الدكتورة سعاد صالح عايزة دي تتجلد تمانين جلدة
دييتقال عليها تتجلد عشان بترمي المحصنين وبتفتري على رجل الكذب
كمان اضافت الدكتورة سعاد ان الطفلة هند واهلها استفادوا جدا
من الحادث ده
امممممممممممممم
هلبت بقى ما البت راحت خلفت عيل وفضحت نفسها وجريت ورا
اي انسان بقى ما نعرفش مين وقالت لي اغتصبني لو سمحت
عشان اصلي مزنوقة في شقة
موطرحين وصالة وعفشة مية
واذا كان محامي الدفاع عن الولد اللي هو فعلا بريء
بيقول على دي
ان مشيها بطال وسيئة السير والسلوكفاولا هو محامي الدفاع بتاع المدعى عليه وبيستخدم كل اسلحته
ولو اني باحتقر الاسلحة اللا اخلاقية
ثانيا هو راجل يعني ما يفهمش في اي حاجة بخصوص الموضوع ده
no offence
انا مش قصدي ان الرجالة ما بيفهموش
بس احمد زويل يفهم في الفيمتو ثانية
لكن عمره ما يفهم سيكلوجية طفلة عندها حداشر سنة
بتتعرض للموقف ده
واي ست بصمجية جواها بذور الامومة تقدر تعرف البنت مالها
دي خلقة ربنا
لكن واضح ان الدكتورة سعاد صالح بريئة جدا
ايوة والله بريئة وطيبة وغلبانة كمان
ومش عارفة ان فيه في الدنيا حاجات وحشة قوي
حاجات فوق طاقة استيعابنا ناهيك عن ان طفلة زي دي
تمر بيها
اي ست في الدنيا تعرف ان الموقف فوق طاقة واستيعاب طفلة
زي دي وان اي واحدة مهما كانت حتى لو كانت هند رستم في فيلم بنات الليل
دايما تحب تنسب مولودها الشرعي او غير الشرعي لابوه الحقيقي
وانها لا تتهم حد تاني غير ابو الطفل الا في حالتين
الحالة الاولى انها تبقى مهدد من قبل الاب الحقيقي تهديد
يعصف بمولودها قبل ما يعصف بيها هي
والحاجة التانية ان ابو الطفل الحقيقي ما ينفعش يبقى
ابو الطفل فعلا
حد فاهم حاجة؟
لا واضح ان ما حدش فاهم حاجة
ما حدش فكر ايه هو نوع التهديد اللي واقعة تحته طفلة زي دي؟
ما حدش يفهم ان الاطفال تهديدهم من اسهل ما يمكن؟
والاهم من ده كله
ما حدش فكر يطالب بإن ابو الطفلة هند
هو نفسه يتعمل له تحليل حامض نووي؟
ما حدش خطر على باله ابدا الحكاية دي؟
غريبة
مع ان دي اول حاجة خطرت على بالي
امال ربنا خلق الستات امهات بالفطرة ليه؟
امال ايه التميز اللي عند الست واللي بيخلي مشاركتها
في الحياة العلمية والعملية مهمة ومفيدة ومختلفة
وتقدر تشوف
- بحكم خقلتها وتجربتها -
الجوانب اللي الرجالة ما يقدروش يشوفوها
لانها ما اتخلقتش فيهم اصلا
لما المحامي يقول دي مشيها بطال حاجة
ولما ست ام فقيهة تطالب بجلد
دي
حاجة تانية وكمان نقول انها استفادت هي واهلها؟مين فكرت تاخد الطفلة ام الطفلة في حضنها بعيد عن اهلها
وتفهم منها ايه اللي وراها
وللا احنا ماورناش حاجة غير نرفع الكرباج على الضعفاء
والمقهورين
والديوك الرومي ترتع في الارض فسادا ويوم ما واحد فيهم يتقفش
يدفع اللي عليه
- اللي هو اربعة وعشرين مليون -
ويخرج براءة
موظف حكومة معاه ملايين يسد بيها ديونه
واحنا عايزين نجلد طفلة عشان اخدت شقة
"مطرحين"
وصالة واستفادت بانها مرت باسوأ تجربة ممكن يمر بيها انسان
والهم اللي شايلاه في قلبها الصغير اكيد اكبر من اللي احنا نعرفه
طب اعمل ايه انا دلوقت على رأي عوكل
بصى انا ما فياش دماغ اعلق حتى سعاد صالح بتقول راى الشرع بدون النظر لحاله البنت او التاكد من دوافعها من الاخر بتقول راى شرعى بس الى فرسنى ان البنت طلعت كدبت بعد ما تعاطفنا معاها كلنا يعنى انا اتفقعت صراحه
ReplyDeleteوادينى عملت مدونه زى ما كنت بتقوليلى
jhon
بصراحة انا مش مصدقة ان البنت كذابة وان الولد طلع مش ابو الطفلة
ReplyDeleteازاي يعني
طيب لما هو مش ابو الطفلة ليه تم تجديد حبسه؟؟
وبعدين المحامي بتاعه حقير جدا لما جه في العاشرة مساء واتكلم بطريقة اقل مايقال عنها منتهي الصفاقة وقال ان مشيها بطال وشوية الكلام الخنازيري اللى مايقولوهمش الا راجل مش راجل صراحة
ثم الست سعاد دي مع احترامي لمنصبها شغالة استرزاق في برامج القنوات الفضاءية على حساب البنت المسكينة دي واللى هي بتقوله عنها يعتبر سب وقذف تستحق هي عليه الرجم مش هند
فاكرة ايام هند الحناوي والفيشاوي رغم اني مش متفقة مع هند الحناوي وشايفة انها غلطانة لكن هي ماكانتش غلطانة لوحدها علشان تشيل الموضوع لوحدها
فاكرة الست سعاد دي كانت بتتكلم بطريقة لاعلاقة للامومة بها وكانت تتكلم بعنف لايجرؤ عليه رجل من عتاة قساة القلوب
مش عارفة ليه الست بتكون اكثر عنفا على بنات جنسها ليه؟؟
كنت قريت مرة على جريدة المصريون ان النيابة تتهم سعاد صالح دي بتسريب تقرير الطب الشرعي وافشاء اسرار قد تضر لاضحية امام الفضائيات
لماذا لايُعاد تحليل الحمص النووي من جديد ويتم اخذ عينة من هذا الوغد الحقير مرة اخرى
ايه اللى يحصل يعني لو كرروا التحليل بدل البهدلة والاهانة دي كلها
وبعدين بنت مسكينة زي هند دي ح تعرف تألف المواويل دي كلها علشان تستفيد؟؟
منتهي الظلم الاجتماعي الجماعي والله
نحن قساة القلوب نستحق مايجري علينا
جون
ReplyDeleteشفت المدونة وباعلق عندك دلوقت
bella
المحامي حقير اه
بس ده احساس داخلي ان الواد مش هو ابو الطفلة بنت الطفلة
وان الطفلة هند متعرضة لتهديد اكبر مما نتخيل
وانها مضطرة ما تقولش مين الاب الحقيقي اللي اغتصبها
اه يا بيللا
الستات في احيان كتير بيبقوا اكثر قسوة على الستات اللي زيهم
ليه بقى
قولي لي ليه؟
قلتي؟
طيب
الانسان لما يبقى مقهور
ما يصدق ربنا يحكمه على واحد اضعف منه عشان يعمل فيه كل اللي اتعمل فيه
المرأة طبعا مقهورة
واول ما ربنا يقدرها على ست زيها
تقهرها زي ما هي اتقهرت
زي ما كوندوليزا مثلا بتمسح جوخ للبيض في الولايات المتحدة ومكروهة في اوساط السود بسبب تنصلها من بني جنسها
هي كده
والفقير لما بيقدر على واحد افقر منه بيطلع تلاتينه
اجيبشن عقد
زي ما جون ابني بيقول لك
على فكرة انتي لما بتهييسي بيبقى يلا السلامة ,, المهم يعني خلينا في موضوعنا ... أولاً انا عايز اقول للحاجة سعاد دي حاجة هي ليه عايزة تنفذ حد الله اللي هو الجلد على البنت دي 80 جلدة لأنها بترمي المحصنين و لو البنت كلنت كبيرة كانت جلدتها 100 جلدة عشان ربنا قال " الزانية و الزاني فأجلدوا كل واحد منها مائة جلدة و لا ـاخذكم بهما رأفة ..... " إلى آخر الآية ,, المقصود يعني من كلامي هي ليه مقالتش ان الللي سرق يتقطع ايده و ان مالرتد يقتل و ان لو طائفتان من المؤمنين اقتتلوا يبقى وجب القتال على اللي تبغي على الآخرة يعني على الطائفة اللي اعتدت على الآخرة و ولو الطائفة من المؤمنين دول رجعوا يبقى خلاص و الصلح خير ,, الحاجة سعاد صالح تقريبأ مسمعتش حديث سيدنا محمد حين قال " و ايم الله لو ان فاطمة بنت محمد سرقت لقطع محمد يدها " يعني الرسول ( ص ) بيقول و بيقسم ان لو بنته نفسها سرقت هو بنفسه هيقطع ايديها يعني حد الله يبقى على القوي و الضعيف و على الغني و الفقير ,, اتمنى تكوني فهمتي قصدي بس على العموم هي اكيد ليها مبررها انها تقول كدة و السلام عليكم و رحمة الله و بركاته و إلى لقاء آخر إن شاء الله بس يكون افضل بالنسبة لية اصل عندنا فرح في الحارة انتوا اكيد يعني عارفين افراح الحواري و الاغاني المؤرفة و البانجو الكلام ده و الوش للصبح ,, يلا سلام بقى
ReplyDeleteهشام
ReplyDeleteيا ابني يا حبيبي
البنت اساسا مش في سن التكليف عشان تجلد تمانين جلدة
نوارة
ReplyDeleteتحليلك فوق رائع
لكن باخد عليكي انك مهتمة بكلام بتاعه الي اسمها سعاد ده
سيبك منها خليكي في المهم
تحليك ارجع واقول جامد جدا
لانه ببساطة ابوها لقيناه واخد الموضوع عاااااااااااااااااادي
ومبسوط قدام الاكاميرا
ولا ضرب الواد ولا قتلة ولا اي حاجه
وبكرة الحقيقة تظهر في القضية الغريبة ده
بصراحه انا عمر ما كان يجى على بالى ان ممكن يكون ابو هند هو اللى اعتدى عليها
ReplyDeleteده لو حاجه زى دى فعلا حصلت يبقى نقول على الدنيا السلامه
برضه الله اعلم يا اخوانا
ReplyDeleteانا كل اللي طالباه
ان طبيب نفسي يقعد مع البنت ويفهم هي متهددة من ايه او ايه حكايتها بالظبط
وياريت تبقى دكتورة وتبقى في سن مامتها
تاني حاجة انهم يعملوا تحليل حامض نووي لوالدها
مش ح يخسر حاجة يعني
ياخبر
ReplyDeleteهو انتي قصدك يعني ان اللى اعتدى عليها وهو ابو الطفلة يبقى ابو هنا !!!!!!!!!!!!!!!!!!!!!!!!!!!!!!!!!
انا صحيح استغربت قوي قوي من تدوينة قريتها من كام يوم مش فاكرة فين او تقريبا في جريدة المخبر اليوم ع النت لاني بطلت اشتريها مابقيتش افتكر اللى باقراه فيها
كنت قريت انهم عملوا مع الراجل ابوها لقاء وطلب فلوس
صراحة استغربته قوي
هو صحيح الفقر وحش
لكن تحسبهم أغنياء من التعفف
كثير من الفقراء يستحون ان يطلبوا
لكن ابوها بجح قوي وشكله غريب
البنت فعلا مسكينة قوي ومحتاجة رعاية كبيرة جدا
نيجي بقى لجزء سابق هو لماذا تقهر المرأة المرأة اللى زيها
ممممممممممم
والله يانوارة انا عندي تحليل يقرب من تحليلك يجوز مختلف عنه شوية بس اهو بيصب في نفس الاتجاه يعني
بيقول لك ياستي ان الست المقهورة تكرر تجربة القهر
يعني مثلا خدي عندك لو أم كانت تعاني من تمييز بينها وبين اخوها وهي صغيرة لما تخلف بتكرر نفس التمييز بين ابنها وبنتها رغم انها كانت بتعاني من تبعات التمييز ده
متهيألي انها بتحس ان الدنيا ضحكت عليها فمتحبش يكون مضحوك عليها لوحدها
واشمعنى هي بس المقهورة وغيرها لا
ولهدذا تقوم بتوريث القهر لكل من تمر في طريقها سواء بقى بنتها
مرات ابنها
اي ست اضعف منها ولها سلطان عليها
ينفع التحليل ده
على فكرة رسالة شخصية
ياريت تبعتي لي ايميلك
انا ايميلي موجود في البروفايل الخاص بي وعايزة ايميلك يانوراة
وشكرا مقدما
تحياتي
bella
ReplyDeleteيا حبيبتي ما هو ده اللي انا اقصده بس واضح اني ما عرفتش اشرح
حاضر ح ابعت لك ميلي حالا
عموما انا مش باتهم ابوها يا اخوانا حرام
انا بس كل اللي طالباه انه يتعمل له تحليل حامض نووي عشان نتأكد ونعرف ندور صح بدل ما نهدد البنت
ولازم يقعد معاها طبيبة نفسية
أنا خلاص هاتشل
ReplyDeleteما هو لأ بقى بلا دكتورة بلا نيلة ايه فيه ايه
الناس دي مش عاوزة تتقي الله
الفساد والزيف و السطحية خلاص أكلونا
و لو يا نوارة سعاد صالح ساذجة يا ستي تقعد في بيتهم و سط عيالها و إلا أنا اللي هافتي بجلدها هي وناس تانية كتير
خلاص حرام هنطق
حتى الأطفال يا ظلمة تتهموهم
طيب مشيها بطال و هي بتلعب الأولى و لا استغماية آآآآآه آه آه
فيه كام طفلة بتغتصب من المحارم يا بلد أدمنت دفن راسها و شرفها في الطين
هي دي مصر متقولش ايه ايتنا مصر نقول هاندي ايه لمصر فعلا فعلا أنا و انتم كلكم تفكروا هندي ايه لبنت الللل مصر
المشكلة مش مشكلة مين ابو الطفلة
ReplyDeleteالمشكلة فى البنت المسكينة تليفزيون واعلام وناس داخلة وطالعة مين عقلة يستحمل عقلة كل هذا
البنت عاوزة تاهيل نفسى أنا بصراحة مش عارف ازاى عارفة تتكلم وترد
والسيدة سعاد صالح دى مش فاهم عاوزة ايه خلاص تربعت على كرسى الافتاء وتتكلم بدون اى سند و تتكلم على هواها
الامر من الاخر فيه سر
لان اول ظهور للموضوع قرات ان من اغتصبها ابن مسئول كبير
مش عارف ايه اللى غير مجرى الاحداث
تحياتى
ReplyDeleteالست ديه يا اما ييمين خالص يا اما شمال خالص
معندهاش وسط
ابن مسئول كبير؟
ReplyDeleteيا لاااااااااااااااااااهووووووووووووووووييييييييييييييييييييي
ده لو ابوها كان ارحم
كده مش ح تعرف تاخد حقها ابداااااااااااااااااا
انا ما اعرفش انهم كتبوا ابن مسئول كبير دي
انا برضه سمعت عن حكاية ابن الكبير ده
ReplyDeleteعلشان كده اتخضيت لما قلتي ابوها
وبعدين ابوها ارحم ازاي وح تاخد حقها من ابوها ازاي يعني؟؟
الموضوع كله مليان مصايب والبنت المسكينة وقعت فريسة لمجموعة من المرضى النفسيين والكل عامل مشكلتها سبوبة وعايز يسترزق من وراها
الصحفيين والفضائيات والمصايب دي كلها
صراحة كتير جدا اللى بيحصل ده
ده اكثر من انتهاك لطفولتها
اللى بيجصل حولها من تشهير ابشع من الاغتصاب نفسه
الحقيقة نحن مجتمع ظالم جدا وبحاجة لتطهيره من المرضى المتربعين فوف كل كرسي واولهم الست سعاد دي
وهو ده مجتمع اساسا اللي طفلة فيه تتبهدل كده وفوق البيعة كمان تلام ويتقال عليها تتجلد؟
ReplyDeleteابن مسئول كبير؟
امممممممممممم
طيب المسئول الكبير ليه ما ظبطش واحد يشل القضية بدل الابنه
يعني اي واحد من سكان العشوائيات مستعد يشيل القضية وياخد عشرتلاف جنيه
وللا حتى خمسة
اذا كان التوربيني شال قضية اخد فيها اعدام بغدوة كباب وكفتة
برضه غريبة دي
مش كده
مين قال مش مهم مين ابو الطفلة
امال يعني يتساب كده؟
هي خلاص اللي حصل لها حصل لها
وطفلة زي دي لو كبرت من غير ما تاخد حقها
ح يبقى احساسها ايه
ح تتعامل ازاي مع المجتمع بعد كده
ازاي طفلة تكبر على مرارة الظلم كده
ده الكبير لما بيحس انه اتظلم وما اخدش حقه ما بينامش
امال طفلة تعمل ايه؟
انا ماقلتش مش مهم مين ابو الطفلة
ReplyDeleteانا باسال يعني لو طلع ابوها هو اللى مغتصبها ح تاخد حقها منه ازاي ؟؟
في كل الاحوال مصيبة وحطت على دماغها وهي طفلة اصلا واللى زيها لسه بيلعبوا وهي ياعيني اصبحت فريسة للجميع
كل اللى عايز يشتهر او يشفي غليل ما يمسك موضوع هند ويديها فتاوي
انا متغاظة جدا من الست سعاد دي ونفسي اعرف هي ليه بتعمل كل ده؟؟
لا انا كنت بارد على الطائر الحزين عشان هو كان بيقول ان التأهيل النفسي دلوقت اهم
ReplyDeleteفعلا هي محتاجة تاهيل بس جزء من تأهيلها انها تاخد حقها
ازاي ح تاخد حقها من ابوها لو طلع ابوها؟
انه ياخد اعدام
ولو طلع ابن مسئول كبير
انه برضه ياخد اعدام
بعد الفضيحة دي والبهدلة دي مش ح ينفع انه مجرد يتجوزها وللا يعترف بالبنت ده اذا كان ابن مسئول كبير
ولا فلوس الدنيا كلها وبعدين دي ما تنفعش تتجوز دي قاصر
ده لازم ياخد اعدام عشان كل واحد مسنود على ابوه ح يتعاقب
هو وابوه
هههههههههه
احلام مش كده؟
بس من حقنا حتى نطالب بيها
ربنا يستر علينا كلنا
ReplyDeleteأنا متهيألى إنه بسبب اللى حصل و بيحصل و هايحصل للبنت دى
ربنا هايخسف بينا الأرض
هى البلد دى بقت قاسيه قوى كده ليه
على رأى بثينه فى عمارة يعقوبيان
ولا هى كده و إحنا ما بنقراش و إن قرينا ما بنفهمش
و إن فهمنا ما بنتعلمش
أعوذ بالله
تصدقي بقى يا نواره .. انتي بنت حلال مصفي ..
ReplyDeleteانا اول ما شفت صورة الراجل ابوها وقريت الدوشة اللي اتعملت .. جالي نفس الهاجس ..
المهم .. قبل ما نحاسب البنت (القاصر) ..
لازم نحاسب زبانية الاعلام .. قوادين الفضائيات .. اللي بيروجوا للسبق الاعلامي على حساب اعراض الناس
واستغلالا لفقرهم وحاجتهم
ولازم نحاسب ابوها على استغلاله لشرف طفلته وعرضها مرة ان لم يكن مرتين
فحتى ان كان الشاب بتاع التوك توك هو المذنب أو غيره
فما فعله والدها بالترويج للواقعة والتربح منها .. لا يقل عن اغتصابها مرة اخرى وهي لا تدري
ثم حاسبوا وألف مرة مطلقي فتاوى الفضائيات .. نجوم الفقه والمتربحين من وراء حاجة الناس لجواب من الدين
صدقيني أشعر ان مشكلة الحاجة سعاد ليست مع الدين ولا الفقه ولا الشرع
مشكلة الحاجة سعاد مع المرأة .. واضح انها بتكره كونها واحدة ست ..
فاكرة في واقعة هند الحناوي كان هجومها عليها ازاي؟؟
طيب ومع اندرو وماريو .. بعيد عن فتوى عديها ومشيها الا انها كانت متحاملة على الام جدا .. مش لانها مسيحية
لكن لانها واحدة ست ...
الحاجة سعاد يظهر انها بتكره الستات..
وبعدين فيه حاجة مش فاهماها .. ليه في كل البرامج والندوات بيجيبوا نفس الناس نفس الاسماء .. رغم اختلاف نوع القضايا اللي بيتم مناقشتها ؟؟؟
هم قاطعين ابونيه ولا ايه؟؟
والله يانوارة انا نفسي مرة يكون عندنا شجاعة ادبية ونعدم من يرتكب جريمة الاغتصاب في ميدان عام
ReplyDeleteوالله لو اتعدم حيوان واحد في ميدان عام سيحدث ردع بالتأكيد
لكن عمالين ندور على حجج نحافظ بيها على شعور المغتصب وقال ايه شعور الناس وناسيين خالص الضحية والضحايا اللى زيها
على فكرة جميل قوى اللى انتوا كاتبينه هنا
ReplyDeleteعارفة اول ما قريت كلامك افتكرت مين
الله يرحمه بدر نوفل فى مسرحية شاهد ما شافش حاجة لما وقف قدام القاضى ويقول لهم على المتهم اللى باينة عليه كل علامات الإجرام انظروا إلى هذا الملاك الطاهر
انظروا إلى هذا الحمل الوديع
من غير ما تزعلى من كلامى وخلى روحك رياضية
مش شايفة ان تفكيرك صغير قوى لما يكون كل همك عرض صورة البنت وتقولى نجلد دى
يعنى لو هى صغيرة بس منظر جسمها كبير شوية تتجلد عادى
يعنى احنا زى ما نكون فى سوق الفراخ وبننقى اللى تنفع تتجلد واللى يا دوب يتنفخ فى وشها واللى يتف عليها
لو فهمتى الكلمتين اللى فوق حتفهمى ان فى حاجة اسمها حكم شرعى أو وضع قانونى يطبق على الظروف مش على شكل البنى آدم
نمسك المسألة بشويش
الدكتورة سعاد صالح بشر
يؤخذ من كلامها ويرد
ممكن تغلط
وممكن نراجعها
من غير هذا الكم من الاستهزاء
عارفة الدكتورة سعاد ما عجبتنيش إمتى؟؟
لما اتريقت على النقاب وقالت إنها بتشمئز منهم
أنا مش جماعات اسلامية علشان مخك ما يروحش لبعيد
لكن إننا نصم مجموعة من البشر بهذه الوصمة لانهم لابسين نقاب مش لأنهم عاملين حاجة ضد الأخلاق فده غلط كبير
نرجع لموضوعنا
أنا مختلف فى حدوتة جلد البنت لو كان سنها أقل من سن التكليف
قد تكون هذه النقطة غابت عن ذهن الدكتورة سعاد معلش يمكن حفظى للقبها ما يعجبكيش لانك اصلا غرضك تقطعى فيها
لاحظى انا مختلف لو سنها أقل من سن التكليف مش علشان منظرها زى ما حضرتك قصدتى تركزى عليه
وده برضه بيرجع بيا لنفس النقطة
الحكم الشرعى
ماليش دعوة بشكلها
الحكم الشرعى بيقول إن الحدود يخاطب بها الإنسان المكلف البالغ
سؤال هنا مهم هل كونها حاضت تبقى بالغ؟؟
ما اقدرش اجاوب بس اعتقد أه
تبقى بلغت
يبقى تنجلد
السؤال ليه عملت كده وليه ما عملتش ده سؤال كبير وطويل
لكن هل انتى مستعدة تكونى عرضة لكل شخص إنه يبهدلك وعندك استعداد تتفهمى دوافعه بعد البهدلة
فكرتى فى الغلبان اللى طلع عين أهله؟ ولا كل كلامك زى بعض التعليقات الستات وخلاص
يعنى لو الموضوع فى راجل نطلع عين اللى جايبين اهله علشان ما نجيش على الست؟
هل فكرتى الواد ده اللى كان يا عينى على وش جواز حصل له هو واهله إيه؟
فكرتى فى سمعته ولا كل اللى يهمك إن طالما فى ست أو بنت فى الموضوع يبقى الراجل ياخد بالجزمة؟؟
هل البنت ضحية ولا لأ سؤال تانى
ما اقدرش اتهمها وإلا يبقى ذنب كبير فى رقبتى
لكن تعالى حنرسم سيناريو سوا
هل البنت فعلا اغتصبت؟؟؟؟؟؟؟
زى ما قلت لك ما اقدرش أقول آه وما اقدرش أقول لأ
تعالى نرسم السيناريو سوا
بنت بريئة بتلعب عروسة وعريس مع واحد صاحبها
بنوتة بريئة يا عينى ومؤدبة بتمارس لعبة الأمومة من صغرها
طبعاً لأنها بريئة فنسيت تاخد حبوب منع الحمل
طيب حصل اللى حصل وامها شافتها حامل
حتقول إيه؟؟؟؟؟
كنت بالعب عروسة وعريس
ولا حتقول واحد اغتصبنى؟؟
طيب حتجيب اللى بيلعب معاها ولا حتلزقها لأى حد؟؟
مسألة ال DNA بالنسبة لأبوها ما اعتقدش إنه حيجيب نتيجة كبيرة زى ما انتى متخيلة
لأن طبيعى إن الجينات الوراثية اللى عند الأب منقولة لبنته أصلاً
ما اعرفش رأى الطب فى ده
بس هى دعوة نفكر بعيد عن التهييس اللى بتعملوه شوية
مستنى ردك وبعدين اكمل ولو إنى عارف إن كلامى مش حيعجبك
وربنا يستر علينا كلنا
انت عايز رد على انهي تعليق؟
ReplyDeleteاللي انا نشرته ده
وللا اللي عملت له
reject
???????
معلش اصل الكاونتر بتاعي بيعمل تراسينج للاي بي ادرس
شوية تكنو لوبيا كده على ما قسم
====
واضح انك ما عندكش بنات ولا اخوات
عشان لو عندك كنت خفت من ربنا اكتر من كده
ولو عندك فعلا
يبقى خاف عليهم واعمل ما شئت فكما تدين تدان
مين قال اني ما فكرتش في الولد
لكن انت عارف تشوف الصورة كويس
الولد والبنت الاتنين ضحايا لحد اجبر البنت على انها تتهم شخص تاني
ولكن المسألة مؤامرة او حد فعلا ابن مسئول كبير ما كانش الواد ده خرج منها وكان معمل الدي ان ايه ثبتها عليه بالعافية وبالرشوة
لكن واضح جدا انها لخبطة طفلة
يافندم اتقي الله
انت بتتكلم عن طفلة عندها حداشر سنة
مش عن ايرما لادوس
ابو الولد نفسه قال الظابط لما عرض عليها المشتبه فيهم وفضلت تقول مش ده مش ده ظابط البوليس قال لها: ما تخلصينا بقى ياختي
يعني حضرتك ادرى الناس ان ظابط البوليس لما يزع في واحد راجل كبير
زي حضرتك كده
يخليه يعملها على روحه فما بالك طفلة
انت بتسأل بلغت وللا ما بلغتش؟؟
هو ده معيار اذا كانت طفلة وللا لا؟
عروسة وعريس ايه يا شيخ
هي اللي بتلعب عروسة وعريس بتخلف
دي عندها حداشر سنة يا بشر
ده اذا كان فيه بشر
واشمعنى سعاد صالح ضايقتك لما اتكلمت عن المنقبات وما ضايقتكش لما حكمت على طفلة حكم زي ده
انت عارف لما سيدنا عمر جات له بنت في سن المراهقة وابوها قال له دي زنت في سيدنا عمر سألها: زنيت
فقالت له اه اداني درهم ورغيف خبز
سيدنا عثمان قال له ما معناه انت ح تقيم الحد على دي؟ دي مش عارفة حاجة
الحد يقام على العاقل البالغ الواعي العالم بحرمة ما فعل وعقوبته
وللا هي البت كان لازم تبقى منقبة عشان تترحم من ظلمكوا وجبرتكوا
حسبنا الله ونعم الوكيل
وتاني باقول لك
استغفر ربنا وحرص على ولاياك
ربنا ما بيسيبش حق حد
صحيح نسيت اسألك
ReplyDeleteوالنبي اعرف لي رأي الدكتورة سعاد وعمرو خالد صاحبك ابو قرعة مزروعة في الحد اللي مفروض يقام على اسلام نبيه وزبانية الداخلية اللي بيعذبوا البشر
وللا دول مالهمش حدود عشان اولي الامر منا؟
انا عارف انها مش في سن تكليف ,, انا معاكوا اصلاً مش مع الست سعاد دي ,, انتي مفهمتيش قصدي ,, فعلاً مهييسة
ReplyDeleteفعلاً الواحد بيتحسر كل ما يشوف مسلسلات csi (crime scene investigation)
ReplyDeleteتحقيقات مسرح الجريمة
بيتحسر لما يشوف ان تحليل الDNA
شيئ عادي بينما عندنا هو فحص اضافي غالي مالهوش لازمة
كل شيئ في مسرح الجريمة و في جسم الضحية هو دليل يتم فحصه في المعمل الجنائي
و أكيد له معنى
و لا يتم القبض على أي شخص إلا بعد أن تثبت الأدلة التهمة عليه أو
ينهار تحت الضغط الكلامي من المحققين و يعترف بدون ضرب
بينما عندنا كل ما يعرفه البوليس هو انه يقبض على أكبر قدر ممكن من المشتبه فيهم و يعذبهم كلهم لحد ما واحد يعترف و يشيل الليلة
اما بالنسبة للطفلة فكان الله في عونها
الطفلة دي بالنسبة للي كان بيقول ان لو أبوها اللي عملها التحليل مش حيلاقي حاجة
ReplyDeleteأحب أقول لأ حيلاقي لأن ال DNA
هو البصمة الوراثية يعني الجينات اللي في نواة كل خلية من خلايانا
ودي مستحيل تتطابق بين أي اثنين في العالم حتى لو توأم متطابق بيبقى فيه فرق ضئيل تكتشفه أجهزة التحليل
أما بالنسبة للبنت فنصف جيناتها من أبوها و نصفها من أمها
يعنى هي تشبه أبوها في 50% من الجينات فقط
و علشان كده المعمل الجنائي لما يلاقي تشابه بين الطفل و أحد الأبوين في أكتر من 50% يعني لحد 60 أو 65% بتكون حالة زواج أقارب
لكن لو نسبة التشابه في البصمة الوراثية عالية 80% مثلاً بتكون حالة زنى محارم
لأن كل ما زادت درجة القرابة بين الأب و الأم زادت نسبة التشابه في الDNA
بينهم و بين إبنهم
مبدأيا السلام على من اتبع الهدى
ReplyDeleteليكي وحشه يا بنت ابويا :D
لامؤاخذه يا نواره انتي مش صح
البت طلعت تقول عندي 11 سنه و هى عندها 15 زي ما الطب الشرعى قال
قعدت تمثل و تقولك الواد دا اللي عملها و انا عيزاه يموت و انا عايزه اطلع دين امه و طلعت هي اللي لامؤاخذه مدوراها و الواد مش ابنه و لا لمسها
البت ابوها حرامي و كان بيتاجر بيها في الاعلام و مشاء الله البت بتمثل حلو يعني اديها جرامي أورد
يبقى لما الواد يطالب بحقه يبقى كخه و هى لما سيحتله دحَّه
البت و ابوها و امها و الاعلام كله ولاد كلب
كل اللي اداها الفرصه تمثل يتجلدوا معاها كمان
دا البت من فجرها طالعه بعد نتيجة التحليل تقول للمذيعه يروح يحلل بره التحاليل هنا مضروبه !!!!!!
عندها 11 سنه صح ؟
أرفض حدوث هذا
و الحدق يفهم
تحياتي ليساري مصري
ReplyDeleteمع إخترامي أول واحد بيفهم هنا
اهو كلع فتاوى يا قناوى
ReplyDeleteالا مين قناوى ده
تهييس بقى
معلش ياجماعةو مع احترامى لجميع الآراء الا انى احب اوضح حاجة و بغض النظر عن هند و هند الحناوى واى هند فى الدنيا احب اقول ان الدكتورة سعاد صالح و معاها كل نجوم الفتاوى اصبحوا مهووسين بالاعلام والشهرة .. و كان من المفترض ان الست الدكتورة بدل ما تنساق وراء هوايه الشهرة من خلال التجريح و بدل ما تقف فى التليفزيون تقول انا بنيت فتواى على ما جاء فى جريدة المصرى اليوم اظن انه من كان من الافضل لجميع اطراف القضيه انها كانت تمسك لسانها وتشتغل شغل محترفين محترمين وتراعى ربنا بجد و تسمع من طرفى القضيه بقلب فقيه عالم مش نجم دعايه .. يعنى زى ما قعدت مع هند الحناوى و بعد ما كانت فاتحة عليها النار اصبحت صاحبتها وبتطبل لها فى كل وسائل الاعلام والا علشان هند آل الحناوى من عليه القوم و الناس دول من اسافل المجتمع .. و زى ما فتحت النار على المنتقبات وبعدين عيطت فى التليفزيون وقالت انا قلت بعضهم بس ياجماعة انتم فهمتونى غلط.. من الآخر ياجماعة الست الدكتورة وغيرها من نجوم الفتاوى بيدوروا على الشهرة والضجة اللى بتخليهم دايما على جميع القنوات المحليه والفضائيه ولا عزاء للضمير ولقمة العيش تحكم .. يا اخوانى المشكله اللى احنا بنعانى منها انه مافيش حد بيراعى ربنا بجد فى كلامه و احكامه.. وعلى راى مقوله قريتها بالانجليزى ( The true test of character is not how much we know how to do, but how we behave when we don't know what to do.)
ReplyDeleteمعلش كنت اتمنى اقولها الكلام ده فى وشها او ابعتهولها لكن ماعرفش ليها طريق بس اهى جت فيكم بقى سامحونى
قولى لى أنتى كل واحد بيختلف معاكى بتتعاملى معاه بالعصبية دى؟؟
ReplyDeleteولا رأيك صواب لا يحتمل الخطأ ورأى غيرك خطأ لا يحتمل الصواب؟
وكشفتى راسك وقعدتى تدعى عليا
وأنا معنديش بنات ولا اخوات؟
وحيقعدهولك فى عينك وعافيتك
ياستى ما تيجى نحلل الموضوع بشويش لعناصر أساسية
السؤال الأول
هل هى اغتصبت ولا كان بمزاجها ورضاها؟
الموضوع هنا مالوش علاقة بالولايا
ومالوش علاقة بعلم الغيب
ومالوش علاقة بالطعن فى الشرف
له علاقة بحاجة فى اللغة العربية
الجملة الخبرية كلام يحتمل الصدق أو الكذب لذاته
يعنى لما أقول أن شعرك أخضر
ده خبر
يحتمل الكذب أو الصدق لذاته
يعنى لما الطفلة الصغنتوتة البريئة هند جت وقالت فى واحد اغتصبنى
ده خبر
يحتمل إنه يكون صادق أو يكون كاذب
هنا نيجى لحتة مهمة
بنت اكتشفنا انها حامل
حترد تقول إيه؟؟
كنت بلعب عروسة وعريس
طبعا حضرتك مش فاهمة إن اللى بتلعب عروسة وعريس بتحمل
معلش نقص معلومات
طبعا مش حاهاجمك واتهمك بالجهل
ومش حاعمل حاجة من الحاجات الصغيرة اللى انتى عملتيها فى ردك
لاننا كلنا بنتعلم
وبالمناسبة أشكر جدا الأخ اللى اتفضل وشرح تحليل ال DNA وإزاى إننا ممكن نصل إذا كان حد من القرايب هو ابو الطفل أو لا
شفتى بقى
ده فايدة النقاش أصلا
إننا نتعلم
ونتبادل آراء
مش نفرض آراء على بعض
بنفكر علشان ما نسيبش عيلة صغيرة تشتغلنا
تانى علشان انتى بتقرى بسرعة ومن غير تركيز
أنا ما بتهمهاش
أنا بفكر
هل بتعرفى تعملى الفعل ده؟
التفكير
نكمل بعد الفاصل
اولا اي خوض في عرض البنت الطفلة غير مقبول
ReplyDeleteلانه ببساطة دي طفلة
طفلة
طفلة
طفلة
طفلة يااااااااااا بشششششششرررررررررررررررررررررررر
يعني لو قتلت ما تتحاسبش
تروح الاحداث
ثانيا
معلش يا اخوانا انا عايزة ارد على الاخ غير المعرف
حضرتك يافندم مالكش صفة
وحضرتك اللي عملت في نفسك كده
اقصد كونك مالكش صفة
وكونك اتشتمت
ليه بقى
اولا لانك كتبت لي تعليق شتيمة
ثانيا
لان مش دكر لامؤاخذة
لو مجدع صحيح يبقى لك اسم
وللا انت اسمك غير والوالد اسمه معرف؟
وانا الحقيقة ما باسترجلش اللي بيدخلوا غير معرف دول
رغم اني سايبة لهم المجال انهم يدخلوا
أهى فقدت أعصابها وبدأت تشتم
ReplyDeleteعادى عادى عادى
مش مشكلة
زعلانة قوى إنى مش كاتب اسمى
ياترى اسمى حيفرق معاكى كتير
وإيش عرفك إنى لو كتبت أى اسم ان هو ده اسمى الحقيقى
عموما يا ستى حيحصل لك الشرف ولا تزعلى
حاعرفك اسمى
اسمى محمد سامى
مش محمد سامى المتهم على فكرة
هو تشابه اسامى مش اكتر
فرق معاكى كتير؟؟؟
كده بقيت دكر
بقيت مجدع؟؟؟
ولا علشان لما تشتمى تعرفى لى اسم تكتبيه وانتى بتشتمى؟؟
بتقولى انى شتمتك
طب طلعيلى كلمة شتيمة اكون وجهتهالك
يمكن سخرت شوية من اسلوبك
وسخرية بسيطة جداً جنب اللى انتى نازلة فيها فى خلق الله
مش شايفة انك كده خرجتى عن الموضوع؟؟
ولا ده اسلوب العاجز لما بيعجز عن إدارة نقاش حقيقى
ولا متوقعة منى أنى ارد على شتيمتك ليا بإنى اشتمك وتلبسينى الغلط
لا ريحى نفسك
خلينا فى اتهامك ليا إنى باطعن فى شرف البنت
مش بقولك مشكلتك انى بتقرى باستعجال
راجعى كلامى تلاقى المسألة مش اتهام
المسألة تشكيك
أنا أشك إذا أنا دبوس
خبر يتقال
قبل ما اتحمق وأطالب بالإعدام
افكر
هل فى أدلة جدية على صحة الخبر؟؟؟
سيبك من هند خالص
واحدة وواحد فى الضلمة
فى ناس جاية
رقعت بالصوت
الحقونى بيغتصبنى
التصرف المتوقع إيه؟؟
طبعا فى تصرفين متوقعين
خلينا فى التصرف المؤدب
حيمسكوا الواد يرقعوه علقة لحد ما يبان له صاحب ويمكن يضربوا صاحبه لو بان
ما حدش بيقف يسأل نفسه
هل فعلا كان بيغتصبها؟؟
هل فى أدلة على الاغتصاب؟؟
هل قميصه قد من قبل أم قد من دبر؟؟
ليه
علشان دموع المرأة عندنا غالية
نفس منطقك
طفلة
يبقى ما نسألش
على فكرة بنفس المنطق وبنفس المبدأ
أنا معترض اعتراض كبير عاللى اتهموا ابو هند
القضية اللى عندك الطعن فى شرف الطفلة مرفوض
القضية اللى عندى
الطعن فى شرف الأبرياء ومن لا تقوم أدلة جدية على اتهامهم مرفوض
بتقولى انك متعاطفة مع الولد
والولد ضحية
بس يا ترى الكلام ده ظهر بعد التحليل ولا قبله؟
ياترى بنفس المنطق الحنون اللى عايزة دكتورة نفسية تقعد مع البنت علشان تعرف مين اللى اغتصبها قلتى أول ما سمعتى القصة حرام
ما تعدمهوش
هاتوا دكتور نفسى يشوف ليه الولد عمل كده
ليه اغتصبها؟
مالوش أى عذر الولد؟
طبعا حتطلعى تقولى انا بدافع عن الاغتصاب
لا الفرق اللى بينى وبينك انا بدافع عن مبدأ
انتى بتدافعى عن شخصية
يعنى بمنطق إننا ما نحاسبش حد إنما نشوف الظروف اللى اضطرته لعمل الغلط
مش حندخل حد السجن
لأن لكل واحد ظروفه
سواء نفسية أو اجتماعية أو أو إلخ
بس لما مجموعة شباب يهجموا على بنت بريئة ويفترسوها
دول مجرمين
وعايزين الشنق
فى نفس الوقت تثير الحادثة قضية فى غاية الاهمية والخطورة
هم ليه عملوا كده
مش من باب الرحمة بيهم
من باب الرحمة بينا
إيه الكبت اللى حاصل للشباب فى المناظر السودا اللى بيشوفوها فى الشارع وبتخليهم مثارين جنسيا وتلغى عقولهم
إيه دور المجتمع مع الشباب العاطل
فين دور الأسرة والتربية
فين القيم
كل دى اسئلة لازم نسألها
وما تعفيش المجرم من العقوبة
مش بنسألها علشان ما نعاقبش المجرم
بنسألها علشان الجريمة ما تتكررش
بمناسبة الفرق بين الدفاع عن المبدأ والدفاع عن شخص
بما إن حضرتك ذكرتى قصة أسامة نبيه
طبعا عندك خبر عن الاتهام اللى حصل لعماد الكبير بإنه اعتدى على واحد هو ومجموعة من البلطجية
اول امبارح قريت فى إحدى المدونات رد محامى عماد الكبير بإن الموضوع متلفق علشان يبينوه مجرم وبلطجى
والأخ اللى ذكر الكلام ده نزل شتيمة فى البوليس اللى ملفق القضية
انتوا بتدافعوا عن القضية الغلط
القضية مش إن عماد بلطجى ولا لأ
القضية أصلا إن مهما كان عماد الكبير بلطجى وصايع فى قانون
والقانون لا يسمح بهتك العرض
دى القضية اللى المفروض نقف كلنا وندافع عنها
إن حتى لو عماد الكبير تاجر مخدرات وسفاح
لو صح ما نسب إلى أسامة نبيه وكلمة لو صح مش تشكيك ده برضه سيرا على مبدأ إنه متهم وبالتالى فهو برئ إلى أن يثبت العكس
لو صح ما نسب إلى أسامة نبيه لازم يتعاقب
مالهاش دعوة الحكاية بإنه عذب بلطجى ولا عذب واحد غلبان
العقوبة على الفعل وليست الشخصية
فهمتى حاجة؟؟
أنا مستنى وصلة الشتايم اللى جاية
وكتبت اسمى اهو علشان ابقى دكر
اولا اسمه اسلام نبيه
ReplyDeleteثانيا
مين انتوا؟
انتوا مين اللي بتدافعوا عن القضية الغلط؟
انت قريت عندي الكلام ده وللا بتجمع وخلاص زي النكتة بتاعة مش عايز من وشك حاجة
ح ابقى احكيها لك بعدين
ثانيا
مبدأ ايه بقى اللي بتدافع عنه
يعني السفسطة واللت والعجن اللي انت عمال تلف وتدور فيه عايز توصل منه لايه
انت بتشك اذن انت دبوس
بتشك في ان الطفلة دي اخلاقها بطالة
وان واحد جارها قال لها تعالي اوريكي القطر وراحت معاه ووقعت في الغلط وجابت لاهلها العار ولمن الواد طفش منها رمت بلاها على سواق توك توك غلبان
دي قصة دعاء الكروان حضرتك
تستلزم واحدة عندها على الاقل واحد وعشرين سنة عشان نعرف نتكلم مع بعض وندين البت الفاجرة هنادي اللي راحت في الوبا
لكن حضرتك بتتكلم عن طفلة
غير مسئولة عن تصرفاتها ولا حتى شهادتها
ويساري مصري يقول لي طالعة بكل بجاحة مش عارفة تقول ايه وايه
وطلعت عندها خمستاشر سنة مش حداشر
هئ هئ هئ
ولما اقول الرجالة ما بيفهموش حاجة بيزعلوا مني
وعشان جبر الخواطر جبت سيرة احمد زويل عشان ما تزعلوش
بص يابني
انت عمال تتكلم زي عاطف السكري وكلامك مالوش راس ولا رجلين وبتقول لي نفكر ونتناقش
اذا كان انت وللا يساري وللا اي حد بيتهم طفلة انا مش عارفة اقول لكوا ايه بجد يعني
يعني انتوا عاملين زي اللي نزلوا شتيمة في العيال اللي في قضية التوربيني
وبصرف النظر عن كون التوربيني متخلف عقليا فعلا
الواد ده كان في عصابته عيال عندهم خمستاشر سنة
اطفال
اطفال
سواء هم فعلا عملوا كده
او ما عملوش
فيه في القانون والعرف والعروبة والدين والانسانية حاجة اسمها معاملة الاطفال
وحاجة اسمها معاملة البالغين
الكلام ده يصلح عن واحد بالغ عاقل
مش عن طفلة
اما بخصوص سواق التوك توك فانا من اول يوم ومن قبل الدي ان ايه وانا احساسي انه بريء
وانا كاتبة كده
بوضوح
شفت بقى مين اللي بيقرا من غير تركيز
انت عمال تلف وتدور حوالين نفسك عشان تطلع ان الطفلة غلطانة
مافيش يا بابا طفل غلطان
حتى لو عمل جريمة
ما يبقاش الطفل هو اللي غلطان
الطفلة دي شهدت شهادة زور
ومن الاول كان باين عليها الخيبة وما عرفتش تنسق كلامها وكلامها كله كان متضارب
امال انا عرفت ان الواد بريء من قبل التحليل ازاي يعني بافتح المندل؟ ماهو من اقوال البنت نفسها
طيب البنت دي طفلة
فاهم يعني ايه طفلة
هو انت عمرك ما كنت طفل؟
اتزرعت كده كبير؟
مش فاكر وانت طفل كنت عامل ازاي
الطفلة لما تشهد شهادة زور في قضية زي دي تبقى واقع عليها ضغط ما
ممكن من مسئول كبير زي ما بعض الاخوة قالوا
ممكن بسبب خوفها من الظابط اللي قال لها خلصينا يا ختي
وممكن لان ابو المولودة حد من محارمها اللي هي ما تقدرش تقول عليهم
ممكن يكون الاب الحقيقي مهددها
ودي طفلة
اذا كان الكبير الشحط بيتهدد
الطفلة مش ح تتهدد ازاي
والطفلة دي بقى اتعمل فيها كده بمزاجها وللا غصب عنها؟
ايه السؤال اللولبي ده
يا سيدي العزيز حضرتك قريت حاجة عن التحرش الجنسي بالاطفال؟
تعرف ان التحرش الجنسي بالاطفال نوعين
نوع بيبقى اغتصاب
ونوع بيبقى بدون مقاومة من الطفل
اللي انت بتقول عليه بمزاجها
لكن الاطباء والمختصين بيقولوا مافيش حاجة اسمها تحرش جنسي بالطفل بمزاجه
حتى لو الطفل ما قاومش
حتى لو تجاوب
برضه ما يبقاش اسمه بمزاجه
لان ده طفل
طفففففلللللللللل
ملحوظة: كل الستات والبنات صحابي كانوا شاكين في ابوها ومش بيقولوا ولما انا قلت قالوا لي واحنا كمان كنا شاكين
ومعلش بقى
دي حاجة الاخوة الرجالة يقعدوا ساكتين فيها عشان ما بيفهموش فيها
خاااااااااالص
خصوصا بقى لما تحب تمنطق وتحاسب طفلة
بكرة تخلف وتعرف يعني ايه طفل
وللا بقى بصراحة الله يكون في عون عيالك
ح تعاملهم زي زكي رستم ما كان بيعامل هاني في فيلم نهر الحب: انا جبت لك إشطرنج عشان ينمي إذكاءك
هاني
تحب تيجي معانا بكرة نزور قبر ماما
بسم الله ما شاء الله
ReplyDeleteإيه الحلاوة دى
ما انتى اهو حلوة وبتعرفى تتكلمى من غير شتيمة
فاضل تعبرى عن رأيك من غير عصبية
ياستى بلاش تعتبريه حوار
اعتبرى نفسك مدرسة واحنا تلاميذ عند سيادتك
وبلاش تلجأى للأسلوب اللى كلنا عانينا منه واللى هو سبب كبير من اسباب تخلفنا
ممنوع الحوار
ممنوع التفكير
ممنوع السؤال
الله يمسيك بالخير يا احمد يا فؤاد يا نجم
وكل يوم فى حبك تزيد الممنوعات
طالما بطلتى شتيمة يبقى عندى امل انك كمان تبطلى عصبية
وتاخدينا على قد عقلنا باعتبارنا تلاميذك
اهدى كده وروقى واشربى لك خمسة ستة ليمون على حسابى
أنا حاحاسب عالمية وانتى تحاسبى عالسكر والليمون
تعالى نسيب الموضوع ده مؤقتاً وخلينا نتكلم عن إسلام نبيه
معلش اعذرينى
اصل كان فى لعيب فى الزمالك اسمه أسامة نبيه
ولما تبقى فى سنى ويجيلك الزهايمر حتتلخبطى بين شوقى وعبد السلام مش بين أسامة وإسلام
المهم
قبل أى حاجة حاكتب جملة وعايزك تقريها 500 مرة
أنا مش بدافع عن إسلام نبيه
أقريها 500 مرة وبعدين كملى
طيب ليه أنا بتكلم عن موضوعه هنا ومش رايح اتكلم عن موضوعه فى المكان المخصص لده
والله بصى
أنا توقعت إنى لما اتكلم هناك برضه حتبصى لى على إنى باعارضك وخلاص
وحيطلع نفس الانفعال
أنا بفكر
وبتفلسف
وسفسطائى
وكل اللى انتى عايزة تقوليه
سؤالى اللى عايزك تنسى إنك قاعدة فى التكييف وقدام شاشة الكمبيوتر
وتكونى أمينة مع نفسك وانتى بتجاوبيه
ياترى لو فى يوم من الأيام واحد سرق منك مية ألف جنيه
مبلغ بالأمانة انا ممسكتهوش فى يوم من الأيام
انتى عارفة مين اللى سرقه ومتأكدة من ده
بس معندكيش دليل عليه
رحتى لظابط مش حقول لك معرفة
ده أنتى أشهر من نار على علم
الراجل عارفك وعارف والدك الله يمسيه بالخير
حب يعمل معاكى واجب
جاب الواد اللى انتى متأكدة إنه حرامى
والواد ده كمان طلع متخصص فى النوع ده من الجرايم يعنى باختصار سوابق
مش حقول لك عمل فيه زى ما اتعمل فى عماد
لأ هو رزعه علقة محترمة
الواد قر واعترف الفلوس فين
وجت لك فلوسك
يعنى خدى بالك الولد ما طلعش مظلوم
ياترى يا هلترى
حتقفى نفس الوقفة فى وش الظابط وتقولى له لا مش من حقك؟؟
إنت لك أساليب قانونية هى اللى تلجأ لها
ما تمدش إيدك عليه من فضلك؟؟
ياترى عندك استعداد تتحملى نتيجة ده من ضياع حقك ومن إن الظابط ممكن يلفق لك انتى كمان قضية علشان حس إنك كسرتى هيبته قدام المجرمين والمخبرين وزمايله؟؟
طب حافترض جدلاً إنك حتقولى أه وطز فى المية ألف جنيه
بس مبادئى ما ابيعهاش ولو بكنوز الدنيا
ومتنازلة عن حقى اللى يجى بكسر القانون
ياترى كام واحد فى الخمسين مليون مصرى عنده استعداد يقف نفس الوقفة ده إذا استبعدنا طبعاً الأطفال اللى مش حيروحوا الأقسام
أنا معديتهمش لكن قدرتهم ياستى بتلاتين مليون
كام واحد فى الخمسين مليون الباقيين عنده استعداد لما المبادئ تمسه هو شخصياً إنه يتصدى للغلط
رغم إنه عارف إن حقه حيضيع
ورغم إن فى الأول هو المجنى عليه
كام واحد يملك الشجاعة دى
قبل ما تقولى سفسطة وفلسفة وأسئلة لولبية
على فكرة ده الفرق بينا وبينهم
بين الناس المتخلفة اللى زينا
وأوروبا والدول المتقدمة
هناك ما تلاقيش واحد بيكسر إشارة أو بيعافر علشان يسرق الواقفين فى إشارة ويسبقهم
لأنه هناك عارف إنه لو كسب دقيقة من الحركة دى حيخسر ساعة فى نفس المشوار لأن فى ألف أسد واقفين فى الشارع وبيحاولوا يعملوا نفس الحركة الغبية بتاعته
على فكرة سؤالى اللولبى ده كان محور فيلم أجنبى كنت اتفرجت عليه
واحدة حست إن فى عيل بيراقب المطعم الجديد اللى هى لسه عاملة له افتتاح النهارده
وكانت على وشك إنها تقفل
اتصلت بالنجدة
جم للولد وعطوله فى الشارع علقة سخنة
الست اتصلت بالنجدة مرة تانية تبلغ عن رجال الشرطة المرة دى
ودار الصراع طول الفيلم
الولد سوابق وفعلا كان واقف مستنى علشان يسرق المحل
وإحنا عملنا ده علشان نحميكى
وبعدين إنتى لو أصريتى على البلاغ ضدنا حياتك حتبقى سودا
شفتى
آدى الأفلام اللى بصحيح
مش تقولى لى نهر الحب اللى فاتن حمامة ضحت بابنها علشان تقعد مع حبيبها بعلم جوزها وبتخطيطه
السؤال المهم
إيه الأهم؟؟؟
إننا نقف قصاد إسلام نبيه ونطالب بسحله فى الشوارع نتيجة للجريمة اللى ارتكبها؟؟
ولا إننا نغير تفكير الشعب وثقافته
ويفهم إنه لما بيخالف القانون حتى لو حياخد حقه بكده هو بيدمر حياته لأن الحياة حتبقى غابة؟؟
فى تعليق عالواد الصغير بتاع المنصورة لقيت واحد بيقول وإيه يعنى لما يحرقوه ويتنيل يموت ما هو فى الآخر لو كبر يعنى حيطلع إيه
ما هو حيطلع حرامى
واحد رد قال له يا ترى كان حيبقى ده ردك لو كان ده أخوك
رد البيه قال له لو كان أخويا كنت قتلته
الرد مش لو كان أخوك
الرد اللى انا رديته عليه
ما احنا لو سكتنا على اللى حصل للحرامى ده
بكره حيحصل لك انت شخصياً نفس الكلام
لو حضرتك ماشى فى الشارع فى أمان الله وخبطك واحد من أولاد ال......... من بشوات العصر الحديث بعربيته
حيولعوا فيك انت وأهلك فى القسم علشان تتنازل علشان ما تعكرش صفو البيه الصغير
سلميلى على هانى
والفاتحة لروح والدته ووالدى وأرواح كل المسلمين
سلام وما تنسيش الليمون