Sunday 21 August 2011

عندكوا وقت تسمعوني ولا فرحانين زي يوم 11 فبراير؟

وماله لما تفرحوا؟ افرحوا انتوا.. انا ربنا ما خلقنيش للفرح، خلقني لشيل الهم
انتوا ايه؟ حتروحوا؟
طبعا كل البنات بتسأل دلوقت احمد الشحات مرتبط ولا لا.. وهو بطل فعلا، بس احنا مش قاعدين هناك عشان احمد يتشعلق ويعرض حياته للخطر ويخلع قلب امه ونروح كده.. لو الموضوع واقف على احمد كان اي حد يعملها من غير اعتصام ولا مظاهرات
انا لحد دلوقت بالوم نفسي اني احتفلت مع الناس يوم حداشر فبراير وما روحتش في يومها الم ناس واقولهم خلينا قاعدين عشان كذا وكذا
مش عارفة حالتكم النفسية تسمح ولا لا.. بس افتكروا اننا قاعدين عشان السفارة دي تتقفل، والسفير ينطرد شر طردة، لا مش يسحبوه، ينطرد شر طردى، يعني مش يتخلى.. يتنحى
انا مش عايزة النهاردة يبقى زي يوم 11 فبراير وبكرة يبقى زي يوم 12 والتحريات العسكرية تنزل لابسة مدني ويقولوا الشعب يريد اخلاء الميدان ويشيلوا اللي قاعدين هيلا بيلا والناس ما تنزلش وتسمع كلامهم
مش عايزين نرجع نندم تاني، ادينا دقنا الندم وعرفنا طعمه مر ازاي، وبيدفعنا اتمان باهظة ازاي، وبيخلينا نبذل مجهود مضاعف بعد كده عشان نصلح الغلطة ازاي
احنا لازم نفتكر احنا عايزين ايه والناس اللي ما نزلتش تنزل، حننزل وحنفضل قاعدين لحد ما:
السفارة دي تتقفل بالضبة والمفتاح وما تتفتحش تاني ابدا
السفير ينطرد شر طردة 
سفيرنا يرجع بجد وما يروحش هناك تاني ابدا
المعبر يتفتح
الغاز يتوقف ضخه.. مش كل شوية حد زي الملثم وزي احمد هم اللي يحلوا المشكلة
يتم اتخاذ قرار رسمي بوقف تصدير الغاز.. فورا
اظن ده الحد الادنى من المطالب.. ومش حنتعتع الا لما نحققه، واللي ما نزلش اديه شاف احسن شباب عملوا ايه؟ المفروض اللي قاعد في بيته وما نزلش اليومين اللي فاتوا يتكسف على دمه من احمد الشحات وينزل، الولد كان حيقع اكتر من مرة، وعرض حياته للخطر عشان بلده، وكان ممكن الجيش ينشه، لولا ان الجيش والمجلس في موقف حرج ما يقدروش يعملوا كده، وربنا ستر برضه
اتكسفوا على دمكم وانزلوا.. اتكسفوا على دمكم لو عندكم دم وانزلوا
واللي موجود ما يمشيش.. مافيش الشعب يريد اخلاء الميدان تاني.. مافيش تحريات عسكرية تاني.. باشكر احمد الشحات وباشكر الملثم

84 comments:

Unknown said...

good point !

Unknown said...

u have a point !

medhat ali said...

انا معاكى فى كل اللى انتى قلتيه فعلا احنا غلطنا يوم مامشينا يوم 11 فبراير كانت غلطه عمرنا بجد لان لحد الوقتى حق كل شهيد وكل نقطه دم نزلت مننا لسه مجاش وولا هاييجى طول ما المجلس البتنجانى دة موجود
لازم نفوق شويه ونعرف ان ماحك جلدك مثل ظفرك
وحق الشهدا احنا وراه وراه لحد ماييجى لانموت زيهم
وتسلمى بجد يانوارة انا بموت فيكى بجد انت بت بميت راجل

mahmoud_0120 said...

معاكى حق زى ما كان مجلس الشعب وانتخابات الرئاسة القشة التى كسرت ظهر البعير ..... ضرب حدونا وجنودنا فى سيناء هتكون القشة التى تقطم ظهر مجلس العار .... وتبين للشعب انة مجلس ماشى على خطى مبارك

مع نصرالله لكن مع الشعب السوري said...

الجزيرة مصر تنقل افراح الشعب المصري و الجزيرة الام تنقل افراح الشعب الليبي

شكرا جزيلا للاعلام الحر ,,,,

مع نصرالله لكن مع الشعب السوري said...

الجزيرة مصر تنقل افراح الشعب المصري و الجزيرة الام تنقل افراح الشعب الليبي

mahmoud_0120 said...

فعلا نوارة زى ماكانت انتخابات مجلس الشعب هى القشة التى كسرت ظهر البعير ....هتكون احداث سينا هى ايضا القشة التى تقطم ظهر المجلس العار... التى يمشى على خطى المخلوع

Unknown said...

عندك حق ، بس الفرحة كبيره

Unknown said...

عندك حق ، بس الفرحة كبيرة

Abeer hussien said...

انا قررت النزول من قبل ما اقرا تدونتك يا نوارة
احنا اتعلمنا ما تقلقيش

blueroseash said...

الف مبروك العلم وعقبال ماتكمل الثورة بشباب زي الورد شباب مصر بالنسبة للملثم مش عارفى الخبر ده كيد ولا لأ بس لقيته على الفيس بوك انتي اقدر على تأكيده من عدمه
https://www.facebook.com/photo.php?fbid=254130611275054&set=a.202981306389985.46925.202949823059800&type=1&theater
مبروك تاني واوعو تروحو المرة دي هايدبحوكو عشان يخلصو منكو لأنهم اتأكدو الناردة انه لا محاكمة ولا تعذيب ينفعو.. الله يرحم شهدائنا وافتكرو سليمان خاطر واللي بعده كمان

hamada_abuzad said...

انشاء الله هنجيب ضلفها وهنقدر نعمل رد عملى بس محتاجين الاغلبيه الصامته النايمه على صرصور ودنها ولتصح بس مع دقه الطبله فى الافراح يشاركونا ميستنوش لغايط مالسفير يتنحى .... ااقصد ينطرد

Hamdyyoussef.blogspot.com said...

Last Days Events: This Is How US & Israel Help Mubarak's Generals To Stay In Power In Egypt !!!!

www.IslamicInternational.BlogSpot.com,
www.drhamdyyoussef.com

Abu Farid said...

يا نوارة ممكن انك مصدقه نفسك الى هذا الحد؟ عموما انا مش هالحق اقولك دلوقتى لكن بكره ان كان لينا عمر هقولك ان من يجب ان ينكسف هو كل من كان فى التحرير بعد اليوم الى ذكرتية بس ها قولك ايه فعلا التعليم كان متدهور السنيين الى فاتت و أثمر عقول لا تستطيع ان تفكر و لكن تنقاد لمن يستطيع ان يرص كلمتين جنب بعض ايا كان مضمونهم...خلينا لبكرة يا نواره نجم

Anonymous said...

ربنا يقويكم

شمس النهار said...

اية العنترية دي يا حلوة اية المطلوب اية المخطط عموما لو انا منك البس حزام ناسف وافجر السفارة وبكدة نخلص منك ونخلص من السفير وبكدة تكون امريكا خسرت واحدة من اهم صانعي الفوضي الخلاقة ومتخافيش الامريكان وقطر هيصرفوا مبلغ كويس لبابا يفيدة في شراء صنف بيور لان كل شيئ في مصر بقي مغشوش واسالي حمزاوي

مصطفى موافي said...

ها؟

مصطفى موافي said...

راجل يا نوراة بس متزعليش

Mahmoud said...

يا بنت الذينا يا نوارة
طب انا مش هاسأل احمد الشحات مرتبط والا لأ.. انتي انتي.. انتي مرتبطة؟؟

samba said...

مع فخرى واعتزازى بانى احمل الجنسية المصرية الذى يحملها احمد الشرقاوى الا ان هذة المغامرة الناجحة كانها هتاف يشعل حماس المتظاهرن ولكنها ليسست نهاية مطاف لابد وان ينتهى بنهاية السفاحين

أحمد حسين said...

اتكسفوا على دمكم وانزلوا.. اتكسفوا على دمكم لو عندكم دم وانزلوا
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الكلام كان جميل جداً ومنطقى بس ايه اتكسفو دى
بتتهموا اللى بيداروا ورا الدين عشان
يحققوا مطالبهم دلوقت بتدارى ورا النخوه والرجوله ولوعندكم دم
على فكر ان كان نفسى ابقى موجود هناك
بس انا للأسف مش من القاهره ومينفعش ابقى هناك

أحمد حسين said...

اتكسفوا على دمكم وانزلوا.. اتكسفوا على دمكم لو عندكم دم وانزلوا
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الكلام كان جميل جداً ومنطقى بس ايه اتكسفو دى
بتتهموا اللى بيداروا ورا الدين عشان
يحققوا مطالبهم دلوقت بتدارى ورا النخوه والرجوله ولوعندكم دم
على فكر ان كان نفسى ابقى موجود هناك
بس انا للأسف مش من القاهره ومينفعش ابقى هناك

shekoobomm said...

عزيزتى نوارة لكى دعمى الكامل يا بنت ابوها وامها واوعى تبطلى لانك لوحدك وزارة اعلام شاملة للثورة وربنا يخليكى و يبارك فيكى والشباب اللى زيك ولا يهمك من السفلة بتوع الفلول لا يستحقوا الرد

Ahmed Kudo said...

Great words :)

Aly Ragab said...

عاوزين نعدل الاتفاقية كمان

Aly Ragab said...

عاوزين نعدل الاتفاقية كمان

entSar said...

هو ده الكلام الصح
ولازم يحصل كده انا لو فى كايرو كان زمانى قاعده معاكم والله
بس لازم مع كل ده نصر على مطالب ثورتنا لان الثوره تاهت فى وسط الهيصه دى.

خواطر مصطفى دسوقى said...

مسوده مبيضه كام عسكرى ماتوا والعسكرى المجلس ساكت على ولاده وكانهم مش جند بيحموا اراضينا والدم الى بيروى ارضنا فى سينا مش دم بلدينا بيقولوا اسكت بقى وكان صوت الصراخ مزعج لاعادينا هاسكت خلاص وخرست فين دم اخواتى فين غازى ثرواتى فين ارضى الى دفعت من الشهداء فيها الوف عشان يبيعها منوفى ما هو اصله كان حلوف حرق العلم فرحه بس ايه الفايده ان كان كام قتيل يتنسوا بحرق علم السفاره يبقى اليهود هيملوا بلدنا اعلام يقتل شبابنا الصبح ونحرقها ونهيص وننسى دم الشهيد ونروح بيوتنا ننام

entSar said...

هو ده الكلام الصح يانواره
وانا لو فى كايرو كان زمانى معاكو والله ومع كل ده لازم نصر على مطالب ثورتنا الاساسيه عشان الثوره تاهت وسط الهيصه دى

entSar said...

هو ده الكلام الصح يانواره
وانا لو فى كايرو كان زمانى معاكو والله
ومع كل ده ياريت ماتنسيش لازم نصر على مطالب ثورتنا الاساسيه
عشان ثورتنا تاهت وسط الهيصه دى

mohammed said...

صوتك ده يا نوارة ؟؟؟؟ يخرب مطنك خلتينى اعيط
http://www.youtube.com/watch?v=PVDXnB97WMI&feature=youtu.be

كليب أحمد و هو بيتسلق العمارة

Nihaya Qawasmi said...

يسعدك يا بنت مصر الأصيله. فلسطين مش رح تنسى وقفتكم معنا يا ابطال مصر

mexxy said...

لابد من اعلان الحرب وليكن ما يكون حنى لو راحت سيناء مرة اخرى مش مهم, المهم كرامتنا هو احنا خدنا ايه من سبناء غير شرم الشيخ ياخدوها مش عاوزينها,ولو مات مننا 20 مليون ايه المشكلة,الكرامة اهم, يللا يا طنطاوى اعلن الحرب زهقنا خلاص

basbosa said...

تسلمى يا نوارة

Ines Shehata said...

ايه يا نؤنؤ ؟؟ نسيتي تعديل الاتفاقية كمان ولا ايه ؟؟ ده اهم واحد ... كفاية ذل وعار بقى

Ines Shehata said...

ايه يا نؤنؤ ؟؟ نسيتي تعديل الاتفاقية ولا ايه ؟؟ دي اهم حاجة .. كفاية بقى ذل وعار

عبدالله العبداللطيف said...

مافيش الشعب يريد اخلاء الميدان تاني.. مافيش تحريات عسكرية تاني

عبدالله العبداللطيف said...

مافيش الشعب يريد اخلاء الميدان تاني.. مافيش تحريات عسكرية تاني

Mohammad Sulaiman said...

والله معاكى حق لازم الى عندهم دم ولمعندهمش ينزلو علشان مصر والشهداء الى دمهم لسه منشفش والحمد لله ان عندنا فى مصر نواره انا افدى التراب الى هبتمشى عليه . تتجوزينى ياعسل ؟؟ هههههههههه fantasticUK ابن المنصوره

خالد المصرى said...

احييك على وطنيتك و روحك
و لكن
افتكرى النقطة الفارقة الى فرقت بين الشعب و الثوار بعد الاعتصم الاخير ؟؟؟!؟
انتى بدعوتك دى بتقتربى من النقطة دى تانى
ادعى ان معظم الناس اللى قرلأت و عرفت ارائعم يدعون لسحب سفيرنا و ليس لخطوه مثل اللى بتدعى لها
ارجو انك تراجعى نفسك .. احنا معانا فرصه ذهبية لتجميع الشعب تانى .. يا ريت منضيعهاش

MAHMOUD607 said...

اولا الرسول عليه الصلاة والسلام قال في حديثه انما بعثت لاتمم مكارم الاخلاق و الشاعر احمد شوقي قال انما الامم الاخلاق ما بقيت فان هم ذهبت
اخلاقهم ذهبواوانت يانوارة باعترافك ان اخلاقك زيرو وكلامك على تويتر وشتميتك لشيوخنا مش هتيجي تعلمينا وتركبي الموجة وتبقى حامية الحمى
فلسطين قضيتنا وخلى لسانك الجميل في شتيمة المجلس العسكري وان شاء الله بدون مقاطعة نشوفك جنب اخواتك في النيابة العسكرية

MAHMOUD607 said...

اولا الرسول عليه الصلاة والسلام قال في حديثه انما بعثت لاتمم مكارم الاخلاق و الشاعر احمد شوقي قال انما الامم الاخلاق ما بقيت فان هم ذهبت
اخلاقهم ذهبواوانت يانوارة باعترافك ان اخلاقك زيرو وكلامك على تويتر وشتميتك لشيوخنا مش هتيجي تعلمينا وتركبي الموجة وتبقى حامية الحمى
فلسطين قضيتنا وخلى لسانك الجميل في شتيمة المجلس العسكري وان شاء الله بدون مقاطعة نشوفك جنب اخواتك في النيابة العسكرية

2bo 3li said...

ربنا يستر ده احنا داخلين علي ايام زي الزفت ده غير ان المجلس دلوقتي لواء بعقليه شاويش اقل ما استطيع وصفه بيه

هشام كامل said...

السفارة في العمارة
والعمارة عالميدان
و الميدان مليان و زحمة
صوته يهدر يهز روحنا
و اللي مش واقف هناك
يمكن مش هايفهم ايه بأقول
غير لما ينزل و يروح الميدان

شوف ياصاحبي
ياللي ماوقفتش هناك
اللي واقف في الميدان ...
ودنه ... مابتسمعش حاجة
غير هتاف ضد الجبان
عينه ... ما بتشوفشي حاجة
غير الوف رافضة تنام
حالفة لتجيب حق الشهيد
حالفة تصهر الحديد
أما قلبه ...
قلبه ... مايحسش بحاجة
قد فرحه للشهيد
و قد شوقه
يكون كمان هو شهيد

اللي واقف في الميدان
شاف بعينه
شاب مصري
حب يثبت للسفير
حب يقولها كلمة
لاسرائيل
ان مصر اتغيرت
ان مصر اتحررت
ام مصر هاترد القلم
مش بس باسقاطه العلم
او باصراره تسلق جدران العمارة
او بدوسه بجزمته حيطان السفارة
مصر هاترد القلم
بالشباب ...
اللي واقف في الميدان

مرة تانية يا صاحبي
ياللي ما روحتش هناك
ياللا قوم انت كمان
هم همه
خطي خطوه
حط رجلك في الميدان
شوف بعينك
شوف بقلبك
قد ايه حبك لبلدك
ممكن يترسم جوه الميدان
و الميدان عند العمارة
اللي بكرة نقول عليها
اللي كان فيها سفارة


هشام كامل

هــــــــــانى said...

طلبان إن لم يتحققا قبل الجمعة صارا ثلاثة
طرد السفير و قطع الغاز
فإن لم يتحققا حتى الجمعة
مليونية طرد السفير الصهيونى وقطع إمدادات الغاز و الغاء معاهدة السلام

هــــــــــانى said...

الإرادة سلاح ماض
لقد أذن الله لشعب مصر أن يصحى من سبات عميق أراده له الغرب ، وقد كشفت الثورة المصرية قوة الشعب المصرى فسقط على إثرها الطغيان وأرتبك الغرب حائراً إن قوتنا فى وحدة شعبنا وكلمته الواحدة والشعب هو لحم وعظام الثورة وكل متنطع يحاول أن يلصق الثورة لنفسه هو جاهل ما أدرك الحقيقة ، فإن 12 مليون مصرى جابوا شوارع مصر وميادينها ليسوا أبداً تعداد أى فصيل أو جماعة ، بل هم مصريون متحابون أذاب الله قلوبهم فى حب وطنهم ، فإن ظهر علينا من يدعى بطولة بأن جمع 1000 شخص فهو جاهل ، وإن ظهر من يدعى بطولة بأن جمع 100 الف شخص فهو جاهل ، وإن ظهر من يدعى البطولة لان جمع مليوناً فهو جاهل ، فإن طوفان البشر الذى سيره الله فى شوراعنا هو خير دليل على قوة شعبى وعظمة شعبى وصلابته إن ثورتكم أيها المصريون سيدرسها التاريخ سنيناً طويلة وهو يعجب من التخطيط الإلهى الذى لا يضاهيه تخطيط إن الله هو من خطط لنا وحفظنا إن أمريكا وجرذان العالم ترتعد من هذه القوة وليس من سلاح نملكه ، فما فوق الإرادة سلاح إن تغيراً –إن صحت النية – وتآلف الناس سيصيب بلادنا العربية سوف يغير وجه التاريخ ومستقبله ليس فى مصر وعالمنا العربى ، بل فى العالم الذى يذخر بالقتل بإسم ديموقراطية كاذبة تفضحوها بتلاحم نسيجكم كونوا أعزة بقوتكم وأنسبوا الفضل لربكم (قل بفضل الله وبرحمته فبذلك فليفرحوا هو خير مما يجمعون(58)) سورة يونس

هــــــــــانى said...

دعوة
دعا عدد من نشطاء الإنترنت إلى إفطار جماعي أمام منزل السفير الصهيوني بالقاهرة، تحت عنوان "ارحل"؛ لإجباره على الرحيل. وقال النشطاء- في بيان لهم- إن هذه الدعوة لجموع الشعب المصري للحضور وقت الإفطار أمام منزل السفير الصهيوني بالمعادي؛ من أجل تضييق الخناق الشعبي عليه، وإجباره على الرحيل. وأضاف البيان أنها تأتي في إطار تشديد الضغط الشعبي على الحكومة المصرية لاتخاذ إجراءات أكثر حزمًا إزاء الممارسات الهمجية للعدو الصهيوني التي أسفرت عن مقتل 5 شهداء على الحدود، وفي مقدمة هذه الإجراءات طرد السفير الصهيوني.

هــــــــــانى said...

مطلبــان يتحولوا فى مليونية الجنعة القادمة الى 3 مطالب
طرد السفير الصهيونى وقطع إمدادات الغاز عن العدو وإذا لم يتحقق المطلبان حتى الجمعة يزدادوا واحداً فى مليونية طرد السقير الصهيونى وقطع الغاز والغاء معاهدة السلام

Dr.issamo said...

ماشي كلام كويس

بس أحسن تجنبا للمشاكل

خللي الحكومة المنتخبة الجاية هي اللي تكمل كل طلباتنا في الموضوع ده

وكفاية على المجلس العسكري المرتعش ما فعله وكفاية انهم سمحوا بانزال العلم واحراقه

أمل الحداد said...

وانا بشكرك يا نوارة .. من القلب يا نوارة

haroon said...

هو صحيح مامتك شيعية ؟؟؟

عبد الرحمن سالم said...

كلام صحيح ....

معاكي يا نوارة !

__
3een-wants-to-see.blogspot.com

فيلسوف زمانه said...

عايزينك تقدمى كارتون رمضان اللى جاى ونسميكى سكسكة زمبلك علشان عيالنا يضحكو عليكى هتبقى لذيذة اوى هههههههه مسخرة

محمد نور الدين said...

ست الكل مساء الخير

الجديد يولد ملوثا بالقديم

هناك مشهد يتكرر في الأفلام المصرية التي تدور أحداثها في الصعيد . مشهد المرأة أثناء الولادة فيتجمع أفراد العائلة أمام الغرفة لما تكون الداية التي نسميها عند القابلة تساعد المرأة على الوضع ولما أفراد العائلة يسمعون صراخ الجنين تعلو الزغاريد ،وبخاصة من الشغالة وتوزع الشاربات ويتخلون على الداية التي عادة نسمعها تصرخ وتطالب بإناء فيه ماء من اجل مواصلة العملية لتنظيف الجنين من بقايا القديم . وأنت يا النوارة لما زغردت يوم التنحية وكل الأمة العربية سمعت تلك الزغرودة كنت في وضع يشبه الشغالة لأنك اعتبرت المهمة قد انتهت . ويومها إذا كنت تتذكرين قلت لك المعركة لم تبدأ و بالحرف قلت لك معركتكم المقبلة مع البوليس السياسي الذي يسمى عندكم أمن الدولة لكن رحت تباركين الحكام الجدد الذين هم جزء من النظام بل وقعت في غرامهم وبدأت الرسائل المذيلة بسهم وقلبين ولم تلتفتي لنصائح أصدقاء المدونة ، بل اعتبرت كل رأي مخالف ثورة مضادة . ولم تفوقي من غفوتك إلا على الضرب على قفاك .
هل تعلمين لما تتكرر أخطاؤك ؟
ذلك يعود إلى سبب بسيط جدا ،أنك لم تخلقي لتكوني سياسية
يا بنت أحمد فؤاد نجم اقتدي بأبيك فهو لم يكن سياسي بل كان مناضلا وهناك فرق بين المناضل و السياسي .

ملحوظة
في لقاء أمس مع محمود سعد كنت جميلة جدا بخاصة طريقة وضع الماكياج تعبر عن ذوق رفيع .وبمنتهى الصراحة أول مرة أراك تضعين طرحة جميلة جدا لأنك في السابق كنت تضعين الطرحة وكأنك واحدة جاية من كفر البطيخ
تحياتي

hardway said...

سكسكة المناضلة..مش لايقة معاك المناضلة
سكسكة الزمبلك..لايقة لايقة عليك......
ايه العرض في الجيزة علي كوبري الجامعة
مش جايب معاك.؟
عايزة زحمة..تكدس العدد مش جايب معاك الفين تلاته يعملوا ايه شوفي يا سكسكة العدد لن يزيد عن ذلك بل يمكن كمان يتناقص..المصيبة السوده انك مش فاهمة قصة التحرير..فاهمة انك وصحابك هما سبب التحرير..واهمة انك في اي مكان تقفي فيه واصحابك..مصر كلها هاتنزل معاكم.....
حقيقي سكسكة زمبلك...لا وشوف العبط والهرتله قال كل البنات بتسأل عن أحمد الشحات هل هو مرتبط.؟
احمد الشحات عنده شقة..عنده وظيفة..عنده دخل علشان يفتح بيت..عنده صحة حتي يستطيع القيام بواجباته الزوجية..لا..لا..لا..لا..لا
عنده..علم نجمة داوود..اتلفي به ياسكسكة

hardway said...

شوفي ياسكسكة زمبلك
نزول تاني...مفيش
حشد تاني ...مفيش
تكدس تاني ...مفيش
ياسكسكة
الارض لا تحرر..بالنزول
الأرض لا تحرر..بالحشدوالهتافات
الأرض لا تحرر..بواحد أتنين...
الارض لا تحرر..بحي علي الجهاد
الارض لا تحرر..بأنزلوا أنزلوا
الارض تحرر و الأرادة تحرر..ده كلام أكبر
من سكسكة زمبلك

mutargim said...

http://al-agenda.blogspot.com/2011/08/blog-post_21.html

mutargim said...

يوم 11 فبراير فرحتوا و روحتوا ....
و للمرة الثانية يوم ما أحمد الشحات نزل العلم فرحتو ا و روحتوا
تقدروا تقولولي ليه بتروحوا بدري
وكان المصري عجولا ... بمجرد ما تراضيه بسرسوب فرح محدود ينتشي ويتمايل طربا وتأخذه الغبطة فينسى حقه وحق من معه و من يعولون عليه
ممكن تفك اضراب عمال بوجبة ساخنة أو نص كيلو كباب حصلت والله
ممكن تفض مطالب عاملين وموظفين بإعطاء يوم أجازة بدل يوم عمل أو صرف مكافأة يوم
ممكن تسكت أسر شهداء بدية مالية مضحكة يشرف على شرعنتها شيخ سلفي مشهود له بالجنة
ممكن تاكل عقل المصريين بأبسط شئ .. و يابخت من حكم

almosalem said...

كل الاحترام والتقدير لنوارة مصر

Anonymous said...

عزيزتى نواره....ابصم بالعشرة على كل ما قلتيه.... ولكن من يفرض شروطه هو الأقوى .... تعتقدى من الأقوى ؟ رحم الله مجلس عرف قدره

Tears said...

لما بتغلطى بترجعى تعترفى بشجاعه و تقولى انك غلطانة

كنا بنتريق على العقيد عفيفي و نقول كداب...روحى على صفحته على الفيس ح تلاقيه عامل فيديو من اربع شهور قايل فيه اللى حصل فى سينا بالضبط

المهم دلوقتى ان الدور على قناة السويس و هو كاتب تفاصيل و انا مصدقاه لانى جربت كلامه بدل المرة عشرة و كل مرة يطلع هو الصح

سليمان و طنطاوى هم باقى ذيول مبارك و ويكليكس اللى انتى فرحانه بيه متسرب بمزاج امريكيا و راجعى اللى اتسرب ح تلاقيها استفادت منه..هى بس كانت بتضف شوية حاجات و بتضحى بالمكشوف

nosseir said...

مرة اخرى اقولك....انتوا بتعرفوا تدوسوا بنزين ...بس مش بتعرفوا تدوسوا فرامل....فى دماغ ثورية ...وفى دماغ ملوخية ...واللى بتقولية الان عن طرد السفير وقطع كل العلاقات مع اسرائيل وبالمرة بقى يا ريت نعلن الحرب ....اسمها دماغ ملوخية ....نفس الروح اللى كانت عندنا قبل نكسة 67...الناس دة ما بتتعلمش؟ دوسى فرامل يا سكسكة زمبلك

hardway said...

سكسكة..أنت مازلت اسفل السفارة......
منتظرة سحور السلفيين..وأفطار الاخوان
مافيش حاجة جاية من تميم ولا بلال.....
هي الناس دي راحت فين..؟؟؟؟؟؟؟؟
حلوة حكاية الثورة والثوار..تصريحات فضائيات..شباب مع بنات طول اليوم..سحور
أفطار بلوشي..بوكت ماني من ماما أمريكا
والثورجي/ناصر عبد الحميد مطول ذقنه
والثورجي/ شادي و مصطفي النجار نازلين تـخـن وكرش...كتر من ابو بلاش
اما ابو الثورجية/ محمد عادل وتابعه ماهر نفسهم مكسورة من يوم علقة العباسية
وسكسكة طول الوقت ..أنزلوا..أنزلوا
ننزل فين يا سكسكة ..ننزل نرقص معاك

hardway said...

سكسكة..أنت مازلت اسفل السفارة......
منتظرة سحور السلفيين..وأفطار الاخوان
مافيش حاجة جاية من تميم ولا بلال.....
هي الناس دي راحت فين..؟؟؟؟؟؟؟؟
حلوة حكاية الثورة والثوار..تصريحات فضائيات..شباب مع بنات طول اليوم..سحور
أفطار بلوشي..بوكت ماني من ماما أمريكا
والثورجي/ناصر عبد الحميد مطول ذقنه
والثورجي/ شادي و مصطفي النجار نازلين تـخـن وكرش...كتر من ابو بلاش
اما ابو الثورجية/ محمد عادل وتابعه ماهر نفسهم مكسورة من يوم علقة العباسية
وسكسكة طول الوقت ..أنزلوا..أنزلوا
ننزل فين يا سكسكة ..ننزل نرقص معاك

متفائل said...

أقرأي مقال إبراهيم عيسى في هذا الموضوع وتعلمي الفرق بين الفكر السياسي السليم والغوغائية التي تدمنينها كالأفيون

http://www.dostor.org/editorial/11/august/22/51886

علان العلانى said...

أشباح الأخطاء الناصرية فى حرب 67 تهيمن على عواجيز التحليل السياسي، يبدو أنهم يقرأون السياسة الدولية بعقول لم تغادر مرحلة ستينيات القرن الماضي اسرائيل لا تستطيع ان تفتح جبهة مع مصر حتي لو شنق السفير الأسرئيلى على سارية علم سفارته

طيوري said...

صورتلك الشمس النهاردة الصبح يابنتي
بس كتبت الكومنت هناك
ومش عارفة ابعتهالك ازان وعلى تويتر انا مابفهمش وانت السبب شككتيني في ثقتي في نفسي لانك اول واحدة كتبتلها على تويتر وماردتيش قلت يبقى انا مابفهمش ودمتم

Anonymous said...

التاريخ يعلمنا : ٧ يونيو١٩٨١: صافح بيجين السادات فى استراحة القناطر،بينما طائراته تدمر مفاعل تموز النووى العراقى وفى ٢٦ ديسمبر ٢٠٠٨ : صافحت ليفنى مبارك وأبو الغيط،فى شرم الشيخ،وفى اليوم التالى،بدأت مجزرة أطفال غزة. د. شريف عبد الحكم

احلام جوليا said...

امس في احد البرامج التليفزيونية استضافوا مفيد فوزي الشخص الاكثر غرورا وسخفا في تاريخ المذيعين المصريين والاكثر نفاقا وقام المذيع بمواجهته بكلمات سبق وقالها من عام واحد بمدح مبارك وجمال مبارك ولكنه حور الكلام كعادته وقال ان مبارك كان واعدا ثم تغير فواجه المذيع بان هذا من عام واحد فكرر نفس الكلام الخايب وعندما جاءت سيرة الاخوان المسلمين والفتنه في مصر قال الكلب للمذيع انت ضيف عليناانا مسيحي قبطي وصاحب البلد احب من عندك اوجه كلمتين للكلب عندما دخل العرب لمصر وجيوش المسلمين بقيادة عمرو بن العاص اسلم كثير من الاقباط المصريين وقله هم من ظلوا على دينهم والاقباط الذين اسلموا اصحاب الارض المصرية هم اجدادنا نحن المسلمين المصريين وليس العرب لان مصر بعيده عن جزيرة العرب في زمن يستخدم الخيل والجمال وقله من الجنود العرب من استقروا في مصر بممن فيهم قائدهم عمرو بن العاص ويجب ان يفهم الكلب مفيد ولا مضر اننا لسنا ضيوف في بلادنا وان المسلمين 75% من المصرين يعني اغلبية في بلد تبحث عن الديمقراطية وان الحكم لنا ومصر لنا مسلمة يجب ان يخبره احد انه اذا كانت الحكاية بالاقدمية فان الوثنين وعبده الشمس هم الفراعنة الاوائل ولو كانت بالاقدمية لكان عبد ه الشمس هم اصحاب الارض والمسيحين هم الضيوف عليهم والواقع ان مصر مسلمة عربية رغم انف الحاقدين وان مفيد السخيف لازم يفهم ان الي قاله اهانة لمسلمين مصر يجب ان يعاقب عليها ويسأل عليها لانه يثير الفتنة من جديد ويستفز مشاعر المسلمين اصحاب البلد التي يعيش فيها ولما يقول ان جمال مبارك افضل من الاخوان المسلمين يبقى مش بس بيثير الفتن ده مش عاجبه حكم الاسلام في بلد مسلم يبقى احسن له ينطرد بره البلد ويعيش في اي بلد مسيحي احسن له ولنا والكلام ده موجه لمفيد وحده ومعه فقط كل من يقول عن اهل البلد ضيوف ولكن باقي المسيحين اخوانا وموالينا كما قال النبي عليه افضل صلاة وسلام

حسن محمد على said...

يا نوارة : اقلعى طاقية الاخفا بقى......................اظهر وبان عليكى الامان ,والفرح والسعادة اتخلقوا مكافئة للشاطرين اللى زيك

قلم رصاص said...

دايما نواره بأفكارك وشجاعتك وحماسك
وحبك لبلدك

نؤيدك دائما يا أستاذه
:)

Anonymous said...

و الله النزول بالنسبه لى صعب لان بابا بيرفض وطبعا ماقدرش انزل بدون اذنه هيه دى الدكتاتوريه الابويه ولازم نكون راضيين بالمكتوب

Anonymous said...

ما شاء الله عليكى يا نواره

hardway said...

لالالالالالالالالالالا
العلقة نفعت وعملت العمايل
فين الثورة يا ثورجية..........
ياكدابة....يا منافقة

حسن محمد على said...

لما نوارة ما تكتبش ...يبقى فية حاجة؟؟؟ المهم ان التاس قلقانة عليكى انتى فين يا استاذة؟؟؟؟؟؟ اكتبى اى جملة من سطر واحد .........

esamali71 said...

السلام عليكم

أنت فين يا نوارة بقالك فترة منقطعة عن الكتابة على المدونة
ياترى اية رأيك فى اللى بيحصل من المجلس العسكرى
وياترى لسة منحازة للمجلس وأنه حما الثورة
للأسف الثورة اتسرقت عن طريق مجلس اتباع مبارك
والشعب الغلبان فاكر ان الجيش حمانا من تنكيل مبارك
كلهم اتباعه وانصاره وكلهم يدينون له بالولاء لتعيينهم بهذة المناصب
من أول المشير لأصغر لواء فاسدين وناهبى ثروات الجيش

كل ثورة وانت طيبة

esamali71 said...

السلام عليكم

أنت فين يا نوارة بقالك فترة منقطعة عن الكتابة على المدونة
ياترى اية رأيك فى اللى بيحصل من المجلس العسكرى
وياترى لسة منحازة للمجلس وأنه حما الثورة
للأسف الثورة اتسرقت عن طريق مجلس اتباع مبارك
والشعب الغلبان فاكر ان الجيش حمانا من تنكيل مبارك
كلهم اتباعه وانصاره وكلهم يدينون له بالولاء لتعيينهم بهذة المناصب
من أول المشير لأصغر لواء فاسدين وناهبى ثروات الجيش

كل ثورة وانت طيبة

احلام جوليا said...

في محاكمة مبارك تم السماح ل1700 محامي كويتي بالدفاع عن مبارك كيف يحدث هذا ؟؟؟ هناك مبدأ قانوني يسمى المعاملة بالمثل : وفي المحاكم الكويتية لا يسمح للمحامي المصري بالدفاع او ممارسة اي شكل من اشكال القانون يبقى ازاي يتسمح للمحامي الكويتي بالدفاع في المحاكم المصرية اليس في هذا ظلم بين !!!!!!!!!!! وكيف يحدث هذا بعد الثورة امازلنا نكيل بمكيالين والعدد المهول من المحامين هذا الن يؤثر على سير القضية حسبنا الله ونعم الوكيل لا ثورة ولا محاكم حيجيبولنا حقنا مفيش غير ربنا هو القادر على كل شئ اللهم يا منتقم يا جبار اتنا حقنا غير منقوص في الدنيا والاخرة وارنا في الظالمين يوما يارب

سمسمة said...

ارجوا الانتباه لما يحدث في نقابات المحامين ومحاولة سيطرة امن الدوله ثانيا علي مجالسها وحماية تابعيهم من المحامين المعروفين .. خاصة نقابة بورسعيد لان امن الدولة والنظام البائد كان مسيطر عليها سواء بالحزب الوطنى او البعض من الحزب الناصرى او حزب الوفد وللاسف اشهر الشخصيات من المحامين الذين لا ينتمون لاحزاب في المحافظة وخاصة المشهورين في الحقل الجنائي ... فهناك ورشة عمليلت وتدبير اللاستيلاء علي النقابة والسيطرة الكاملة علي مقارها سواء في المحكمة او النادي الاجتماعي

سمسمة said...

ارجوا الانتباه لما يحدث في نقابات المحامين ومحاولة سيطرة امن الدوله ثانيا علي مجالسها وحماية تابعيهم من المحامين المعروفين .. خاصة نقابة بورسعيد لان امن الدولة والنظام البائد كان مسيطر عليها سواء بالحزب الوطنى او البعض من الحزب الناصرى او حزب الوفد وللاسف اشهر الشخصيات من المحامين الذين لا ينتمون لاحزاب في المحافظة وخاصة المشهورين في الحقل الجنائي ... فهناك ورشة عمليلت وتدبير اللاستيلاء علي النقابة والسيطرة الكاملة علي مقارها سواء في المحكمة او النادي الاجتماعي

سمسمة said...

ارجوا الانتباه لما يحدث في نقابات المحامين ومحاولة سيطرة امن الدوله ثانيا علي مجالسها وحماية تابعيهم من المحامين المعروفين .. خاصة نقابة بورسعيد لان امن الدولة والنظام البائد كان مسيطر عليها سواء بالحزب الوطنى او البعض من الحزب الناصرى او حزب الوفد وللاسف اشهر الشخصيات من المحامين الذين لا ينتمون لاحزاب في المحافظة وخاصة المشهورين في الحقل الجنائي ... فهناك ورشة عمليلت وتدبير اللاستيلاء علي النقابة والسيطرة الكاملة علي مقارها سواء في المحكمة او النادي الاجتماعي

حسن محمد على said...

ارجو ان تكونى بخير وبصحة طيبة ...والاكتئاب مش لازم يقعد كتير وعلاجة , مزيد من الكتابة والقول ... يانوارة اظهرى وبانى ... عليكى الامانى

محمد نور الدين said...

عندنا وقت، لكن أين أنت حتى نسمعك

الفوريجي said...

ابو هاجر
القديم سوف يتعفن في مكانه
خف تعوم