Monday 20 July 2009

كفى بك ذلا أن تعيش وترغما

أيها الناس، إن رسول الله صلى الله عليه وسلم قال: من رأي سلطانا جائرا مستحلام لحرم الله، ناكثا لعهد الله، مخالفا لسنة رسول الله صلى الله عليه وسلم، يعمل في العباد بالإثم والعدوان فلم يغير ما عليه بفعل ولا قول، كان حقا على الشيطان أن يدخله مدخله. ألا وإن هؤلاء قد لزموا طاعة الشيطان، وتركوا طاعة الرحمن، وأظهروا الفساد، وعطلوا الحدود، واستأثروا بالفئ، وأحلوا حرام الله، وحرموا حلاله، وقد أتتني كتبكم ورسلكم ببيعتكم، وأنكم لا تسلمونني ولا تخذلونني، فإن أقمتم على بيعتكم تصيبوا رشدكم، وأنا الحسين بن علي بن فاطمة بنت رسول الله، نفسي من نفسكم وأهلي من أهلكم، فإن لم تفعلوا ونقضتم عهدي، وخلعتم بيعتي، فلعمري، لقد فعلتموها بأبي وأخي وابن عمي مسلم بن عقيل، والمغرور من اغتر بكم.
.............
سأمضي وما بالموت عار على الفتى
إذا ما نوى خيرا وجاهد مسلما
وواسى رجالا صالحين بنفسه
وخالف مثبورا وفارق مجرما
فإن عشت لم أندم وإن مت لم ألم
كفى بك ذلا أن تعيش وترغما
الامام الحسين في خطبته لاهل الكوفة

الظلم ظلمات يوم القيامة
كل اسراء ومعراج وانتوا طيبين

 
at

28 comments:

  1. Unknown20 July 2009 at 03:27

    لا مؤاخذة ماحدش علق غير بهيج وانا مضطرة ارد عليه عشان سعادته منزل لي ايات قرآنية زي ما يزيد كده كان بيستشهد بالقرآن عشان يثبت ان له حق يقتل الحسين

    انت يا عم بهيج راجل مليونير وزعلان من الشعب عشان مش مديلك فرصة تسرقه زيادة؟

    شقق ايه اللي ندفع ايجارها؟

    حضرتك على قلبك فلوس قد كده والله اعلم بتشتغل في انهي جهاز وتتجسس على الناس وترازيهم وفيه ناس في البلد دي وكلاء وزارة ومالهمش سكن

    عشان انتوا بتاخدوا فلوسهم
    اراضي ايه اللي ترجع لكوا يا حرامية يا نصابين هي كانت الاراضي دي جبتوها منين غير من شغلكوا مع الانجليز وتملقكوا لافندينا وافتراكوا على مخاليق ربنا وتقولوا اصل الفلاحين ما يستاهلوش غير المعاملة دي والا يتمرعوا

    قال يرجعوا الاراضي قال
    هاتوا الفلوس اللي عليكوا

    ReplyDelete
  2. Unknown20 July 2009 at 03:29

    ما تشوف لك شغلانة في ولاية فيرجينا اللي انت قاعد فيها دي
    دي من اكتر الولايات عنصرية ضد العرب والمسلمين
    بدل ما انت قاعد تقرف فينا كده

    مش عندك فلوس
    ما تصرف فلوسك على خدمة اهلك بدل ما انت نازل لعن فينا وتقرفنا احنا

    هو احنا ناقصينك انت واللي مشغلك؟

    ReplyDelete
  3. Kalimalhus20 July 2009 at 06:02

    أولا .. اى تذكير بكربلاء و إستشهاد إبن بنت الرسول عليه الصلاة و السلام .. بتخنقنى خنقة غير عادية .. يعنى أشكرك شكر مالوش آخر على زيادة نكدى و حرقة دمى..

    ثانيا .. أنا لسه قارى المقال ده لفهمى هويدى
    http://fahmyhoweidy.blogspot.com/2009/07/blog-post_20.html
    حاجة تجيب الذبحة و السكتة الدماغية لولا ستر ربنا..

    ثالثا.. إنتى إنسانة مفترية و ظالمة و سادية و إحنا نستاهل إننا بنيجى المدونة بتاعتك لأننا يا إما عالم ماسوشيين يا إما شلت و ما بنحسش..

    رابعا .. مفيش رابعا.. و ألا أقولك رابعا .. الضرب فى الميت حرام لأنك مهما رفستى فيه مش هيقوم .. إردمى علينا و صوتى و ألا أقولك ماتصوتيش خسارة تتعبى صوتك ..

    ReplyDelete
  4. into20 July 2009 at 09:15

    ده حديث ولا تهييس ؟؟ علشان أنا بحثت عن أي مصدر له و لم أجد شيئا

    ReplyDelete
  5. Unknown20 July 2009 at 11:27

    شوفى ده مهم اووووووى
    http://ielsakka.blogspot.com/2009/07/blog-post_19.html

    و انصحك تنشريه فى بوست خاص

    ReplyDelete
  6. mohamad20 July 2009 at 12:14

    اللهم صلي وسلم على رسول الله وعلى آله وصحبه وسلم تسليما كثيرا

    ReplyDelete
  7. Unknown20 July 2009 at 12:29

    helpF1

    ده حديث
    وانت مش لاقيه عشان بحثت عليه على النت مش من مصادر كتب

    بسبب سيطرة الوهابيين على المواقع الدينية احاديث كربلاء وتفاصيلها وخطبها خفيانة خالص
    دور في الذهبي وابن كثير والطبقات
    وتحقيقات بنت الشاطئ والفتنة الكبرى لطه حسين وعند العقاد وجودة السحار

    الخطبة دي موجودة عندهم كلهم

    الخطبة دي الشيوخ السلفيين مش بيحبوها

    اذا كان فيهم بهايم بيقولوا الحسين كان غلطان

    اقول لك
    اعمل سيرش على كلمة: هل أخطأ الحسين

    وانت تقرا العجب

    لما الحسين يبقى غلطان
    امال مين اللي صح؟
    يعني الحسين غلطان ويزيد راجل صالح، يقتل الناس ويقتل ابن الرسول ويقتل الصحابة والتابعين ويبقى مسلم برضه
    طب الاسلام جه ليه بقى؟ ايه لازمته يعني؟

    كل ده عشان حكامهم شبه يزيد، الله، طب ما خليهم يدافعوا عن حكامهم انما يوصل الامر انهم يغلطوا الحسين عشان يدافعوا عنهم؟

    ReplyDelete
  8. mohamad20 July 2009 at 12:38

    helperF1

    http://www.rafed.net/books/tarikh.html

    كتب تاريخ بتحكي عن فترة إضطهاد أهل البيت وسيرتهم

    أكيد هتلاقي فيها حاجات مفيدة

    ReplyDelete
  9. سبهللة20 July 2009 at 13:40

    وانتى طيبة يا ختى

    ReplyDelete
  10. مواطن مصري20 July 2009 at 16:58

    تصدقي ب اية يا نوارة انا عمال ادور على كتب عن الامام علي و مقتل الحسن و الحسين

    سواء مكتبات او

    نت
    كل المواقع اما شيعة

    اما وهابية

    ReplyDelete
  11. مواطن مصري20 July 2009 at 16:58

    مش نجحت الترم الثاني

    ReplyDelete
  12. Unknown20 July 2009 at 17:25

    مواطن
    الوهابيين قافشين على الحسين كأنه حسن نصر الله مثلا

    عشان يبرروا اللي هم فيه ويحرموا على الناس اي محاولة للتغيير للاحسن طالعين لنا في مودا جديدة ان الحسين كان غلطان وان يزيد كان راجل كويس
    عشان هم بيحرموا الثورة على الحاكم او اي محاولة لتغييره، فطبعا الطبيعي اي انسان مسلم طبيعي ح يقول: يعني الحسين كان غلطان؟ يقوموا بمنتهى البجاحة يقولوا ايوة
    بس مش عارفة ح يقولوا على سيدنا محمد غلطان امتى؟

    !!!!!!!!!!!!!!!

    السؤال: طب احنا مسلمين ليه؟
    وللا ضحكوا علينا كل العمر وده وفهمونا ان سيدنا محمد هو النبي بينما طلع الحقيقة ان ابو سفيان هو النبي؟

    بعيد عنك، الشره على السلطة وتبرير قهر الناس افسد لهم مخهم

    امال هم سمنة على عسل مع اسرائيل ليه؟ عشان نفس المخ

    ReplyDelete
  13. مواطن مصري20 July 2009 at 17:35

    العيب على الانتين

    خلو الثورة ثورتين و الامام امامين


    دة عيب اقحام الدين في لسياسة

    يعني

    انا مؤمن بسيدنا محمد و اصحابة و ماشي على كتاب الله و سنة

    انما انا ارفض الوهابيةالي تكفر الشعية

    كما ارفض الشيعة الي بتشتم في الصحابة

    عشان كدة بقول ان احنا مسلمين و بس

    ولا اعترف ب المسميات المذهبية

    ReplyDelete
  14. Unknown20 July 2009 at 17:37

    مين الاتنين اللي العيب عليهم؟

    ReplyDelete
  15. مواطن مصري20 July 2009 at 18:03

    الوهابية و الشيعة

    ReplyDelete
  16. Unknown20 July 2009 at 18:05

    ااااه

    استغفر الله العظيم ان بعض الظن اثم، انا قلت مواطن اتخبط في عقله وح يقول الحسين غلطان
    معلش سامحني على سوء الظن احنا اصلنا في زمن كل حاجة فيه ممكن تحصل

    ReplyDelete
  17. مواطن مصري20 July 2009 at 18:11

    انتي تعرفي عني كدة يا نوارة

    ReplyDelete
  18. Unknown20 July 2009 at 18:39

    والله يابني انا بقيت اشك في نفسي
    يعني مثلا عندك اذاعة القرآن الكريم

    اسمع علك تستفيد:

    "وكان الرسول صلى الله عليه وسلم رياضي، لأن العقل السليم في الجسم السليم ولان الرياضة بها منافسة شريفة" وبرنامج طويل عريض بيتكلم عن الرسول على انه لعيب كورة استغفر الله العظيم

    وبعدين برنامج تاني: وكان زياد ابن ابيه يتميز بالذكاء وهذا لا يعني انه كان غير تقي ثم ان من حكمة يزيد!!! ما سمعتش الباقي
    الدنيا قطعت مية وكهربا بس تقريبا كانوا بيقولوا: يزيد ما كانش بيشرب خمرا وكان بيصلي
    وما عملش ذنب غير هو قتل الحسين بس ح تمسكوهاله بقى؟

    طب دي اذاعة القرآن الكريم
    قول لي انت
    تثق في مين بعد كده
    لو قالوا لك ظبطنا نوارة لابسة بدلة رقص وبترقص عشرة بلدي في ميدان التحرير ممكن تصدق بعد كده

    ReplyDelete
  19. into21 July 2009 at 00:49

    طيب ممكن لو سمحتي تنشري سند الحديث ؟

    ReplyDelete
  20. Unknown21 July 2009 at 01:08

    حاضر ح اطلع الطبقات وانزل السند

    ReplyDelete
  21. حسن على21 July 2009 at 13:47

    سؤال لم اعرف لة اجابة:اية هية حجية ال رسول اللة فى ان يكون لهم مكانا مميزا بين الناس ,غير قولنا فى التشهد"اللهم صلى على سيدنا محمد, وعلى ال سيدنا محمد" بما يعنى اننا نطلب عون اللة لهم ولحمايتهم من اعداء الدين. اما باقى ايات القران كذلك الاحادبث فهى تساوى بين المسلمين جميعا؟؟؟ فلو ان فاطمة بنت محمد سرقت لقظعت يدها" ولافضل لعربى ,والناس سواسية كأسنان المشط الخ..... فمنين بقى جائت العصمة لأل رسول اللة وابناؤة بل واحفادة. نورى المحكمة من فضلك واحسانك

    ReplyDelete
  22. Unknown21 July 2009 at 19:30

    الاخ هلب اللي طلع تلاتيني تدوير عشان هو مش عايز يدور

    البداية والنهاية لابن كثير
    الجزء الثامن
    صفة مقتل الحسين
    بداية من ص 544 ال ص 573
    الحديث مذكور من عدة اوجه وبعدة صيغ

    ReplyDelete
  23. Anonymous21 July 2009 at 21:43

    كل سنة و أنت طيبة
    يا نوارة

    ReplyDelete
  24. حسن على22 July 2009 at 02:49

    السؤال رقم واحد وعشرين ممكن اعرف اجابتة مش من باب الغلاسة واللة بس حاسس ان عندك اجابة ولوتقريبية من غبر اسناد يعنى

    ReplyDelete
  25. into23 July 2009 at 03:50

    الاخت نواره

    معلش يا ستي ، و الله مش قصدي اتعبك ابدا.
    انا دورت قبل ما اسئلك و لكن لم اجد شيئا, و بعدين هي الاصول كده
    من يقول شيء و يريد ان يؤخذ على محمل الجد يجب ان يذكر المصدر.

    و بعدين انا دورت في البدايه و النهايه في الجزء الثامن و لم اجد شيئا

    نعم انا بحثت في نسخ الكترونيه و لكن ده مش معناه انها غير موثق بها
    مثلا موقع الدرر السنييه اللي اوصي باستخدامه احد العلماء الثقات
    دكتور طارق سويدان
    كذالك نسخة البداية و النهاية من موقع اسلام واي
    و عدة مواقع اخرى
    و لم اجد شيئا

    كتاب من امهات الكتب مثل البدايه و النهايه موجود على النت عشرات ان لم يكن مئات المرات
    اختاري اي سطر بصورة عشوائيه من الكتاب و ابحثي عنها بجووجل و ستجدي عشرات النتائج
    و لكن ابحثي عن نص روايتك ولن تجدي شيئا!!

    هل هي نظرية المؤامره؟؟؟

    http://www.islamway.com/index.php?iw_s=library&iw_a=bk&lang=1&id=1170

    http://www.al-eman.com/islamLib/viewchp.asp?BID=251&CID=130#s2

    http://dorar.net/

    ReplyDelete
  26. into23 July 2009 at 03:55

    و كمان ويكي مصدر مافيهوش حاجة
    http://ar.wikisource.org/wiki/%D8%A7%D9%84%D8%A8%D8%AF%D8%A7%D9%8A%D8%A9_%D9%88%D8%A7%D9%84%D9%86%D9%87%D8%A7%D9%8A%D8%A9/%D8%A7%D9%84%D8%AC%D8%B2%D8%A1_%D8%A7%D9%84%D8%AB%D8%A7%D9%85%D9%86/%D9%81%D8%B5%D9%84_%D9%85%D9%82%D8%AA%D9%84_%D8%A7%D9%84%D8%AD%D8%B3%D9%8A%D9%86_%D8%B1%D8%B6%D9%8A_%D8%A7%D9%84%D9%84%D9%87_%D8%B9%D9%86%D9%87

    ReplyDelete
  27. Unknown23 July 2009 at 04:03

    لا مش معقول يكونوا مغيرين في النسخة الالكترونية

    الكتاب جنبي اهو، معقول يكونوا شالوها لما حملوها على النت؟

    ده يبجى كلام واعر جوي

    طب نزل الطبقات بقى ودور في الجزء الرابع والخامس

    ح تلاقيه اكيد

    ReplyDelete
  28. حسن على23 July 2009 at 17:37

    فى رواية "عزازيل" للدكتور يوسف زيدان ,الترقيم الالكترونى وحجم الصفحة مختلف عن النسخة المطبوعة فى دار الشروق مثلا

    ReplyDelete

Note: only a member of this blog may post a comment.