فيديوهات محاكمة اهالي سراندو

في الاول الامن كان عايز يمنعنا

بس هم كانوا مهتمين بانهم يتصوروا اكتر، المهم جيت ادخل منعوني والراجل بتاع المباحث مسك دراعي عشان يشدني رحت مصوتة وقلت له: انت بتمسك ايدي؟ بتمسك ايدي؟ فقال للعسكري عديها عديها
وبعدين ابتدت المحاكمة الاول اتكلم الاستاذ خيري الالج وترافع عن المحامي محمد عبد العزيز سلامة، واتكلم عن تضارب اقوال الشهود وده جزء من مرافعة الاستاذ خيري الالج

وبعدين اتكلم الاستاذ احمد سيف الاسلام، واثبت ان فيه حاجة غلط بخصوص قرار الحاكم العسكري لاعادة محاكمة اهالي سراندو وان ده طعن في سيادة القضاء وان ده مش دستوري وده جزء من مرافعة الاستاذ احمد سيف

الحقيقة المرافعات كانت رائعة كلها، الاستاذة ماجدة رشوان اول ما ابتدت قالت ان المحامين الموجودين هم ورثة المحامين الشرفاء اللي عايزين يدافعوا عن المظلومين وده جزء من مرافعة الاستاذة ماجدة

ودي جزء من مرافعة الاستاذ احمد كمال

لما الاستاذ حمدي الاسيوطي جه يترافع كانت كان شحن التليفون قطع وعلى بال ما سطيت على بطارية الاستاذ احمد سيف الاسلام كان الاستاذ حمدي خلص
وبعدين الاستاذ سيد فتحي اتكلم عن القانون الاستثنائي الخاص بالتجمعات ده يعود تاريخه الى الحرب العالمية الاولى وانه قانون استثنائي وكانت مصر تحت الاحتلال وقال اننا في مواجهة الاقطاع الجديد اللي عايز يرجعنا ورا

وبعدين اترافع كمان الاستاذ ابراهيم اباظة في تفاصيل قانونية بخصوص المحاضر
وكل المرافعات كانت بتقول ان محرر المحضر كان متعمد انه يلبس الفلاحين مصيبة

وبعدين النطق بالحكم
بصوا بقى، الحكم كان بعد المداولة وقعدنا كتير او حسينا اننا عايشين اطول ساعتين في عمرنا
وبعدين القاضي عسل والله، كل شوية يفتحوا الباب ويبان في المراية، وبعدين يرجع، وبعدين يفتحوا الباب ونشوف خياله انه ح يطلع، وبعدين يرجع وبعدين خرج وبعدين قال احكام على ناس تانية، انا سمعت حكمت المحكمة بالسجن قلبي وقع في رجليا وريقي نشف وبصيت لمالك ومالك سمع الاسامي وهز لي راسه انه لا دول مش تبعنا
وبعدين وصلنا بقى في الاخر لقضية سراندو راح القاضي ساكت شوية، واخد نفسه، وبعدين قال الحكم

وطلعنا برة لقينا الشباب اللي طول ما احنا جوة وطول ما الدفاع بيترافع ما سكتوش ولا ثانية وصوتهم في الخلفية كان مدي زخم للمحامين وراحة وهم بيترافعوا
مش ح اتكلم بقى شوفوا انتوا





بلادي بلادي بلادي لكي حبي وفؤادي وشوفوا الفيديو ده