Friday, 13 March 2009

الله يعزك يا سيد حسن

الله يعزك يا شيخ
الله يعزك
الله يعزك
الله يعزك
الله يعزك
ياااااااااااااااااااااااااااااااااااا ررررررررررررربببببببببببببببب
آمين
يارب يديله الصحة وطولة العمر لحد ما اموت انا، وماليش دعوة بيكوا بعد ما اموت بقى يجرا لكوا اللي يجرا لكوا انا مالي
الا هي الكرامة، والعياذ بالله، بدعة رافضية برضه زي عروسة المولد والصواريخ؟
حد يجيب لي الفيديو بقى
at

36 comments:

  1. مواطن مصري13 March 2009 at 23:45

    طيب قولي طفاطيفو يجبلنا الفيديو؟؟

    ReplyDelete
  2. 77Math.14 March 2009 at 00:08

    آمين

    ReplyDelete
  3. TAFATEFO14 March 2009 at 00:11

    وحياتك يا مواطن يا خويا طفاطيفو مبيشوفش التليفيزيون غير هلس .. كوره وأفلام بس

    حكم القوي

    آديني بقرأ مضمون الخطاب على موقع المنار أهو

    خد لنك واسكت

    http://www.almanar.com.lb/NewsSite/NewsDetails.aspx?id=77364&language=ar

    ReplyDelete
  4. مواطن مصري14 March 2009 at 00:15

    تصدقي اناا بكرة حماس في غبائها السياسي بس بحب سماحة السيد حسن نصر الله

    ReplyDelete
  5. احمد سعيد14 March 2009 at 00:39

    ههههههههههههههه
    استعدوا بقى لمقالات الجرايد بكرة
    من نوعيه
    العميل الايرانى يقود خطه لتفكيك الجبهه العربيه
    واعلان قيام دوله كسرى
    وانه بقى اييييييييه
    اتنرفز وزعل لما لقى عوكل
    كبير الزريبه
    بيبوظ عليه خطته
    وبيلم شمل العرب من تانى
    فى القمه المباركه الاخيرة

    واخدين بالكم من مباركه دى ؟؟؟

    ReplyDelete
  6. Unknown14 March 2009 at 00:46

    طب ويعجل ساعتي انا كمان يا مصطفى لو سمحت ادعي لي

    بس خليه هو بعدينا قاعد شوية يمكن ينفع الناس بحاجة

    ReplyDelete
  7. احمد سعيد14 March 2009 at 01:14

    معلش يا جماعه
    انا عارف انى نكدى

    ومعلش تانى يا نوارة
    هخرج عن موضوع البوست

    اقروا مقاله الاستاذ فهمى هويدى دى كدة


    حين طالعت الصحف المصرية بعد غيبة خمسة أيام عن البلد، لم يستوقفني في أخبارها الداخلية سوى الخبر الذي نشرته صحيفة «الشروق» في (5 - 3) على صفحتها الأولى تحت العنوان التالي: حفلة تعذيب في قسم شرطة أبو النمرس (مدينة تقع جنوب محافظة الجيزة). وفي تفاصيل الخبر أن رجلا وزوجته من أهالي محافظة المنيا يعملان حارسين لإحدى مزارع المواشي في المدينة، اكتشفا ذات صباح في (21 /2) اختفاء بقرتين ونعجة وخروفين من المزرعة، التي سارع أصحابها إلى اتهامهما بالسرقة.

    أمام إصرار الرجل (ياسر) وزوجته (جميلة) على النفي، فإن الأمر وصل إلى قسم شرطة المدينة. وهناك أمر معاون مباحث القسم (النقيب مدحت. ز ) بالقبض عليهما، وحرر لهما المحضر رقم 2235 لسنة 2009 بل وأمر باحتجاز شقيقة الحارس وابنه البالغ من العمر ثماني سنوات. بعد ذلك تطور الأمر على النحو التالي، كما جاء على لسان الزوجة في بلاغ قدم إلى النائب العام ووزير الداخلية: قام معاون المباحث بهتك عرض زوجي في حضور عدد من أفراد الأمن. حتى إنه أدخل عصا غليظة في مؤخرته، ثم قام بعد ذلك بإدخال خرطوم مياه، وخيره بين استمرار تعذيبه وبين الاعتراف بالسرقة أو اتهام شخص على خلاف مع أصحاب المزرعة. وحين لم يستجب الزوج لهم، قام النقيب المذكور بصعقه بالكهرباء.

    في البلاغ أضافت الزوجة قائلة: بعد ذلك قام معاون المباحث وعدد من الأمناء بالاعتداء علينا بالسب والضرب، ثم أمروني أنا وشقيقة زوجي بخلع جميع ملابسنا. وعندما رفضنا انهالوا علينا بالضرب، فامتثلنا ووقفنا عاريتين أمام المعاون وبعض الأمناء. وتم إحضار زوجي وطلبوا منه مجددا الاعتراف بالسرقة، أو اغتصابي أنا وشقيقته أمام عينيه. في تلك اللحظة انهار زوجي واعترف لهم بما يريدون، لننجو من الاغتصاب.

    لا نعرف ما حدث بعد ذلك، وإنما نستطيع أن نتصوره، فضلا عن أن الأهم في الموضوع هو الوقائع التي ذكرتها الزوجة المفجوعة. لكننا علمنا من الخبر المنشور أن مأمور قسم أبو النمرس استبعد أن يكون رجال المباحث قاموا بتلك الأفعال، وانصب تعليقه على الدفاع عن وزير الداخلية، حيث ذكر أن تعليماته «واضحة وصريحة، وتنص على عدم إجبار أحد على الاعتراف بارتكاب الجرائم. وإذا ما أصر أي متهم على البراءة. يتم تحرير محضر له ويحال إلى النيابة العامة لتتولى التحقيقات».

    ما صدمني ليس فقط التفاصيل التي وردت في البلاغ، ولكن أيضا أن الخبر المنشور اعتبر حدثا عاديا تم تجاوزه في اليوم التالي، ونسيانه مع نهاية الأسبوع. وإذ لا أشك في أن السماوات اهتزت لبشاعة ما جرى، فإن أحدا لم تهتز له شعرة في مصر. إذ لم أجد في صحف الأيام التالية أن وزارة الداخلية كذبت الوقائع أو حققت فيها، ولم أجد أي صدى للحادثة لدى منظمات حقوق الإنسان، فيما هو معلن على الأقل. حتى المحرر المختص بـ «الشروق» لم يتابع تطورات الفضيحة.
    لأن مشاهد القصة تتراءى أمام عيني في اليقظة، في حين تحولت إلى كابوس يلاحقني في المنام، لم أجد بدا من استعادتها ووضعها بين أيدي الجميع، علها تكون جرس إنذار ينبه إلى الحاصل ويحذر من الآتي. على الأقل قبل أن تعمم هذه الأساليب في استنطاق المواطنين!


    !!!!ايه دة؟؟؟


    طب بذمتكوا
    الكائن اللى يعمل كدة

    حلال فيه القتل ولا لأ ؟؟؟؟؟

    ReplyDelete
  8. AMOON14 March 2009 at 01:16

    السلام عليكم..انا بستقرالك واللهي يا مودموزيل من مدة كدة ومعجبن اوي باللي جوة جمجمتك .تسلم البطن اللي شالتك ونورت بيكي الدنيا ياست العاقلين.الحقيقة كمية السقافة اللي بتخرجي يها علينا ورؤيتك للامور الاستبطانية من الواقع خلاني اتنحرر واخلي المدام حرمي تواظب علي مدوناتك عشان تشرب جرعتين فسلفة من بتوعكوتبقي فيها شويةتين منك والحقيقة هي قطعت عليا كل الطرق وقالتلي طالما انتي عاجباني كدة افقعك الرسالة دي عربون تعارف وتبادل ثقافات .....بنسواريية عشان انا جعان بقي ولازم احلق دقنييا نوارة ....اخوكي مسيو امون باريس .فرنسا البلد

    ReplyDelete
  9. 77Math.14 March 2009 at 01:45

    لما تكون العلاقة طردية قوي كدا ..

    ممكن ندعي بحاجة من اتنين

    بدل ما تدعوا على نفسكم

    قولوا: ربنا يطول عمرك يا عوكل ويخليك لينا

    والعلاقة طردية، معناها بتدعو على نفسكم، على ضمانة الرياضة ..

    بس عشان حرام تدعو على نفسكم يعني


    سنترال رياضة 24-7

    أي خدمة

    ReplyDelete
  10. Anonymous14 March 2009 at 02:36

    أعلنت إدارة الرئيس الأميركي باراك أوباما الجمعة إسقاط صفة "عدو مقاتل" كأساس لاحتجاز المعتقلين في غوانتانامو.

    وقالت وزارة العدل إن قوانين الحرب الدولية التي أقرها الكونغرس الأميركي ستكون أساس أي عملية احتجاز لمعتقلي غوانتانامو، موضحة أن مؤيدي تنظيم القاعدة وحركة طالبان يمكن اعتقالهم إذا كان تأييدهم للتنظيمين ملموسا.

    وقال وزير العدل الأميركي إيريك هولدر في بيان إنه من الضرورة أن "نعمل مستقبلا على نحو يعزز أمننا الوطني ويتوافق مع قيمنا والقانون".

    واعتبرت مراسلة الجزيرة وجد وقفي القانون الجديد "صفعة" للجمهوريين وللقوانين التي أقرت خلال فترة الرئيس الأميركي السابق جورج بوش. وأضافت أن فترة بوش شهدت قوانين باعتقال أشخاص دون وجود أدلة بدعم القاعدة.

    كما أوضحت أنه اعتبارا من اليوم فإنه لا توجد لدى الرئيس الأميركي ولا حكومته صلاحية اعتقال أحد دون أن يثبت تقديمه دعما كبيرا للقاعدة.

    وكان الرئيس باراك أوباما وقع في يناير/كانون الثاني الماضي مرسوما بإغلاق معتقل غوانتانامو في غضون عام واحد, كما قرر وقف الأساليب القاسية في التحقيق مع المشتبه في تورطهم بالإرهاب.

    L

    ReplyDelete
  11. Anonymous14 March 2009 at 02:40

    أضربت بروفيسورة و محاضرة سعودية في جامعة الملك عبد العزيز عن الطعام؛ بسبب ‏الرفض المستمر من قبل والدها لأي عريس يتقدم لها بحجة أن العرسان "غير مناسبين".‏ودعت المحاضرة، التي تبلغ من العمر 37عاماً، جمعية حقوق الإنسان وفروعها في المناطق إلى سرعة التدخل ‏لإنقاذها وأخريات يتعرضن إلى العضل من قبل آبائهن وأولياء أمورهن، الذين يتذرعون بحجج واهية على حد ‏قولها

    وهددت الشابة، التي تمنعها ظروفها ومكانتها الاجتماعية من مقاضاة والدها، بالزواج سرا عند تأكدها من عدم ‏استجابة ولي أمرها وإصراره على رفض العرسان.‏وقالت المتضررة لصحيفة سعودية حياتي الآن أشبه بالجحيم، فقطار الزواج أوشك أن يغادر محطتي، وأريد أن ‏أصون نفسي وكرامتي، غير أن والدي لا يكترث بذلك ويبحث فقط عن المال

    وأضافت المحاضرة الجامعية "تقدم لي خمسة عرسان من عائلات جيدة، ولكن أبي رفضهم بحجة أنهم ليسوا ‏قبليين، وحجته الجاهزة دائما "غير مناسبين"، مشيرة إلى" أنها تعد والدها بعدم قطع المصروف الذي يأخذه منها ‏شهريا "2000 ريال""، مؤكدة" أنها لا تريد سوى تحصين نفسها، ولاسيما أنها تذهب يوميا من منزل والدها في ‏مكة المكرمة إلى الجامعة في جدة مع سائق أجنبي".‏وكانت جمعية حقوق الإنسان تدخلت لحسم قضية 61 فتاة في الرياض، جدة، مكة، جازان، والشرقية حرمن من ‏الزواج بسبب عضل الآباء وأولياء الأمور، ورفعت الفتيات قضايا على أسرهن في المحاكم

    ReplyDelete
  12. الكلمة نور14 March 2009 at 03:01

    http://www.altawasul.com/mfaar/opp%20eds/op%20eds-%20arab%20writers/
    محدش يفهمنى غلط ياجماعة ومن غير اتهام الغباوة والجهل
    دا موقع الخارجية الاسرائيلية وتحديدا صفحة المقالات العربية طبعا معروف وانتم اتكلمتوا عنه قبل كده
    كله مقالات من جرايد مرموقه لكتاب مشهورين طبعا مقالات فى صالح اسرائيل
    المهم انه فيه مقالتين من الاهرام عن ايران ودورها فى شرذمة وكلكعة الوضع العربى والمنطقة والكلام الكبير ده كله
    وطبعا من حيث ياتى الشئ لا يستغرب اللى عايز اقوله حاجه واحده بس
    ان مش معنى ان الانظمة الغبية ضد ايران نبقى احنا مع ايران واللى مع
    ايران على طول الخط
    صحيح السيد حسن نصر الله رفع راسنا بس هوا عنده اجنده
    واجندته عقائدية صرفة
    ان بس محتاج اقول ان احنا كفاءة نعمل من اى بطل ديكتاتور بالتأييد منقطع المية والنور
    بس نقرا الناس دى عايزه ايه
    مننا كدول محسوبة سنيه
    وبعد كده التاييد بحدود وسقف
    بسم الله الرحمن الرحيم
    "ولا يجرمنكم شناّن قوم على ألا تعدلوا اعدلوا هو اقرب للتقوى واتقوا الله ان الله خبير بما تعملون"

    يجرمنكم يعنى يحملنكم
    شناّن يعنى كره
    والفكره ان مش دايما عدو عدوى يبقى صديقى
    اعمال العقل ابتاغاء العدل فى الحكم على الحاجات شئ فيه من تقوى ربنا كتير

    بس بقه تصبحوا على خير

    ReplyDelete
  13. Unknown14 March 2009 at 03:44

    دول سنية ايه وعدو عدوي ايه؟
    ايه القرف ده؟

    ReplyDelete
  14. Anonymous14 March 2009 at 04:26

    اللهم اعز المسلمين و وحد كلمتهم و رايتهم و جمعهم علي لا اله الا الله
    قولوا امييييييييين

    ReplyDelete
  15. airprince14 March 2009 at 09:54

    نوارة.. ما تكلمينا عن موضوع قسم ١٥ مايو، هو في ايييه؟

    ReplyDelete
  16. احمد سعيد14 March 2009 at 10:37

    77ماث
    ..............

    حراااااااااااااااااام
    حراااااااااااااااام عليكى
    ايه القسوة دى؟؟؟؟؟

    لا

    ندعى على نفسنا احسن

    ReplyDelete
  17. TAFATEFO14 March 2009 at 13:21

    @الكلمة نور

    ما هو فعلاً مش شرط عدو عدوي يبقى صديقي

    بس ايه اللي يخليه عدوي؟؟ امتى أظهرلي عداوه .. هيطلع واحد ذو عقليه لولبيه جباره ويقولك هما عندهم مبدأ التقية .. فهو عدو خفي ويظهرلك عكس ما يبطن .. هو هيفضل يظهرلك الود لغاية ما يبقى أقوى منك .. أقولك يعني هو ما بيظهرش عداوه بس انت بتعاديه احتياطي .. والعداوه دي مبتظهرش غير في المصلحة الإسرائيلية .. يعني إيران لما تدعم حركة مقاومة سنية هي حماس تبقى كخة .. انما انت لما تقعد زي خيبتها وتهاجم الحركة السنية دي تبقى نبيه وعقلك اللوذعي دلك على العدو الخفي .. وتبقى فعلاً إسرائيل قيادة العالم السني المعتدل

    وللاخوه .. ربنا خلقلي 20 صباع .. ليكو فيهم 4 .. 20% .. علشان تستاهلوهم بصراحه

    ReplyDelete
  18. TAFATEFO14 March 2009 at 13:28

    @الكلمة نور

    الجميل بقى استدلال حضرتك بالآية الكريمة

    تقدر تفهمني (لو حضرتك فاهم أصلاً) مضمون استدلال حضرتك بالآية

    لو طبقنا الآية على فكرة حضرتك .. يبقى المقصود ولا يحملنكم معاداتكم للصهاينة (إسرائيل) على أن لا تعدلوا في أمر الشيعة .. يعني حضرتك جعلت ان العدل والإنصاف في أمر الشيعة هو معاداتهم .. من الباب للطاق كده

    هما عدو وخلاص

    طب ما تيجي نطبقها بمعنى تاني ونشوف

    ولا يجرمنكم كرهكم للشيعة على أن لا تعدلوا في أمرهم

    لما هما مش مظهرين عداء .. وبيساعدوا ركات المقاومة السنية نيابة عنكم يا خيبتها .. متجوش علشان بتكرهوهم تسبوهم وتلعنوهم وتعادوهم وترفضوهم

    ويفضل السؤال يا أفذاذ

    لو حركات مقاومة إسلامية سنية (مثل حماس وجميع فصائل المقاومة) أصرت على قتال العدو الصهيوني وعدم الاعتراف بإسرائيل والدفاع عن الأرض والجهاد (الذي هو فرض عين يا بتوع السنة) ولم يدعمها إلا الشيعة وسوريا في حين تخاذل عن نصرتها جميع العالم السني وانتقدوها وأحكموا حولها الحصار

    السؤال: يبقى مين الكفرة ولاد ستين كلب؟؟

    ReplyDelete
  19. Unknown14 March 2009 at 13:36

    اهو طفاطيفو عنده خلق ورد عليك

    ReplyDelete
  20. TAFATEFO14 March 2009 at 14:23

    الرجل المحترم في بلادنا هو الذي ليس له في السياسة وهي القاعدة التي اختار المرحوم السادات حسني مبارك علي أساسها ويسير عليها الرئيس مبارك في اختيار وزرائه ومعاونيه.. كان أنيس منصور يجلس مع الرئيس السادات عندما رن جرس التليفون وقال المتحدث تمام يا أفندم أنا جيت ورد السادات حمدلله بالسلامة، ثم وضع السماعة وقال لأنيس: «شوف الانضباط والالتزام حسني مبارك كان في مأمورية في السودان ولما وصل اتصل ليخبرني بحضوره قبل ما يروح البيت»

    جلال عامر

    ReplyDelete
  21. Unknown14 March 2009 at 14:24

    ههههههههههههههههه
    ههههههههههههههههههههه
    هههههههههههههههههههههه
    هههههههههههههههههههه
    ههههههههههههههههههههههههه
    ههههههههههههههههههههههه

    ReplyDelete
  22. الكلمة نور14 March 2009 at 14:43

    بصوا يا اسيادنا
    انا كلامى كان مقصود بيه البوست وجو يارب ماعيش بعدك يا شيخ حسن
    يارب يحميك لينا
    الكلام الجبار ده
    انا مقلتش نقعد نشتم فيهم ونعمل ثورة من تحت كوبرى المنيب لغاية البقاع
    انا بس باقول تانى ان حتى التاييد يبقى بالعقل
    لما الاشخاص اللى الناس بتمشى وراها وبتعبرهم قدوة وبتقرالهم
    يقرروا انه بالروح بالدم يبقى ايه المنطق
    اما الاستدلال بالايه المقصود منه
    استخدام المنطق الوارد فيها وليس اسقاط مكوناتها على الحالة اللى عندنا
    اديك مثال تفهم به لانى شوفتك بتهرش راسك
    المنطق اللى فيها انك لا يحملك بغض بعض الناس على عدم اعمال العقل فى ما رفضوه انفا

    سامعك بتقولى وضح
    اوضح
    يعنى احنا متفقين ان كل الانظمة العربية انظمة شمولية ضلامية رجعية وبنت حرامية غباوية
    صح؟
    مش معنى كدا انهم لما يعادوا ايران نقوم احنا حبها خبط لزق نحضن ايران ونلف ورا ونطلع لسانا ليهم
    احنا بس نخلينا ورا الحق بصرف النظر
    ونديله تاييد على اد اللى بيقدمه للقضية مع الحذر انه فى لحظة غباوة رفع السلاح هناك فى بلده وكل ناسه
    بالنسبه للاخت نوارة
    انا على فكرة معرفكيش شخصيا بس بقدرك
    موضوع ايه القرف ده تقوليه لما البلاعه تفيض فى البيت وبعدين تتصلى بالسباك يجى يلحقك
    اما لراى اى حد فهوا حر فيه
    ان شالله يكون هوا ايه
    لو غلط ممكن تاخديه تحت جناحك وتعلميه مما افاض الله عليكى
    لو ما اتعلمش يبقى انتى اعذرتى بضم الالف فيه ومافيش داعى للقرف والجو اللى ليه ريحة ده

    ReplyDelete
  23. منظور شامل للحياة السعيده14 March 2009 at 14:44

    احمد سعيد
    شكرا على

    مقاله الاستاذ فهمى هويدى

    لكن الان احس انني سيحصل لي كما حدث للأستاذ

    "مشاهد القصة تتراءى أمام عيني في اليقظة، في حين تحولت إلى كابوس يلاحقني في المنام":

    ReplyDelete
  24. الكلمة نور14 March 2009 at 14:45

    ولو خلق سعادتك ضيق ممكن نوصيلك السباك يوسعهوليك

    ReplyDelete
  25. Unknown14 March 2009 at 14:54

    لا طبعا القرف ده يتقال لما الناس تتكلم كلام طائفي

    ولا انا اعرفك يا اخ الكلمة نور

    بس انا مش باحب الطائفية
    ودي يا سيدي مش محتاجة علام وعشان ما تتريقش
    انا عمري ادعيت ان عندي علم؟

    ده انا حتى لما باسمع وللا باقرا كلمة حلوة باقولها لكوا واقول لكوا دي مش من ابتكاري ولا حاجة انا واحدة على باب الله

    لكن ما اعتقدش ان الطائفية محتاجة اي مناقشة غير ان الواحد يقول عليها ايه القرف ده؟

    وزي ما مصطفى قال لك

    ايه عدو عدوي؟ هو انا ماشي اعادي في الناس


    الناس بتدور على اللي يجمعها مش اللي يفرقها

    ايران دول مش مسلمين زينا؟

    سنة ايه وشيعة ايه؟ ايه القرف ده؟

    ماكل الاديان في الدنيا فيها طوائف

    حتى البوذية والهندوسية

    طيب انت عمرك سمعت عن الطوائف البوذية؟
    عمرك؟

    مافيش طبعا

    وما تقوليش الكاثوليك والبروتستانت في العصور الوسطى

    لان زي ما انت عارف
    العصور الوسطى دي من زمان قوي

    الناس بطلت تفكر بالطريقة دي

    مافيش غير المتخلفين اللي في المنطقة هنا هم اللي قاعدين يقولوا مسلم ومسيحي شيعي وسني ارثودوكس وبروتستانت
    حاجة تقرف الكلب الاعور الحزين فعلا

    ايران دول مسلمين، اسمهم مسلمين

    لبنان دول عرب (بصرف النظر عن الطوائف اللي فيها) كلهم عرب
    اسمهم عرب

    والموضوع مش موضوع عدو عدوي

    موضوع اني القنبلة نازلة على راسي وانا سايباها وعمالة اسأل اللي جنبي: هو احنا لما القنبلة تنزل على راسنا، قبل ما تموت ح تتشاهد وللا ح تصلب؟ طيب لو ح تتشاهد ايه رأيك في سيدنا علي وسيدنا ابو بكر عشان بس ابقى عارفة انا ح اموت جنب مين، ما يبقاش جنبي واحد مسيحي وللا واحد شيعي وانا ساكتة كده
    يمكن الحق اضربك قبل ما القنبلة تنزل علينا احنا الاتنين

    ReplyDelete
  26. الكلمة نور14 March 2009 at 15:04

    دا الكلام التمام اللى انا منتظره
    شكرا على الرد
    وتوضيح وجهة نظرك
    المحترمة جدا جدا
    بس المسلمين مش كلهم واحد
    انتى عارفه ان الجمهورية الاسلامية الايرانيه قايمه على المذهب الشيعى
    وفى التعليق الاولانى كنت باطلب ان المسلم اللى مهتم يقرا عن المذهب الشيعى بس مش اكتر واللى ميقدرش يقرا يطلب من صاحب المدونة يقراله او يصححله معلوماته
    بما فيهم انا
    دا النقاش اللى افهمه
    وشكرا جزيلا لسعه صدرك وذوقك واسف لو كنت زودتها شوية

    ReplyDelete
  27. TAFATEFO14 March 2009 at 15:18

    يا أخ .. يا سيد .. يا محترم

    واضح فعلاً اننا محتاجين سباك

    تعالى بقى .. انت قلت المقصود (بعد الشرح والاستفاضه المشكور عليهم طبعاً) ان لا يحملنا كرهنا للأنظمة العربية (المعادية لإيران) على أن لا نعمل عقلنا

    طيب .. نعمل عقلنا

    إيران بتقول ان إسرائيل وأمريكا هي سبب التخريب وعدم الإستقرار في المنطقة

    إسرائيل وأمريكا تهدد مصالح المنطقة

    إسرائيل تغتصب أرض فلسطينية وسورية ودائمة الإعتداء على فلسطين

    إسرائيل احتلت أجزاء مصريه ولبنانيه ولم تنسحب منها إلا بالقوة

    لن نعترف بإسرائيل لأنها كيان غاصب غير شرعي

    ومش محتاج أعددلك كل كلام إيران وحزب الله لأنك أكيد عارفه


    ولو .. لو .. لو .. لو .. لو اتفقنا ان إسرائيل هي العدو مش قائد المعسكر الإسلامي المعتدل

    يبقى المفروض نشيل إيران وحزب الله على راسنا من فوق

    ولا رأيك ايه؟

    انما بقى لو تحب أسمعك كلام الأنظمة العربية السنية المعتدله .. نفر نفر .. أو قل *ـول *ـول .. ممكن لو عايز

    ReplyDelete
  28. Unknown14 March 2009 at 15:45

    والله يا اخ كلمة
    انا كنت مش ح انزل تعليقك ده لان المدونة لا تسمح بالتعليقات الطائفية ولا المذهبية ولا العنصرية

    بس لقيتك كاتب: المسلمين مش كلهم واحد

    قلت والله لمنزلة التعليق عشان الناس يعذروني لما هبيت فيه

    معاك حق
    كل الناس واحد

    الا احنا

    احنا مش واحد فعلا

    ولا حتى نص

    ولا سبعة من مية

    احنا صفر

    ReplyDelete
  29. TAFATEFO14 March 2009 at 15:55

    المسلمين مش كلهم واحد

    صدقت .. والمعسكر الإسلامي المعتدل بقيادة إسرائيل أوسخ صنف فيهم

    لو جينا نصنفهم حسب الموقف من الإعتداء الغاشم .. نبقى احنا نجس

    صنف بيحاربوا إسرائيل المغتصبه المعتديه وبيأدوا فريضة الجهاد

    وصنف بيدعموهم

    وصنف وسخ نجس بيحاربوهم .. وما يطلق عليهم المعسكر الإسلامي المعتدل بقيادة إسرائيل ومبارك وسائر القوادين العرب هما هذا الصنف الأخير

    ألا قولي يا أخ علشان بتتكلم عن المذهب الشيعي .. اللي ملناش دعوه بيه ومحدش جاب سيرته

    المذاهب الفقهية في المدرسة السنية بتقول ان الجهاد فرض عين على كل مسلم إذا نزل العدو بديار المسلمين .. مذهب ايه بقى يا حبيبي اللي حضرتك بتطبقه .. والمذاهب الفقهية في المدرسه السنية بتقول بوجوب الخروج على الحاكم وتقويمه إذا والى أعداء الله والإسلام .. مذهب ايه ده بقى يا خويا اللي انت بتطبقه

    متقوليش سنه يا حبيبي .. السنه اللي بيلتزموا بالمذاهب السنية التي تنتمي للإسلام

    انا مذهب مبارك والقوادين العرب المدرسه الشيطانية الخسيسة النجسة

    ReplyDelete
  30. TAFATEFO14 March 2009 at 16:00

    صحيح

    ما يا ريت حضرتك تتحفنا بتصحيح أفكارا عن المذهب الشيعي (مع ان محدش قال لحضرتك ان الم1هب الشيعي أحسن ولا اتكلمنا في مقارنة المدارس الإسلامية) .. الكلام كله عن مواقف أعضاء في جسد مهلهل يطلق عليه مجازاً "العالم الإسلامي"

    لو قارنت ما بين مواقف أعضاء الجسد الإسلامي هذا .. تقدر تقولي مين فيهم المسلم ومين فيهم الـقواد؟؟

    قال سنة وشيعة قال

    الله يسامحكم يا إقبال بركة ونوال السعداوي .. ده المفروض الرجاله كمان يلبسوا طرح .. مش الستات بس

    ReplyDelete
  31. ☼♫♪ عمــاد الدين يــوسف ☼♫♪14 March 2009 at 16:22

    اولا مبروك على الكتاب وعقبال باقي الاصدارات
    ثانيا حسن نصرالله من هؤلاء اللذين يخشاهم حكامنا الافذاذ لا لشئ سوى لانه رجل في زمن الإخصاء

    ReplyDelete
  32. TAFATEFO14 March 2009 at 16:24

    يعنى احنا متفقين ان كل الانظمة العربية انظمة شمولية ضلامية رجعية وبنت حرامية غباوية
    صح؟
    مش معنى كدا انهم لما يعادوا ايران نقوم احنا حبها خبط لزق نحضن ايران ونلف ورا ونطلع لسانا ليهم
    احنا بس نخلينا ورا الحق بصرف النظر
    ونديله تاييد على اد اللى بيقدمه للقضية مع الحذر انه فى لحظة غباوة رفع السلاح هناك فى بلده وكل ناسه

    ملاحظتين

    كل ناسه .. دي مشتقه من "به، يا واكل ناسك" .... أنا كنت فاكرها في أسوان بس

    حزب الله بقى .. اللي طرد إسرائيل من جنوب لبنان .. واللي انتصر في 2006 .. والحاجه الوحيده اللي تقدر تحمي لبنان من اتياح إسرائيلي واحتلال جديد .. كلت ناسها ورفعت السلاح لوحدها .. دي حتى لو رفعت السلاح لوحدها (وان كان في شك في الموضوع ده) .. فهي كانت بترد على تجاوزات السنيورة وقراره بكشف ظهر الحركة وإنهاء شبكة اتصالاتها وتسليمها لإسرائيل على طبق من ذهب

    ألا لو احنا متفقين زي م بتقول على عمالة الأنظمة العربية .. ولا بلغك .. مع انهم لو كانوا مستسهلين رفع السلاح زي ما حضرتك بتقول .. مكانش ده يتزامن مع اعتصام استمر لمدة 100 يوم قبله احتجاجاً على تسريح عمال تقريباً (مش فاكر الاعتصام كان ليه) .. بس لو الموضوع كده كانوا رفعوا السلاح وريحوا نفسهم

    التانيه

    احنا فعلاً لازم نبقى ناصحين ومفتحين وواعين .. ومنكلش من أونطة تمويل حركات المقاومة وتهريب السلاح ليهم .. ولا من تأييدهم المعلن والإعلان عن تأييدهم ودعمهم العسكري لو اقتضى الأمر وانهم لن يسمحوا بهزيمة المقاومة في غزة .. ولا كلامهم عن الكيان الصهيوني .. ولا مواجهتهم وهزيمتهم ليه .. احنا المفروض مناكلش من الكلام ده

    بس عايز أسألك سؤال

    مع كل المواقف اللي شايفينها لحزب الله .. ولقادة الدول العربية

    تفتكر مين فيهم يستاهل التأييد؟؟

    ReplyDelete
  33. TAFATEFO14 March 2009 at 16:24

    This comment has been removed by the author.

    ReplyDelete
  34. TAFATEFO14 March 2009 at 16:36

    اللي يضحك برضه ان الكلام ده كله يتقال وكلمة السيد حسن كانت بمناسبة ميلاد النبي (ص) وأسبوع الوحدة الإسلامية

    hehehehehe

    ReplyDelete
  35. Unknown14 March 2009 at 16:38

    شفت الخطبة؟
    شفت حلاوتي؟

    شفت جمالي؟ يا خواتي...ربنا يخليه يااااااارب

    ReplyDelete
  36. Unknown14 March 2009 at 17:46

    انا نزلت انونيمس من غير ما اقراه
    وبعد ما قريته مسحته

    عشان انا ما باحبش المقرفين
    اللي عايز يعمل فتن عشان خيبته التقيلة يروح يعملها بعيد عني

    قرفففففففففففففف

    غوروا من هنا بقى

    ReplyDelete

Note: only a member of this blog may post a comment.