ايه بقى

انا اصلي بقالي تلات ايام في دوامة مش دريانة بالدنيا، فيه حاجة جديدة حصلت
للاسف الفترة اللي فاتت ما جاتش فرصة غير اني اقرا الجرايد وطبعا انتوا عارفين الجرايد ما بتجيبش اخبار، الاخبار باعرفها من المدونات، فيه حاجة؟
امبارح سمعت نحس الحريري بيلت ويعجن ويشتم في الجيش وبيقول ان حزب الله بياخد دعم من ايران وسوريا وهو ما انكرش انه بياخد دعم من امريكا
بالنوسبة للناس والكتاب والصحف - بما فيهم جريدة البديل - اللي شايفين ان من حق الحريري واللي اسمه دعيّ الاسلام ده انهم ياخدوا سلاح ودعم من امريكا واوروبا عشان يخدموا مصالح اسرائيل وامن اسرائيل ويحاربوا ناس في الاول وفي الاخر لبنانيين ويهددوا امنهم ووجودهم ويعروا ضهرهم ومش شايفين حاجة في ده خالص
مش بس كده
دول حتى على مستوى الافراد مش شايفين مشكلة في انهم ياخدوا - كمنظمات اهلية - دعم من الاتحاد الاوروبي ومن منظمات امريكية حكومة واهلية
او حتى مش شايفين اي مشكلة في منحة الفولبرايت ومنحة البريتش كاونسل ووالله لو جات لهم منحة من سراييفو ما ح يرجعوها
كل ده حلو وحلال وكلهم جيوبهم دفيانة من المنح والهبات دي، واللي لسة ما جاتلوش الفرصة يتمناها ويبوس الاعتاب عشان تيجيله عشان يحقق مكاسب شخصية ويزايد علينا ويعمل علينا مناضل كمان
ولما حزب الله ياخد من ايران ومن سوريا عشان يحارب اسرائيل يبقى عميل وبيمد النفوذ الايراني والسوري وتبقى فلوسهم نجسة وشخ عليها كلب واكل خنزير
بالنوسبة للناس دي، طب الواحد ح يتناقش معاهم يقول لهم ايه؟
واحد بياكل خرا ولما اقول له انت بتاكل خرا يقول لي لو سمحتي حسني ملافظك، دي مخلفات ادمية مش خرا
وهو بقه ملحوس خرا يشاور على واحد من بعيد ويقول شوف ابن الكلب بياكل لحمة مش مستوية كويس، ودبيحها فيه شبهة
طب ده الواحد يقول له ايه؟ مافيش غير انه ياخد بقية الخرا اللي باقي في طبقه ويلحوس بيه وشه