Wednesday, 31 December 2008

عاجل: الامن يحاصر طلاب معهد السينما

اتصل بيا دلوقت احمد فوزي من معهد السينما وبيقول لي ان طلاب المعهد قرروا يعملوا لجنة تضامن مع غزة متزامنة مع امتحانات نص السنة فكانت النتيجة ان الامن حاصرهم وبعد ما خلصوا الامتحان طلبوا من الدكاترة انهم يمشوهم والدكاترة فعلا طردوهم من المعهد
طبعا معهد السينما ما سبقلوش وعمل فاعليات زي دي، احمد بيقول لي انهم عملوا لجنة تضامن مع غزة ومع الناس اللي اتقبض عليهم من وسط البلد النهاردة ومنهم سلمى سعيد وسلمى شكر الله وخالد عبد الله وباسم...مش عارفة اسمه باسم ايه
احمد بيقول انه عايز اللي لهم خبرات في حملات التضامن يتصلوا بيه لان طلاب المعهد ما سبقلهمش وعملوا حاجة زي دي وهم نفسهم يشاركوا في التضامن
للاتصال:
01221591379
هم عاملين حظر على التضامن ليه؟ هم مش كانوا سامحين بيه؟ ده حتى محمد فؤاد لغى حفلة راس السنة! والتلفزيون المصري اجل اطلاق قناة كوميديا، عايزين ايه اكتر من كده بقى؟ يقطعوا نفسهم يعني؟
at

2 comments:

  1. مواطن مصري31 December 2008 at 16:07

    نوارة لو جت عربية تجنيد ووقفت و قالت هناخدكم تحاريو تفتكري كم واحد هيروح و كم واحد هيلخع

    ReplyDelete
  2. tamer.sala731 December 2008 at 18:44

    والاوبرا كمان لغت حفلة محمد منير والناس اللي اشترت تذاكر من السوق السوداء اتخزوقوا كلهم واللي حيرجع تذكرة حيسترد المبلغ المكتوب عليها وبس يعني محدش استفاد غير تجار السوق السوداء

    ReplyDelete

Note: only a member of this blog may post a comment.