يا سلام يا اختي انت وهي ودي محتاجة نباهة؟

وده ايه ده؟ هي البنات عبيطة وللا بتستعبط وللا دماغهم اتلحست وللا ايه بالظبط؟ بالذمة يعني لما يطلبوا ممثلة وللا عارضة ازياء على مسابقة على النت، بالذمة يعني محتاجة نباهة عشان يتفهم انها لا مسابقة ولا نيلة وانها شيء اخر على راي توماس؟ محتاجة مخ؟ حد يا جماعة يرد...اهو...اهو واحد لا من ديني ولا من دينك بيقول لك بطلي هبل، وداخلة مسابقة طالبين منك صور كذا كذا في المنتزه وتبعتي ولما يطلبوا منك حاجات تانية تقولي لا انا شريفة؟ انت يا بت غبية؟ غبية؟
الله يخرب بيوتهم..الله يخرب بيوت اللي هبل الناس وخلا كل الشباب عايز يبقى لعيب كورة وكل البنات عايزين يرقصوا بشرفهم عشان يجيبوا فلوس كتير ويشتروا كل اللي في الاعلانات
الله يخرب بيت اللي سعر الناس