الليلة دي كنت في فقرة الصحافة في القاهرة اليوم مع الاستاذ حمدي رزق والمفروض اني كنت اتكلم عن المدونات، قبل الهوا بدقيقتين جات لي شرقة كنت ح اموت وروحي كانت ح تطرق والدموع ملت وشي من كتر الكحة ولان الهوا كان خلاص ما لحقتش - لامؤاخذة - انف قمت قعدت - لامؤاخذة - اشن اشن اشن اشن بين كل كلمة وكلمة لا وايه، نسيت اقفل الموبايل قوم اول ما طلعت على الهوا هبة بنت خالتي بعتت لي رسالة على الموبايل: انت مزكومة يا نوارة؟ الرسالة وصلت في وسط ما انا باتكلم كده: ما حبتش اتاقل على قلبك ولا اقول لك يابني بلاش مش معنى اني اديتك قلبي تيجي تسيبني لا ما تعيشهاش انا علمتك لما تحب تحب بجد يا اما بلاااااش...ممكن اعمل حاجة تانية في لحظة تانية تحس كأني واحدة تانية (الاغنية كاملة) اصل دي رنة الرسالة وبالطبع انا سمعت الغنوة من هنا وقعدت اقول: آ..آ....أت...أت..او....او....اس..اش
الى جانب تصريحات الدكتور احمد نظيف اللي قالها في الجمهورية: مافيش ازمة عيش، مافيش ازمة اسمنت، مافيش ازمة حديد..مافيش اي حاجة، عليا الطلاق والعتاق بالتلاتة مافيه اي حاجة، وقدر كمان ان فيه اي حاجة، مافيش اي حاجة
الى جانب تصريحات الدكتور احمد نظيف اللي قالها في الجمهورية: مافيش ازمة عيش، مافيش ازمة اسمنت، مافيش ازمة حديد..مافيش اي حاجة، عليا الطلاق والعتاق بالتلاتة مافيه اي حاجة، وقدر كمان ان فيه اي حاجة، مافيش اي حاجة
No comments:
Post a Comment
Note: only a member of this blog may post a comment.