Monday, 9 March 2009

لو عرفت البعد السوسيوثقافي ح تاخد جزاء سمنار

لا مش سنمار
هو سمنار
حتى اهو
دعوة للمشاركة
في سمنار "المعرفة والتدوين"

يسر المؤسسة المصرية لأبحاث التدوين (إيبر Eibr ) دعوتكم للمشاركة في سمنار تعقده تحت عنوان "التدوين والمعرفة.. قطيعة ام تواصل ؟"بمناسبة مرور خمسة أعوام على بدء حركة التدوين المصرية

يتناول السمنار أربعة محاور أساسية هي :
ـ الأسلوبية ودلالات المعرفة
ـ أدوات الثقافة في فضاء الانترنت
ـ ابستمولوجيا المدونات المصرية
ـ الحراك الاجتماعي والبعد السوسيوثقافي في خلفية التدوين

ويسعد المؤسسة في أولى فعالياتها أن تتلقى إسهاماتكم من الأبحاث وأوراق العمل و الشهادات في موعد أقصاه الثالث عشر من مارس الجاري على أن يجرى عقد السمنار فى العشرين من ذات الشهر
------------
لا وباعتين لي، وكان فيه ميلات كتير لاني عملت ريبلاي اول، باعتين بقى لينا عشان نقدم ابحاث واوراق العمل والشهادات
طيب انا اخترت موضوع البحث بتاعي خلاص
انا ح اكتب عن ابستمولوجيا المدونات المصرية، بس يلزمني مرجع موثوق عشان اعرف يعني ايه
المصرية
at

18 comments:

  1. مواطن مصري9 March 2009 at 03:38

    معلش يا نوارة الواحد تعليم حكومي يعني اية البتاع دة
    ـ ابستمولوجيا المدونات المصرية


    ؟؟؟

    ReplyDelete
  2. mido9 March 2009 at 03:45

    ده الموضوع بقي خطير أو ي :) ابستمولجيا

    ReplyDelete
  3. elmonadel9 March 2009 at 04:19

    مش عارفة ابستمولوجيا المدونات المصرية يعنى ايه
    امال كانوا بيعلموكوا ايه فى المدارس

    دي معناها
    (ابست) يا عم ماما عملالك ملوخية (مولوجيا) المدونات دى بقى جمع مدونة زى مربعة ومثلثة - المصرية دى كان اسم محل اشتراه واحد اسمه عوكل و غير النشاط وفتحه مطعم كبده

    ReplyDelete
  4. Anonymous9 March 2009 at 09:49

    لقيت رابط الموؤسسة بتاعت السنمار


    http://eibr01.blogspot.com/

    ReplyDelete
  5. Unknown9 March 2009 at 10:06

    :) http://ar.wikipedia.org/wiki/%D9%86%D8%B8%D8%B1%D9%8A%D8%A9_%D8%A7%D9%84%D9%85%D8%B9%D8%B1%D9%81%D8%A9

    تقريبا والله أعلم هي المرادف لكلمة نقد بس مش عارف بيعملو كده فينا ليه

    ReplyDelete
  6. صباح الصباح9 March 2009 at 12:02

    شكلها كدة يا بنتى اسماء طبيخ او اكلات افريقية انما ابحاث وكلام من دة لا اظن

    هههههههههه

    انا مش فاهم اية السسيو بتاعة دى كمان!!!!

    ReplyDelete
  7. جـــــــر شـكـــــــل9 March 2009 at 13:07

    أقترح أنك تسيبك من الموضوعات الملخفنة دى وتقدمى بحث فى حاجة أنت بتعزيها قوى أيه رأيك فى بحث عن Doris Day Animal Foundation

    ReplyDelete
  8. احمد سعيد9 March 2009 at 14:44

    لا يا جماعه
    دا الكلمه دى بجد
    انا سمعتها من كام سنه
    مهناها ايه ياوااااد يا حكشه

    معناها اييييييييه



    استنوا كدة

    هحاول افتكر واقولكوا

    ReplyDelete
  9. Unknown9 March 2009 at 14:48

    انا ما سألتش عن ابستمولوجيا
    الكلمة واضحة

    واضحة جدا

    اب
    ست
    مول
    ج

    يعني ابوه راح مع ست مول اسمه ج

    ويا اللي في الاخر

    عايز يشتمه وبعدين تراجع

    انا باسال عن كلمة
    المصرية

    حد عارف معناها ايه؟

    ReplyDelete
  10. Anonymous9 March 2009 at 14:49

    سمنار دي يعني summary
    مولوجيا دي بقي من عند مين؟

    ReplyDelete
  11. احمد سعيد9 March 2009 at 14:49

    مصريه؟؟؟؟؟

    لا بصراحه

    معرفش

    محصليش الشرف


    بس انا اعرف ان كلمه
    سوسو

    ولا سيسو
    دى

    كلمه قبيحه

    على ما اعتقد يعنى

    ReplyDelete
  12. Anonymous9 March 2009 at 14:52

    المصرية دي بقي,,معناها بالصوفية:يعرف بذاته ولا يطلق ما يعرف به,,,حيث فلاحينك ملاحينك يزعقوا والريح تواتي,,,فهمتي يا بهية؟

    ReplyDelete
  13. مواطن مصري9 March 2009 at 15:37

    الظاهر بيشتمونا

    ReplyDelete
  14. جـــــــر شـكـــــــل9 March 2009 at 18:42

    مصرية مصرية مصرية الكلمة دى سمعتها كتير اليومين اللى فاتوابس فين فين فين ياربى مش فاكر

    ReplyDelete
  15. soreal9 March 2009 at 20:57

    http://translate.google.com/translate?prev=hp&hl=en&u=http%3A%2F%2Fwww.google.ie%2Furl%3Fq%3Dhttp%3A%2F%2Fes.wikipedia.org%2Fwiki%2FCiencia_del_conocimiento%26ei%3DYWW1Sb2GBpC0jAfQwuzbBQ%26sa%3DX%26oi%3Dspellmeleon_result%26resnum%3D1%26ct%3Dresult%26cd%3D1%26usg%3DAFQjCNEOSlUw3EWmVBgRoW2Ekuavgt7mMA%0D%0A%0D%0A&sl=es&tl=en

    if the link didnt work, search for

    "epistemologia"

    then use google translator if you cant read spanish

    ReplyDelete
  16. الدرويش المرووش9 March 2009 at 22:07

    بسسسسسسسسسسسستتتتتتت

    و فاهمينها من الوقفه على النواصى

    مولوجيا دى إيه بقى

    دى شكلها اللاتينى بتاع ملوخيه

    أبويا بيقولى إنها فى البحبحانى أى

    تقمشط الراجز و رقص حاجبيه

    إرحمنا يا رب

    ReplyDelete
  17. مهندس مصري بيحب مصر10 March 2009 at 00:41

    نظرية المعرفة
    من ويكيبيديا، الموسوعة الحرة


    نظرية المعرفة (Epistemology) كلمة مؤلفة من جمع كلمتين يونانيتين : episteme بمعنى علم و logos بمعنى : حديث ، علم ، نقد ، دراسة فهي اذا دراسة العلوم النقدية . تعتبر نظرية المعرفة أحد فروع الفلسفة الذي يدرس طبيعة و منظور المعرفة ، المصطلح بحد ذاته معرفة، يعتقد أن من صاغه هو الفيلسوف الاسكتلندي جيمس فريدريك فيرير .

    يعرفها لالاند في معجمه الفلسفي بأنها فلسفة العلوم ، وهي تختلف بهذا عن علم مناهج العلوم ( ميثودولوجيا ) لأن الايبستمولوجيا تدرس بشكل نقدي مبادئ كافة انواع العلوم و فروضها و نتائجها لتحديد أصلها المنطقي و بيان قيمتها .


    معظم الجدل و النقاش في هذا الفرع الفلسفي يدور حول تحليل طبيعة المعرفة و ارتباطها بالترميزات و المصطلحات مثل الحقيقة ، الاعتقاد ، و التعليل (التبرير) . تدرس نظرية المعرفة أيضا وسائل إنتاج المعرفة ، كما تهتم بالشكوك حول إدعاءات المعرفة المختلفة . بكلمات اخرى تحاول نظرية المعرفة أن تجيب عن الأسئلة : "ماهي المعرفة؟" "كيف يتم الحصول على المعرفة؟" . و مع ان طرق الإجابة عن هذه الأسئلة يتم باستخدام نظريات مترابطة فإنه يمكن عمليا فحص كل من هذه النظريات على حدة .


    مدارس نظرية المعرفة مختلفة, فالتجريبيون يردون المعرفة إلى الحواس, والعقليون يؤكدون أن بعض المبادىء مصدرها العقل لا الخبرة الحسية, وعن طبيعة المعرفة, يقول الواقعيون ان موضوعها مستقل عن الذات العارفة, ويؤكد المثاليون أن ذلك الموضوع عقلى في طبيعته لأن الذات لا تدرك الا الأفكار. وكذلك تختلف المذاهب في مدى المعرفة: فمنها ما يقول أن العقل يدرك المعرفة اليقينية, ومنها ما يجعل المعرفة كلها احتمالية, ومنها ما يجعل معرفة العالم مستحيلة.


    http://ar.wikipedia.org/wiki/%D9%86%D8%B8%D8%B1%D9%8A%D8%A9_%D8%A7%D9%84%D9%85%D8%B9%D8%B1%D9%81%D8%A9

    آدي تعريف الكلمة المعقربة دي من وكيبيديا
    بس مش عارف صراحة إيه علاقتها بالتدوين ؟
    ثم مين المؤسسة دول أصلاً يعني ؟
    هو فيه إيه بالضبط ؟

    ReplyDelete
  18. soreal10 March 2009 at 06:08

    egyptian eng, exactly my thoughts...

    emta rebena yetob 3leena baqa men el3aqraba elly malhash lazma de

    ReplyDelete

Note: only a member of this blog may post a comment.