حاول تنجح اضراب بكرة

تقدر دلوقت تعلق ورقة في مدخل العمارة وفي الاسانسير، تقول للبياعين اللي حواليك، انا شخصيا فوجئت ان الست اللي بتساعدنا في البيت عارفة وفاكرة اننا بكرة ح نكسر اكشاك العيش، :) بس انا قلت لها مافيش تكسير، كل الحكاية ان الناس مش ح تتحرك من البيت
انا متفائلة خير ان شاء الله لاني لقيت ناس كتير عارفة وناس كتير قرفانة وزهقانة وح تطق من جنابها
لو كل واحد من الخمسين الف اللي منضمين على الفيس بوك علق ورقة في العمارة بتاعتهم اظن الاضراب ح ينجح انشاء الله
لانه مش مطلوب اكتر من التفخيد في البيت، مشكلة دي يعني، المصريين هاويين تفخيد من غير مناسبة، نفخد المرة دي بمناسبة
مش عايزة يأس
الحكومة ح تطلع تقارير بكرة ان الحياة ماشية ميت فل وسبعتاشر وان كل الناس راحت الشغل
اظن احنا كبار كفاية اننا ما نصدقش الحكومة....وللا لسة صباعنا في بقنا؟