Friday, 2 January 2009

عايزين جهة تحقيق نزيهة

ده شاهد عيان بيقول ان اللي حصل في قتل الضابط المصري ان اسرائيل لما قصفت السور الناس راحت جارية وداخلة راح الامن المصري فتح الرصاص الحي وقتل واحد فلما الولد وقع ميت ابوه كان جنبه راح فاتح النار وقتل الظابط المصري
اشتباكات يعني
طيب احنا محتاجين جهة تحقيق نزيهة، الثابت فعلا ان فيه فلسطيني مات، طب يعني حماس قتلت الظابط وقتلت الفلسطيني الحمساوي كمان؟
مين بقى جهة تحقيق نزيهة؟
مافيش اي نزاهة في الدنيا دي على فكرة، وبعدين الامن قفل ابواب الازهر وفتح باب واحد بس يدخل منه الناس
ينفع كده يعني؟ يعني الناس ما تصليش يعني؟
الحكومة المصرية بتفتن على سوريا وبتزنبقها؟ سوريا؟ سوريا كمان؟ ح يقلوا اصلهم مع سوريا؟ اهي سوريا دي بقى فعلا امن قومي
ده الرئيس مبارك مرة زمان قال: لو رصاصة اتوجهت لسوريا يبقى ده اسمه اعلان حرب على مصر
اه والله العظيم، والله العظيم كمان مرة قال كده، واتنشرت في الاهرام
زمان يعني
ومن قبل ما هو يتولد اصلا ودي من ثوابتنا وبعدين بقى مش ناقص غير نلاقي الحكومة المصرية بتتحالف مع اسرائيل وامريكا ضد محافظة قنا كمان
انا عاملة زي المخبوطة على دماغي
at

7 comments:

  1. TAFATEFO2 January 2009 at 13:54

    يا سلام

    عايزين جبهة تحقيق نزيهه؟؟!!

    وهو أصلاً اللي على الحدود عايزين يعبروا يبقوا مسلحين ليه؟؟

    ReplyDelete
  2. Unknown2 January 2009 at 13:57

    لا يا مصطفى هم مسلحين
    زي الصعيد

    ح يرموا السلاح جوة يعني؟

    ReplyDelete
  3. Anonymous2 January 2009 at 14:02

    يعنى انا مش فهمه حكايه الطابط ده يعنى هى اشتباكات ولا اتقتل فى مكتبه وحماس بتدور على سلاح ولا انتحر ولا نيران صديقه ولا ايه بالظبط..يعنى ممدوح اسماعيا اخد براءه فى 700نفس .

    ReplyDelete
  4. TAFATEFO2 January 2009 at 14:29

    بأمارة ايه؟؟

    مسلحين زي الصعيد وهما بيعدوا الحدود المصريه؟؟ ده منطق ايه ده ان شاء الله؟؟

    هو في حد بيعدي حدود محترمه مسلح؟؟!!

    لا بقى .. ماهو محدش يرضى أبداً بكل اللي بيحصل لأهل غزه .. ومحدش يقول برضه ان في حاجه اسمها ناس مسلحه تعدي الحدود

    يرمو السلاح جوه يعني!! لا يجبوه معاهم؟؟

    ReplyDelete
  5. مهندس مصري بيحب مصر2 January 2009 at 14:59

    لا و حكومتنا النظيفة منعت صلاة الجمعة النهاردة في مسجد الفتح بميدان رمسيس
    و اعتقلت ما يزيد عن مائة متظاهر
    و كله صوت و صورة في الجزيرة
    وقطعت المياه و الكهرباء عن الجامع

    انا حطيت تحديث في البوست عندي ابقي شوفيه

    ReplyDelete
  6. مواطن مصري2 January 2009 at 15:31

    ياما حماس بتلقي تهم زي موضوع منع المساعدات في نفس اليوم مصر جابت المعبر في التلفزيون مصر و المساعدات بتدخل و يوم الحجاج لما قالو مصر الي هما مانعين جابت المعبر و الامن واقف جوة الحدود مش من عندهم

    ReplyDelete
  7. مواطن مصري2 January 2009 at 15:32

    @مهندس
    انت ناسي اان ممنوع التظاهر في اماكن دور العبادة سواء للمسيحين او للمسلمين

    ReplyDelete

Note: only a member of this blog may post a comment.