لولولولولولللللللييييييييييييي

انا والله مش شمتانة والله العظيم تلاتة ما شمتانة في هشام طلعت خالص انا اصلا مافيش بيني وبينه اي حزازات شخصية ولا اكل الشيكولاتة بتاعتي ولا خلص لي علبة السجاير ولا دلق لي القهوة

انا بس كنت زعلانة قوي، زعلانة ان رؤوساء تحرير يتحقق معاهم عشان خاطره، وزعلانة ان منى الشاذلي تتهزأ على الهوا من ريسها بسببه

الحمد لله ان ربنا نصفهم، عشان هم اصلا ما عملوش حاجة اساسا هم كل اللي عملوه انهم قالوا فيه اشاعات بتقول كده، وحتى منى كدبت الموضوع على برنامجها
يعني لما النائب العام يطلع قرار بحظر النشر وعدم التعرض لهشام طلعت، وبعدين يضطروا
وبكرر
يضطروا...يضطروا...يضطروااااااااااااااااا يقبضوا عليه
تبقى دي بركة رمضان وبركات الامارات وعادل معتوق....ينصر دينهم جميعا
انا مش قلت لكوا مش ح يجيبها الا عادل معتوق
انا لو من منى اطلب ان بهجت يعتذر لي على الهوا زي ما هزأني على الهوا قدام الناس
ولو من ابراهيم عيسى اطلب رد شرف وارفع قضية اطالب فيها بالتعويض
هم الاعلاميين دول مش الشباشب بتاعة الحكومة والحيطة المايلة وكل اللي رايح واللي جاي يديهم على قفاهم...هم كمان يرفعوا قضايا على التهزئ اللي عمال على بطال ده
ما تتخيلوش انا كان دمي محبوس قد ايه عشان موضوع حظر النشر والتهزئ اللي حصل ده
الحمد لله

الاول