ليفني بتتكلم

وبتقول المنطقة مقسمة ما بين اتنين: المعتدلين والارهابيين...المسألة لا تعدو كونها بهذه البساطة

كحك

امال لما اسامة بن لادن قال العالم مقسم الى فسطاطين فسطاط نفاق لا ايمان فيه وفسطاط ايمان لا نفاق فيه

اتريقوا عليه ليه؟ وللا لازم يبقى شعره اصفر وعينيه زرقا؟

مش نافع على فكرة

مش نافع ابدا

دي بتقول احنا بنراعي الحالات الانسانية احنا وعايزين سلام وبعدين اتكلمت عبري وماحدش بيترجم

طب افرض بتسب لنا الدين اكتر ماهي بتسبه؟

على فكرة مش نافع كده، مش نافع خالص، وبتتكلم بثبات وقوة وكل الصهاينة واوروبا وامريكا واقفين وراها، وعمري ما سمعتهم بيشتموا في بعض، حتى لما بيعترضوا على بعض او ينتقدوا بعض عمرهم ما يعملوا في بعض اللي احنا بنعمله في الناس اللي بتموت عشانا

واحنا لما ربنا يكرمنا بمقاومة محترمة ما بتتنيلش تعمل حاجة غير بتدافع عننا نشتم فيها ونبططها ونهد فيها ونهاجمها ونتريق عليها ونسفهها، يعني لولا ان الناس دي بتعرف ربنا وبتعمل لوجه الله كانوا تفوا علينا وقالوا: طب واحنا نموت عشان البهايم دول ليه؟

ماهو احنا كده يا بهايم يا بنساند اسرائيل

بنت الكلب فورت دمي، حاسة كأن في نمل بيجري في عروقي من ساعة ما شفت خلقتها العكرة، مع الاعتذار للكلب