الاسم: محمد خلف
المهنة: عريف
التهمة: مضرب عن الطعام يا فندم
السبب: مش عايز احرس اللي قتلوا وبيقتلوا أهلي
مش عايز أحرس السفارة الإسرائيلي
العقوبة: السجن ستة أشهر مع الشغل
إنت إزاي يا حيوان تفكر؟
إزاي يا حيوان يبقى لك إرادة؟
إزاي تحب البلد الوسخة اللي خلفتك دي؟
طب خليها تنفعك
محمد خلف اتحبس عشان بيحب البلد دي؟
يا ترى ح تنفعه؟
رجاء الاطلاع على تفاصيل الخبر على الرابط ده
تحديث: أعتقد إن خلف أولى واحد إنه يتعمل له أوسع حملة
أعتقد إنه أولى واحد بتطوع المحامين للدفاع عنه
أعتقد بأن أهله أولى الناس بالمساعدة والسؤال
عشان مصري
يمكن يكون هو الوحيد المصري باختياره
يمكن يكون أكتر واحد مش بياخد مقابل لمصريته دي
يمكن يكون أكتر واحد بيتعاقب عشان مصري بجد
أعتقد إننا كلنا نقف احتراما وإجلالا لخلف
أعتقد إن كلنا ينحني لخلف
أعتقد إن كلنا مدينين لخلف
أرجو من أي حد عايز يتطوع في أي حاجة يبلغني ح يعمل إيه
أنا أصلي خيبة ومش عارفة أفكر
بس مستعدة أشارك في أي حاجة
No comments:
Post a Comment
Note: only a member of this blog may post a comment.