بعد ما عذبتكوا دلوقت نقدر نتكلم
اصل بيقول لك التعذيب بيضعف مقاومة الضحية خصوصا لما يبقى تعذيب الضحية نفسي
1- المطالب فوق اهي انا شخصيا ح انزلها في بوست لوحدها واستقبل يوم اربعة مايو بيها
2- مافيش نزول من البيت خالص
3- لو مسلم ح تنزل تصلي الضهر والعصر لو مسيحي ح تحضر قداس الاحد
اماكن الصلوات هنا
ملحوظة: ح تروح اماكن الصلاة على رجليك، معاك موبايل ح تصور بيه، مش ح تاخد مواصلة مش ح تشتري حاجة في السكة
لقيت الدنيا مقفولة ومانعينا من الصلاة (ما تستغربش دول يطلع منهم اي حاجة) تصور ده وترجع ما تحتكش، ترجع تستقرب اي مسجد جنبك مش نازل في اللستة وتصلي فيه، اغلب الظن انهم ح يعملوا حراسة مشددة على المساجد اللي في اللستة بس لانهم اغبيا لامؤاخذة
مش ح يصدقوا اننا نازلين بشكل سلمي، ومش ح يخطر في بالهم ان اي مسجد تاني يقضي الغرض
واخد بالك يا ح الظابط؟
ح تصلي في هدوء، وتدعي ربنا في هدوء، ربنا بيسمع يعني مش لازم تسمع اللي جنبك
وح تبقى لابس قميص او بلوزة لونها اسود
في هدوء وترجع في سلام، لو حد تحرش بيك ما تحتكش، ده الاتفاق بين الجميع ومش بطولة منك انك تخرق الاتفاقات
الله يخليكوا مش عايزين حد يشوه صورتنا ولا يمسك علينا غلطة
مدمني البطولات الجهجهونية والاستعراضات تقدر تقدم في معهد الفنون المسرحية وترحمنا احنا
4- ح ترجع البيت وتقعد فيه زي الشاطر
5- الساعة تسعة ح تطفي الانوار في البيت لحد الساعة عشرة بالليل
وكل سنة وانتوا طيبين
------
لاااااااااا هههههههههههههههه
اظن مفهوم ان مافيش شرا بكرة خالص لا دليفري ولا غيره احنا ح نستظرف وللا ايه؟
No comments:
Post a Comment
Note: only a member of this blog may post a comment.