أولا بتوع رحلة رفح بعد ما فضلوا يعتصموا على المعابر ويتخانقوا مع الامن المركزي
ويضربوا وينضربوا وفيه واحد منهم مصاب اصابات خفيفة اسمه محمد عاطف
وصلوا لحد اخر معبر اللي بعد بلد اسمها بير..بير....بير حاجة كده
ورواحوا مرجعينهم وحاطين لهم قوات امن مركزي كبير ومدرعات يعني
يا يروحوا يا يتقتلوا بالمفتشي كده
انا مش عارفة ليه المرة دي عملوا معاهم كده
---
الاجتماع الموسع لمصريين ضد التعذيب ابتدى الساعة اربعة مش الساعة اتنين
العدد كان حوالي حاجة واربعين واحد اتعلقت صور للمعرض
معرض تعذيب يعني
:))
وبعدين اتعرضت فيديوهات شهادات اهالي الضحايا
ثم
افتتح الجلسة الاستاذ احمد سيف الاسلام
الاستاذة جميلة اسماعيل كانت من ضمن الحضور
وحضر شوية من المدونين، جيمي هود، ومهندس مصري، وطبعا نورا ومنعمالكافتيريا كانت قافلة وانا كنت ح اموت على قهوة ودماغي بقت بتشخشخ كأن فيها
بلي او زهرية مكسورة المهم اللجان كل رئيس لجنة قالت تقريره من غير ما يطول
وانا مصورها فيديو
وده الدكتور سيتي شنودة والحقيقة هو بيتكلم في حاجة مهمة جدا ما اعرفش ليه ماحدش مهتم بكلامههو بيقول اولا لازم نسرع لعمل مسودة قانون بخصوص التعذيب وبيقول ان الاستاذ حمدين صباحي
وعده باننا لو عملنا مسودة قانون ح يعرضه في مجلس الشعب
متهيالي مسودة قانون مهمة قوي وح توفر علينا مجهود كتير
المهم بقى من كتر ما دماغي ساحت من قلة الكافيين والتعطيل من الساعة اتنين للساعة اربعةجات لي حالة هبل وقررت اغلس على العيال واخد لهم صور مفاجآة عشان اذلهم بيها
يعني دي صورة مفاجآة لمنعم، وفيه صورة تانية مش ح انشرهامش اقل من عشرة الاف استرليني عشان ابيعها
:))
وده مصطفى ظبطه وهو نايم
ودي نورا ظبطها وهي بتبعت مسج في وسط الاجتماعواتفرجوا بقى على صور المعرض:
هنا بقى الفيديو بتاع تقرير اللجنة الاعلامية
الاستاذ محمد الشرقاوي هو اللي بيقراه
مش محمد ابني، الاستاذ محمد واحد تاني
وده تقرير اللجنة القانونية
بيقوله الاستاذ طاهر ابو النصر
وبيقول ان فيه ندرة
في المحامين المتطوعين
واحنا الحقيقة اكتر حد محتاجينه في الرابطة دي هم المحامين
وده منعم بيقول تقرير لجنة تقصي الحقائق
وبيقول اننا محتاجين ناس اكتر في محافظات
هم بتوع المحافظات وقعوا مني راحوا فين؟ انا كنت فاكرة ان كان كتير
ما فضلش منهم غير الششتاوي ومهندس مصري
ودي خطة العمل للفترة القادمة بتقراها جيهان شعبان
عن اللجنة التحضيرية
http://www.youtube.com/watch?v=SiYcfHRgBqo
ما تتخضوش جيهان نفسها قالت ان الخطة طموحة
نعمل منها اللي نقدر عليه
هو محمد قنديل اللي هو مهندس مصري قال اهم حاجة الاعلام والمدونين وطبعا اهميتهم بتيجي
بعد القانونيين لان دول مهمين قوي يا ريت عايزين محامين يتطوعوا اكتر
=====
نؤسف يا حضرات عصر هضمي
نسيت أحط الفيديو بتاع خالد مسئول لجنة التعبئة والعمل الجماهيري
:))
يمكن عشان كان عمال يبص لي ويقول: احنا ح نفضل نعمل وقفات احتجاجية
بيغتت عليا يعني
الفيديو اهو
ومن وكستي نسيت اهم فيديو في الاجتماع
شهادة جاد اخو ناصر اللي اترمى من الشباك في العمرانية
شوفوا الفيديوهات بقى كويسة ومش طويلة
No comments:
Post a Comment
Note: only a member of this blog may post a comment.