Sunday, 4 January 2009

ليه ده كله؟

ايه ده كله؟ ليه ده كله؟ ليه؟ ليه؟ ايه اللي حصل عشان ده كله؟ الناس عملت ايه عشان ده كله؟ فين الدنيا؟ فين اوباما؟ فين الرؤساء العرب؟ فين ملك السعودية اللي مسكهم حلفهم ع المصحف؟ فين الدنيا؟ فين الجامعة العربية؟ فين ابو الغيط؟ وفين سيادة الريس؟ الطيار البطل؟ فين الاتحاد الاوروبي؟ كل دول نايمين؟ نايمين دلوقت؟ نايمين في حضن اهاليهم والناس بيتعمل فيها كده؟ 
غزة جمرة نار
ليه ده كله؟
هم كده بيقضوا على حماس؟ وللا بيقضوا على اهل غزة كلهم؟ وحد لسة ح يطلع تاني يقول حماس هي السبب؟ يعني بنتفرج على الناس كده؟ يعني ايه قاعدين بنشوف الناس وهم بيتعمل فيهم كده؟ عملوا ايه؟ عملوا ايه عشان ده كله؟ لسة ح يقولوا خلي قطع العلاقات دي للآخر؟ لسة فيه آخر؟ وامريكا مدية مساندة كاملة لاسرائيل
ليه ده كله؟   
at

9 comments:

  1. أكون أو لا أكون4 January 2009 at 05:10

    ذنبهم إنهم أصحاب حق...
    ومش عايزين يستيلموا...
    وده بيغيض المحتل...
    وبيغيض كل واحد مد إيده للصهاينه...لأنهم بيحسسوا كل واحد طأطأ راسه للصهاينه بالرخى... إنهم صامدين بأصعب الضروف.

    ReplyDelete
  2. Rania Lelah4 January 2009 at 05:11

    عادى
    الرئاسه المصريه تدين و تشجب و تستنكر

    ReplyDelete
  3. سعيد أفندى4 January 2009 at 05:17

    لن تركع حماس فقط , بل سنخضع نحن أيضا


    سيادة الرئيس أرجوك تدخل , الوضع صعب , لا تستخدم الجيش , اسمح لنا فقط بأن نذهب وكل واحد منا مسئول عن نفسه. المشهد مؤلم

    ReplyDelete
  4. بنوته مصرية4 January 2009 at 05:34

    والله الواحد مش قادر يستحمل

    الواحد عاش الرعب ده في حرب الكويت

    وحاسة بيهم ومضيقة علي الاطفال بتخيل بنتي مكانهم وبعيط

    ولا نور ولا اكل ولا مية ولا ولا

    والله حراااااااااااام

    ReplyDelete
  5. عبد الزهراء المصري (علي الحسيني)4 January 2009 at 06:02

    أيه الحكومات والحكام السفلة الوسخين دول ...
    والله العظيم الواحد هيتشل بجد ...
    أنا لما شفت الطفل الصغير وهو ميت وبيحاولوا يعملوا له تنفس بس هو خلاص مات ماقدرتش أتسحر ...
    أنا بجد هموت من اللي في قلبي وكاتمه ملعون أبوهم ولاد كلب صحيح ....
    الله ينصر الغزواية الله ينصرهم وياريت الأخوه في فتح يطلعوا السلاح اللي عندهم ويضربوا بقى في الصهاينة ... أيه القرف ده ؟؟؟ ساكتين ليه ؟؟؟

    ReplyDelete
  6. Ahmed Mohamed4 January 2009 at 06:26

    دا اسمه بضاااااااااان سياسي مش برود
    انا مش عارف لامتي هنفتكر ان احنا بأمان طول ما اسرئيل جمبنا
    مش عارف ليه مش مصدقين ان اسرائيل لما بتقول سلام بتبقي ناويه الحرب
    وده كلامهم مش كلامي
    مش عارف ليه مش مصدقين ان الخطوره في خوفنامنهم
    مش عارف ليه ساكتين دا راجل اجنبي بيقول
    What's next ?
    يعني ايه تاني مستنين ايه تاني بعد ما القتل وصلل للكم ده والجرحي للكم ده والهجوم البري
    عار عار

    ReplyDelete
  7. Unknown4 January 2009 at 06:59

    و فين فتح ؟ فين جناحهم العسكري ؟ اذا لم تظهر مساندتهم لاهلهم في غزة في هذا الوقت فمتي تظهر ؟ هؤلاء هم اهل غزة المليون و نصف و ليسوا كلهم حماس و حتي لو كانوا حماس اوليسوا فلسطينيين ؟

    و فين اهل الضفة؟ اذا لم تقم انتفاضة جديدة لتخفيف الضغط علي غزة الان فمتي تقوم ؟
    لا تنتظروا اي دعما من انظمة عربية تأمرت عليكم. اشعلوا شعلة المقاومة في كل فلسطين. و اسألوا الله النصر و قلوبنا و دعواتنا معكم.

    ReplyDelete
  8. Ahmed Fawzi4 January 2009 at 07:25

    لمقاومة اللى فى غزة مش مقاومة حماس بس لكن مقاومة من كل التنظيمات الفلسطينية و بتنسيق بين الأجنحة العسكرية حسب كلام أحد قيادات حماس للجزيرة

    ReplyDelete
  9. Anonymous4 January 2009 at 13:50

    والمصيبه أن لسه فيه ناس فى الشارع العربى بتقول (أن شاء الله) أوباما هاييجى يظبط المنطقه .
    ياعرب ياجهال ده متعقد من اللى حصل لأجداده وهايطلعه على أى عرق غير أسود
    -الحمد لله أنى أسمرانى
    لأ والرئاسه تقولك أسرائيل بتتحكم فى اللى يخرج ويدخل ولازم يكون عندها علم - نهار أسود ومهبب
    هو مش برده المعبر ده بوابتنا فى رفح المصريه وبوابة فلسطين فى رفح الفلسطينيه جنوب غزه ؟
    ليه هى اللى بتتحكم ؟

    ReplyDelete

Note: only a member of this blog may post a comment.