Monday, 7 September 2009

ايه الفرق ما بين العقل والحكمة؟

ها؟
حد عنده مصدر؟ اصل انا ناوية افتي على حسب فهمي، على حسب اللي فهمته، ان العقل هو الذهن والحكمة هي الفهم
يعني ممكن واحد يكون ذهنه حاضر وما عندوش حكمة، وممكن واحد يبقى عنده فهم، بمعنى تحليل وتعمق، بس ذهنه مش حاضر قوي
مصدر الفتي:
حجة الاسلام نوسة
ملحوسة: مسموح بالفتي في اطار ان الانسان يوضح انه بيفتي زي ما انا وضحت كده
at

48 comments:

  1. mido7 September 2009 at 03:15

    مش راكب الكلام ده

    :S

    ReplyDelete
  2. Unknown7 September 2009 at 04:39

    غريبة
    ده انا شايفاه راكب قوي
    :)
    ده انا قعدت اقدح زينات صدقي

    خد الكتاب ده

    http://www.4shared.com/get/46876205/be9698f5/_____________.html

    ReplyDelete
  3. Kalimalhus7 September 2009 at 04:51

    أولا الحاجات اللى ماهياش فتى ..

    1 - الحكمة يشار بها فى مصطلح الفلاسفة المسلمين إلى الفلسفة و ده متوافق مع كون المعنى الحرفى للكلمة عند الإغريق هو حب الحكمة..

    2 - الأكيد أن الحكمة تكتسب بالتعلم كما فى قوله تعالى "و علمناه الكتاب و الحكمة..." .. بمعنى أنها ليست ملكة من ملكات العقل..

    أبدأ أفتى بقى:

    الإدراك غير الفهم غير العقل بالإنجليزى:

    perception - conception - cognition
    الفتى من عندى هو إعتبار التالتة تساوى العقل رغم إنها مش فتوى واسعة قوى..

    الإدراك هو تكوين صورة عقلية لشيئ عندما نتفاعل معه من خلال حواسنا .. يعنى تشوفى وردة تنطبع صورتها فى ذهنك و تنط كلمة وردة المرتبطة بها و تقولى وردة..

    الفهم هو العمليات اللى بنجريها على المدركات الحسية للخروج بنتائج لا تخرج عن المعطيات .. يعنى مافيهاش أى إضافة من عندنا.. يعنى الدنيا نور يبقى إحنا الصبح و الشمس ورا الأتوبيس يبقى قربنا نفطر..

    العقل هو أداة الحكم على الأمور .. لغويا: عقل الشيئ قيده و تقييد الأشياء هو وضع حدود لها يعنى الإحاطة بها و معرفتها على وجه الدقة ..

    لما نحط الكلام ده على بعضه يبقى سرعة البديهة متعلقة بالإدراك و الفهم يعنى سلامة الحواس و صحة الإدراك ثم سرعة فهم العلاقات و إستنتاج شيئ منها .. فى نفس الإطار الذكاء الطبيعى متعلق بالإدراك و الفهم بينما الذكاء المكتسب و الحكمة متعلقة بالعقل..

    من الممكن أن يكون الإنسان سريع البديهة و نقول عليه ناصح يعنى إدراكه و فهمه فيهم يقظة بس يقوم بأعمال فى منتهى الغباء لنقص المعرفة يعنى الإفتقاد للحكمة .. فى المقابل ممكن يكون الواحد عنده معرفة واسعة و قدرة على الحكم السليم نتيجة تراكم الخبرة أو نتيجة الإجتهاد فى التعلم و لكن يكون بطيئ الفهم و غير سريع البديهة .. يعنى ببساطة واحد عالم ذرة و مايعرفش يحل فوازير كرومبو عشان مش هاياخد باله إن جزمة بعجورة الجناينى كاوتش مثلا..

    ReplyDelete
  4. Kalimalhus7 September 2009 at 04:54

    لا حول و لا قوة إلا بالله .. طيب منين جه فى دماغى ذات نفس الكتاب؟؟ .. عمرك أطول من عمرى بس بصراحة إبقى شوفى أى حاجة تقدحيها غير زينات صدقى لأن الكلام فعلا مش راكب زى ماميدو قال .. جربى زينات علوى :)

    ReplyDelete
  5. Unknown7 September 2009 at 04:55

    اووووووووعى تقول عمرك اطول من عمري دي تاني ابدا
    ان شاء الله، ان شاء الله، عمري اقصر من عمر كل الناس

    ReplyDelete
  6. Unknown7 September 2009 at 04:57

    مهندس حر

    طب هو انا مختلفة معاك فيه ايه؟

    ReplyDelete
  7. Unknown7 September 2009 at 05:06

    اذا كنت تقصد العقل يعني المخ فكل ده وظيفة المخ

    مش كل بني ادم بيعقل حاجة بيفهمها فهم عميق يوصله لحكمة معينة

    عالم الذرة ده ممكن يعقل العلوم اللي درسها ويتفوق فيها
    لكن مش لازم يبقى عنده الحكمة اللي تخليه يشوف ورا العلوم دي

    ReplyDelete
  8. Kalimalhus7 September 2009 at 05:07

    حضرتك قولتى إن العقل هو الذهن و ده مش صحيح لأن الذهن هو الإسم العام للأداة اللى بتقوم بالأنشطة المختلفة يعنى الإدراك و الفهم و العقل (عقل هنا مصدر
    مش إسم يعنى عقل يعقل عقلا) ..


    و حضرتك قولتى الحكمة هى الفهم فى حين إن الفهم وظيفة و الحكمة هى معرفة مكتسبة بالتعلم..

    ده الفرق

    ReplyDelete
  9. Kalimalhus7 September 2009 at 05:14

    أكيد أنا ماجبتش سيرة المخ أصلا لأن المخ هو العضو المادى اللى ليه علاقة بالأنشطة الذهنية و بكده يبقى بعيد تماما عن العقل اللى هو الوظيفة الأعلى من وظائف الذهن..

    كل معرفة مكتسبة هى حكمة بمعنى إنها بتسمح لصاحبها يحكم بشكل سليم فى حدود معرفته .. لكنها بالطبع تتفاوت من شخص لآخر .. فى النهاية عالم الذرة حكيم عندما يتعلق الأمر بمجال معرفته بمعنى إنه سيقدم إستشارة حكيمة إذا سئل فى مجال الذرة .. كونه ماعندوش حكمة فى أمور أخرى فده لقصور معرفته عنها .. يعنى مش هيكون عنده حكمة فى عمل التغيير السليم فى ماتش كورة..

    كلمة حكمة زى كلمة معرفة تزيد و تنقص و تختلف فى المجال ماهياش شيئ ثابت يايبقى عند الناس يا مايبقاش عندهم

    ReplyDelete
  10. Unknown7 September 2009 at 05:18

    انا شرحت وقلت بمعنى التحليل والتعمق

    ماهو من الحكمة انك تفهم انا قصدي ايه؟
    :)

    انا ح اشرح لك بمثال

    مثلا واحد اغتصب طفلة واخد احتياطه انه ما يخليش ادلة وراه

    جه القاضي درس القضية كويس وحللها وعرف بالاستنتاج والاستنباط من الادلة اللي عنده ان الراجل ده مجرم ومغتصب طفلة

    القاضي هنا شغلته اللي مفروض يعملها انه يحكم على الراجل ده بالادانة، ايا كان بقى سجن وللا اعدام، تمام

    كل ده في اطار النشاط الذهني
    يعني هو راجل ذكي ونبيه وحكم بما تمليه عليه وظيفته

    الطبيب النفسي شغلته يتعمل بالتحليل والدراسة ويعرف الاسباب النفسية والتاريخية والاجتماعية اللي ورا الجريمة دي
    هو ده الفهم اللي انا اقصده

    فيه بقى الحكمة اللي تشوف اللي فات وتشوف اللي جاي وتعمم وتخليها
    larger than life

    دي شغلانة الفيلسوف او المنظر او المفكر

    بمعنى ان القاضي بيبص لحادثة مقطوعة من الماضي والمستقبل وبيدرسها دي شغلته
    الطبيب النفسي بيبحث في ماضيها
    والحكيم بيبحث في ماضيها ومستقبلها

    انا لما قلت الذهن كنت اقصد طريقة التفكير اللي تتطلب فهم بشكل
    linear
    يعني قدامك مسألة هندسية وبتحلها ده نشاط ذهني مش حكمة

    لكن الفهم، وانا قلت يا تامر بمعنى التحليل والتعمق، اللي هو فهم الحكيم
    بيتطلب طريقة تفكير
    spinal
    مش لازم الحكيم يعرف يحل المسألة الهندسية نفسها بس يقدر، رغم كده، يعرف الحكمة الكلية ليها

    فهمتني؟

    ReplyDelete
  11. Unknown7 September 2009 at 05:20

    لا ماهو ده انا اللي انا اقصده
    الحكمة غير المعرفة
    المعرفة محدودة
    والحكمة اشمل

    ReplyDelete
  12. Unknown7 September 2009 at 05:23

    اقول لك اقول لك
    بس ما يتهياليش انك ح تفهم قصدي ايه بس ح اقول لك برضه

    فاكر لما كتبت عن ان فيه ناس بتفهم بس ما بتحسش وفيه ناس بتحس وما بتفهمش وفيه ناس نادرة قوي بتفهم وتحس
    وفيه بعدا لا بيفهموا ولا بيحسوا

    ReplyDelete
  13. TAFATEFO7 September 2009 at 05:29

    مممم .. هو كل الناس في رمضان مهتمة ب د. محمد عمارة

    هو معروف ان د. محمد عمارة حاطط كل كتبه على موقعه للتنزيل المجاني .. لكن وتوفيراً للمجهود والمشقة وخصوصاً انهم 173 كتاب .. يعني ياخدوا يوم كامل علشان تدوس وتحمل كتاب كتاب .. ده ملف في الداونلود لينكس بتاعة الكتب كلها ما عليك انك تفتح الانترنت داونلود مانيجر بتاعك .. أو أي داونلود أكسيليريتور عندك .. وتعمل امبورت فروم تيكست فايل وتبتدي تحميل

    Enjoy b2a

    ReplyDelete
  14. مواطن مصري7 September 2009 at 05:35

    اية العلاقة بين العقل و الدين؟؟؟؟

    ReplyDelete
  15. مواطن مصري7 September 2009 at 05:35

    اية العلاقة بين العقل و الدين؟؟؟؟

    ReplyDelete
  16. Kalimalhus7 September 2009 at 05:38

    أنا فاهمك .. لكن فيه فرق بين إننا نتكلم مع بعض و نستخدم ألفاظ مختلفة لتوصيل المعنى و بين إننا نوضح المعنى الإصطلاحى لكل لفظ و الفرق بينه و بين اللفظ التانى..

    تانى الحكمة مش أداة أو وظيفة و لكنها مخزون معرفى ..

    الإدراك وظيفة بتاخد الإشارات الحسية و تركب إحساس واضح و محدد ..

    الفهم وظيفة .. بيحول المدركات لأفكار ..و بمعنى آخر الفهم يتعلق بتصور الشيئ .. يعنى إنتى لو واقفة قدام شجرة هاتدركى الشجرة و ممكن تتصورى لو عشر شجرات جنب بعض هيبقى شكلهم إزاى..الفهم برضه زى إن لو أحمد إبن عبده و سناء بنت عبده يبقى أحمد و سناء إخوات ..

    الأفكار المجردة لا يمكن إدراكها و بالتالى لا يمكن فهمها و لكن يمكن تعقلها ..

    يعنى مثلا إنى مش ممكن تدركى الأبدية و المالانهاية و مش ممكن تفهميها أكتر من إنها معنى لفظ لكن ممكن تعقليها ..

    دى فروق فى المصطلح لكن فى الإستخدام العادى إحنا بنحط الكلام مكان بعضه عادى مادام بنعرف نوصل المعنى

    ReplyDelete
  17. Kalimalhus7 September 2009 at 05:41

    ده لما كنتى بتتكلمى عن عمى القلب بتاع المذيعة اللى مش فاكر إسمها؟؟

    ReplyDelete
  18. Unknown7 September 2009 at 05:47

    مافيش علاقة بين العقل والدين يا مواطن
    ربنا خلق لنا العقل ده عشان ما تبقاش دماغنا بتلق بس

    مهندس حر

    مش كل اللي عنده معرفة، حتى ولو واسعة، يبقى عنده حكمة

    طبعا احنا لسة في الفتي يعني
    متهيالي ان الحكمة دي جزء منها معرفة والجزء التاني موهبة
    عشان ربنا بيقول يؤتي الحكمة من يشاء يعني زي ما تكون هبة وده ما يمنعش انها محتاجة تعليم

    انا اللي اقصده ان الحكمة هي القدرة على التحليل ورؤية ما وراء الظاهر

    ممكن واحد يبقى الاي كيو بتاعه 200 بس ما عندوش حكمة

    ومتهيالي ان العقل محتاج تركيز

    يعني مثلا الرسول عليه الصلاة والسلام لما قال ان شهادة الست نص شهادة الراجل احنا عارفين بسبب عدم التركيز
    (عندها فعلا بتاع خمستاشر يوم مش مركزة فيهم دي حقيقة)
    قال ناقصات عقل ما قالش ناقصات حكمة
    بالعكس ده قال في نفس الحديث ما معناه ان عندهم قدرة على السيطرة وعلى انها ممكن تاكل دماغ الراجل المركز

    هو انت عمرك ما وقعت في ايد واحدة فضلت تاكل في دماغك لحد ما شبه اغمى عليك؟

    غيري يعني
    :))

    بس هو مثلا ما قالش ناقصات حكمة
    والا ما كانش اخد رأي ام سلمة

    ده اللي كنت اقصده يعني


    طفاطيفو

    ده كتاب بتاع ابن رشد
    المقدمة بس محمد عمارة

    ReplyDelete
  19. amr imam7 September 2009 at 05:51

    انا بعد اذنكه اناعاوز اطرح الموضوع من وجه نظر اخرى ممكن
    هعتبركة وافقتة وهقول
    اية الفرق بين عالم جليل فى علوم الذرة وبين مثلا صلاح جاهين دة كمثال
    هنحسبها من خلال المنطق
    عالم الذرة هيكون انسان مثقف ذو علم ذكى بطبيعة الحال سريعالبديها بردة بطبيعة الحال بردة مطلع على كلما هو جديد فى كافة العلوم المتعلقة بعمله
    صح كدة
    صلاح جاهين حد تعليمه زى كل المصرين العادين ذكائة بردة طبيعى ليس بالفاذ لاكنة مثقف مطلع كثير القراءة مستنير وفوق كل هذا وتلك امتلاكة لحس مرهف الى ابعد الحدود جعله فليسوف فى كتاباتية
    وليس فى كتاباتة فقد لاكن بكل ما اوتى من وسائل للتعبير
    فمن اين وجدات فلسفتة
    وجديت من احساسة وجديت من شفافيتة من صفائة مع نفسة وغيرة
    ودة بردة مجرد مثاااااااااااااال

    ReplyDelete
  20. Kalimalhus7 September 2009 at 05:52

    اللى فهمته من كلامك الأولانى مالوش علاقة بحكاية الهم و الإحساس اللى إنتى قلتى عليها قبل كده..

    موضوع الفهم و الإحساس هو تعبير مجازى لأن كلمة إحساس إصطلاحيا متعلقة بس بالحواس الخمسة .. لكنها فى الإستخدام الشعبى و الدارج بتاعنا ليها معنى تانى..

    حكاية إن الواحد يفهم و مايحسش أو يحس و مايفهمش هى متعلقة بمنهجية التفكير و الأفكار الغالبة على الإنسان اللى بتأثر على تحليله للأمور..

    مفيش عملية تفكير محايدة و لا تحليل محايد و لا بحث علمى متجرد .. كل دى هجايص .. الإنسان دائما قادر على إستنتاج ماهو مؤهل لإستنتاجه و من السهل أن يغفل أى شيئ مادام خارج إطار إهتمامه..

    الأفكار المسبقة إما تشحذ قدرتك على الملاحظة أو بالعكس تضعف هذه القدرة .. لو إنتى و واحدة من صاحباتك اللى عايزة ترميهم من الشباك روحتوا زيارة لأبو أتاتة مع بعض .. هى هاتقولك ياى همة الناس دول مش بيستحموا ليه ده حتى النظافة من الإيمان ..و إنتى غالبا اللى هاييجى فى دماغك حاجة تانية ..

    الموضوع نسبى و أخلاقى يعنى يتعلق بالصواب و الخطأ الأخلاقى مش بالإدراك و وظائف الذهن .. يتعلق بإستخدامنا ليها وفقا لموقف أخلاقى من الواقع

    ReplyDelete
  21. Unknown7 September 2009 at 05:53

    عمرو امام

    عليك نوووووووووووور

    اهو الراجل فهم انا قصدي ايه اهو

    الحمد لله

    ReplyDelete
  22. TAFATEFO7 September 2009 at 05:54

    كل كتب د. محمد عمارة موجودة في موقع د. محمد عمارة ومنها فصل المقال .. الكتاب تحقيق د. محمد عمارة

    كل حاجه عليها إسم د. عمارة موجودة في موقعه http://www.dr-emara.com .. وكل حاجه بمعنى كل حاجه .. مقالات كتب حلقات إذاعية حلقات تليفيزيونية .. ربنا يجزيه كل خير .. بس للأسف كل ما حد يدخل عليه يجيله تحذير انه ريبورتيد أتتاك سايت

    الموقع ده كنز .. ربنا يجزيه كل خير

    ReplyDelete
  23. amr imam7 September 2009 at 05:54

    انا بعد اذنكه اناعاوز اطرح الموضوع من وجه نظر اخرى ممكن
    هعتبركة وافقتة وهقول
    اية الفرق بين عالم جليل فى علوم الذرة وبين مثلا صلاح جاهين دة كمثال
    هنحسبها من خلال المنطق
    عالم الذرة هيكون انسان مثقف ذو علم ذكى بطبيعة الحال سريعالبديها بردة بطبيعة الحال بردة مطلع على كلما هو جديد فى كافة العلوم المتعلقة بعمله
    صح كدة
    صلاح جاهين حد تعليمه زى كل المصرين العادين ذكائة بردة طبيعى ليس بالفاذ لاكنة مثقف مطلع كثير القراءة مستنير وفوق كل هذا وتلك امتلاكة لحس مرهف الى ابعد الحدود جعله فليسوف فى كتاباتية
    وليس فى كتاباتة فقد لاكن بكل ما اوتى من وسائل للتعبير
    فمن اين وجدات فلسفتة
    وجديت من احساسة وجديت من شفافيتة من صفائة مع نفسة وغيرة
    ودة بردة مجرد مثاااااااااااااال

    ReplyDelete
  24. Unknown7 September 2009 at 05:54

    مهندس حر
    :)
    اه
    انت قررت تغلس ع الصبح
    ما انت فاهم اقصد ايه؟ بتغتت عليا ليه؟
    :D

    ReplyDelete
  25. amr imam7 September 2009 at 05:56

    الاصح تقولى اهو الراجل حسسسسسسسسسسسسس
    الحمد لله

    ReplyDelete
  26. Unknown7 September 2009 at 05:56

    طفاطيفو
    يا عم باقول لك ده ابن رشد

    ReplyDelete
  27. Unknown7 September 2009 at 05:57

    عمرو امام

    ايه ده؟ ده انت بتحس فعلا
    ده انت حتى فاهم يعني ايه الواحد يحس

    ReplyDelete
  28. TAFATEFO7 September 2009 at 05:58

    :D صباح الفل

    ReplyDelete
  29. Unknown7 September 2009 at 05:58

    انا اهم حاجة عايزة افهمها واحس بيها دلوقت

    اللي كتب حرب الجواسيس
    بيفهم ازاي؟ وحاسس بايه؟

    ReplyDelete
  30. amr imam7 September 2009 at 06:04

    منا قولتلك قبل كدة ان احنا ربنا رزقنا بشوية بقر هل تعتقدى يا استاذة ان فى يوم من الايام البقر يفهم ولا يحس دة بقا ممكن يحصل يوم القيامة بس يعنى عاوزلة معجزة ادعى ربنا بقا يوم لية القدر

    ReplyDelete
  31. Unknown7 September 2009 at 06:04

    على فكرة يا عمرو
    بمناسبة صلاح جاهين
    كنت قريت بحث كانت واحدة صاحبتي بتترجمه
    بحث علمي كانت بتترجمه لطبيب نفسي عن القدرات الذهنية

    وكانوا عاملين هرم وقاسمين الهرم اتنين نص ابداع علمي ونص ابداع فني/ادبي الخ

    وعلى قمة الهرم مين؟

    الشعراء
    اعلى من اينشتاين

    ReplyDelete
  32. Kalimalhus7 September 2009 at 06:05

    لا يا فندم أنا ماكنش قصدى أغلس .. إنتى قلتى مسموح بالفتى قمت أفتيت :)

    ثاينا بتتخانقى مع تفاتيفو على إيه هو صح و إنتى صح .. الكتاب كتبه إبن رشد و حققه محمد عمارة و ده أكتر من كتابة المقدمة ليه .. و على فكرة لو فى دار الكتب و دورت على الكتاب حسب إسم المؤلف هاتلاقيه تحت إسم محمد عمارة مش لأنه كتبه و لكن الكتب التراثية تنسب لمن حققها تحسبا لفقدان إسم المؤلف فى بعض الأحيان .. يعنى فيه كتب ترائية لا يعرف من ألفها و لكن هيتعرف مين حققها ..

    طبعا إحنا عندنا الموضوع سمك لبن تمر هندى لأن مش كل كتب التراث المنشورة محققة و دى داهية من الدواهى ماحدش حاسس بيها و لا مستعنيها أصلا..

    ReplyDelete
  33. amr imam7 September 2009 at 06:08

    بصى لو عندك وقت ادخلى على المدونة عندى هتقراءى قصيدتين
    وعاوز اعرف راءى حضرتك فيها ممكن

    ReplyDelete
  34. Unknown7 September 2009 at 06:08

    مهندس حر

    لا يافندم انت تفتي زي ما انت عايز

    بس اصلك قعدت تقول لي الاحساس ده علاقة بالحواس

    ههههههههههههههههههههههه

    ساعات بتطلب معاك كده
    هههههه ابتديت احفظك لما بتجيلك الحالة

    انا مش باتخانق مع مصطفى
    انا باقول له ده ابن رشد
    فقال لي محمد عمارة ده هايل
    يابني انا عارضة كتاب ابن رشد
    لا بس محمد عمارة موقعه ممتاز بصراحة

    ههههههههههههههههههههه

    احنا فوتنا كلنا
    اهو رمضان قرب يخلص

    الا قولوا لي يا شباب

    بالنسبة لحرب الجواسيس بيحسوا بايه ويفهموا ايه؟

    ReplyDelete
  35. Ahmad Hossny7 September 2009 at 06:20

    العقل بإختصار هو القدرة على التحكم سواء في النفس أو في الشهوة أو غيره (ممكن نقول ضبط النفس عن الشطط).. و مصدرها اللغوي عقل يعقل عقلاً بمعنى ربط يربط ربطاً

    أما الحكمة فهي القدرة على الحكم و عادة تكون مبنية على الخبرة و التجارب الكثيرة مما أدى إلى معرفة واسعة بالنتائج المحتملة للأفعال المختلفة

    أما المعرفة و العلم و البديهة و الذكاء و الحفظ و غيره فكلها من وظائف المخ و تتكامل مع بعضها لتكون شخصية الإنسان

    هذا رأيي و الله أعلم
    و يحضرني هنا نقاش دار بين عباس العقاد و الدكتورة بنت الشاطئ عن الإختلاف بين نوعي الرجل و المرأة


    و شكراً
    أحمد حسني
    qasaqis.blogspot.com

    ReplyDelete
  36. Kalimalhus7 September 2009 at 06:21

    الإنسان المصرى من فصيلة السيناريست .. (ده لغاية ماحضرتك بقى تتخرجى و تحترفى كتابة سيناريو).. :) لا بيفهم و لا بيحس..

    المشكلة عندنا هى الإستسهال و إنعدام الحرفية و فقر الخيال و قلة إحترام عقول الآخرين نتيجة لتورم الأنا العليا..

    بصى نتيجة إنى مهندس معمارى ففيه حتة مشتركة بينى و بين كاتب السيناريو و الروائى .. و هى إننا بنتناول أمور مالناش خبرة أو دراية كاملة بيها ..

    يعنى أنا مش طبيب لكن ممكن أصمم مستشفى و السيناريست ممكن يكتب مسلسل عن أطباء فى مستشفى .. إحنا علمونا فى الكلية أيام ماكانوا لسة بيعلموا فى الكليات إننا ندرس موضوعنا و نجمع المعلومات اللازمة لفهم النشاط اللى هيتم فى المبنى اللى هنصممه .. و المفروض إن أى سيناريست يجمع كل المعلومات اللى يحتاجها عن موضوعه و أشخاصه و الأماكن اللى هتدور فيها الأحداث..

    الحاج المخرج و الأخ مهندس الديكور و مدير التصوير مع مهندس الإضاءة لازم يدرسوا أمور تانية تتعلق بتفاصيل الصورة اللى هيشوفها المشاهد و إن عناصر الصورة دى سليمة .. و الأخ المخرج مسئول عن إن حركة الممثلين و طريقة أداءهم تبقى منطقية و متوافقة مع الشخصية اللى بيقدموها..

    آخر الكلام .. مفيش حد فى مصر بيعمل الهوم وورك بتاعه .. حتى الواد دودو إبنى بيطلع عينى معاه و فى الآخر أنا اللى بعمله الهوم وورك عشان أخلص .. تفتكرى دودو ممكن يبقى مخرج كويس؟

    ReplyDelete
  37. Unknown7 September 2009 at 06:23

    هههههههههه
    حرام عليك

    محمد دياب بيفهم وبيحس

    ReplyDelete
  38. Unknown7 September 2009 at 06:23

    احمد حسني

    لا احنا بنفتي بس

    عجبتني الفتوى

    ReplyDelete
  39. amr imam7 September 2009 at 06:27

    قراءتيهم يا استاذة

    ReplyDelete
  40. Kalimalhus7 September 2009 at 06:27

    قريتى اللى كتبه تشومسكى ده:

    http://openanthropology.wordpress.com/2009/09/06/noam-chomsky-dialogue-on-the-responsibility-to-protect/

    لو ماسبقلكيش عرفتى البلوج اللى منزل المقال فياريت تتابعيه لأنه غالبا هايعجبك

    ReplyDelete
  41. amr imam7 September 2009 at 06:28

    قراءتيهم يا استاذة

    ReplyDelete
  42. amr imam7 September 2009 at 06:41

    على العموم ابقى اقراءيهم برحتك
    وقوليلى رءيك

    ReplyDelete
  43. Unknown7 September 2009 at 06:47

    عمرو انا سبت لك تعليق

    مهندس حر

    متشكرة قوي على اللنك
    شالله تسلم وتعيش
    انت عارف انا مدمنة تشومسكي

    وحرب الجواسيس

    ReplyDelete
  44. دكـــــتور جدا7 September 2009 at 06:55

    طيب مفيش مشاكل

    ReplyDelete
  45. أحــوال الهـوي7 September 2009 at 08:36

    وهل يفتي و نوسه ملحوسه في المدونه

    انت صح و ميه ميه انت فله

    يا دنجل جلسة كهربا هنا و صايه

    تحياتي

    ReplyDelete
  46. البنفسج الحزين7 September 2009 at 11:27

    ممكن ترحمونا شويه من جدال البيضه ولا الفرخه بتاعكوا ده.وبلاش فتاوي بقا احنا في رمضان .

    ReplyDelete
  47. amksep7 September 2009 at 12:56

    أنا عايز أحيي مهندس حر
    عقلية ممتازة و أسلوب سلس و تعليقات قيمة

    أشكرك

    ReplyDelete
  48. soreal7 September 2009 at 13:20

    this is my opnion :)

    3ql is the ability of logical thinking
    i believe every body is capable of doing it, if they want to.

    hekma is what you get when you reach the ultimate logical thinking point .. it only comes with practice.. and hence it needs discipline and persistence. quiet the rare qualities among humans these days.

    there are various kinds of hekmas, so to say that a poet is more wise than a scientist is not right.. because both has different kinds of hekmas...
    you simply shouldnt compare apples and oranges..

    to me, to say that a master of talk (poet) is hakeem is not acceptable. art is a gift, and some of the stupidest can be among the greatest artist...

    we arabs love to think that the art of talk is the ultimate sign of braininess...
    we da howa elly gabna wara :P

    we also needs to reconsider the image that a scientist is only knowledgeable in what they do for a living...

    for example a lot of the physicists of the early twentieth century ended up writing loads of philosophy books because of their experience with relativity and quantum mechanics
    their works revolutionized the fields of modern philosophy.

    physics it self is an offspring of philosophy... so there...

    we also need to grow over the notion of specialization and categorization.. because this is not what a human is/can be

    ReplyDelete

Note: only a member of this blog may post a comment.