الحقيقة انا ما كنتش ناوية اكتب عن الدكتورة عبلة لسببين، السبب الاول انه لا شكر على واجب، بمعنى ان الطبيعي ان عالم الدين يبقى زي عبلة الكحلاوي، السبب التاني ان دي مدونة ومسموح بالتعليق لاي حد ويقول اي رأي وممكن واحد مش عارف حاجة وللا طالبة معاه شتيمة يقول اي حاجة فيها اساءة ليها وانا مش ح ارضى بده على الاقل على مدونتي
بس اللي دفعني ان اكتب ان لقيت بعض الكلام اللي مش لطيف اللي بيتقال عليها من قبيل: هي مالها مسهوكة كده، الطريقة دي بتغيظني...إلخ
الحقيقة انا اعرف د.عبلة ومن كام سنة كنا في مؤتمر وسافرت معاها وشفتها، هي مش مسهوكة ولا حاجة هي كده، بادئ ذي بدء الست دي عندها علم حقيقي ومش للبيع، يعني تقدروا تسألوا اي معد لبرامج التوك شو عن كمية علماء الدين اللي قبل التصوير بيقولوا: انتوا عايزينا نقول ايه واحنا نقوله...بيعملوا كده عشان يعملوا اثارة في البرنامج يقوموا المعدين التانيين يجيبوهم في برامج تانية، انا مش ح اقول اسماء بس فيه للاسف كتير بيعملوا كده، الا عبلة الكحلاوي. اما موضوع السهوكة، الست دي خرجت من بيت ابوها، واظن انتوا عارفين ابوها كان عامل ازاي، لبيت جوزها، وجوزها كان زي ابوها على فكرة، ومن المدرسة على الكلية ومن الكلية على الدراسات العليا ومن الدراسات على التدريس وبعدين الجمعية الاهلية بتاعتها، يعني هي فعلا ما شافتش حاجة في الدنيا، لو قلت لها واحد باس واحدة تحت بير السلم ح تقعد تعيط بجد مش استهبال، هي ما تعرفش الحاجات دي، ولما بيجيبوها في برامج الفتاوى وبتسمع الكلام العجب اللي هي بتسمعه بتبقى مصدومة فعلا، هي ما تعرفش غير الكتب وبيتها والجمعية. وعندها فوق العلم مخ، ومخ المعي فعلا، يعني مثلا انا عارفة ان معدين البرامج ايام موضوع احمد الفيشاوي وهند الحناوي ما كانوش بيرضوا يجيبوها عشان هي مش عايزة تقول ان الجواز العرفي زنا ومش عايزة تقول البنت غلطانة هي كانت واخدة صف هند الحناوي ومش عايزة تعمل الشو اللي بعض علماء الدين التانيين بيعرفوا يعملوه، ولما بيفكروا المعدين انهم يساوموها مش بس مش بتقبل هي حتى مش بتفهم ولا بتاخد بالها من الطرق الملتوية، ما تعرفش الحاجات دي، فعلا ما تعرفش، هي تعرف العلم وخلاص.
ولا مستعدة تتاجر بالعلم ولا تتاجر بالسياسة ولا تعرف حتى تفهم في الحاجات دي. وهي عاملة جمعية خيرية لانها شايفة ان ده دورها. فرجاء يعني مش لازم كل الناس تحبها او تحب طريقتها، لكن هي ما تتساواش بالناس اللي بتتاجر بالدين عشان تبقى تحت الاضواء ولا الناس اللي لها اغراض تانية وبتستغل الدين فيها، ولا الناس الجاهلة اللي بتفتي بغير علم. هي محترمة وتستاهل الاحترام
ملحوظة:
اي تعليق فيه اساءة للست دي انا ح امسحه بعد اذنكوا
بس اللي دفعني ان اكتب ان لقيت بعض الكلام اللي مش لطيف اللي بيتقال عليها من قبيل: هي مالها مسهوكة كده، الطريقة دي بتغيظني...إلخ
الحقيقة انا اعرف د.عبلة ومن كام سنة كنا في مؤتمر وسافرت معاها وشفتها، هي مش مسهوكة ولا حاجة هي كده، بادئ ذي بدء الست دي عندها علم حقيقي ومش للبيع، يعني تقدروا تسألوا اي معد لبرامج التوك شو عن كمية علماء الدين اللي قبل التصوير بيقولوا: انتوا عايزينا نقول ايه واحنا نقوله...بيعملوا كده عشان يعملوا اثارة في البرنامج يقوموا المعدين التانيين يجيبوهم في برامج تانية، انا مش ح اقول اسماء بس فيه للاسف كتير بيعملوا كده، الا عبلة الكحلاوي. اما موضوع السهوكة، الست دي خرجت من بيت ابوها، واظن انتوا عارفين ابوها كان عامل ازاي، لبيت جوزها، وجوزها كان زي ابوها على فكرة، ومن المدرسة على الكلية ومن الكلية على الدراسات العليا ومن الدراسات على التدريس وبعدين الجمعية الاهلية بتاعتها، يعني هي فعلا ما شافتش حاجة في الدنيا، لو قلت لها واحد باس واحدة تحت بير السلم ح تقعد تعيط بجد مش استهبال، هي ما تعرفش الحاجات دي، ولما بيجيبوها في برامج الفتاوى وبتسمع الكلام العجب اللي هي بتسمعه بتبقى مصدومة فعلا، هي ما تعرفش غير الكتب وبيتها والجمعية. وعندها فوق العلم مخ، ومخ المعي فعلا، يعني مثلا انا عارفة ان معدين البرامج ايام موضوع احمد الفيشاوي وهند الحناوي ما كانوش بيرضوا يجيبوها عشان هي مش عايزة تقول ان الجواز العرفي زنا ومش عايزة تقول البنت غلطانة هي كانت واخدة صف هند الحناوي ومش عايزة تعمل الشو اللي بعض علماء الدين التانيين بيعرفوا يعملوه، ولما بيفكروا المعدين انهم يساوموها مش بس مش بتقبل هي حتى مش بتفهم ولا بتاخد بالها من الطرق الملتوية، ما تعرفش الحاجات دي، فعلا ما تعرفش، هي تعرف العلم وخلاص.
ولا مستعدة تتاجر بالعلم ولا تتاجر بالسياسة ولا تعرف حتى تفهم في الحاجات دي. وهي عاملة جمعية خيرية لانها شايفة ان ده دورها. فرجاء يعني مش لازم كل الناس تحبها او تحب طريقتها، لكن هي ما تتساواش بالناس اللي بتتاجر بالدين عشان تبقى تحت الاضواء ولا الناس اللي لها اغراض تانية وبتستغل الدين فيها، ولا الناس الجاهلة اللي بتفتي بغير علم. هي محترمة وتستاهل الاحترام
ملحوظة:
اي تعليق فيه اساءة للست دي انا ح امسحه بعد اذنكوا
No comments:
Post a Comment
Note: only a member of this blog may post a comment.