Tuesday, 26 June 2007

اتفرج وقولي ح تدي ايه لمصر؟ يا قليل الادب

ما تقولش ايه اديتنا مصر
عيب
ما يصحش
عايز تقول ايه اديتنا مصر قولها في حتة تانية
عشان دي مدونة محترمة صاحبتها محترمة
وبيدخلها ناس محترمين
ساعات ناس مش محترمين يدخلوا
بس مش بيعمروا معانا


بما ان فيه ناس مشاعرها رقيقة ومش راضية تروح العشوائيات
وناس تانية اقول لهم فيه ناس مش لاقية تاكل
يقوم يقول لي انا مش لاقي اكل
قلت بقى اجيب لكوا العشوائيات لحد عندكوا
والنبي ما انتوا قايمين


بعد ما تتفرج
وتعرف ايه اديتنا مصر
وما تقولش زي ما اتفقنا
عشان المدونة دي طاهرة
وح تفضل طول عمرها طاهرة
بس اسمح لي اسألك
ح تدي ايه لمصر بعد ما تشوف الحلاوة دي؟



وللا دي



ودي




ودي كمان عشان النبي



وخدوا البهروزين دولم ورا بعض




دي جامدة بس اللي بيقرف
يتفرج غصب عنه




اسمع يا كابتش انت وهو وهي
ح تتفرجوا يعني ح تتفرجوا
وانا مصورة لكوا جبل الزبالة
اللي الاطفال في العشوائيات بيلعبوا فيه
لعبتهم الشهيرة: يدوروا ع العقارب
والمسابقة ان النفر فيهم يمسك العقربة من غير ما يتقرص
واللي يتلدغ يطلع برة اللعبة
خسران بقى
===
للاطلاع على الملف الكامل
لينكات الفيدوهات اهي
بصوا بقى الراجل ده من اعيان المنطقة
جزار بالقسط
وادي بقية اللي اخدوا من مصر
فيه من ضمن الفيديوهات واحدة ست هزأتني ومسحت بيا البلاط
عشان شافتني وانا باصورها وقالت لي: هو انا ح اشحت
ح تصوريني جنب الزبالة
قعدت اعتذر لها وهي مكشرة في وشي
ولما مشيت قالت لي جتك القرف
بس مش عارفة ليه فرحت
مش فرحت ان جاتني القرف
لانه جاتني فعلا
انا وغادة وقع علينا جردل مجاري واحنا طالعين بالعربية
وواحد في الشارع ضحك وقال لنا رزقكوا
انا بس فرحت لانها غضبانة من اللي هي فيه
ودي حاجة مش شائعة زي ما حتشوفوا في الفيديو
احنا طلعنا ووقع علينا كاكا عشان نجيب لك عيالك يا مصر
تشوفيهم
بعد ما اديتيهم
مدام يا حلوة مش عايزة تهزي طولك وتروحي بنفسك
ولما بيجولك بيقفوا ع الباب
اللي عمره ما بيتفتح
ودي اغنية وطنية هدية للاخت مصر



في وسط ده كله جيمي وماك اتصلوا بيا
ولما قفلت عليهم قال شكوا في سلوكياتي
لما رجعت لقيت جيمي بيتصل وبيقول لي: ماك بيقول لك سلمي لي على صاحبك
قلت له: صاحبي؟
قال لي: همممممممممم انت كنتي فين يا نووووارررة
ومشوار ايه ده اللي يخليكي تقلبيني وتقفلي على ماك؟
قلت له: كنت في العشوائيات
سكت ثانيتين وبعدين قال لماك: يا عم كانت في العشوائيات..مش قلت لك
ح يطلع مشوار اهبل زيها؟
ايه ده؟ قصده ايه جيمي؟
عموما صاحبي اللي كنت معاه اهو
هاه؟
ح تدي ايه لمصر؟
بس خلاص...ما تقلش ادبك هنا
at

29 comments:

  1. Anonymous26 June 2007 at 23:01

    مممممممممم
    هو ماك شافك قبل كدة يا خالتشي؟!

    أبدا أصله مفترض انك كنتي مع (صاحبك) وده معناه انه مشافش يعني...إحم..

    خلاص خلاص بلاش ضرب..خلالالالالاص..
    أنا مشفتش..خلصنا :P

    ReplyDelete
  2. Anonymous26 June 2007 at 23:02

    الحمد لله و عمار يا مصر آخر احصائية بتقول نصف سكان القاهرة من العشوائيات يعني حضراتكم كده زي النوموزج اللي انت شوفتوه فيه حوالي حاجة كده زي 2000
    والغريب انهم على الدائري معظهم و تلاقيهم كده من غير مجاري و لاميه و بينزحوا الخلفات الآدمية بالجردل و يرموه على أكوام الزبالة عند سور الدائري و المنظر ده متكرر و الغريب انن بنقول ليه أطفال الشوارع كتروا و عدوا ال2 مليون طفل

    ReplyDelete
  3. Anonymous26 June 2007 at 23:11

    ارحم دماغك

    ماك بيشوفني على طول

    انت شفتني قبل كده؟

    انا ما شفتكش

    مش فاهمة حاجة
    :(

    وضح وما تخافش ماحدش غريب بيدخل المدونة

    ما شافش ايه؟

    مجهولة

    قصدي مجهول

    احبك وانت بتتخفي

    ReplyDelete
  4. Anonymous26 June 2007 at 23:16

    يعني انتي اول واحده تروحي العشوائيات
    ؟؟ و لا يمكن دي اول مره ليكي تروحي هناك ؟
    و جايه فرحانه قوي زي اللي جاب الديب من ديله
    حتعمليلهم ايه غير انك صورتيهم؟
    حتبنيلهم بيوت؟
    حتلمي اصحابك و تروحو تناضفو الزباله من الشوارع؟
    حتجيبلهم هدوم و لا حتعلميهم و لا تطعميهم و لا تساعديهم؟

    طبعا و لا حتعملي حاجه و كلها كام يوم و تنسي زيارتك الخالده للمناطق الغير خالده

    اي واحد ممكن يروح يصور اكوام زباله
    مش شايف فين الانجاز العظيم اللي عملتيه

    ممكن تفاهيمنا؟

    و شكرا
    ابو الهول

    ReplyDelete
  5. Anonymous26 June 2007 at 23:53

    حقيقى فعلا العشوائيات هم مأساة

    ولا يشعر بهذه المأساة غير من يعيشون فيها


    وابو الهول المجهول

    انا مش مع حضرتك فى وجه نظرك

    بمعنى ان واجبنا كمدونين اننا نكشف الحقائق التى قد تكون غائبة عن الكثيررررر من أهل هذه البلد


    ولا تتعجبوا من ذلك ... فليس ان تعلم بالأمر كأن تراه بأم عينك وترى حجم المأساة على حقيقتها


    وهناك من يسمع عن اسم العشوائيات ولكن لا يعلم ما هى

    وقد لا نستطيع ان نساعدهم بشئ ولكن .... هناك من عندما يعلم بهذه الاحوال ... ويراها ... قد يستطيع ان يساعدهم


    يعنى الواحد يتمنى انه لما ينقد مدونة ... يكون نقده بناء او هادف وليس سلبى

    ReplyDelete
  6. Anonymous27 June 2007 at 00:00

    جميل جدا الافلام دى
    و يبقى اجمل لو جمعنا الافلام دى و عملنا بيها فيلم طويل
    و نبعتها للمسئولين
    يمكن يعملوا حاجه بقه
    و يدولنا جايزه احسن فيلم
    و يبقوا كده عملوا اللى عليهم و اكتر

    انا اتفرجت و حاقول حادى ايه لمصر
    حاديها بوسه

    ReplyDelete
  7. Anonymous27 June 2007 at 00:28

    هاهاهاها
    انتو بتكشفو الحقائق و بس؟
    يعني خدتو الجزء السهل

    انا من بكره اروح اشتري كاميرا و انزل الشارع و اكشف الحقيقه
    و اعمل فيها بطل و مناضل و شهيد الله و الوطن

    بس ماتنسوش تصفقولي


    وشكرا
    ابو الهول

    ReplyDelete
  8. Anonymous27 June 2007 at 00:41

    ابو الهبل

    احسن انجاز تعمله انك تفضل قاعد على...ده اولا

    ثانيا

    انا بقى النهاردة قرفانة ومخنوقة وليا مزاج جردل الخرا اللي نزل على عربيتي ده ادلقه على دماغ حد

    وانت انسب واحد

    شوف يا شاطر

    انا قعدت سنتين اشتغل في العشوائيات دي

    لحد ما ربنا بلاني بواحد زيك كده

    نصب عليا وفهمني انه بتاع حقوق انسان فاتنيلت اتجوزته وانا باعزي نفسي: صحيح هو خليط من اللمبي وعوكل بس اهو انسان وبيفهم في حقوق الانسان وح يساعدني في العشوائيات والاحداث

    وبعد ما اتنيلته اكتشفت انه خليط من راسبوتين واسلام نبيه وصلاح نصر وهتلر

    وعشت جوازة خليط من جوانتانمو وابو غريب

    وبعد ما اخدت الكفارة ما كنتش قادرة ارجع اشتغل في العشوائيات تاني
    اولا لاني كنت منهكة نفسيا وعصبيا وجسديا خصوصا اني كان المفروض اموت خمس مرات بس ربنا سترها

    معاه طبعا كان نفسي يقتلني ويدخل السجن

    وانا اخلص منه ومن اشكاله اللي شكلي كده عمري ما ح اخلص منها حتى ع المدونة

    وهو برضه كان ما يتخيرش عنك كده

    يعني قاعد على المقعدة ما بيعملش حاجة واي حد يقوم يعمل حاجة يسفهه

    وتاني سبب اللي خلاني دي اول مرة ارجع العشوائيات

    اني بصراحة اتشائمت لان يوم جوازي الصبح كنت في العشوائيات واتجوزت بعد الضهر

    وعلى رأي واحد زميلي: قعدتي تشتغلي مع العشوائيات والاحداث لحد ما ربنا عيشك عيشتهم

    حضرتك ما حدش فينا بيعمل انجاز

    وعشان كده خليك قاعد ع المقعدة لحد ما تنمل

    بما ان الامهات بقالهم بتاع اربعين سنة مش عارفين يخلفوا رجالة

    وتاني مرة ما تجيش المدونة هنا يا شاطر

    ياللا ح نرش ميا

    بنت ابيها

    لا كان لازم تيجي بقى تشمي الريحة

    واحد شاب

    باستك العافية ياخويا

    والنبي انت باين عليك طيب

    ReplyDelete
  9. Anonymous27 June 2007 at 00:56

    هديها جيص فى قفص
    وشكرا
    يحيى

    ReplyDelete
  10. Anonymous27 June 2007 at 00:58

    اذا كنت بتألم وانا بتفرج يبقى اللى عايشين دول عاملين ازاى اذا كانوا اصلا كده عايشين
    دول اللى محدش حاسس بيهم

    و متبصيش لكلام ابو الجهل ده و اذا كان بيتكلم كده يقول على الاقل هو مين وبيعمل ايه

    ما علينا تحياتى لكى

    ReplyDelete
  11. Anonymous27 June 2007 at 01:11

    الله يسامحك يا نولره
    الواحد راجع بعد ورديتين شغل 12 ساعه عايز يشوفلوا فيديوهين من نوع دلَّع نفسك لهيفا و لا مرمريه

    تقلبي علينا المواجع ليه ؟؟؟

    لازم يا نواره تجيلي المصنع هو في كفر العلو و تعملي بحث عن المخدرات العمال بلا إستثناء بيبرشموا و البانجوا و الحشيش زي الماء و الهواء عندهم
    و ياريت بيشربو لأ دول بينتقموا :S

    فعبل عليه العوض و منه العوض
    مع صباح الفل و باصي

    ReplyDelete
  12. Anonymous27 June 2007 at 01:13

    منك لله يا نوارة
    نورتيلي دماغي
    بدل ما كنت ناوي ابص بصة سريعة على النت وانام
    وبعد ما شفت الكليبات طار النوم من عيني ودماغي ضربت كلوبات 5000 وات زي بتاعة الفكهانية بالليل
    الله يخرب بيت اللي كان السبب
    الناس دي ذنبها ايه تعيشش في الفوضى و المرض والقرف
    والمجتمع ذنبه ايه يتعرض لمشاكل من ساكني هذه البيئات الغير صحية
    الناس دي ذنبها في رقبتنا كلنا
    من اكبر كبير-الله يخرب بيته ويقصف رقبته-لأصغر واحد
    هيـــــــــــــــــــه
    منك لله مرة تانية يامنورانا
    ســـــــــــــــــــــــلام

    ReplyDelete
  13. Anonymous27 June 2007 at 01:35

    جبهه التهييس الشعبيه

    انا مش حنزل لمستواكي في الرد
    قله الادب دي سهله
    زي شغلانه التصوير بتاعتك دي
    بتفكريني بالمثل اللي بيقول
    هبله و مسكوها طبله

    انتي طرحت موضوع عام للنقاش
    و انا كان ليا تساؤلات
    ماعرفتيش تردي عليها غير بجردل الخرا
    و حكيتيلنا قصه حياتك

    انا يمكن قاعد عالمقعده
    بس علي الاقل مش عامل فيها بطل الابطال

    لو حتغني بحب مصر
    يبقي تورينا خطوات فعليه للاصلاح
    مش شويه صور و افلام هبله زيك

    اعملي جمعيه لتوعيه سكان العشوائيات
    او جمعيه شباب تطوعي لتنظيف الاماكن دي
    او جمعيه تلم التبرعات لصالح المحتاجين من سكان المزابل

    يعني خللي عملك هادف
    بدل مانتي كل يوم قاعده تصوتي هنا

    فهمتي انا قصدي ايه
    و من غير قله ادب
    باقول اللي في نفسي



    و شكرا
    ابو الهول

    ReplyDelete
  14. Anonymous27 June 2007 at 01:41

    ياريت كل خول داخل يلقح كلام على نواره يلم كسمين نفسه و يقعد يعنى الخول الى مش عاجبه الى بتعمله نواره و الفيديوهات دى على الاقل عملتها وصورت الحاجات دى فى الوقت الى انت عمال تضرب فيها عشرات فى الحمام و تفكر فى شراميطك الى بتنام معاهم
    يعنى بجد احااااااااااا
    كل بوست نواره تكتبه كميه هجوم بنت وسخه عليها مش فاهم ليه كانها عميله و الى بيتهمها انها تافهه و انها هبله وانها علمانيه و انها مهلبيه زى ما قلت قبل كده اى خول بيتكلم على الاقل يبقى راجل و يعمل مدونه و يشهر اسمه و يعرف نفسه كده زى ما نواره عامله بعدين يجى يتكلم غير كده المتناكين عارفين طريقهم فين مش محتاجين نقولهم يروحوا فين عند عم مجدى المسيحى ورا صور المدرسه و صدقونى هيكيفكم على الاقل كل خول بيقول تعليق يسيب اسمه حتى مش يسيبه منيوك قصدى مجهول .ولا تردى على كس امهم من اصله نواره دول شعب ابن وسخه.يحيى

    ReplyDelete
  15. Anonymous27 June 2007 at 01:47

    بالنسبه لاخ ابو الهول طيب ما تحركها كده و تقوم انت تعمل حاجه من الى انت بتقول عليها واحنا وراك ولا انت قاعد عليها و بتدى اوامر مين حضرتك الخديوى اسماعيل و الملك فاروق يعنى حضرتك مواره عملت اضعف الايمان الى انت مش عجبك مع انك ماعملتهوش ووضحت شكل الحياه هناك انت بقى عملت ايه؟؟؟؟
    احب اعرف
    يحيى

    ReplyDelete
  16. Anonymous27 June 2007 at 01:49

    يحيى

    ههههههههههه

    طب ما القفص ح ينفس

    محمد ياسر بحاله عندنا
    يا مرحبا

    انت فعلا نورت المدونة

    يا سيدي الله يكرمك ده من بعض ما عندكم

    يساري مصري

    اهلااااااااااا

    والعمال كمان

    ده احنا كنا حاطين امل عليهم

    أنونيمس

    الله يكرمك ان شاء الله ح نصور تاني في اماكن تانية

    وح نصور مع اللي بيبيعوا اعضاءهم


    عم ابو الهبل

    عذرك الوحيد ان يبقى عندك خمستاشر سنة

    اولا لان ان انت اللي قليت ادبك

    وللا انت مش حاسس بنفسك

    ثانيا

    لانك واضح انك مش دريان بالدينا خالص

    مين بقى اللي عامل بطل الابطال

    وللا انت بتغني وترد على نفسك؟

    ثانيا

    لانك ما بتفهمش الكلام اللي بيتقال لك

    الجمعيات بتشتغل في المناطق دي من سنييييييييييييييييييييييييييييييين

    شباب ايه اللي ح يروح يلم الزبالة

    طيب تعالى

    بجد

    مش انت عايز شغل هادف

    تعالى انا ح اشغلك في المناطق دي تلم الزبالة

    بلاش تلم الزبالة

    تشرف على اي مشروع تنموي الجمعيات بتعمله هناك

    انت اتفرجت على الافلام؟

    ما سمعتش صاحبتي وهي بتقول لهم تعالوا فصول محو الامية والتوعية؟

    ما سمعتش الراجل وهو بيقول ان مواسير المية معمولة بالجهود الاهلية

    المناطق دي مش ح تتحل بالجمعيات يا عم الجمعيات

    ولا خمستلاف جمعية ولا مليون زيك ح يعرفوا يحلوا مشكلتهم

    دول عايزين خطة دولة

    خطة تنموية

    تدخل لهم الصرف الصحي

    والمية بجد مش مواسير مضروبة تجيب المية يوم وتقطع عشرة

    ومشاريع تنموية تشغلهم

    الزبالة اللي عيالهم بيلعبوا فيها ممكن اي رجل اعمال

    لو عايز

    يعمل هناك مصنع ريسايكل ويشغل الناس هناك

    واهو يبقى استفاد من هذه الثروة العظيمة من الزبالة

    وكسب وشغل الناس

    لكن الدولة مش عايزة الناس دي حالها يتحسن

    عشان الناس دي

    واللي عددهم سبعة مليون مواطن في القاهرة وحدها

    في اي انتخابات بيدوهم عشرين جنيه ووجبة ويخلوهم يقولوا: نعم نعم للدستوووووووووور

    ومافيش حل للموضوع ده

    غير اننا نعمل حملة وفضيحة عالمية عشان الدنيا كلها تتفرج الحكومة بتعمل فينا ايه

    يمكن ساعتها بس يتحركوا ويعملوا حاجة

    لبعدين المعونة الامريكاني تتقطع

    فهمت حاجة؟

    واطلع من دماغي بقى عشان انا النهاردة روحي في مناخيري

    ReplyDelete
  17. Anonymous27 June 2007 at 01:50

    هاهاهاها
    شايفه اصحابك الهبل
    و مستواهم الادبي الرفيع؟

    لا و الله مصر محظوظه بيكم


    و شكرا
    ابو الهول

    ReplyDelete
  18. Anonymous27 June 2007 at 02:09

    الاستاذ يحيي

    روحت ادور علي عم مجدي المسيحي ورا سور المدرسه
    لقيته مشغول مع الست والدتك بيديها المعلوم من ورا
    و انشاءلله يخلفو طيز زي حضرتك
    عشان تبقو طيزين في لباس

    و شكرا
    ابو الهول

    ReplyDelete
  19. Anonymous27 June 2007 at 02:36

    بصراحه الاخ ابالهول معا حق
    زهقنا من المقالات و الصور و الافلام وعوزين نشوف تغيير للاحسن وبعض الناس اللي هنا جايه تعرص لنوارة و خلاص

    ReplyDelete
  20. Anonymous27 June 2007 at 02:50

    يا ريت المدونين يلتزموا شوية بقواعد الادب و التحضر

    ليه كل الكلام البذئ و الخارج ده

    وانتي يا نواره فرحانه جدا بالالفاظ الدنيئه اللي ب يكتبوها

    اخص علي تربيتك
    ام مصرية

    واحده قرفانه منكم

    ReplyDelete
  21. Anonymous27 June 2007 at 03:40

    مش حديها حاجة بس انا ححطلها بوكية ورد على قبرها عشان بعد اللي شفته ده اعتقد ان مصر ماتت او بتموت

    امابالنسبة للناس اللي مش عاجبها اللي انتي بتعمللي يه فلو عندهم شئ احسن من اللي انتي عملتيه يبقوا يورونا
    و اعتقد ان عنوان المقال نفسه بيدل
    على مغزاه
    احنا ناويين نعمل ايه بعد اللي شفناه و المصايب اللي شفناها لناس عايشة في مستوى
    اصلا مينفعش اقول عايشة
    دول في عالم افتراضي لكنه حقيقي
    حرام عليكي يا نوارة بعتاهولي في الايميل و على المدونة بكتيني و طيرتي النوم من عيني

    سلام يا ختي

    ReplyDelete
  22. Anonymous27 June 2007 at 04:40

    ya nawara ya 7abebet alby enty 3arfa enny bahazar ma3aky...
    we meshwarek da mesh ahbal wala 7aga...ma enty 3arfa gemmy lesano tewel 7ata 3ala nafso...
    enty elly bete3meleh da howa el sa7..tefata7y 3eyon nas 3ala 7agat mesh 3arefenha.....
    .......................
    kemeyet alet el adab de mesh kowayesa 7ata eza kanet defa3 3anek,,,,el nas shatamo ba3d aktar ma homa 7awlo yela2o 7al leley enty sawarteh
    ,,,,,,,,,,,,,,,,,,,,,,,,,,,
    yasary masry...
    mafesh 7aga 3alena men el 3omal dol????

    ReplyDelete
  23. Anonymous27 June 2007 at 05:13

    بسم الله الرحمن الرحيم

    عادة انا استمتع بقراءة المدونات و احاول اني ابعدعن التعليق تفاديا للجدل العقيم الذي ما ينتهي اليه الحوار في كثير من الاحيان و لكن شعرت هذه المره انه من واجبي التعليق


    اولا: تسلم ايديكي يا نواره علي المجهود و التعب اللي بتشوفيه في معركه الكرامه لكل انسان كان ذنبه انه اتولد علي ارض المحروسه
    مجهود رائع و بستحق الشكر و التقدير

    انا اتفرجت علي الفيديوهات و الوضع في مصر اصبح مخجل و حزين للغايه
    البلد فعلا كل يوم في النازل و الناس اتعصرت من الظلم. فعلا الله يعينهم
    علي العذاب اللي هما فيه


    ثانيا: الاستاذ ابو الهول
    سيدي الفاضل . . واضح انك مش فاهم يعني ايه مدونات و يسعدني اني اشرحلك
    المدونات هي مواقع خاصه باصحابها و لا تتبع اي حكومات او شركات او جمعيات خيريه او شريره
    صاحب او صاحبه المدونه لهم مطلق الحريه في اختيار المواضيع و طريقه التعامل معها كما ان ليك كامل الحريه في زياره المدونه او مقاطعتها
    و واضح انك مش فاهم دور المدونات . . المدونات تسعي للاصلاح عن طريق طرح موضوع ما للنقاش و التعريف به و عرض مواد سمعيه او بصريه تساعد علي رؤيه الحقيقه كما هي في الواقع
    السيده الفاضله نواره مشكوره بتحاول انها تعرض قضيه العشوائيات لكافه الناس حتي يتنبهوا الي حجم و فظاعه الماءساه
    يعني بالعربي الست دي بتضحي بوقتها و مجهودها و فلوسها و صحتها عشان تنشر قضايا الغلابه
    بذمتك انت دا في حد ذاته مش خير و عمل وطني؟
    كام واحده انت شخصيا تعرفهم بيعملوا اي حاجه مفيده للبلد؟
    كلمه اخيره يا سيد ابو الهول . . يا ريت ربع ستات مصر يكونوا في مرؤة نواره . . و شهامه نواره . . و طيبه قلب نواره


    عمرو

    ReplyDelete
  24. Anonymous27 June 2007 at 06:25


    رائع يانوارة

    هو دا الشغل الصح،،،

    فيه كتير مش مصدقة.
    بس لو لسانك تقطعي منه حته - هحبك أكتر.

    ياريت تقدري تطلعي صور من ملفات الفديوا علشان أنشئ بيها ألبوم على "دليل المدونين المصريين" ... ممكن؟

    تحياتي وتمنياتي لك بالتوفيق
    عزت هلال

    ReplyDelete
  25. Anonymous27 June 2007 at 10:11

    اختي نوارة

    موضوع جيد للبحث و النقاش
    أرجو أنه حد من المسئولين الكبار يتفرج و بشوف الهنا اللي احنا فيه
    سؤال جانبي انتي اجوزتي الهباب دا كام سنه؟ و عندوكم اولاد؟

    أختك ناهد

    ReplyDelete
  26. Anonymous27 June 2007 at 11:51

    enta ya 3am abo bateee7' enta waga3 dama3'ak we dama3'na leeeeh !!!!!!!! eh el 7'aara da..howa y3nee 7drtak sho3'ltak fe 2om el doniaa deee tege tbdan 3leena hena ?? eh el 7'ara da
    danta fadee b2a y3ene ya7raam we mwarkch sho3'lana 3'er nawara ..
    nawara sebak ybnte mal achkal deee de 3alam fadya karha nafsha we 3echtha we geyeen kman ybdono 3al nas hena 3chan ,3ndhomch 7aga tanya y3mlooha...
    we b3deeen ybntee msh wa7edd 7'ara zay da lsano 2twal mal gaboooh 7ybdnak we ydy2ak sebeeek mano we a7san 7aga m7dch yrod 3leeeh asln msh howa maghoool 7'lee maghoool b2a 2al 2bo hoool 2al hhhhhh ...
    da 7ata maloooch asm ..
    7'lena fel moham bgad we 7'ale el maghoool maghoool

    ReplyDelete
  27. Anonymous27 June 2007 at 14:53

    الله
    هو انتى ما بتنهديش
    كل يوم عملالى شبطه وخمسميت حمار يتصلو بيا
    شفت نواره عمله ايه النهاردة
    الله يحرق نواره وايام نواره ومدونه نواره عشان تتنيلو تنبسطو
    ايه بقى فيه ايه
    افتح ياعم المدونه
    يادى ام النيله
    عشوائيات تانى وبالتصوير كمان ليلتك باينها مش فايته يا نونا
    قلب يا عم اتفرج ياعم
    الله شغل حلاوه وعلاوله اهه امال ياولاد الجزمه عايزين إيه
    بت يانواره
    انزلى مصر الجديدة صوريلهم شارع العروبة وقولى هى دى مصر
    عالم عايزه تعيش فى الوهم ومبسوطه بيه
    جرى إيه ياعم الحلو منك له لها له، وانت ياسى المجهول رجعت تانى عشان تتهزأ وتقول كلامك الهبل تانى، تانى، إيه مبتحرمش، ده انت حاله مستعصية عامل زى الأرض متصحش وتزرع إلا لما تتسبخ، خدعند بقى م المنقى خيار
    ___
    بس همسه كده فى ودن نواره
    انا لمحت عماره سبع تمن ادوار فى الشارع
    عشوائية ايه دى اللى فيها عمارات كده
    ياجبانه خشى فى التقيل
    ولا يا جيمى
    خدها وديها الرشاح ولا بيجام عشان تعرف ان الله حق
    ___
    بالمناسبة
    أخونا اللى قال ان القاهرة نصها عشوائيات قرب من الحل الصحيح
    القاهرة حضرتك عشية الزلزال
    حلوه عشية دى
    كانت فيها بحسب احصاءات الحكومة اللى تنبهت فجأة لمأساة العاصمة تسعين فى الميه من مبانيها مبنيه بدون ترخيص
    يعنى عشوائيات حتى فى الاحياء المهمة الهاى
    المناطق اللى بأكملها لم تكن صالحة لسكنى البنى آدمين وفيه ضرورة لازالتها لأنه لا يمكن عمل آب جريدنج لها تجاوزت تسعين منطقة بعضها كانت فى المهندسين ومصر الجديدة وصدق أو متصدقش
    ___
    اللى نواره ماقالتهوش هنا هو الخفى اللى بيحصل فى البيوت
    خد عندك زنا محارم، طلاق بسرعة البرق، جواز قبل المعاد، زوجه برجلين على سنة مش عارف ايه، بيع أعضاء، كل أمراض الدنيا اللى مفيش رجا من اللى بتجيله، نقص بروتين يكفى لقتل الناس من الانيميا والناس عايشه، دخل يومى أقل من دولار ومش باهزر، انعدام التعليم لشريحة كاملة، مساحة سكن للفرد تقل عن اتنين متر مربع، ومش هافتح بقى عن الجرائم وتنظيماتها، متهيألى اخوانا بتوع المظاهرات داقو حلاوة نسوان العشوائيات اللى سموهم بلطجية، المرة تضرب شارع بحاله، فتوات نجيب محفوظ بدون أخلاق،
    ---
    سنة 1992 اتطوعت فى الاغاثة بتاعة الزلزال مع الهلال البتنجانى، رحنا مدينة السلام كانت لسه فله والله وشكلها يفرح وفاضيااااااااااا
    جلنا ناس نسكنهم فى خيم مركز الشباب ياعينى يا اما مشفتش زى كده
    كان فوج يجمع سكان شارع اتدردك فى عشش الترجمان، متوعوش عليها انتم، مع شويه من باب الشعرية من عند الحسينية وشارع بحاله كان مقام على حرف ترعة الاسماعيلية عشش طين ورشق وياهم نصابين من عزبة القرود وابو حشيش منشنين ع البطاطين اللى كانت جايباها هوانم من اللى بالكم فيهم،
    خلال التلت تيام اللى بتهم فى المعسكر ده جنب الخيم عرفت يعنى إيه فقر
    دكر
    على فكره الفقير بجد مش عارف انه فقير، ولا قرفان من حاله، وبيشوف الافندية اللى زى حالاتنا بيشتغلهم وبعد كده بيلعن خاش ابوهم، الحقيقة ابو فكر دكر هو شخص فاكر انه ملعون ومؤمن باستحقاقه اللعنة، وعنده اعتقاد جازم بأنه مش زى البنى آدمين، مش عارف اصورها ازاى بس تفسيرى انه يعنى معندوش أمل لإنه تعود انها بتجيب ورا معاه من يوم ما اتولد، من ايامها قررت وانا ابن منطقة شعبية قح مش زى نواره بنت الغالى احاول افهم ليه رغم انى مش أول مره اشوف فقرا واتعامل معهم ازبهليت م اللى شفته
    خدت بعضى وهاتك يافرجه من شرقها لغربها، مانا غاوى فرجه مش بتاع بحوث ولا نشاط سياسى ولا غاوى أمد إيدى للمحتاجين، مايولعو وانا مالى أنا بس غاوى فعلا كركترات وفرجه ع الخلق ومصاحبتهم والانخراط جوه عالمهم الغريب، مزاج وسخ، ومابقرفش، بس ربكم الحق حسيت ان الدنيا اللى انا كنت فيها ضيقه وهبله، ودنية الفقر الدكر دى براح وبنت كلب
    فيها قصة حقيقية
    مأساة تنفع تعمل أعظم روايه
    ---
    شكرا يانواره
    ومعلش لو جرحتك حاجه مؤذية طالعه من كوم الزباله
    انتى اخترتى فمتقليش أى

    ويسلام ياعم المجهول
    متهيألى انها دلوقتى بردت
    ولا ابعتلك أخوك جيمى

    اتلم،

    ReplyDelete
  28. Anonymous27 June 2007 at 15:51

    جبتي لي اكتئاب
    شفت الحاجات دي قبل كدة في منشية ناصر مع جمعية
    و شفتها في المقطم
    و فضلت مكتئب برضه

    ReplyDelete
  29. Anonymous28 June 2007 at 02:02

    طبعا هى دى مصر
    هو انتوا تفتكروا اللى شوفوه ده حاجه ماخفى كان اعظم بس هو مش خفى اوى بكره مصر كلها هتبقى كده
    و البركه فى الحراميه هما سايبين مصر تعرف تدى حاجه دول بياخدوها بالعافيه

    ReplyDelete

Note: only a member of this blog may post a comment.