Wednesday 30 September 2009

من تقاليد العائلة

اصل زاهي لحواس ده والسيد حسن نصرعليهم اجماع عائلي، من تقاليد العيلة اننا ما نطيقش لحواس زي ما من تقليد العيلة اننا نحب نصر الله
اتاري الناس ما رضتش تروح الاهرامات.... تصوروا؟ فاكرين لما قال نفسهم وريحة عرقهم وطرقعة قبقابهم حوشوهم عني مش طايق اشوفهم كأننا ضرايره؟ ومع ذلك ح نسمح لهم ييجوا؟ اتاري الناس ما راحتش وكرمشت الاهرامات ورمتها في وشه، ح يعمل حزازات ما بينا وبين الاهرامات، يا ناس، يا عالم، دي بتاعتنا... الا صحيح سؤال بس: هو السياح الاسرائيليين اللي بيقولوا انهم هم اللي بنوا الاهرامات، لحواس كان بيسمح لهم يدخلوا ايام ما كنا احنا ممنوعين؟



صافى ناز كاظم تكتب: برافو شعب مصر: تركتم الأهرامات لحواس


٣٠/ ٩/ ٢٠٠٩
هذا الكلام أكتبه ثالث أيام عيد الفطر المبارك وأمامى فى الصفحة الأولى لجريدة «الأهرام» بتاريخ٢٢/٩/٢٠٠٩ عنوان خبر يقول: «المواطنون فضلوا القناطر الخيرية على الأهرامات فى العيد»، وفى تفصيل الخبر بالداخل أفادت محررته بأن ٣ آلاف مصرى فقط زاروا الأهرامات، فى مقابل ربع مليون ذهبوا إلى حديقة الحيوانات،


ومثلهم إلى حدائق القناطر الخيرية ومئات آلاف آخرين إلى الحديقة الدولية، وأن مدير آثار الهرم الأستاذ كمال وحيد قال إنه «لا يدرى ما السبب لقلة الزوار المصريين للأهرامات»، كأنه لم يقرأ الخبر الذى نشرته «الأهرام» فى صفحتها الأخيرة يوم ٢٠/٩/٢٠٠٩ تحت عنوان:»مناطق الآثار تستقبل زوارها فى العيد والسماح للمصريين بزيارة الأهرامات»، وبه قول منسوب لزاهى حواس، الأمين العام للمجلس الأعلى للآثار، يعلن بلا حرج الاستفزاز التالى: «تم السماح للمصريين بزيارة منطقة الأهرامات»، بما يفهم أن المصريين كانوا ممنوعين من زيارة الأهرامات، رغم أن هذا الأمر كان مثاراً منذ سنوات، وكنت ممن تناوله بالاحتجاج فى جريدة «الوفد» حتى تدخل السيد وزير الثقافة، فاروق حسنى، وأوقف المنع مما دعانى وقتها إلى كتابة مقالى بـ»الوفد» تحت عنوان:»بشرى بشرى لبنى مصر بإمكانكم زيارة أهراماتكم»!


وهكذا نجد أن هذه النغمة غير الطيبة وغير المقبولة فى الحديث عن الشعب المصرى والآثار، ما زال السيد حواس يطبلها على دماغنا، كما بدأها منذ سنوات، حين بدأ حملته لتطفيش المواطنين من مناطق الآثار والأهرامات على وجه الخصوص محتجاً بأن أنفاس المواطنين، أهل البلد، ضارة بالآثار وكلام آخر مماثل لهذا التحقير الفاحش للمصريين أصحاب الآثار وملاكها والقائمين عليها، ولم تقف حملة حواس عند حدود الكلام البايخ بل تعداه، وأنا شاهدة بالتجربة العملية على إساءة معاملة المصريين عند مداخل الأهرامات إلى درجة أدهشت مصرى متجنس بالجنسية الأمريكية، حين أهين بجواز سفره المصرى ورد له جواز سفره الأمريكى اعتباره، مما دعاه إلى رفض المصالحة التى ترفضه مصرياً وتكرمه أجنبياً!


لا نناقش ضرورة حماية آثارنا من التناول الخاطئ لبعض الزوار من أهلنا أو من غيرهم، لكن هناك ضرورة حماية مماثلة للمصريين المواطنين من سياسة التحقير والتشهير والاستباحة المهينة لكرامتهم فى التعامل والمعاملة، تلك التى يعتمدها حواس ويوصى بها من يأتمرون بأمره، والشاهد عليها تصريحاته الفظة التى أوردتها جريدة «الأهرام» لتلطمنا صباح أول أيام العيد، فكيف كان من الممكن أن تنفتح شهية مصرى معتز بمصريته ليغامر بزيارة الأهرامات وهو تحت التهديد المذكور فى الخبر: «.. ويتم بالتنسيق مع شرطة السياحة إخلاء أى مجموعات تسىء للأهرامات من حيث ممارسة الألعاب أو العبث بقيمة الأثر بأى شكل من الأشكال ..»،


وقد بلغ التهديد أوج مسخرته بالصياغة التالية المكملة له بلغة طبوش العكر إذ يقول: «وتيسيراً على المواطنين تقرر تواجد مديرى المناطق والمواقع الأثرية ابتداء من الصباح وحتى نهاية اليوم لضمان الحل الفورى لأى مشكلة طارئة»، وصحيح أن الخبر لم يذكر أن «التيسير» المرتقب للمواطنين سوف ينفذ بالطريقة «الحواسية» المعروفة، بالشخط والنطر وقلة الذوق وخلافه، لكن كان بإمكاننا أن نستنتج ذلك!
----
انتهى المقال، وغير ابن صاحبة ماما اللي ما رضوش يعاملوه كويس غير لما طلع جواز السفر الامريكي (لما رجع بيقول: انا طلعته عشان اشوف ح يعملوا ايه؟) ولما طلعه قالوا له اتفضل ورفض يدخل وقعد يشتم فيهم زي المجنون هناك، واحد قريبنا برضه معاه جواز كندي راح مع والدته قالوا له: امك عشان مصرية تفضل برة وانت تدخل. اي والله عليكوا، وبرضه قريبنا ما رضيش يدخل، وقال لهم طب انا ح اقطع الجواز الكندي او ح ارميه في الزبالة ويا تدخلوني بجوازي المصري يا مش داخل، وخد بعضه ومشي، لانهم طبعا ما دخلوهوش بجوازه المصري. ما انا باقول لكوا تقليد عائلي
طب لما نتعامل كده في الاهرامات، الاههههرررررااااااامممماااااات، اللي هي تقريبا الحاجة الوحيدة اللي بتاعتنا في البلد دي، امال بنزعل ليه لما بنتجلد ونتقتل برة؟ قال على رأي المثل: اللي جوزها يقول لها يا كودا العيال يلعبوا بيها الكورة
---
ملحوسة: في الفترة اللي جاية ح ترتاحوا مني شوية، عشان عندي مذاكرة



يسلم بقك يا بلال يا فضل



بقلم بلال فضل ٢٩/ ٩/ ٢٠٠٩
عندما يقول لكم قائل إن مصر خيرها على الكل. أرجوكم لا تتسرعوا بالرفض أو التهكم. فمصر فعلا خيرها على الكل، كل من حكمها. لم تنل مصر من خيرها ما ناله حكامها وأنجالهم والذين تشددوا لهم ولأنجالهم. لذلك لا تعجب إن رأيت هؤلاء جميعا يتحدثون بعصبية عن أولئك الذين لا يحبون مصر والذين لا يريدون لها الخير، الخير الذى غرقوا فيه وأغرقوا مصر وأبناءها، الذين قضوا عمرهم هاتفين أو صامتين على الحاكم تلو الآخر أملا أن ينالهم نصيب من خير مصر الذى آمنوا به ولم يروه.


استثن الرئيس محمد نجيب، الذى لم يعمر كثيرا على كرسى الحكم، ولذلك مات فقيرا وعاش أبناؤه وأحفاده من بعده فقراء مدقعين، بينما أكل مئات الصحفيين على قفاهم عيشاً فى موضوعات تحكى مأساتهم ولو بيعت بالكيلو لأغنتهم.


وانظر إلى جمال عبدالناصر الذى لم ير فقراء مصر عزاً كالذى شهدوه فى عهده، كيف لا وقد كان أبوه بوسطجيا على قد الحال، لن نلتفت إلى ادعاءات أعدائه المبتذلة، بأنه كان يخجل من مهنة أبيه وأنه منع أغنية البوسطجية اشتكوا، سنكذبهم بصورة ناصر وهو يسير إلى جوار أبيه، الذى لم تغير سلطة ابنه مظهره البسيط، سنكذبهم بمئات الحكايات الموثقة عن الجبنة القريش التى لم يكن يأكل غيرها، والخزنة الفاضية التى تركها عند موته، وأموال الدولة التى لم ينهبها ولم يورثها لأبنائه، بلاش لن ندخل معهم فى نقاش حول كل هذا، فقد رحل عبدالناصر وأفضى إلى ما قدم، بل سننشغل بأسئلة عصية وعصيبة تهمنا أكثر،


سنسأل عما انتهت إليه ثورة يوليو بعد عبدالناصر، سنسأل عن الفقراء الذين يطفحون الدم عمراً بحاله فى تعليم أبنائهم ليُرفضوا بعده فى الوظائف المحترمة والسيادية، لأنهم ليسوا قد المقام. سنسأل والسؤال لم يَحرُم مع احترامنا لحرمات الجميع، هل يمكن أن تناسب عائلة عبدالناصر اليوم بوسطجيا كالجد أو شابا على قد حاله لا يمتلك سوى طموحه وذكائه وحبه لجمال عبدالناصر.
(ودي تيجي؟ هي العين تعلا على الودان برضه؟)


على رأى أبونا صلاح جاهين «خلى المكنجى يغير المنظر» وانظر إلى بطل الحرب والسلام أنور السادات الذى كان يفتخر بأيام الفقر فى القرية التى لم ينس أبدا أخلاقها، السادات الذى كان يفتخر بأنه اضطر لكى يعمل شيالاً وشغالاً فى الفاعل وسائق لوارى،


قل لى أين يعمل أبناؤه وأحفاده وفى أى قرية من قرى الساحل الشمالى يضيق خلقهم؟ استثن أفراد الفرع الفقير من العائلة، الذين جار عليهم الزمن، وحدثنى عن الخير الذى أسبغته مصر على آل السادات بمن فيهم بعض أقاربه الذين وقفوا خلف قضبان المحاكم يوماً ما متهمين بالفساد، ثم كانت مصر كريمة معهم لدرجة أنها يا عينى تجلس الآن لتستمع إلى رؤيتهم للإصلاح.
(الله عليك، الله عليك ربنا يديمك يا بلال نعمة)


لن أطلب منك تغيير المنظر وأنت تنظر إلى الرئيس محمد حسنى مبارك، فقد اختفى المكنجى المختص بتغيير المنظر فى ظروف غامضة، وتركنا لصورة ثابتة لا تتغير يحتلها حاكم أعلن بفخر أن أقصى أحلامه كان أن يتم تعيينه سفيرا فى لندن،


ومع ذلك فهو الآن محاط بأناس يعتقدون أن مصر لا يمكن أن تعيش من غيره، ويلعنون كل من يعارضه لأنهم لا يقدرون تضحيته من أجل مصر بكل متع الدنيا، يمكن أن تذهب إلى السجن لو ظننت أن مصر ستكون بخير لو لم يحكمها،


ويمكن ألا تذهب إلى السجن فقط لأنه لم يرد لك ألا تذهب، (يا جااااااامد، جامدة قوي دي) ابنه الأصغر الذى مرة فاته الباص وركب «تاكسى» إلى المدرسة يحدث نفسه أنه سيحدث مصر، يظن أنه سينقذها ويطورها ويريها العز الذى لم تره فى أيام والده، ومصر نفسها لا تستطيع أن تقول له إنها أكبر منه بكثير.


أبناء عبدالناصر والسادات ومبارك كلهم موقنون أنهم يستحقون كل ما نالوه من خير مصر، لأن آباءهم أعطوا مصر الكثير وضحوا بحياتهم من أجلها، ومصر للأسف لن تفكر أبدا أن تسألهم عن الخير الذى نالها على أيديهم، ليس لأنها لا تعرف الخير الذى نالهم جميعا على يديها، وليس لأنها خجلى من تذكيرهم كيف كان سيكون حالهم لو لم يحكمها آباؤهم، بل لأن مصر تعرف ربنا كويس، ولذلك تكتفى دائما بأن تسلم أمرها لله. ونعم بالله.
(ههههههههههههههههههههه، حاسب على ضغطك وسكرك)


* يستقبل الكاتب بلال فضل تعليقاتكم على مقالاته عبر بريده الإلكترونى الخاص. belalfadl@hotmail.com

على الله زاهي لحواس اللي مش عاجبه نفسنا وريحتنا يقرا البقين دول

Tuesday 29 September 2009

عمو محمد علي توفاه الله



وفاة الفنان التشكيلي التلقائي محمد علي
ولمعرفة مزيد من المعلومات اضغط هنا

القهوة الخضرا

حد يعرف القهوة الخضرا بتتباع فين؟ واذا كانت بتتباع في مصر اصلا؟

مصر حجزت الصحفي السويدي المناهض للصهيونية؟ هههههههه

مش معقول، الخبر من هنا
احنا بقينا عسل كده؟

هي حصلت؟ ايه الفشل ده؟ فشل فشل فشل يعني
على فكرة، انا عمري ما شفت افشل من النظام المصري، ولا حتى البت اللي كانت معايا في المدرسة اللي كانت قاعدة ورا وكان شعرها فيه قمل وبتجيب كحك في كل المواد وما كانش حد بيرضى يكلمها..... غيري طبعا بسبب سنتمنتاليتي المهترئة، وصحابي كانوا بيزعقوا لي عشان باكلم البت الخايبة وممكن تعديني بالقمل، وسلفتها كراستي رجعتها مبهدلة وصحابي قالوا لي تستاهلي انت عارفة انها خايبة
الظاهر هو مكتوب عليا، على فكرة يا عوكل، انا لحد دلوقت صحابي بيزعقوا لي عشان كل شوية اكلم النظام الخايب واقول لكوا: انتوا مش خايفين من ربنا؟ انتوا ليه فاشلين؟ ويصعب عليا فاروق حسني وافضل انصح في ننوس عين امه وكده... واللي عارفيني من ايام المدرسة وبيقروا المدونة بيقولوا لي: طول عمرك تكلمي العيال الساقطة المقملة وتعزمي عليهم بالساندوتشات يا جربوعة
عاجبك كده يا عوكل؟ جبت لي الكلام

مقال مهم بالرغم من اعتراضات قليلة

ميدو اللي جابهولي من الدستور


الجماعات السلفية خرجت من القمم


وشكَّلت هيئة للأمر بالمعروف ولكن بـ «السيف والبندقية»!


تامر أبو عرب


حادثان في يومين متتاليين قد نعتبرهما مؤشراً لما ستشهده مصر في الأيام المقبلة.. الأول كان في السنبلاوين عندما منع عدد من السلفيين وأعضاء بجماعة أنصار السنة المحمدية أفراد عائلة من دخول المسجد والصلاة فيه بدعوي أن هذه العائلة تحترف السرقة، وأن صلاة أفرادها معهم تؤخر استجابة الله لدعائهم، وعندما حاول اثنان من أفراد هذه العائلة دخول المسجد بالقوة، توجه نحو 20 سلفياً إلي منزلهما بالعصي والأسلحة البيضاء وحطموا أثاثه وأصابوا اثنين من أفراد الأسرة بينهما سيدة.


الحادث الثاني أكثر مرارة إذ قطع بعض السلفيين طريق المقابر في إحدي القري التابعة لمدينة 6 أكتوبر، لمنع أهل القرية من زيارة المقابر، معتبرين ذلك «بدعة»، مما تسبب في قيام معركة بالأسلحة النارية لمدة 3 ساعات سقط فيها 15 مصاباً.


هذه الحوادث وغيرها كثير تبين تحول الجماعات السلفية إلي جماعات للأمر بالمعروف علي الطريقة السعودية، إذ يحمل هؤلاء فتاوي من شيوخ المملكة بجواز إغلاق المحال التجارية بالقوة وقت الصلاة، لكن استخدام الأسلحة البيضاء والنارية ورفعها في وجه المسلمين سابقة فريدة تبرهن علي حدوث تحول فكري لدي هذه الجماعات التي ظلت لسنوات حبيسة المساجد منغلقة علي نفسها ومعزولة عن العالم الخارجي.


لكن التحول للأسف كان لطريق أكثر وعورة، حيث كان كثيرون ينتظرون تحولاً إيجابيا يجعل السلفيين أكثر إيجابية في مجتمعهم وأكثر نفعاً لدينهم، بعدما تحولوا إلي قوي معطلة محبوسة بالمساجد ومشغولة بمسائل خلافية سطحية لا تفيد.


التحول الجديد يرشح الأمور إلي مزيد من التصعيد، فمن الوارد أن نسمع قريباً عن استيقاف شخص في الشارع وإشباعه ضرباً لعدم إطلاق اللحية أو لأن بنطاله طويل سنتيمترين عما ورد في السنة.


مأساة حقيقية نعيشها مع هؤلاء المشغولين بقشور الدين أكثر من انشغالهم بجوهره، وبتقييم الناس أكثر من إخضاع أنفسهم للنقد، نجدهم يكفرون الشيعة. ويرفضون مناداة الأقباط بالمسيحيين مصرين علي نعتهم بـ «النصاري».


الشيعة يشهدون أن لا إله إلا الله وأن محمداً رسول الله ويصلون ويصومون ويؤدون الفرائض، وفوق هذا وذاك أصبحت لهم دولة فزاعة للغرب يعبدون الله ويمارسون شعائر لسنا في معرض تقييمها لكنهم يخرجون بعد ذلك إلي عمل ينفع وطنهم ويرهبون به الأعداء.


السنة والشيعة مرجعهم إلي الله. هناك سيختصمون، وسيظهر الذين ضل سعيهم في الحياة الدنيا وهم يحسبون أنهم يحسنون صنعاً . سيسأل ربنا أصحاب الجلابيب القصيرة حتما لماذا فرطتم في آياتي و«أعدوا لهم ما استطعتم من قوة». و«ادع إلي سبيل ربك بالحكمة والموعظة الحسنة» .. و«اعتصموا بحبل الله جميعا ولا تفرقوا» وانشغلتم برأي ابن عثيمين في حكم التعبد بالطريقة الشيعية الاثني عشرية وفتوي ابن باز فيمن يستحلون الغناء والمعازف.


إذا كان السلفيون سعداء بحالهم فلا بأس ولكن ليس من المقبول أبداً أن يطلبوا من الناس التشبه بهم اعتقاداً منهم أنهم علي الحق، أو أن يتطور كما حدث مؤخراً من مجرد طلب بالمعروف والموعظة الحسنة إلي أمر بالسيف والبندقية.


ولكن أين الدولة من كل ذلك؟ وأين الأمن الذي سمح باستمرار معركة لمدة 3 ساعات بسبب خلاف علي زيارة القبور بينما يسحل أي إخواني يفكر في توزيع أذكار أو تهنئة بالعيد.


الدولة ليس عندها مشكلة مع السلفيين الوهابيين.. بالعكس ترعاهم وتحبهم وتتمني أن يتحول المصريون كلهم إلي سلفيين .. لماذا؟!


السلفيون لا يمثلون أي خطر علي الدولة. هم لا يخرجون علي الحاكم ولا يطمعون في الحكم ولا يعترضون علي الفقر وضيق ذات اليد.. يعتقدون أن الحاكم يأتي من بين الرعية، فإن كانت الرعية صالحة اختار الله لها حاكماً صالحاً، وإن كانت فاسدة جاء الحاكم كذلك، فالأمر كله إذن خارج عن إرادتهم واختيار رباني ليس لهم أن يعترضوا عليه.


هم أيضا لا يطمعون في الحكم ولا يرغبون فيه ويتعاملون معه من منطلق: «يا دنيا غري غيري» ويعتبرون أنه حمل ثقيل قد يبعدهم عن الجنة مستندين في ذلك إلي قول سيدنا عمر بن الخطاب: «أخشي لو تعثرت بغلة في العراق أن يسألني ربي لماذا لم تمهد لها الطريق يا عمر» .. أما الفقر فهو- من وجهة نظرهم- اختبار رباني يستوجب الصبر، بل هو عند بعضهم غاية لأن الرسول -صلي الله علي وسلم- بعدما عاد من رحلة الإسراء والمعراج قال فيما معناه «نظرت إلي الجنة فوجدت جُل أهلها من الفقراء».


لماذا يكره النظام السلفيين إذن وهم لا يمثلون أي خطر عليه؟ لكن الحادثين الأخيرين يستوجبان من نظامنا الحكيم التأمل وإعادة حساباته فها هم السلفيون يهددونه من مدخل آخر.. مدخل الاستقرار الذي يعتبره أهم مبررات وجوده. فإذا ما تصاعدت الأحداث علي هذا النحو، قد تتحول البلاد إلي سجال طويل سيتحول إلي قتال مرير بين أصحاب اللحي الطويلة والجلابيب القصيرة وبين أصحاب القمصان والبناطيل. يا هؤلاءالمعتكفون في مسجد العزيز بالله كفاكم وصاية علي الناس وشكوا ولو للحظة واحدة أنكم علي الباطل ربما ينصلح حال أمتنا.
-------
انا مقال كله عجبني لحد اخر مقتطف هو ده اللي أيرت منه شوية، انا مش عارفة اذا كان ينفع ان صحفي يحرض النظام على اي مواطنين
مما لا شك فيه ان المواطنين دول اعتدوا على الناس وهددوا امن الناس، بس زيهم زي بلطجية كتير ماليين البلد، لو ح يطالب، يبقى يطالب ان يبقى فيه امان في البلد، لان فعلا فيه انفلات امني تام، اي حد عايز يضرب اي حد بيضربه، اي حد عايز يدوس اي حد بالعربية بيدوسه
فما ينفعش يدخل هو بقى من مدخل: دول خطر على النظام الحقوهم، ايه الكلام ده؟ طب دول خطر على النظام والبلطجية اللي ماليين البلد مش خطر عليه؟ ماهو يا تطالب بعودة الامن وان الشرطة تعمل شغلها في حفظ الامن وخدمة الناس بدل ماهي واقفة ليل نهار في التشريفات كده، يا اما تسكت بقى ما تحرضش النظام عليهم بدعوى انهم خطر على النظام، يعني كويس لما يتعذبوا في السجن
انا ما باحبش السلفيين، وقطعا شعر راسي وقف لما عرفت انهم بيمنعوا ناس من الصلاة ويعترضوا طريق الناس بالبلطجة دي
بس الظلم حرام

طب انا قريت اللنكات وبرضه ما فهمتش حاجة

تحديث: لسة ممثل اليمن في الامم المتحدة شفت كلمته اللي ما كنتش شفتها بيقول ان الحوثيين تبع القاعدة، هههههههههههههه، على فكرة كده عته رسمي يعني، منين ايران ومنين القاعدة ومنين ليبيا، اشتراكي رأسمالي شيوعي سلفي شيعي؟
انا مخي تخين الظاهر، الشباب جابوا لي لنكات لما كنت باسأل على الحوثيين
!!!!!!!!!!!!!!!!!!!
ده عوكل على كده ملاك لا ينقصه الجناحين حتى
ايشي خيال يا ناس، تلاتين الف جندي عشان مظاهرة؟ وراغب السرجاني بيقول لهم شدوا عليهم شوية دول بياخدوا فلوس من ايران؟ بيشجع على القمع حضرته، مش عارفة ازاي؟ فليقل خيرا او ليصمت


نبيل الريحاني: هذا ما يحدث بين الحين والحين في إحدى محافظات اليمن السعيد، ثلاث سنوات من القتال الدامي وتمرد الحوثيين لم يضع أوزاره بعد حقيقتها تفلتها المعارك المتجددة في إقليم سعدة الواقع شمال العاصمة صنعاء، مواجهات أوقعت منذ بدايتها سنة 2004 بحسب مصادر دبلوماسية ألوف من القتلى والجرحى جنود نظاميين ومتمردين ومدنيين عاد التصعيد العسكري ليقوم على أنقاض فشل محاولات للتسوية السلمية للنزاع وليشهد استعمال أثقل أنواع الأسلحة من بينها طائرات الميج الروسية المتطورة، أعلن الرئيس علي عبد الله صالح بداية السنة الماضية عفوا عن مئات من المقاتلين الحوثيين داعيا إياهم إلى تشكيل حزب يكون بدلا عن التمرد المسلح، لم تسر الأمور في ذلك الاتجاه عادة شوكة الحوثيين لتشدد حتى بعد مقتل زعيمهم حسين بدر الدين الحوثي في سبتمبر أيلول 2004 فقد تحركت دورة العنف مجددا وبقوة منذ ثلاثة أشهر منهية تهدئة هشة تخللتها مناوشات هنا وهناك على طرفي النقيض يقف الخصمان يفسران الأزمة الحوثيين يرونها نتيجة طبيعية للتهميش الذي تعانيه صعدة وغيرها من جهات البلاد ويحسبونها مقاومة للسياسات الحكومية المتحالفة مع واشنطن فيما تسميه الحرب على الإرهاب، حرب تعد اليمن واحدة من ساحتها الساخنة أما حكومة صنعاء فتضع الصراع برمته في خانة حق الدولة في بسط سلطانها في أرجاء البلاد ملمحة من طرف ظاهر وآخر خفي إلى الخلفية الزيدية للحوثيين والذي تظهر فقاعة في حنينهم إلى نظام الإمامة الذي أطاحت به الثورة اليمنية تناقضا دخل مرحلة التدويل منذ أن اتهمت السلطات اليمنية كل من ليبيا وإيران بدعم المتمردين حتى أن الرئيس صالح طالب الحكومة بمراجعة العلاقات مع طرابلس وطهران على خلفية تلك التهمة لا مستقبل إلا للحسم العسكري هكذا تقول الحكومة لا صوت يعلو صوت البندقية هكذا يردد الحوثيين وبينهما يمن ما يزال يدفع سعادته ثمن لصراع أثخنه بالجراح.

------
طيب انا قريت من فترة في شريط الاخبار في الجزيرة من فترة ان علي عبد الله صالح يعود وينفي اي دعم خارجي للحوثيين، وبعدين رجع قال لا بياخدوا دعم خارجي تاني، السؤال اللي بيطرح نفسه، هي اليمن ايه دورها في الحرب على الارهاب؟ اقصد حكومة علي عبد الله صالح، عملت ايه عشان تشارك في الحرب على الارهاب؟

انا برضه لسة مش فاهمة
استنوا
طب ده يحيى الحوثي نفسه

يحي الحوثي- عضو بالبرلمان اليمني: دائما نقول إنه لا يوجد تمرد والإعلام والسلطة دائما يصرون على أن هنالك تمرد السلطة بقيادة الرئيس علي عبد الله صالح تعلن صراحة أنها تريد إبادتنا وسحقنا وإبادة الزيديين كافة وجعل أفكار أجنبية تأتي من وراء الحدود تحل محل أفكارنا وعقائدنا ولذلك صادرة مساجدنا وهدمتها ومدارسنا وقتلت علماءنا وسجنت الباقيين وأرهبت الباقيين وهي الآن تصر على الحرب.

خديجة بن قنة: نعم لكن من الذي يعني من قبل كنتم تنشطون كان الحوثيون ينشطون بشكل عادي في المجال السياسي المنابر السياسية مفتوحة أمامكم والعمل السياسي مفتو ح ودخلتم ارب البرلمان هناك أعضاء نواب كانوا في البرلمان اليمني من الحوثيين كيف انقلبت الأمور أنتم البادءون تقول الحكومة؟

يحي الحوثي: هذه الحقائق يا أختي ليست صحيحة فالحكومة ترهبنا وتمنعنا من أي عمل سلمي مهما كان بسيطا ولذلك لا تجد لنا أي وسيلة إعلامية ولا أي إطار سياسي أو اجتماعي أو ثقافي وحتى أنها فجرت بيوتنا وأرهبتنا وعوائلنا وأطفالنا..

خديجة بن قنة: طيب سيد يحي الحوثي الآن أنتم ما هي مطالبكم؟ كان هذا سؤالي الرئيسي، ما هي مطالبكم الأساسية؟

يحي الحوثي: مطالبنا رفع الحملة العسكرية عن بلادنا وترك الحرب وإذا كان للدولة لدينا مطالب معقولة تقدم مطالبها نحن مستعدين لأي مطالب معقولة وشرعية ونستطيع أن ننفذها وقد قلنا تكررا ومررا بأننا لا نريد إلا السلم ولا نحب إلا الأمن والأمان وأننا لا نريد الحروب ولكن السلطة ترفض كل خيار السلم ولذلك على الحل العسكري.

خديجة بن قنة: نعم لكن السلطة سيد الحوثي يعني السلطة تقول أو السلطات اليمنية تقول إنكم تتلقون دعما خارجيا من ليبيا وإيران هل تنفون هذا؟

يحي الحوثي: يا أختي لو كان معنا دعما خارجيا لكانت الجماعة على أبواب صنعاء الآن مش صحيح هذا وأنا أيضا أحمل المسؤولية كل المسلمين أنه واجب على كل مسلم أن يعين المظلوم هذا دينا الإسلامي يجب على المسلمين أن يعينوا المظلومين على الظالمين.

خديجة بن قنة: نعم سيد يحي الحوثي الحكومة مدت يدها لكم..

يحي الحوثي: ليس صحيحا..

----
طب انا لسة مش فاهمة ايه المشكلة اللي موترة الدنيا كده؟
ثم ليبيا ايه اللي حشرها في الموضوع؟

طب شوفوا بقى الراجل ده بيقولوا ايه

منير الماوري- كاتب صحفي: أنا أولا أتفق مع الدكتور فارس السقاف أن الرئيس علي عبد الله صالح لا يسعى إلى القضاء على الزيدية في اليمن لأن الرئيس نفسه زيديا ينتمي إلى الطائفة الزيدية ولكن ما يجري هو صراع واضح على السلطة، هؤلاء الحوثيون يبدو أنهم يريدون إعادة حكم وراثي انتهى من اليمن والرئيس علي عبد الله صالح يريد ترسيخ حكم وراثي قائم لتوريث السلطة لنجله (ايه ده؟ برضه؟ هي فرة وللا ايه؟) ويسعى لتمهيد الطريق أمام نجله لوارثة الحكم وهذا هو صراع على السلطة والدولة أو النظام القائم هي من بدأت بدعم الحوثيين وتشجيعهم وتسليم السلاح لهم لمقاتلة السلفيين في صعدا أو متطرفين من نوع آخر هناك في تلك المحافظة ثم تطور الأمر وأصبحت قوة الحوثيين كبيرة فأراد الرئيس علي عبد الله صالح القضاء عليهم ولكن يبدو أن الحسم صعب وليس من السهولة كما يقول الدكتور فارس أن نسلم السلاح والمال لجماعة منظمة ثم نقول تحولوا إلى نادي رياضي الدولة هي التي اختلقت المشكلة لضرب فئة أخرى وهي الآن تدفع ثمن ما اقترفته في السابق لتحويل القوة السياسية إلى أوراق تلعب بها هنا وهناك.

الله ينوووووووووووورررررررررررررر علييييييييييييك
تصدقوا بلا إله إلا الله؟ الراجل ده الوحيد اللي كلامه مفهوم ومترتب ومافيهوش هيستيريا ولا تشنجات
طب ده الوحيد اللي انا فهمت منه حاجة انا مش فاهمة من الباقيين حاجة
بس برضه مش فاهمة ايه علاقة علي عبد الله صالح بالحرب على الارهاب


طب على حسب كلام الراجل ده، علي عبد الله صالح استغل الحوثيين وسلحهم ضد السلفيين، طب هو وافقوا ليه؟ مش حرام عليهم؟ هم السلفيين دول مش بني ادمين يعني؟ هم كانوا اسرائيل عشان يحاربوهم؟

قوووووم سبحان الله من اعان ظالما سلط عليه، الراجل بعد ما اداهم السلاح عايز يخلص من سلاحهم عشان لما يجيب ابنه ما يعلموش مشكلة لانهم عايزين يرجعوا نظام اليمن القديم.
قوووووووووووووووم راخر راح باعت ناس تانية - واضح انهم سنة - وسلحهم عشان يحاربوا الحوثيين مع الجيش واعلنها بروح خالته جهاد
وطبعا طبعا بكرة يتسلط على اللي بعتهم يحاربوا الحوثيين ويعمل فيهم بالظبط اللي عمله في الحوثيين
اسفخص

الملحوظة اللي لازم الجميع ياخد باله منها واللي انا ما كنتش عارفاها لحد ما قريت الكلمتين دول، ان الموضوع مش طائفي، علي عبد الله صالح والحوثيين الاتنين زيديين. واضح انه ورط ناس سنة في الموضوع عشان يديها بعد طائفي
اللي بيأكد كلام الراجل اللي انا فهمت منه ان علي عبد الله صالح مش قابل اي هدنة ولا صلح:

اهم حاجة بقى
الخبر ده

الرئيس اليمني علي عبد الله صالح أكد عزم الحكومة على استئصال حركة التمرد بقيادة بدر الدين الحوثي ووأد ما وصفه بالفتنة وإخمادها وقال صالح إنه لا سبيل أمام تلك العناصر سوى تسليم نفسها وأسلحتها إلى السلطات المعنية إذا أرادت النجاة بنفسها وأضاف أن الدولة اضطرت إلى اللجوء إلى القوة والحرب لمواجهة ما أسماه الأعمال الإجرامية، أما رئيس الوزراء علي محمد مجور فقد أن حكومته لن تتفاوض مع المتمردين الزيديين لإنهاء تمردهم مضيفا أن الدولة حاولت من قبل التفاوض مع الحوثي الذي ثبت أنه لا يفهم سوى لغة السلاح على حد قوله وأضاف رئيس الوزراء أن وقت المفاوضات قد انتهى ولم يبق سوى الحل العسكري وكشف رئيس الوزراء حسب وكالة الأنباء الفرنسية عن أن الدولة قررت تشجيع من سماهم المتطوعين على الذهاب للقتال في الشمال معتبرا أن الحرب ضد من سماهم الإرهابيين الحوثيين جزء من الحرب على الإرهاب.
المهم يعني انا حبيت اطمنكوا اني بعد ما قريت واطقست برضه ما فهمتش حاجة، ما يهدوا على نفسهم شوية، هم مجانين وللا ايه؟ واذا كان كل هدف علي عبد الله صالح انهم يسلموا له السلاح اللي هو اداهلهم، خلاص
يستغفروا ربنا على عملتهم اللي عملوها قبل كده مع السلفيين، ويدوله سلاحه مدام هو مجنون كده، وواقف معاه السعودية ومصر وامريكا
ويبطلوا اللي بيقولوه على موقعهم ده: من نصر الى نصر. واخدين علقة ما اخدهاش حرامي في مولد ويقولوا انا الاسطى عمارة من درب شكمبا. وواضح ان علي عبد الله صالح ده ماعندوش قلب ولا احساس، انا كنت فاكرة ان الواحد لما يفهم فيه ايه ح يعرف يطالب بحقوق الناس دي لأن فعلا المعركة مش متكافئة وهو ماعندوش رحمة، بيقتل نسوان وعيال ويستخدم منطق اسرائيل ويقول عليهم واخدين المدنيين دروع بشرية؟ وعلى حسب الكلام اللي قريته بيستغل ناس تانية تضربهم زي ما استغلهم يضرب بيهم اللي قبلها واللي قبل اللي قبلها، ده مش خايف من ربنا؟
ده في حدود اللي فهمته واللي هو مش كتير برضه، لكن طبعا مما لا شك فيه ان لحد دلوقت وبعد كل اللي قريته: علي عبد الله صالح ظالم، ظالم قوي، ومفتري، وما بيرحمش، ايه اللي بيعمله في الناس ده؟ ازاي يسلط الناس على بعض كده؟ وازاي ناس تتظاهر ينزل لهم جيش؟ اللي يشوف علي عبد الله صالح غيره، يهون عليه عوكله
------


ووحياة النبي ماحدش يكتب لي "قضاء مصر النزيه" مش كل ما يعجبنا حكم نقول قضاء مصر النزيه ولما ما يعجبناش نقول قضاء مصر الفاسد، هيئة القضاء زي اي هيئة، فيها النزيه والوطني، وفيها شبشب الحمام، دي هيئة زي اي هيئة، هو انت عندك في الشغل كلكوا زي بعض؟
واحمد برديس ده راجل كويس طول عمره ووطني.

Monday 28 September 2009

بعد النجاح منقطع الجماهير لالبوم بن لادن "يا اوروبا" واول البوم اهبل لطالبان باللغة الالمانية: فوز انجيلا ميركل في الانتخابات

ههههههههههههه على رأي اليكس جونز لما وجه كلامه للسي آي إيه تعليقا على احد البومات المرحوم بن لادن: طب حتى ابذلوا مجهود شوية بحيث اننا لما نكشفكوا يتهيألنا إننا أذكيا.
بس البوم طالبان الالماني ده كان تحفة، يعني البوم اسامة بن لادن معمول فيه شغل شوية، اهو عاملين صوته بالكمبيوتر، مرتبين الكلام، تاعبين نفسهم وجايبين حد يكتب لهم كلام بالعربي، انما البون طالبان اللي بالالماني ده عامل زي اعلان ياختي هاتي كحك وغريبة بسكو مصر، المخرج جايب ابن اخته ومسجلين في اودة المسافرين بعد ما مسحوها بالجاز

Sunday 27 September 2009

النظرية التآمرية في قضية هالة مصطفى المستحية

تقدروا تعتبروا ان البوست ده هطرسة وتخريف، واللي مالوش مزاج يقرا تخريف ما يقراش البوست ده
فيما يخص قضية هالة مصطفى الصحفية اللي قابلت السفير الاسرائيلي والهلولة اللي معمولة عليها
انا واحدة بالعب شطرنج وسودوكو كتير لحد ما بقى تفكيري ملتوي، خدوا كلامي للآخر وارموه في الزبالة بعد كده: التمثيلية دي معمولة في اطار التنازلات اللي قدمها عوكل بعد مقابلته مع نتانياهو والمباحثات السرية اللي في امريكا
انا تقديري ان السيدة هالة كانت كبش فداء، وانا مش بادافع عنها، دي من مجموعة كوبنهاجن وتطبيعية وكل حاجة، بس كانت مستحية
او بقول اخر، ما جاتلهاش فرصة تقول الكلام اللي هي قالته امبارح في العاشرة مساء
وزارة الخارجية ورطت هالة مصطفى في مقابلة سفير الكيان الصهيوني في مؤسسة الاهرام، وهي كل النقطة انها في مؤسسة الاهرام (اللي هي وكل اللي فيها عايشين على قفايا ومن ضرايبي وبياكلوا وبيشربوا ويلبسوا ويقعدوا في التكييف من فلوسي والحقيقة ما بتقدمليش غير اسامة سرايا صفرا واخطاء مطبعية في المانشيتات اللي بالفونت الاحمر) وبعدين ادت تعليمات لعبد المنعم سعيد (اللي هو كمان من مجموعة كوبنهاجن يعني وما يتخيرش عنها) انه يعمل لها هيصة وبوليكة في النقابة
قوم هي تضطر تقول: الله؟ واشمعنى انا؟ هو انا لوحدي؟ ده فلان وفلان وفلان كمان، والسفير الاسرائيلي قال لي انا مستعد اديك قائمة بالصحفيين اللي لهم علاقة بالسفارة الاسرائيلي.
ويبقى فيه فرصة للاصوات المعارضة للائحة اللي ضد التطبيع انها تعلي صوتها، ويبتدوا يقولوا الكلام الطين اللي بيتقال من ساعة ما الموضوع ده ابتدى:
هي لائحة نقابة الصحفيين دي قرآن؟ يعني ايه رعب التطبيع اللي عاملينه للناس ده؟ اسرائيل دي مش احنا عاملين معاها سلام؟ ازاي الدولة عاملة معاها تطبيع كامل ولما صحفية تقابله تتعاقب؟ انا ما عملتش حاجة في السر........
اللايحة تتغير............ اممم هو ده بيت القصيد
ودي مش مؤامرة من جواسيس ولا عملاء، دي الدولة نفسها بتعمل هزة للنقابة وعايزة تطرح المادة اللي ضد التطبيع للمناقشة تمهيدا لان المادة دي تتلغي، او على الاقل تتجمد: "النقابة يجب الا تشكل قيدا اضافيا على الصحفي، كفانا قيودا"!!! قال يعني، واللي بيقول كده مين؟ صحفي في الاهرام والله نسيت اسمه من كتر ما نرفزني
القرد اللي من الاهرام قال: هو انتوا عملتوا استفتاء على المادة دي واخدتوا رأينا؟ اعملوا استفتاء وشوفوا كام صحفي موافق على اللايحة دي، اعملوا تصويت!!!!! هي اللايحة دي منزلة؟
وجمال فهمي يقول له سلاح مقاطعة
يقوم يرد ويقول: دي وجهات نظر
فاهمين بيحصل ايه؟ بيحصل المعتاد لما يحبوا يغيروا حاجة، يعملوا له زمبليطة عشان يهتز في دماغ الناس ويتحول الثابت الى امر قابل للنقاش، وانا ماعنديش مانع ان ده يتعمل في اي حاجة، الا في اسرائيل
والدليل على هطرستي دي، ان كل ابطال المسلسل من الاهرام
هي الفكرة كلها، ان المقاطعة ثابت من ثوابت النقابة، والحكومة عايزة تهزه عشان اتفاقات حصلت بين عوكل والنتن، وعوكل واوبابا، وكالعادة ما بيقولناش حاجة هو، هو بيعمل في صمت، والبلد بتتسرسب من بين ايدينا من غير ما نحس، زي كل حاجة فاتت هي مصر من تلاتين سنة زي دلوقت؟ مصر من عشر سنين زي دلوقت؟ وانا اللي شايفاه ان اي تطور بيحصل في صالح اللي عايزه عوكل، كل اللي عايزه هو اللي بيمشي في الاخر
عايز يجيب جمال
وقالوا له في اموركا اكسر الجليد اللي ما بين المصريين واسرائيل
ربنا يستر بقى، انا مش عايزة حاجة من النقابة غير انها تحجر وتنشف دماغها وتعمل ودن من طين وودن من عجين وتحط فردة جزمة في مخها
التخريف خلص
خدوني على قد عقلي، بس اهم حاجة اللائحة دي ما تتغيرش، ومافيش صحفي يفلت من عقاب المادة دي، وهو كده، شغل صعايدة يعني
وملحوظة: انا مش بانصح الناس تحط جزمة في دماغها وانا حاطة علبة بودرة، انا كمان حاطة في دماغي جزمة
يعني من الاخر كده ماحدش يناقشني في المقاطعة او الثبات على اللائحة، مش عايزة اسمع كلام فارغ
وزي ما قال نصر الله: اذا لم نستطع ان نقاتل فلسنا مجبرون على الاستسلام

نهار احوس؟

تحديث:
انا بقالي من ساعة ما كتبت البوست ده وانا باحاول اتصل بالمسجد على الارقام دي
26243463
26215060
بيرد عليا تسجيل يقول اطلب الارقام الداخلي، اطلب الارقام الداخلي ماحدش بيرد، الكلام ده من يوم الجمعة اللي فات
وكنت ناوية اروح المسجد بنفسي، بس دلوقت دخلت لي الاخت مروة وسابت التعليق ده اللي مفاده انها سألت في الجامع وانهم نفوا تماما الموضوع ده، فسبت لها تعليق ولقت لها اني ح اروح اسأل بنفسي
ورحت على الفيس بوك عشان اراجع المصدر بتاعي لقيت البنوتة باعتة لي الرسالة دي:
المسجد عمل كده فعلا عشان كان فى اطفال من جمعية فى نفس الشارع بدون ذكر اسمها بس اكيد انتوا هتعرفوها يعنى .. المهم المسجد فى الاول كان بيقبل اطفال عادى من دورايتام بس فى صيف اطفال الدار دى عملت سلوكيات غلط وشقاوة وكمان المشرفات بتوع الدار كان بيتاخروا فى انهم ياخدوا الاطفال ويفضلوا سايبينهم فى الجامع فترات طويلة وبناء عليه اتخذت ادارة الجامع القرار بتاع انو مش هيقبلوا اطفال من دور تانية
انا سالت يا نوارة وعرفت الحكاية بالتفصيل

ملحوظة احقاقا للحق : انا لما سالت اتقالى ان ده مش بيحصل مع كل الجمعيات على فكرة .. هما على حسب سلوك الطفل وكمان اتقالى ان هما عرفوا بعد ما دخلنا الاطفال التابعين لنا انهم من دار بطريقة ما ( فى الغالب من الاطفال نفسهم ) وسابونا واحنا فاكرين انهم ميعرفوش

انا قلت اقلك كل اللى وصلتله عشان مكنش ظلمت حد
انتهت الرسالة
الحقيقة انا كنت ناوية اشتكي المسجد ده في وزارة الاوقاف، ليه بقى؟ لأن طفاطيفو قال لي على الجامع ده "انا مش متأكد ان الجامع ده من ضمن الجوامع اللي بتتحرز اشراك الايتام في بعض النشاطات" وقال لي انهم بيعملوا كده عشان مش عايزين ينفقوا اموال الزكاة على مجهولي النسب، فلما قال لي كده فهمت ان فيه جوامع تانية بتعمل كده وبصراحة كنت ناوية اشتكي
لكن يبدو ان عدم اشراك ايتام الجمعية دي، مسألة ادارية مالهاش علاقة بالحذر من الايتام اللي اتكلم عنه امام مسجد ابو زهرة. وانا اوردت رسالة التصحيح اللي بعتتها لي نيفين، الى جانب رسالة مروة.
بس فيه حاجة، المسجد ده الحمد لله طلع مش بيضطهد الايتام، بس مصطفى وقع بلسانه وفهمت منه ان فيه مساجد تانية بتضطهدهم، انا لسة عايزة اشتكي المساجد التانية اللي مش بتشرك الايتام عشان ما تنفقش عليهم من زكاة المال، وطبعا طفاطيفو مش ح يرضى يقول لي اسماء المساجد دي، اعمل ايه؟ مافيش غير اني اشتكي الامام بتاع مسجد ابو زهرة ده لوزارة الاوقاف
بس، اهو هو قال الكلام ده على الايتام وعمل فتنة، وانا ح اشتكيه، هو اسمه الشيخ محمد عيد
ويا سلام لو مصطفى طلع طيب وقال لي على اسماء الجوامع اللي مش بترضى تصرف على الايتام من زكاة المال، اكون شاكرة والله


الا من كام سنة كده كان فيه واحدة قبقاب كده عندها جمعية وبتقول على اولاد المؤسسة ما تجوزش عليهم زكاة المال عشان ولاد حرام وانجاس. اي والله، اي والله عليكوا، قالت كده. وقالت كمان ان اصلاحهم مستحيل عشان هم انجاس، ليه يا بهانة؟ عشان مجهولي النسب! لا ومعتبرة نفسها متدينة وبتاع
بس انا قلت الولية دي مجنونة، عادي يعني الواحد ياما بيقابل مهابيش في حياته. بعد كده واحدة لطيفة كانت عايزة تطلع زكاة المال وقالت لي: هم بتوع العشوائيات دول بيصلوا، اصل لو ما بيصلوش مش ح اطلع عليهم زكاة المال. طبعا صاحبتكوا مجنونة وقلت لها: مش بيصلوا ومش عايزين من خلقتك حاجة. مع ان فيه منهم ناس بيصلوا، بس ما تفهمش ايه الجنونة اللي جات لي بقى لما سمعتها بتقول لي كده، هو فيه حد بيسأل: سكان مصر الجديدة بيصلوا وللا ما بيصلوش؟. اصل لو ما بيصلوش ح نقطع عنهم النور. انا مش فاهمة الدين ده اخترعوه امتى؟
المهم دارت الايام ولفت الايام وحصل موضوع مسجد ابو زهرة ده بتاع الناس اللي اتخانقت مع الامام عشان بيشتم الشيعة.
لقيت بنوتة لطيفة كده بعد ما رجعت من المشوار باعتة لي على الفيس بوك بتقول لي انها ساكنة هناك وانها حضرت الموضوع، وان الموضوع ما كانش فيه ضرب ولا حاجة، هي الناس اتخانقت معاه بس. هي عموما المصري اليوم ماقالتش ضربوه، هي قالت كانوا عايزين يضربوه. وبعدين في وسط الكلام كده قالت لي: هو عموما الراجل ده غريب شوية (على الامام - البنت مؤدبة مش عايزة تشتمه بس انا ممكن اشتمه عشان انا مش مؤدبة) غريب ازاي يابنتي؟ قالت لي: اصله بيحذر من الايتام
!!!!!!!!!!!!!!!!!!!!!
لأ
لأ
النكتة ديييييي جدييييدةةةةة
- يعني ايه يا بنتي بيحذر من الايتام فهميني
بيقول عليهم ولاد حرام وانا ليا طفل مسئولة عنه في جمعية رسالة ويوميها اتخانقت معاه
-نعم؟ نعم؟ ده مختل عقليا ده؟
قامت بعتت لي الرسالة دي وانا بعد اذنها ح انقلها لكوا بالنص:
طب ده بيحذر .. مسجد الصحابى باه اللى قدام ميدان الحجاز بيرفض ان الاطفال الايتام يشتركوا فى نشاط المسلم الصغير والسنة دى اشتركت للطفل اللى بقلك عليه وانا مفهاهم انه ابن اختى ... بتوع نشاط مسجد الصحابى قالولى بالحرف مبنقبلش ايتام مع انى هادفع الاشتراك والولد زى الفل وبيلبس كويس جدا ومشترك فى نادى وبيلعب رياضة ومدخلاه مدرسة خاصة يعنى سلوكياته طبيعية جدا مع العلم انو عنده اربع سنين ونص ... شفتى باه الجوامع اللطيفة !!!!!!!!!!!
انتهت الرسالة
حد يشيلني من هنا
دي جوامع؟ دي بيوت الله؟ بترفض الايتام؟ لو الجامع يرفض يتيم امال مين اللي يقبله؟ ده حتى زمان كانوا يقولوا: لاقيينه على باب الجامع، على اساس ان الجامع ده اصلا بتاع الايتام
حسبي الله ونعم الوكيل
حسبي الله ونعم الوكيل
يعني ايه؟ انا مش فاهمة يعني ايه؟ وايه مسجد الصحابي يوسف ده؟ عايزين نروح نعمل لهم فضيحة هناك، ده مسجد؟ وده الصلاة فيه حلال ده وللا ايه؟
والبنية عاملة جروب على الفيس بوك للايتام، بص كاتبة ايه
ادى اليتيم حقه


متجرحوش بكلمة
متقلش قدامه انت يتيم
بلاش تتكلم قدامه عن التبرعات والتطوع والحاجات دى
انسى كل حاجة وانت داخل تزوره
افتكر بس انو طفل صغير ... محتاجلك
احتمال يكون اتحرم من الاب من الام من الحنية
يبقى بلاش كمان نحرموا من الادمية
اوعى فى يوم تعاملوا على انه لقيط او ابن حرام
هو مجرد طفل
ربنا بس اللى عالم اهله فين
جايز ماتوا
جايز هو مخطوف
جايز حاجات كتير
اى كانت الحاجات دى هو مالووش ذنب فيها
فهموا ولادكم واخواتكم وقرايبكم
انهم مينفعش يعاملوهم باستحقار فى مدارسهم
بالعكس ... احنا كلنا واحد .....
انا وانت وانتى وهو وهى ........ انسان
مفيش لقيط ومفيش ابن حرام ......
فى بس طفل صغير .... ضحكته ممكن تنور حياتك ....
محتاجلك و ممكن ياخد ايدك يوم القيامة ويروح بيك الجنة .......
لو سمحتم مش اول سؤال نسأله فى اى دار ايتام ( هما اهلهم فين ؟؟ انت لقتوهم ازاى ؟؟ )
اكيد الاحسن اننا نسأل عن الحاجات اللى بتفرحهم وممكن نساعدهم بيها
-------
يا جدعان هو الكلام ده محتاج يتكتب؟ دي لو بتكلم مجموعة من المعاتيه اللي جايين من الاسكيمو بعد ما ماتوا الف سنة وصحيوا تاني مش ح تضطر تقول لهم الكلام ده، هو ده مش كومن سنس وللا ايه؟ هي محتاجة تفسر دلوقت سنة الفين وتسعة معنى كلمة "فأما اليتيم فلا تقهر"؟ محتاجة مفهومية دي؟
انا ما كنتش اتخيل ابدا ان الكلام الفارغ ده بتاع دول ولاد حرام انتشر بسرعة كده؟ ده من كام سنة الست اللي باقول لكوا عليها دي كانت اضحوكة المحافل الدولية
مش معقول، ده احنا ربنا ح يشنبرنا، يعني يعمل فينا ايه اكتر من اللي عامله فينا؟
لالالالالالالا كده قرف كتير عليا، ده نتانياهو له حق ينسل القبقاب المتعاص في الكنيف على ام رأسنا وشوية علينا
احنا ح نسكت على الجامع ده؟ ح نسكت؟ حد يفهمهم طيب، حد يكلمهم انا مش ح اكلمهم، يجبوا لهم شيخ ينصحهم، يفهمهم، يكبر في ودنهم ويطلع العفريت من جتتهم، اي حاجة
هي الناس دي مش خايفة من ربنا؟ هو حد ضامن عمره؟ هو حد ضامن انه عايش لولاده؟ هو حد ضامن ابنه ممكن يتوه وللا يقع في ايد حد، هو حد حتى ضامن ان بنته ربنا ما يوقعهاش في واحد ابن تيت يضحك عليها وتخلف منه ويبقى عنده حفيد زي ده؟ ح يعمل ايه ساعتها؟ مش ح يدخله الجامع؟
سؤال بس والنبي: هو فيه صحابي اسمه يوسف؟ يعني حتى اسم الجامع غلط؟

حد يمني هنا يشرح لنا ايه الحوثيين دول؟

تحديث:
لقيت لهم موقع هنا، ميدو بعتهولي على التويتر، نقلا عن محمد توفيق
وميدو بعت لي الاكاونت بتاعهم على اليوتيوب وبكده يبقى لهم موقع بيعبر عنهم وواضح ان اللي دخل الموقع عشان ينقل منهم حصل له اللي حصل لي
مافهمتش حاجة، يبقى هم بقى مش ما عندهمش فرصة يتكلموا، هم مش عارفين يتكلموا
انا مش فاهمة ايه مشكلتهم حاليا دلوقت؟ يعني ايه مطالبهم واحد اتنين تلاتة، وهل مطالبهم دي تستاهل كل الحرب دي؟ اذا كان اضطهاد مذهبي فالموضوع برضه مش مستاهل حرب
والله انا بصيت على الموقع، وعلى الفيديوهات، ومافهمتش حاجة، بصوا انتوا برضه انتوا يمكن مخكوا نور عني انا خريجة خامسة ابتدائي
بصوا وفهموني لو فهمتوا حاجة
------------

انا قاعدة ادور في سلقط في ملقط على موقع للحوثيين عشان افهم هم مين وللا فيهم ايه وللا ايه اللي في دماغهم، مش لاقية، لا ليهم موقع الكتروني، ولا ليهم قناة فضائية، ولا الجزيرة بتستضيف حد منهم، وبس سامعين عنهم اسما كده في الاخبار: مقتل عشرة من الحوثيين، مقتل ثلاثين من الحوثيين، والله لنوري الحوثيين، والله لنشبح الحوثيين
طيب هم رأيهم ايه؟ يعني يسمعونا هم بيقولوا ايه واحنا برضه نشوف كلامهم معقول وللا مجانين، احنا بني ادمين برضه ولينا نظرة في الناس
:)
جابوا في الجزيرة صحفي المفروض انه محايد، انا ما ارتاحتلوش شكله، اسم الصحيفة اللي بيرأسها، كلامه الغامض
اولا لابس لي خنافس، ثانيا الصحيفة اسمها اليمن نيوز!!! ثالثا بيقول كده:
لكن هذه ليست طريقة للمطالبة بمظلمتهم (على الحوثيين يعني) انا لا ادافع عن انتهاكات الدولة، لكن عليهم القاء السلاح والمطالبة برد مظلمتهم بالحوار
ايوة، ايه بقى مظلمتهم؟
انا برضه كنت حاسة انهم مظاليم، والله، اختفاءهم ده، ولسانهم المقطوع ومالهمش حد يدافع عنهم ولا يتكلم نيابة عنهم، وعمالين يموتوا ولا حد بيسأل فيهم، والعالم كله ضدهم، والعالم ده دايما ظالم، العالم اللي واقف مع اسرائيل مش ممكن يبقى بيفهم في العدل حاجة، وخسائرهم الفادحة، كل دي بتوحي بضعفهم الشديد، طيب الضعيف دايما معاه حق حتى لو غلطان، لان مافيش ضعيف بيطالب بمطالب مش معقولة، الضعيف دايما طموحه على قده، ودايما خايف ويؤثر السلامة، عشان يعمل حاجة زي دي لازم يكون فاض بيه، ولو له حق ياخده ولو مالوش حق يتاخد بالهينة مش بالعنف لانه ضعيف في النهاية
ثم فيه حاجة غريبة قوي، السعودية ومصر وامريكا واخدين صف علي عبد الله صالح، من امتى ثلاثي اضواء المسرح دول بيجتمعوا على خير ابدا؟ لازم وراهم مصيبة، وبيقولوا ان ايران ورا الحوثيين، مع ان علي عبد الله صالح قال ايران مالهاش دعوة، طب لو علي عبد الله صالح بينفي دعم ايران لهم، يبقى الناس دي مالهاش داعم خالص، يعني يا قلبي واقفين لوحدهم خالص، ثم دول لو بياخدوا فلوس من اي حد انشالله حتى من لجنة الزكاة كانوا عرفوا يعملوا موقع بتلاتة صاغ يشرح قضيتهم اللي الواحد مش فاهم هي ايه؟
وعلي عبد الله صالح يموت عيالهم ونسوانهم ويقول اصلهم بياخدوا المدنيين دروع بشرية؟ ماحدش بيقول الكلام ده غير اسرائيل، حتى امريكا مش بتقوله، بتقول خطأ، نيران صديقة، ما حصلش، احنا اسفين، والله ما شفنا، ده مش احنا، لكن عمرها ما قالت الكلمة دي، لانه معروف في القانون الدولي ان لما المحارب يتخذ من المدنيين دروع بشرية مش مسموح للطرف التاني انه يموت المدنيين، ده اسرائيل بتقول كده عشان بلطجية يعني
بس فيه حاجة تالتة اغرب واغرب، مذيعة الجزيرة قالت ان الحوثيين بيقولوا ان الخلاف ما بينهم وبين الحكومة خلاف ثقافي!!!!! يا صلاة النبي؟ هي الناس لما تختلف ثقافيا بتحارب؟ ماهو بصراحة هم لو بيحاربوا عشان خلاف ثقافي يبقى عايزين حش رقبتهم
لا حرام، ليطلعوا مظلومين، بس مش معقولة يبقى عقلهم صغير كده
الحاجة الرابعة الاغرب واغرب واغرب، اني دخلت على موقع الجزيرة لقيت واحد يمني معلق على خبر عن الحوثيين بيقول سيهزم الحوثيون، ورغما عن انوفهم ابو سفيان صحابي
!!!!!!!!!!!!!!!!!!!!!!!!!!!
ايه يا جدعان العبث ده، لالالالالالالا، كلموني زي ما باكلمكوا، اكيد الحرب دي لسبب اكبر شوية من الخلاف على ان ابو سفيان صحابي وللا مش صحابي
يا اما قولوا لي كده بقى عشان اروح اعلق الحوثيين والحكومة من حواجبهم وانتف لهم شعر مناخيرهم
حد فاهم يفهمني
بس من غير فتي والنبي

عاجل: اشتباكات بين العرب والصهاينة في المسجد الاقصى

مواجهات دلوقت حالا في المسجد الاقصى ما بين الصهاينة والعرب، الظاهر انتفاضة رابعة
تحديث:
اللي حصل ان القوات الاسرائيلية حاولت تدخل الجامع وضربت فلسطينيين
انا مش شايفة غير كراسي طايرة في الهوا وقنابل مسيلة للدموع ورصاص وحجارة
توقع:
ما اعتقدش انها ممكن تاخد مدى لحد ما تبقى انتفاضة جديدة لأن محمود عباس ح يقمعهم بدل الاسرائيليين كالعادة، ومن ساعة ما ربنا حدفه علينا ومافيش حس للضفة والقدس خالص، الا اذا الفلسطينيين قرروا ياخدوا موقف بقى من عباس ده ويخلصونا

Saturday 26 September 2009

الجمهور الاسباني استقبل فريق الباسكت الاسرائيلي باعلام فلسطين

احنا مش ح نعمل زي الباز افندي ونبعت نشكرهم؟ على العنوان التالي: اسبانيا/ مدريد/ جمهور السلة
ص ب: 0000000

مالها قناة الناس يا عالم يا ظلمة؟

الا كل الناس بتشتكي من قناة الناس، كل الناس بلا استثناء، من اول صاحبتي المنقبة لحد صاحبتي اللي دراعتها باينة، لدرجة انها بقت مضرب الامثال، كل ماحد يخرف الناس تقول: مين فتح قناة الناس؟ كل مرة اقول ح اتفرج عشان اعرف الناس بتشتكي ليه، وبعدين بعد عدة مشاهدات بصراحة لقيت ظلم بين
انا مش عارفة ايه اللي مضايقكوا في اتنين موظفين في الشهر العقاري راجعين بالبدل من كتب كتاب بنت مديرة الادارة في مسجد النور هنا، وبيتكلموا عن الملايات والخلاطات واطقم الكوبايات والحلل؟ ده حتى البوضاعة اللي بيتكلموا عنها شكلها تبع الاسر المنتجة، يعني خير وبيعملوه في الناس، فيه ايه بقى؟
هو فيه حاجة تانية في قناة الناس غير مدير الحسابات وموظف الشئون القانونية وملاياتهم ام ورد أخضر وقلوب حمرا؟ فيه حاجة تانية؟ انا ما شفتش

ومين بقى اللي ح يفرض عقوبات على امريكا؟





اللههههههه يرحمه

انا لقيت الخبر بس مش لاقية الفيديو اللي يلاقي الفيديو يباصي لي
مش عارفة حاسة ان البوماته ما بقتش توزع زي زمان، يمكن عشان ميت؟
ههههههههه استنوا استنوا، لقيته
الفيديو بيستفتح كده: تنبيه: لا نسمح بالموسيقى في تسجيلاتنا
لااااااااااااااا حول ولا قوة الا بالله، يعني احنا طرش مثلا؟ ما احنا شايفين انهم مش حاطين مزيكا هههههههههه، والله العظيم اصحاب العقول في راحة، وهو بن لادن اهبل يعني عشان يكتب الجملة المتخلفة دي؟ الله يرحمه يعني، لما كان عايش ما كانش بيعمل كده 
خدوا الفيديو، ما بيقولش حاجة، بيقول اطلعوا برة افغانستان
وبيقول حقايق حول الجرايم اللي في افغانستان، هييييه، افغانستان دي اغلب من الغلب، بس الكلام ده بيتقال في الاخبار، حتى السي ان ان اليومين دول شادة قوي على ان الجيش بيضرب مدنيين


المهم يعني، هم عايزين مننا ايه؟ بينزلوا لنا فيديو زي ده ليه؟ ثم جيران ايه اللي هم بيسيئوا لهم؟ هي افغانستان جيران؟ وناهيين الفيديو بـ"وان جنحوا للسلم فاجنح لها...الاية" يا سلام
ده كان ضارب ايه اللي بيعمل الفيديو ده؟ وللا ده فراغ وللا ايه بالظبط؟
وللا عايزين يخلعوا من افغانستان دلوقت عشان يتفرغوا لايران؟ الله اعلم، اصل مش معقولة يكلفوا نفسهم فلوس كده من غير هدف
هاه... وهم ح يفضلوا يكلموا نفسهم كده كتير؟ بيفكروني بالناس اللي على الفورمز اللي تعمل كذا اكاونت وتقعد تتخانق مع نفسها، وكان فيه مدون بيعمل كده والله، يدخل باكاونت تاني ويقعد يشتم نفسه وبعدين يدخل باكاونت تالت ويقعد يدافع عن نفسه على اساس انه مش نفسه، وخلاص احنا سبناه بقى يعني ماحدش بيكلمه في الموضوع ده

Thursday 24 September 2009

اتفوووووو


تحديث: نزلوا اسامي الناس اللي قاطعت نجاد ومش من ضمنهم البانيا، يمكن اشوف شفت غلط
اميركا وبريطانيا والارجنتين واستراليا وكوستاريكا والدنمارك وفرنسا والمانيا والمجر وايطاليا ونيوزيلندا

انا رجعت من الشغل بدري لان عندي صداع نصفي ودراعي الشمال واقف ودايخة
وجنبي واجعني من ساعة ما شفت خطبة نتانياهو ومع ذلك مش قادرة اسكت، انا عايزة اعرف لستة باسماء الدول الحلاليف اللي حضرت الكلمة دي وفضلت قاعدة، سيبك من الدول العربية، احنا خلاص رمينا طوبتهم، بس ده واحد وقف ماسك مسطرة وعمال يقول لهم انتوا ما عندكوش دم.؟ ما عندكوش احساس؟ للحضور، بيهزأ الحضور، الحضور كلهم، يعني الصين واليابان وكده يعني

انا شفت مقعد لبنان خالي، وقالوا ايران ما حضرتش، ما اعرفش سوريا حضرت وللا لا، بس جوز حلاليف كانوا قاعدين شفتهم بعينيا وفد مصر ووفد المغرب شفتهم بعينيا وهو عمال يقول دي ارضنا وارض اجدادنا ومع ذلك احنا ح نسمح للفلسطينيين بدولة على شرط يعترفوا ان دي دولة يهودية وايران دولة دينية ولازم يتم محاربتها، ووقف بعد ما هزأ كل البهايم اللي كانوا قاعدين، قعد يبرر قتل المدنيين ويقول ان ضرب سيارات الاسعاف والمستشفيات والمساجد كان مبرر عشان دي كلها مخازن سلاح، مخازن سلاح في عربيات الاسعاف
وده مين ده اللي كان قاعد في وفد المغرب ده؟ ده ملك المغرب؟ ده ملك المغرب وللا انا شفت غلط؟ ملك المغرب بجلالة قدره قاعد يسمع تلطيش وتهزيء من حتة واد صايع مجنون جربوع بيشتغل مع المافيا؟ يارب اكون شفت غلط، ووفد مصر قاعد مبتسم وشكلهم زي البقر؟ ليه؟ ليه؟ احنا مش مجبرين على كده، ايه اللي جابرنا؟ الله يفضحكوا، فضحتونا الله يفضحكوا، يا حلاليف، يا بهايم، يا خنازير، خنازير ايه؟ الخنازير لما اترمت في الجير الحي كانت بتصرخ يا عديمي الدم والاحساس والكرامة والانسانية والاخلاق والدين، يا مرمطونات يا جرابيع يا شحاتين يا متسولين يا دلاديل يا شباشب يا حشرات وحشرات حتى مش سامة يا بهايم، بهايم ايه؟ ده الواحد يشتم البهايم بيكوا، ليه؟ هو حد قال لكوا حاربوا؟ ليه تتهزأوا وتتمرمطوا وتقعدوا مبتسمين؟ انتوا بني ادمين انتوا؟ وبس مش شاطرين غير علينا؟ ويقول لنا احنا يهود لكن انتوا مش مسلمين، كده؟ كده يعني؟ استغفر الله العظيم يا رب، يارب ايه الذل ده كله يارب، احنا عملنا ايه استغفر الله العظيم.
انا ح اتجنن، باي حق اي دولة في الدنيا تقف تهين الناس بالطريقة دي؟ ثم ايه البانيا دي؟ هي وضعها في الحياة البانيا دي عشان تقاطع كلمة نجاد امبارح وتقعد في كلمة نتانياهو؟ مين البانيا يعني؟ بنت مين في مصر؟
النهاردة عشر طيارات اسرائيلية اخترقت الاجواء اللبنانية، عشرة، عشر طيارات، والموكوس فاروق حسني باس الاعتاب وعمل كل اللي نفسهم فيه وبرضه ادوله على قفاه، مستنيين ايه؟ قاعدين تعملوا ايه؟ على رأي نصر الله اذا مش قادر تحارب انت مش مجبر تذل نفسك
انتوا ايه؟ ما بتحسوش؟ طب ما بتحسوش، ما بتفهموش؟ الراجل ده هزأكوا.. هـ ز أأ كووووو.. اسبلها بالانجليزي؟
h a z a a koooooooooooooo
ده حتى مذيعة السي ان ان قالت: ده قال كلام غريب قوي، ده قال يا اما تبقوا مع اسرائيل يا اما انتوا مع الارهاب
طب ملحوقة، طب قدموا اعتراض، قدموا تظلم، اعملوا اي خرا على دماغكوا جتكوا القرف، جتكوا نيلة، يا بليدي الاحساس، يا موميات متحنطة، يا قباقيب، ماحدش فيكوا في رجله جزمة يديله بيها يا حافيين يا متسولين؟ ماسك عليكوا ايه؟ قولوا لي ماسك عليكوا ايه؟ عارف عنكوا ايه احنا ما نعرفوش عشان يتصرف معاكوا كده؟ فيه ايه؟ فيه ايه؟
طب اياك تفتحوا بقكوا معانا يا وكسة تاني ابدا، اياك تعملوا علينا حكومة وللا نظام وللا دولة، اياكوا، على الله اشوف ظابط بوليس بيكح في الشارع، على الله حد فيكوا يورينا وشه في خطبة منيلة على دماغه، يا ماسورة مجاري وطفحت في حياتنا ومش عارفين نسدها ازاي
اتفووووووووو
شايفين الاسرائيليين فرحانين بنتانياهو ازاي؟ عشان عمل لهم كرامة
احنا بقى اللي بيعمل لنا كرامة بنمسح بيه البلاط، ليه؟ تعمل لنا كرامة ليه يا قليل الادب؟ ما عاش ولا كان اللي يعمل لنا كرامة
اه نسيت اقول لكوا، الست الكتكوتة مندوبة فلسطين فضلت مرزوعة تسمع الكلمة وعلى ما اتمهمزت وهزتها وقامت اسم النبي حارستها اعتراضا كان خلاص خلص كل القرف بتاعه وكان فاضل له دقيقتين على الانتهاء من الكلمة
طب وليه تعبتي نفسك يا روح خالتك؟ ما انتي قعدتي وسمعتيه وهو عمال يقول الارض ارضنا عن ابونا وجدنا وبكرة وللا بعده لعيالنا بعدنا، وسمعتيه وهو بيقول ضرب المدنيين ضرورة وغلطة حماس، ايه اللي صابك في اخر دقيقتين وجاب لك والعياذ بالله داء الكرامة

كلمة القذافي/احمدي نجاد

حديث:
لقيت كلمة احمدي نجاد، كانت حلوة قوي، والحمد لله ما جابش سيرة الهولوكوست، فرنسا وامريكا وكندا واسرائيل انسحبوا اثناء كلمته وبعدين عرفت بعد كده انهم كانوا متفقين من قبل الجلسة انهم يعملوا الحركة دي وهو بيتكلم عشان "لا شيء اكثر تعبيرا عن الاحتقار من الانسحاب اثناء القاء الكلمة في الامم المتحدة" قالوا كده، وده كان بناء على طلب الجمهور اللي هو اسرائيل، هي اللي طلبت منهم كده، وبعدين وانا باتفرج لقيت مقعد الوفد الالباني خالي، مع ان ما جابوش سيرته، بس انا متأكدة انه شفته خالي، هي البانيا دي راخرة ايه دي؟
وعرفت ان فيه ناس انسحبت اثناء كلمة القذافي، على فكرة، غجر وشراشيح، اي والله، ده مش اسلوب محترم ابدا لما يتفقوا مع بعض عشان يربكوا اللي بيتكلم، دي قلة رباية، لو حد مننا عمل كده كنا بهدلناه وكنا قلنا له الانسحاب ضعف وكنت اقعد ورد وكل الكلام الخايب ده، صح؟ مش متربيين والله، مالهمش ام علمتهم ان ما يصحش تمشي وحد بيكلمك؟









مش لاقية كلمة القذافي بالعربي على النت، الخواجات نزلوها قبلنا، اللي ما شفهاش يشوفها الكلمة مهمة فعلا وكلها كلام حق، بصرف النظر عن رأينا في القذافي نفسه، سيدنا معاذ بن جبل قال: اقبل الحق وان جاءك من منافق او كافر. وهو على الاقل مش كافر يعني هههه
الكلمة فعلا مهمة وكويسة وشاملة وبيتكلم بمكنونات نفساوياتنا



هو هطرس شوية بالنوسبة ل: احنا عايزين نريح امريكا من تعبنا وهم ناس ضايفونا كتر خيرهم وكدهون يعني
ههههههه
كلمة احمد نجاد كانت موزونة اكتر وكانت حلوة قوي برضه ح ادور عليها واجيبها بس انتوا اتفرجو على دي

تضامنوا مع الاهرام ويكلي




طب اهو



واهو


واهو

واهو


هه


هه
ودي بقى صورة صغيرة عشان نطبعها ونحطها بادج


انشرها على كل المدونات ولك الاجر والثواب عند الله

كابتشن، يا تصوت يا تقول لي ما صوتش ليه؟

اسم الله على مقامك، ربنا يبارك في نواضرك، شايف الاستفتاء اللي على جنب المدونة ده؟
>>>>>>>>>>>>>>
اه ده، لو سمحت يا تصوت عليه يا اما لو مش ح تصوت تقول لي ما صوتش ليه؟
ممكن؟ وللا مش ح تعبرني في دي كمان؟ :) يعني لو مش مستنضفني للدرجة دي اكيد مش ح تدخل المدونة اصلا
وللا ايه؟

Wednesday 23 September 2009

البسسسسسسسس فاروق حسني مش ح يستقيل



هيهيهيهيهيييييييي، طب خليك بقى فاكر يا روقة اني انا الوحيدة اللي تعاطفت معاك، انا ماليش دعوة يا بيه بالعيال الصيع دول، منك ليهم يا باشا، قطعهم
اللنك اهو، بس انا ح انزل الخبر برضه:

أكد فاروق حسنى، وزير الثقافة المصرى، أنه لن يلجأ للاستقالة من منصبه كوزير للثقافة بعد خسارته فى الفوز بمنصب المدير العام لليونسكو، وقال حسنى فى حديث أجراه مصطفى بكرى، رئيس تحرير صحيفة الأسبوع، عقب وصول حسنى إلى القاهرة مساء اليوم، الأربعاء، إنه أجرى اتصالاً بالرئيس مبارك، وأن الرئيس قال له ألق بكل ما جرى من خلفك، واستمر فى أداء مهمتك كوزير للثقافة.
(ولا تزعل نفسك يا ضنايا، بيت ابوك مفتوح، وان ما شالكش اليونسكو نشيلك في حبابي عنين الشعب)


وأشار فاروق حسنى فى الحديث الذى تنشره صحيفة الأسبوع صباح الجمعة القادم إلى الدور الذى لعبته الولايات المتحدة الأمريكية بهدف إسقاطه، وقال إن المعركة كانت تدار ضدى من نيويورك.


واعتبر وزير الثقافة المصرى أن قضية تهويد القدس وموقفه منها كان أحد الأسباب التى دفعت إلى قيام اللوبى اليهودى بشن معركة إعلانية وسياسية كبرى ضد ترشيحه لهذا المنصب، وكشف حسنى النقاب عن أنه تلقى رسائل على إميله الخاص بعد إعلان فوز المرشحة البلغارية من إسرائيليين يعلنون فيها عن سعادتهم بعدم فوزه فى الانتخابات تحت زعم معاداته للسامية.
(وماله يا اخويا، يارب ياخويا يارب)


وقال فاروق حسنى إن ما جرى لن يثنينى عن موقفى الرافض للتطبيع ما لم يتحقق السلام فى الأراضى الفلسطينية المحتلة، وقال يكفى أن هذه الانتخابات قد عرت العالم أمام العالم، ذلك أن هناك من يصر على أن يبقى الجنوب خاضعاً بشكل دائم للشمال.
وانت كنت موجود لما اتعرى؟
خلاص، خلاص، ابننا وغلط وعرف غلطه، وراجع بيت ابوه، البيت بيته واحنا ضيوف، حمد الله ع السلامة يا ابني، خد دوش وارتاح لك شوية على ما الشعب يحضر لك لقمة تاكلها

هي الناس بتضحك ليه والقذافي بيتكلم

حتى ليلى الشايب مذيعة الجزيرة بتضحك، احم، وانا باضحك، بس والله مش عارفة ليه؟ :) طب والله قال كام حاجة كويسين يعني، بس قال لهم اقروا الكتاب الاخضر واداهم نسخة من الكتاب الابيض، لا هو ما اداهمش، هو رمى النسخة في وش مقرر الجلسة، تريكي ده، رماها في وشه كدهو
ووترهم وقال لهم مبنى الامم المتحدة في نيويورك مستهدف، وهم قاعدين فيه
محمد مرعي بيقول لي ماهو بيعمل في الناس اوحش من كده، هو صحيح بيعمل في كل الناس كل حاجة، بس ده ما ينفيش ان كلامه كان فيه حاجات مظبوطة، حتى لو هو نفسه ما اتسقش معاها، ده موضوع تاني،زي انه يعذب الناس ويتكلم عن التعذيب، او زي انه يقول ان الصوماليين مش قراصنة، السفن اللي بتدخل مياه الصومال بلا اي احترام لسيادتها وترمي نفايات هم القراصنة، حتى لو كان هو نفسه له سفن بتعمل كده في الصومال، ده موضوع تاني
بس مش عارفة ليه كنت باضحك
احنا دلوقت في انتظار الكتاب الفوشيا
بس اتضايقت دلوقت، تصدقوا اتضايقت دلوقت حالا وانا باتكلم؟ عشان ما ينفعش كلام بجد وحق يتقال على لسان واحد كوميدي، كده حاجات حقيقية بتتسفه بشخص الانسان اللي بيقولها، بعد كده لما حد عليه القيمة يقول الكلام ده الناس ح تفتكر القذافي وتضحك

ههههههههههههههههههههههههههههههههههههه

تحديث: ههههههههه آه يا شعب حشاش، ده فيه تعليقات في اليوم الساقع كمان، وواحد بيغني له:
52بجد حزين
بواسطة: احمد


بتاريخ: الثلاثاء، 22 سبتمبر 2009 - 20:57 لو سألتك انت فقرى تقولى ايه تقولى فقرى وابن فقرى وكل مصرى فقرى يا بيه.... ملوك المحزنه ودى حاجه فى طبعهم وعرفاهم انا دولا نحس مين زيهم ........ قولها وباعلى صوت يا رب النحس يفوت .......دا انا فقرى وابويا فقرى والله من يومه فقرى وكل فقرى الله عليه وكل فقرى الله عليه ..........دى مفروض تبقى اغنيه الشعب المصرى دائما يا ريت
بس هو مواطن مصري علق؟
انت علقت يا مواطن؟ قفشتك:
معلقين صهاينة
بواسطة: حرب ايرانية ارهابية خفية


بتاريخ: الثلاثاء، 22 سبتمبر 2009 - 21:13 اراهن ان السبب فى المؤامرة ضد فاروق حسنى اخونجية ارهابيين متطرفين و ايرانيين و ارهابيين من قطر و سوريا و ايران و حزب الله و حماس لانهم يعادون مصر و اعتقد سيتم فضح الاعيب خفية تمت ضد حسنى ليس فقط من اليهود بل من جهات خفية و فى اعتقادى سيتم الغاء النتيجة و سيتم كشف الحقيقة و عزل المرشحة الفائزة لانها ربما لم تفوز بشرف


وواحد كاتب عنوان التعليق بتاعه: اليوتوكسوا، يا ولاد المفترية، منكوا لله، ههههههه، ما تعملولوش حاجة بقى لما ييجي، هههههه، خلاص كفاية اللي هو فيه، الا هو عيط صحيح؟ يا عيني، ايه ده يعني ايه؟ ماحدش صعبان عليه الراجل غيري؟ طب يا روقة اعملني  بقى وكيل اول وزارة وانا اطلع لك عين الشعب، شفت انا بنت اصول ازاي؟


ايه ده ايه ده؟ ههههههههههههه ايه ده ايه ده؟ فيه ايه؟
انا ح اعمل كوبي بيست للتعليقات عشان تشوفوا بعينيكوا
يا حراااااام، صعب عليا، على رأي واحد من المعلقين: لا طال بلح الشام ولا عنب اليمن. همممم انت فاكر يا روقة اما تكسر نفس الناس بعجين الفلاحة اللي عملته لاسرائيل الناس ح تنسى؟ ده احنا خمسة وسبعين في المية من تعداد السكان صعايدة، يعني شايلين قلبهم وحاطين علبة بلاك.
بس حرام يا جماعة هو ما كانش يقصد، الله، ماية دي وللا مش مااااية.... ما بتضحكيشي ليه؟ ما تشدوش قوي في الشماتة احسن يعيط لعوكل وعوكل ينتقم مننا، والله انا حاسة انه ح يطيب خاطره على قفانا
شوفوا التعليقات بقى واقعوا من الضحك
تعليق :medziبتاريخ : 22/09/2009 11:17:00 م فرحان فيك


بالشفا يا فاروق على الله تعرف حجمك و طرقك القذره وصلتك لفين


قيم هذا التعليق ابلغ عن تعليق غير لائق تعليق :nogla2002بتاريخ : 22/09/2009 11:17:00 م 1000 مبروك


ههييه
هييييييييييييه
الف مبروك لليونسكو
الف مبروووك لكل المصريين
يعنى هو كان نافع كوزير لثقافة مصر لما ينفع كمدير عام لليونسكو
لكن المصيبة انة هيرجع تانى وزير للثقافة
ابقي خلي المايستروا الاسرائيلي ينفعك يا سياده الوزير


قيم هذا التعليق ابلغ عن تعليق غير لائق تعليق :redscorpion1000000بتاريخ : 22/09/2009 11:03:00 م ???!!!


الف مبروك على الخيبة القويه بس السؤال الذى يطرح نفسه هو ياترى ترشيح الباشاللمنصب ده كلف مصر والخزانه المصريه فلوس اد ايه؟؟؟
مش كان اولى بيها الناس الغلابه اللى مش لاقيه تاكل او لاقيه مكان تعيش فيه او يستخدم فى مد انابيب المياه العذبة الى قرى ومدن مصر او ادخال الصرف الصحى الى هذه الاماكن او ....
والله الواحد مش عارف يقول ايه والا ايهّّّّ
وبعدين يا ترى ايه انجازات الباشا فى بلده علشان يتعين فى هذه المنظمه الدوليه؟
ويا ترى هل حال مصر هو حال بلد فيها وزارة للثقافه؟؟؟؟


قيم هذا التعليق ابلغ عن تعليق غير لائق تعليق :kimokonoبتاريخ : 22/09/2009 10:57:00 م العزة في غير الإسلام


نحن قوم أعزنا الله بالإسلام .. فمن ابتغى العزة في غيره ذل......


ذاك شخص باع دينه لإرضاء اليهود ولكن خذلوه ورموه وأطاحوا به لأنهم يعرفون انه شخص بلا مبدأ ولا هوية ....
علنا نتعظ ونتمسك بالمبادىء والقيم لنكبر في أعين أعداءنا....


قيم هذا التعليق ابلغ عن تعليق غير لائق تعليق :amtsy55بتاريخ : 22/09/2009 10:55:00 م يصبرنا


قلنا استريحنا من وشوه ، ولكن مكتوب وإبتلاء وربنا يصبرنا
(ده بيفكر زيي


قيم هذا التعليق ابلغ عن تعليق غير لائق تعليق :ahmedalian2002بتاريخ : 22/09/2009 10:55:00 م الدرس


هذا رجل قامر بكل شيء وخسر، قامر بسمعته بين بني وطنه، وقامر بوطنيته، وتنازل لمن لا يستحق التنازل، وأذلّ نفسه لليهود ولمن على شاكلتهم بشكل لا لبس فيه.. والآن خسر، وما خسره على الأرض هذا يمكن رؤيته بوضوح، أما ما خسره عند الله فالله أعلم به.


قيم هذا التعليق ابلغ عن تعليق غير لائق تعليق :M.Moubasherبتاريخ : 22/09/2009 10:53:00 م شماتة الأعداء والأهل


هذا الزنديق الفاسق الديوث لم يحظي فقط بشماتة الأعداء بل حظى ايضا بشماتة بلدة وعشيرتة لانة لا خير فية فقد باع دينة وقيمة اذا كانت عندة قيم اساسا فكلها قيم منحرفة مستوردة ... وأخص بالذكر ابلة ظاظا بطلت شماتة في رجاء الجداوي ومسكت في فاروق ابو حوسني :)
(ديوث؟ هو ديوث ليه؟ مش ديوث يا عم انت اتلخبطت بينه وبين واحد تاني.. التاني ها...بص.. ابو شنب رفيع وصابغ شعره احمر


قيم هذا التعليق ابلغ عن تعليق غير لائق تعليق :zena dreamsبتاريخ : 22/09/2009 10:51:00 م يمكرون ويمكر الله !!!


(دي بقى مركزة معاه من ساعة ما ربنا خلقه وشايلة في قلبها منه قوي)

الحمد لله عدد ماكان
الحمد لله عدد مايكون
الحمد لله عدد الحركات والسكون
...
والله العظيم تلاتة .. أول مرّه أفرح
في حد في حياتي
فرحه مش قادره حتي إني
( أستغفر ربي ) عليها .. لأنها مش شماته في فاروق حسني .. علي آد ماهيّ
فرحه .. بإنتصار الحق علي الباطل
فرحه .. بهزيمة شخص مايستحقش منصب وزير في بلد عددها 80 مليون ,, إزاي كان ممكن يحتل مكانه عالمية .. تحتك
بستة مليار وربع إنسان .. وهوه أصلاً مش إنسان !!!
هذا المتسلق المتربح من مقعد الوزارة
في بيع لوحاته المتدنيه بملايين الدولارات مستغلا موقعه .. ومانعاً مئات الفنانين التشكيليين من إبراز أعمالهم المتميزة بالتفرد والروعة !!!
ماشأنه لو جلس علي مقعد اليونسكو ؟؟؟
هذا الذي منح حلمي سالم جائزة الدولة التشجيعية عن ( شرفة ليلي مراد ) لأنه قال : ـ ليس الرب من يمسك ضرع البقرة ويجلس ليؤلف
( سورة البقرة ) ؟؟؟؟؟؟؟؟؟؟؟؟؟؟؟؟؟...
( حاشا لله وتعالي الله عما يصفون )
........
هذا الذي وردت في تعليقات ا"لأخوة هنا
العديد والعديد من جرائمه الداله علي فساده ؟؟؟
هاهو الرب يقتص لنفسه منه .. ويكسر هيبته .. ويسقط عرشه أمام العالم ..
كما فعل (( بقارون )) يوم الزينة ...
فخسف به وبلوحاته وشهاداته ووساطته
الأرض ..........
هكذا ..
يمكرون ويمكر الله والله خير الماكرين
(( صدق الله العظيم ))
...
إخوتي .. آما آن لنا (( نحن )) الآوان
أن نطلقها (( صيحة واحدة )) في وجه هذا الآفاق .. كي يرحل بناء علي رغبة الجماهير ؟؟؟
مجرد .. سؤال .. وربما مجرد .. أمل
في يأتي نصر الله بإيدينا ولو مرّة واحدة ..
( إن تنصروا الله ينصركم ويثبت أقدامكم )
صدق الله العظيم
فهل من .. ناصر ؟؟؟
لله
يامصريين
لله


zena






قيم هذا التعليق ابلغ عن تعليق غير لائق تعليق :alexmuslimبتاريخ : 22/09/2009 10:50:00 م احسن ... انا فرحان فيه


انتا مفكرها انتخابات كوسة زى انتخابات الحزب الوطنى بتاعك ياريت مترجعش البلد دى تانى واحنا حنبعتلك لوحك تشوف حد يشتريها منك ب 10 قروش وانتا اصلا لم تقدم للثقافة المصرية شيئا عشان تبقى مدير لليونسكو ربنا اخذاك و كبسك


قيم هذا التعليق ابلغ عن تعليق غير لائق تعليق :egykuwبتاريخ : 22/09/2009 10:49:00 م اول مرة أرى هذا في حياتي


إنسان مصري يقع ونحن نفرح لهذا لم يحصل هذا من قبل ليه لابد أ يسأل نفسة لما كل الشعب ضده..
لابد من وقفة للمسئولين عن البلد ان يقال الوزراء الغير مرغوب فيهم من الشعب وبلاش تكبر من الحكومة هو انتم أعداء الشعب جايبين وزير محدش عايزة ..
لهذه الدرجة التسلط علينا يذكرنا بوزير الداخلية بدر الذ أذلنا لسنوات طويلة..
ربنا ياخدكم ويعز شعب مصر


قيم هذا التعليق ابلغ عن تعليق غير لائق تعليق :bakr7_77بتاريخ : 22/09/2009 10:48:00 م الله ااكبر الله اكبر


الله اكبر ولله الحمد والحمد لله --بس انا زعلان علشان كنا مش هنشوف وشو تانى


قيم هذا التعليق ابلغ عن تعليق غير لائق تعليق :rancy1402بتاريخ : 22/09/2009 10:47:00 م عاشقة مصر


انا حزينه جداااااااااا مش علشان خسر طبعا ميخسر ولا يكسب يعنى حيفرق معانا فى ايه لكن حزينه ان وزارة الثقافه مش مكتوبلها تشوف حد غيره حاجة تزهق وتقرف
(مش كده؟ قولي لهم يا بنتي) 


قيم هذا التعليق ابلغ عن تعليق غير لائق تعليق :elshahawy.yasserبتاريخ : 22/09/2009 10:46:00 م اجماع على كرهك وفشلك


سبحان الله
والله بدون مبالغه , اول مره اشوف اجماع فى الرأى على كرهك وفشلك يا فاروق يا حسنى , والمعلقين من فئات واعمار واجناس مختلفه , والغريب ان احنا شعب عاطفى , وفى المواقف دى ببنتعاطف مع الشخص , بس سبحان الله كله اجمه على كرهك وفشلك . والله لو عندك دم تستقيل وتنتحر زى الوزراء المحترميين . لكنك هعتبر طبعا المعلقين دول قله متخلفه لا تعبر عن المثقفين المصريين . جتك القرف


قيم هذا التعليق ابلغ عن تعليق غير لائق تعليق :mazaheroبتاريخ : 22/09/2009 10:44:00 م الحمدلله


فضيحة فاروق حسنى!! لقد خسروهزم شر هزيمة!!لقد عامله اليهودوالامريكان بما يليق به فهو ماسح احذيةلهم ليس الا.......والحمدل... اتفضح بانه مزور ونصاب امام العالم كله,وهذا فاروق حسنى يخونه اصدقاؤه ويعرفوه حجمه الحقيقى بالنسبه لهم.وهذاجزاءمن يحارب الله ويتطاول على رسوله الكريم


قيم هذا التعليق ابلغ عن تعليق غير لائق تعليق :kimokonoبتاريخ : 22/09/2009 10:43:00 م إعتنق اليهودية ليرضوا عنك


ما كان يكفي على الوزير فاروق حسني أن يتمسح بالأعتاب اليهودية ولا أن يرمم معابدهم فحسب... بل كان يجب عليه أن يعلنها صراحة أنه ترك الإسلام واعتنق اليهودية ليرضوا عنه وينصبوه مديرا لليونسكـــو..... "نحن قومٌ أعزنا الله بالإسلام ... فمن ابتغى العزّة في غير الإسلام ذل"... الله أكبر ولله الحمـــــد


قيم هذا التعليق ابلغ عن تعليق غير لائق تعليق :greatfayyadبتاريخ : 22/09/2009 10:42:00 م افكار


الناس على اختلاف مستواها وانتماءاتها متفقة على الفرح بالخبر
المؤسسة العالمية ليست سداح مداح
ماذا قدم الشخص لبلده وتتمناه اليونسكو لنفسها
الهم له اصحابه .....ارجع للغلابة
لنا الله


قيم هذا التعليق ابلغ عن تعليق غير لائق تعليق :hobaellazezبتاريخ : 22/09/2009 10:41:00 م سموم اسرائيل فى كل مكان


مدام دخلت اسرائيل فى الموضوع تبقا الخسارة حتميةاكيد مفيش كلام وكان المفروض فاروق حسنى يتراجع من زمان عن هذا المنصب


قيم هذا التعليق ابلغ عن تعليق غير لائق تعليق :nnnnnnبتاريخ : 22/09/2009 10:35:00 م .


لا طال بلح الشام ولا عنب اليمن


قيم هذا التعليق ابلغ عن تعليق غير لائق تعليق :nnnnnnبتاريخ : 22/09/2009 10:34:00 م .


دى نتيجة الفساد المعشش بقاله أكثر من 20 سنة كاتم على نفسنا


الغرب مش غبى ,, انت اخرك الحزب الوطنى


لو رجل بجد ماترجعش او تقدم استقالتك ولا حتى تنتحر ,,, ده انت خليتك الشعب حاسس بالعيد بجد النهاردة


عقبال شلة الفساد


قيم هذا التعليق ابلغ عن تعليق غير لائق تعليق :Khaledonlineبتاريخ : 22/09/2009 10:34:00 م تعيش وتاخد غيرها


اظاهر انهم كانه فاكريين الانتخابات دى زى انتخابات الرياسة عندنا ولا انتخابات الحزب الوطنى بالفلوس والمخدرات يلمو اصوات الناس


قيم هذا التعليق ابلغ عن تعليق غير لائق تعليق :elshahawy.yasserبتاريخ : 22/09/2009 10:34:00 م ارجع ومصر واعتذر لشعبها


مشكلتك انك لا ظولت دنيا ولا اخره
لا ليك مجد فى الدنيا كوزير ثقافه بأفكارك الغربيه اللى بليتنا بيها وانتشار الجهل فى عهدك ولا اخره لانك حاولت تتمسح فى اليهود علشان يرضوا عنك ويكسبوك , لا هم ولا الدول الغربيه اللى انت كنت بتتغنى بيها وقفو جنبك, والدول الغربيه تحالفت ضدك علشان تكسب واحده من بلغاريا , دوله تعبانه لا تملك ربع حضاره مصر ز
زى ما قلتلك قبل كده ارجع مصر واستقيل واعتذر لشعب مصر عما سببتهوله من جهل على مدى عشريين سنه , وكأنك انت المثقف الاوحد فى مصر




قيم هذا التعليق ابلغ عن تعليق غير لائق تعليق :yasser6666بتاريخ : 22/09/2009 10:30:00 م جربوا الهزيمة شوية


فاشل كالعاده
(ههههه حرااااام) 
المفروض يستقيل من الوزارة لو عنده دم
.
يا رب يكون اتعلم الان ان القيم والمباديء لما يبيعها محدش بيشتريها
.
وعد فاروق حسنى من قبل انه حال خسارته باليونسكو فانه سيتقدم بأستقالته
هل سينفذ وعده اما نعود لمقوله كفانا التمثيل المشرف ويعود ويستقبله مطباتيه الوطنى بامزامير




قيم هذا التعليق ابلغ عن تعليق غير لائق تعليق :kmt_ftبتاريخ : 22/09/2009 10:26:00 م بداية الإصلاح ...!!


عموما .. الفرص الجاية كتير ، ياللا بينا نبدأ صح !
ح نطبع الكتب العبرية و نترجمها كمان و نبدأ فى التطبيع الثقافى بيننا و بين اليهود و نعمل ندوات عن تاريخ اليهود و تراثهم الثقافى و نصاح أخطائنا اللى فاتت ، يمكن نكسب فى الانتخابات الجاية ... يمكن !!


قيم هذا التعليق ابلغ عن تعليق غير لائق تعليق :MOHAMED.SHABAN44بتاريخ : 22/09/2009 10:26:00 م أول مرة نتفق


أول مرة كل المعلقين يتفقوا على رأي معين و إن دل هذا فإنما يدل على أن كل الناس زهقانة منك
أحسنلك مترجعش مصر


قيم هذا التعليق ابلغ عن تعليق غير لائق تعليق :amr_1stmanبتاريخ : 22/09/2009 10:25:00 م رد الكرامة


ده يعتبر رد لكرامة الانسان المصرى لما فعلة الوزير اللى مش عايز اقول اسمه لانه اساء لنفسه و المصريين كلهم و شكك في كونه مصري
الف الف مبروك لمصر


قيم هذا التعليق ابلغ عن تعليق غير لائق تعليق :zado1960بتاريخ : 22/09/2009 10:25:00 م هذا هو فارق الانتخابات ياحسنى


الحمد لله ان الانتخابات لم تكن فى مصر الحمد كنت طلعت الاول ودخلت الطب...معلش هارد لك وللى حواليك


قيم هذا التعليق ابلغ عن تعليق غير لائق تعليق :kmt_ftبتاريخ : 22/09/2009 10:24:00 م ليه الغلط ...ليه!!


لما أحنا مش قد اليهود ليه بنشتم و نقل أدبنا و نطالب بحرق كتبهم ، ليه بتعمل نفسك عنتر طالما أنت محتاج لهم و مش قدهم ... ليه كده ... ليه !!


قيم هذا التعليق ابلغ عن تعليق غير لائق تعليق :eng_manبتاريخ : 22/09/2009 10:23:00 م هو سي أوفا حسني ده جنسيتة أيه؟


والله اللي يقرا التعليقات وميعرفش جنسية المرشحين
يقول أن سي أف حسني ده بلغاري
وان الست هي اللي مصرية
واحنا فرحانين بيها موووت
ده يدل أن الراجل ده لازم يشوف اي جنسية تانية غير مصر


أرحل غير مأسوف عليك
رووووووووووووووووووح في دا.....ة




قيم هذا التعليق ابلغ عن تعليق غير لائق تعليق :kmt_ftبتاريخ : 22/09/2009 10:22:00 م مافيش فايدة !!


قال تعالى :[وَلَن تَرْضَى عَنكَ الْيَهُودُ وَلاَ النَّصَارَى حَتَّى تَتَّبِعَ مِلَّتَهُمْ(120)]... هل سيادة الوزير قرأ هذه الأية !!


قيم هذا التعليق ابلغ عن تعليق غير لائق تعليق :husasakirبتاريخ : 22/09/2009 10:22:00 م الف مبروك يا أم فارووووق


لولولوللولىىىىىىى...
بس ولو أعرف ازغرط


انا لو منك دلوقتى اهد معابد اليهود
واعبى فى كتب اليهود لب وسودانى أحسن ماحرقهم
اما الموسيقار اليهودى اللى جبته علشان يعزف فى الاوبرا اجيبة تانى بس يعزف مع موسيقة حسب الله على خبتك القوية
يا فااااشل... يافاشل يافاشل


قيم هذا التعليق ابلغ عن تعليق غير لائق تعليق :saaskotبتاريخ : 22/09/2009 10:22:00 م نوال السعداوى والقميئ زعلانين


نوال السعداوى والقميئ زعلانين


قيم هذا التعليق ابلغ عن تعليق غير لائق تعليق :memo-1104بتاريخ : 22/09/2009 10:22:00 م الحمد لله


الحمد لله علي خسارته وعقبال الوزاره


قيم هذا التعليق ابلغ عن تعليق غير لائق تعليق :sokar_zeyada21بتاريخ : 22/09/2009 10:22:00 م عملت ايه عشان تكسب


يا ترى هنسمع اه اه قلبي قلبي قريب و لا مكمل معانا في الوزاره يا روقه


قيم هذا التعليق ابلغ عن تعليق غير لائق تعليق :amralla2002بتاريخ : 22/09/2009 10:21:00 م الحمد لله


مبروك مبروك مبروك
يمهل ولا يهمل
(هههه ايه ده؟) 


قيم هذا التعليق ابلغ عن تعليق غير لائق تعليق :the knightبتاريخ : 22/09/2009 10:20:00 م هو ده الكلام الصح


والله العظيم انا سجلت مخصوص علشان الخبر ده انا فرحان جدا انه خسر
وربنا عاقبه من جنس عمله لان اسياده الل اعتذرلهم ورمملهم المعابد هم الل تسببوا فى خسارته


وبصراحه ان الكل فرحان فى الراجل ده


قيم هذا التعليق ابلغ عن تعليق غير لائق تعليق :safaryبتاريخ : 22/09/2009 10:20:00 م هههههههههه


ههههههههههههههههه...
برضو بوست ايد اليهود وبرده خات على افاك يا فرحة ما تمت
والنبى حد يقدر يقولى هو كان فاد الثقافة المصرية بايه طب خلى وكستناجوه مش لازم نتفضح


قيم هذا التعليق ابلغ عن تعليق غير لائق تعليق :eneenبتاريخ : 22/09/2009 10:19:00 م هتجنن


هو احنا كلنا مجانين ولا اية الاحساس دة مش فوق عند الادارة وحاسة بية حد يعبرنا هموت من الغيظ ردوو يا بشر




قيم هذا التعليق ابلغ عن تعليق غير لائق تعليق :Masry3adyبتاريخ : 22/09/2009 10:18:00 م انا اول مرة اعلق فى مصراوى


سبحان الله , الواحد لما بيترشح لمنصب بيشوفوا اية انجازاتة لشعبة , لاكن لما يلاقوا انسان ديوث يكرهه شعبة , فكيف سيختاروه


قيم هذا التعليق ابلغ عن تعليق غير لائق تعليق :shawkyshalbyبتاريخ : 22/09/2009 10:14:00 م اجب بامانه


لو سؤلت يامعالي الوزير علي الكتب الاسرائيلية الموجودة بمكتبات مصر هل سيكون ردك انك ستمزقها ام غيرت رايك؟ رد بامانه


قيم هذا التعليق ابلغ عن تعليق غير لائق تعليق :memo.kekeبتاريخ : 22/09/2009 10:14:00 م الله اكبر


الله اكبر من اى شئ فعلا


قيم هذا التعليق ابلغ عن تعليق غير لائق تعليق :qenawayبتاريخ : 22/09/2009 10:14:00 م تهنئة من قنا وصعيد مصر


باسمى وباسم اهالى قنا وصعيد مصر اتقدم بالتهنئة لمصر والعالم بهذا الحدث ومن فشل لفشل يا فاااااااشل يا فاروق يا حسنى
(ههههههههههه لا حول ولا قوة الا بالله، ده باعت برقية)



قيم هذا التعليق ابلغ عن تعليق غير لائق تعليق :titoبتاريخ : 22/09/2009 10:14:00 م يعيش بعيد عننا وياخد غيرها


نرجو ان يكون درس لزملائه الذين نتمنى ان يعيشوا بعيد عننا وياخدوا غيرها!!!!!!!!!!!!...


قيم هذا التعليق ابلغ عن تعليق غير لائق تعليق :zzzzorro1972بتاريخ : 22/09/2009 10:13:00 م كان لازم يكسب


واللة كان نفسي يكسب علشان نخلص منة
(وانا كمان والله، طب انا مش مجنونة اهو، فيه ناس رأيها من رأيي


قيم هذا التعليق ابلغ عن تعليق غير لائق تعليق :deathangelsبتاريخ : 22/09/2009 10:13:00 م انا محتــــــــــار


يا ترى الواحد كده المفروض يزعل ولا يفرح للى حصل
وفعلا هيبقى فى محاسبه على الفلوس اللى اتصرفت دى بقى ولا ايه زى ما صرفنا اد كده برده فى كاس العالم وهنا صفر وهنا صفر


قيم هذا التعليق ابلغ عن تعليق غير لائق تعليق :koto168بتاريخ : 22/09/2009 10:11:00 م تعاليلى يا بطة


مفيش فايدة القرش الممسوح كل ماترمية يلف يلف ويرجع لصحابة تانى


قيم هذا التعليق ابلغ عن تعليق غير لائق تعليق :qenawayبتاريخ : 22/09/2009 10:11:00 م تهنئة من اهالى قنا والصعيد


الف مبروك لمصر والعالم سقوط هذا الفاسد
وباسمى وباسم اهالى قنا والصعيد اهنى انفسنا والعالم بهذا الحدث


قيم هذا التعليق ابلغ عن تعليق غير لائق تعليق :essamuldin بتاريخ : 22/09/2009 10:11:00 م الحمد لله


الحمدلله الذي لايحمد علي مكروه سواه-والهي ما كنا حا نخلص من الريادة المصرية الفاشلةوالمخاصي اللي لا تودي ولا تجيب-فاشل من قبل فاشل- جاهل حقير من لدن جاهل أحقر-هل جال بخاطرنا الملوث ان يدير هذا البتاع مؤسسة جل أعضائهاذوي مبادئ ومثل انسانية عليا لايعلم ولايدري هذا الشئ ولا كفيله عنها مثقال ذرة- الهم لك الحمد والشكر
(اعضاءها لا عندهم مبادئ ولا انسانية دول ولاد كلب)


قيم هذا التعليق ابلغ عن تعليق غير لائق تعليق :anwarelewadyبتاريخ : 22/09/2009 10:11:00 م تفتكر


تفتكر ان خيانتك لنفسك ولبلدك ولدينك كانت حتنجحك وحتى لو نجحت نفسى اعرف ازاى بتحترم نفسك وبتبص فى المراية ولا تبصق فيها صدقنى الحل الوحيد انك تنتحر لانك لا محصل مسلم ولا حتى كافر


قيم هذا التعليق ابلغ عن تعليق غير لائق تعليق :eng_manبتاريخ : 22/09/2009 10:10:00 م هو أف حسني ده منين من بلغاريا


والله اللي يقرا التعليقات من غير ميعرف المرشحين
يقول أن فارق حسني هو اللي من بلغاريا والست هي اللي مصرية
الكلام ده معناه أن روءا لازم يشوف حنسية تانية


روح غير مأسوف عليك


قيم هذا التعليق ابلغ عن تعليق غير لائق تعليق :zzzzorro1972بتاريخ : 22/09/2009 10:08:00 م كان لازم يكسب


واللة كان نفسي يكسب علشان نستريح منة


قيم هذا التعليق ابلغ عن تعليق غير لائق تعليق :strongeبتاريخ : 22/09/2009 10:08:00 م عقبال مغادرتك لوزاره الثقافه


احساااااااااااااا
هههههههههههههه


قيم هذا التعليق ابلغ عن تعليق غير لائق تعليق :ALAADIN12بتاريخ : 22/09/2009 10:06:00 م عفوا يازينب


يقول زينب ويعترض على التعليقات السابقة له
(تعليقات حقيرة غبية عديمة الرؤية ، يجب ننظر للموضوع من زاوية مختلفة ، الإنتخابات تعبر عن تكتل الغرب والإستماتة ضد إنتخاب ممثل من مصر رغم الكلام الكبير الوارم حول تقدير العالم لمصر وموقفها وزعامتها الفتية ,,,,,,,، لابد يعرفوا إنه سيكون لنا موقف أمام إستماتة أوروبا ضد مصر ونفس الشئ مع أمريكالابد نعلن غضبنا ، مرة واحدة عبروا عن غضبكم)


واضح إنك يازينب لا تعيشين فى مصر ولا تعرفى مامعنى غضب فنحن غاضبين منذ ربع قرن يتربع فيه على نفسنا زعماء غير عابئين بزعل ولا غضب ولا حتى دعاء عليهم
ولسنا موافقين عليه كوزير ثقافة ولذلك لا نحب أن يمثلنا تحت إسم مصر فالعالم ليس غبى ليضع هذا الوزير بناء على سيرته العطره
إذا أحببت التوضيح فإقرأ هذه السطور:-
يمكن لزعيم إحدى العصابات أن يستغل أحد أبناء العصابه الأخرى كجاسوس ولكنه لا يقربه منه إلا لمصلحته ولكنه إستحاله أن يعينه فى عصابته لأنه خائن وعندما تنتهى حاجته منه يقتله


فهل فهمت المعنى؟ !!!!
العصابة الدولية يمكنها أن تستفيد من أحد أبناء العصابه المحليه ولكنها لو أرادت تعيين أحد عندها فلابد أن يكون صاحب مبدأ!!!
حتى ولو خطأ المهم المبدأ وهذا زييييييير ليس عنده مبدأ يعنى النهارده معاهم وبكره عليهم حسب مصلحته فيييين!!!!!


قيم هذا التعليق ابلغ عن تعليق غير لائق تعليق :s_y_mبتاريخ : 22/09/2009 10:06:00 م طبعا لازم يسقط


النتيجة واضحة من الاول وبلاش الكلام عن مقاطعة الدول الغربيةياست زينب احنا اللى خالينا بلدنا كدة ازاى احد زى دة يكون وزير ثقافة مصر لاكتر من 20 سنة لية هى البلد مافيهش رجالة علشان واحد- استغفرالله العظيم- زى دة يبقى من حكومةالبلدالمسئولين عنهاوالمصيبة انة هيرجع لنفس منصبة تانى
لك الله يامصر واللهم لااسالك رد القضاء ولكن اللطف فية


قيم هذا التعليق ابلغ عن تعليق غير لائق تعليق :koto168بتاريخ : 22/09/2009 10:04:00 م تعاليلى يا بطة


الأرش الممسوح يلف يلف ويرجع لصحابة تانى


قيم هذا التعليق ابلغ عن تعليق غير لائق تعليق :sosopasha73بتاريخ : 22/09/2009 10:04:00 م يا ضنايا


بست ايدين اليهود و عملت خدك مداس
و برضه بومبه
معلهش يا كبدى..ادى عندك وزارة الثقافه
بقت ملاكي


قيم هذا التعليق ابلغ عن تعليق غير لائق تعليق :amiracityبتاريخ : 22/09/2009 10:01:00 م لللللويييييييييي


للللوللللي


قيم هذا التعليق ابلغ عن تعليق غير لائق تعليق :x_wleedبتاريخ : 22/09/2009 10:01:00 م صفر جديد


غريب اوي ان شعب تعداه 80 مليون نصه تحت خط الفقر العالمي مش لاقي لقمة عيشه ولا عارف يشتغل ولا يتجوز يهتم كل الاهتمام ده بوزارة بتتدعي انها بتهتم بالثقافة والمثقفين واللي بيمثلها وزير اهان كل موارد الثقافة اللي احنا ورثنها عن اجددنا من فن وعمارة واثار وو واصبحنا بنرمم الاثار بالجبس والاسمنت اللي هما اللي عنده شوية معلومات عن ترميم الاثار ممنوعيين في ترميم الاثار التاريخية وكمان من حسنات الوزير اللي معروفة اهانته للحجاب وللرموز الاسلامية وفي النهاية اعتذاره المهين لليهود عن تصريح قاله بنفسه في مجلس الشعب انه مستعد يحرق اي كتاب اسرائيلي موجود في المكتبات الحكومية واخيرا وليس بااخر امتي بقي نفوق ونعرف ان محدش هيحترمنا طول محنا مش محترمين ثقافتنا ودينا سواء مسلمين او مسحيين ونحترم تقليدنا اللي الاجانب بيدفعوا فيه فلوس ويجوا من اخر العالم عشان يتفرجوا عليها امتي تعرف ياوزير الصفاقة انك عشان تخلي الناس تحترمك لازم تكون انت في الاساس محترم ثقافة البلد اللي عملت وزير وربنا يهديك...


قيم هذا التعليق ابلغ عن تعليق غير لائق تعليق :DarkArtsبتاريخ : 22/09/2009 10:00:00 م شيئ متوقع


هذه النتيجة شيئ متوقع .. فبعيدا عن تهويل الاعلام المصري وقوله ان حظوظ مصر في المنصب كبيرة ... فالنظرة الموضوعية كانت تقول انه لا أمل له في الفوز ... فكيف يفوز برئاسة هذه المنظمة الدولية مرشح قادم من دولة ذات حكم دكتاتوري شمولى بلا ادني حقوق للانسان وجرائم تعذيب ترتكب بلا رقيب او حسيب علي يد اجهزة الشرطة بها ودولة ليس بها قانون أو حريات والكثير والكثير ..


قيم هذا التعليق ابلغ عن تعليق غير لائق تعليق :amiracityبتاريخ : 22/09/2009 09:59:00 م عقبال كده لما


اشوفك خارج من الوزاره والفرحه الكبيره وانت خارج خالص


قيم هذا التعليق ابلغ عن تعليق غير لائق تعليق :halawany12بتاريخ : 22/09/2009 09:58:00 م الشرق شرق والغرب غرب


لااخفى راحتى لنتيجة اختيار مدير اليونسكو وعندى انه لا يصح الا الصحيح وان البقاء للاصلح
كان اختيار الفنان وزيرا اختيارا سيئا وكان اختياره لليونسكو سيكون اسوا
ماذا قدم الوزير الفنان للثقافة فى مصر؟تقافة التهجم على القيم وكسر الخطوط الحمر؟ثقافة القمنى وبغض العفاف ومحربة الاسلام؟
على كل حال شهر او شهرين وياتى التغيير وعندها سنرى توارى الاقزام الى الظل والغودة الى شخبطة الجدران والاسم فنان وعلى الاقل فان البلغارية معذورة اذا ضلت اما الفنان فلا عذر له لانه قد نما وترعرع بين ظهرانى المسلمين ولكنه باع كل شئ حتى دينه ثم ركله اسياده ليكون عظة لمن يبيع دينه بدنيا غيره


قيم هذا التعليق ابلغ عن تعليق غير لائق تعليق :kimosa3dبتاريخ : 22/09/2009 09:58:00 م معلش كان متوقع


معلش كان متزقع جداً بعد التعدال في الجوله الرابعه بي 29 صوت للمرشحين ان الوزير مش حيكسب
الحمد لله على كل شئ


قيم هذا التعليق ابلغ عن تعليق غير لائق تعليق :Nomadبتاريخ : 22/09/2009 09:58:00 م مصيبه من كل النواحى


كنت اتمنى انه يفوز ويمسك المنصب اللى خللاه يغير مبادئ ( لو كان عنده يعنى ) وخللاه يهاجم الدين ويخطب وداد اليهود بالشكل الحقير اللى شفناه، كنت اتمنى يفوز عشان يفارقنا ويسيبنا فى حالنا شويه وربنا يكرمنا بحد عدل ، مصيبه ان فوزه متحققش ، ومصيبه الملايين اللى راحت فى الدعايه، ومصيبه التنازلات اللى اتقدمت ، ومصيبه ان ناس كتير فاكرين ان المنصب حينفع مصر ، مصايب، ربنا يصبرنا


قيم هذا التعليق ابلغ عن تعليق غير لائق تعليق :messaryبتاريخ : 22/09/2009 09:54:00 م مبروك من كل قلبي


و الله انا مبسوط جدا و هارد لك يا حسني
المهم انه صفعة قويه في حق النظام الحاكم بامره الفاشل في كل شئ
عقبال الباقي


قيم هذا التعليق ابلغ عن تعليق غير لائق تعليق :aha4000بتاريخ : 22/09/2009 09:52:00 م هيييييييييييييييي...


أحسن .... أحسن....
عقبال الوكسة ما توصل إلــ معينك وزير ومصر علىيك بقاله سنيييييييييييين
جاتكم ستين ألف خيبة كلكم


قيم هذا التعليق ابلغ عن تعليق غير لائق تعليق :live200880بتاريخ : 22/09/2009 09:51:00 م معلش


خساره يات سياده الوزير بعت نفسك ليهم علشان تفوز بالمنصب وهما بلاضه باتعوك ومرضوش بيك شوف تمن ارخص من كده


قيم هذا التعليق ابلغ عن تعليق غير لائق تعليق :dr_saleh2000بتاريخ : 22/09/2009 09:49:00 م مبروووووووووووووو...


ألف مبروك لمصر هذه الخسارة الكبيرة وعبقال لما يسيب الوزارة


قيم هذا التعليق ابلغ عن تعليق غير لائق تعليق :sosopasha73بتاريخ : 22/09/2009 09:48:00 م فاشل كالعاده


المفروض يستقيل من الوزارة لو عنده دم
صفر يضاف الى صفر المونديال


قيم هذا التعليق ابلغ عن تعليق غير لائق تعليق :mhosamبتاريخ : 22/09/2009 09:48:00 م الحمد لله


الف حمد و شكر ليك يارب
انتو تحكموا دولة عالم تالت زينا و تتعاملوا معاها باسلوب الرعاية و التربية يعني ان انتو ابهاتنا
لكن عايزين تنقلوا التجربة دي للعالم؟ لا العالم عدا المرحلة دي من زمان


قيم هذا التعليق ابلغ عن تعليق غير لائق تعليق :tabeeb oloubبتاريخ : 22/09/2009 09:46:00 م انتهي الدرس يا....


قلنا مرارا وتكرارا
ان المبالغة في مسح الأعتاب
والصاق الخد بالتراب
ورقصة الاستربتيز التي أديتها بهذا الشكل المخزي
حيث تجردت نهائيامن كل الثوابت
وانسلخت من دين العشيرة
وتراث الأهل
لرضااليهود
وتوقعنا أنهم لن يرضوا عنك
وأنك لن تفوز
وقد تحققت رؤيتنا
وظهر قصور رؤيةالطغمة الحاكمة التي راهنت فوزك دون قراءةلمعطيات اللعبة العالمية
وخيل لهم أن دورهم علي رقعة شطرنج العالم قد يتجاوز دور العسكري العميل


أشك اعظم الشك انت تكون قد استوعبت الدرس


لو كنت قد اتوعبت الدرس
تقدم باستقالتك من موقعك بباريس الآن
واغرب من سمائنا للأبد


فأنت خسرت دينك
وقومك
قبل أن تخسر من راهنت عليهم


اتهي الدرس يا..... حسني


قيم هذا التعليق ابلغ عن تعليق غير لائق تعليق :seastarبتاريخ : 22/09/2009 09:46:00 م حامي الثقافة المصرية


الحمد لله انه خسر بس لو راجل يوفي بوعده اللي صرح بيه قبل الانتخابات انه لو خسر يستقيل من الوزارة لو عنده دم ينفذ كلامه وسلم لي عاليونسكو


قيم هذا التعليق ابلغ عن تعليق غير لائق تعليق :masmasmبتاريخ : 22/09/2009 09:45:00 م يعنى عاجبك كده ياريس




صندوق مصرواى للتعليقات .... صندوق نظيف شريف آخر جمال ... تعليقات ظريفه ولطيفة ... صندوق انتخاباهات حرة ونزيهة من غير تزوير ولا اشراف قضائى ولا غيرة ,,, صندوق انتخابات اليونسكو بعيدا عن ايدى المزورين ... صحيح انتخابات حره وكلها شفافية .... كفاية بقى ياريس .... انت حبيبى والله .... بس غير الشله ... اوباما غير عاوزين CHANGE ... CHANGE ... عمرى ما شوفت حاجه تتلبس فى الرجل تقعد اكتر من عشرين سنة .... غير بقى وخلصنا .... الحكاية بقت خل ... خل ... عايزين رجال فى كل مكان وليس انصاف رجال ... تحياتى ليك ياريس...توقيع عبده المنضاق


قيم هذا التعليق ابلغ عن تعليق غير لائق تعليق :essam_afcبتاريخ : 22/09/2009 09:40:00 م لا يستحق الفوز


لا يستحق الفوز
لا يستحق الفوز
انا فرحاااان بهزيمته


قيم هذا التعليق ابلغ عن تعليق غير لائق تعليق :kimooo22بتاريخ : 22/09/2009 09:33:00 م عاوزين نشوف الشجاعه


الوزير المحترم المتغطرس قال انه لو ما نجحش فى اليونسكوو هيقدم استقالته لمى نشوف بقى هينذذ وعده ولا لا عشان نشوف الرجاله


قيم هذا التعليق ابلغ عن تعليق غير لائق تعليق :yasser shبتاريخ : 22/09/2009 09:33:00 م اذاي لامواخذه !!!


"""ويعد حصوله فى هذه الجولة على 29 صوتا متعادلا مع المرشحة البلغارية إنجازا غير مسبوق """""


غير مسبوق اذاي لامواخذه !!!


قيم هذا التعليق ابلغ عن تعليق غير لائق تعليق :mans_kبتاريخ : 22/09/2009 09:32:00 م يمهل و لا يهمل


الحمد لله و ابقى خللى سيد القمنى ينفعك يا ابو فروة ..
اللهم انتقم من كل من اساء للنبى محمد صلى الله عليه و سلم .


قيم هذا التعليق ابلغ عن تعليق غير لائق تعليق :tgaبتاريخ : 22/09/2009 09:31:00 م حسني


من حسنس لحسنس با قلب لاتحزن عشان فاشل و..استمر وزير 20سنة لو كان محترم او ذو شخصية كان طيره هنا بلد الفاشلين الدمي لحاسين الجزم المنبطحين مش عبقري وسابق ينه حسبنا الله فبه ومن عينه ومن يراسه والرس الكبير فوضنا امرنا لله الله اكبر كلما تلقوا صفعة اثلجت صدورنا لقد كذبوا وتوهموا العبقرية وهم .


قيم هذا التعليق ابلغ عن تعليق غير لائق تعليق :canadakingبتاريخ : 22/09/2009 09:27:00 م فَمَا بَكَتْ عَلَيْهِمُ السَّ


فَمَا بَكَتْ عَلَيْهِمُ السَّمَاء وَالْأَرْضُ وَمَا كَانُوا مُنظَرِينَ


قيم هذا التعليق ابلغ عن تعليق غير لائق تعليق :alyبتاريخ : 22/09/2009 09:23:00 م فاروق بك


الف مليون مبروك يا حسنى بك عقبال خروجك من الوزاره . اول مره اشوف الناس كلها بتوزع شربات وهما فرحانين لحسارتك وابقى سلم لى على اصحابك اليهود اللى بوست ايديهم علشانتفوز واخيرا اطوك بومبه


قيم هذا التعليق ابلغ عن تعليق غير لائق تعليق :omda177بتاريخ : 22/09/2009 09:23:00 م خساره كبيرة


فعلاً خسارة انا قلت اخيراً هيحل عننا ونخلص منه ونشوف وزير للثقافه غيره
لكن على رأي المثل البايرة لبيت ابوها
تعالي يابايرة


قيم هذا التعليق ابلغ عن تعليق غير لائق تعليق :m_r_3000بتاريخ : 22/09/2009 09:21:00 م يستاهل


والله يستاهل على الخسارة عشان يبيع بلدو وشعبه عشان كرسي في المنظمه الامم المتحدة هي دي عاده المسؤولين المصريين ممكن يبيع اهله عشان جنيه زياده
ربنا يستر على الجاي
ويستاهل


قيم هذا التعليق ابلغ عن تعليق غير لائق تعليق :y2kcomبتاريخ : 22/09/2009 09:19:00 م الف الف الف الف الف مبروك


بصراحة يا جماعة انا مش بتاع تعليق على الاخبار بس بصراحة اول ما شوفت الخبر دة قولت لازم ادخل وابارك لكل المصريين ان ربنا حفظ صورتهم مت التشوية على مستوى العالم وتانى الف الف الف الف الف مبروك يا مصر


قيم هذا التعليق ابلغ عن تعليق غير لائق تعليق :heshamelnaggarبتاريخ : 22/09/2009 09:18:00 م الحمد لله


الحمد لله


قيم هذا التعليق ابلغ عن تعليق غير لائق تعليق :azharmedبتاريخ : 22/09/2009 09:17:00 م زرغتى يابهيه


مبروك لمصر
وبهدى هذا الفوز للريس القائد حسنى مبارك


قيم هذا التعليق ابلغ عن تعليق غير لائق تعليق :spider1986بتاريخ : 22/09/2009 09:14:00 م مبروووووووووووووك


نحن لا نخدم مصالح اليهود ولا الامريكان
مبروك لمصر وللمصريين


قيم هذا التعليق ابلغ عن تعليق غير لائق تعليق :matrix_amr11بتاريخ : 22/09/2009 09:13:00 م الرجل الذي بـاع نفسـه


الظاهر ان الناس كلها فرحانة فى سيادة الوزير , والظاهر كمان ان فيه اجمـاع على كده (:
وانا كمان احب اسجل فرحتى بالخبر
عموما يا جماعة الراجل ده خسر نفسه قبل ما يخسر اليونسكو ويخسر حب الناس
الغريب انه تراجع عن مواقفه واراءه بشكل مستفز , مش بطريقة راجل سياسة بقاله فى دهاليز البهاريز ( السياسة ) شوف كام سنة
اما : النظام بتاعنا فاشل سياسة بدليل انه ما علمش الوزير اى حاجة
أو : انه فاشل برضه لانه سابه ومازال سايبه يتحكم فى أمور المسلمين ( المصريين ) ويدير أمور حياتهم باعتباره من أولى الامر فى البلد اللى ماحدش عارفلها حل دى


وكل عام وانتم بخير (( ماعدا الراجل الخسران ده اللى فاروق (: ))


قيم هذا التعليق ابلغ عن تعليق غير لائق تعليق :samaa3030بتاريخ : 22/09/2009 09:11:00 م الف مبروك


الف مبرووووك
واحسن يا فاروق يا حسنى ، ابقى خلى جبك وتمسحك فى الاجانب واليهود يبقى ينفعك


قيم هذا التعليق ابلغ عن تعليق غير لائق تعليق :zxmanzxبتاريخ : 22/09/2009 09:10:00 م احسن


يا رب يكون اتعلم الان ان القيم والمباديء لما يبيعها محدش بيشتريها




قيم هذا التعليق ابلغ عن تعليق غير لائق تعليق :verygood2بتاريخ : 22/09/2009 09:08:00 م فرحاااااااان فيك


احسن
احسن
احسن
بجد انا فرحان


قيم هذا التعليق ابلغ عن تعليق غير لائق تعليق :yasser shبتاريخ : 22/09/2009 09:08:00 م يااااااااا مبروك علينا كلنا


يااااااااااا ذي ما اكون تعبان و ارتحت ذي ما اكون عطشان و شربت!!! انا مش مصدق ان الاخ بعد ما باس كل حاجه ممكنه(والحدق يفهم) في خدمة مصلحه سيادته و باع كل اللي باعه و برضه الحدق يفهم...... فعلا خسر...... يااااااا ..... حقيقى يا جماعه مصر اليوم في عيد و مبروك علينا كلنا


قيم هذا التعليق ابلغ عن تعليق غير لائق تعليق :zxmanzxبتاريخ : 22/09/2009 09:07:00 م شكرا


يا رب يكون اتعلم الان ان القيم والمباديء لما يبيعها محدش بيشتريها




قيم هذا التعليق ابلغ عن تعليق غير لائق تعليق :shoshoبتاريخ : 22/09/2009 09:07:00 م your deserve


Thanks god


قيم هذا التعليق ابلغ عن تعليق غير لائق تعليق :Mofakhبتاريخ : 22/09/2009 09:05:00 م يا شماتت ابله ظاظا فيك


بعزقت فلوس البلد على الفاضى,
وضيعت كرامة البلد على الفاضى,
و جبت لنفسك التهزيق و التريقة برده ع الفاضى,
يعنى اعمل فيك ايه؟, مش فالح فى حاجة ابداً






قيم هذا التعليق ابلغ عن تعليق غير لائق تعليق :adakhsبتاريخ : 22/09/2009 09:05:00 م مبروك


مش مهم يا دكتور خسارتك للمنصب خلى مصر تحصد اللى زرعتة الاهم ميروك خسارتك لذاتك ونفسك ان كان عندك ذات او شخصية


قيم هذا التعليق ابلغ عن تعليق غير لائق تعليق :zxmanzxبتاريخ : 22/09/2009 09:02:00 م معلش


الحمد للة كان حيسيب وزارة الثقافة أحسن ما كان يجيء وزير تاني تبعة و يطلع عينينا من تبعة .


قيم هذا التعليق ابلغ عن تعليق غير لائق تعليق :anamenaبتاريخ : 22/09/2009 09:00:00 م لولولولولولولولو....




علي قد منا فرحان انه هيرجع مكسوف بصفر اليونسكو علي قد منا حزين انه هيفضل زير في مصر






قيم هذا التعليق ابلغ عن تعليق غير لائق تعليق :anjaelmبتاريخ : 22/09/2009 08:59:00 م ya helo ya hoho


eshta aleek ya hoho wenta ragee betayat maalesh ya baba


قيم هذا التعليق ابلغ عن تعليق غير لائق تعليق :mak_eagle1988بتاريخ : 22/09/2009 08:55:00 م العيد عيدين


حلوه اوي العيديه الي عيدها علينا اليونسكو مبروك لبوكوفا فرحتلها من كل قلبي0
يعلم الله اني كنت بدعي انه متعتبهاش بعد ما باع البلد لليهود عشان خاطر الكرسي0
عقبال ما اقالتك من الوزاره الي لازقلنا فيها0
وعمرك ما هتكون ممثل لمصر0


قيم هذا التعليق ابلغ عن تعليق غير لائق تعليق :mohamed_shaker23بتاريخ : 22/09/2009 08:54:00 م هو فاكرها فوضى ولا اية


هو فاكرها فوضى ولا اية - بامارة اية يفوز واحد زيية بالمنصب دة مهما عمل و خلي اليهود والغرب اللى بيتمسح فيهم ينفعوة بس يريت نفوق بقى من النوم اللى احنا فية


قيم هذا التعليق ابلغ عن تعليق غير لائق تعليق :junior-doctorبتاريخ : 22/09/2009 08:52:00 م ههههههي


هو حاد كان فاكر انه ممكن يكسب و لا حاجه بعد الشر ؟
و طبعا الحكومة ابتدت تعيط على المؤامرة الدولية اللي خسرته!!!!!!!!!!!!


قيم هذا التعليق ابلغ عن تعليق غير لائق تعليق :m_owiesبتاريخ : 22/09/2009 08:50:00 م مبرووووووووووك


مبروك ياريس
محدش يقولي انه خسر بشرف واضح ان ال 27 صوت هم اصوات العالم العربي و الاسلامي وقليل من باقي دول العالم الثالث اما قيمتنا عند اوروبا والغرب والعالم الديمقراطي تساوى صفرا تماما مثل صفر المونديال
كل وكسة وانتوا طيبين
ارجوكواكفاية أوي كده.
اتكلوا علي الله وسيبوا كراسيكوا لجيل تاني يمكن يقدر يعمل حاجة للبلد
بجد خنقتونا واحبطونا علي جميع المستويات اجتماعية وسياسية واقتصادية ورياضية وثقافية جوه وبره فعلا نحن نعيش معكوا اسوأ مرحلة وأحط فترة فى تاريخ مصر الحديث


قيم هذا التعليق ابلغ عن تعليق غير لائق تعليق :dodoبتاريخ : 22/09/2009 08:46:00 م خيبة قوية


ما أشدها صفعة للحاكم المصرى ....... ليته يتعظ و يعرف حجمه و ما يفعله به أصدفاؤه الصهاينة ... و يكفيه ما يتلقاه منهم من صفعات فى سبيل البقاء فى الحكم


قيم هذا التعليق ابلغ عن تعليق غير لائق تعليق :ahmedmonir_zakiبتاريخ : 22/09/2009 08:45:00 م سئوال


ياترى يا سيادة الوزير المهزوم تأسفك واعتذارك للصهاينة نفعك ونفع مصر وللا جاب لمصر العار


قيم هذا التعليق ابلغ عن تعليق غير لائق تعليق :eltahanبتاريخ : 22/09/2009 08:45:00 م حدوته حلوه


خلاص حرمت خلاص بطلت مش هعمل كده تانى خلاص مسامحينك ياللا روح على بيتكو بقى وما عيدتش اشوف وشك هنا تانى توته توته خلصت الحدوته حلوه ولا ملتوته


قيم هذا التعليق ابلغ عن تعليق غير لائق تعليق :m.sakrبتاريخ : 22/09/2009 08:43:00 م يا خسارة


معنى كده انه هيرجع يمسك وزارة الثقافة تاني :(


قيم هذا التعليق ابلغ عن تعليق غير لائق تعليق :waeltv74بتاريخ : 22/09/2009 08:43:00 م ياخسارة يافيرى


لحست بلاط المعابد اليهوديه اخذت ايه؟!!!خسرت مصريين كتير اذا ماكنتش خسرت مصر كلها.


قيم هذا التعليق ابلغ عن تعليق غير لائق تعليق :yasser aladawyبتاريخ : 22/09/2009 08:42:00 م مش قولتلكوا


البلغارية هتكسب انا مليش مصلحه فى اى حاجة بس بقولكوا الراجل دة لو كويس كان هيكسب واحنا كنا هنسندوا بس هو ابتدا اول القصيده بالافتاء فى الامور الدينية بطريقه منحرفه +انه عاوز يفرض علينا الثقافة الغربية مش هقول غير حاجة واحدة (الى ملوش خير فى اهله ملوش خير فى حد)


قيم هذا التعليق ابلغ عن تعليق غير لائق تعليق :ahmedmonir_zakiبتاريخ : 22/09/2009 08:41:00 م على حساب مين


لاحظوا ان اصوات السيد الوزير انخفضت من 29 صوت فى الجولة الرابعة الى 27 صوت فى الجولة الخامسة ( لماذاااااا ؟؟ )
على فكرة الموضوع ده بيفكرنى بصفر المونديال !!
اولا : ده شئ طبيعى علشان مش واخدين على الانتخابات النزيهة التى لا تخضع للتزوير.
ثانيا : مين المسئول عن تكاليف هذه الحملة الانتخابية منذ التفكير فيها والتحضير لها وحتى عودة السيد الوزير والوفود المرافقة له بعد اعلان الهزيمة المؤسفة .
ثالثا : كم تكلفت هذه القصة .
رابعا : ما هو الحال لو كنا انفقنا هذه التكاليف على معهد الاورام أو معهد القلب أو بنينا مصنع لتشغيل الشباب العاطل مش كان المردود سيكون افضل من هذا العمل العبثى .
كلها اسئلة بريئة ومشروعة ومطلوب جهة رقابية تحاسب المسئولين عن هذا الاجراء .
بالمناسبة احد البرامج التليفزيونية عمل استطلاع رأى فى الشارع بين مجموعة من المثقفييييييين وخد بالك انهم مثقفين فلم يعرفوا بالتحديد وظيفة اليونسكو او مقرهاأو من يشغلها حاليا !!
باى باى


قيم هذا التعليق ابلغ عن تعليق غير لائق تعليق :hima_him640بتاريخ : 22/09/2009 08:40:00 م مبروك


بجد انا فرحان جداااااااااااا
مبروك ايها الذنديق


قيم هذا التعليق ابلغ عن تعليق غير لائق تعليق :ismmosaadبتاريخ : 22/09/2009 08:38:00 م الحمد لله


الحمد لله أجمل وأحلى خبر سمعته.... والجزاء من جنس العمل




قيم هذا التعليق ابلغ عن تعليق غير لائق تعليق :egdiaaبتاريخ : 22/09/2009 08:38:00 م I'm really glad for that


hheeeeeeeeeeeeeee...
A7san


قيم هذا التعليق ابلغ عن تعليق غير لائق تعليق :ab_hefnyبتاريخ : 22/09/2009 08:38:00 م ليفرح المصريون


اليوم يفرح المصريون لأن الخاسر دأب على اتخاذ المواقف الهزيلة والمترددة واستعان بالأفكار الشيطانية وحقر من المبادىء الاسلامية وصرح بكلام ثم تردد وارتد وألغاه !؟ الرجال الشرفاء يتمسكون بدينهم وبمبادئهم ولا يخافون فى الحق لومة لائم ولكن العناد والجهل يستبدان بشخصيات كاريكاتورية لا تجدها الا فيمن تخلى عن دينه ووجد دعما من المسئولين الذين يصرون على اختيار الأقارب والمعارف بالرغم من عدم كفاءتهم وانهم لا يمثلون الغالبية من المصريين الشرفاء ! والأكدى انهم يدعمونه ويطلبون من أخس الخلق أن يدعموه وهم قد أكدوا عدم الوقوف هم ضده ولكنهم حشدوا أصدقائهم ليسقطوه وأنهم بذلك خذلوا الرأس الكبيرة التى صدقتهم ليذوق كلاهما طعم الهزيمة , فليرحل هذا الرجل الهزيل بل فلتلغى كلية وزارة الفقر والموت وضحالة الثقافة التى عانت فيها مصر طيلة هذه السنين العجاف من التراجع والانهيار !؟




قيم هذا التعليق ابلغ عن تعليق غير لائق تعليق :mohammed25cairoبتاريخ : 22/09/2009 08:37:00 م نتيجة متوقعة جدا


بالطبع خسارة متوقعة ... أخطاء بدرت من شحص سياسي لم يدرك تبعات أخطاءه في التصريحات السياسية التي أدلى بها .. وبعد ذلك يتعشم في منصب رفيع عالمي مثل هذا


ليتنا نتعلم من أخطائنا


والله أنا حزين للغاية


قيم هذا التعليق ابلغ عن تعليق غير لائق تعليق :Mofakhبتاريخ : 22/09/2009 08:37:00 م مالهمش حق


الظلمة!!!!
دا الراجل عمل اللى ما يتعملش
طول عمره مش مقصر معاهم
مره يطالب بالثقافة الجنسية
و مرة يشتم فى الحجاب
و مره ينشر كتاب وليمة لاعشاب البحر اللى بيسب الدين
و مرة يدى جايزة لواحد بيقول ماعرفش ايه
و حتى لما فلتت منه كلمة غصب عنه اعتذر عنها قدام كل العالم,
و كمان رمملهم المعابد
و قال لكل الدنيا ان اليهود ليهم دور كبير فى تاريخ مصر
يظلموه ليه بقى بعد كل ده؟


معلش يا باشا, اكيد فيه سوء تفاهم او فيه حد مش كويس وقع بينك و بينهم,
المره الجايه ابقى اكتبلهم الهرم باسمهم يمكن يرضوا عنك, احنا برده نحبلك الخير, و حواس كمان مش هيبخل عليهم بالهرم و كام معبد واهو برده هينوبه من الحب جانب لما يبقى وزير


قيم هذا التعليق ابلغ عن تعليق غير لائق تعليق :abmb1963بتاريخ : 22/09/2009 08:36:00 م انا فرحان جدا


قمة الغباء يعنى انتو لوخاتو علماء تزوير من مصر حيث نحن الاول على مستوى العالم فى التزوير كان نجح وجاب 99.9


ثانيا انا زعلان عشان حيفضل على قلب المسلمين فى مصر
ثالثا انا فى قمة فرحى علشان ربنا عكنن علية زى معكنن علينا بسبب موضوع الحجاب
رابعا الراجال اتلكبير طبعا زعلان علشان مفيش عندهم تزوير زينا علشان محترمين


قيم هذا التعليق ابلغ عن تعليق غير لائق تعليق :sea.of.griefبتاريخ : 22/09/2009 08:34:00 م الحمد لله


حنشوف وشو التانى دلوقتى
وحيسب ويلعن اسرائيل بعد ما باس رجليهم






الحمد لله انو لم يفوز


الحمد لله
عقبال ما يقال من وزاره الثقافه


قيم هذا التعليق ابلغ عن تعليق غير لائق تعليق :kassemبتاريخ : 22/09/2009 08:32:00 م الي سيادة الوزير


اتمنى ان تتعظ من ذلك وتبدأ بخدمة بلدك وأول خدمة نطلبها منك الاستقالة فهناك مليون واحد افضل منك في ادارة وزارة الثقافة


قيم هذا التعليق ابلغ عن تعليق غير لائق تعليق :mzayadiبتاريخ : 22/09/2009 08:32:00 م .


ههههههههههههههههه...


قيم هذا التعليق ابلغ عن تعليق غير لائق تعليق :MidoTuxبتاريخ : 22/09/2009 08:31:00 م أحسن


بصراحة أنا فرحان فيه و ده مش غريب رغم انه مصري لكن السبب اني مش مقتنع انه كفء انه يمثل مصر في الأمم المتحدة، لأنه انسان بيرخص نفسه عشان يكسب المنصب.


قيم هذا التعليق ابلغ عن تعليق غير لائق تعليق :amr_981بتاريخ : 22/09/2009 08:30:00 م مبروك لمصر


مبروك عدم فوز هذا الفاروق حسنى يجماعه مش ده اللى يمثل مصر وياريت يستقيل بالمرة وعندى سؤال المصاريف اللى انصرفت كلها على حساب الميزانية مطلوب رد


قيم هذا التعليق ابلغ عن تعليق غير لائق تعليق :Sassaبتاريخ : 22/09/2009 08:30:00 م فاروق حسنى يخسر




على الله يفهموا بقا. وعقبال ما يرحمنا من وزارة الثقافة. سؤال جانبى: هوا خاض المنافسة وهو صائم ولا فاطر؟


قيم هذا التعليق ابلغ عن تعليق غير لائق تعليق :jurassicبتاريخ : 22/09/2009 08:30:00 م المشكلة الوحيدة


المشكلة الوحيدة إنه هيفضل على قلبنا فى وزارة الثقافة.


قيم هذا التعليق ابلغ عن تعليق غير لائق تعليق :بتاريخ : 22/09/2009 08:29:00 م ارجع لشلة الوطنى الفاسدين


انت عاوز تروح تفسد منظمة اليونسكو زى ماافسدتم البلد.احسن حاجه انك خسرت


قيم هذا التعليق ابلغ عن تعليق غير لائق تعليق :jurassicبتاريخ : 22/09/2009 08:28:00 م الحمد لله


والله العظيم فرحان فيه، أهى حاجة تعكنن عليه كده زى ما هو معكنن علينا من التمانينات.


قيم هذا التعليق ابلغ عن تعليق غير لائق تعليق :EgyManبتاريخ : 22/09/2009 08:28:00 م مبروك


ههههههههههههههههه...
الف مبروك


قيم هذا التعليق ابلغ عن تعليق غير لائق تعليق :hodaبتاريخ : 22/09/2009 08:28:00 م اهداء لديكتاتور مصر


هذا اكبر دليل على ان ديكتاتور مصر ليس له اى قيمه على المستوى العالمى ودول العالم تعلم من هو مبارك والحمد لله على خساره احدى ازنابه لهذا المنصب لانه ببساطه اذا كسب كنا سنجد خدامين السلطه بالصحف القوميه تتشدق بحكمه الرئيس وعلاقات الرئيس وقوه الرئيس وان العالم اجمعه عندما يشير حكيم العرب الديكتاتور مبارك باصبع يده للعالم فان العالم يستمع اليه ولحكمته وستستمر الاسطوانه المشروخه صباحا ومساء على رؤسنا وكأن مصر قد اصبحت واحه من الديموقراطيه والرفاهيه فنحمد الله على خساره هذا المنافق فاروق حسنى وهذه ابلغ رساله من دول العالم الى مبارك الديكتاتور بحجمه الطبيعى بين دول العالم وهى صفعه له تعدت حدود صفر المونديال


قيم هذا التعليق ابلغ عن تعليق غير لائق تعليق :herr_sherifبتاريخ : 22/09/2009 08:28:00 م ما فيش فايدة !!


انا عايز اعرف هو فاروق حسني كان عمل ايه محلي ليكون عالمي ، شهرته فى مصر جات من انه اقدم وزير فى مصر ليس الا ، و زيه زي عدمه ، كنت اتمنى انه يمسك اي حاجة ، بس المهم يخرج بره مصر و نرتاح منه ، و ياريت منظمة الامم المتحدة تشوف مناصب جديدة و تكون دولية ، و تاخد الحكومة كلها ، طالما ما فيش مصيبة راضية تاخدهم ، الحكومة اللي و لائها الوحيد لرئيس الجمهورية ولا يهما الشعب خالص ، هيهمها الشعب الذاي ، واذا كان الشعب مالوش اي سلطات او تاثير على الحكومة ، فسواء اذا فشلوا او نجحوا فهم اعدين غصب عن الشعب ، و ولائهم لولي نعمتهم الرئيس اللي و ئت ما يحب يجيب حد يجيبه و وئت ما يحب يسيب حد بالعشرات السنين يسيبه ، يا خسارة فاروق حسني هيرجع الوزارة تاني ، مافيش فايدة


قيم هذا التعليق ابلغ عن تعليق غير لائق تعليق :h.nبتاريخ : 22/09/2009 08:24:00 م ده أحلى خبر سمعه النهاردة


الحمـــــــد لله ..... ألف مبروك علينا خسارتك يا حسني ... لولولولولييييييي


قيم هذا التعليق ابلغ عن تعليق غير لائق تعليق :abo_omer333بتاريخ : 22/09/2009 08:24:00 م اللهم لك الحمد والشكر


اللهم لك الحمد والشكر


قيم هذا التعليق ابلغ عن تعليق غير لائق تعليق :roshdydodyبتاريخ : 22/09/2009 08:19:00 م برافوووووووووو


الساقط يرفع اية بعد ما جاب اربع ملاحق
والدعم دة كلة والحاشية الى وخدها معاه
طبعا مصاريف على حسابنا ورشاوى برضوا على حسابنا وذاهى حواس حضر نفسة علشان منصب وزير ثقافة
والاعتذار لاسرائيل وترميم المعبد اليهودى
والتوسل على مدى فترة غير قليلة للتحضير
عموما بقول مبروك لليونسكو
وسلمى على كاس العالم 2010 صفر * صفر
خليك معانا احسن احنا هنا مش هنحسبك لا على سرقة اثار ولا على فساد مالى
فى اليونسكو هناك كان هيبقى الحساب عثير عليك احنا غلابة تقول اى انت عاوزة ومش بنزعل عارف لية علشان احنا مساكين
ملناش حد يا طيب الجلب وينك




قيم هذا التعليق ابلغ عن تعليق غير لائق تعليق :mrmasterبتاريخ : 22/09/2009 08:19:00 م 1000 مبروك


ألف ألف مبروك و عقبال الوزارة
و الله فرحتلو من كل قلبى


قيم هذا التعليق ابلغ عن تعليق غير لائق تعليق :akhnookhبتاريخ : 22/09/2009 08:19:00 م يا حسرة قابى!




حايفضل وزير الثقافة :(


قيم هذا التعليق ابلغ عن تعليق غير لائق تعليق :mrmasterبتاريخ : 22/09/2009 08:19:00 م 1000 مبروك


ألف ألف مبروك و عقبال الوزارة
و الله فرحتلو من كل قلبى


قيم هذا التعليق ابلغ عن تعليق غير لائق تعليق :mrmasterبتاريخ : 22/09/2009 08:18:00 م 1000 Mabrouk


ألف ألف مبروك و عقبال الوزارة
و الله فرحتلو من كل قلبى


قيم هذا التعليق ابلغ عن تعليق غير لائق تعليق :onaa_noonaبتاريخ : 22/09/2009 08:18:00 م احسن


أحسن انك خسرت


قيم هذا التعليق ابلغ عن تعليق غير لائق تعليق :saksookبتاريخ : 22/09/2009 08:18:00 م ايه الهبل ده


يعنى لما يكسب هاتتحل مشاكل الفقر والجهل والمرض والفساد ، ايه التخلف ووجع الدماغ ده وعمال يطبطب على اللى مايتسموش ويصرف ملايين الغلابة على ترميم معابدهم والسفريات مع شلة كبيرة من الأعوان ، نفسى اعرف اتصرف كام على الهبل ده وبعدين كل الدولة مهتمة بهذا الموضوع الساذج مش كان الأولى الاهتمام بمشكلة البطالة والا انهيار التعليم والا أى حاجة تهم الشعب بدل الأونطة اللى راح فيها ملايين من غير أى فايدة


قيم هذا التعليق ابلغ عن تعليق غير لائق تعليق :boss_tamerبتاريخ : 22/09/2009 08:17:00 م hahahhah


hahahahahahhahaha...


قيم هذا التعليق ابلغ عن تعليق غير لائق تعليق :dr_aaaبتاريخ : 22/09/2009 08:17:00 م ألف مبروووك


ألف مبروووك
الحمد لله ربنا استجاب دعائى:)
خليهم عبرة لمن يعتبر


قيم هذا التعليق ابلغ عن تعليق غير لائق تعليق :abo tahaبتاريخ : 22/09/2009 08:17:00 م الف مبروك يا مصر


الف مبروك يا مصر ربنا حماك من الاهانه ان يمثلك شخص ليس برجل ولا امراه والاجمل انهم خلوه يعتذر ويبوس الايادي وبعد كده اخد بالجزمه زيه زي اي واحد حب يرضي الناس ويبعد عن الله واهو خسر المنصب وكمان خسر اهله في مصر وهاتكون اخرته زي اي واحد خاين في مزبلة التاريخ ( ليلتك سعيده يا خنفث وخليك في مظاهرات الشواذ احسن لك )


قيم هذا التعليق ابلغ عن تعليق غير لائق تعليق :mrmasterبتاريخ : 22/09/2009 08:15:00 م 1000 Mabrouk


ألف ألف مبروك و عقبال الوزارة و الله فرحتله من كل قلبى


قيم هذا التعليق ابلغ عن تعليق غير لائق تعليق :sayed Elmarsafawiبتاريخ : 22/09/2009 08:13:00 م متوقع


يعنى تكلفة سفر الوفد المرافق والذى منه والتربيطات واهتمام الخارجية والرئاسة كله راح؟
والانفاق على ترميم المعابد اليهوديةمن مال الشعب كله راح؟
هل العيب فى الاختيار؟العيب فى اعطاءه اكثر مما يستحق والاهتمام بمالاينفع 00كاننا كنا نتابع مباراة كرة قدم0ياريت تهتموا بنظافة البلد واعادة الاختيار على اسس علمية وليس على اساس المحسوبية المحكوم عليها بالفشل


قيم هذا التعليق ابلغ عن تعليق غير لائق تعليق :s_y_mبتاريخ : 22/09/2009 08:11:00 م الف مبروك لليونسكو


من اعمالكم سلط عليكم
يعنى هو كان نافع كوزير لثقافة مصر لما ينفع كمدير عام لليونسكو
لكن المصيبة انة هيرجع تانى وزير للثقافة
لك الله يامصر ولا نقول الا اللهم لانسالك رد القضاء ولكن نسالك اللطف فيةوانت القادر عن ان تزيح البلاء عن مصر


قيم هذا التعليق ابلغ عن تعليق غير لائق تعليق :fisher.m.alexبتاريخ : 22/09/2009 08:09:00 م والله واتعملت


هع هع عملوها فيك الخواجات يا عم فاروق
كومبينه صح يا جميل
فين بقى حبك وتمسحك في اليهود اديك خسرت المنصب وخسرت احترام الناس ....الثبات على المبدأ..يا خساره على الرجاله






قيم هذا التعليق ابلغ عن تعليق غير لائق تعليق :aymanfekryبتاريخ : 22/09/2009 08:07:00 م لا يستحق الفوز


غير مؤهل لهذا المنصب الرفيع


قيم هذا التعليق ابلغ عن تعليق غير لائق تعليق :tamerman2010بتاريخ : 22/09/2009 08:07:00 م مش متعود


اكيد الباشا مش متعود على كده اصل هناك في انتخابات بجد ومتقدرش تعرف اذ كنت هتنجح ولا هتخسر الا بعديها لكن هنا هتعرف من قبل متتعمل اساسا


قيم هذا التعليق ابلغ عن تعليق غير لائق تعليق :momo_cairo1بتاريخ : 22/09/2009 08:06:00 م sad day


its sad day for egyptian people


قيم هذا التعليق ابلغ عن تعليق غير لائق تعليق :SuperManHeroبتاريخ : 22/09/2009 08:05:00 م عليك بالاستقاله


وعد فاروق حسنى من قبل انه حال خسارته باليونسكو فانه سيتقدم بأستقالته
هل سينفذ وعده اما نعود لمقوله كفانا التمثيل المشرف ويعود ويستقبله مطباتيه الوطنى بامزامير


قيم هذا التعليق ابلغ عن تعليق غير لائق تعليق :tito-homeبتاريخ : 22/09/2009 08:03:00 م جربوا الهزيمة شوية


احسن ، مبروك ياباشا


قيم هذا التعليق ابلغ عن تعليق غير لائق تعليق :starpop_222بتاريخ : 22/09/2009 08:01:00 م معلش


معلش هارد 80


قيم هذا التعليق ابلغ عن تعليق غير لائق
------
ايه ده ايه ده؟ لا حرام يا عيال، اعوذ بالله، ربنا ما يقدركوا على ولاية
هيهيهيهييييييي، يا عيني، لا حرام صعب عليا