Thursday 29 March 2007

تهنئة قلبية على التعديلات الدستورية









الإخوة الاعزاء

رجاء التأمل في كلمات هذه الأغنية

العظيمة

والتي تناطح قصيدة الاطلال

من حيث قوتها في التعبير

والتعليق على الاحداث الجارية

للاسف مش عارفة انزل الفيديو

بس لحد ما الفيديو اعرف انزله

تأمل الأغنية

على خلفية التعديلات الدستورية واطلق لخيالك العنان:

انا لا مسطول ولا باطوح

انا جاي اجامل ومروح

واشوف اللي باعني وسابني وخاني

خللى قلبي بيتمطوح

اه ياما واه يابا

ده عيلة واطية ونصابة

والليلة جينا نهنيكوا

هاتوا الفلوس اللي عليكوا

خطيب خطيبتي ده واد منحوس

خطبها وهي عليها فلوس

ده الفقر فقري ولو حتى

علقوا على دماغه فنوس

ودولا ناس مالهاش عازة

بفلوسي انا عملوا جوازة

والكل فرحان بيهني وانا يا عيني مالياش عازة

اه يا ما اه واه يابا

ده عيلة واطية ونصابة

والليلة جينا نهنيكوا

هاتوا الفلوس اللي عليكوووووووووووووووو

هاتوا الفلوس اللي عليكوووووووووووووو

هاتوا الفلوس اللي عليكووووووووووووووووووووووووووووو



اذا كنت مواطنا مصريا اصيلا طين رواك والبلهارسيا جواك

عنيك ح تدمع وبعدين ح تنفجر في العياط


بالشفا
إليكم الفيديوووووووووووووووووووووووووو
at

23 comments:

  1. Anonymous29 March 2007 at 17:00

    داستووووووووووووور

    معلش يا جبهه ياختي اصلي لسه صاحيه من النوم والاستمورننج اللي عملاها اسمها داستور ياسيادي اهو علي الاقل تتماشي مع الذوق العام

    ابقي تعالي

    ReplyDelete
  2. Anonymous29 March 2007 at 17:10

    صح النوم يا ستى
    الناس اللى انتى عارضة صورهم دلوقتى بقوا اسيادنا دا حتى امين الشرطة هيبقى من اسيادنا اوعى يا اختى تكلمى امين شرطو ولا حتى تبصيله بصة وحشة لحسن يعكشك على القسم وتشرفى على البورش ولا بقى فيه الفيلم القديم ده انا هاروح النيابة امتى انت معاك اذن من النيابة ولا الكلام الخايب ده
    والظريف ان الريس طالع يقول ان بضمن جرية المواطن المصرى بس المشكلة انه محددش ايه هوا تعريف المواطن المصرى يعنى لازم يكون حزب وطنى زمحتكر حاجة معينة زى الحديد مثلا

    الا سؤال هوا يعنى ايه المواطن المصرى الشريف
    هى النوع ده موجود ولا انقرض دلوقتى


    سيبك بقاه من فيلم التعديلات ده وادخلى عندى بوست كله كأبة

    ReplyDelete
  3. Anonymous29 March 2007 at 17:12

    حد يعرف انزل فيديو ازاي عندي؟

    معلش اصلي عندي شوية تكنولوبيا كده

    الدكتور محذرني منها

    المهم

    جيت انزل الفيديو ما نزلش غير الاغنية

    عموما كلمات الاغنية معبرة

    اكتر حتة مؤثرة قوي وبتعبر عن حال المواطن المصري وهو بيخاطب الحكومة:

    هاتوا الفلوس اللي عليكووووووووووووو

    ReplyDelete
  4. Anonymous29 March 2007 at 18:22

    يا حاجة!!
    الحقيني بالفيديو عايز اشوفه!!
    أشوفه..
    أشوووووووووووووووووووفه!!
    ممكن ترفعيه على
    www.4shared.com

    ReplyDelete
  5. Anonymous29 March 2007 at 18:36

    أختيار موفق للغايه

    ReplyDelete
  6. Anonymous29 March 2007 at 18:54

    يا نواره
    نزليه على
    Youtube
    و من هناك إعمليله لينك

    ReplyDelete
  7. Anonymous29 March 2007 at 19:25

    loooooooooooooooooooooooooool
    bgad mas7'ara hato el floooos ele 3leko..heheee
    yabnte ah arfa3eh 3la you tube we man henak 7'ode link we 7oteha fel post hena..
    loool eshta 3leeke...

    ReplyDelete
  8. Anonymous29 March 2007 at 19:31

    loooooooool gabteeh tayeb eshta :D

    ReplyDelete
  9. Anonymous29 March 2007 at 19:38

    نواره أنا على العموم بعتلك إيميل على yahoo
    شوغيه و قوليلى رأيك.

    ReplyDelete
  10. Anonymous29 March 2007 at 19:47

    LooooooooooooooooooooooooooooooooooLLLLLLLLLLLLLLLLLLLLL
    جامد موت

    ReplyDelete
  11. Anonymous29 March 2007 at 19:52

    كان ناقص يجيبوا صوره لعصابة القناع الأسود.
    :)

    ReplyDelete
  12. Anonymous29 March 2007 at 20:42

    السلام عليكم
    لا أعلم لماذا تتهكمون على مايحدث؟؟؟إنه النجاح ياجبهة..النجاح الذى لا ولم ولن تعرفوه ..فالنجاح له ألف باء فهم ودراسة وكياسة وتخطيط وتحويط ..
    انتشر حزب أعداء النجاح فى كل مكان..ولم يعد مكان للناجحين فى هذا البلد..
    ندعو الله لهم بالتوفيق فى أى بلد آخر غير مصر..
    والجبن سيد الاخلاق...خاصة بعد الموافقة السبعينية على القانون..
    صباحكم ..واللا مساءكم موش عارفة..أجمل..

    ReplyDelete
  13. Anonymous29 March 2007 at 21:35

    ابدأ منين يا بطة اها من خلاص عندى فردة وضرب يا ختى يعنى كده على الاقل عايزة سنة علشان افوق
    ســـؤال بقى ناس مين ده اللى يحس ومين ده اللى هيجيب الفلوس انا بقى بصراحة عايزين نعمل برضو توقيعات وتوكيلات علشان عايزين محامى شاطر اوووووى يرفع عليهم قضية على من دخل المجلس مستقل وخدع الشعب المخدوع اللى واخد على دماغه وانضم للحــزب اللاوطنى ده اولا
    ثانيآ بلاش تبكى ولاحد يبكى لانى مرضت يختى والناس بيقوليلى انتى مالك بلدك لوحدك صــحيح بلدى لوحدى
    لا عزاء لشعب جبان ومعارضة جبانة ونظام فاسد وكل اناء ينضح بما فيه

    ReplyDelete
  14. Anonymous29 March 2007 at 22:08

    والله كنتى بتكتبى كويسة يا نوارة يا خسارتك فى السجن
    لا سجن ايه على معتقل امن الدولة عدل
    ايه يا بنتى اللى انتى منزلاه ده كده عينى عينك
    بص بصراحة جامد جدا

    يالله كل المدونيين هيغرقوكى عيش وحلاوة فى السجن

    متخافيش انا غيرهم هجيبلك لحمة وفراخ يالله ان شاء الله محد حوش

    ReplyDelete
  15. Anonymous29 March 2007 at 23:30

    دستووووووور يا سيادي...سامحووووووووها...جاهله و متعرفش سامحوووووووووها...ربنا يكفيكي و يكفينا شر الاسياد يا نواره
    نزلي الفيديو علي بركه الله و لو اتقفشتي حنزل بالنيابه عنك أعنيه اخترناه و احنا معاه لما شاء الله
    تحياتي لكي

    ReplyDelete
  16. Anonymous29 March 2007 at 23:55

    اولا الحمدالله انك بخير لاني من بعد قاره كامله و انجلطت علي صار عندكم.. بس بالله خيتي نواره انا سمعت شعار الي دهر ما سمعته انه الشعب قال كلمته و قال نعم,, الا صحيح هو الشعب الي قال؟؟
    و من امتن الشعب العربي هو الي بيقول؟ اااخ يمماااا بس عارفه انا ما كنت احب هالاغنية بس ضحكت لما سمعتها لانها ذكرتني بالموظفين بالحكومة عنا هاتو الفلوس الي عليكوو
    تصدقي بالله , هاد الي كاتبها عبقري لانها تصلح لاي مكان و زمان عربي

    تحياتي

    ReplyDelete
  17. Anonymous30 March 2007 at 00:37

    نوارة

    وأنا اتصفح موقع ميتاكافي وجدت الفيديو التالي :

    http://www.metacafe.com/watch/500206/

    ReplyDelete
  18. Anonymous30 March 2007 at 02:27

    يا ست نوارة ممكن أسرق منك الفيديو ده وانشره عندي في كفاية حرام؟
    يا سلام على ذوقك وأخلاقك وكرمك... متشكرين جدا وما ننحرمش منك

    :D

    ReplyDelete
  19. Anonymous30 March 2007 at 22:47

    أزيك يا نوارة
    واللة كلمات هذة الأغنية تنفع النشيد الوطنى للشعب المصرى فى هذة الفترة الزمنية اللى بنعيشها
    للمطرب الشعبى المناضل "حمادة هلال"
    وإسمعى بقى الواد بيقول لأبوة إية
    ياعم يابتاع الحنطور يامحنطر
    أنا نفسى أركب الحنطور واتحنطر
    وأقعد قدام ...وأشد اللجام
    وأتحنطر درررجن درررجن درررجن
    مع تحيات ...واحد من المخصيين معنويا

    ReplyDelete
  20. Anonymous31 March 2007 at 21:40

    لم يصوت على التعديلات الدستورية سوى أعضاء المحليات وموظفيها والعاملون بها . في الساعات الأولى من التصويت كانت اللجان خاوية من أي فرد يقون بعملية التصويت سوى أعضاء المجالس المحليه وبعض الموظفين والعاملين الذين تم أجبارهم من مديريهم على الأدلاء بصوتهم لصالح الاِنقلاب الدستوري . اللجان كانت خاوية تماما والمشرفين على الاِستفتاء كانوا اِما جالسين على الكراسي في الشمس أو يتحدثوا مع بعضهم البعض عن أحوال الدنيا والناس والتعديلات ونواتجها وبأنهم جميعا (عبد المأمور ) وبأن الناس لن تأتي كما حدث قبل سابق وسابق وسابق منذ خمس سنوات وأكثر قبل المرحوم الملقب بالأشراف القضائي السابق على نزاهة الانتخابات والاستفتاءات . الشئ الملفت للنظر والكيان هو الهدوء الشديد الذي كان يكسو البلاد أو بعض البلاد فالله أعلم بالباقي كذلك مارس الاعلام دوره بان الامور تسير على قدم وساق والمصريون يصوتون لمستقبلهم مع أن الشعب من الأصل لم يخرج من بيته لكي يقول نعم أو لا بأستثناء موظفي الاِدرات التابعة للحكومه والذين طبعا سيقولون نعم لأجل أي شئ في المقابل حتى لو كان بضع من الجنيهات وعلبة كشري . لقد استطاع الشعب المصري ان يؤكد على رفضه لما يحدث أو على لا مبالاته أو ان الامر ليس له أهمية عنده نظرا لأن الحكومه ستفعل ما تريده سواء برأيه أو رغم أنفه . هكذا كان حال شعب مصر يوم الاِستفتاء على الدستور والمؤشرات على ذلك انه في عشية ليلة الاِستفتاء كان الناس مشغولين بشراء حلوى المولد النبوي الشريف واللحمة والله أعلم هل سيجدوا ذلك العام القادم أم لا ؟؟؟
    عمــوما كــــــل سنــــــــــــة وأحنا طـيـبـيـن
    وحــــلاوة المـــولـــد يـــــــا دســــتــــور

    ReplyDelete
  21. Anonymous1 April 2007 at 12:26

    احب احيي العبقري صاحب هذا الفيديو واد دماغ فعلا واحب اقول
    اه و اه يامصر ليه دايما حظك كده
    يحكمك ناس بالشكل ده
    يسيبو اليهود و الأمريكان و كل العدا
    ويدورو على ولادك الطيبين بالبهدله
    و عجبي

    ReplyDelete
  22. Anonymous6 April 2007 at 20:33

    انتو شاغلين دماغكو ليكو ليه
    البلد بلدهم يعملو فيها اللى هما عايزينو يعدلو الدستور يلغوه من اساسه احنا مالنا
    ما خلاص مبقتش تفرق سينا من سونيا

    ReplyDelete
  23. Anonymous6 April 2007 at 20:33

    انتو شاغلين دماغكو ليكو ليه
    البلد بلدهم يعملو فيها اللى هما عايزينو يعدلو الدستور يلغوه من اساسه احنا مالنا
    ما خلاص مبقتش تفرق سينا من سونيا

    ReplyDelete

Note: only a member of this blog may post a comment.