Monday 1 December 2008

ودي كانت نهاية فرقة عكاشة المسرحية

انا عايزة افهم ايه يسعد الامن اكتر من ان المدونين اللي كانوا في يوم من الايام بيقضوا مضاجعه يتحولوا الى خائضين في الاعراض وقاعدين زي نسوان الشلت يقولوا البتش دشي ماشية مع الواد ده وشفتها وهي بتشاور للواد من الشوباك وتشعمل نفسها رايحة الدرس عشان تزوغ وتشرب سجاير في الحديقة الدولية
هو انا مش قلت قبل كده ان خفت ما تعمل وان عملت ما تخاف؟
خلاص بقى غسالة تلاجة....عيب على الناس والله، محمد عادل ومحمد خيري في السجن وناس قاعدة في حمام التلات تطرقع اللبانة بفلوس المعونة
ودي كانت نهاية فرقة عكاشة المسرحية
على فكرة انا سبت الجايكو وشكلي ح اسيب حاجات كتير
at

12 comments:

  1. غلبان ... وليا لسان .... DeXTeR!1 December 2008 at 22:47

    ليه؟؟؟

    ليه تسيبي الجايكيو؟؟

    علشان اللي إسمه وائل دا؟؟؟

    ما أعتقدتش !!

    ReplyDelete
  2. mido1 December 2008 at 22:53

    سبتى الجايكو
    وبكرة تسيبى التدوين

    خطوة غير موفقة فى رأيي
    :(

    ReplyDelete
  3. دعاء1 December 2008 at 23:18

    مفيش شيء يسعدهم طبعًا أكثر من ألي بيجرا ده..

    بس الحل يا نوارة مش أنك تسيبي الجايكو أو تسيبي أي مكان

    لما الكويسين يفضلوا يسيبوا كل مكان كده مين ألي هيتبقى؟؟

    أنتي عملتي حل ممتاز في الأول إزالة أي وسيلة يصل فيها كلامهم لك أو لأي شخص وبكده يبقى ألي عايز يتكلم أو يشتم او يخوض في أعراض يكلم نفسه بس ومحدش هيسمعله أساسًا..

    وصدقيني الناس عندها عقول وبتقدر تفرق وتكتشف كل شخص من تصرفاته ويا يتعاملوا معاه يا يبعدوا عنه

    محدش يقدر يفضل يخدع الناس على طول أبدًا

    ReplyDelete
  4. lastcrazyboys1 December 2008 at 23:22

    يا بتوع نضال آخر زمن"

    ف العوامات "

    مش عــارف ليه جت الجملة دي على بالي ..من ســاعة حــوار الاتصال
    بماما امريكا
    انا لما قلتها ..كانت علنية ..وابديت اعجابي بمشوار اوباما ..واصراره وتحديه
    ومش عارف لو اتصل الراجل بيا وقاللي :متشكرين عالبُقين دول - مع انه مجاليش تعليمات بكده- كنت هقول ..ياخوانا الراجل اتصل وشكرني ..مع اني لحد دلوقتي لم أدّع شرف النضال ..ولا قلت انا ضد النظام ..ولا انا مع الفقراء ..والكلام ده كله
    بجد الناس دي بتأكدلي كل يوم ان الشعارات الكتييير .وراها حاجة مش مطمئنة

    وانتي اللي عليكي ولا تحطي في
    دماغك..التجـارب والحياة بتبين انه مفيش ثوابت

    ReplyDelete
  5. mido1 December 2008 at 23:32

    و بعد كده تلغي اشتراك النت

    ReplyDelete
  6. حسن على1 December 2008 at 23:38

    بيان رقم واحد: المجد للصحفين الاحرار لقرارهم الشجاع بالطعن على قرار حظر النشر فى قضية هشام طلعت والسكرى.والخزى والعار لسياسة التعتيم على المصريين وحرمانهم من حقهم الدستورى فى المعرفة ... هذا الخزى وذلك العار يلحق بكل مسيىء استعمال السلطة مهما كانوا... فالمجد اذن للصحفين الاحرار... فماذا عن نقيبهم البليد؟؟؟ ان الجميع ينخسونة بكل الكلمات الموجعة وهو مازال يجلس بليدا وفكة السفلى متدلى وكأنة يفكر لكنة لايفعل شيئا!!! وأعتذر لنوارة لخروجى عن النص ... وماليش نفس اكتب عن عيانين

    ReplyDelete
  7. مواطن مصري2 December 2008 at 00:22

    يعني طلع هووو


    طيب الاحسن ان الواحد ميردش علية

    و على راي المثل

    القافة تسير و الكلاب تهوهو

    ولو احنا ردينا عليا يبقى كدة بنديلو اهتمام

    المفروض منردش علىيةةةةةة عشان مكانة في صفحية الزبالة ولا اية يا نوارة

    ReplyDelete
  8. Unknown2 December 2008 at 00:54

    هو انا مش علي الجايكو اه
    بس انا مش موافقه انك تسيبيه

    ماتسبيش مكانك عشان اي حد
    فاهمه؟

    يالا خليكي شطوره وقولي حاضر
    (:

    ReplyDelete
  9. رامز عباس2 December 2008 at 01:39

    يا جمـــــــــــــــــــاعة

    الدنيا مقلوبة


    مؤتمر جماهيري بالساعه 6 يوم الخميس


    بنقابة الصحفيين بالدور الرابع



    للتضامن مع العميد/ ميت محمد عادل

    الذى تم اختطافه

    الرجاء الحضور بكثافة
    وصدق التضامن

    ReplyDelete
  10. رامز عباس2 December 2008 at 01:41

    الرجاء الحضور


    _____________

    نوراتنا

    اتصلت بيكي العصر تلات مرات تلفونك مردش

    ________________

    دخلت جايكوا لقين الناس كتير بتكتب تبعتلك وناس بتطلب مشوراتك

    انتي قدوة فبلاش شغل العيال الصغيرة


    طالما انتي برقابه الناس الوحشة فمتزعليش نفسك واستعدى يمكن تتطلعي تتكلمي بالمؤتمر كمدونة ترفض الظلم للمدونين

    ReplyDelete
  11. صوت الحق2 December 2008 at 09:08

    ايه اللي عملتي دة يا نوارة تسيبي الجايكو و تمشي دة كلام برضة و لسانك راح فين اللي يديكي كلمة اديلوه عشرة مش تسيبي المكان لا مالكيش حق

    ReplyDelete
  12. مهندس مصري بيحب مصر2 December 2008 at 17:05

    اي واحد وسخ يشتمنا كلنا احنا كفاءة نطحنوه
    ارجعي الجايكو و ما يهمكيش
    و الجبان اللي مش راضي يكشف وشه و بيشتم و هو مستخبي ورا أكونت غريب
    اكيد نقدر نوقفه عند حده الشخص القذر ده

    ReplyDelete

Note: only a member of this blog may post a comment.