وطلع في العاشرة مساء وقال انه مسيحي من سن ستاشر سنة
والمحامي بتاعه هو ممدوح نخلة
اظن اللي يعرفني يعرف اني مؤمنة بحرية البني ادمين
الى ابعد الحدود
بس مافيش مانع ابدا بقى من نظرة مبعدية للامور
بقى الهوجة اللي حاصلة دي فيها انة
وانه كبيرة قوي
ما المصريين بقالهم الف وربعميت سنة مسلمين ومسيحيين وعايشين مع بعض
دي حاجة
الحاجة التانية بقى اني كان بقالي كتير ما قعدتش مع ناس
ناس اللي هم ناس عاديين
يعني لا عشوائيات ولا مدونين ولا مثقفين
مؤخرا قعدت معاهم وبالذات مع مسيحيين
ولقيتهم مش هنا خالص
ما عندهمش اي مشاكل ولا الحياة ملعبكة معاهم
زي ما احنا ملعبكينها
وحسيت ان مشكلة المسيحيين والمسلمين
بالنسبة لهم زي مشكلة ازمة الهوية المفتعلة دي
هم مش دريانين بيها ولو كلمتهم فيها مش ح يفهموا بتقول ايه
وبعد شوية ح يضحكوا عليك
مافيش مانع نربط اختفاء القاصرات المسيحيات
وفيديوهات اجبار المسيحيات على الاسلام
وقضايا العائدين للمسيحية واللي اساسا دخلوا الاسلام
في غفلة من الزمن
وجرنال مشبوه زي المصري اليوم ينشر مانشيت
يقول فيه ان امريكا ح تخصص معونتها للمسيحيين في مصر
بس
وقضية محمد حجازي
وكل الهوجة الغريبة اللي فعلا بقى
المسيحيين العاديين مش مهتمين بيها
عشان نشك
خصوصا لما نقرا الخبر ده على موقع
المصريين
اهو
وياريت بقى لو موقع المصريين صادق
ينشر صورة من الجواب الاصلي بخط ايد محمد حجازي
عشان بقى انا بقيت اشك دلوقت في كل الناس
والظاهر اني زبونة
زي ما وائل عباس بيقول عليا
الاعتراف بالحق فضيلة
فيه حاجة مش مظبوطة حاصلة
فيه حاجة مش مظبوطة
واللي ح يروح ضحيتها
ناس ابرياء مسلمين ومسيحيين
مالهمش ذنب في ده كله
ومش مهتمين بكل المهاترات دي
انا بقى عايزة افهم فيه ايه
وياريت بقى نبطل شتيمة في بعض
ونحاول نفهم فيه ايه
اشمعنى ملف الاقباط بيستغل اليومين دول
وايه الهدف منه
وايه المقصود
هل امريكا مثلا عايزة تحتل مصر
وعايزة تستغل المسيحيين كمسمار جحا؟
هل الدولة بتدوخ الكتاكيت وبتلهينا ببعض؟
هل دي قلة عقل من المؤسسات الدينية؟
يعني من اربعين سنة عاطف شفيق كان بيقرا الفاتحة
للشهيد وليم شفيق
مش ممكن كل ده في اربعين سنة بس ظهر
ايه الحكاية؟
مش عارفة حاسة ان فيه خديعة ما
خطة ما
وناس وقعت ضحيتها
انا شخصيا حاسة اني انضحك عليا في حاجة
مش عارفة هي ايه
بس حاسة ان قفايا واجعني
دي بس جملة اعترضية وح نكمل كلامنا
عن الناس والحرب
تحياتي يا نواره
ReplyDeleteأول واحد يعلق انا؟
طبعا ما توقعتش أن الموضوع ممكن يعدي لا على وعيك ولا على احاساسك
أنتى متفقه معايا أنه فيه حاجه غلط والموضوع ريحته مش ولابد ابدا
تقريبا زى ما قلتى الحكومه بتدوخ الكتاكيت
صباحه فل
انتي صح ..
ReplyDeleteالحكاية فيه إنّ كبيرة .. وتوقيتها متضايقني قوي ..
بس برضه الكلام ده بيفتح جرح اسمه سيادة القانون وحرية الفرد في الاختيار والمساواة في تطبيقه يا نواره
قلت كلام كتير جدا لدرجة وجعت دماغي ودماغ المعلقين على بوست منفصل كانت الردود فيه بنفس اهمية البوست نفسه
اهم حاجة ان مفيش حاجة لازم تلهينا عن القضية اللي بجد ..
حجازي نفسه مش مهم هو ايه ومين وبيعمل ايه
انما القضية اللي لازم نتكلم فيها هي حرية العقيدة
والمساواة في المعاملة وتطبيق القانون
والمسخرة الاعلامية المشبوهة بتاعة اليومين دول
*** حتي انت يا بروتوس ***
ReplyDeleteنجيب من الاخر؟
الاقباط عاوزين دوله مستقله بيهم
مش عاجبهم المسلمين الغزاه اللي احتلوا بلدهم من 1400 سنه
و بصراحه الفرصه جات لحد عندهم . . بن لادن ولعها و شعللها بين المسلمين و الدول المسيحيه
طب يعملوا ايه؟
يعملوا زي اليهود ما عملوا . . ما السيد المسيح نفسه كان يهودي
يبقي فين المشكله؟
اولا يقعدوا يصوتوا طول النهار و الليل ان مصر كانت قبطيه و هم اصحاب البلد الاصليين
و الكلام اللي بيقولوه ده مش هبل . . داحنا اللي هبل عشان مش فاهمينه . . كل كلمه بتطلع بحساب
زي اليهود ما كان ليهم دوله في فلسطين من 3000 سنه و خدوها . . الاقباط كان ليهم دوله من 1400 سنه . . و عاوزين ياخدوها
ثانيا يحاولوا ينصروا اكبر عدد ممكن من المسلمين . . و عصابات التنصير في كل مكان دلوقتي . . الجامعات و الوزارات و النوادي
و اصلا شباب المسلمين طالع عينهم . . مفيش شغل و لا فلوس و لا سكن و لا جواز
يعني كام حكايه من بتوع الراهب بحيره و الناسخ و المنسوخ . . علي كام محطه فضائيه و مئات المواقع القبطيه علي الانترنت . . كلها بتشكك في الاسلام و نبي الاسلام . .و قرشين مساعده للشباب الغلبان و يحبذا فيزا هجره لدوله غربيه بدعوي الاضطهاد الديني . . و ضعاف النفوس بيهلوا في دين الرب يسوع . . افواجا
واحد قبطي من بتوع التنصير قال لي بالحرف الواحد ان مصر فيها 2 مليون مسلم متنصر رسمي في الكنايس
حتي المفتي الخرنج بتاعنا طلع فتوي بجواز تنصير المسلم . . و تاني يوم المحترم محمد حجازي رفع قضيه تغيير دين
و دا بفتح الباب . . قصدي يفشخ الباب لجمعيات التنصير . . اهو . . كله بالقانون . . ياسيدي عل المعلمه
ثالثا يستعينوا بدوله قويه زي امريكا . . عشان ساعه الزنقه . . امريكا تعترف بالدوله القبطيه في 5 دقايق . . زي ماحصل مع اليهود في سنه تمانيه و اربعين
و ماما امريكا كلها فلوس و سلاح . . يعني اللعب معاها في المضمون
طبعا ناس كتير مش حتصدق الكلام ده
برضه زي ما ماحدش من ميت سنه صدق ان اليهود حايلهفوا فلسطين
طب عاوز كام اسأل سؤال
ليه الاقباط مابيحبوش يتكلموا في موضوع "ملف الاقباط" . . بس بيحبوا يتكلموا في "القضيه القبطيه" علي حد تعبيرهم؟
ليه القساوسه بيقولوا للشباب المسيحيين يحضروا نفسهم "للاستشهاد" اي والله .. اللي مش مصدق اوريه بالصوت و الصوره
مواقع الاقباط علي النت؟
الاقباط متحدون؟ مع مين و ضد مين؟
الاقباط الاحرار؟ حايتحرروا من مين؟
و الله كل كلمه بيقولوها ليها معني
بس احنا اللي مش عاوزين نفهم
ازيك يا نواره
ReplyDeleteهو الموضوع ده على حد علمى كان للعاشره مساء
بمعنى ان منى الشاذلى اول واحده اتكلمت عنه
انا شفت الحلقه وسمعت السخص ده بيقول انه اتنصر من 7 سنين تقريبا
بس الحلقه اللى بعدها بتاعة امبارح منى اضافت للموضوع انها اتصلت بوالده واصدقاءه واكدوا انه ما سابش بيت اهله غير من سنه واحده
وجمال اسعد عبد املاك قال انه كان احد الاشتراكيين الثوريين فى حزب العمل وكان مسلم
يعنى هو كذاب
ولو افترضنا انه صادق
فين المشكله
طب ما يتنصر ما هى بتحصل كتير
ليه الفرقعه يعنى
وبعدين انا مش مطاليا نواره كواحد مصرى مسلم انى افضل ادور ليه بالذات دلوقتى القضايا دى طلعت على السطح
افرضى انها مؤامره ومدبره
انا ليا اللى اترتب عليها واللى بينفخ فيها عشان تولع زى ممدوح نخله المحامى ده
شفتيه على المحور لما قال انه هيرفع قضيه على هانى لبيب والعلمانيين الاقباط لانهم تكلموا عن احد القساوسه
معتز الدمرداش قالله هترفع قضيه ضد واحد قال رايه وانت بتاع حقوق انسان قالله فيما معناه بس ده قسيس
هو يحترم القسيس زى ماهو عاوز بس ما يوجعش دماغ ابونا بقى هو واللى زيه بالحريه والملوخيه
معذرة انى طولت
سلام عليكم
معش يا نواره بعد ما علقت لاحظت حاجه حبيت اسألك عنها
ReplyDeleteانتى ليه حاطه موافقتك على الكلام شرط لنشر التعليق؟
القضيـّة واضحة يا نوارة
ReplyDeleteمنذ حوالي خمسة عشر عاما و ما وراءها كان الجو العام هو محاربة الشيوعية
لأن القرار صدر من أمريكا بأن الشيوعية عدوة الله و الإسلام ..فجـيـّش المقاتلون العرب و المجاهدون في سبيل قهر ( الطاغوت الشيوعي) و ساد مناخ عام في المنطقة بأن كل شيء تمام و عال العال ما عدا الشيوعية ..و لم نكن نسمع كلمة واحدة عن فلان مسيحي أو فلان غـيـّر دينه .. و بعد انتهاء الحرب الباردة صدر قرار معاكس من أمريكا بأن المجاهدون أنفسهم هم أعداء الاسلام و الانسانية .. و عاد الجو العام ليدخل في هذا الصراع حتى بين الأب و ابنه .. و بعد احتلال العراق و فشل أمريكا فيه فشلا مروّعا .. صدر قرار جديد من البنتاغون و دوائر المحافظون الجدد بأن الطائفية و اللعب على وتر الدين هي الورقة الأخيرة خصوصا بعد فوز حماس بالانتخابات و حصار الشعب الفلسطيني و من بعدها الطامة الكبرى بانتصار حزب الله على اسرائيل و من وراءها .. الان دور الطائفية و تشويه صورة كل مقاوم ..
و كالعادة العرب هم حقل التجارب الذي يستوعب كل نفايات امريكا و الصهيونية بوعي أو بدون وعي .. و إلا ماذا يهمك أو يهمني أو يهم أحد اذا كان حجازي مسلما أم بوذيا ؟ ماذا سيغيّر هذا في مسيرة البشرية .,.؟ نحن متهمون أننا من أنصار نظرية المؤامرة .. و الكارثة أن المؤامرة تحاك أمام أعيننا و في وضح النهار و لم يعد أعداءنا يخفون شيئا ..
ـ هل سمعت أحد يطالب بحقوق سكان العشوائيات الذين ذكرتيهم في مقالات قديمة؟؟و هل اسلام هذا الحجازي أو نصرانيته أهم من شربة ماء نظيفة و لقمة طعام و فراش نظيف لاّلاف الأشخاص في عشوائيات مصر أو أزقة غزة و الضفة أو مئات البيوت التي سوّيت بالأرض في جنوب لبنان فوق رؤوس اصحابها و لم نسمع أو نشاهد برامج العاشرة و الخامسة و الثانية عشر تناضل من أجل قضايا أصحابها ؟
لقد كتبت قبل فترة مقولة لأحد منظّري المحافظين الجديد و هو مسؤول حالي في النظام الأمريكي يقول إن بعض المثقفين العرب يعملون لدينا بصفة كلاب شغلتهم الوحيدة تصديق أكاذيبنا و إثارة كل ما فيه زعزعة لمجتمعاتهم .. و أنا لا أبعد قضية حجازي على صغرها و غيرها من القضايا التافهة عن هذا المبدأ .. أما لماذا تافهة ؟ فلأن حجازي اّمن على طريقة محمد أم مار بطرس أم بقر الهند فهذه مشكلته وحده يجب ألا تدخل في نطاق الأمن القومي المصري و تجرى لها الحوارات و البرامج .. من هنا أقول .. لماذا تجد وزارة الداخلية المصرية حلولا فورية لبعض الشباب الذين يكتبون كلمتين على النت أو بعض الشباب الذين تأتي بهم من الشارع لتضع العصي في مناطق حساسة من جسدهم و ينتهي الأمر .. دون حساب و تناضل في سبيل ألاّ تحاسب المسؤولين عن ذلك .. و تعجز عن منح حجازي بجرّة قلم .. خانة الديانة التي يريدها و ليذهب الى جنته أو جحيمه .
مبدئيا
ReplyDeleteالرسالة دى طبعا اللى فى موقع المصريين مش صحيحة وساذجة جدا جدا جدا وهبلة ومتخلفة ولايصدقها طفل لازال يتبول على نفسه
لأن المسيحيين عمرعم مااجبروا حد على اعتناق دينهم
على عكس الاسلام طبعا الذى يتدفع الجزية يتشهر اسلامك
والشعب كله كان فقير ساعتها
فى حين ان المسيحية انتشرت على جثث الشهداء
يعنى النقيض تماما
ثانيا بقى
ليه الدينة متتلغيش من الاوراق الرسمية
ممكن اجابة واضحة وصريحة ؟؟؟
ثالثا
موقع محيط عامل تغطية حلوة عن الحدث
رابعا واخيرا
ياريت نفكر فى المشكلة نفسها وهى حرية الاديان ونبطل نشوف ايه نظرية المؤامرة اللى ورا المشكلة
alexandrian far away
ReplyDeleteمش عارفة ده اساسا حجازي ده كان شيوعي وملحد
عشان كده حاسة انها لعبة
وراها ايه بقى
الله اعلم
bluestone
صح وده اللي غايظني
انها مظلمة حقيقية وبتستغل لمصالح
فاهماني؟
يعني مثلا زي اللي بيستغل الوضع السيء للمرأة عشان يحقق مصالح ما دنيئة
سيادة القانون والمواطنة كل ده كلام كلنا مؤمنين به
لكن بيستغل ازاي
وده خطر على مطالب المسيحيين جدا يا بلو ستون
لانه بيوصم مطالب مواطنين حقيقية بناس بتستغلها عشان اهداف تانية
يعني لما حجازي ده يطلع انه كداب وواخد فلوس عشان يعمل الفيلم ده
وكل اللي يعرفوه يعرفوا انه ملحد اساسا
طيب ما ده بيتسبب للمسيحيين اللي عندهم مطالب حقيقية وعادلة في حرج
فاهماني؟
عمرو
ايه ده ايه ده؟
ايه اللي انت بتقوله ده
انت حر طبعا تعبر عن رأيك
بس انا مش راضية عن كلمة واحدة من الكلام ده
محمد هنداوي
والله ابدا
بدليل اني سبت تعليق عمرو
انا بس عملت مودريشن عشان فيه ناس بتدخل بتسب لي بالاب والام وبتقول الفاظ بتضايق رواد المدونة
جو
ايوة فعلا
انا ما كنتش موافقة على موضوع شيل خانة الديانة دي
لكن الظاهر انها فعلا هي الحل الوحيد
استاذتنا
ReplyDeleteدى سياية جس النبض مثلة مثل اى موضوع يراد معرفة رد فعل الناس له
مثل جمال مبارك هيبقى رئيس
مش عارف ايه حصل
و ويروج الكلام ده لحد ما ينتشر الكلام بين الناس ويشوفوا رد الفعل ويحددوا نسب المهتمين ممن عدمهم وهتقوم مظاهرات ولا لاء
يعنى هتبقى قضية رأى عام ولا لاء
تحياتى وابقى نورينا
كملي و النبي الكتاب بتع الناس و الحرب
ReplyDeleteانا عجبني جدا كل اللي المقاتل ده كتبه
اعترافات اسماء الخولي . . واحده صاحبتها من الجامعه نصرتها
ReplyDeleteاهو الرابط
http://www.youtube.com/watch?v=ove3QFBl_4U
أنا مش عارفه الناس اللى زعلانه من محاولات التنصير اللى بتنجح مع ضعفاء النفوس ليه ؟ يعنى لو أى مسلم مش حريص على دينه وسهل يبيعه لأى سبب ! طب ما بالسلامه . هو أحنا هنستفاد من الناس دى بأليه ؟ ولا هو العدد فى اليمون وعايزين نذود عدد المسلمين بأى حد حتى لو مش صادق وأمين على الأسلام؟ وبعدين مش عيب أن الواحد يغير معتقداته ولآنغير نظرتنا لكثير من الأمور .ده حتى الشئ الوحيد اللى غير قابل للتغيير هو قانون التغيير !
ReplyDeleteو مازال مسلسل التبشير مستمر
ReplyDeleteطبيب مصري قبطي كان شغال في السعوديه
اتهم بالتبشير
و السلطات السعوديه لسبب ما قررت عدم محاكمته
لكن خدوا منه جواز سفره و بقي له سنتين في السعوديه مش عارف يرجع مصر
و طبعا الاقباط جاهزين . . اضطهاد . . اضطهاد
احلي حاجه في الموضوع ان الممرضه المسلمه بتاعته اللي كان عمال يعمل لها غسيل مخ . . نفت كل التهم الموجهه اليه و صرحت بانها "مازالت مسلمه" . . في حد مسلم بيقول "انا مازلت مسلم" . . هههههههه
مش كده و بس . . الممرضات زميلاتها شهدوا ان كلامها بقي غريب و عجيب زي "نشكر الرب" و الذي منه
طيب اذا كان دكتور ممدوح مش شغال تنصير في الممرضه . . حتشكر الرب ليه؟ . . هي الحمدلله بقت كلمه قبيحه؟
الرابط اهو للي عايز يسمع من كل الاطراف - برنامج الحقيقه مع وائل الابراشي - جاب كل الدكاتره المسلمين و الدكتور القبطي و وجاهم ببعض
http://www.copts.com/arabic/index.php?option=com_content&task=view&id=665&Itemid=41
ميراج
ReplyDeleteاولا بخصوص الاسلام اللي انتشر بحد السيف والناس اللي اسلمت عشان الجزية
الحقيقة مش عارفة اقول لك ايه
يعني كلف خاطرك شوية واقرا تاريخ بلدك
الجزية اللي بتتكلم عنها واللي فرضت على كل شاب صحيح قوي لا يعول ومقتدر وقادر على الحرب وغير راغب فيها
واللي كان بيعفى منها النساء والشيوخ والاطفال والمصابين باعاقة او عجز او بيعولوا اسرة كبيرة
كانت بتقدر على اقل واحد بين المسيحيين
وكانت في معظم وقت دفع الجزية لا تتجاوز خمسة دراهم في العام وتثبت على جميع الكتابيين من الاغنياء والفقراء
اما المسلم فلا يعفى من دفع الزكاة بصرف حتى وان كان امرأة او شيخ وكان كل واحد بيدفع نسبة من ماله
يعني مش خمسة دراهم وخلاص
لو استحق انه يدفع الف درهم ح يدفعهم
ده غير ان خراج الارض كان بيدفعه كل الفلاحين مسلمين ومسيحيين
يعني بحسبة بسيطة المسيحيين اكسب لهم يدفعوا الجزية من انهم يدفعوا زكاة المال
لان خراج الارض للمسيحيين كان مثبت على اقل التقديرات
اما خراج الارض للمسلمين فكان بيبقى نسبة من المكسب
والشعب لما عمرو بن العاص جه كان فقير فعلا
والفقير يعفى من دفع الجزية
لكن حضرتك عايز تفهمني ان الشعب اللي كان بينشر بالمناشير وبيصلت عشان يغير طائفته من اليعقوبية للملكانية ومع ذلك لم يغير الطائفة وارسل في استداعاء المسلمين عشان يخلصوه من الرومان
هذا الشعب المتمسك بطائفته لدرجة تحمل القتل بسهولة كده يغير دينه عشان خمسة دراهم؟
وارجو انك قبل ما تتكلم عن العرب الغزاة تراجع تاريخك وتقرا عن استقبال البطريرك المصري اللي كان هارب من الرومان في ذلك الوقت واستقباله لعمرو بن العاص وجنده بالمشاعل هو وكل اعضاء الكنيسة المصرية
الشعب كان فقير صحيح قبل الاسلام
بس يا سيدي ربنا فتح ع الشعب ده بعد دخول الاسلام
وبقوا اغنى اغنياء الخلافة الاسلامية
وبقوا اطباء الخلفاء والمترجمين وجباة الضرائب والمكوس والخراج كلهم مسيحيين
فيه كتاب اسمه احوال النصارى في الخلافة العباسية
اشتريه يمكن ينفعك
اللي كاتبه قس فرنسي مستشرق عاش في الشرق الاوسط فترة
وبيرجع في مراجعه للمؤرخين المسيحيين والمسلمين
وبيذكر في اكثر من موضع: وثار عامة المسلمين من الفقراء شاكين من ظلم الجباة النصارى وطغيانهم عليهم ومحاباتهم لطائفتهم
ولان طبيب الخليفة ومترجم الخليفة وشعراء الخليفة كانوا مسيحيين
فكان الخليفة يقمع ثورات فقراء المسلمين بالقوة ويطلق يد الجباة النصارى فيهم يعملون فيهم ظلما وطغيانا
يعني فيه فترات المسلمين كانوا بيعانوا من اضطهاد
اما بخصوص المسيحيين عمرهم ما اجبروا حد على دينهم
برضه مش عارفة اقول لك ايه
امال المذابح اللي عملها الرومان للمصرين دي عشان يغيروا الطائفة دي كانت ايه؟
امال مذبحة حصن بابليون اللي فيها الرومان اصابوا الكثير من المصريين باعاقات ودبحوا الكثير منهم لانهم اكتشفوا تعاونهم مع القوات العربية دي ايه؟
امال محاكم التفتيش والمحارق اللي نصبت للمسلمين واليهود في اسبانيا واوروبا دي ايه؟
امال مذابح الكاثوليك للبروتستانت ثم مذابح البروتستانت للكاثوليك دي ايه؟
وضحايا المجازر التي ارتكبت باسم المسيح
ومش محتاجين نقول انه بريء منها
منذ الدولة الرومانية وحتى وقت قريب
قد ضحايا البشرية كلها من اول بدء الخليقة لحد النهاردة واللي ارتكبت من غير المسيحيين حوالي عشر مرات على اقل تقدير
هو حضرتك جاهل وبتفتي في اللي مالكش فيه وللا الغل عامي قلبك ورافض تقبل الحقائق المدونة والموثقة
ده تاريخ حضرتك
وتاريخ كتبه مسيحيين ومسلمين ويهود وماجوس
واجمعوا عليه
وللا كل دول تآمروا عشان يجبروا المسيحيين انهم يسلموا؟
ثانيا
مش عارفة ايه اهمية خانة الديانة فعلا
ثالثا
صراع الاديان؟ ياللهول
اهدا يابني اهدا
او خد مهدئ
وبلاش السواد اللي واكل قلبك
عشان صحتك بس
الي ساندي
ReplyDeleteانا كمان مش عارف الناس زعلانه ليه من محاولات التنصير اللي بتنجح مع ضعفاء النفوس
فيها ايه يعني لما كام واحد قبطي متدربين و تحت اشراف قسيس يشتغلوا شاب او شابه مسلمه ظروفهم صعبه و مش فاهمين حاجه و يجروا رجلهم و يقعدوا يحكوا لهم قصص كليله و دمنه و الراهب بحيره اللي كان ناقم علي المسيحيه و علم سيدنا محمد ازاي يعمل نبي
فيها ايه لما الاقباط يعملوا محطات فضائيه موجهه شغلها الشاغل تسب و تلعن و تشكك و تكفر و تنصر المسلمين . . دي ثقافه عامه
فيها ايه ان الاقباط عاملين مئات المواقع الاسلاميه المشبوهه علي النت . . اللي بتفسر القران علي مزاج ابوهم
فيها ايه لما قسيس قبطي مصري يسمي الحج . . الحك . . عشان المسلمين بيروحوا يحكوا في بعض و يعملوا حاجات مخزيه
فيها ايه لما القس مرقص عزيز الناطق باسم البابا شنوده يطلب من شباب الاقباط انهم يستعدوا للاستشهاد دفاعا عن بلدهم؟ من اليهود؟ لأ طبعا . . من المسلمين
فيها ايه ان اقباط المهجر بيعملوا مظاهرات في امريكا و اوربا و استراليا احتجاجا علي مدابح التطهير العرقي في مصر؟
ده حتي امريكا قررت انها تخصص جزء من المعونه للاقباط . . عشان المسلمين مجوعينهم و بياكلوا اكلهم
دي كلها حاجات عاديه جدا . . انا مش عارف ايه اللي مزعل الناس . . عجيبه
تحياتي
: )
انا تعليقى واضح وصريح
ReplyDeleteانا مقلتش ان الاسلام انتشر بحد السيف
وانتى بتقولينى كلام انا مقلتوش
ومعنى ده ان انت على راسك بطحة
وده كافى جدا لية ومش محتاج ارد تانى
عشان اللى على راسه بطحة بيحسس عليها
يا ست يا ثورجية انتي
ReplyDeleteمن يوم العساكر ما أفسدوا الدنيا
ظهر على السطح التعفن اللي بيقول ولاد مصر ديانتهم ايه؟
فاكرين ثورة 19؟
طيب تعالوا شوفوا مصر قبل العسكر كانت شايفة ولادها ازاي؟
http://www.analmasry.com/
حسان
عمرو
ReplyDeleteخف من التعصب شوية
كده غلط عليك
وعلى صحتك
دي نفس النصيحة اللي قلتها لميراج برضه
دي خيبة ايه دي
ماسكين في شواشي بعض وسايبين اللي زارعين بينا الفتنة وقاهرينا
ميراج
ههههههههههههههههههه
قوام كده كشيت ملك؟؟؟؟؟
طيب كويس ان تعليقك موجود والناس شايفاه
كركركركركر
ما بلاش سياسة اضرب واجري ولو حد جري ورايا اقول له ما كانش قصدي دي
يا تضرب وتقف تستنى رد الفعل
يا متضربش خالص مدام مش قد الضرب
محمد
والله يا عمي بتوع ثورة يوليو دول ولا حتى عسكر
العسكري يعمل جيش قوي
مش جيش يتوه في الصحرا
جاتهم خيبة دول ولا حتة ينفعوا تومارجية
ألى عمرو , برضه ما فهمتش هيستفاد بأيه الأسلام من ناس زى دول ؟ وبعدين فاكر البنت الأمريكيه اللى أسلمت ؟ شفت باباها ومامتها كانوا فرحانين بيها أزاى ؟ لا طردوها ولا كفروها ولا تباكوا لمحاوله أسلمه الأمريكان !!!!! وكتير أمريكان وأوربيون بيغيروا ديانتهم بمنتهى السلاسه ! ولا المسيحيه أتأثرت بده ولا الأسلام هايتأثر باللى ها يسبوه. وعندى سؤال ؟ هل تعتقد أن حمايه الدين الأسلامى ستؤتى ثمارها بهذا التشنج وألقاء التهم جذافا ؟ لماذا لا ندعوا ألى الأسلام بأعمالنا ؟ هو ربنا غير قادر على حمايه الدين الحق ؟
ReplyDeleteعقد اليوم بمقر مركز الكلمه لحقوق الإنسان مؤتمراً صحفياً لأعلان ممدوح نخله المحامى أسباب سحبه للدعوة التى قد سبق وتقدم بها إلى المحكمه الإداريه العليا معللاً من بين أسبابه أن حجازى هو من كان وراء تلك الضجه الأعلاميه التى حدثت وأنه لم يتمكن حتى من الوصوإليه فى حين أن الأعلام كان على أتصال دائم به ( حجازى ) وأنه عندما ذهب إلى العنوان الذى تركه له حجازى أكتشف أنه عنوان وهمى وأن حجازى يماطله فى أحضار المستندات التى تكمل أجرأت القضيه ونفى تماماً نخله تعرضه لأى ضغط سواء من الجماعات الأسلاميه أو أجهزة الأمن وأعرب أنه يضحى بحياة شخص مقابل الحفاظ على 60 مليون مسلم فى مصر ومن أجل الحفاظ على النسيج الوطنى الواحد والغريب فى الأمر أنه نفى تماماً مكان حجازى أو أى وسيله أتصال به وفى تلك الأثناء وصل إلى محرر المدونه أتصال هاتفى من أحد مصادراً يؤكد على أن جهاز أمن الدوله قد أعد الخطه للحد من أزمه حجازى وأستغلال الموقف ضد حركه كفايه وأحد قيادتها جورج إسحق وكان المصدر قد أكد لى بشكل شخصى جداً أنه تم أعداد خطه للتخلص من حجازىوجورج إسحق وفتحى فريد فى هذه القضيه ويحاولون أقحام كفايه فى الامر وذلك عن طريق بعض الصحف الصفراء والنظاميه وبعض مدونون أمن الدوله الذين نعرفهم جيداً وأكد المصدر على أنه يتم أعداد قضيه لحجازى من ملفاته القديمه وقد وقع الأختيار على أحدى قضايا عام 2005 أثناء إنتخابات الرئاسه بمصر وأكد أنه سيتم القضاء على كل من ناصر حجازى فى محنته والغريب فى الأمر أن نخله صرح لبعض وكالات الأنباء بأنه يطالب الجهات الأمنيه بفرض حراسه على حجازى وزوجته تخوفاً من أن يصبهم أى مكروة وهذا بعد ما نشرت مدونه المجنون نفس الطلب من وزير الداخليه المصرى منذ عدة أيام وأكد نخله على تخلى جميع منظمات المجتمع المدنى بمصر والتى يصل عددها إلى 25 منظمه وكانت مواقفهم متباينه حول الصمت أو الهجوم وهذا ما أعتبرة ممدوح نخله نكسه حقيقيه فى طريق الحريات بمصر وأكد نخله على أنه ليس له علاقه بما تنالوته بعض الصحف بأنه تم أعطاء حجازى أى مبلغ من المال وأكددت لنا بعض المصادر القبطيه رفيعه المستوى أن ممدوح نخله قد تعرض لهجمه شرسه من قبل الكنيسه والأمن والأعلام والرأى العام المصرى الأمر الذى جعله يعدل عن موقفه دون أن يبدى أى أسباب وهذا ما نفاه نخله جملتاً وتفصيلاً وأكد نخله على أنه لا يوجد محامى فى مصر يستطيع أن يقبل هذة القضيه وأنه يتحدى الجميع
ReplyDeleteهذا كل مالدينا الأن وسوف نوافيكم بكل ما هو جديد فى هذة القضيه
وأثناء كتابه هذة السطور أجتمع وفد من شباب مصر وقررو الأتى
أولاً : التضامن مع حجازى فى مطلبه الأدمى الداعم لحريه الفكر والعقيدة
ثانياً : أن يجعلو من أنفسهم درعاً لحمايه حجازى من أى بطش أو مكروة قد يصيبه
ثالثاً : أنهم سيستمرون فى دعم حجازى مهما كبدهم الأمر من خسائر وأزمات
رابعاً : يناشدون حجازى بأن يعلن عن مكانه لو بشكل مؤقت حتى يسمح لهم بتكوين جبهه أعلاميه للدفاع عنه
خامساً : بيانات هؤلاء الشباب
فتحى فريد طالب بجامعه الأزهر ورئيس تحرير المدونه وعضو بحركه كفايه ( مسلم)وصحفى
زياد حمدى عيد ( مسلم ) وعضو كفايه وطالب بمعهد المساحه
محمود عبد الرازق ( مسلم ) ويعمل مدير تحرير المدونه
للأستعلام يرجى الأتصال على 0182993820
fred_fathi@yahoo.com أو عبر البريد الأليكترونى
الي ساندي
ReplyDeleteالاسلام لا حيكسب و لا حيخسر حاجه لما مسلم يتنصر
بس الدفاع عن ديننا حق مشروع
و توعيه المسلمين للحفره اللي بيحفروها لهم الاقباط . . حق مشروع
مالناش دعوه بالبنت الامريكيه اللي اسلمت . . المسلمين في امريكا في حالهم . . مش قاعدين يصطادوا في الميه العكره زي بعض جماعه
عاوزه تقارني . . يبقي تقارني صح و بالعدل
فين الاب و الام الاقباط اللي قاعدين مبسوطين ان ولادهم أسلموا؟؟؟
دي الكنيسه بتخرب الدنيا لما تسمع ان واحد قبطي أسلم
أومال مظاهرات العباسيه بتاعه وفاء قسطنطين دي حصلت فين؟ في امريكا؟
و علي سبيل المثال لا الحصر
اخواتنا الاقباط جابوا اخونا المتنصر محمد حجازي في غرف التنصير علي الانترنت علشان يحكي قصه شجاعته و يشجع اخواته المسلمين
و لسماع التسجيل من موقع الاقباط الاحرار
http://freecopts.net/arabic/arabic/component/option,com_frontpage/Itemid,1/
بيقولوا اني متعصب و متشنج للمسلمين
ReplyDeleteطب نشوف الناحيه التانيه فيها ايه؟
مقتطفات من تعليقات الاقباط في اكبر المواقع القبطيه علي النت
الرابط اهو
http://freecopts.net/arabic/arabic/content/view/1877/1
من الشرف و الكرامه ان تموت الفتاه او المرأه علي ان تثق في مسلم في اي شئ
الاسلام الحقيقي لا ينتشر الا بالاساليب الشيطانيه و القذره
منظمة مسيحى الشرق الاوسط
سلام المسيح لكل من يقبل سلامه ولا سلام للاشرار قال السيد الرب
الى احنا شفناهم دول ناس تتبع شريعة الذى اغتصب صفيه بنت حيى بعد ان قتل زوجها و عائلتها هذا هو محمد مدعى النبوه
الى متى سنظل صامتون يا اقباط الى انتم شفتوه ده انذار لكل واحد منكم لو فضلتم صامتون سيكون الدور على كل واحد فيكم اصرغوا و ثوروا على الارهاب الاسلامى
انا المسئول عن كلامى هذا و الموقع غير مسئول عنه هذى وجهة نظرى انا
انا شخص تركت الاسلام و اتبعت رب المجد يسوع
يا رب ارحم يا رب ارحم يا رب ارحم
في مثل انا مؤمن بيه جدا
لو صباعك مسلم . . اقطعه
طلب واحد من ربنا
انه ينزع الاسلام من علي وش الارض
واحد عاوز يبقى مسيحي
ReplyDeleteانتو مالكو و المجتمع ماله و الاسلام ماله و المسيحية مالها و البهائية مالها
واحد عاوز يبقى مسيحي
ماهو حر اياكش يعبد الشيطان
واحد عاوز يبقى مسيحي
اقول ايه بس؟؟
ماهو حر حر حر حر ولا خلاص هنرجع للعبودية
يللا بالمرة عشان تبقى جنب الجهل و التخلف و القمع و الديكتاتورية و الارهاب و الجوع و العطش
واحد عاوز يبقى مسيحي
قام الناس تقعد تتكلم ؟؟ بالذمة في كده
واحد عاوز يبقى مسحي
هو انتو بتتنافسو في القمع انتو شوية و حسني مبارك شوية
تحياتي يا نوارة
يا سلالالالالالالالالالالالام والمسلمين يعينى غلابه ولا بيكفروهم ولا بيقولوا على أنجيلهم مزيف ! ولا بيحرقوا كنائسهم! وبعدين هو أيه الغرض من الأديان أساسا ؟ يعنى أكيد ربنا أنزلها لترقى بحياه البشر وتنظم العلاقات بين الناس وأكيد المقصود بها الخير , بس أحنا كعاده البشر من تحويل كل شئ من غرضه الخيرى لنرضى نزعه التعصب والشر بداخلنا ! وبدل ما نساعد فى تغير العالم ألى الأفضل , زرعنا الحقد والكراهيه وحولناه ألى ساحه حرب وقتل وسفك دماء وأتخذنا من الدين مبرر لنزعاتنا الى السيطره !!!!!!!!!! ألا سحقا لنا لو لم نتدارك الأمر ونشغل مختا شويه" وبعدين أنا رائى بقى أن الرجاله يتراجعوا شويه وكفايه عليهم كده , يعنى بقالنا كام ألأف سنه سايبنلكم الساحه ,عملتوا أيه ؟ خربتوها وسوحتونا وكله على دماغنا أحنا ! يعنى يا ريت توسعوا شويه عشان النفس وسيبونا نلعب أحنا شويه من نفسنا , يعنى أستحاله هنخربها أكتر ما خربتوها!!!!!!!!!!!
ReplyDeleteالي تحوتمس
ReplyDeleteواحد مسلم اتنصر هو حر حر حر
و راح يشتم في المسلمين برضه حر حر حر
احنا مش مبسوطين من الموضوع ده
احنا حرين حرين حرين
فين المشكله؟
:)
الي ساندي
يادي الرجاله اللي عاملين لكم عقده
هوا لو مافيش رجاله . . حايبقي في ستات؟
و بعدين احنا بنتناقش . . انتو بتسخنوا قوي كده ليه؟