "
    نوارة صباح الخير

    I JUST LOVE THIS WORD
    GOD BLESS U GIRL

    ReplyDelete
  15. MaNoO25 October 2009 at 23:52

    اسمحلى عجبتنى الفكرة جدا واضيفها فى مدونتى مع احترام حقوق الملكية انا عرفت الموضوع عن طريق بنت خيخة وكمان اشفت البوست عندى خلاص بحببك جدا جدا على الفكرة

    ReplyDelete

Note: only a member of this blog may post a comment.