لتكون مالهاش اي اصل ولا اتولدت اصلا، بس معقولة صالح مرسي يكدب؟ النهاردة بقى في الحلقة، في اول الحلقة سامية كانت حامل وفي اخر الحلقة نسيوا انها كانت حامل والحياة مشيت عادي
والمخابرات عرفت انها حامل اما هي فما عرفتش انها حامل، على نفسها يعني، هي ما عرفتش، والمخابرات عرفت، اعيد الجملة بصيغة تانية عشان تصدقوا عينيكوا؟
مين بقى سامية فهمي
تكونش نادية حلمي؟ طبعا ما حدش ياخد مني كلام، انا باحاول اشوف مين اعلامية اسمها شبه اسم سامية فهمي، بس نادية حلمي اذاعية مش صحفية، وياترى مين نبيل؟ ما اخدش اعدام يعني؟ طب لو اخد اعدام مش كنا عرفناه؟ ماهو مش ممكن اكون باضيع وقتي واشل نفسي واشلكوا معايا وفي الاخر يطلع في الوهم، وبعدين لما احنا كان عندنا احمد الهوان ورفعت الجمال وسامية فهمي
امال ايه اللي حصل لنا ده كله؟ وللا المعلومات كانت بتوصل ويبوسوها ويركنوها جنب الحيط؟
عموما الحمد لله، عصر الجواسيس انتهى الى غير رجعة، اللي بيشتغل لحساب اسرائيل دلوقت بيقول بصراحة ويزعق للي يقول له: اخص، لا وبيوظف ناس معاه كمان، وفوق ده كله بيلاقي ناس تجري وراه عشان يشغلهم
هي نادية الجنسي ما مثلتش دور سامية فهمي قبل كده ليه؟ ازاي الدور ده يفوتها من غير ما تمثله وتنضرب وتخر دم وتتخرشم وتكبب في وش الكاميرا وهي بتقول: لاعااااااااااااااااااا وبعدين التيترات تنزل
و الله انا لسة بسأل اخواتي مين بقى سامية فهمي دي ؟
ReplyDeleteمسلسل حلو
اولا مبروك انضمامك للدستور وربنا يستر عليكى
ReplyDeleteثانيا انتى جن مصور وفاهمة وارية كل حاجة
يعنى مخربشة ومطقطقة وفاهمة الفوله
واذا كان ده حلو فهو كمان مصيبة وكارثة
انا كنت بصراحة كنت حاتكلم عن المسلسلات فى رمضان خاصة افراح ابليس وحرب الجواسيس وابن الارندلى
خاصة ان الثلاثه يناقشوا قضايا فى المجتمع مثل
الغش والنفاق والسلطة المغموسة بايدى السلطة
تحياتى لك بدوام المشاكسة وللاهل السلام
أنا كمان كنت بسال سؤال
ReplyDeleteاكثر فلسفية و لوذعية و ديناميكية
الست دى تبقى بنت مين ف مصر عشان تبقى بالأهمية الفزيعة دى
عند المخابرات بتاعة
اخوانا البعدا ؟؟
انا برضو سالت امى امبارح إكمنها من نفس الجيل دا يا شارم
و لا تعليق
هههههههههههه
ReplyDeleteبجد انت مركزه مع المسلسل ليه كده ..... وبعدين زمان كانت المخابرات بتعرف كل حاجه :D
ساميه فهمي ممكن تكون صحفيه موش معروفه
ماهو بعد كامب ديفيد حضرتك بقوا داخلين البلد عينى عينك
ReplyDeleteواللى اعترض كان محمود نورالدين
لم يكن رأفت الهجان أو سمير الإسكندراني أوجمعة الشوان هم كل الوطنيين الذين صفعوا المخابرات الإسرائيلية «الموساد» علي وجهها فحرب الجواسيس بين مصروإسرائيل زاخرة بالاسماء التي يتم الكشف عنها بين الحين والآخر، ومن هؤلاء الصحفية ليلي عبدالسلام البطلة الحقيقية لمسلسل «حرب الجواسيس» والذي يعرض الآن
ReplyDeleteاسمها الحقيقي " ليلى عبد السلام " .. وعملوا معاها حوار في صوت الأمة
ReplyDelete5 / 9
ونبيل فهمي بتقول واحد اسمه " محمد فهمي إبراعيم " كان معروف في ايطاليا باسم " ماريو " وعرفته لما كانت مسافرة تشتري عربية من هناك ... يعني حد دلها عليه !!!
بتقول لا كان فيه حب ولا جواز ولا ديولو
واتقبض عليه في الآخر هنا في مصر في كازينو النيل واتحكم عليه بالمؤبد
زماااااااااااااااااااااااااااان سمعت أن المذيعة همت مصطفى اللى كانت رئيسة التليفزيون وكانت مقربة جداً من الرئيس المؤمن انور الساداتى بلغت عن جوزوها الجاسوس 00
ReplyDeleteوأظن أن حكايتها اللى كانت متداولة أيااااااااااااااااااااااااااامها كانت قريبة من حكاية سامية فهمى 00
والله أعلم
زماااااااااااااااااااااااااااان سمعت أن المذيعة همت مصطفى اللى كانت رئيسة التليفزيون وكانت مقربة جداً من الرئيس المؤمن انور الساداتى بلغت عن جوزوها الجاسوس 00
ReplyDeleteوأظن أن حكايتها اللى كانت متداولة أيااااااااااااااااااااااااااامها كانت قريبة من حكاية سامية فهمى 00
والله أعلم
"وللا المعلومات كانت بتوصل ويبوسوها ويركنوها جنب الحيط"
ReplyDeleteاتوقع ان هذا فعلاً ماكان يحصل
The Real Samia Fahmy
ReplyDeleteشارم
ReplyDeleteالمسلسل يشل بس ما تعرفش باقعد اتابعه ليه؟
النسر المصري
ازيك
طب بتشوف ليلى مراد؟ مش ممكن، اسكتشات فكاهية
فاتيما
ده الموساد كانت طالباها بالاسم
فتاة من الصعيد
ولما هي مش معروفة الموساد طلبتها بالاسم ليه؟
هرطقة
وبعد كامب ديفيد فيه مصريين بقوا اسرائيليين
سمبل موا
يا اخوتشي انا الصفعات دي مش شايفة لها اي اثر يعني
مين ليلى عبد السلام دي بقى؟
ياسمينا
طب بذمتك يا شيخة عمرك سمعتي عن واحدة اسمها ليلى عبد السلام؟
جر شكل
ههههههههههههه
انا كل ما اسمع اسم همت مصطفى افتكر انور السادات وهو بيقول لها: يا همت يا بنتي
واقع من الضحك
الراجل ده كان معيش البلد في مسلسل كوميدي مدته حداشر سنة
اهو على الاقل كان بيضحكهم مش زي الكبة ده
ياسمين حميد
وانا برضه شايفة كده
طب كانوا بيكلفوا نفسهم ويجندوا ناس وفلوس والجاسوس راح الجاسوس جه على ايه بقى؟
وللا كان لازم يبعتوا المعلومات على ورقة دمغة
ميدو
مشتكرين
انا قريت الكلام اللي كاتباه زنوبيا
ReplyDeleteهممممم
طب البنية اتعرض عليها عرض بيتعرض على ناس كتير دلوقت وبيقبلوه من غير ما يحسوا ان فيه مشكلة
والمخابرات مش بتجري وراهم ولا حاجة
يا جماعة روحوا على اللينك اللى انا حاطه حتلاقوا صورة الصحفية الحقيقة و معلومات عنها
ReplyDeleteالحاجة اللى تغيظ ان منة شلبى طول الحلقة تزعق لهشام سليم
ReplyDeleteو لا كأنه مخابرات
زى ميكون اخوها الصغير
:S
This comment has been removed by the author.
ReplyDeleteيا ميدو دي امبارح قالت له انت ما عندكش دم
ReplyDeleteيا جدعان ما ينفعش كده ده ظابط مخابرات
انا مش فاهمة المخابرات ساكتة ازاي على البهدلة دي
مسلسل اقل ما يوصف انه صفر فنيا .. اخراج تعبان وتمثيل مبتذل وتصوير سيء واهتمام بالنص والتاريخ ولا أسوء .. من الاخر المسلسل ده جريمة فنية والله يرحم رأفت الهجان
ReplyDeleteدي طول حلقة النهاردة قاعدة تزغر له وتبرق له .. ده لو جوز امها هتعامله أحسن من كده
ReplyDeleteانا ابتديت أحس إن العلاقة بين منة شلبي وهشام سليم زي ما يكونوا كانوا متصاحبين زمان أيام المراهقة ...
وبعدين هشام سليم ساب منة شلبي علشان بنت تانية احلى منها مثلا ... فمنة اتفرست منه وراحت مصاحبه نبيل سالم ..
قوم بقى لما نبيل سالم طلع مشيه بطال ...
منة قاعدة تهري وتنكت في نفسها قدام هشام سليم اللي بقى ضابط مخابرات قد الدنيا ...
:D
http://www.soutelomma.org/NewsDetails.aspx?NID=2622
ReplyDeleteمع اني حاسس انها برضه بتحور
الاهم من المقال بتاع الولية ليلي عبدالسلام دي كلام حسام الدين مصطفي
ReplyDeleteالراجل بصراحة ظبطهم
نوارة أنا بدأت أقلق عليكى.. بصفتى المهندس اللى بتتعالجى عنده فأنا انصحك بالتوقف عن مشاهدة المسلسل ده و إلا أنا مش مسئول عن أى فيوزات تضرب فى نافوخك و إنتى عارفة إن مش فاضل منهم كتير و قطع الغيار بطلوا ينتجوها من ساعة ما الشركة إتخصخصت و العمال لسة مضربين..
ReplyDeleteسمعت عن جروب : هعيد وافرفش بدون تحرش؟
ReplyDeleteده جروب على الفيس بوك لتوعية الشباب ومناقشتهم وتفهيمهم ان التحرش سلوك خاطىء , وإننا لازم نبطل التبريرات السخيفة لافعالنا زى ان التحرش عقاب للبنت اللى لبسها متبرج ... الخ
الجروب هدفه عمل توعية للشباب قبل عيد الفطر المبارك اللى اتحول لموسم تحرش من ألاف الشباب , اللى كتير منهم –ياللعجب- بيكونو بيصلو ويصومو لحد اخر يوم فى رمضان واول يوم فى العيد بيتحولو لكائنات متحرشه وبتضايق فى خلق الله
كمان الجروب مش بيشتغل على الانترنت وبس , احنا بنخاطب شيوخ الجوامع ينهوا الشباب عن التحرش ويفكروهم بقيم الدين وضرورة غض البصر.. الخ خلال خطبة الجمعة او خطب التراويح وصلاة الليل , وكمان بنكلم معدى برامج التوك شو والجرايد الرسمية والخاصة لعرض حملتنا والتركيز عليها
لو تقدر تشارك معانا ببوست فى البلوج بتاعك تحط فيه لينك الجروب واهدافه تبقا دى خدمه كبيره ممكن تساعد بيها شاب على الهدايه او تحمى بنت من التحرش
ايه رايك ؟
لينك الجروب
http://www.facebook.com/group.php?gid=158203229767
بجد ابتديت اقلق عيكي من حرب الفسافيس ده
ReplyDeleteطب رمضان قرب يخلص
نبقي نجيب لك الجرعة منين
بس انا عمري ما شفت وحدة تزعق لظابط المخابرات و تخرج لودها من غير رد فعل منة ولا ينادي فرج و يهددها ب الصور
ReplyDeleteن
ههههههههههه
ReplyDeleteهي كل الناس قلقانة عليا من المسلسل ليه؟
:)
اكيد المسلسل صالح للاستخدام الادمي بدليل انه بيتعرض في التلفزيون
وللا تاريخ الصلاحية مضروب؟
المسلسل صالح للإستعمال الآدمى بس الضمان لا يشمل سوء الإستعمال .. يعنى أنا شخصيا بتفرج عليه يوميا بحكم إنه بييجى وقت السحور بس من أول يوم أدركت إنه مسلسل كوميدى و من ساعتها و أنا مستمتع بيه جدا..
ReplyDeleteالمشكلة إنك واخداه جد و بتفكرى فى التفاصيل و ده مش كويس لأنه بيعمل أوفر ستريتشنج لعضلات التفكير و ممكن يجيبلك كلاتش .. الحل إنك تعملى زينا كلنا تضحكى و تقوللى اللهم إجعله خير و تشربى وراه كوباية ميه (مش من الحنفية) و ياريت تمتنعى عن أكل أى حاجة خضرة عشان البروتين الحيوانى اللى فى مية المجارى ممكن يعمل تخمة ..
أنا مريح دماغي وما بشوفش غير مسلسل إبن الأرندلي ليحيى الفخراني
ReplyDeleteوبرأيي الشخصي (دلوقتي أنا متقمص دور الناقد الفني) إن إبن الفخراني بالمسلسل حيبقى له مستقبل مشرق
بلا سامية فهمي بلا نيلة
بصراحة فعلا ابن يحي الفخراني في المسلسل هيبقى نجم و هيضرب احمد عز و السقا كمان
ReplyDeleteنبيل فاروق كان كتب عنها باختصار في سلسلة حرب الجواسيس اعتقد باسمها الحقيقي
ReplyDeleteعلى ما اذكر كان اسمها هبة سليم .. دا اذا ماكنتش ذاكرتي خلطت بينها وبين حد تاني
لمزيد من التفاصيل راجع سلسلة حرب الجواسيس الأعداد الخاصة العدد رقم 3 او 4 او 5 او 6 :D
مش فاكر والله بس هو مش واحد ولا اتنين
غلاف العدد كان لونه احمر بالمناسبة بس مش فاكر اسم العدد
تقريبا كان فيه صقر او حاجة زي كده
ولدت سامية فهمي بأسرة متواضعة في كفر الهندوة وهي تنتمي الي هنداوي الشهير وليس لها صلة من قريب او بعيد بالواد ابن ابو سليم ابو لسان زالف ( ويجعله عامر )
ReplyDelete