عم سعيد كونستابل طيب محترم
طموح عصامي
فضل يكافح لحد ما اترقى من تحت السلاح
وبقى ظابط
مراته الست نفيسة
صحيح ست غلبانة وأمية ما تعرفش تقرا ولا تكتب
بس كانت برضه ست عصامية
وواعية
عرفت قيمة العلم اللي هي اتحرمت منه
وعلمت عيالها
وكتر خير مجانية التعليم
واحد منهم طلع ظابط بوليس
وواحد فيهم كان نابغة
طلع بعثة على حساب الدولة
في الستينيات
واتعلم وبقى محامي وبعدين بقى قاضي
ودلوقت بقى واحد من اكبر محامين الشرق الاوسط
يا زين ما ربيت يا عم سعيد انت والست نفيسة
تعبتوا وشقيتوا على عيالكوا برغم فقركوا وغلبكوا
وعرفتوا تطلعوهم احسن منكوا
احسن منكوا؟
مش عارفة
بس على الاقل متعلمين اكتر منكوا
وظروفهم المادية احسن منكوا بكتير
بس كنت ح تعمل ايه يا عم سعيد لو سمعت ابنك وهو واقف في المحكمة
يشتم في الغلابة اللي انت منهم
وكنتي ح تعملي ايه يا ست نفيسة لو سمعتي ابنك وهو بيتريق ع الدبلون
كنتي ح تقولي له: ماله يابني الدبلون ما انا ما باعرفش اقرا ولا اكتب وعلمتك وربيتك
ولولايا ما كنتش بقيت محامي كبير ملو هدومك؟
====
عشان ما حدش يسألني جبتي المعلومات دي منين
الله يرحمك يا عم سعيد يا كونستابل يا عصامي
لو كنت عايش كنت فكرتك بالمأمور شوقي مقلد
اللي أجر لك الدور الاولاني في بيته
ايام ما اتنقلت لشبين الكوم
كان جميل واخوه لسة عيال
وما كنتش تعرف لا انت ولا الست نفيسة
ان فيهم واحد ح يكبر بشقاكوا
ويشتم الناس اللي انتوا منهم وهم منكوا
جون و جون و جون و جوووووووووون
ReplyDeleteايوه كده يانواه فكريه، قولي له ان مش عيب ان اهالينا يكونوا ناس غلابه كفايه انهم في عز غلبهم ده فكروا فينا و طلعونا بني آدمين محترمين...يسلم فمك..
لأ... جامدة موت دي... مش عشان أبوه كونستابل طبعا ... لأننا مش هنغلط غلطته ونتريق ع الغلابة إحنا كمان... بس لأن غريب جدا ومش حلو خالص لما حد يتنكر لطبقته وأهله بإنه يشتم اللي زيهم... عيب بجد... شكل الواد الحليوة أبو بدلة رصاصي هينفذ تهديده ويقاضينا يا وزة
ReplyDeleteهههههههههههههههه
مش عارف اقولك ايه بصراحه
ReplyDelete.
.
عايز اقولك جاعدهة قوي
مكسووووف جدا اقولك انت ارجل من ميه راجل
.
.
حاسس انك بميت مصري
لا قليلين
بالف
.
.
صدقيني مش عارف اقولك ايه
.
.
تحياتي
والسلام
مش قلت لك أمبارح أنه واضح من كلامه أن والدته كانت ايديال 5 كج ، أبن غساله ، لأن أولاد الناس ميقولوش كلامه واضح أنه بيعاني عقدة نقص بتخليه عايز يظهر نفسه بمظهر ابن الباشوات و عشان يغذى عقدته بيحاول أن يشتم و يهين كل اللى زيه و زى أهله
ReplyDeleteبرافو نوارة يا بنت الغالي
ReplyDeleteانفراد رائع
تصدقي هي ده المشكلة
كل واحد بيحاول ينسي هو مين
يحاول يخرج من جلده ويكون انسان تاني
يمسح ماضيه باستيكه
لانه مش لايق مع الوضع الجديد ليه
يحاول يبيع الناس اللي في يوم كان منهم
لكن هي ده الدنيا و هي القناعات الشخصية اللي بتمشي الكل
و يا مراقب فيه حاجات تانية ممكن الحليوة يعملها وانت عارف و انا عارف وهو عارف ولا يهمك احنا وراك يا مراقب حتي لو اخرتها ننضرب وبالنسبة للاخ المجهول
مش احنا اللي نغلط في اهل حد
احنا ارقي من كده
و بنتكلمش عن اهل حد حتي لو كانوا زي مبيقولوا تجار مخدرات
احنا احسن من كده
احنا ننتقد الشخص مش اهله
برافو يا نواره
ReplyDeleteالله يرفع مقدارك دنيا وآخرة يا بنتي !!
ReplyDeleteايه الجمال ده ما شاء الله يعني ضربة معلم
الفكرة مش فكرة باباه ومامته كانو ايه ... الفكرة العيب اللي هو بيعمله .. اخص بجد ....
دانة
برافوووووووووووو
ReplyDeleteبجددددددد
هايل
الله يرحم عم سعيد
بس ثقى ان اى حد زى المحامى دا بيكسف من اصله غلبان
دا عنده نقص وحقد على الطبقات
عشان كده بيهرب منهم
ويحاول يقول انا من العليوى
حلوة قوي قوي قوي يا نوارة, فعلا جامدة...بس صدقيني انه لو قرا الكلام ده مظونش هيأثر فيه اطلاقا....
ReplyDeleteمعلش يا نوارة ما هو على رأي اللي قال يطلع من ضهر العالم فاسد....
لأ بجد يا نوارة مش عارف أقول إيه
ReplyDeleteأنا هاصقفلك بس
يعني بجد في الجون و جون عالمي كمان
يخرب عقلك يا استاذة نوارة دا انتى فضيحة بجد بس حقيقى هايلة بجد تستاهلى مليون تحية (وش بيغمز)
ReplyDeleteيخرب عققققللللككككككككككك
ReplyDeleteضربة معلم يا زعيمة الجبهة
:))))))
حتة جون، ده ولا بتاع أبو تريكة أمبارح، لأ ملعوبة صح
بس للأسف ده طلع راجل واطى صح
طيب خدى الإضافة دى
الاستاذ جميل ساكن فى الزمالك
و إبن سعادته الأستاذ طارق جميل هوه فتوة الزمالك
أيوه فتوة، و بلطجى بجد، يعنى الاخ هوه الكبير بتاع الخناقات و الكلام العبيط ده فى الزمالك و اللى مش متأكد ينزل يسأل عليه فى شارع المنصور محمد أو شجرة الدر
أى خدعة يا زعيمة
;)
goooooooooooooooooooooooooooooooooooooooooooooooooooooooooooooooooool
ReplyDeletegamda moooooooooooooooooooooooooot
a7la tadweeena shoftaha fi 7ayatai
Jazak Allah 7'ira katheeeera
pleeeeease everyone spread as much as you can
sorry for english-no arabic keyboard
bgad f3laaaaaaaaan zay mklohom 2alooo darbat m3alam we 2moooot we achoof el nazra 3al wash s3eed da dalw2tee .. lama ychofna 3arfeen aslo ... howa 2alak ano matab3 mdwantak :D
ReplyDeleteysalaaaam lw ystargal kda we ysblna comment :D
bgad nawara ante gamda a7'er 7aga :D
\m/
walhee lw ragal ... yb2a yrod 3la kalamk .. :D
bgad bgad ana mot2kda ano kol ele 2ra we 7y2ra el post da ante rasmetee 2btsaaama 2aaaaaaaaaad kda 3la wshoshna kolna :D
ReplyDeleteاي خدمة يا شباب
ReplyDeleteتعالوا كل يوم
بس الشهادة لله المعلومة وقعت في حجري من غير ما اسعى لها خالص
اللي حصل ان جريدة الدستور كتبت على استاذنا انه المحامي الاستقراطي
مين بقى اللي تعرفه من وهو عيل صغير ايام ما عم سعيد أجر من ابوها الدور الاولاني؟
طنط شاهندة مقلد
اللي هي بقى ابوها يبقى شوقي مقلد المأمور اللي أجر له دور من البيت الملك بتاعه في شبين
قرت الكلمتين دول واتفرست
كلمتني قلت لها تصوري يا طنط بيشتم في الكهربائية وبتوع الدبلوم وسواقين الميكروباص
رقعت بالصوت وقالت لي: جميييييل؟ ليه؟
ده انا اعرفه واعرف العائلة من ايام ما كان هو لسة عيل
بس وانشدت وقالت
يعني حاجة من عند ربنا
اصل اللي امه داعية عليه وقايلة له: روح يا بعيد الهي تتفضح دنيا واخرة
ربنا بيوقعه في سكتي
believer
ReplyDeleteانت جبت عنوانه منين يا اروبة
هههههههههههه
وايه فتوة الزمالك دي؟
يعني شايل في جيبه عصاية ستيك وبيدخل الخناقات يلسع الناس الوحشين بالاستك؟
اول مرة اعرف ان الزمالك فيها بلطجية
هههههههههه
وبيتخانقوا ازاي دول يا خويا؟
العار عار النفوس
ReplyDeleteما هيه دى النكته يا نوارة
ReplyDelete:)))
مش قولتلك إسم طارق جميل ده مش غريب عليا!!
هوه مش فتوة على قد ما هوه ماشى بدراعه، و بيستغل إن والده محامى كبير و اخوه ظابط شرطة ، يمكن يكون تقيل
اجمد حاجة لماأستاذ جميل قال للقاضى إن إسلام ده متربي مع ولاده، فزى ما إحنا شايفين، واضح إنها تربية معفنة بصراحة
المهم إنك تاخدى بالك منه بس علشان ده زى ما ابوه قال، متربي مع إسلام نبيه، يعنى ثقافة العصاية فى المؤخرة متأصلة فيه
اكتر من ممتازة يا استاذه
ReplyDeleteانا زعلان منك علشان.. مهو مش حينفع اقولك لان ديه نصيحة
وميصحش النصيحة تكون علي الملاء
بس بجد شكرا ليكي علي البوست الجامد قوي ده وشكرا علي توصيل الشكر الاولاني
بحري من اسكندرية
mohamad gaafar
ReplyDeleteطبعا العار عار النفوس
عم سعيد جزمته على راسنا من فوق
انه عرف يربي ولاده ويطلعهم متعلمين واكفاء
بس العار ان الواحد يتبرا من اصله ومن الناس اللي شقيت عليه وعملته
believer
اخلي بالي منه؟
ههههههههههههههههه
ما تخافش ربك بيسترها
bahary
ما تقول يابني...مافيش حد غريب
زي ما انت شايف ده سر بينا احنا الخمستاشر الف
ههههههههههه
وتقولي انا اعرف ابليس مخبي ابنه فين؟
ReplyDeleteاديكي طلعتي تعرفي هو مخبي العيلة كلها فين يا ناصحة
تحياتشي
ye5reb 3a2lek
ReplyDelete3erefty ezaay:D
yalla 3la allah yefteker we yete3ez we rabena yehdeeh kda :D:D:D:D:D:D;D:D:D
معلش أنا لي راي مختلف وأرجو الا يزعل أحد مني ، المشكله موش ضابط بوليس بيضرب ناس داخل قسم البوليس لا الموضوع يتعلق بنظام كامل في البلد ن أصبح عاجزا عن توفير حتي سيارات لأقسام البوليس ليذهب الضباط الي مكان البلاغ ، فيضطرون أن يمارسوا البلطجه علي بلطجيه الميكروباصات ليأخذوا الميكروباص في طلعاتهم ، مشكله نظام لايهتم سوي بالقبض علي السياسيين والأسلاميين وأصحاب الرأي وأطلق علينا المجرمين في الشوارع ليغتصبوا البنات ،ويروعوا أمننا داخل بيوتنا ، المشكله لا تكمن في ضابط البوليس الذي يتعامل يوميا مع كم هائل من المجرمين وعتاه الأجرام وعجز تماما عن أسترداد حق مسلوب لأصحابه
ReplyDeleteفكروا معي ماذا لو دخل اللصوص منزلك وكنت نائمه في سريرك ولا أحد معك في المنزل ، حاله واحده ستحدث لك أغتصاب ثم قتل وسرقه وبعدها تتوة معالم الجريمه
لقد تعرضت في شهر ديسمبر الماضي لقصه مماثله ، ولكن وكما قال لي الناس جميعا في مصر ، وكما قال رجال الشرطه أنفسهم احمدي ربنا أن بنتك كانت بايته بره والا كانت تعرضت للأغتصاب والقتل
نعم فأبنتي التي تدرس بالجامعه ، أقنعتني أنتترك السكن والذي أخترته لها أمام الجامعه مباشره ، قررت رحمه بي أنتترك السكن وأن تعيش في شقتنا ، وهي شقه في شارع رئيس مزدحم ، وذات يوم ذهبت ابنتي عند قريبتي ولما تأخر الوقت طلبت منها المبيت عندها ، وفي اليوم التالي وعندما عادت أبنتي الي المنزل وجدت غرفتي وغرفتها رأسا علي عقب ، وقد تم سرقه ذهبي وذهب أبنتي ومصروفها الذي نرسله لها شهريا ، وللعلم لا أحد يزورها وحتي تحريات المباحث أكدت ذلك ، ورغم تأكدنا من الحرامي ، الا أن البوليس لم يستطع أثبات ذلك ، والمشكله الأكبر ، أنهم لا يقومون بعمل محضر سرقه في الأقسام ولكنهم يقومون بعمل محضر مفقودات ، وقد قمت علي الفور انا ووالدها بالنزول الي مصر ثاني يوم الحادث ، وكانت أبنتي في حاله هلع ، وعندما سألت لماذا تكتبون أنهامفقودات ، هناك من دخل بيتي وسرقه ، فوجئت أن هو ده النظام ، ورغم أن الحرامي متكلم من تليفون البيت الا أنه وحتي الأن لم يحدث شيئا ، ومن شده خوفنا علي ابنتنا أبعدناها عن المنزل خوفا من التنكيل بها مما أشتبه فيهم وذهبوا الي قسم البوليس
صدقوني الموضوع أكبر كثيرا من ممارسات ضباط الشرطه
الموضوع بأختصار ترويعنا نحن الشعب ، في بلد نشعر دأئما أننا غير أمنين فيه
هههه
ReplyDeleteوالله جدعه
تحياتي
هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
ReplyDeleteبجد تجنني
الواحد لو كان فكر في اي رد ممكن يترد..مش هايبقي ابلغ من الرد دا
فكري الناس اللي بيتريقوا علي الغلابه والنبي بأصلهم ..اصلهم نسيوه
طبعا اجبن من اني اشغل ملف الفيديو . بعد سابقتي معاه ...لأني لما شوفته اول مرة اغمي عليا وكان هايجيلي انهيار عصبي بجد مش تهريج... امال انا مقهورة ليه ودمي محروق وكان نفسي احضر المحاكمه
مايحرمناش منك يا رافعه راسنا
يالا بقي ..
ReplyDeleteنقص بقي يا جدعان ..هنقول إيه يعني ؟
الله يسامحه
والعيب لما يطلع من أهله ..ميبقاشي ..
وشكراً
امى الله يرحمها كتير كدبتها بس للأسف كان عندها حق ... الله يرحمها... كانت بنت عمدة... قالت لى الواطى واطى ولا يمكن اللى متربى ومالوش أصل عقده تنحل ... وأبويا الله يرحمه قالى إزاى ابن تفيدة اللى بتلف تخدم فى البيوت يبقى وكيل نيابة وأمه مربياه من بيع البيض و الجبنة القريش لايمكن يابنى ينفع يحكم عالناس هايخرب الدنيا.... وآدى النتيجة ... زى الحيوان ده كتير وأتحداكى إن أبوه كان زيه بس والله ضربة معلم يا بنت المعلم.
ReplyDeletenwara,well done.
ReplyDeletewen this tabakia is gonna vanish from our beloved egypt.
i feel we wasting our time in steriotyping ourself and others.
ahmed ,
sydney
يابنت الايه يامفتريه .. المره دى قفا جامد قوى
ReplyDeleteيخرب بيت شيطانك عفريته ... جدعه يا بت
كله من ده ياولاد ال .... بهوات
ياجماعة الله يستركم سيبوا الاهل على جنب واتكلموا فى الشخص نفسه ممكن البنى ادم يكون اهله غلابة وهو كمان غلبان زيهم وحاسس بمعاناتهم وممكن اهله غلابة وهو طالع شيطان وخسيس زى السافل بتاعنا ف رجاء رجاء رجاء بلاش تدخلوا الاهل فى المواضيع دى
ReplyDeleteيابشر سيبوا الاهل فى حالهم زنبهم ايه اذا كانوا ربوا وكبروا وعلموا وفى الاخر يطلع سافل ويتنكر للغلابة وهما دول عامة الشعب يعنى انا وانت وانتى مش هنضحك على بعض سيبو الاهل فى حالهم وخلونا فى الخسيس الله يستركوا
ReplyDeleteوبعدين الله ينور عليكى يا نوارتنا يا غالية يابنت الغالى