Wednesday, 7 January 2009

طب انسل القبقاب على دماغ مين انا دلوقت؟

التلات ساعات الانسانية بتاعة وقف اطلاق النار عشان يدخلوا يشيلوا الميتين اللي تحت خرقتها اسرائيل بالقصف على دماغ الناس
طب انسل الشبشب على دماغ مين انا دلوقت؟
انسل الشبشب على دماغ الناس اللي ميتة في جلدها وبتهاجم المقاومة
وللا انسل الشبشب على دماغ اللي كتب مشروع زي وشه؟
وللا انسل الشبشب على اللي بيقول مالناش دعوة باللي بيحصل احنا عاملين سلام، وبعدين اللي مالهمش دعوة دول بيدافعوا عن عباس باستماتة
طيب يا عم انت بتقول اولها فلس واخرها طين واحنا مالنا؟ صح؟ طيب بتدخل وتاخد صف عباس وتشتم في حماس ليه؟ مش تخليك في نفسك؟
وللا انسل الشبشب على دماغ العرب اللي ماعرفوش يجتمعوا وقالوا نروح مجلس الامن؟
وللا انسل الشبشب على دماغي انا عشان رجعت للتدوين تاني، منك لله يا ليفني، خلصوا بقى ورانا شغل
at

7 comments:

  1. مواطن مصري7 January 2009 at 17:13

    الوضع بسيط

    بصي على الجانبين وقف اطلاق النار و على الجانبين
    احترام حقوق الانسان
    على المجتمع الدولي تشكيل لجنة تقصي حقاءق و محاكمة الجنود الاسرائيلين عن جرائم حرب

    على الامم المتحدة ان ترسل قوات حفظ السلام

    على الفلسطينين ان يتحدو و اعلان دولة فلسطين
    و على القدس ان تصبح مدينة تحت رعاية دولية اي رعاية الامم المتحدة و جامعة الدول العربية

    ReplyDelete
  2. TAFATEFO7 January 2009 at 17:23

    دلوقتي فهمت معنى ان كل الأطراف ليها مصلحه في المشروع العربي

    :D

    ReplyDelete
  3. Mafrousa7 January 2009 at 17:52

    نسللى الشبشب على دماغ ليفتى و اخواتها
    قصدى و عصابتها
    و بعدين يا نوارة لو وراكي حاجه روحي اعمليها
    شكل الموضوع حيطول

    ReplyDelete
  4. Mafrousa7 January 2009 at 18:13

    على فكرة فيه ناس بيتكلموا من غزة بيقولو ان حماس واقفه للمساعدات بتاخدها و تحملها و توديها على التجار
    اللى بدورهم بدأوا يرفعوا الاسعار على الناس جدااا نظير انهم بيبيعوا المساعدات
    الراجل بيقول انه مدى تاجر 100 جنيه علشان دقيق يعملو بيه عيش و مش جابله حاجه

    الراجل الفلسطيني بيقول ان فتح و حماس الاتين زي بعض و اللى مالوش فى حاجه هوه اللى بيموت و بينداس عليه

    انا مش بقيت اعرف اصدق مين و لا اكذب مين

    بيقولولك ان الاتفاق ان حماس تاخد غزة من ناحية و فتح ياخد الجزء التاني اللى فى مصر
    و كده تبقى القضية الفلسطينية اتحلت

    تفتكري الكلام ده مظبوط؟؟؟
    انا خلاص مش فاهمه حاجه خاااالص
    وكل حاجه اتلخفنت فى نافوخى


    اقولك
    نسلى الشبشب على دماغ بوش
    اهو يبقى داق الجزمة و الشبشب
    سلام

    ReplyDelete
  5. Anonymous7 January 2009 at 18:16

    نسلي الشبشب على دماغ حماس لان هي خرقت وقف اطلاق النار بارسالها صواريخ البلاستيك اياها وبررت ذلك بان وقف اطلاق النار من جانب واحد ..ههههههه

    ReplyDelete
  6. Anonymous7 January 2009 at 18:26

    إسمعى عزمى بشارة على الجزيرة

    ReplyDelete
  7. Anonymous8 January 2009 at 14:30

    على دماغنا أحنا يمكن نقوم من النوم ونعرف أن الدور علينا قريب أحسن مانقوم من النوم على صوت الصواريخ فوق بيوتنا
    (تصدعات و تشققات فى البيوت المصريه على الحدود من رفح نتيجة للضرب بقنابل أرتجاجيه)
    ياترى هانقدم شكوى ولا هانبعت نجيب السفير ونحذره ؟
    باكستان رغم أنها متهمه فى تفجيرات مومباى مجرد ما الهند أتهمتها جابوا الجيش على الحدود وأعلنوا الأستنفار وانهم مستعدين للمواجهه والحرب
    أحنا بأه موقفنا أيه وأحنا "الدوله الكبرى فى المنطقه" وحدودنا بتتضرب والناس بتخرج من بيوتها ؟

    ReplyDelete

Note: only a member of this blog may post a comment.