دلوقت بروح امهم الحكومة المحروقة بجاز وسخ سايبة اسباب الحريق ومين اللي ورا الحريق والتكاليف الوسخة اللي ح ندفعها من جيبنا والاهمال القذر ...استغفر الله العظيم يا رب اللهم اني صايمة، اسكت يا لساني، اللهم اني صايمة ومش شاربة قهوة ولا سجاير وروحي في مناخيري والاقي الخبر ده
فتح ملف قضية شماتة ابلة ظاظا فينا وفرحة الاعادي اللي في المعادي وكيد الوسخين اللي في المهندسين، وبخرتك يا سبيرين جوزي من عين الحسود، بخرتك يا سبرين جوزي واللي يطق يموت
واصل دول بعتوا لنا برقيات تضامن، اخص عليهم، في الوش مراية وفي القفا سلاية
طيب احنا شمتانين وللا رابطين راسنا وقاعدين نعدد في الشارع
مين اللي ورا حريق مجلس الشورى؟ لو اهمال مين اللي ح يتحاسب في الاهمال؟ لو مقصود مين اللي وراها؟
ح نفترض انه اهمال لاننا ناس مؤدبة، مين اللي ح يقال بسبب الاهمال الفادح ده؟
الشعب، صح؟ الشعب لانه شمات وحساد ووسخ وكمان منافق وبيبعت رسايل نفاق عشان يتريق عليكوا بينما الحقيقة اول ما اديتوا له ضهركوا قعد يقول هيه هيه يا وابور يا مولع حط الفحم وانا اقول لك ولع حط الفحم
طبعا مش مهم ابدا التحقيق في اسباب الاهمال وعدم وجود نظام اطفاء ذاتي وتأخر المطافي والوسائل البدائية اللي المطافي بيها كانت بتسقي الزرع في الحريقة والجرادل الحمرا اللي متدلدلة من الهليكوبتر وهم كانوا اصلا طيارتين وفلوسنا اللي اتلهطت ولوحات عظيمة لاروع الفنانين التشكيليين المصريين اتحرقت كلها واللي ما اتحرقش منها غرق بمية المطافي والمستندات المهمة اللي اتحرقت والمواطن اللي مات وهو بيأدي واجب رؤساءه ما عرفوش يدوا له اليات صح عشان يأديه
كل ده مش مهم
المهم: ميييييييييييييين اللي كل يوم قاعدين في بيتنا ويطلعوا يجيبوا في سيرتنا كل يوم
ياللا يا شباب المدونين والفيس بوك
اعملوا حملة لكشف حقيقة مشاعر المصريين الشامتين وفضحهم وتقديمهم للمحاكمة، على الله بقى يتحطوا في نفس القضية بتاعة البت اللي اتخانقت في الشارع
فتح ملف قضية شماتة ابلة ظاظا فينا وفرحة الاعادي اللي في المعادي وكيد الوسخين اللي في المهندسين، وبخرتك يا سبيرين جوزي من عين الحسود، بخرتك يا سبرين جوزي واللي يطق يموت
واصل دول بعتوا لنا برقيات تضامن، اخص عليهم، في الوش مراية وفي القفا سلاية
طيب احنا شمتانين وللا رابطين راسنا وقاعدين نعدد في الشارع
مين اللي ورا حريق مجلس الشورى؟ لو اهمال مين اللي ح يتحاسب في الاهمال؟ لو مقصود مين اللي وراها؟
ح نفترض انه اهمال لاننا ناس مؤدبة، مين اللي ح يقال بسبب الاهمال الفادح ده؟
الشعب، صح؟ الشعب لانه شمات وحساد ووسخ وكمان منافق وبيبعت رسايل نفاق عشان يتريق عليكوا بينما الحقيقة اول ما اديتوا له ضهركوا قعد يقول هيه هيه يا وابور يا مولع حط الفحم وانا اقول لك ولع حط الفحم
طبعا مش مهم ابدا التحقيق في اسباب الاهمال وعدم وجود نظام اطفاء ذاتي وتأخر المطافي والوسائل البدائية اللي المطافي بيها كانت بتسقي الزرع في الحريقة والجرادل الحمرا اللي متدلدلة من الهليكوبتر وهم كانوا اصلا طيارتين وفلوسنا اللي اتلهطت ولوحات عظيمة لاروع الفنانين التشكيليين المصريين اتحرقت كلها واللي ما اتحرقش منها غرق بمية المطافي والمستندات المهمة اللي اتحرقت والمواطن اللي مات وهو بيأدي واجب رؤساءه ما عرفوش يدوا له اليات صح عشان يأديه
كل ده مش مهم
المهم: ميييييييييييييين اللي كل يوم قاعدين في بيتنا ويطلعوا يجيبوا في سيرتنا كل يوم
ياللا يا شباب المدونين والفيس بوك
اعملوا حملة لكشف حقيقة مشاعر المصريين الشامتين وفضحهم وتقديمهم للمحاكمة، على الله بقى يتحطوا في نفس القضية بتاعة البت اللي اتخانقت في الشارع
No comments:
Post a Comment
Note: only a member of this blog may post a comment.