Monday, 23 April 2007

تضامنو مع عبد المنعم محمود

الميل ده
:وصلني من أسد

تضامنوا مع عبد المنعم محمود أمام نيابة شبرا الخيمة صباح الثلاثاء
April 22, 2007
. .
المدون والصحفي المصري عبد المنعم محمود, يُعرض صباح الثلاثاء 24/4/2007 على نيابة شبرا الخيمة للنظر في تجديد حبسه على ذمة قضية لفقتها مباحث أمن الدولة التي كانت قد اقتحمت منزل عبد المنعم في الإسكندرية , ثم اختطفته من على متن طائرة صباح الأحد , حيث كان متوجهاً في رحلة عمل لصالح قناة الحوار البريطانية لإعداد برنامج عن الحريات في العالم العربي.

ودعت – الحركة الشبابية المصرية لمناهضة الاعتقال (مش هتاخد) – للتجمع السلمي أمام نيابة شبرا الخيمة في الحادية عشرة صباحاً تضامناً مع عبد المنعم محمود وطلاب معهد التعاون الزراعي المحالين للتحقيق على خلفية نفس القضية الملفقة.
============
كمان رجاء اضافة توقيعك على الرابط ده
والآن بقى
حد يقول لي بسرعة شبرا الخيمة دي تتراح منين
يعني انا ممكن اوصل لحد كورنيش النيل
بعدين امشي ازاي؟
بس ما حدش يقول لي اسامي شوارع
يعني اعتبروني دلوقت مثلا قدام التلفزيون عند كورنيش النيل
تقولي لي امشي ازاي
يمين شمال كده
مش اسماء شوارع
at

7 comments:

  1. Anonymous23 April 2007 at 19:09

    لو انت عاوز تتفسحى ممكن تركبى الحنطور بس هاتدفعى كتير من قدام مبنى الإذاعة
    ولو من هواة ركوب الميكرباصات الطائرة يبقى تركبى ميكروباص المؤسسة وتدفعى خمسين قرش بس أوعى يضحك عليكى وياخد جنيه بتاع القناطر
    ولو كان معاكى فلوس والعملية مبشبشة يمكن تركبى تاكسى ماتدفعيش أكتر من تلاتة جنيه
    ولو انت من أرباب الملاكى والعياذ بالله، فانت تفضلى ماشية طوالى لا يمين ولا شمال، بس اقفلى العربية كويس علشان هاتكونى فى ش ش ش (شقاوة شباب شبر)
    حباصة المنذر

    ReplyDelete
  2. Anonymous23 April 2007 at 21:26

    ممكن تركبي المترو يا ست الكل , تنزلي آخر محطة اللي هي شبرا الخيمة ودوري ع النيابة ورا مستشفى النيل للتأمين الصحي .

    ReplyDelete
  3. Anonymous24 April 2007 at 10:48

    لأ تنزلى محطة كلية الزراعة اللى قبل شبرا الخيمة على طول وبعدين تخرجى من بابها تلاقى نفسك قدامك كوبرى،هاتمشى مسافة خمس دقايق تاخدى شمال طوالى مع موقف الميكروباسات اللى على سور كلية الزراعة، تلفى مع السور شمال وتمشى طوالى لحد الكنيسة ومبنى المطافى، تخشى من جنب المطافى مع سور الكلية شمال تانى لحد ما تلاقى نفسك قدام حاجه إسمها معهد بحوث الأراضى القاحلة الشارع اللى فى وش بابها بيودى ع النيابة على طول على بعد بتاع تلاتين متر واللى مكانها جوه مبنى محكمة شبرا الخيمة تقريبا فى الدور التانى أو التالت
    وخللى بالك مبنى أمن الدولة على بعد ميت متر من الحته دى وده واحد من أوسخ مقراتها فى الدنيا :(
    لو متلخبطه فى الوصفه خدى تاكسى باتنين جنيه أو توك توك من قدام المحطة وقوليله ودينى عند المحكمة
    ولو هاتخدى توكتوك قوليلى عشان ابعت حد يصورك واجرسك على البلوجات

    ReplyDelete
  4. Anonymous24 April 2007 at 11:28

    انت فين من زمااان

    تفرغتي للجهاد

    ReplyDelete
  5. Anonymous24 April 2007 at 13:19

    اعتقد ان شبرا الخيمه دي في امبابه

    ReplyDelete
  6. Anonymous24 April 2007 at 15:22

    ما خلاص بقى تلاجة غسالة

    راحت عليا نومة مع اني ظبط كل المنبهات اللي في الدنيا والقطط قعدوا يصحوا فيا

    والمحكمة ابتدت بدري اللي راحوا الساعة حداشر لقوهم خلصوا من عشرة

    والجدع اندب خمستاشر يوم

    احمد حلمي بيقول لي المرة الجاية ح تبقى في التجمع الخامس

    وقال لي انهم لسة ما عملوليش مواعيد من ستة لتسعة

    بيتريق عليا يعني

    ReplyDelete
  7. Anonymous24 April 2007 at 23:20

    ؟؟؟؟

    ReplyDelete

Note: only a member of this blog may post a comment.