Thursday, 15 January 2009

هم بيقصفوا ليه تاني دلوقت

يعني الناس اهي عاصرة على نفسها لمونة وقاعدة في مصر تتكلم مع خلق لو الدنيا فيها عدل كانوا رفعوا عليهم قضية في المحكمة الدولية مش قعدوا يتكلموا معاهم
اسرائيل بتقصف بقى دلوقت ليه؟
ثم ايه حكاية اسرائيل عايزة تحقق نصر عشان اتهزمت في لبنان؟
هو ده نصر؟ هي دي حرب اصلا؟ نازلين دب في الناس، والناس كل سلاحها انها صامدة وصابرة وبتقاوم على قد ما تعرف ومتحاصرة
فين الانتصار بقى؟ هم مصدقين نفسهم؟
انتصار ايه ومجموعة من الناس بقالهم سنتين العالم كله بيتآمر عليهم وبيحاصرهم ويجوعهم ويقصفهم بقنابل محرمة دوليا وكل ده وهم لسة على رجليهم
حد شاف الصور اللي احد الاطباء عرضها لجروح الاطفال، لحمهم سايح وساقط والعضمة من جوة متأورة، ده في جسم طفل
ده نصر؟ ويقولوا احنا والله متعاطفين مع الاطفال قوي
بجد انا عمري ما شفت كده، مافيش كدب كده ولا بجاحة كده في الدنيا كلها
طب والناس اللي جاية ضاغطة على نفسها وبتتكلم في المبادرة مع ناس انا نفسي مش طايقة نفسي لمجرد اني قاعدة معاهم في نفس البلد، هم بقى يشوفوا القصف كده ح يعملوا ايه؟
at

31 comments:

  1. Anonymous15 January 2009 at 01:44

    كل اللى اقدر اقوله
    يارب ليس لغزة سواك

    ReplyDelete
  2. Unknown15 January 2009 at 01:46

    هيهيهيهييييييييي
    ملك المغرب قال طب والله ما انا لاعب

    لا ح اشارك في قمة قطر
    ولا ح اشارك في قمة الكويت
    هه
    بس

    ReplyDelete
  3. مواطن مصري15 January 2009 at 01:46

    تاني الحل اية لعلمك ان اسرايئيل الان في موقف سىء بسبب المبادرة لانها كدة اخترقت قرار مجلس الامن و دي ممكن تكون في صالحنا نرفع عليهم قضايا في محكمة العدل الدولية


    لجرائم حرب و اختراق قرار دولي
    ؟؟؟؟؟؟


    تاني انا متعاطف مع المدنين و ضد الحروب لذالك لازم يكون في حل اخر نتجنب في حرب ولا انا غلطان بقى في دي

    ReplyDelete
  4. مواطن مصري15 January 2009 at 01:48

    انا شايف من منطلق هذا المنبر يكون في حملةة تدوينة دوليةة لرفع قضايا على اسرائيل لمحاكمتها في محكمة العدل الدولية

    ReplyDelete
  5. TAFATEFO15 January 2009 at 01:49

    يابني هو كان في قرار؟؟

    يابني مش طالبه تدوير في الفيديوهات .. قرار مجلس الأمن دعا مألزمش

    قرار ضعيف وأهبل .. ده يمكن إسرائيل معارضتوش

    هدورلك على الفيديو وأمري لله مع انه مفيش فايده يا صفيه

    ReplyDelete
  6. TAFATEFO15 January 2009 at 01:56

    وبعدين ايه زفت قرار مجلس الأمن ده؟؟ إذا كانت هي مخالفه لكل بنود القانون الدولي .. وكل قرارات مجلس الأمن تجاهلتها لا وقالت انها مجرد ورق وانها دوله فوق القانون

    ReplyDelete
  7. Anonymous15 January 2009 at 01:57

    انتى عارفة يا نوارة
    بمناسبة موضوع القضية دة
    سمعت النهاردة ان فية لجنة دولية جت غزة
    ومحامين اجانب وعايزين يرفعو دعوى على اسرائيل
    فلازم موافقة الاسطى عباس الخريان
    بصفتة رئيس السلطة والمعنى بالموضوع
    تخيلى بقالهم كام يوم بيجرو وراة وهو بيتهرب منهم ومش عارفين يطولوة

    اههههههههههههههه
    انا بطلت عياط
    دخلت فى مرحلة ما بعد العياط
    الضحك
    عمال اضحك طول النهار
    كل ماسمع خبر الاقينى بضحك
    بقول لامى النهاردة طبخالنا اية النهاردة
    قالتلى ملوخية
    فطست على روحى من الضحك
    تفتكرى دى ظاهرة صحية


    احمد سعيد

    ReplyDelete
  8. TAFATEFO15 January 2009 at 01:58

    شوف يابني د. عبدالله الأشعل هيقولك ايه

    ReplyDelete
  9. أكون أو لا أكون15 January 2009 at 01:59

    كل القصف ده علشان العرب عاوزين يجتمعوا... والقصف بدأ بعد ماطلع القطري يتكلم على القمه اللي حيعملوها...
    رساله إسرائيل هي" طوز بيكم وبإجتماعاتكم"... وهم عارفين إن محد حايقدر يعمل حاجه من العرب.

    ReplyDelete
  10. Fatma15 January 2009 at 02:07

    يا نوارة شوفتي حلقة منى الشاذلي
    سيبك من الحلقة
    شوفتي اخر حتة فيها
    لما عملت لقاء من طفل عنده 12 سنة فلسطيني مصاب جوا عربية الاسعاف

    انا من ساعتها يا نوارة حاسة ان في حد ماسكني من زمارة رقبتي
    حاسة اني بتخنق
    كلامه وجعني اكتر بكتييييييير من جثث الاموات اللي بشوفها كل ساعة
    اللي بيتعمل فيهم مش طبيعي
    الحكاية مش حكاية حماس وبس دا المسألة كأنها تصفية لللأطفال والشباب الصغير
    بيقولك لموهم في بيت وفتحوا عليهم النار كلهم
    كلهم اطفال اكبرهم 14 سنة
    الولد منى بتقوله عايز ايه دلوقتي نفسك في ايه
    قالها جيبوا الشهدا من هناك جثثهم بتاكلها الفراخ والكلاب
    عشان بيكونوا لسه عايشين والاسرائيليين ما بيخلوش حد يقرب منهم يشيلهم عشان يسعفهم
    همووت انا هموت من ساعة ما الحلقة خلصت
    ليه كدا
    ازاي كدا
    دول ايه دول
    يااااااااااااااارب
    يارب

    لوحد سجل الحلقة وسجل الحتةدي ياريت يجيبها

    ReplyDelete
  11. TAFATEFO15 January 2009 at 02:08

    في حاجه كمان

    محدش توقع ان المحرقه دي تستمر 20 يوم .. والمقاومين صامدين .. ومانعين قوات إسرائيل من التقدم .. وإسرائيل مش قادره تدخل أي معركه بريه

    يا ترى بعد كام يوم هيقدروا على المقاومه .. أو يتشجعوا ويدخلوا معركه بريه ينالوا فيها ما تشتهيه الأنفس وتقر الأعين

    كريشان سأل بيريز في 10 أيام المعركة .. "540 شهيد .. أكثر من 2500 جريح .. هل هذا العدد كافٍ بالنسبه لكم؟"

    طب آدي عشرين يوم .. واكثر من ألف شهيد .. وأكثر من 5000 جريح .. هو برضه العدد لسه مش كافي؟؟

    طب سيبنا من بيريز ونسأل السؤال ده لحكامنا وقادتنا

    هل هذا العدد كاف بالنسبه لكم؟؟

    واحنا؟؟

    ReplyDelete
  12. أحمد غانم15 January 2009 at 02:12

    بس خلاص انا عرفت السبب
    والله عرفت السبب
    انا عرفت ليه مصر بتعمل كده
    والمفاجأة كبيرة وخطيرة ....

    ReplyDelete
  13. Unknown15 January 2009 at 02:19

    ازدياد القصف يعني الفشل علي الارض او ردا علي خسائر جسيمة اليوم. و يمكن ان يكون ضغطا علي المقاومة لانتزاع اكير قدر من التنازلات في اي تسوية لوقف العدوان.

    ReplyDelete
  14. Anonymous15 January 2009 at 02:20

    مدونة كشف حساب
    انت قصدك على دة
    http://www.saveegyptfront.org/news/
    ?c=154&a=18530


    احمد سعيد

    ReplyDelete
  15. Anonymous15 January 2009 at 02:21

    اااااادى مقالة جديدة لعمنا ابراهيم عيسى
    http://www.saveegyptfront.org/news/?c=165&a=18532


    احمد سعيد

    ReplyDelete
  16. مواطن مصري15 January 2009 at 02:30

    مش عارف بس تاني الناسة فاكرني اني متفق مع العدو او كدة انما لا انا قولت اني مع المدنين الفلسطينين و مختلف مع حماس و ل الاسف ناس كتيرة فاكرة ان لما اختلف مع حماس فكريا و سياسيا يبقى كدة مختلف و ضد فلسطين و دة شىء خطير لا يمكن ان نحصر فلسطين بحماس نفس منطق مصر مبارك

    حماس فلسطين انت ليس مع حماس اذا انت ضد فلسطين منطق انا ارفضة قد نختلف في التفكيرر و لككنا متفقين في المضمون ولا اية

    ReplyDelete
  17. TAFATEFO15 January 2009 at 02:56

    نواره

    انتي فاكره موقع
    http://www.israel-vs-palestine.com

    اللي كان فيه تصوت لإسرائيل أو لفلسطين

    إسرائيل رجعت تقدمت تاني

    225 ألف صوت من الـ 300 اللي واخخداهم من أمريكا وإسرائيل .. كندا صوتوا 21 ألف مره لإسرائيل .. ومصر مصوتوش غير 27 ألف مره فقط

    أنا عارف انه كلام مش مهم .. بس معنى ان الإسرائيليين مهتمين بيه لدرجة انهم يصوتوا ميت ألف مره يبقى ليه معنى

    وممكن تحطي علم فلسطين في السايد بانر مع لنك للموقع علشان الناس تصوت .. لأن الموضوع اتنسى

    ReplyDelete
  18. 77Math.15 January 2009 at 03:01

    إلا صحية

    خصوصا لو ضحكت وكانت الملوخية خضراء

    وبتسألي هم بيقصفوا ليه؟

    دايما أقول سابقة سنّك

    وعمالين نقول لازم يا جماعة ننشر الثقافة البطيخية ويقولوا عيب احنا في مجتمع شرقي

    إلهي يغمّ نفس كل واحد له يد في اللي الشعوب فيه

    إلهي يارب يتحرقوا .. والشعب يفوق بقى

    يارب بقى

    ReplyDelete
  19. muslima15 January 2009 at 03:06

    السلام عليكم

    الواحد مش عارف ينام

    حسبنا الله ونعم الوكيل

    يا جماعة فى حاجة غريبة انا مش فاهمها

    الاخ اللى بيقول ناس متخصصين عايزين يقاضوا اسرائيل وعايزين ياخدوا الاذن من عباس

    يعنى ايه ياخدوا الاذن

    بصرحة مش قادرة افهمها دى ياريت تفهمنى

    كان فى محامى كبير من اتحاد المحامين العرب بيقول هانرفع قضية ضد اسرائيل فى موضوع ادعائها بالدفاع عن النفس ضد الصواريخ

    قال ان اصلا اسرائيل دولة احتلال
    وهى موجودة فرض قوة
    يعنى بمنطق الدفاع عن النفس
    يبقى الصواريخ اللى بتنزل على اسرائيل بتنزل اصلا على ارض فلسطينية مش ارض اسرائيل
    وان الصواريخ دى لابد منها للدفاع عن الارض


    اللى عايزة اقوله فى محاولات كتير من جهات مختصة بس يارب فعلا تدخل حيز التنفيذ والتفعيل ميبقاش كلام

    لما كل حاجة بتعملها اسرائيل ضد القانون الدولى وكله زيف وخداع

    تفتكروا ليه كلمتنا مش مؤثرة ولا بتبقى هوجة وخلاص مش عارفة

    ................


    واحدة صحبتى فى الشغل امبارح قالتلى على مصيبة بتقول دول فعلا صهاينة حفدة القردة والخنازير

    قالت لى ان البى بى سى اذاعت مشهد للحدود بين اسرائيل وغزة وانهم كانوا جايبين اطفال على الحدود يفرجوهم على الضرب والصواريخ وهى تنطلق فى الهواء وكأنه مهرجان شعبى و ليلة الكريسماس والفرحة بمشهد النيران وهى تظهر باشكالها المبهرة فى السماء
    والاطفال فرحانين وعمالين يشاوروا ويصرخوا من الفرح والعجب

    تفتكروا احنا لسة نايمين على ودانا والا ايييه

    ReplyDelete
  20. عبد الزهراء المصري (علي الحسيني)15 January 2009 at 03:07

    نوارة شفتي الخبر ده :
    ===================================

    مصادر إعلامية : 46 جندياً صهيونياً قتلوا و250 جرحوا في الحرب على غزة
    -----------------------------------

    إباء : وكالات

    أرتفعت حصيلة جنود الاحتلال الصهيوني الذين هلكوا خلال العدوان البرية على قطاع غزة ، إلى 46 عسكرياً فيما بلغ عدد الجرحى 250 ، جراح بعضهم خطيرة .واكدت مصادر إعلامية إن جيش الاحتلال اعترف رسمياً بهلاك 24 عسكرياً صهيونياً و جرح أكثر من 120 آخرين ، إلا أن مصادر غير رسمية في الكيان الصهيوني تؤكد هلاك 46 جندياً و اصابة 250 آخرين .

    و كانت كتائب شهداء الاقصى الجناح العسكرى لحركة فتح اعلنت امس أن أحد مقاتليها نفذ عملية فدائية استهدفت مجموعة من الجنود الصهاينة يبلغ عددهم تقريبا 18 جنديا في أحد المنازل المدمرة بمنطقة العطاطرة غربى بلدة بيت لاهيا شمال قطاع غزة ما أسفر عن هلاك 12 جنديا و اصابة آخرين .

    في هذه الأثناء اقترحت وزيرة الخارجية الصهيونية «تسيبي ليفني» على حكومتها انسحاب قوات الاحتلال من القطاع و إنهاء العملية العسكرية و فتح المعابر التجارية مع قطاع غزة ، شريطة أن يتوقف إطلاق الصواريخ .

    و قالت لينفي "في حال إطلاق الصواريخ فإن حكومة الاحتلال ستدفع باتجاه الرد ، و إغلاق المعابر مرة أخرى .

    أما وزير حرب الاحتلال «أيهود باراك» فقد اقترح فترة تهدئة لمدة أسبوع تقيم خلالها الأوضاع على الأرض ، و يسمح للمساعدات الإنسانية بالدخول إلى غزة .

    هذا و كشفت "كتائب الشهيد عز الدين القسام" ، الجناح العسكري لحركة المقاومة الإسلامية "حماس" ان مجاهديها تسللوا خلف خطوط قوات الاحتلال المتوغلة شرق جبل الكاشف شمال قطاع غزة و دمروا عددا من آلياتها بشكل كامل .

    و قالت الكتائب امس الثلاثاء في بيان لها "بعد فضل الله تعالى و منته و توفيقه للمجاهدين ، تمكن مجاهدو كتائب الشهيد عز الدين القسام في تمام الساعة 19:00 من مساء امس الثلاثاء من التسلل خلف خطوط العدو في منطقة الواد شرق جبل الكاشف شمال قطاع غزة ، بعد أن رصدوا قوة مكونة من عشر آليات تتقدم صوب المنطقة ، فخرجوا للقوات المتوغلة و قاموا بتدمير عدد من الآليات" .

    و أوضحت أن المجاهدين "تمكنوا من تفجير عبوتين ناسفتين من نوع "شواظ 3" في ناقلتي جند صهيونيتين ، و دمروا إحدى تلك الناقلتين بشكل كامل بعد أن قاموا باستهدافها بقذيفة من نوع "تانديم" .

    و أكدت أنه تم "استهداف دبابة صهيونية بقذيفة "RPG" مضادة للدروع و إصابتها بشكل مباشر ، و عندما حاولت دبابة أخرى التقدم لإنقاذ الجرحى و القتلى في العملية تم تفجيرها بعبوة "شواظ 3" و تدميرها بشكل كامل" .

    و أشارت إلى عودة المجاهدين إلى قواعدهم بسلام "بعد تنفيذ هذه العملية الجهادية المعقدة" ، مؤكدين وقوع عدد كبير من القتلى و الجرحى في هذه العملية "التي وجهت صفعة لقيادة العدو الصهيوني ، و مثلت مفاجأة لجنوده المهزومين الذين ظنوا أنهم في مأمن داخل آلياتهم و ترسانتهم العسكرية" .

    و قالت "في الوقت الذي يواصل فيه العدو الصهيوني حربه البشعة و عدوانه الغاشم ضد أبناء شعبنا الأعزل و يوغل في دماء أطفالنا و نسائنا ، و في الوقت الذي يلوح فيه هذا العدو المجرم بتوسيع عمليته البرية و البدء بالمرحلة الثالثة منها ، يثبت مجاهدونا الأبطال فشل هذه المرحلة قبل بدايتها و يمرغون أنف جيشه في وحل غزة العزة و الإباء" .

    و أضافت "إذ نعلن مسؤوليتنا الكاملة عن هذه العملية الجهادية المباركة لنؤكد استمرارنا في الدفاع عن أرضنا و أهلنا في قطاع غزة ، و تلقين العدو دروساً قاسية حتى يندحر عن أرضنا يجر ذيول الهزيمة" .

    ReplyDelete
  21. Unknown15 January 2009 at 03:15

    نوارة انتى عرفتى ان د محمد غنيم راح غزة هوا الراجل ده ازاى محترم كده

    ReplyDelete
  22. حسن على15 January 2009 at 03:21

    مواطن مصرى اختلف مع حماس زى ما انت عايز يا مستر بس بعد انتهاء القتال وابقى اقرا شوية لناس اكثر احتراما من القط وسرايا وكرم جبر وعبداللة كمال واستمع لناس انضف شوية من محمد عبداللا والفقى وبائع الكشرى الدكطور عودة والجدع بتاع الهلال ...محتاج تعمل "هوم وورك" يعنى

    ReplyDelete
  23. أكون أو لا أكون15 January 2009 at 03:30

    شوفي الست ده.
    http://uk.youtube.com/watch?v=xB_-Bv_7Emo&feature=related

    وده عن الفسفور الأبيض.
    http://uk.youtube.com/watch?v=iK0SqYjUfAI&feature=channel

    ReplyDelete
  24. Anonymous15 January 2009 at 04:08

    حماس تقر مبادرة وقف إطلاق النار بغزة والقاهرة تنتظر رد إسرائيل

    لية بس ؟

    أرجوا من حركة حماس الموقرة أن لا تقبل بمبادرة الاستسلام لأنها ستكون كظاهرة خسارة لنا ولكم ، ولكن أنتم مجبرون عنها لخضوع الأمة الإسلامية والعربية للكيان الصهيوني فنحن الذين خذلناكم وأنا أكاد أكون متيقناً بأن حماس لا يوجد عندها من السلاح والصواريخ ما تكمل بها هذه الحرب السوداء التي تشن على أهلنا في غزة وفي نهاية كلامي عذرا غزة لأننا فقدنا الكرامة والعزة

    ReplyDelete
  25. أكون أو لا أكون15 January 2009 at 05:03

    http://tunepix.com/

    نواره شوفي الفيديو ده مهم جدا.

    ReplyDelete
  26. أكون أو لا أكون15 January 2009 at 05:18

    حمله ضد الإعلام الإسلامي...
    http://www.facebook.com/group.php?gid=2407655840

    ReplyDelete
  27. Anonymous15 January 2009 at 06:40

    هم بيقصفوا ليه تاني دلوقت"؟؟ الاجابة لأن الجيش الاسرائيلى الجبان لايستطيع ان يدخل معارك مواجهة للمشاة حتى وهومدجج بأحدث الاسلحة بما فى ذلك الدبابات والمدرعات والطيران وقنابل الفسفور واجهزة الروئية الليلية .انتهى الدرس تقريبا لأغبياءالقادةالعرب وجبناؤهم .ان مقاومة شعب غزة الباسل لن تذهب هباء وشهداؤة فى الجنة. ولكل المرتجفين المتواطئين الاندال الخزى والعار فى الدنيا والاخرة

    ReplyDelete
  28. Anonymous15 January 2009 at 08:13

    وشهد شاهدا !!!!!

    أهم مقابلة تليفزيونية فى التاريخ !!!

    هل تتخيلون رجل دين يهودى يعلنها صراحة فى أهم محطة تليفزيون أمريكية قائلا : يجب ألا تكون هناك دولة اسمها ' إسرائيل '!!

    هذا هو حديث الشعب الأمريكى الآن بعد المقابلة التلفزيونية التى أجراها Neil Cavuto من محطة FOX NEWS الأخبارية مع رجل الدين اليهودى الأرثوذكسى الراباى Yisroel Weiss



    وبالطبع نظرا لأهمية المقابلة و التى أطلقت عليها محطة الأخبار FOX NEWS اسم

    THE MOST IMPORTANT INTERVIEW ON EARTH

    وهاهى الترجمة بالعربية

    أجرى نيل كافوتو Neil Cavuto : مقابلة لعلها أهم مقابلة تجرى هذه الأيام لأنها سفهت بشكل واضح وبعبارات صريحة تلك الكذبة الشيطانية التي خدعت ذوي النوايا الحسنة حول العالم وأقنعتهم بدعم هذا الشيء الشرير والبغيض الذي يسمي نفس 'الدولة اليهودية '.

    الراباى Yisroel Weiss من جماعة اليهود المتحدون ضد الصهيونية يقول ل Cavuto وللعالم أن إسرائيل أفسدت كل شيء على الناس جميعا! اليهود منهم وغير اليهود .

    الراباى Weiss: هذه وجهة نظر متفق عليها عبر المائة سنة الماضية أي منذ أن قامت الحركة الصهيونية بخلق مفهوم أو فكرة تحويل اليهودية من ديانة روحية إلى شيء مادي ذو هدف قومي للحصول على قطعة أرض وجميع المراجع قالت أن هذا الأمر يتناقض مع ما تدعو إليه الديانة اليهودية وهو أمر محرم قطع! ا في التوراة لأننا منفيون بأمر من الله .

    Cavuto : ما المانع إذن في أن تكون لكم دولة؟ وما المانع في أن يكون لكم بلد تنتمون إليه؟ وما المانع في أن تكون لكم حكومة؟

    الراباى Weiss: يجب أن لا تكون لنا دولة .

    يجب أن نعيش بين جميع الأمم كما ظل يفعل اليهود منذ أكثر من ألفي عام كمواطنين مخلصين يعبدون الله ويتصفون بالرحمة الربانية .

    وعلى العكس مما يعتقد الناس هذه الحرب حرب ليست دينية فقد كنا نعيش بين المجتمعات المسلمة والعربية دون أن تكون هنالك حاجة إلى رقابة منظمات الأمم المتحدة لحقوق الإنسان .

    Cavuto: دعني أسألك هذا السؤال أيها الراباى.... هل كانت حياة اليهود أفضل قبل قيام دولة إسرائيل اليهودية .

    الراباى Weiss: نعم كانت أفضل بنسبة 100%.... ففي فلسطين لدينا شهادة الجالية اليهودية التي كانت تعيش هناك وغيرها من الجاليات في أماكن أخرى بأنهم كانوا يعيشون في توافق وأنهم ناشدوا الأمم المتحدة بذلك حسب الوثائق التي بحوزتنا حيث أن كبير حاخامات اليهود في القدس قال : نحن لا نريد دولة يهودية .

    وعند اتخاذ قرار قيام إسرائيل تم تجاهل سكان ذلك البلد من المسلمين والمسيحيين واليهود .

    Cavuto: على أية حال لم يكن لديكم بلد تنتمون إليه ولكنكم كنتم غرباء لدرجة أن تعرضتم للاضطهاد والقتل عبر الألفية الماضية وخصوصا ما حدث قبل خمسين أو ستين عاما؟

    الراباى Weiss: هنالك قتل بسبب معاداة السامية وهنالك موضوع آخر عندما تثير العداء بخلق معاداة السامية من خلال الصهيونية .

    أي بعبارة أخرى أن الأمر لم يأت هكذا دون سبب .... حيث أنك تطرق نوافذ جيرانك وتدعوهم إلى معاداة السامية .

    Cavuto: أنت يهودي أرثوذكسي حسب علمي .... ما هو رأي اليهود التقليديون في ذلك الموقف؟

    الراباى Weiss: الرأي الغالب لدى اليهود هو : صحيح أنه لا يجب أن تكون لدينا دولة ... ولكنها قامت ..... غير أن الدعاية الصهيونية بأن العرب يريدون رمي أي يهودي في المحيط وبأن هنالك حقد دفين لليهود مكنهم من إقناع الكثيرين من

    اليهود وهو ما جعل هؤلاء يخافون من العودة إلى تلك الأرض .

    Cavuto: حسنا ... لا يمكنك أن تلومهم فهذا صحيح .... أقصد أن لديك مثلا رئيس إيران الذي يقول أن المحرقة لم تقع أصلا ولو كان الأمر بيده لدمر إسرائيل وقضى على جميع اليهود .

    الراباى ويس Weiss:

    هذا كذب واضح .... فهو لديه جالية يهودية في إيران ولم يقتلهم عندما سنحت له الفرصة Cavuto:

    إذن أنت لا تأخذ كلامه على أنه يريد قتل اليهود؟

    الراباى Weiss: بل هو يريد تفكيك الكيان السياسي .... وفي الحقيقة نحن مجموعة من رجال الدين اليهودى (Rabbis) ذهبنا لزيارة إيران العام الماضي ...

    واستقبلنا القادة الإيرانيون والتقينا بنائب الرئيس حيث أن الرئيس كان في زيارة إلى فنزويلا في ذلك الوقت والتقينا كذلك بالزعماء الروحيين وكلهم بينوا وبكل صراحة بأنهم ليسوا في نزاع مع اليهود .

    Cavuto: إذن أيها الحاخام أنت تعتقد أنه طالما أن إسرائيل موجودة فلن تأتي بخير .

    الراباى Weiss: اليهود يعانون والفلسطينيون يعانون ونحن نصلي من أجل التعجيل بتفكيك هذه الدولة اليهودية بطريقة سلمية .

    Cavuto: إنه لأمر مثير أيها الحاخام ..... فهي وجهة نظر لا نسمع عنها في الغالب .

    الراباى Weiss:

    لا بد من نشر هذا اللقاء في جميع أنحاء العالم بأسرع ما يستطيعه البشر. وهو بين يديك ..

    إنتهت المقابلة المثيرة والتى بالفعل أدهشتنى!!!

    بقلم

    Poker Face

    ReplyDelete
  29. Anonymous15 January 2009 at 10:07

    على الجزيرة واحدة بتتكلم من مكان مستهدف وبتصرخ وبتبكى وين العرب
    لدرجة ان المزيعة اتلخبطت فى الكلام ودمعت والقصف مستمر وجامد جدا

    مش ممكن مأساة بجد والسياسية لعبة والناس الابرياء هما اللى بيضيعوا فيها والساسة مرتاحين او معظمهم

    ReplyDelete
  30. Rania Lelah15 January 2009 at 11:56

    العرب لسه بيتخنقوا و كل واحد على رايك بيقول هحضر و شويه يقول لا
    والمغرب قالت ولا ده و لا ده
    و عمرو موسى امبارحح قال اكتمل النصاب القانونى
    و انهاردة قال لم يكتمل
    و ابو الغيط قال القمه هتقضى على قمه الكويت
    الاهى يتقضى عليه و نخلص بقى
    و الناس هناك بتموت
    و اسرائيل لسه مستمتعه بالل بتعمله
    انا بجد اول مرة احس ان مصر بقيت ضعيفه قوى كدة
    و انا اللى كنت فى كل مناسبه اغنى انا مصرى

    لا اله الا انت انى كنت من الظالمين

    ReplyDelete
  31. TAFATEFO15 January 2009 at 13:56

    يا أنونيمس بيه .. انت بتصدق كل اللي بيجيلك على الميل؟؟

    ReplyDelete

Note: only a member of this blog may post a comment.