Friday, 20 April 2007

وأخيرا سيتم القضاء على المسئول الاول عن التعذيب

ومن هنا بقى عرفنا مين المسئول عن فظائع التعذيب
المواطن يا محترم
ايون...سعادة الباشا نبيل لوقا بباوي قال وقوله الحكمة
في برنامج وراء الشمس اللي هويدا طه راحت بسببه وراء الشمس
ان المواطن هو سبب في العذيب اللي بيتعرض له
لانه بيحب يقبل الاهانة
غاويها يعني
مزمل اهانة واما بيستحطاها بيبقى في بلكون تاني
وده مزاجه سعادتك
تيجي بقى انت تفوقه ح يطلع تلاتين اللي جابوك
والظابط اللي بيعمل كده هو مريض
ومش كل جهاز الشرطة مريض
دي قلة مندسة
دستها بعض الايادي الخفية
ليه بقى
هلبت ح تعمل عبيط ومش فاهم
بما إن المواطن بيعمل دماغ تعذيب
وبما إن فيه بعض المواطنين بيعملوا دماغ بانهم يعذبوا غيرهم
فإذن كتر خير الحكومة
اللي دست لنا ناس تظبط لنا الجمجمة وببلاش كمان
يعني يا مواطن يا مهزأ
غاوي تتعذب وكتر خير الحكومة بتظبطك
وانت يا ناكر الجميل تاكل وتنكر
وتشتكي يا قليل الاصل
لو مش عاجبك روح للمأمور عشان يوريك ان اللي شفته على ايد الظابط
هو الفردوس الاعلى
مش عاجبك روح للاعلى
ثم الاعلى
ثم الاعلى
لحد ما تنتقل للرفيق الاعلى
ابواب السادة المسئولين مفندقة على اخرها
روح واشتكي
وخد تلات شهور تهرب من عصاية السلطات في دماغك
ماهو ده اللي بيظبط لك دماغك
جتكوا القرف مليتوا البلد
أما الاخوة بتوع حروق اللسان
صدعتونا ووجعتوا دماغنا ..انتوا ايه؟ ما بتزهقوش؟
ما بتتعبوش؟
ما بتفهموش؟
عايزين تقضوا على التعذيب في مصر
يبقى تقضوا على الشعب
لأن نبيل لوقا بباوي بيقول إن الشعب هو المسئول عن التعذيب
والحمد لله
الحكومة في طريقها للقضاء على التعذيب قضاءا نهائيا مبرما
كيف يا عب رحيم؟
بإنها تسرطن الأكل وتلوث المية
وبعدين تخصخص الصحة
قوم الناس تعيا
وما تلاقيش تتعالج
قوم يموتوا ويغوروا في داهية ويريحونا
قوم الظباط ما يلاقوش حد يعذبوه
قوم يقضى على التعذيب في مصر
وبس لك ورغي بقى
إفففففففففففففففففففف
at

29 comments:

  1. Anonymous20 April 2007 at 02:23

    el ganen fe batn aomoh ykool na,am le mobarak
    73 melion masre ykolon na,am le mobarak
    "nabel loka bebawe"

    ReplyDelete
  2. Anonymous20 April 2007 at 02:47

    استاذة نوارة تفتكرى كان هايقدر يعترف بالحقيقة لا اظن كل العاملين باداخلية من اصغر عسكرى لاكبر راس فيها كل واحد شايف نفسه اعلى واكبر من الناس كلها فوق القانون بل هم القانون نفسه بيعلموهم كدا وان الناس دى مجرد حشرات مالهاش لزوم فعلا زى ما قالت هويدا طه كل اللى بيدخل القسم لازم يتهان حتى لو كان صاحب حق او شاكى كمان كتير جدا لو حد ماشى بسهولة يتقبض عليه بدعوى الاشتباه حتى لو معاه بطاقة عادى مزاج الباشا كدا واللى يعترض لازم ياخد الطريحة انا شفت وسمعت بلاوى كتير لو هنتكلم عليها يبقى مش هانخلص دى حاجة بتتغرس فيهم بيعلموهم كدا وبيدرسوهالهم وبيتوارثوها من بعض ولو كان فيهم خير ماكانوش الكبار قالوا من زمان لو كان صباعك عسكرى اقطعه افسم بالله انا كنت باشوف الناس فرحانة فيهم ايام الارهاب والضرب والتقتيل فيهم وكانوا بيقولوا يستاهلوا اهو ربنا بيخلص منهم ..شكرا على كلماتك الطيبة فى ردك عليا بس على فكرة انا موش شاب صغير تحياتى (وش بيغمز)

    ReplyDelete
  3. Anonymous20 April 2007 at 02:53

    aaaaaaaaaaaaaaaaaaa l ragel da 3asabny
    l shortyeen l fasdeen qella mondassa wa7ed kl 2eshreen alf
    ya5y endasso 3aleek 3a2arebb masso dammak zy ma7ara2t damenna


    3agabny l zabt beta3 monaqsha zareefa m3 l mowateneeen

    7asbeya allah!!

    ReplyDelete
  4. Anonymous20 April 2007 at 03:58

    تصدقي صح جدا ..وجهة نظر بردو
    دا احنا اشرار وساديين ..


    جاتنا القرف ملينا البلد

    ReplyDelete
  5. Anonymous20 April 2007 at 05:45

    هههههههههههه

    نوارة

    ضحكتيني يا بنتي و انا ماليش نفس اضحك

    أنا شفته في برنامج هويد طه بس علمت نفسي مش واخدة بالي ... مش ناقصة حرقة دم

    ربنا يحفظك يا بنتي

    ReplyDelete
  6. Anonymous20 April 2007 at 15:50

    نبيل لوقا بيباوي استاذ القانون بجامعة عين شمس اللي في الغالب هو اللي فقعلها عسنها التانية المهم لوقا ده قعد اكتر من عشرين سنة يرشح نفسه في اي انتخابات تكون منطقة الظاهر جزء منها ومنفعش اخر ما زهقوا منه وعشان يريحوا دماغهم منه عينوه في مجلس الشوري وده عشان يحافظ علي تحريصه اللي معروف بيه مش هو اللي قال كل الشعب بيأيد مبارك طب لما يقول ان المواطن بحب التعزيب يبقي معني كلامه ان احنا شعب ماسوكي طب لما احنا كده بنجيب لسادتيين من سادي منين بنستوردهم مثلا اما اللي بيحكمونا دول جم من كوالا لمبور ولا منكف الزنبور علي العموةم ربنا م يجمعناش في لاظوغلي ولا نتعلق ع السد العالي ويبرد نار السجاير المطفية في جتتنا قولو امين

    ReplyDelete
  7. Anonymous20 April 2007 at 17:15

    طبعا طبعا ...امال.. احنا شعب اصلا يموت فى التعذيب زى عينيه
    دى الحكومة ياحرام مش عارفة تلاحق على الطلبات منين ولا منين
    والنبى كتر خيرها
    كان الله فى عونها يا ولاد...تعذب 70 مليون ازاى بس لوحدها...ده هتلر فى عزه معملهاش
    صحيح ناس تاكل وتنكر
    نوارة انا بس عايزة اعرف اجيب البرنامج بتاع هويدل طه منين

    ReplyDelete
  8. Anonymous20 April 2007 at 17:37

    مش ده نبيل لوقا بباوي بتاع العجل في بطن امه يقول نعم لمبارك؟

    الاستاذ المخصي

    هههههههههههه

    انت بقيت تتكلم لغات؟

    وللا انت مسافر دلوقت ومش عندك كي بورد عربي؟


    مجهول المشكلة ان احنا في القانون بتاعنا سايبين مساحة لمشاعر القاضي اللي بيقولوا عليه ارتياح المحكمة وتقديرات القاضي

    وانت عارف اننا مجتمع طبقي يعني قليل قوي لو لقيت قاضي ينصر غلبان على سعادة الباشا


    رغدة انا اصلا مستغربة ازاي ظابط وبيفهم


    none

    عموما ادي احنا قربنا نخلص من البلد ونموت

    عيلة وعايزة تفهم

    تصدقوا عندها 18 سنة

    ربنا يحفظك انت

    سعد

    ماهو السادي عادة بيبقى مازوخي

    يعني بيبقى سادي مع اللي اضعف منه

    ومازوخي مع اللي الاقوى منه

    نفسيه مقهور بقى


    نونو

    ان شاء الله ح نتكلم يكون سجل الجزء التاني

    الجزء الاول ح تلاقيه على مدونته

    ReplyDelete
  9. Anonymous20 April 2007 at 23:06

    انت مش واخدة بالك يا ست نوارة احنا اللي غلطانين و الغلط راكبنا من ساسنا لراسنا كمان . صحيح الشعب و الوطن في خدمة الشرطة .
    محمد خميس

    ReplyDelete
  10. Anonymous21 April 2007 at 00:25

    الاخ مجهول

    مع احترامي لمشاعرك ولقرفك

    الا اني ما قدرتش احتفظ بقصيدة الاميات اللي انت كتبتها

    معلش

    بكرة تروق وتحلا

    الاخ التاني

    ممكن اعرف حضرتك حطيت ميلي ليه؟

    امل ومحمد

    هو انت امل وللا محمد

    ReplyDelete
  11. Anonymous21 April 2007 at 01:31

    لا استبعد في يوم من الايام ان تخرج علينا الحكومه بدراسه علميه تثبت فيها أن الشعب المصري بطبيعته
    masochist
    تحياتي لكي يا نواره

    ReplyDelete
  12. Anonymous21 April 2007 at 01:46

    تعرفوا المشكلة بتاعة الشرطه فى مصر إيه؟ إن فعلا بيعلموهم فى الكليه إنهم أهم من الشعب و إن الشعب ده تحت جزمتهم، و الكلام ده بجد يا جماعة، أنا عندى ناس قرايبى كتير فى البوليس، و كانوا بيحكولى هما بيقولولهم إيه فى الكليه، بيعملولهم غسيل مخ

    أيوه بيعلموهم "حقوق إنسان"، بس دى عامله زى مادة الرسم فى المدرسه، ملهاش لازمه يعنى.

    بخصوص سيادة الدكتور نبيل لوقا، الراجل ده وصلت أنا معاه غن لو قال عن حاجه انا مقتنع إنها صح ميه فى الميه، لو قال عليها صح، أنا أبتدى أشك فيها على طول، ده أكيد واحدة من الدكتورهات اللى أخدها ، اخدها فى النفاق، و بعدين يا حرام بينافق هواية، لأن الراجل فعلا ملهوش اى لازمه لا فى الشرطه ولا فى مجلس الشورى و لا فى الحياة أصلا.
    :)

    بس لازم برضه ندى كل واحد حقه، مش هو بتاع "العجل فى بطن أمه" بيبايع مبارك، ده بتاع السبعين مليون فقرى بيبايعوا مبارك.

    آسف للإطالة يا ريسه، بس أصلك جبتى سيرة ناس بعزها قوى
    :)

    ReplyDelete
  13. Anonymous21 April 2007 at 02:06

    فيه مثل بحبه قوي وبقوله كتير اليومين دول
    "ماتستكترش الرفس ع البغل النجس"
    مش ده نبيل لوقا برضه الي قال أن صحفيات يوم الإستفتاء الي البهوات قلعوهم هدومهم ف الشارع كانوا هما الغلطانين
    يبقي عادي سيبوه يرفس يعني جات عليه

    ReplyDelete
  14. Anonymous21 April 2007 at 02:21

    الناس دي بتنرفزني جداااااااااااااا...
    و الراجل وقت ماشوفتوا و سمعت الكلام ده والله السكر عندي ارتفع و بقي 307 !!!
    مش احنا شعب بنتكيف من التعذيب ؟؟ و هو فرد من الشعب, يبقى يجرب قلم واحد بس على قفاه...مش هقول عصايه في المؤخرة و لا أي حاجة من الكلام ده...هو قفاه واحد بس !!! أدعي بس أقول ايه و هو خسارة فيه الدعاء...
    حسبي الله و نعم الوكيل !!!

    ReplyDelete
  15. Anonymous21 April 2007 at 04:52

    أشوف إبن بلدي ويملاني العجب
    في الجيش انطلب
    أدي ما وجب
    والكبير سرقه ونهب
    وباعوله السم في علب
    وصبر واحتسب
    وفي الآخر إنذل وإنضرب
    آآآه يا قلبي

    ReplyDelete
  16. Anonymous21 April 2007 at 10:43

    ياه صحيح أننا شعب مفتري
    يعني الحكومة تايعة نفسها وبتحاول تخدمنا
    وشعارها دماغ تعذيب لكل مواطن ومجانا مش زي المية والتعليم
    والظاهر ان الحل الوحيد انهم يموتونا ويجيبوا شعب جديد على مقاسهم

    ReplyDelete
  17. Anonymous21 April 2007 at 12:37

    ايه يا ختى مستغربة ليه ؟؟

    احنا المسئولين عن التعذيب

    الناس اللى غرقت برضه فى العبارة هىالمسئولة متعلموش سباحة ليه ..؟ هاه ؟؟؟

    البنات اللى ماتت فى الحادثة من يومين برضه هى المسئولة ... رايحين المدرسة ليه..؟؟ هاه؟؟؟

    مش دايما بيقولوا ان شعب مصر .. شعب مسئول

    عرفتى يا اوختشى مسئول عن ايبه؟

    ReplyDelete
  18. Anonymous21 April 2007 at 13:01

    الخوف أصيل
    مزروع جوانا من أيام التعليم
    لازم نخاف من المدرس بتاعنا
    و لازم ننافقه و نكتب موضوع أنشائي هاديء عن أضرار التدخين لو كان الأستاذ بيدخن ... موضوع كده يا ريت يكون بيقول انه التدخين وحش ... بس ساعات بيبقي مهم و حلو و انه لازم نبطل تدخين ... بس شوية شوية مش مرة واحدة لا ناخد دور برد شديد
    و أنه بيساعد عالتركيز ... أما في الفصل الأخر اللي فيه الأستاذ لا يدخن و يكره الأستاذ الأول لأنه بياخد منه الدروس الخصوصية ... لازم نشتم جامد أوي في مدرس الفصل التاني .. قصدي المدخنين و في نفس الوقت نشكر في الدروس الخصوصية ... الخوف قديم عميق متربي فينا من زماااان
    من أيام ما منعوا الضرب فالمدارس قانونا و ظهر أساتذة أفاضل و أجلاء يمجدون الفلقة و الخرزانة و يفردون لهم صفحات في بريد الأهرام و يقولوا ما كلنا أتربينا كدة !! و أتضربنا
    بصي علي حال الطالب المذعور الذي ينافق كل مدرسينه و يتم ضربه بل و الحديث عن فوائد أنتهاك أدميته و أدمية زملائه يوميا فالمدارس و أنت تعرفي أنه الخوف أصيل و انه اللي أتربوا عليه بقوا يحبوه و يزرعوه
    تقدري تقولي لي أنه الخوف مش متأصل جوانا
    ده له جذور و جذور لازم نقلعها و نمنع الأغبياء من زراعتها في الأجيال القادمة
    ----------
    أنا لا أدافع عن سيادة اللوا و لا أحب هذا الشخص و لا أوافقه في أي حاجة بيقولها لأنه ساعات بيسبق أسمه المفكر القبطي الكبير ... و ده بيضايقني جدا علي فكره
    ---------
    الفيلم ده من ساعة ما شوفته عاليوتيوب نفسي أنسي نظرة الولد اللي ايديه بقيت معاقة مش قادر أنسي النظرة المؤلمة اللي في عينيه لأنه خلاني متضايق أوي
    حسيت أني عاجز أنا كمان عجز لا علاج له

    ReplyDelete
  19. Anonymous21 April 2007 at 13:14

    بسم الله ما شاء الله
    علشان الحسد بس
    كل بوست اجمد من اللي قبله وورا بعض بطريقة تنرفز
    انتي بتلحقي امتي تتبعي وتشوفي وكمان تكتبي
    المهم
    انا نفسي حد يتقمص دور الاخ ده بعد التسجيل وهو باصص لنفسه في المرايا بيقول لنفسه ايه؟
    اكيد ريقه نشف من كتر التف
    واكيد شال كل المرايا من بيتهم

    ReplyDelete
  20. Anonymous21 April 2007 at 13:22

    يا حلاوة

    ReplyDelete
  21. Anonymous21 April 2007 at 13:28

    نوارة تصدقي انا اكتشفت حاجة !!!

    ممكن كدة نفسر نظرية تكدير الأمن العام

    بصي يا ستي

    النظرية بتاعتي

    إن ممكن المواطن من دول بعد ما الحكومة تاخده تعمله احلى دماغ تعذيب


    يمشي بقى في الشارع و هو متكيف بدماغ التعذيب دي


    و الراجل بقى عمال يقول ااااااه

    يقوم الناس اللي بيكدروا الامن العام زي هويدا و منعم كدة يفتكروه بيتألم

    مش ممكن يكون بيقول اه عشان عالم دماغ يعني ؟؟

    أو ممكن يكون بيقول اه بمعنى نعم يعني نعم لمبارك ؟؟

    بس هما عشان شايلين من الحكومة و نيتهم ناحيتها مش صافية يقوموا يقول قال ايه انه بيتألم من التعذيب !!!

    و بعدين يصوروه و يعرضوه على الامن العام بقى

    يقوم الامن العام أول ما يشوف الصور دي بقى يقول
    يععععععع

    و يقرف قوي قوي قوي

    و ممكن كمان نفسه تغم عليه و مايعرفش ياكل !!!

    و كلنا طبعا عارفين من زمان اللي بياكل على ضرسه بينفع نفسه

    حينفعوه بإيه بقى منعم و هويدا ؟؟؟

    واضح أوي إنهم بيكدروا الامن العام يعني

    عايزين الحكومة تسيبهم كدة ؟؟

    ReplyDelete
  22. Anonymous21 April 2007 at 17:25

    انا مش فاهم حاجه

    ايه اللي انتي كتبتيه عندي ده


    ومين صاحبي
    وحاجات ايه اللي بعتهالك

    ReplyDelete
  23. Anonymous21 April 2007 at 18:51

    citizenragab

    انا رديت عليك عندك

    ReplyDelete
  24. Anonymous22 April 2007 at 19:40

    تحياتي

    ReplyDelete
  25. Anonymous22 April 2007 at 19:43

    tab3an el sha3b hwa el mogrem

    ReplyDelete
  26. Anonymous23 April 2007 at 02:29

    خبر جديد لسه شايفه دلوقتى يندرج تحت هذا الموضوع ماهو ده الشئ لزوم الشئ علشان تباركو معانا للداخلية على وليدها الجديد والصرح المنتظر ده خبر من جريدة المصريون : بتاريخ 22 - 4 - 2007
    ترددت مؤخرا أنباء حول بدء وزارة الداخلية في إجراءات إنشاء سجن جديد في منطقة وادي حجول الواقعة على طريق القاهرة ـ العين الساخنة على مساحة 42 ألف متر ..
    يتسع السجن الجديد لحوالي 120 ألف معتقل..بركات التعديلات الجديدة ابتدت تهل اهى دى النظرة المستقبلية والتخطيط ولا بلاش

    ReplyDelete
  27. Anonymous23 April 2007 at 14:22

    مش عارف انتي قريتي تعليقي في التدوينة اللي مسحتيها ولا لا

    بس مرة اخيرة
    انا مبعتش اي حاجه عندك علي مدونتك

    وانا علقت عند بيسو بسال لاني معرفش مين اللي حط التعليق

    وبعدين حكاية اني انبهك
    دي اساسا مكنتش في دماغي

    وحتي لو في دماغي

    مكنتش هعرف اوصلك ازاي

    وتصدقي او متصدقيش
    اول مرة اعرف انك عندك مدونة
    كانت لما علقتي عندي


    والمفروض اني كلمت جيمي هود ينقلك الكلام ده

    وطبعا قلة الادب اللي عندي انا مش هرد عليها
    قولت يمكن تفهم
    انها غلطانه
    ماهو مش عشان في ناس بنت قحبة بنت تغلط فيكي
    تغلطي في ناس متعرفكيش ومش مهم بالنسبة ليها انها تعرفك اساسا

    ReplyDelete
  28. Anonymous25 April 2007 at 07:19

    انا كنت عايز اعرف لما البلد تخلص من الناس ويفضل بس الظباط الشرفاء الحلوين الطيبيبن هيعملوا ايه ؟ علي راي عادل امام ربنا ياخد كل الشعوب عشان الحكام يصبحوا الصبح مليقوش حد يحكموه؟
    ربنا يخدنا ياشيخ من وشهم يالا خلينا نخلص وننتهي ... طالما عايش من غعير قيمه يبقي موت من غير قيمة افضل

    ReplyDelete
  29. Anonymous25 April 2007 at 18:08

    يامفتريه !
    يعنى عاوزه من النظام ايه بالظبط ? نعذبكم مش عاجب ...
    نجيب لكم اراجوز عشان تضحكوا مش عاجب ...
    حتى نجيب قوقه بباوى دمه تقيل على قلبكم ....
    حطيت صوابعى فى الشق منكم يا شعب رزيل وغتت ...
    انا خلاص هاطفش واسيبكم والجا موزنبيق بعد ما دوختونى يا بجحا

    الاستقرار من اجل الحمار

    ReplyDelete

Note: only a member of this blog may post a comment.