تحديث الساعة 2:00 صباحا:
لسة عارفة دلوقت الخبر ده خلاص اتأكدنا ان كريم اتقبض عليه
تحديث الساعة 8:53 مساء:
انا دلوقت في مكان ما اقدرش اعمل متابعة لاني في الشغل
للمتابعة ابناء مصر
تحديث الساعة 7:33 مساء:
الامن بيتعامل بعنف شديد مع المتظاهرين في المحلة بيضربوا بقنابل مسيلة للدموع فيه اصبات كتيرة معظمها اختناق احمد اصيب وعينيه الاتنين وارمة الميدان بيتحرق مصادمات عنيفة جدا ما بين الاهالي والامن واحمد بيقول لي ده كده الامن مش واخد اوامر يضرب الناس ده واخد اوامر يموت الناس وبعدين احمد قال لي الامن جاي عليا وراح قافل
انا نازلة دلوقت...بس ح احاول اتابع...اذا ما عرفتش ح اكلم وائل او عمرو غربية يتابعوا
تحديث الساعة 5:57 مساء:
المعتقلين: اتصلت بخالد علي قال لي ان كل الناس - اي كل اللي فضلوا من اعتقالات امبارح وما خرجوش - اخدوا خمستاشر يوم، اتصلت بغريب سليمان وهو المفروض انه هو اللي مع الشرقاوي، لان الشرقاوي هو الوحيد اللي في ستة اكتوبر، الشرقاوي ما اتعرضش على النيابة، غريب بيقول لي انه فضل مركون تمن ساعات وبعدين قالوا ح يرجع قسم ستة اكتوبر دلوقت، وقال لي حاجة غريبة قوي، ان النيابة ممتنعة عن ابلاغ المحامي بالقرار، كمان القسم ممتنع عن ابلاغ غريب بالقرار، لكن هو قال "شكلها خمستاشر يوم" قلت له شكلها ازاي، قال لي من تعسف النيابة وسوء المعاملة، قلت له الكلام اللي قاله خالد قال لي يبقى تخميني صح، بس هم ممتنعين عن ابلاغي بالقرار.
المحلة: احمد عبد الفتاح نجح في دخول المحلة والوضع كالآتي: شبه حظر تجول، مافيش عربيات خالص شمال شريط القطر الناس ماشية على رجليها ومافيش عربيات خالص ماشية في الشارع، المحلة متقسمة الى كوردونات امنية
الاوضاع زي الزفت: ده كلام احمد
لسة مش لاقيين كريم
------
انا مش قادرة اقول حاجة دلوقت نايرة منهارة وانا مش عارفة ايه الحكاية ولا عارفة ليه اخد خمستاشر يوم
ح احاول افهم الحكاية
مش باقول اليوم ما خلصش
لسة عارفة دلوقت الخبر ده خلاص اتأكدنا ان كريم اتقبض عليه
تحديث الساعة 8:53 مساء:
انا دلوقت في مكان ما اقدرش اعمل متابعة لاني في الشغل
للمتابعة ابناء مصر
تحديث الساعة 7:33 مساء:
الامن بيتعامل بعنف شديد مع المتظاهرين في المحلة بيضربوا بقنابل مسيلة للدموع فيه اصبات كتيرة معظمها اختناق احمد اصيب وعينيه الاتنين وارمة الميدان بيتحرق مصادمات عنيفة جدا ما بين الاهالي والامن واحمد بيقول لي ده كده الامن مش واخد اوامر يضرب الناس ده واخد اوامر يموت الناس وبعدين احمد قال لي الامن جاي عليا وراح قافل
انا نازلة دلوقت...بس ح احاول اتابع...اذا ما عرفتش ح اكلم وائل او عمرو غربية يتابعوا
تحديث الساعة 5:57 مساء:
المعتقلين: اتصلت بخالد علي قال لي ان كل الناس - اي كل اللي فضلوا من اعتقالات امبارح وما خرجوش - اخدوا خمستاشر يوم، اتصلت بغريب سليمان وهو المفروض انه هو اللي مع الشرقاوي، لان الشرقاوي هو الوحيد اللي في ستة اكتوبر، الشرقاوي ما اتعرضش على النيابة، غريب بيقول لي انه فضل مركون تمن ساعات وبعدين قالوا ح يرجع قسم ستة اكتوبر دلوقت، وقال لي حاجة غريبة قوي، ان النيابة ممتنعة عن ابلاغ المحامي بالقرار، كمان القسم ممتنع عن ابلاغ غريب بالقرار، لكن هو قال "شكلها خمستاشر يوم" قلت له شكلها ازاي، قال لي من تعسف النيابة وسوء المعاملة، قلت له الكلام اللي قاله خالد قال لي يبقى تخميني صح، بس هم ممتنعين عن ابلاغي بالقرار.
المحلة: احمد عبد الفتاح نجح في دخول المحلة والوضع كالآتي: شبه حظر تجول، مافيش عربيات خالص شمال شريط القطر الناس ماشية على رجليها ومافيش عربيات خالص ماشية في الشارع، المحلة متقسمة الى كوردونات امنية
الاوضاع زي الزفت: ده كلام احمد
لسة مش لاقيين كريم
------
انا مش قادرة اقول حاجة دلوقت نايرة منهارة وانا مش عارفة ايه الحكاية ولا عارفة ليه اخد خمستاشر يوم
ح احاول افهم الحكاية
مش باقول اليوم ما خلصش
No comments:
Post a Comment
Note: only a member of this blog may post a comment.