Sunday 1 July 2012

اديك تقول ماخدتش

احنا حنقضيها حلفانات وخطب كده كتير؟
السيد الرئيس محمد مرسي ما شكرش المحابيس اللي لولاهم ما كانش ابواب السجن اتفحت له ووصل لقصر الرئاسة في خطابه اليوم بجامعة القاهرة
واللي زاد على كده انه قعد يسمع السيد اللواء اللي مش عارفة اسمه وهو بيقول له: قبضنا على 11 الف 555 من مثيري الشغب والهاربين من السجون (ملحوظة.. السيد الرئيس من الهاربين من السجون دول) ومثيري الشغب دول اللي عملوا ثورة
وماحدش يقول لي فيه جنائيين
الجنائي اولا مش مفروض يتحاكم عسكريا
ثانيا مين بقى الجنائيين اللي اتقبض عليهم؟ هو كل ما ظابط يشوف عيل شكله غلط ولا هدومه مبهدلة يقول له تعالى انت بلطجي ويتاخد ينطس خمس سنين ولا عشر سنين ولو طول لسانه ينطس مؤبد عسكري يقولوا عليه بلطجي؟
ويا ترى المواطنين الشرفاء اللي قتلوا محمد محسن، والمواطنين الشرفاء اللي كانوا بيهجموا علينا في عز الثورة وناخدهم نسلمهم للجيش يدخلهم الدبابة ويطلعهم من الناحية التانية، والمواطنين الشرفاء اللي كان الناس بتاخدهم لحد مقر الشرطة العسكرية واول ما يمشوا يشوفوا المجرمين وهم خارجين من الشرطة العسكرية، والمواطنين الشرفاء اللي ضربونا في موقعة الجمل، والمواطنين الشرفاء اللي ضربونا في العباسية مع اننا كنا بننشر اساميهم ومحل اقامتهم وصورهم كل دول مش محبوسين يبقى مين البلطجية المحبوسين معلش يعني؟
ايها السيد الرئيس.. السجين الهارب سابقا
طلع الزمل.. مهما كان دول زمل
احنا مش عايزين منكوا حاجة بعد الحب الجارف اللي فرر الدمعة من عينينا النهاردة في الهايكستب... ونشكركم انكوا راعيتوا مشاعرنا وما بوستوش بعض بوسة حنك في اخر الليلة، واسفين قوي على "العنت" اللي اتسببنا فيه للقوات المسلحة الوطنية
يا ريت بقى مثيري الشغب دول اللي الجيش بنفسه قال ان عددهم 11 الف 555 ومعاهم معتقلي السويس وظباط 8 ابريل وظباط 27 مايو تخرجوهم لنا ومش عايزين من بلدكوا اللي سقيتنا المر حاجة
متشكرين على كده قوي
متشكرين يا ولاد الاصول على البهدلة اللي شوفناها ولولا بهدلتنا ما كنتوش بقيتوا كلكوا في الاملة اللي انتوا فيها
ولولا اننا من مثيري الشغب ما كنتوش قعدتوا قعدتكوا دي مع بعضيكم بكل الحب
احنا عايزين اخواتنا اللي جوه السجن.. حناخدهم ونغور من وشكوا في الصحرا نثير الشغب مع بعض
بكرة الساعة 6 مساء في وقفة عند القصر الجمهوري للافراج عن كافة المحاكمين سياسيا وظباط 8 ابريل وظباط 27 مايو
ملحوظة: محمد وديع حياته مش في مأمن واحنا عايزينه يخرج ويتأمن
بكرة كمان احمد حرارة حيخش لمرسي ويقابله عشان المعتقلين يا ريت لو حد يعرف حد من اهالي المعتقلين يتصل بيهم عشان يخشوا مع احمد

38 comments:

world negm said...

ولو سمحت يا سياده الرايس المنتخب من الربع لقد اعلنت انك مستقيل من حزبكم ومن جماعتكم ومن مرشدكم ولكنك اليوم واشهد لك انك الرايس الاوحد الزي لم يحترم مؤسسات دولته لقد قلت بالحرف الواحد -- وعلي المؤسسات المنتخبه ان تزاول عملها ؟ مين هما دول يا عم الحاج
تقصد الكتناتني وابو نسب - مجلس الشعب والشوري- يعنيطظ في احكام القضاء طظ في المكمه الدستوريه امال هتشغلنا ازاي يا حاج ده مش كلامك يا مرس ده كلام حزبك وعيب عليك اوي اقلك نصيحه
*** اوعي في يوم مرشدك يوزك****
negm maher negm

أحمد عبده said...

وأنا بضمن صوتى لصوتك ، وبقول يا مرسى عوزين إخواتنا من جوه السجون طنطاوى ، وسبونا فى حالنا بقى كفاية ، ده أنتم هتقبلوا ربنا أزاى ، حسبى الله ونعم الوكيل فى كل عضو من أعضاء المجلس العار بتاعنا ده ، وكل واحد كان خان الثورة

سمية صلاح مقلد said...

هو انتي مش عايزة تفكي البلوك على تويتر ليه ؟؟!! هه انتي مش عارفة ان كدا مش كويس انك تخلي الواحد عايز يرد عليكي من الرتويت الي بيجله ومش عارف ربنا يهيدك ان شاء الله

سمية صلاح مقلد said...

هو انتي مش عايزة تفكي البلوك على تويتر ليه ؟؟!! هه انتي مش عارفة ان كدا مش كويس انك تخلي الواحد عايز يرد عليكي من الرتويت الي بيجله ومش عارف ربنا يهيدك ان شاء الله

عين فى الجنة said...

وهل هناك يا نوارة طريقة قانونية للافراج عنهم ؟

mohosamaa said...

انت ليه عملتيلى بلوك يا نواره على تويتر أنا عمرى ما غلطت فيكى ونادرا لما أعمل لك منشن .. أنا بحترمك واتمنى ترفعى البلوك وده الاكاونت بتاعى @usamasim ولك ولوالديك الكريمين خالص الاحترام والتقدير (:

mohosamaa said...

انت ليع عملتى لى بلوك على تويتر يا نواره، أنا عمرى ما غلطت فيكى ونادرا لما أعمل لك منشن حتى.. انا بحترمك وياريت ترفعى البلوك وده الاكاونت بتاعى @usamasim ولك منى خالص الاحترام والتقدير ولوالديك الكريمين كامل المحبة (:

mohosamaa said...

ليه يا نواره عماتى لى بلوك على تويتر مع انى لم اشتمك ولا عمرى غلطت فيكى ونادرا أصلا لما اعمل لك منشن.. انا بحترمك يا نواره وياريت تشيلى البلوك وحسابى @usamasim ولك منى خالص الاحترام والتقدير (:

mohosamaa said...

ليه يا نواره عماتى لى بلوك على تويتر مع انى لم اشتمك ولا عمرى غلطت فيكى ونادرا أصلا لما اعمل لك منشن.. انا بحترمك يا نواره وياريت تشيلى البلوك وحسابى @usamasim ولك منى خالص الاحترام والتقدير (:

محمد نور الدين said...

شوفي يا النوارة أنت تعلمين أنني بعيد كل البعد عن الإسلاميين فكرا وممارسة لكن أقول لك أن انتخاب الدكتور محمد مرسي تكون الثورة قد ربحت معركة من ضمن سلسلة معارك طويلة سوف تخوضها الثورة حتى تربح الحرب وتنتصر
وهذه المعركة التي ربحتها الثورة بانتخاب الدكتور محمد مرسي تعد على الصعيد السياسي مكسبا كبيرا يجب تثمينه . ولهذا بدل المهاترات يجب الاستعداد إلى المعركة القادمة لأن حكم الإسلاميين مجرد مرحلة في تاريخ الثورة لكن قد لا تربحها الثورة إذا ظلت في نطاق الممارسة القديمة . وأحسن دليل لهذه الممارسات القديمة و البالية ما يقوم به هذه الأيام على صفحات التحرير أستاذك ومثلك الأعلى وقدوتك ، إبراهيم عيسى تلك المقالات التي لا يمكن أن تصفها إلا بكونها "هرتلة " ولو أنني مش فاهم يعني إيه هرتلة لكن حسب فهمي وترجمتي لها هي اقرب إلى الهذيان
ملاحظة
"نغور من وشكوا في الصحرا "
فيه ناس ما تستغناش ورايحة تطاردك حتى وأنت في عمق الصحراء مثلما تطاردك في الصحف و على الفيسبوك وأيضا على التويتر .
تحياتي لأجمل وأروع مجنونة

admin said...

انتو كثوار دوركم تنظمو اعتصامات واضرابات ومظاهرات...تنضربو وتتسحلو وينوبكم ثواب...تتقتلو وارواحكم تطلع نعمه من عند ربنا لأن الشهداء بيدخلو الجنه...تخليكم فى عنابر العسكر شويه على مامرسي يتكتك للعسكر القفش مش حلو...انتو تاخدو نفسكم دلوقتى وتروحو تمظنو مسيره فى الصحرابجد... لكن تطالبو بحقوكم فى البلد دي ومعاملتكم كمواطنين محترمين انسو
ههههههههههههههههه المثير للشخر ان شوية عيال وشخصيات تافهه بتقول ان مطالبه الافراج عن المعتقلين السياسيين في عنابر العسكر وأمن الدولة مطالب فئوية
http://egykr.blogspot.com

Egypt trend said...

الاخوان بيلعبوا علي وتر ان المرسي رئيس بدون صلاحيات بالسبب الاعلانيين الدستوريين لكن سواء المكمل او اللي قبله بيدي صلاحيات للرئيس بالعفو عن المعتقلين ..عرفي الناس كده يانوارة

فافى said...

http://www.facebook.com/photo.php?fbid=408214885891166&set=a.184816008231056.43992.184779868234670&type=1&theater

Sosso said...

كل حلاّف كذّاب

Sosso said...

كلّ حلاّف كذّاب

hardway said...

هو أنت لسه موجودة.....معقووووووووول
ناس مين ..وعيال مين ..ومحبوسين مين...
أنت تعرفي مصر الجديدة كويس..وسينما بالاس في ش الاهرام..روحي ومعاك خيمتك و لاتنسي طبعا محمد حسن و مصطفي وحسين و محمود وخيمي هناك أمام المقر وبالطبع هاتيجي أسماء محفوظ في أنصاص الليالي كالعادة....وتتلم الشلة وتدخل الخيمة
وأنتظرييييييييييييييييييييييييييي
المحبوسين و المحابيس ومحمد وديع و أي وديع تحبيه..........ماكانت السكسكة أحسن و أحلي

hardway said...

هو أنت لسه موجودة.....معقووووووووول
ناس مين ..وعيال مين ..ومحبوسين مين...
أنت تعرفي مصر الجديدة كويس..وسينما بالاس في ش الاهرام..روحي ومعاك خيمتك و لاتنسي طبعا محمد حسن و مصطفي وحسين و محمود وخيمي هناك أمام المقر وبالطبع هاتيجي أسماء محفوظ في أنصاص الليالي كالعادة....وتتلم الشلة وتدخل الخيمة
وأنتظرييييييييييييييييييييييييييي
المحبوسين و المحابيس ومحمد وديع و أي وديع تحبيه..........ماكانت السكسكة أحسن و أحلي

Arch SaLLaM said...

كلام اكثر من رائع و ربنا يفك اسر اخواتنا المعتقلين سياسيا قصدى مثيرى الشغب الوحشيين

Arch SaLLaM said...

كلام اكثر من رائع و ربنا يفك اسر اخواتنا المعتقلين سياسيا قصدى مثيرى الشغب الوحشيين

Arch SaLLaM said...

كلام اكثر من رائع و تشبيهات قويه .. و ربنا يفك اسر اخواتنا المعتقلين ثوريا قصدى مثيرى الشغب الوحشيين

samysalah7 said...

إتخرست ليه ... ما بدفعيش عن الرئيس مرسي ليه مش كنتي هريانا خناق عن خوفك أن مرسي ميدافعش عن صلاحياته .. قوم لما ياخد قرار زي ده ويرجع البرلمان عشان يبتدي يبقى ريس ويبتدي يحقق كل مطالب الثورة تدفنوا راسكوا في التراب يأما تشتموا وتحسبنوا عليه بدل ما تبقوا في ضهره لحد ما يقف على رجليه.

samysalah7 said...

إتخرست ليه ... ما بدفعيش عن الرئيس مرسي ليه مش كنتي هريانا خناق عن خوفك أن مرسي ميدافعش عن صلاحياته .. قوم لما ياخد قرار زي ده ويرجع البرلمان عشان يبتدي يبقى ريس ويبتدي يحقق كل مطالب الثورة تدفنوا راسكوا في التراب يأما تشتموا وتحسبنوا عليه بدل ما تبقوا في ضهره لحد ما يقف على رجليه.

محمد نور الدين said...

أين انت اشتقنا لك

محمد نور الدين said...

نوارة نجم: هل ضحكت على أبيها
المناضلة و الناشطة السياسية و الصحفية نوارة نجم ابنة الشاعر الكبير أحمد فؤاد نجم التي لقبت بحق أيقونة الثورة لدورها الكبير في ميادين مصر وتغطيتها الإعلامية على الفضائيات . بخاصة تلك الزغروتة المدونة التي أطلقتها ، على قناة الجزيرة ،مباشرة بعد سقوط النظام .
نوارة نجم التي أصبحت لازمة الثورة في مصر نشرت مقالا بجريدة التحرير هذا الأسبوع ،لا أقول انقلبت على الثورة إنما نعتتها بوصف لم يجرؤ حتى الفلول على وصفها بذلك .
ماذا قالت نوارة نجم ، قالت بالحرف " فماذا أكتب للناس؟ هل أقول لهم إننا كنا فى السيرك، وإنه لسبب ما تم اختيار مجموعة منا لأداء الألعاب الخطرة التى تسلى الجماهير، وتجعلهم يفغرون أفواههم دهشة .
ثم تضيف " والآن لا نبحث سوى عن أصدقائنا الذين اعتقلوا وهم يؤدون فقرتهم فى سيرك الثورة.. أكتب أقول كده؟ طب أدينى كتبت قلت كده.. انبسطت انت؟ على الله تكون انبسطت"
لا اعتقد أن أحدا ينبسط من هكذا وصف لثورة أنهت 7 آلاف سنة من الاستبداد والظلم و الغبن و الهوان و حكم الاستعمار وسلالات الأجانب.
لا أريد أن احكم على النوارة باليأس والاستسلام و الكثير من التسرع ،و الكثير أيضا من ضيق الأفق .
لكن أريد أن أسأل :هل شهداء ميادين مصر كانوا يقومون بحركات بهلوانية داخل السيرك، هل الأمهات كانوا يتفرجون داخل السيرك على فلذات الأكباد وهم يموتون هكذا بلا معنى وبلا غاية و لا هدف ، هل الشيخ الشهيد عماد عفت و الشهيد مينا دانيال مات هكذا بسبب حركات بهلوانية ، أم جسدا باستشهادهما ملحمة وطنية نادرة
هل الشيخ عماد عفت الذي ترك أطفالا رضعا وزوجة في ريعان الشباب مات هكذا عبثا .أم ليجسد المعنى العميق للشهادة و الاستشهاد .
هل ضحكت نوارة نجم على أبيها الشاعر الكبير احمد فؤاد نجم لما اتصل بها يوم 25 جانفي وسألها قائلا و بالحرف : أنت فين يا نوارة ، فردت عليه ، أنا في وسط البلد فقال لها :أنت تعملي إيه في وسط البلد ،قالت بالحرف أنا بحرر مصر .
لكن نوارة ابنة الشاعر الكبير لم تسأل نفسها لما أخبرتها أم زينب أن أباها لما أنهى المكالمة مع ابنته أجهش بالبكاء . لم تسأل نوارة نفسها لماذا بكى أحمد فؤاد نجم
عندما تجيب نوارة نجم عن ذلك السؤال عندها تعرف أن الثورة نجحت
لكن النوارة لا أقول لا تعرف إنما تجهل أن الثورة هدفها الأول هو إسقاط النظام القديم وهو الهدف الذي أنجزت ثورة الشعب المصري الذي اسقط الفرعون ،أسقط الواحد الأحد وانتقل بمصر إلى الكثرة و التعدد ، هنا يكن جوهر الثورة وأصالتها وعبقريتها ، أما بناء النظام الجديد و التأسيس لمرحلة أخرى جديدة ،فهذا يتطلب الوقت والنفس الطويل الذي تفتقده نوارة نجم.
رغم ذلك ، ستظل أجمل وأروع وألذ نوارة

محمد نور الدين said...

نوارة نجم: هل ضحكت على أبيها
المناضلة و الناشطة السياسية و الصحفية نوارة نجم ابنة الشاعر الكبير أحمد فؤاد نجم التي لقبت بحق أيقونة الثورة لدورها الكبير في ميادين مصر وتغطيتها الإعلامية على الفضائيات . بخاصة تلك الزغروتة المدونة التي أطلقتها ، على قناة الجزيرة ،مباشرة بعد سقوط النظام .
نوارة نجم التي أصبحت لازمة الثورة في مصر نشرت مقالا بجريدة التحرير هذا الأسبوع ،لا أقول انقلبت على الثورة إنما نعتتها بوصف لم يجرؤ حتى الفلول على وصفها بذلك .
ماذا قالت نوارة نجم ، قالت بالحرف " فماذا أكتب للناس؟ هل أقول لهم إننا كنا فى السيرك، وإنه لسبب ما تم اختيار مجموعة منا لأداء الألعاب الخطرة التى تسلى الجماهير، وتجعلهم يفغرون أفواههم دهشة .
ثم تضيف " والآن لا نبحث سوى عن أصدقائنا الذين اعتقلوا وهم يؤدون فقرتهم فى سيرك الثورة.. أكتب أقول كده؟ طب أدينى كتبت قلت كده.. انبسطت انت؟ على الله تكون انبسطت"
لا اعتقد أن أحدا ينبسط من هكذا وصف لثورة أنهت 7 آلاف سنة من الاستبداد والظلم و الغبن و الهوان و حكم الاستعمار وسلالات الأجانب.
لا أريد أن احكم على النوارة باليأس والاستسلام و الكثير من التسرع ،و الكثير أيضا من ضيق الأفق .
لكن أريد أن أسأل :هل شهداء ميادين مصر كانوا يقومون بحركات بهلوانية داخل السيرك، هل الأمهات كانوا يتفرجون داخل السيرك على فلذات الأكباد وهم يموتون هكذا بلا معنى وبلا غاية و لا هدف ، هل الشيخ الشهيد عماد عفت و الشهيد مينا دانيال مات هكذا بسبب حركات بهلوانية ، أم جسدا باستشهادهما ملحمة وطنية نادرة
هل الشيخ عماد عفت الذي ترك أطفالا رضعا وزوجة في ريعان الشباب مات هكذا عبثا .أم ليجسد المعنى العميق للشهادة و الاستشهاد .
هل ضحكت نوارة نجم على أبيها الشاعر الكبير احمد فؤاد نجم لما اتصل بها يوم 25 جانفي وسألها قائلا و بالحرف : أنت فين يا نوارة ، فردت عليه ، أنا في وسط البلد فقال لها :أنت تعملي إيه في وسط البلد ،قالت بالحرف أنا بحرر مصر .
لكن نوارة ابنة الشاعر الكبير لم تسأل نفسها لما أخبرتها أم زينب أن أباها لما أنهى المكالمة مع ابنته أجهش بالبكاء . لم تسأل نوارة نفسها لماذا بكى أحمد فؤاد نجم
عندما تجيب نوارة نجم عن ذلك السؤال عندها تعرف أن الثورة نجحت
لكن النوارة لا أقول لا تعرف إنما تجهل أن الثورة هدفها الأول هو إسقاط النظام القديم وهو الهدف الذي أنجزت ثورة الشعب المصري الذي اسقط الفرعون ،أسقط الواحد الأحد وانتقل بمصر إلى الكثرة و التعدد ، هنا يكن جوهر الثورة وأصالتها وعبقريتها ، أما بناء النظام الجديد و التأسيس لمرحلة أخرى جديدة ،فهذا يتطلب الوقت والنفس الطويل الذي تفتقده نوارة نجم.
رغم ذلك ، ستظل أجمل وأروع وألذ نوارة

محمد نور الدين said...

نوارة نجم: هل ضحكت على أبيها
المناضلة و الناشطة السياسية و الصحفية نوارة نجم ابنة الشاعر الكبير أحمد فؤاد نجم التي لقبت بحق أيقونة الثورة لدورها الكبير في ميادين مصر وتغطيتها الإعلامية على الفضائيات . بخاصة تلك الزغروتة المدونة التي أطلقتها ، على قناة الجزيرة ،مباشرة بعد سقوط النظام .
نوارة نجم التي أصبحت لازمة الثورة في مصر نشرت مقالا بجريدة التحرير هذا الأسبوع ،لا أقول انقلبت على الثورة إنما نعتتها بوصف لم يجرؤ حتى الفلول على وصفها بذلك .
ماذا قالت نوارة نجم ، قالت بالحرف " فماذا أكتب للناس؟ هل أقول لهم إننا كنا فى السيرك، وإنه لسبب ما تم اختيار مجموعة منا لأداء الألعاب الخطرة التى تسلى الجماهير، وتجعلهم يفغرون أفواههم دهشة .
ثم تضيف " والآن لا نبحث سوى عن أصدقائنا الذين اعتقلوا وهم يؤدون فقرتهم فى سيرك الثورة.. أكتب أقول كده؟ طب أدينى كتبت قلت كده.. انبسطت انت؟ على الله تكون انبسطت"
لا اعتقد أن أحدا ينبسط من هكذا وصف لثورة أنهت 7 آلاف سنة من الاستبداد والظلم و الغبن و الهوان و حكم الاستعمار وسلالات الأجانب.
لا أريد أن احكم على النوارة باليأس والاستسلام و الكثير من التسرع ،و الكثير أيضا من ضيق الأفق .
لكن أريد أن أسأل :هل شهداء ميادين مصر كانوا يقومون بحركات بهلوانية داخل السيرك، هل الأمهات كانوا يتفرجون داخل السيرك على فلذات الأكباد وهم يموتون هكذا بلا معنى وبلا غاية و لا هدف ، هل الشيخ الشهيد عماد عفت و الشهيد مينا دانيال مات هكذا بسبب حركات بهلوانية ، أم جسدا باستشهادهما ملحمة وطنية نادرة
هل الشيخ عماد عفت الذي ترك أطفالا رضعا وزوجة في ريعان الشباب مات هكذا عبثا .أم ليجسد المعنى العميق للشهادة و الاستشهاد .
هل ضحكت نوارة نجم على أبيها الشاعر الكبير احمد فؤاد نجم لما اتصل بها يوم 25 جانفي وسألها قائلا و بالحرف : أنت فين يا نوارة ، فردت عليه ، أنا في وسط البلد فقال لها :أنت تعملي إيه في وسط البلد ،قالت بالحرف أنا بحرر مصر .
لكن نوارة ابنة الشاعر الكبير لم تسأل نفسها لما أخبرتها أم زينب أن أباها لما أنهى المكالمة مع ابنته أجهش بالبكاء . لم تسأل نوارة نفسها لماذا بكى أحمد فؤاد نجم
عندما تجيب نوارة نجم عن ذلك السؤال عندها تعرف أن الثورة نجحت
لكن النوارة لا أقول لا تعرف إنما تجهل أن الثورة هدفها الأول هو إسقاط النظام القديم وهو الهدف الذي أنجزت ثورة الشعب المصري الذي اسقط الفرعون ،أسقط الواحد الأحد وانتقل بمصر إلى الكثرة و التعدد ، هنا يكن جوهر الثورة وأصالتها وعبقريتها ، أما بناء النظام الجديد و التأسيس لمرحلة أخرى جديدة ،فهذا يتطلب الوقت والنفس الطويل الذي تفتقده نوارة نجم.
رغم ذلك ، ستظل أجمل وأروع وألذ نوارة

Unknown said...

شيلي البلوك عن اكونتي على تويتر يا نوارة www.twitter.com/drmonajjar

محمد نور الدين said...

لا هنا و لا هناك لماذا تتجاهلين اصدقائك و محبيك
كل رمضان وأنت بألف خير

محمد نور الدين said...

يا أفندم قد أكون طويلة اللسان، كئيبة المزاج، عنيفة الطباع، لكننى أبدًا لم ولن أكون دنيئة الخصال ولا لامؤاخذة واطية.

لمن هذا الكلام العنيف جدا

محمد نور الدين said...

http://www.youtube.com/watch?v=CMmEXG-idV8

جلال كمال الجربانى said...

لابد من الضغط بكل الوسائل للافراج عن كل من حوكم محاكمه عسكريه

جلال كمال الجربانى said...

لابد من الضغط بكل الوسائل للافراج عن كل من حوكم محاكمه عسكريه

salem elkotamy said...

مبروك يانوارة وعقبال البكاري و الثوارالصغار

شمس العصارى said...

مبرووووووووووووووك يا نوارة
الف مبروك
ابقى اعزمينا على الفرح :)

شمس العصارى said...

مبروووووك يت نوارة
الف مبروك
ابقى اعزمينا على الفرح :)

Unknown said...

علي فكرة دا بقي رئسك غصب عنك وعن كل امثالك كل الدول بتفتخر وتتمني ان يكون ده رئيسها واحنا شعب مش بيعجبنا العجب سبحان الله شعب نمرود وانتي ايه انتي علشان تتكلمي عن الدكتور مرسي بالاسلوب ده حتي شافك قبل الثورة ولا حد سمع لك حس كنت جبانه انما هو طول عمره رجل مكافح من الوطن

Unknown said...

ربنا يخدك يا شيخة

Anonymous said...

نفسى اعرف انتى بتشتغلى لمصلة مين وايه انتمائك لان المساله عندك ملخبطه ولا هو كره للدين وخلاص وطبعا هتقولى هو انا لو كرهت الاخوان او السلفيين اكون باكره الدين اقول لك مهاجمة كل من يتصل بالاسلام هو دابك وطبعا هلاقى انا نفس المصير من السباب منك ومن على شاكلتك ولكن اعلمى ان الله اراد لمصر الخير ولدينه ان يعود بعز عزيز او بذل ذليل والله سبحانه اهلك كل من يحاربه فى اوليائه ولا تستهينى باولياء الله يعنى كلمن يتولى الله ورسوله ويدافع عن الدين وهمه اقامة الاسلام الصحيح ودعوة الناس الى الافاقه من غفلة الذنوب وانا ادعوكى يانواره الى الوقوف مع نفسك وانك سوف تموتين وسوف تحاسبين امام الله ادعوكى الى محاسبة نفسك اين انت من الله هل تحبين الله ورسوله واولياءه وليس معنى اولياءه بالمعنى الصوفى او الشيعى ولكن بالمعنى الصحيح من يريد ان يكون كلمة الله هى العليا وان يحكم فينا كتابه الذى ارسل به محمد صلى الله عليه وسلم ومات من دونه الكثير من امة محمد فقط لعلمهم بان الله امر بهذا هيا بنا جميعا ان نتوب الى الله ونتوحد لخدمة الدين ولا ننسى اننا خلقنا فقط لعبادة الله وختاما اعتذر عن الاطاله