Thursday, 8 January 2009

حلقة هيكل على اليوتيوب

هي بتتعاد دلوقت، بس انا شايفها
master piece
يعني تستاهل ان الواحد يقتنيها
عشان كده ح تلاقوها على لنك الاكاونت ده على تسع اجزاء
انا بس حبيت اوضح حاجة
ماهي كانت دخلت وقالت لي حسن نصر الله وهيكل برج واحد
المعلومة دي غلط معلش، هيكل مواليد 23 سبتمبر، يعني برج الميزان
السيد حسن مواليد 31 اغسطس، برج العذراء
ده بس تصحيحا للمعلومة
:))
at

51 comments:

  1. TAFATEFO8 January 2009 at 02:04

    نأسف يا فندم

    هارفعها جزء واحد واسيب لنك تحميل .. بس ده هياخدله كام ساعه

    وبعدين ايه دخل الأبراج .. هو حضرتك بتصدقي في الكلام ده؟؟

    ReplyDelete
  2. Unknown8 January 2009 at 02:06

    اسكت
    كان السيد حسن بيقول احنا ناس ما نصدقش في الابراج والكلام الفارغ ده وموضوع التطلعات للسنة الجديدة

    هههههههههههه
    بس في ليلة راس السنة فيه منجم قال: حسن نصر الله ح يظهر له عدو جديد غير اسرائيل
    :))
    وبالمناسبة قال اوباما رئيس لا يحكم

    ReplyDelete
  3. Unknown8 January 2009 at 02:06

    لا ما باصدقش قوي
    بس يعني تسالي

    ReplyDelete
  4. TAFATEFO8 January 2009 at 02:09

    طب ما هو طلع غلط .. الأعداء زي ما هما .. ده كسب مؤيدين

    دا في مفاجآت في الأفق

    حضرتك سمعتي عن يوم الغضب العالمي لغزة؟؟

    http://www.paldfmedia.net/news/news.php?go=newslist&catid=299

    ReplyDelete
  5. Unknown8 January 2009 at 02:12

    تقريبا حد سمع التطلعات دي ليلة راس السنة وقال له او اتكتبت في الجرايد عشان كده هو طلع بعدها وقال احنا مش بنصدق في الكلام الفارغ ده

    ReplyDelete
  6. Eldebug8 January 2009 at 02:14

    الا بالحق يعنى ... السادات وعبدالناصر كان جنبهم اصدقاء ومستشارين زى هيكل وانيس منصور والبنى ادمين الجامدة دى ... مبارك دلوقتى جنبه مين ؟

    ReplyDelete
  7. Anonymous8 January 2009 at 02:22

    READ:
    http://www.paldfmedia.net/news/news.php?go=fullnews&newsid=354

    ReplyDelete
  8. Unknown8 January 2009 at 02:29

    انيس منصور ده حمار

    ReplyDelete
  9. TAFATEFO8 January 2009 at 02:32

    حمار؟؟!! ده ليه؟

    أنا لا بحبه ولا بحب كتاباته التافهه ولا سقطاته السافله

    بس ليه حمار؟؟

    ReplyDelete
  10. Unknown8 January 2009 at 02:36

    يعني تقول لي كتاباته التافهة وسقطاته السافلة وكمان مستشار السادات وتسألني حمار ليه؟

    ReplyDelete
  11. Eldebug8 January 2009 at 02:39

    حمار على اساس ايه يعنى ... وبناءا على ايه ... معلش يعنى هوه صحيح مش من بقيه اهلى بس قبل ما لما تقولى على واحد زى انيس منصور انه حمار يبقى لازم يكون عندك اسباب
    ياستى اذا كنتى ما بتحبيهوش مش مشكلة ... بس ده بنى ادم ليه وضعه على الاقل عند الناس اللى بتحبه ومينفعش تقولى حمار كده على بنى ادم وخلاص

    ReplyDelete
  12. مواطن مصري8 January 2009 at 02:39

    مش عارف لية بتكرهي السادات كرة العمى

    كدة


    السادات كان سابق عصرة يعني مش شايفك بتكرهي عبد الناصر


    الي بدل ما يعمل عدالة حقيقية يوزع الثروات البلد للشعب وزعها على الظباط الاحرار

    ReplyDelete
  13. TAFATEFO8 January 2009 at 02:41

    بعيداً عن السادات وعبدالناصر .. ومندخلش في منطقة الأعراض دي :D

    لكن لا هيكل ولا أنيس منصور كانوا حمير .. وهيكل كان مستشار السادات أحياناً لكنه أبداً لم يكن مستشار ناصر

    حماده يلعب .. ده مسموش مستشار .. الصحفي الأوحد ده مش مستشار

    ولما رجعوه لحجمه (بعيداً عن قامته كصحفي وكاتب) غضب وثار وهاج وماج

    لا هيكل كان حمار .. ولا أنيس منصور كان حمار

    والموضوع ده بيسبب حساسيات .. بس كنت فاكر حضرتك هتحكي

    ReplyDelete
  14. TAFATEFO8 January 2009 at 02:42

    LOL @ وكمان مستشار السادات

    هقول ايه؟ مهواش وقت خناقة السادات وناصر

    ReplyDelete
  15. Eldebug8 January 2009 at 02:45

    ياسلام وفى ناس بتحب كتاباته التافهة دى ... وعلى فكرة انا عاوز اقولك حاجة يعنى ... انيس منصور اول واحد نزل بمستوى الفلسفة لادنى مستوى من التفكير علشان كده كتاباته تافهة زى ما بتقولى ... وبعدين انيس منصور كان راجل ليه فكر وليه فلسفة ثابتة فى كل اللى كتبه وده فى حد ذاته ميخلهوش حمار زى ما بتقولى ... وبعدين كونه كان مستشار السادات ده شئ فى صالحه مش ضده ...

    ReplyDelete
  16. TAFATEFO8 January 2009 at 02:45

    @Eldebug إذا وسد الأمر إلى غير أهله .. فانتظروا الساعه

    الله يرحم عبدالرازق السنهوري

    ReplyDelete
  17. TAFATEFO8 January 2009 at 02:45

    ويسامح اللي كان السبب

    مع اني مظنيش انه يوم هيورد على جنه

    ReplyDelete
  18. Unknown8 January 2009 at 02:49

    انتوا بتقروا الراجل ده؟
    بتقروا الذين هبطوا من السطوح والذين طلعوا من البدروم ويوم ما يتكلم في السياسة يقول: قال لي صديقي رابين
    وحبيبي وابن حبيبي بيجن

    والمرأة هي الكائن الذي هو مؤنث
    تقوم الناس تقول هيييييييييييه

    والله من تالتة اعدادي بطلت اقراه
    وفي الثانوي اللي كان بيقراه كنت باتريق عليه

    ReplyDelete
  19. Eldebug8 January 2009 at 02:50

    سؤال تانى معلش مش قصدى انقض بيه بس قصدى استفسار بس ... هوه ليه انتوا لسه عايشين فى دور عبدالناصر والسادات ... يعنى انا بدخل عند ناس الاقيها بتحب عبدالناصر وبتكره السادات ... وبدخل عند ناس تانية الاقيها العكس ... وناس تبقى متعصبة اوى ضد واحد فيهم بطريقة مش مفهومة .... اللى اعرفه ان الناس دى دلوقتى تاريخ يعنى المفروض نقرا قصة حياتهم ونشوف عملوا ايه صح وعملوا ايه غلط والحكاية انتهت ... اللى مات مات مش هيفيدنا حاجة نقعد نشتم فيه ... ولا انتوا ليكوا وجهة نظر تانية

    ReplyDelete
  20. Unknown8 January 2009 at 02:52

    eldebug
    ومواطن مصري
    انا مش قلت اخر كلام بخصوص ام السادات ده؟

    http://www.tahyyes.org/2008/10/blog-post_8093.html

    ReplyDelete
  21. Unknown8 January 2009 at 02:53

    احنا في الخرا اللي احنا فيه ده من تحت راسه

    ReplyDelete
  22. مواطن مصري8 January 2009 at 02:53

    تاني يا نوارة نفسي اشوف بوست بتكرهي فية عبناصرررررر


    نفسي الذين هبطو من السماء مش الكتاب دة الي بيتكلم عن زوار الفضاء و الكائنات الي بتيجي من المريخ انا الي حد ما بنسبة 80 في المية اصدق الكلام دة

    ReplyDelete
  23. TAFATEFO8 January 2009 at 02:53

    يا فندم دي مش ميزه .. وبعدين أنا مقريتش لأنيس منصور في أي كتاب أكتر من 4 صفحات .. غير حول العالم في ثمانين يوم ولا مش فاكر كام تقريباً

    حتى عموده في أهرام الجمعه بطلت أقراه من ساعت موقف مهبب من مواقفه المهببه يقول فيه

    كلهن عاهرات، إلا أمي .. ليس ثقة فيها .. ولكن احتراماً لها

    واحد زي ده .. لو بيكتب اللي مبيكتبوش ولا هيكتبه غيره .. شكراً

    بس برضه مش حمار

    ReplyDelete
  24. TAFATEFO8 January 2009 at 02:54

    بسببه؟؟!!

    الله يرحمك يا سنهوري .. واسكت يا لساني

    ReplyDelete
  25. مواطن مصري8 January 2009 at 02:56

    الخرا دة سببة عبناصرررررر

    و بعدين فية راس مالين شرفاء بيشتغلو للوطن زي نجيب ساوريس مثلا


    و انا بحب كمال اتاتورك انا عارف ان ناس هتضرب الان
    :)

    ReplyDelete
  26. TAFATEFO8 January 2009 at 02:57

    :D:D:D

    والله العظيم لسه جايب سيرة البوست ده النهارده .. مفيش من كام ساعه .. ده بوست رهيب

    بيفكرني بمنظر بلال فضل لما اتريق على عبدالناصر في سيد العاطفي

    ReplyDelete
  27. 77Math.8 January 2009 at 02:57

    ههههههههههههههه

    Eldebug

    لأني لم أحضر حكم أيّ منهما .. فأنا لا أتعصب لأي منهما، ولأنني أكره التاريخ لا أعرف عنهما الكثير أصلا ..

    ومعظم الجيل الحالي مثلي في هذا الشأن..

    أما بخصوص المتعصبين لهم، أعتقد أنه بسبب شعورهم بالفخر بمصريتهم في أثناء تلك الفترة

    من يفخر الآن أنه مصري على أية حال؟

    وكره نوارة للسادات أعتقد أنه بسبب أنه أذى أقرب الناس إليها

    هذا ما فهمته من لقاء منى الشاذلي في الصيف الماضي

    والله أعلم

    ReplyDelete
  28. Eldebug8 January 2009 at 02:58

    يانهار اسود

    ههههههههههههههههه

    معلش واللهى انا اول مرة اعرف الحوار ده انا اصلا مبدخلش كتير ... بس عالعموم هوه ده قصدى اساسا

    بس اصلك دخلتى شمال كده فى انيس منصور اول ماجت سيرته فاستغربت بس وبعدين ربطتيه بالسادات وكانها جريمة

    ReplyDelete
  29. Unknown8 January 2009 at 03:10

    اه ونسيت اقول لكوا ان انيس منصور حرامي افكار كمان

    عشان كلهن عاهرات الا امي دي كلمة بونابرت

    طب ايه تعريفك للحمار يا مصطفى؟
    لما يبقى واحد تافه وسافل
    يبقى ايه؟
    اه انت قصد ما بينهقش يعني؟

    مواطن

    ليه كل اللي بيحبوا السادات بيحبوا اتاتورك؟

    الحكاية دي منتشرة قوي بين اللي بيحبوا السادات

    لا انا ما اشتمش عبد الناصر دلوقت
    من سنتين كان ممكن اهاجمه

    بس لو كان عايش ما كناش اتهزأنا كده

    ده مصر كانت مهزومة وكان لها هيبة برضه

    ما اخدناش على قفانا غير من ساعة ما الموكوس ربنا بلانا بيه
    ومافيش حاجة غايظاني من عبد الناصر قد انه جاب لنا السادات
    واوسخ حاجة عملها السادات - الى جانب وساخاته الكتير - انه جاب لنا عوكل
    اما نشوف عوكل ح يجيب لنا مين

    ReplyDelete
  30. Unknown8 January 2009 at 03:11

    بيقول لك فيه نظرية في العالم التالت:
    كل رئيس بيجيب النائب او الوزير اغبى منه عشان ما ينطش على الكرسي
    عشان كده عبد الناصر جاب السادات
    وعشان كده السادات جاب عوكل
    وعشان كده عوكل مش لاقي له نائب لحد دلوقت

    ReplyDelete
  31. مواطن مصري8 January 2009 at 03:14

    عوكل مش عاوز حد ينط علية :))))



    بعدين عبناصر هو السبب في الي احنا السبب في النكسة لو كنا دولة ديموقراطية كان اتحاكم و اختارو رئيس جديد

    اما حبي ل اتاتورك فهو قدر يعيد بناء تركيا و بناء وطن مدني قوي و يعيد هويتها الاصلية و دة المفروض يتعمل في مصر

    ReplyDelete
  32. مواطن مصري8 January 2009 at 03:15

    السادات كان معلم و رجع سيناء

    ReplyDelete
  33. TAFATEFO8 January 2009 at 03:16

    ههههههههههه

    كانت مهزومه بس؟؟ مهزومه بس يعني؟؟ هيبه .. طيب

    نفسي أعرف عبدالناصر ساب ايه في مصر مخربوش .. يعني قوليلي تركة عبدالناصر المزعومه دي كانت ايه

    والله والله والله هو سبب كل فساد .. وسبب كل خراب

    الله يرحمه إن شاء

    السادات لم يكن له حسنه واحده .. غير انه كان له كل سوءات عبدالناصر ولكن بصوره أخف وطأه

    والقوميه والمبادئ الحنجوريه .. والتسليم .. والله واحد .. والحصوت الفاضي أنجس وأضل سبيلا والله

    ReplyDelete
  34. TAFATEFO8 January 2009 at 03:18

    للتبسيط

    اللي مش قد كلمته .. زي اللي ملوش كلمه

    بس والله الله اللي ملوش كلمه أفضل بمراحل

    والكذاااااااااااااب .. أنيل من الغلطان .. أو الغبي لو عايزين

    ReplyDelete
  35. أكون أو لا أكون8 January 2009 at 03:18

    صباح الخير ياشباب...

    ReplyDelete
  36. TAFATEFO8 January 2009 at 03:19

    كل اللي بيحبوا السادات بيحبوا أتاتورك

    جديده دي .. بجد أول مره أسمعها

    ReplyDelete
  37. 77Math.8 January 2009 at 03:26

    بيقول لك فيه نظرية في العالم التالت:
    كل رئيس بيجيب النائب او الوزير اغبى منه عشان ما ينطش على الكرسي
    عشان كده عبد الناصر جاب السادات
    وعشان كده السادات جاب عوكل
    وعشان كده عوكل مش لاقي له نائب لحد دلوقت

    ههههههههههههههههههههههههههههه

    بتفكريني بالعربية اللي نازلة نزلة جامدة جدا والفرامل خربانة

    ايه اللي منتظرنا أسوأ من كدا غير إننا ننقصف ؟

    ReplyDelete
  38. Unknown8 January 2009 at 03:31

    طب يا مواطن
    اتاتورك ده كان ديكتاتور اكتر من عبد الناصر عشرميت مرة
    وفوق البيعة عنصري وكان بيحتقر العرب وبما فيهم احنا يعني
    وكان واطي ودون وندل
    وكان سفاح

    وتصبحوا على خير

    نزل له هيكل يا طفطف

    الحلقة حلوة قوي فعلا
    ابصم على كل كلمة فيها بصوابع ايديا ورجليا ونطح عليها بقورتي برضه

    ReplyDelete
  39. مواطن مصري8 January 2009 at 03:33

    اتاتورك ده كان ديكتاتور اكتر من عبد الناصر عشرميت مرة


    ديكتاتور ازاي و اذا كان هو الي انهى الاحتلال العثماني الي كان اشد ديكتاتورية

    اتاتورك الي عمل علماننية تركياااا الي هي تحولت لدولة ديموقراطية بعد الخلافة او الاحتلال العثماني

    ReplyDelete
  40. TAFATEFO8 January 2009 at 03:34

    أهي محاكمة حضرتك لأتاتورك بالرفض المطلق .. هو نفس طريقة محاكمة حضرتك لناصر .. هي نفس طريقة محاكمة حضرتك للسادات

    أنا لو قالولي أنهي الأحسن ناصر ولا السادات .. هقول أحسن أفعل تفضيل .. يعني بين اتنين مشتركين في وصف الحسن

    والاتنين مشتركين في كل صفات السوء

    السؤال أيهما أسوأ .. أزفت .. أنيل

    ReplyDelete
  41. حسن على8 January 2009 at 03:35

    انيس منصور من اكثر الصحفيين قرائة واطلاع ومعرفةبالاداب و باللغات ... ولكنة فى نفس الوقت يعشق الثروة والسلطة ويتقرب لأصحابهاولو على حساب الحقيقة,فيصبح بذلك "حمارا يحمل اسفارا"وفى كتابة الذين هبطوا من السماء ينقل نقوش باللغة الامازيغية -والتى تحتوى حروفها على علامات(=و+و-)ويدعى انها معادلات رياضية تركها الذين هبطوامن السماء!!!انيس مثقف ولكنة عيان... مسكين يا انيس

    ReplyDelete
  42. حسن على8 January 2009 at 03:56

    بل اكثر من ذلك ونسجا على منوال انيس وعلى سالم اقول" كيف لم يرسل ابو الغيط زهورا لقائد لواء جولانى الجريح؟؟؟.وكيف لم يقم السفير فى تل ابيب بتوزيع "قرص الرحمة والفول النابت"على ارواح شهداء اسرائيل؟؟؟ والذين قتلوا بيد مقاتلى حماس الوحشين؟؟؟

    ReplyDelete
  43. هرطقة8 January 2009 at 05:26

    أنا بقى لا بحب عبدالناصر ولا السادات
    كل واحد فيهم عمل مصايب لسه بنعانى منها لحد دلوقتى
    بس الصراحة يعنى, لو هنقول على واحد فيهم "الكذاب".. يبقى السادات
    لكن أنيس منصور مش حمار, أنيس منصور نصاب
    ومش كلمة نابليون بس اللى سرقها, كل العمود بتاعه ده سرقة, وبيعيد ويكرر الكلام
    بس برافو يا نوارة, أنا برضه بطلت أقراله من تالتة اعدادى
    الذين هبطوا من السطوح

    ReplyDelete
  44. Anonymous8 January 2009 at 07:54

    حزب الله ضرب صورايخ كاتيوشا على نهاريا والجليل الغربي
    الموضوع ده بجد

    ReplyDelete
  45. Anonymous8 January 2009 at 08:34

    عزيزتي نوارة

    بعد كلام هيكل عن مصر وقبله عزمي بشارة لما قال "دي مصر" طلعت في دماغي فكرة بدعوة لإضافة أغنية مصر تتحدث عن نفسهاعلى كل المنتديات والمدونات

    ReplyDelete
  46. Unknown8 January 2009 at 10:36

    يا مواطن
    ماهو دي اوهامك بقى
    انت متصور ان العلمانية اكيد ديمقراطية
    وده مش صحيح
    انا عايزاك تروح تركيا وتقول: انا ما باحبش اتاتورك

    عشان تتسجن
    وده في الدستور اي هجوم على اتاتورك من اي نوع - لحد دلوقت - واي تهجم على العلمانية او انتقادها يودي بك الى السجن
    مش بقى بقانون طوارئ واستعباط

    بتشريع في الدستور
    والعثمانيين كانوا برقبته، متخلفين بس برقبته، وكان عندهم حرية اعتقاد اكتر منه
    وهو اللي منع ان المحجبات تمشي في الشارع
    وبسببه المحجبات لحد دلوقت مش عارفين يدخلوا الجامعة
    فين الديمقراطية دي بقى؟

    ReplyDelete
  47. مواطن مصري8 January 2009 at 13:38

    حكاية الحجاب دي ليها موضوع تاني عشان كان تركيا الي بتلبس الحجاب هم الخدم فلما جة اتاتورك

    حرر النساء من الحجاب اي كان رمز للخدم وقتهاا لكي يتاوسى الشعب التركي مع بعضة


    انا قريتها و سمعتها من كام واحد قد تكون صحيحة او خاطئة

    ReplyDelete
  48. Anonymous8 January 2009 at 13:50

    احمد سعيد

    هههههههة
    اهو اللى انا شايفة دة نوذج مصغر للعالم العربى
    كلكم سيبتم اللى بيحصل دلوقتى ومسكتم فى اتاتورك وعبناصر والسادات

    انو واجعين دماغكم لية

    اتاتورك كان قاتل وسفاح ودبكتاتور وعنصرى
    وبلاش اتكلم على حربة على الاسلام لحسن فية ناس بتزعل

    وعبناصر كان طاغيةوسايب اللى حوالية يدمرو فى البلد وعامل اهيل ومش واخد بالة

    السادات كان اكبر كداب واكبر منافق وبلاش اقول اكبر حرامى لان فية ناس كسرت الرقم القياسى بتاعة دلوقتى

    وعوكل جرثومة اتزرعت فى قلب مصر علشان تدمرها

    ولكن
    كلهم باستثناء الاخير كان ليهم ايجابيات ولو قليلة قوى

    بصو ياجماعة احنا مشكلتنا مشكلة البحث عن رمز

    عاوزين قدوة عايزين واحد نفتخر بية ونقول هو دة الصح

    بس مع الاسف دة مش هنلاقية
    لان الكل ملوث ومتعاص
    وعمرك مهتلتاقى واحد متقيف على دماغك

    هتفضل معجب بية شوية لحد متتصدم فى حاجات انت مش مقتنع بيها
    وساعتها قدامك حل من اتنين
    ياما تقعد تبرر اخطاؤة

    ياما تسيبة وتدور على حد تانى


    والصح انك تدور على الايجابيات وتتبناها وتعتنقها
    وتدور على السلبيات وتنتقدها
    دول كلهم مش من بقيت اهلكو علشان تدافعو عنهم

    وسيبكو من كلام الدلاديل اللى كانو عايشين متنعمين فى عصرهم على قفا الناس
    طبعا لازم يمدحوهم
    لان دة ستر لعورتهم هم شخصيا

    كن انت نفسك
    وعلى راى الحكمة
    لاتعرف الحق بالرجال ولكن اعرف الحق تعرف الرجال

    اما بقى اليس منطور
    بصراحة لا يستحق اصلا انكم تتكلمو علية
    دة تحطوة فى نفس خانة الوزير الفنان
    متعلقوش علية اصلا
    ولاحتى بالشتيمة


    انتو عارفين مين اللى خانقنى اكتر من دول كلهم

    الشعوب
    وخصوصا شعبنا المبجل

    ايية الجبن دة
    الناس عايزة اية تانى بعد ماتنتهك حرماتها واعراضها قدام عنيها
    وبعدين لسة بردة بيقولو معلش ياباشا وياسعادة البية
    واللة انا لو وصفتهم بقطيع غنم ابقى ظلمت الغنم
    حتى الغنم لو سقتها علشان ترميها فى حفرة بترفض
    ولو سقتها علشان تندبح بترفص
    بتصرخ
    بترفص
    ومحدش يقولى الناس غلابة ومغلوبة على امرها
    مافيش شعب مغلوب على امرة
    وربنا مسلطش الاوساخ دول علينا من فراغ
    معلش انا شايف اللى بيحصل فى مصر دلوقتى قمة العدالة
    اهالينا اللى كانو ماشيين جنب الحيط ايام عبناصر وخايفين ويقولو عايزين نربى ولادنا
    دلوقتى ولادهم اترمو فى السجون واتقتلو او اتحرقو او غرقو قدام عنيهم

    لو مش هتدافع النهاردة عن نفسك بكرة ولادك يدفعو التمن
    اللى مظلومين فى الحكاية دة هما اللى بيقولو لا
    هم اللى بيدفعو تمن جبن الاخرين
    احنا هنتحاسب يوم القيامة مع عوكل ولا اللى سبقوة
    احنا شركاؤهم فى الظلم بسوكوتنا عليهم

    وماحدش يزعل من كلام وربرت فيسك او غيرة
    ماحد قال حاجة غلط
    بال العكس دول قالو اقل من الحقيقة

    البهيمة ولامؤاخذة بتعيش علشان
    تاكل
    تشرب
    تعشر ولامؤاخذة
    تنام
    تنعر


    المواطن المصرى (الاغلبية)
    كل همة
    ياكل
    يشرب
    .....ي
    ينام
    يطعن فى غيرة
    ومع الاسف مش بينعر

    مع ان البهيمة بناخد منها لبن
    وبناكل لحمها

    يعنى بتفيد الغير
    المصرى حد يطلعلى فايدة واحدة فية غير انه يزر زميلة فى الشغل وينزل كليبات هيفا ومعزة على ام الموبايل ويقعد يريل عليهم طول النهار
    ويقعد يمارس اسقاط الديكتاتورية اللى عندة على ركابة فى الميكروباس ويجبرهم على سماع البذائات واالمكروباس دة الجمهورية بتاعتى واللى مش عاجبة ينزل

    انا عارف ان فية ناس كويسة بس مع الاسف هم دول اللى بينطحنو فى النص

    ودول اقلية


    مش هعدد سيئات بس بجد احنا بقينا وحشين
    اوى
    اوى
    اوى

    ازاى هنتصلح واحنا اصلا رافضين نعترف بالواقع

    وسيبكم بقى من الهبل بتاع ستلاف سنة حضارة والكلام الفارغ دة
    الكلام دة لو فية مدح يبقى للى صنعو الحضارة دى
    مش للى هدموها
    للى بنو الاهرام
    مش للى بيتعاملو معاها على انها ولا مؤاخذة خرابة وحتة ضلمة

    احنا فى كرب زى فلسطين
    بس يمكن هما بيموتو بسرعة
    وبكرامة
    واحنا بنموت بالبطىء
    وبذل

    انا بطلت اسمع اخبار
    حاسس انى هتشل
    ببص فى المراية امبارح
    لقيت فى راسى شعر كتيييييير ابيض
    اول مرة اخد بالى

    نفسى اللى بيحصل اليومين دول ينتهى بنصر للحق
    وعهد جديد
    اى حاجة تخرجنى من اللى ىانا فية
    اسف يا جماعة
    اسف يا نوارة
    اسف على كلامى الحاد
    اسف على السوداوية
    اسف على الاطالة
    معلش خنقتكو معايا بس بجد كنت عايز افضفض شوية

    ReplyDelete
  49. Anonymous8 January 2009 at 15:32

    احمد سعيد قولت كل اللى نفسى اقولة ربنا يفرجها بقى بسالمشكلة ان اللى رايهم زينا كدة قليلين بالنسبة للاخرين اللى فاكرين انكدة رضا واحنا احسن من غيرنا وشايفين السياسة الحكيمة مخلياكو فى امان ازاىلدرجة انى بتناقش واحد منهم قللى يعنى انت هتفهم احسن من الريسوللاسف متعلمين بسكل اللى يهمهم يحطو هيفا على الموبيل ويريلو عليها عشان كدة عمرنا ماحنوصل لحاجة ربنا ياخدنا احسن

    ReplyDelete
  50. Anonymous8 January 2009 at 15:55

    انت عارف
    سهل قوى انك تكمل مهما كان عدوك قوى وانت ضعيف
    بس بجد لما تيجى اللحظة الى فيها يتخلى عنك اللى انت كنت بتدافع عنة بل ويهاجمك ويطعنك كمان

    بجد
    دى تقطم الوسط

    احمد سعيد

    ReplyDelete
  51. Anonymous8 January 2009 at 16:00

    وعموما متستعجلش كدة كدة ربنا هيخدنا بس بجد نفسى اغير حاجة
    نفسى اخرج من تصنيف البهايم
    وادخل تصنيف البشر
    مبقاش زى ماتولدت زى مامت
    يبقى فية حاجة فرقت بسببى
    اى حاجة
    نفسى لما اقف قدام ربنا ويسالنى اعرف ارد
    لما يقولى عملت اية
    اعرف اقول
    اقول ولو كلمة واحدة
    انما كدة
    ابيض
    مافيشش


    احمد سعيد

    ReplyDelete

Note: only a member of this blog may post a comment.