Wednesday, 25 July 2007

هيييه البلوك اتشال

البلوك اتشال
الحمد لله
انا باتفرج على اندرو وماريو
حسبنا الله ونعم الوكيل
عيال بيقولوا انهم مسيحيين
وانهم عايزين المسيحية
يقوموا غصبانية واقتدار
يتكتبوا مسلمين وكمان
يتدعك مناخيرهم في الرصيف
ويمتحنوا ديانة مش بتاعتهم
يذاكروها
ويمتحنوها
وهم رافضينها
والدكتورة سعاد صالح تقول ايوة
يقضوها سنتين كده
يعدوها لحد ما بعد السنتين
يقروا بانهم مش مسلمين
يقوموا بقى يبقوا ايه
مرتدين
صحيح ما تكسر
كسير ما تاكل
وكوووووووووووول لما تشبع
على رأي الشوام
at

10 comments:

  1. Anonymous25 July 2007 at 23:55

    السلام عليكم

    اود دعوتكي لحضور عقد زواج ساره خيرت الشاطر

    http://khirat-elshater.blogspot.com/2007/07/blog-post_25.html

    ReplyDelete
  2. Anonymous26 July 2007 at 01:32

    الدكتورة سعاد صالح الله يرضي عليها بتقولك ايه؟ العيال يقضوها سنتين مسلمين و بعد كدة يرجعو مسحيين
    (حد قالك يا ست الدكتورة إن دين الواحد , شقة إيجار جديد, الواحد يقعد فيها سنتين و بعد كدة يخلع)
    و بعدين الهبل ده...أنا إسلام أمين لو فرضنا ان أبويا بقي مسيحي , ذنبي ايه أنا , يجبروني انني أحل إمتحان ديانة مسيحية إزاي,في واحد مسلم يرضى بكدة,طبعا حتقولو والله لو على رقبتي لو حسقط كل سنة
    يبقي مستكترها ليه على أخوك المصري المسيحي
    العيال دي لو كبرت و كرهت المسلمين مش يبقى معاها حق
    أندرو , ماريو أرجوكو ما تكرهوش لا الإسلام و لا المسلمين ربنا بيقول (لا إكراه في الدين)
    إنما اللي يجرلكو ده بسبب شوية أغبيا فاكرين انهم ممكن يتقربوا لربنا بالظلم.....مع إن

    الله هو العدل

    ReplyDelete
  3. Anonymous26 July 2007 at 01:51

    يعنى انا حاسس ان الموضوع شخصى جدا مجرد اب مسيحى بيهرج فى الاديان وبيلعب بمراته وباولاده ومجرد عناد اعمى
    يعنى بجد ده لو انسان امن بالاسلام فعلا عل تتخيلى انه هيكون بالاسلوب القذر
    ده مع اولاده نفسى المسيحيين يحلوا مشاكله الخاصة بينهم وداخل دينهم
    ونفسى الاباء والامهات يحلوا مشاكلهم الخاصة بعيداعن اولادهم بجد حاجه تكسف وفضيحة كان الله فى عون اولادهم

    ReplyDelete
  4. Anonymous26 July 2007 at 02:03

    بيتشطرو على المسيحيين المصريين و بيأسلموهم بالعافية طب ما تروحو تتشطرو على بوش و ساركوزي و تدخلوهم الاسلام بالعافية ولا انتو مش قادرين إلا على البردعة

    هي لا اكراه في الدين ولا هي قاتلوهم حتى لا تكون فتنة و يكون الدين كله لله.. ؟؟ انهي واحدة

    بس تعرفو

    انا اصلي مبحبش اقف ضد التيار خلاص مبقتش فارقة كلو يهييس و يعيش عمرو خالد و يعيش الاخوان و الحجاب قبل الحساب
    و اسلامية اسلامية

    تعرفو كمان

    بضنتو دين امي

    ReplyDelete
  5. Anonymous26 July 2007 at 02:29

    بصي انا معجبه بيكى جدا من خلال تعليقاتك خصوصا عند تمرحنه وان طبعا ضد التهريج فى الاديان وياريت تكونى شفتى حلقه وائل الابراشى فدريم عن نفس الموضوع بس انا عايزه الاقى حل لكن مفيش غير التضييق في حركه التحول بين الاديان عشان كل واحد يفكر الف مره قبل ما يسلم وهوا احنا يعنى ناقصين!!!ا
    ممكن اسالك سؤال لو جه عريس لبنتك او اختك مسيحى واسلم وهى متمسكه بيه وانتى طبعا شايفه ان وماله واجوزوا وخلفوا وبعد كام سنه قال لها زى ما بيقولوا لقد جد شئ على ايمانى وقناعتى!!! انا هارجع مسيحي تانى!!ممكن الاسره دى تكون حياتها ازاى اولاد يدمروا مش عارفين هما ايه بالضبط والزوجه برضه تتقطع ما بين جوزها واولادها موقف زى دا يتحل ازاى بس يا ريت تفكري وتعدى لحد ميه قبل ما تجاوبي فعلا الدين مش شقه ايجار جديد بس برضه الدين مش كازينو على البحر مش عاجبك تغيره وتروح غيرة معجبكش ترجع للاولانى تانى!!!!!!!

    ReplyDelete
  6. Anonymous26 July 2007 at 05:19

    ana msh fhma 7aga
    mario meen ele 3ayzeen ya7'lph moslemm ? we 2chm3ana y3nee ??
    7ad yfhmnee ya gad3aan

    ReplyDelete
  7. Anonymous26 July 2007 at 10:10

    المشكله ان مصر لا هي دوله دينيه و لا هي دوله علمانيه

    حاجه كده زي اللي رقصوا علي الحبل

    حته من هنا و حته من هنا و المواضيع كلها دخلت في بعض

    انا من انصار الدوله العلمانيه

    الدين لله و الوطن للجميع

    و الديانه مش مفروض تتكتب في البطاقه و لا الباسبور و لكن تتكتب في شهاده الميلاد و شهاده الوفاه

    و كمان مفروض ماده الدين تلغي في المدارس الحكوميه . . اللي عاوز يدخل اولاده مدارس خاصه اسلاميه او مسيحيه هو حر

    و توحيد قانون بناء دور العباده بين المساجد و الكنائس

    و يصدر قانون بمنع اي اعتداء لفظي لأي ديانه علي ديانه اخري سواء بالدعاء او التشكيك او التكفير

    و تشديد العقوبات الجنائيه علي جرائم العنف و الكراهيه الطائفيه

    و أخيرا الاعتراف بالمواطنين المصريين البهائيين كمواطنين متساوين في الحقوق و الواجبات


    تحياتي

    ReplyDelete
  8. Anonymous26 July 2007 at 14:35

    أختشـــى نواره
    بما أنك وحشانى فلازم أديكى بوسه
    أموااااااااااه
    وبما أنى فيلسوفه وأستاذه فى مقارنة الأديان والشقلباظات فلازم أقول رأيى
    أنا شاهدت الحلقه موضوع النقاش فى العاشره مساء عند بنت عمنا منى الشاذلى
    وبصراحه شعرت باستفزاز وقرف غير عادى
    أزاى يزورو شهادات ميلادهم
    ويغيروا ديانتهم وكمان وزارة التربيه والمجارى تفرض عليهم أمتحان فى الدين الأسلامى
    هل هم بيعتقدوا أنهم بطريقتهم دى بيقوموا بعمل فتح اسلامى بأكراه أطفال على مشارف المراهقه فى أعتناق دين
    وعقيده مختلفه عن العقيده اللى أتربوا عليها
    وسمعت أراء لبعض المتطرفين
    اللى بيزرعوا فى نفوس الأجيال
    التطرف وكراهية الآخر
    ياريت يا نواره الحكومه الجليله ترسخ مبدأ المواطنه
    وتعلم الشعب أن الأنسانيه
    والحريه مفاهيم صعب نعيش من غيرها
    من حق كل أنسان أنه يعتنق فكر أو عقيده أو لا يعتنق
    من حق الناس تبنى مسجد وكنيسه
    من غير ميطلعوا ميتنا

    وبسأل أصحاب العقول
    هل أضافة طفلين للأسلام ده أنتصار دينى أم أن ده تطرف من المسؤلين
    أحنا فى دولة لاتحكم بالدين
    ولكن تحكم بأهواء المسؤلين وأتجهاتهم
    عشان كده أنا بطالبك يا نواره أنك تعلنى مصر دولة علمانيه تحترم المواطنه وحقوق الأنسان
    سلام بقا أروح أتفرج على الخناقه اللى عند الجيران
    تحياتشى وتحرشاتى القلبيه
    أختك الأميره أوسه
    أميرة مصر و الكونغو

    ReplyDelete
  9. Anonymous26 July 2007 at 15:01

    على فكرة أغلب الناس بيقولوا كلام و هما مش مؤمنين بيه عشان ميبقاش شكلهم وحش أو عشان متبانش نواياهم الحقيقية و بيعتبروا ده نوع من التقية ... يعنى تلاقى مسلمين كتير بيقولوا لا اكراه فى الدين قدام الناس و هما مش مقتنعين بكدة و كل ما يتكلموا يبرروا الهبل اللى بيحصل فى كل حاجة بأسم الاسلام

    ReplyDelete
  10. Anonymous5 August 2007 at 04:48

    "ينصر دينك يا استاذ خليفة على راى المسرحية"
    بجد تستاهلى الف بوسة والف تحية
    بجد انا كنت برقص من جمال الكلمات وروعة المشاعر الحقيقية لدرجة انى شعرت بأن تلك الكلمات هى ما اردت ان اقوله ولم يسعنفنى عقلى على سردها بهذا المنطق القوى والحجة البينة وخصوصاً انى بعانى من نفس الحالة الا وهى فرض الأديان يعنى لازم اختار اما مسلم او مسيحى والا فلا نظراً لآنى بهائية الدين فليس لى الحق فى الحياة من اصله حتى انى الى الان لم افلح فى الخروج خارج مصر مع زوجى لزيارة اهله فهو ليس مصرى الجنسية من دولة اوروبية ولكن للأسف لم افلح مع انى زوجتة منذ سنتين ولكن لكون اوراق زواجى بهائية فلا يعتد بى كزوجة له من اصله هذا بجانب الى مشاكل فى إصدار جواز سفرى والخ الخ صديقتى الحبيبة انتى لمستى وتر حساس ليس اندرو وماريو فقط يعانون منه بل عانينا منه نحن من زمان بعيد ولازلنا نعانى هم محظوظون انهم مسيحيون تخيلى لو كانوا بهائيين ماذا كان السيناريو ؟ دعينى اسرده لكى اولا مكانش هيكون لهم وجود من اصله يعنى مفيش شهادات ميلاد اللى بيها تمكنهم من الاتى
    الولا دخول اى مدرسة
    ثانيا الحصول على اى لطاقات شخصية بإسمهم
    ثالثا مكنوش هيقدروا يحوشوا اى فلوس ى اى بنك
    رابعاً مكنوش هيقدروا يشترو اى سيارات لقودوها نظراً لنس المشكلة مفيش رخص مفيش بطاقات مفيش وجود
    خامسا مكنوش هيقدروا يتزوجوا ويعترف بهم وان حل مش هيقدروا يطلعوا شهادات ميلاد لأبنائهم
    سادسااذا وافتهم المنيه لن يحصوا على شهادات وفاة وكأنهم كلاب وراحت
    سابعا لن تتمكن اهاليهم او زوجاتهم من المطالبة بمعاش والذى منه نظراص لعدم استحقاهم لاى شيئ فالحيوان اخذ حقه تالت ومتلت
    وفى النهاية لقولها من كل قلبى ربنا يحرسك وتكسرى كمان وكمان فى العقول التى ملاءها الصدأوالقلوب اللى ماتت من زمان لحد ما ريحيتها عمتنا من عفانتها
    راندا جمال

    ReplyDelete

Note: only a member of this blog may post a comment.