Tuesday, 5 June 2007

محاكمة اسلاك

تعبانة شوية انا
بس اسلاك بيه كان طالع برة القفص قبل ما ترفع المحكمة
وزنزانة قالت لي انهم قبل ما اجي اوموا عماد من البنش اللي قاعد عليه عشان عايزين
يقعدوا اسلاك بيه على البنش اللي وراه
عماد شكله قلقان
انا مسجلة كل وقائع المحاكمة
ونقلت منهم بتاع اتناشر فايل
ولسة بانقل
مرافعة النيابة كانت رائعة
ومرافعة الاستاذ ناصر امين كانت رائعة وعظيمة
تحس ان واحد بيدافع عن ابنه او اخوه الصغير
لحد ما ريقه نشف
انا برضه مسجلة المرافعة كلها
المفاجئة
ان فيه واحد من المتهمين اللي في القفص بيتهم
اسلاك بانه عذبه ولفق له قضية
انا مسجلة معاه برضه
المفاجئة السارة بقى
ان هيئة الدفاع بتاعة اسلاك
قال جايبة الفيديو وحاطة عليه مزيكا
عشان تثبت ان اي حد ممكن يحط اي صوت
شوفوا الفيديوهات
فيها كل حاجة ان شاء الله
الحلسة كانت سرية بس اذنوا للاعلاميين انهم يحضروها
!!!!!!!!!!
الفيدوهات اهيه
الاول عرض النيابة للفيديو بتاع عماد
وكيل النيابة محمد بكر اللي ساند عماد
ما قدرش يبص على الفيديو ودور وشه
وبعدين النيابة عرضت الفيديو بتاع معاينة القسم
وبعدين
المستند اللي قدمه سعيد جميل وبقية طقم الدفاع
حاطين مزيكا على التعذيب
على رأي مينا
ناس سادية
وحاطين صوت واحد تاني عمال يقول: يا حيوان يا قليل الادب
عماد كان زعلان ان اسلاك برة
ودي ست بتقول انها اتلفق لها تهمة
وانها شاهدة على تعذيب الراجل اللي قعد يحسبن ده
وده الراجل
بيحكي حكايته
مرافعة النيابة
وبعدين مرافعة الاستاذ العظيم ناصر امين
ربنا يحميه
تم تأجيل الجلسة ليوم الخميس بعد بكرة
لسماع مرافعة الدفاع
ويارب تبقى نطق بالحكم ويبقى أقصى عقوبة
على المجرم اسلام نبيه
قولوا امين
at

10 comments:

  1. Anonymous5 June 2007 at 21:35

    مش عارف اقولك ايه يا نوارة على مجهودك دا كلمة شكر متسويش مقدرة جهدك لتغطية المحاكمة
    ربنا ما يحرمنا منك
    وربنا مع عماد يوم الخميس وينتقم من اسلام والزايو

    ReplyDelete
  2. Anonymous5 June 2007 at 22:20

    السلام عليكم
    نوارة شكرا ليكى جدا جدا على التغطية
    كل ظالم وله نهاية ان شاء الله انا متفائل ان شاء بيوم الخميس ويكون عييد لينا كلنا
    وهاعزم الناس اللى معايا فى الغربة هنا ,معلش بقى كنت نفسى اعزمكم كلكم بس للأسف 3000 كم مسافة كبيرة
    ربنا معاكم

    ReplyDelete
  3. Anonymous5 June 2007 at 23:25

    شكرا جدا يا نوارة على المجهود الرائع و انشاء الله يأخذ العقاب اللى يتستحقه علشان اى كلب بعد كده يعرف انه مش بعيد عن العدل اللى مفروض يتطبق
    بس يا رب القضاء يعدل علشان الثقه ترجع فيه من جديد و شكرا

    ReplyDelete
  4. Anonymous6 June 2007 at 04:36

    AMEEEEEEEEEEEEEEEEEEEEEEEEEEEN
    bas ostaz 7'aled ya nawara by2ul ano islam 7ay7'od sana bas !!! b3d kda yseeb el shorta we y3od sana b3deen y3mal altmas we 7yrg3o tane we yr2oo kmaaan !!!! we b3deen yan2lo 7ata feha floos zay el mtaar !!!
    2al we a7na ban2ool lw 7'ad talata 7nb2a mdy2eeen !!!

    ReplyDelete
  5. Anonymous6 June 2007 at 04:38

    انا نفسى اشوفيك يا نوارة علشان أشكرك بنفسى على مجهودك الرائع دة

    ReplyDelete
  6. Anonymous6 June 2007 at 04:49

    مش ممكن يا عبقرينو دا يحصل ربنا موجود وكمان دا الأستا> ناصر أمين هوا اللى اترافع

    ReplyDelete
  7. Anonymous6 June 2007 at 08:27

    المسألة واضحة يا جماعة سعيد جميل ده هو محامى ممدوح اسماعيل بتاع العبارة ويا ريت اللى شافه فى برامج العشرة مساء ولا الحقيقة وهو بيقول ان ممدوح اسماعيل لم يعلن بالقضية يقول معايا قرناااااااي قرنااااااي اووؤ اووؤ

    ReplyDelete
  8. Anonymous6 June 2007 at 10:55

    السلام عليكم

    رهيب يا نوارة بجد

    شغل ممتاز اوى ربنا يكرمك بجد

    هايل

    ان شاء الله هايخذ الى يستحقة

    ReplyDelete
  9. Anonymous6 June 2007 at 21:53

    شكرا على الجهد الرائع

    كأننا كنا معاكم في الجلسة

    عقبال يارب ماالسادي اللى اسمه اسلاك ده ياخد اقصى عقوبة علشان نحس ان لسه فيه عدل في البلد دي

    ReplyDelete
  10. Anonymous6 June 2007 at 23:12

    امين امين امين

    يخليكي لنا يا نوارة يارب ومايحرمناش منك ومن تغطياتك ابدا

    ReplyDelete

Note: only a member of this blog may post a comment.