Tuesday 30 June 2009

التزامات

بعد مدة طويلة من "اتفاق فتح وحماس لبدء الحوار بشأن الوفاق الوطني" و"تعطل الاتفاق بين فتح وحماس لبدء الحوار بشأن الوفاق الوطني" و"حماس تتهم فتح بتعطيل الاتفاق لبدء الحوار بشأن الوفاق الوطني" و"فتح تتهم حماس بالمماطلة في تنفيذ الاتفاق ببدء الحوار بشأن الوفاق الوطني"
اخييييييييييييييييييرا
الاتفاق تم، زغردوا يا عيال
الحممممد لله، اتفقوا انهم يقعدوا يتكلموا بشأن الوفاق الوطني، واول حاجة اتكلموا فيها: سيب وانا اسيب
فتح كانت قابضة على عناصر حماس، قوم حماس قالت: وانا صغيرة؟ انا كمان ح اقبض على عناصر فتح، جات فتح قالت لحماس هاتي العيال اللي عندك، قامت حماس قالت لها: ماهو انا اخدت العيال دي عشان انت اصلا واخدة عيالي، هاتي عيالي وانا اديكي عيالك، قام فتح قالت لهم هي بقت كده؟ قام حماس قالت لها كده وابو كده
قام مصر طبعا ام اللجان كلها، قالت لهم طب نعقد لجنة منبثقة عن اللجنة الاولانية ونتكلم اصل فتح كده شكلها في قلبها كلام ومش عارفة تقوله
وعقدوا اللجنة المنبثقة عن اللجنة الفرعية المنبثقة عن لجنة مدخل صلاح سالم من عند العباسية بعد الساعة تلاتة الصبح وما تتغباش على الظابط عشان لو معاك سبع رخص مش ح يسيبك وانت مش وش بهدلة
قوووووووووووووووم فتح تقول ايه اللجمة دهين؟ احمد قريع قال لهم في وشهم، وحتى الاخوة المصريين قاعدين وسمعوا الكلام بودانهم: لا، احنا مش ح نفرج على عناصر حماس، اصل احنا علينا التزامات تجاه اسرائيل والمجتمع الدولي وفقا لخارطة الطريق
طب يا عم فتح، لما انت متجوز ومستقر في حياتك، جاي تخطب على مراتك ليه؟ وكمان عايز تتجوز حماس مسيار عرفي وشارط عليها ما تخلفش عشان ام العيال ما تحسش بحاجة؟ هي بايرة؟ ده حتى قعدة الخزانة ولا جوازة الندامة
التزامات ايه اللي لفتح تجاه اسرائيل وعلى اساسها قابضة على فلسطينيين زيها ومش عايزة تفرج عنهم وغتاتة كده بتقول لحماس افرجي عن اللي عندك؟ هم اكلوا ايه عشان يشربوا عليه مية؟ مش الالتزامات دي بيبقى قصادها مقابل؟ ايه المقابل؟ ان يبقى اسمكوا سلطة؟ على ايه؟ هو انتوا عندكوا بلد عشان يبقى لكوا سلطة؟ وللا هي وجاهة كده زي لقب سير في انجلترا؟
واسامة حمدان طالع في الجزيرة رافع حواجبه ومبحلق عينيه من الذهول وبيقول: وقالوا لنا كده في وشنا، وربنا كان المصريين قاعدين حتى اسألوهم اهم لا من ديني ولا من دينكوا، اسألوهم، قالوها كده، لدينا التزامات تجاه اسرائيل والمجتمع الدولي عشان كده مضطرين نقبض عليكوا، قالوا كده، قالوها والله، اي والله قالوا كده
وفضل ياعيني يقول قالوها قالوا قالوها قالوا لحد ما الكاميرا مان قفل عليه
دلوقت بقى اتفقت حماس وفتح على انهم يتفقوا يقعدوا مع بعض عشان يتفقوا على الوفاق ويأجلوا ملف المعتقلين لحد ما يتوصلوا للوفاق الوطني وبعدها يبقى يحلها حلال
والعيال عندي العيال عندك اهم يتعشوا عندي ويتغدوا عندك هي فرقت؟ ده احنا زي ما نكون  اخوات والله واكتر
طب ده معزة حماس عند فتح من نفس معزة اسرائيل ويمكن اكتر والله
وبعدين عباس ما رضيش يقابل الدويك دي حاجات بسيطة، يعني هو الدويك ح يروح فين؟ وما يقعدش بقى يقول: بيقابل اولمرت ومش عايز يقابلني، احنا ح نبتدي الغيرة من دلوقت؟ الراجل ما ضحكش عليكوا، اه، عنده بيت وعيال والالتزامات، والمفروض بقى انتوا تراعوا حاجة زي دي وهو له اربعة، ح تضايقوه ح يروح يتفق مع الاي ار ايه ولا يهمه انشالله يارب يتفق مع التاميل، والف فصيل سياسي يتمناه وهو بظروفه دي
وعلى راي اللي قال: كنا عايزين دولة فلسطينية ربنا كرمنا وادانا اتنين في بطن واحدة
سونة وسنسن

Monday 29 June 2009

هي حماس عملت ايه؟/ خلاص عرفت الغلابة عملوا ايه

تحديث:
المدون الايراني رد عليا، انا اصلي كنت بعت له اقول له: هو احنا عملنا لكوا ايه؟ انت باعت تقول لي الكلام ده؟ طب بقى انا اللي زعلانة، احنا سمعنا كلام زي الزفت عننا، انتوا بتتخانقوا مع الريس بتاعكوا، احنا نتشتم ليه ويتقال علينا شحاتين وانتوا ايش اوصلكوا لينا يا جرابيع وكل الكلام السم ده؟ ده انتوا ذليتوا انفاسنا يا راجل، وواحد اقول له انا خايفة عليكوا ما تلموا الموضوع يقوم يبعت لي يقول لي: اصل احنا بندور على الحرية، حاجة كده ما تفهموش انتوا فيها! وكمان انت اللي زعلان؟ راح باعت لي الرد ده


I apologize for the things you hear about Arabs etc. The fact is that the government of Nejad is also responsible in making some people feel that way. But please understand that most of these people are influenced by pro Shah organizations. As you might know they are still active around the world. As you mentioned Israel has also some people to spread these nonsense things. Fortunately, majority of our people and mr. Mousavi are aware of these.
انا باعتذر عن الحاجات اللي سمعتيها عن العرب. الحقيقة نجاد كمان مسئول عن ان ناس تحس بالموضوع ده، لكن ارجوك تفهمي ان فيه ناس متأثرة بالمنظمات الموالية للشاه. زي ما انت عارفة انهم لسة نشطين في العالم (لا وربنا ما اعرف). وزي ما قلتي اسرائيل كمان لها ناس بتنشر الكلام الفارغ ده بين الناس. بس الحمد لله غالبية الناس والسيد موسوي عارفين كده كويس.
Another source of this problem stems from what some Arab countries claim about the Persian Gulf. I believe these governments do this to open a new front and to take our attention from Israel.
سبب تاني للمشكلة الحاجات اللي بتقولها بعض الدول العربية عن الخليج الفارسي. اعتقد ان الحكومات دي بتعمل كده عشان تفتح جبهة لاسرائيل
(في دي صدق)
Many countries have not recognized Nejad's election and it would have been better for Hamas and Hizbullah to wait until things are settled down.
I also appreciate for your concern regarding myself. I am okay but people are under severe tension in here. Most of the web sites are closed, journalists are jailed, newspapers are banned, many well known politicians are imprisoned . . .the country is almost ruled by the military!!... so we don't have a normal life and God knows what will happen next.
ناس كتير ما اعترفتش بانتخاب نجاد، وكان احسن لحماس وحزب الله انهم يستنوا لما الامور تستقر. (انا بعت له وقلت له مش ممكن ابدا حماس ولا حزب الله يقدروا يعملوا حاجة زي دي ابدا انت عايز تلبسهم في حيطة؟) متشكر على قلقك عليا، انا كويس، بس الناس تحت ضغط كبير هنا. معظم المواقع مقفولة، صحفيين مقبوض عليهم، صحف اتمنعت، سياسيين معروفين كتير اتقبض عليهم.. تقريبا البلد محكومة بالعسكر!! فعشان كده مش عايشين حياة طبيعية، وربنا وحده يعلم ايه اللي ح يحصل.
-----
خلصت رسالته، موضوع نجاد مسئول عن ثقب الاوزون دي وسعت شوية، ماله نجاد ومال الكلام السم اللي سمعته؟ ما داهية يكونوا بيفكروا زي ما مهندس حر قال لي على التويتر: اصله تاهمينه انه بيخونهم معانا وطالبين الطلاق.
بصوا، هي حاجة توجع، انه يعامل اللي برة كويس ويعامل الناس جوة وحش، دي بتوجع قوي، بتوجعنا احنا لما الحكومة بتهتم بالاجانب وبتدينا على قفانا، وكانت بتوجع العراقيين لما صدام كان بيعاملهم وحش وبيعامل المصريين كويس، وبتوجع كل العرب لما السعودية تعاملهم وحش وتعامل الامريكان كويس، طبيعي يعني. بس احنا مالنا يعني؟ مش كفاية اللي احنا فيه؟ احنا غلابة قوي يا سيد. موضوع ان اسرائيل بتلعب في الامور، طب لما هم عارفين، مش يتبطوا شوية؟ ايه الزمبليطة اللي هم عاملينها دي؟
موضوع الجزر والخليج الفارسي اللي واكل دماغهم ده، يعني هم شافوا حد خد منهم حاجة؟ احنا قادرين نمشي؟ اهم بقين الامارات بتقولهم وخلاص، هو احنا يعني اخدنا الكلام بجد؟ وللا مصدقين ان الحكومات العربية اللي سايبة تلات دول محتلة مهتمة قوي بكام جزيرة؟ طب ما يتنيلوا يحرروا بلدهم من القواعد العسكرية الامريكية اللي فيها، المهم عيالنا اللي في الجزر يعاملوهم كويس وخلاص، هم مال الموضوع واكل في نفسهم كده؟
اه
الفراغ، هو الفراغ يعمل اكتر من كده، انا واحدة صاحبتي قالت لي: عاملين زي اللي جوزها مدلعها ولما ما رضيش يكتب البيت باسمها طلبت الطلاق، ماهو لو كان كل يوم بيرنها علقة ما كانتش اتدلعت كده
احنا بقى جوزنا كل يوم بيرننا علقة، يعملوا اللي هم عايزينه ويسبونا احنا في اللي احنا فيه
قال حماس وحزب الله ما يعترفوش بالحكومة دي قال، هو ايه خيالاته عنهم؟ هم عارفين يقعدوا في بلدهم لما يتحشروا لحد؟ ده كانوا اتشنيروا واتقطعوا ستين حتة
ادي اخرة الدلع
متشكرين يابابا حسني عشان بتربينا تربية عسكرية، ادي فايدة انك تدخل الجيش وانت قاعد في بيتكوا يا كلب انت وهو وهي ادددددددددددددببببببببببببببببب
بالنسبة للمعتقلين، انا جبت الايميل بتاع وزارة الداخلية الايراني وبعت لهم عشان يفرجوا عن المعتقلين ويبطلوا يضربوا في الناس، طبعا مهندس حر قال لي ولا ح تفرق معاهم، بس المدون الايراني قال لي اعملوا اي حاجة احنا طالع ميتينا، انا شايفة ان لما ناس عادية تبعت التماس (بس بادب والنبي اللي ح يقل ادبه ذنب الغلابة اللي في السجن في رقبته، لو عايز تفيد المعتقلين كلم المسئولين بالراحة والادب الايرانيين عندهم هسهس ادب ومش بيقبلوا اي تجاوز ولو بهزار، دول الوحيدين في العالم اللي قالوا لاوباما: "انت قليل الادب" مش مرة واحدة، مرتين، مرة لما بعت لهم معايدة نوروز ومرة لما اتكلم عن المظاهرات ههههه) بالافراج عن المعتقلين وعدم استخدام العنف ضد المتظاهرين، متهيالي ده مش تدخل في شأنهم لاننا مش ح نتكلم عن الانتخابات، ولا احنا حكومات
والنبي ابعتوا ينبكوا في الغلابة ثواب يمكن ربنا يقعدهولنا في عينا وعافيتنا واحنا هنا معرضين في اي لحظة نبقى مكانهم
الميل اللي شغال اهو هنا
------------

المدون الايراني باعت يقول لي: مش ح اقدر اتكلم معاك كتير، بس انا ما كنتش اتوقع كده ابدا من حماس! هم بيحكموا على الامور من قبل ما يتبينوا ليه؟ ياريت تفهموا ان اللي ما بيخافش على شعبه مش ح يخاف عليكوا

!!!!!!!!!!!!!!
هم عملوا ايه؟ اللي عارف يقول اللي مش عارف ما يألفش، انا بعت اسأله بس مش قادرة استنى لحد ما يرد عليا لانه بيرد كل فين وفين عشان قاطعين عنه النت
وماحدش يجيب لي معلومات من التويتر، هو نفسه بيقول لي العيال اللي على التويتر دول معظمهم زبالة
حد عارف؟ بس يكون عارف بجد

Saturday 27 June 2009

اضراب عمال طنطا

والله انا لسة صاحية لقيت حسام الحملاوي بيزعق لنا على التويتر وبيقول عمال طنطا محتاجين تضامن بقالهم اربع اسابيع مضربين
لمزيد من المعلومات انطح هنا



تعلن لجنة التضامن مع عمال طنطا للكتان عن تضامنها الكامل مع عمال شركة طنطا للكتان المضربين منذ ثلاثة اسابيع وتطالب معهم بمطالبهم المشروعة وهي:



1- صرف العلاوة الدورية التي قررها قانون العمل بمقدار 7% من الأجر الأساسي اعتباراً من 1/7/2008، خصوصا وأن الشركة حققت ارباح بميزانيتها


2- صرف الحافز للعاملين علي أساس الأجور الأساسية الحالية وليس علي أساس المرتب الثابت منذ 30/6/2004



3- صرف زيادة بدل الوجبة الغذائية من 32 جنيه إلي 90 جنيه كباقي العاملون في صناعة النسيج طبقا للقرارات المنظمة



4- عودة عمال الشركة التسعة ( بينهم 2 نقابين ) المفصولون تعسفيا خصوصا بعد حصول بعضهم علي احكام قضائية



كما تطالب اللجنة بفسخ العقد مع المستثمر السعودي الذي أخل بالتعاقد عندما امتنع عن سداد حقوق العمال وفي مقدمتها أجرهم عن شهر مايو والذي أمتنع عن تسديده للضغط علي العمال لمنع العمال من القيام باضرابهم، كما إنه امتنع عن تنفيذ اتفاقية العمل الجماعية التي سبق ووقعها بعد اضراب العمال السابق، وتطالب اللجنة بالاضافة إلى فسخ العقد واعادة تبعية الشركة إلى القطاع العام بمحاسبة المتورطين في عملية البيع المشبوهة وذلك حفاظا علي حقوق العمال وحفاظا علي السيادة الوطنية التي اهدرها المستثمر السعودي بتجاهله نصوص عقد البيع وكذلك عدم احترامه لاتفاقية العمل الجماعية التي تعتبر بمثابة قانون وفوق هذا وذاك عدم احترامه للقانون المصري.

(ده ولا مسلسل الراية البيضا، هو ايه اللي باع المصنع اصلا؟ ده كتان وزيوت، لو اتطور يقببنا على وش الدنيا بدل شغل التسول اللي البلد كلها عايشة فيه لما بقى التسول قيمة من قيم المجتمع)

وتتساءل اللجنة لماذا الصمت الرهيب من قبل الحكومة المصرية بكل وزرائها ومسؤوليها تجاه تحدي المستثمر لهم جميعا وتعديه علي حقوق العمال

(مع خالص تقديري للجنة، ايه السؤال ده؟ انا لو مدرسة وعيل من عيالي سألني السؤال ده ح اطرده من الفصل)

لجنة التضامن مع عمال طنطا للكتان



(نقابة العاملين بالضرائب العقارية، رابطة عمال الغزل والنسيج بالمحلة، اللجنة التنسيقية للحقوق والحريات النقابية، اللجنة التحضيرية للعمال،عمال من أجل التغيير، مجموعة تضامن، امانة عمال حزب التجمع، امانة عمال الحزب الناصري، مركز هشام مبارك للقانون، المركز المصري للحقوق الاقتصادية والاجتماعية، مركز الدراسات الاشتراكية، مركز آفاق اشتراكية)
-------

طيب، انا قريت في اللنك اللي حسام سايبه ان العمال قبضوا مرتب مايو! ولسة مضربين

والله لسة امبارح واحدة من غزة بتكلمني قلت لها احنا عندنا حصار برضه، حسبي الله ونعم الوكيل


تشومسكي عن الازمة الايرانية

هو حديث راديو، ح افرغه واترجمه حاضر، بس مش دلوقت، اللي عجبني، كله عجبني يعني، بس اكتر حاجة عجبتني انه بيقول: صحيح الديمقراطية الايرانية منقوصة لانها تحت اشراف المرشد الاعلى، وبالتالي مش اي حد يقدر يترشح، بس الديمقراطية الغربية زيها بالظبط، الفرق في المرجعية، هم مرجعية دينية واحنا عندنا عشان تترشح لازم تبقى مدعوم من جهات رأسمالية كبرى، يعني نفس الانتقادات هنا هي هي هناك
------
انا تعاطفت مع اوباما في حاجة واحدة بس، انه مش عارف يبطل السجاير، وعمالين يطلعوا تلاتينه: انت ليه ما بطلتش سجاير؟ مطلع قانون ضد السجاير وانت بتشرب سجاير
ايه يا جدعان........انا حاسة بيه بصراحة
النهاردة الغبي استجاب لضغوط الجمهوريين وراح لايش في احمدي نجاد بالجامد
اهو واحد اصلاحي طلع في الجزيرة يقول: هو احنا ننسى اللي عملوه فينا؟ لازم يبقى عارف كويس اننا كلنا واحد في مواجهة الخارج
هههههههههههههههههه
احسن

Tuesday 23 June 2009

يا لااااااااااااااااااااهوييييييييييييييييي يا لااااااااااااااااااااهوووويييييييييييييييي

هو كل حاجة بتحصل بسرعة كده؟ ده انا كنت لسة الصبح باقول لو حصل اللي خايفة منه مش ح اسامح كل اللي خضروا نفسهم

يعني هو البيكيني مش رمز للاسعتباد والانحطاط يا ساركوزي؟

والنبي وحياة فخادك دي يا ساركوزي، لما واحدة تبقى ماشية مبينة فخادها ده مش رمز للاستعباد والانحطاط وتحقير المرأة والعهر كمان؟ بقى فرنسا بتحترم المرأة؟ بامارة ما بيتحطوا في الفتارين زي البضاعة؟

Monday 22 June 2009

في انتظار الثورة الخراوي

المقال ده بيقول ان السي اي ايه طايح في العالم ثورات ملونة، اه والله، اسمها كده ثورات ملونة، وانه بيتغلغل في اي مجتمع من خلال المجتمع المدني وجايب بالتأريخ موافقة الكونجرس من سنتين على مشروع الاطاحة بالنظام الايراني
كدهون يعني... وش مافيش فصال
بالنوسبة لنا احنا في حال ما يزهقوا من سونة ويجيبوا لنا ثورتنا الخراوي (ماهو يدوبك على قدنا احنا عندنا الوان ايه هنا؟) ان شاء الله بقى ح تلاقوا العالم كله لابس لون خراوي تضامنا مع الكام خرية اللي ح يعملوها، وطبعا، زي موسوي كده، مش ح يصابوا بخدش والناس هي اللي ح تموت
حبيت بس اقترح اللون من دلوقت عشان نخلص النية كده وربنا يكرمنا
المقال ده عن وهمية ثورة التويتر، وان معظم اللي بيقولوا انهم ايرانيين اللوكيشن بتاعهم في كندا وامريكا، وان اي حد في الدنيا يقدر يقول على نفسه ايراني ويهبل في الكلام ويدي معلومات غلط
الا انا شفت واحد اسمه
persiankiwi
باينه مجنون وللا ايه؟ عامل زي جنرال الكازوزة وعمال يدي اوامر كده:
بيبول (ايها الناس يعني) ما تدفعوش فواتير التليفون ولا الكهربا
بيبول لو عندكوا ارصدة في البنوك اسحبوها كلها مرة واحدة عشان نهدم الدولة
بيبول ماحدش يروح الشغل عطلوا الدولة احنا عايزين نهدم اركان الحكومة
بيبول بكرة الساعة اربعة اتصلوا بالامن وادوهم معلومات غلط عن اماكن المظاهرات
وابن المجنونة كاتب اللوكيشن بتاعه في ايران؟ وهو لو في ايران ح يعرف يقول الكلام ده؟ ثم حد في الدنيا يعمل تنظيم سري على التويتر؟
ده غير التضارب بقى في حكاية البنت المسكينة اللي ح يتاجروا بدمها من هنا للصبح، شوية يقولوا كانت واقفة بتتفرج، وشوية يقولوا لا دي كانت في المظاهرة، مع ان ما كانش حواليها مظاهرة، وشوية يقولوا كانت بتشتري حاجات
 كام سؤال بيمغص في نفسيتي:
هو نجاد ليه بيستخدم الرصاص الحي في تفريق المتظاهرين؟ مش فيه اختراع اسمه خراطيم مية؟ مش حتى فيه اختراع اكثر وحشية اسمه القنابل المسيلة للدموع والرصاص المطاطي؟ ليه الرصاص الحي يعني؟ ازاي يعني مش عارف يحتوي الموقف ويهدي بدل ما بيعند معاهم؟ حد يعند مع مليون بني ادم؟
السؤال التاني: بجد يعني انا عايزة اعرف النظام الحالي اللي في ايران عمل لنا احنا ايه؟ الناس اللي محروقة من نظام ما تعرفش عنه حاجة وهم اصلا عندهم مبارك دول وضعهم ايه من الاعراب؟ قال على راي المثل، فوقيهم خرا وتحتيهم خرا ويقولوا اف ريحة خرا، طب اليكم المفاجأة، النظام ده حايش عنا عنصرية كتير من الايرانيين ضد العرب، وبكرة يمشوا وييجي اوساخ زي الشاه، وللا زي الشاه ليه؟ ما واحد شيخ طالع (تبع رفسنجاني) بيقول: المرشد بيقول لنا ان نظامنا ديمقراطي مقارنة بالانظمة اللي حوالينا؟ طب هم ايش جابهم لينا دول؟ احنا الشعب الايراني شعب عظيم ومختلفين عن الكل... بلا بلا بلا
وبالنوسبة للمصريين اللي ح يتهربوا من واقعهم الاليم ويقولوا احنا مش عرب، فلا معلش، احنا بندخل في المناقشة دي على سبيل الفراغ والفضا وبناخد اللي بيقولوا الكلام ده على قد عقله زي ما انا باخد زينب اختي على قد عقلها لما بتقنعني انها بيضا وعينيها عسلي وشعرها اصفر، ساعات اقول لها: لا يا زينب انت سمرا وعينيكي سودا وشعرك اسود، وساعات اسيبها
بس احنا عرب، تاريخيا، وثقافيا، واثنيا، وجغرافيا، ورسميا، وعرفيا و.... مش عارفة اقول لكوا ايه؟ دي مناقشة فعلا عاملة زي مناقشاتي مع زينب لما باحاول اقنعها انها مش بيضا ومش عينيها عسلي ومش شعرها اصفر
يعني لو احنا مش عرب يبقى الدنيا دي مافيهاش عرب، كانوا ح يتولدوا ازاي؟ ما احنا اللي ولدناهم
المهم يعني ح يرجع تاني اخويا الامير بظرميط الايراني يدينا بالجزمة زي ما كان بيدينا زمان واحنا نلحس الارض من تحتيه وساعتها طبعا ما حدش ح يسأل عن الجزر ولا عن المد الشيعي ويوم ما ترجع ايران ترسانة لحماية ضهر اسرائيل ماحدش ح يسأل عن مشروعها التوسعي، ولا حتى عن اسلحتها النووية، عشان اللي جايين دول من عينة الواد اللي قال لي: 
الملالي بيساووا ما بينا وبين العرب، وانتوا ايش اوصلكوا لينا يا جرابيع، احنا دولة حضارة واياك تجيبي سيرة الحضارة المصرية انتوا ناس كل كلب احتلكوا وانضف ناس احتلوكوا هو احنا، لكن احنا عندنا كرامة، والملالي دول بيساووا ما بينا وما بين السنة وبيقولوا عليهم مسلمين زينا، بقى انتوا مسلمين زينا؟ ده انتوا اللي بوظتوا الاسلام، والملالي بيدعوا انهم ايرانيين وشيعة، بس هم عرب وسنة كمان
(ده على اساس ان العرب والسنة دول شتيمة)
هو ده البديل اللي جاي
اشربوا بقى ياللي مش عاجبكوا الملالي، طب والله ح يتكيفوا ويتمزجوا، احنا اصلنا بنعمل دماغ تهزيء واللي يحترمنا يبقى كأنه سب لنا الدين
انا بس كل اللي مزعلني ان الدولة الوحيدة اللي لها سيادة في المنطقة جاية لنا في السكة، اهلا وسهلا
join the club 

تحالف عربي اسرائيلي ضد ايران؟

ايهود باراك قاعد مع حسني يتكلم عن تحالف عربي اسرائيلي ضد ايران؟
حد يقرصني
انا باحلم صح؟
وانجيلا ميركل اسم الله عليها ما بتلبسش دلوقت غير اخضر في اخضر اسم الله عليها تحس انها جاية من الجنة

Sunday 21 June 2009

تحليل رائع لعزمي بشارة

باحبه قوي انا عزمي بشارة، يعني اقصد باحبه كده زي ما باحب تشومسكي
ملاحظات عن إيران

عزمي بشارة

أ- النظام الإيراني نظام شمولي totalitarian وليس مجرد دولة سلطوية authoritarian. إنه نظام مركزي قوي بنظم إدارة ورقابة متطورة، ويحكم بموجب أيديولوجية تدعي أجوبة على كل شيء، وتتوق إلى أن تتخلل كافة نواحي الحياة. وبدل الحزب وتنظيمات الشباب، يعتمد على تنظيمات واسعة تجمع بين الأمن والأيديولوجية وحتى المنفعة لفئات واسعة من السكان، خاصة عبر "الباسيج".

كما يعتمد على شبكة واسعة ومنظمة من الملالي، وعلى تسيس أجهزة الأمن والحرس الثوري. ولكنه يختلف عن النظم الشمولية التي نعرفها بأمرين مهمين جدا، بل فاصلين عن الأنظمة الشمولية الأخرى:

- الفرق الأول: لم نعرف نظاما شموليا يتبنى هذا القدر من التنافسية الدستورية داخل النظام الحاكم وضمن أيديولوجيته، وهو تنافس منظم في انتخابات تطرح فيها برامج مختلفة فعلا في إطار قواعد اللعبة المتفق عليها، كما تختلف الأحزاب في الإطار الرأسمالي مثلا.

فالفرق بين الحزب الديمقراطي والجمهوري في الولايات المتحدة ليس أكبر من الفرق بين الإصلاحيين والمحافظين في إيران. طبعا، ليست هذه التيارات في إيران أحزابا فعلا، وبرأيي ليس الجمهوريون والديمقراطيون أحزابا فعلية أيضا بالمعنى الأوروبي المعروف لنا، بل روابط leagues, unions bonds انتخابية.

‌- الفرق الثاني: أن الأيديولوجية الرسمية التي تتخلل عمل المؤسسات الحاكمة والحيِّز العام والتربية والتعليم كهوية وكمرشد في العمل، هي دين حقيقي تؤمن به غالبية الناس أصلا، وهي ليست دينا إلحاديا أو دنيويا atheist religion or secular religion كما في حالة الشيوعية والفاشية لا تؤمن به إلا نخبة من الحزبيين الذين لا يلبث إيمانهم أن يتحول إلى مجرد مصلحة، ولا يؤمن به حتى أبناؤهم.

لدينا في حالة إيران مذهب ديني كأيديولوجية رسمية.. وهرمية وكليروس تثبِّت هرمية الدولة، ورجال دين بسطاء يشكِّلون وسيطا بين الشعب والأيديولوجية الحاكمة.

ب- هذه الفوارق الهامة تتيح حركية وحيوية لم نعرفها في الأنظمة الشمولية الأوروبية الشيوعية والنازية والفاشية، مع أن النظام الإيراني قام في مجتمع "شرقي" أقل تطورا منها جميعا من الناحية التكنلوجية ويفتقر إلى السياق الحضاري الحداثي والتحديثي الأوروبي الذي قامت هي على أساسه.

ت- لا يسمح الحزب الحاكم في الصين -حتى في مرحلة انفتاحه- بدرجة أقل بكثير من التنوع السياسي المعبر عنه تنافسيا عبر نقد النظام القائم والرئيس والحكومة بهذه الحدة، التي نشهدها في إيران. ولم يُسمَح بذلك طبعا في الاتحاد السوفياتي وغيره.

وإذا أخذنا هذه الناحية من النظام الإيراني بما تتيحه من تنافس ونقد وتداول للحكم في ظل قواعد لعبة متفق عليها، فإنه أقرب إلى الديمقراطية التعددية التي نعرفها في الغرب منه إلى النظام الدكتاتوري.

أما فرض الأيديولوجية الموحدة كأيديولوجية دينية، ومحاولة ضبط إيقاع حياة الناس الفردية عبر الأيديولوجية، فهي أمور تميزها جذريا عن الدول الغربية، حيث تضبط حياة الناس الفردية عبر تغلغل آليات السوق في الحيز الخاص للفرد، وعبر تغلغل شمولية المشهد الإعلامي داخل العائلة.

تُفرَض الأيديولوجية أيضا في الولايات المتحدة، ولكنها تسمى هناك نمط الحياة الأميركي، وهي تترك حيزا واسعا للحيز الخاص وللحريات الفردية بما فيها القرار الديني للفرد، وتؤثر عليها عبر الإعلام والسوق والاستهلاك، تترك تحديات للحرية الفردية تتصارع معها.

ث- طبعا، لا داعي للكلام عما تتيحه الأنظمة السلطوية العربية -أنظمة الأسر الحاكمة و"النيبوتيزم"- العاجزة عن أن تكون شمولية أو ديمقراطية، ومن هنا فإننا نستغرب شماتة بعض العرب بما يجري في إيران بدل الالتفات إلى ما يجري، والأهم إلى ما لا يجري في بلدانهم.

ج- انتفاضة الإصلاحيين تتم داخل هذا الإطار بما فيه مسلمات الجمهورية الإسلامية. ولكن الانتقادات الموجهة للنظام من قبل جمهور واسع من الشباب الذين انضموا إلى الإصلاحيين خاصة من أبناء الطبقات الوسطى المتواصلين مع العالم، هي انتقادات معارضة لأصولية النظام الدينية، وتذكِّر بانتقادات الشباب في أوروبا الشرقية لأنظمتهم التي رأوا أنها تحرمهم من حرياتهم الفردية والذاتية، ومن اختيار نوع حياتهم، ومن نمط الحياة الاستهلاكية. وطبعا كالعادة، قسم من هذه الادعاءات صحيح، وقسم آخر ترديد لأساطير ينشرها الإعلام الغربي، وقسم أخير هو عدم رضا، وبحث عن معنى جديد في العمل السياسي ذاته.

ح- لا نقترح الاستخفاف بهذا النقد على المدى البعيد.

خ- ليس هؤلاء أكثرية الشباب، بل هم أكثرية الشباب من أبناء طبقة معينة. فالنظام الإيراني ليس اشتراكيا، وهناك فجوات طبقية حقيقية، إضافة إلى تقاطعات بين الثروة والسلطة، وبين السلطة والمنصب الديني، وبين الثروة والمنصب الديني (والمصيبة حين يكون التقاطع بين السلطة والمنصب الديني والثروة في نفس الأشخاص).. تخلق هذه التقاطعات المختلفة تيارات سياسية وفكرية وأمزجة متفاوتة.

فأكثرية الشباب من أبناء الفقراء يؤيدون نجاد، تماما كما يؤيد أبناء الفقراء شافيز في فنزويلا.

وعلينا أن نتذكر أن انتخاب نجاد عام 2005 كان احتجاجيا -ومن قبل الشباب قبل غيرهم- على المحافظين الذين فسدوا، وليس فقط على الإصلاحيين. وبعض الإصلاحيين من المناضلين والمبدئيين فعلا، ومنهم من شاركوا في الثورة ومنهم من لم يشاركوا. ولكن بعضهم يجمع أحيانا بين الدفاع عن الحريات والدفاع عن الفساد. (الفئات التي تجمع بين الدفاع عن الامتيازات الاقتصادية وعن الحريات والانفتاح في الوقت ذاته، موجودة عربيا في أكثر من دولة، وهي فئات نيوليبرالية، لا هي ليبرالية فعلا، ولا هي ديمقراطية).

د- المزاج الذي يعتبر أصحابه أصواتهم أكثر وزنا نوعيا من صوت الفقراء الأكثر عددا، ويعتبرون أصواتهم أغلبية -لأنها أغلبية في أحيائهم، حتى حين تكون أقلية في الوطن- هو موقف متعال وعنصري يتعارض مع روح الديمقراطية، فهو يخلط بين ليبراليته التي قد تكون صادقة وموقف استعلائي نخبوي لأن ديمقراطيته غير صادقة إطلاقا.

ذ- كلما صادفنا هذا المزاج ونتيجة لتعاطف بعض المثقفين (الكاتب يقصد نفسه على الأقل) مع جيل الشباب المحتج والمتورط في السياسة، يضعف هذا البعض أمام واجبه تجاهه.

لقد رأينا عشرات الآلاف من الشباب يتظاهرون قبل سنوات في عاصمة عربية بشعارات ديمقراطية ضد الطائفية، في حين جرهم بسهولة مثقفون لعبوا دور "الغورو guru" للتصفيق لقادة مليشيات وزعماء طوائف ومجرمي حرب كأنهم أبطال ثقافيون فقط لأنهم "معنا"، و"ضدهم". وما لبثوا أن انجرفوا إلى تعبيرات عنصرية ضد الطوائف الأخرى ثم التزم كل طائفته، رغم المظهر الفردي المتميز، والأشرطة على الرؤوس، والجينز والصدر المكشوف، وكل ما يوحي خطأ لجيلنا بالانفتاح والتقدمية (وقد كانت هذه مظاهر ثورية في ستينيات القرن الماضي ولم تعد كذلك، بل تعممت غربيا على اليسار واليمين)، وهي تجذب كاميرات الصحف التي يحررها أشخاص يذكرهم هؤلاء بشبابهم اليساري.

يفيد أخذ مسافة نقدية لكي يقوم المثقف بواجبه تجاه الشباب، فيشجع مواقفهم النقدية التحررية، وتطلعاتهم العادلة ويحذر من الغرور والرجعية والآراء المسبقة والأساطير والأوهام التي يحملها الشباب.

ر- من يريد أن ينتقد الانتخابات في إيران عليه بهيئة صيانة الدستور والشروط العديدة التي تفرض على من يرغب في المشاركة لضمان اعترافه بمبادئ الجمهورية الإسلامية، وعليه بالتغييرات الدستورية منذ العام 1989 والتي ألغت منصب رئيس الوزراء وحولت صلاحياته إلى الرئيس، وحوّلت صلاحيات الرئيس إلى المرشد العام الذي جمعها كسلطات زمانية بسلطات روحية وفقهية ذات علاقة بتطوير جديد سياسي لمفهوم ولاية الفقيه.

هذه تشكل موضوعا للنقد. وتستحق النقد. ولكن هذه كلها مقبولة على التيارات والشخصيات والقوى التي تخوض الانتخابات، أو تدعي أنها تقبل بها لتتمكن من خوضها. ولكن من السخف الهروب من هذا النقد إلى الادعاء بأن الانتخابات الأخيرة في إيران قد زوِّرَت خلافا لسابقاتها.

ز- فمنذ الانتخابات السابقة لم تتعزز قوة التيار الإصلاحي، بل ازداد ضعفا وتفككا. والنتائج التي حاز عليها مفاجئة لمن يعرف إيران لناحية تبلور هذا التيار كقوة من جديد، خاصة بعد انهياره تحت وطأة مرحلة خاتمي وبعض القمع لامتداداته الشعبية في الجامعات وغيرها. ولا شك أن الانتخابات الحالية وضعته على الخريطة ولكن ليس بشكله السابق، بل كتحالف مع فئات واسعة من المحافظين. لم تبن التوقعات حول قوة التيار الإصلاحي نتيجة لاستطلاعات متاحة للرأي العام، بل خلقها الإعلام الغربي وغير الغربي المعادي لنجاد، وهو على تهذيبه الفائق مخرب أجواء المؤتمرات الدولية وجلسات الصالونات الدبلوماسية بكلامه ومظهره.

س- وشعبوية خطاب نجاد تتضمن أخطاء كبرى ومساعدة للسياسات الغربية العنصرية تجاه العرب والمسلمين والشرقيين بشكل عام، فشهادة البراءة التي يمنحها لأوروبا من جريمة المحرقة كارثية بكل المعاني. ولكن نجاد يصدم الغرب بمجموعة ثوابت صحيحة متحدية للإرث الاستعماري، لم يعد أحد يتفوه بها بعد أن رُوِّض الجميع داخل مسلمات التفوق والعنصرية الغربيين.

س- وشعبوية خطاب نجاد تتضمن أخطاء كبرى ومساعدة للسياسات الغربية العنصرية تجاه العرب والمسلمين والشرقيين بشكل عام، فشهادة البراءة التي يمنحها لأوروبا من جريمة المحرقة كارثية بكل المعاني. ولكن نجاد يصدم الغرب بمجموعة ثوابت صحيحة متحدية للإرث الاستعماري، لم يعد أحد يتفوه بها بعد أن رُوِّض الجميع داخل مسلمات التفوق والعنصرية الغربيين.

ش- ليس أحمدي نجاد ممثلا لتيار المحافظين بقدر ما هو متمرد عليهم من داخل مؤسستهم.. إنه كمن ينتقد سلوك المحافظين -بمن فيهم رجال الدين الذين فسدوا- معتمدا على مبادئ الثورة الإسلامية.. إنه من النوع المحافظ بالمعنى الأصولي، أي أنه يريد أن يعيد إلى الثورة شبابها وبريقها. ولا شك أنه يذكر موسوي بشبابه.

من هنا فإن فاعلية خطابه الشعبوي تفوق فاعلية خطاب الإصلاحيين.. ومن هنا عودته إلى الإمام الخميني وقاعدته الشعبية الفقيرة وتقشفه.. ومن هنا فإن توزيع عائدات النفط على الفقراء والتقرب منهم شكل تعويضا عن فشل السياسات الاقتصادية.. ومن هنا فإن عدم فساده شخصيا عوَّض عن عدم مكافحته الفساد بشكل جدي.. ومن هنا فإن العزة الوطنية التي جلبتها سياسته الخارجية وجعلت من إيران لاعبا دوليا مركزيا، بعد أن هبط وزن إيران الدولي بالذات في المرحلة التي بدأ فيها خاتمي -وهو إصلاحي فعلا- انفتاحا على الغرب عوضت عما بدا مراهقة سياسية على مستوى الخطاب.

ص- ليس بين المتظاهرين في شوارع طهران أي مؤيد لأي نظام عربي أو تيار ديني سلفي أو أصولي في المنطقة العربية، ولذلك فإن الفرح الغامر الذي أصيب به بعض الإخوة الأعزاء ليس مسيسا ولا سياسيا، بل هو من نوع الشماتة المتخلِّفة. فالبديل المطروح في طهران هو إما:

1- المؤسسة الحاكمة التي فسدت ماليا وأصبحت أكثر واقعية في الشؤون الدولية، وتمرد عليها نجاد في الانتخابات الماضية، والمتمثلة في رفسنجاني. أو

2- تقاطع بين الإصلاحيين والمحافظين في إطار المؤسسة الحاكمة يتكئ فيه المحافظون الفاسدون شعبيا على الإصلاحيين من أمثال موسوي وخاتمي كما يفعل رفسنجاني حاليا لاستعادة الجاذبية في إطار الجمهورية الإسلامية، ولإضعاف دور المرشد، ومن أجل خط أكثر واقعية ومسايرة للغرب في العلاقات الدولية خاصة بعد ذهاب بوش والأفق الذي يطرحه الحوار مع الإدارة الأميركية من اعتراف دولي بالجمهورية الإسلامية (ولغرض التحالف يقبل جناح المحافظين هذا أن يدفع إصلاحات متعلقة بالانفتاح للتيار الإصلاحي. مثل هذه الإصلاحات تصبح عادة في خضم التحول الثوري مجرد مرحلة انتقالية يفقد المصلحون بعدها زمام المبادرة). أو

3- البديل الذي نسميه مجازا "غربيا" وهو تغيير النظام. كما جرى في أوروبا الشرقية. وهو البديل الذي تطرحه فئات واسعة من المعارضة غير القانونية في البلد وفي المنافي. ويغلَّف للشباب من أبناء الطبقات الميسورة شمال طهران بالحقوق الليبرالية المدنية ونمط الحياة الاستهلاكي وحرية المسلك والملبس والتعبيرات الغربية وكل ما جذب الشباب حتى من أبناء الحزبيين في أوروبا الشرقية وروسيا.

صوتت غالبية الشباب من أبناء الطبقات الميسورة ضد نجاد وليس محبة لموسوي، ولكن هذا البديل الثالث لا بد -في حالة إيران- من أن يمر عبر البديل الثاني أولاً وكمرحلة انتقالية.

فللأسباب التي ذكرناها أعلاه لن ينهار النظام دفعة واحدة كما انهارت النظم الشيوعية.

ض- سوف يتجاوز النظام الإيراني الأزمة الحالية معتمدا على الأدوات الموصوفة أعلاه، والسؤال الهام: هل سوف يستفيد منها بانتزاع شعارات الإصلاح من الفاسدين والتحالف مع يسار الإصلاح ضد يمينه، أم سوف يعتمد على القمع وحده، خاصة على المبررات التي يقدمها له التدخل الغربي القائم بقوة؟ الخيار الأخير وصفة لمعارك مقبلة قد تكون أكثر حدةا.

ابراهيم عيسى ابدع والله

ولو ان فيه ناس بتقول لي مافيش داعي كل شوية ابراهيم عيسى ابراهيم عيسى
بس بصراحة كاتب مقالين ورا بعض يجننوا
انا ح انزلهم الاتنين
المقال الاول عن الانتخابات الايرانية دون تدخل مني غير بتلوين الحتت اللي مزجتني الحتة الوحيدة اللي انا مختلفة معاه فيها انه بيقول مش ممكن موسوي يعمل ده كله، ودي حاجة اول مرة تحصل في ايران، الا اذا كان فعلا فيه تلاعب، لا معلش، من لغلوغه ان كانت الانتخابات دي مزورة، كل تصرفاته هو نفسه موسوي (اللي بيفكرني بناس عندنا) بتقول ان الانتخابات دي مش مزورة وكلام ابراهيم عيسى بان ده عمره ما حصل قبل كده، اشمعنى حصل دلوقت؟ والله فيه احتمالات كتير، مش من ضمنها ان الانتخابات مزورة، لان موسوي مهزوز، برغم كل العند بتاعه، بس مهزوز في مواجهة القانون، ما قدمش تظلم على طول، ما قدمش ادلة، لما عقدوا لجنة اتهرب هو وخروبي ده (يا انا مش باطيقه خروبي ده) اللي حصل جديد حاجات كتير، ان نجاد مكروه من الطبقة المتوسطة العليا والاغنيا ورجال الاعمال، ان نجاد مسحوب من لسانه ولبن بالكلام على رفسنجاني وهو مركز قوة فحب يعرفه مقامه، ان نجاد مش بيحترم مراكز القوى ومسنود على المرشد، والمرشد ده مش زي ما انتوا فاكرين، فيه مجلس يقدر يعزله في اي لحظة، والمجلس ده منتخب من الشعب لكن فيما عدا المرشد هو مش بيحترم اي غيلان في الدولة تانيين، ولسانه طويل، وهم حبوا يقولوا له طب ورينا المرشد ح ينفعك ازاي واصلا المرشد ده قعد يقول لهم عيب كده، كويس كده اللي حصل ده؟ انا سمعته اللي عمالين يقولوا بيهدد، هو ده التهديد؟:
ابراهيم عيسى
المظاهرات والاحتجاجات الإيرانية ضد نتيجة الانتخابات حق مشروع وأساسي وديمقراطي تمامًا رغمًا عن أنف الكارهين علي مدي عشرة انتخابات رئاسية في إيران خلال الثلاثين عامًا الماضية لم تظهر أي اعتراضات ولا احتجاجات في الشارع الإيراني علي نتيجتها ولم يحدث أبدًا أن اعترض مرشح علي خسارته ورفض الاعتراف بفوز المرشح الآخر، فضلاً عن أنه لم يحدث أبدًا أن تحول الاعتراض إلي مظاهرات بعشرات الآلاف تخوض الشوارع والميادين دفاعًا عن حقها وعن رأيها وعن مرشحها وموتًا في سبيل هذا الحق، لم يحدث هذا إلا هذه المرة، إلا هذا الأسبوع !
إذن هناك شيء أو أشياء تثير ريبة المرشح الخاسر المعارض والمعترض علي النتيجة حسين موسوي وأنصاره، وهو أمر يدعو للتأمل في المشهد كله وفي تصرفات كل أطراف العملية الديمقراطية في إيران.
أولاً: موسوي لم يهته ولم يفت في عضده ولم يخضه اعتراف وتهنئة مرشد الجمهورية خامنئي للرئيس الحالي نجاد علي فوزه بالانتخابات ولا فرق مع موسوي ولا مع أنصاره وخرجوا آلافًا مؤلفة في مظاهرات سقط فيها شهداء للتعبير الحر وللدفاع عن الحق، وهو ما ينفي أي سلطان مطلق ونهائي لمرشد الجمهورية، فكلمة خامنئي ترد ولا يسأل فيها مئات الألوف والمرشحون الثلاثة الذين اتحدوا في الطعن علي الانتخابات.
ثانيًا: إن الحكومات الغربية وأمريكا والإعلام الدولي والغربي كله ينتصر للمعارضة في مواجهة نجاد، ومع ذلك فإن الحكومة الإيرانية لم تزعم أن موسوي عميل للأمريكان أو باع نفسه للغرب ولا أنه خائن أجير ولا تلك التهم الحقيرة الشنيعة التي تحترفها مثلاً مصر في مواجهة أي معارض أو حركة معارضة يبدي الغرب ولو تعاطفًا معها أو تصريحات بصددها تنم عن الدعم المعنوي والانتصار السياسي، حتي الآن علي الأقل فطهران الرسمية تتعامل مع موسوي علي أنه مرشح وطني محترم يطالب بحقه ويضغط بأنصاره وشعبه في مواجهة ما يعتقده تزويرًا وتزييفًا.
ثالثًا: بغير الدخول في دواخل المشهد الإيراني فإن الإعلام العربي «المعتدل أمريكيًا» تعامل بحفاوة بالغة مع معارضة موسوي وأنصاره علي نتيجة الانتخابات وفرح مهللاً باتهامات تزويرها وكأن هذا الإعلام لتلك الحكومات العربية وعلي رأسها مصر ليس مزورًا ومزيفًا محترفًا ودائمًا وسوابق وشيخ منصر في تزوير الانتخابات ومع ذلك لم نشهد رجلاً في إعلام الحكومة المصرية يعترض علي هذا التزوير ويفضحه، بل العكس هو يدافع عنه ويطبل ويزمر للتزوير ويوافق وينافق ويكاد يرقص طربًا وفرحًا بهذا التزوير ويتحدثون بكل وقاحة عن النزاهة والديمقراطية، ثم يأتي كل هذا الفصام والنفاق ويعمل فيه ستين راجل في بعض ويدين التزوير الذي سمع عنه من المعارضين في إيران (لاحظ الكلام عن تزوير انتخابات هناك ينحصر في اتهام وزارة الداخلية بالتلاعب في أرقام التجميع للأصوات فهو تزوير أرقام وليس تزوير أصوات وهو أمر شنيع لو ثبت، وربما تكون إعادة الانتخابات حلاً مهمًا وحاسمًا فشبهة التزوير والطعن في قانونية رئاسة نجاد ستظل تطارده السنوات الأربع القادمة)، ما كل هذا الفصام والنفاق؟!
رابعًا: المظاهرات والاحتجاجات الإيرانية ضد نتيجة الانتخابات حق مشروع وأساسي وديمقراطي تمامًا رغمًا عن أنف الكارهين طالما شك الناس في حدوث عملية تزوير وسطو علي شرعية الجماهير، لكن السؤال: لو خرجت هذه المظاهرات في لبنان عقب نتيجة الانتخابات اللبنانية والمعارضة بقيادة ميشيل عون وحزب الله قد خسرت وقد شككت في بعض النتائج وهي القادرة علي حشد مليون متظاهر في ميادين لبنان فهل كان الغرب سيرحب بالمظاهرات ويعتبرها عملاً مشروعًا وديمقراطيًا؟! وهل كان الإعلام الحكومي العربي الراقص بالمظاهرات الإيرانية سيترك المظاهرات اللبنانية دون طعن في قياداتها وتسخين الجماهير ضدهم واتهامهم بأنهم خونة وعملاء إيران يريدون تدمير لبنان ويحاولون فرض إرادتهم بالغوغائية والعنف وقيادة العالم العربي إلي الانفجار؟! أليست هذه هي التهم التي كانت مجهزة وجاهزة كي يرميها عرب الموالاة في وجه عرب الممانعة؟! (مع ملاحظة أن المعارضة اللبنانية حصلت بناء علي النتائج النهائية الرسمية علي عدد أصوات أعلي بكثير من التي حصلت عليها قوي الموالاة رغم حيازة الأخيرة الأغلبية البرلمانية بفارق 14مقعدًا، فقد حصلت المعارضة علي ثمانمائة وتسعة وثلاثين ألفاً وثلاثمائة وواحد وسبعين ناخبًا اقترعوا للوائح المعارضة، فيما اقترعَ ستمائة وثلاثةٌ وتسعون ألفاً وتسعمائة وواحدٌ وثلاثون ناخباً للائحةِ الموالاة.
خامسًا: تدير أمريكا والغرب من ورائها حالة الدعم والدعاية والحفاوة بالمشهد الإيراني المعارض أملاً في تكرار نجاح معارضة أوكرانيا وجورجيا في تحريك الشارع والانتصار للتغيير، ومن ثم تشهد إيران ثورة برتقالية علي طريقتها، فإذا فشل حلم التغيير ولو بإعادة الانتخابات فإن أمريكا علي الأقل نجحت في الضغط علي أعصاب الرئيس أحمدي نجاد والطعن في انتخابه، ومن ثم يتعامل مع الداخل الإيراني أو الخارج الأمريكي بليونة أكثر ومرونة أكبر ويخفف من تشدده مقابل أن يخفف المجتمع الدولي من ابتزازه بالطعن في شرعيته (سيكون نجاد أكثر شبهًا بجورج بوش بعد فوزه بحكم محكمة برئاسة أمريكا في ولايته الأولي وبشك كبير في حقيقة نجاحه وخسارة آل جور).
سادسًا: هل يمكن أن يتعلم الشعب المصري من ديمقراطية إيران في الترشح والتعدد الديمقراطي وتداول السلطة كما يتعلم منه الثورة من أجل حقه والمظاهرات بمئات الألوف والتضحيات من أجل الدفاع عن أصواته التي زورتها الدولة؟ الإجابة: لا أظن ولا أعتقد، فالشعب الإيراني يمارس الحرية والتعددية الديمقراطية منذ ثلاثين عامًا والنخبة الإيرانية قوية والمعارضة صلبة وتتمتع بجماهيرية وشخصيات ذات ثقل، بينما الشعب المصري يعيش مواتًا وركودًا وجمودًا سياسيًا هائلاً منذ 28عامًا، كما أن الأمن المصري أكثر توحشًا وقمعًا وسيطرة علي السياسة والأحزاب في معظمها عرائس في يده ثم إن النخبة في مصر متواطئة ومنافقة ومغموسة في الأغلب في الفساد والاستبداد الذي نعيشه.
يعرف المحيطون بي وأصدقائي وزملائي في «الدستور» أنني كنت متحمسًا للغاية لنجاح مير حسين موسوي، وكنت أتمني فوزه بالرئاسة ثم راهنت علي فوزه بها فعلاً وأن غصة أصابتني لخسارته، وأتمني أن تعاد الانتخابات ويكسب، أما لماذا كنت - ومازلت - أؤيده مع إعجابي الدائم بديمقراطية التعدد وتداول السلطة في إيران؟! فلأنه يساري قديم وفنان مدهش، ثم لأن الرمز الإصلاحي والمفكر والرئيس السابق محمد خاتمي يؤيده ويدعو إليه، ثم لأنني أعتقد أن موسوي يحقق طموحات الشعب الإيراني في امتلاك مفاعل نووي دون الأزعرينة بتاعة نجاد ولا الطريقة العصبية التي يدير بها الرئيس الإيراني الحالي علاقته بالغرب، ولكي يدرك العرب المستعربة أن سياسة إيران في دعم المقاومة الفلسطينية واللبنانية ومعاداة إسرائيل ليست سياسة نجاد بل سياسة إيران كان نجاد فيها أو خارجها أو هي فرصة لنا لنعرف هل هي كذلك فعلاً أم أننا نعيش نفس الوهم الذي يعيشه غيرنا؟!
-----------
الله الله الله، اتمزجت انا قوي من المقال ده، ولو اني كنت باشجع نجاد عشان اوباما يتغاظ ويتشل لاني شايفة ان في السياسة الخارجية مش ح يختلفوا كتير، بس هو نجاد اللي واقف في زورهم بالعرض يبقى خليه واقف في زورهم
ايه يساري قديم دي؟ ما كلهم، بلا استثناء، يساريين قدام، امال هم كلهم وش فقر كده ليه؟
وبعدين مير حسين موسوي برج الميزان زيي وتلاقيه اهبل وغلبان وبينضحك عليه، تلاقي رفسنجاني غرغر بيه، وعامل لي افندي وخواجة وبكيزة هانم وبيسمع مزيكا كلاسيك قال
انما نجاد برج العقرب، عشان كده سماوي وقلبه علبة بلاك اسود ومستبد برأيه، بس مش كلمة توديه وكلمة تجيبه، وبيلبس جاكتات مجربة ومن عيلة فقيرة وصايع والدنيا شالته وحطته وبعدين السماوي كويس في مواجهة الاعداء، يلدعهم، هو حياقهم نجاد يشعوطهم ويربيهم، امال ابو مزيكا كلاسيك ده اللي ح يقف لاوباما رباية الشوارع ونتانياهو بتاع المافيا؟ لازم لهم واحد متلطم في الدنيا زيهم
المقال اللي جاي ده انا مش عارفة كان عامل دماغ ايه وهو بيكتبه ههههههههه فطست من الضحك:
ابراهيم عيسى
لا أسكت الله حسًا لهؤلاء الذين بشرونا بصفحة جديدة يفتحها أوباما بخطابه الذي جعل المسلمين في قاعة جامعة القاهرة لأول مرة منذ هبط الوحي علي سيدنا محمد - صلي الله عليه وآله وسلم - في غار حراء يتخلون عن الإنصات للقرآن الكريم كما أمرهم ربهم ويستقبلون آياته البينات بالتصفيق في تصرف لم يحدث منذ 1430عامًا، ثم قالوا لنا بحجم وحزم ما قاله أبونواس في مدح الخمر وما قاله الإمام مالك في النهي عن الخمر معا، إن أوباما سوف يواجه إسرائيل وإن هناك خلافًا حادًا بين أوباما ونتنياهو وإنه الرئيس الأمريكي الذي والتي واللذين واللذان واللائي واللاتي!!!

ما رأيهم في خطاب نتنياهو الذي جاء بعد ضغوط أوباما؟

تخيل أنني قرأت لبعضهم عن إيجابيات كثيرة في خطاب نتنياهو ودعوة لاستئناف المفاوضات مع إسرائيل علي أساسه، علي الرغم من أن صائب عريقات كبير المفاوضين الفلسطينيين ولا خلاف علي أنه فتحاوي وليس حمساويًا ومن رجالة أبومازن ومن المؤمنين بالسلام والكلام والتفاوض وعانق من قبل كذا رئيس وزراء إسرائيلي علي كام وزير، قال الرجل الأمين مع نفسه ووطنه إن علي نتنياهو أن ينتظر ألف سنة كي يجد مواطنًا فلسطينيًا واحدًا يقبل بشروط نتنياهو للدولة الفلسطينية التي ذكرها في خطابه!!

سأترك أصدقائي الأعزاء الذين لايزال بعضهم يراهن علي صفحة أوباما الجديدة، وأعلن عن دخول مصطلح جديد إلي قاموس الشرق الأوسط سوف نلت ونعجن فيه من سنة إلي ثلاث سنوات قادمة وسيدخل أولاد الحلال وأولاد الحرام في الشرق الأوسط معركة حول تعريفه، ثم خلافًا حول تفسير تعريفه ثم الحديث عن آليات الاتفاق علي تفسير تعريفه، ثم اجتماعات لا تنفض من أجل بحث أسس ومعايير تنفيذه ووجود لجان لمتابعة مدي التزام الأطراف بتنفيذه، ثم خلق مجموعة من الخطوات من أجل بناء الثقة لتنفيذه ومجموعة أخري من الخطوات في الناحية الأخري من أجل تثبيت مجموعة الخطوات الأولانية، ما هذا التعبير الجديد الذي ولد أخيرًا مع خطاب نتنياهو وكأنه الأخ التوءم لتعبير الصفحة الجديدة لصاحبه المقرئ الإسلامي الجديد «باراك شعيشع»!! إنه تعبير النمو الطبيعي للمستوطنات، ستسمع حضرتك هذا التعبير حتي تشعر أنه ينام بينك وبين زوجتك علي السرير، وسيضاف بنجاح ساحق إلي قاموس الشرق الأوسط لينضم إلي سابقيه مثل دفع عجلة السلام (التي فثت) وعملية السلام (ويقصدون عملية اللوز) ومشروعات التسوية، والتسوية السلمية (علي الفحم بتبقي تحفة) وخريطة الطريق (تباع في هايبر ومترو وكارفور جنب الكاشير)، ها هو مصطلح (النمو الطبيعي للمستوطنات) يعلن «أنا جيت نورت البيت»، والحقيقة أن خطاب نتنياهو الذي انتظره منتظرو صفحة أوباما الجديدة قدم رؤيته للحل علي النحو التالي:

1- علي الفلسطينيين الاعتراف بإسرائيل كدولة الشعب اليهودي (ومن ثم يغور حوالي مليون ونصف مليون عربي يحملون الجنسية الإسرائيلية في ستين داهية ومع السلامة يا شربات والقلب داعيلك، ولا أعرف ما رأي العلمانيين العرب «الذين يكرهون الجمهورية الإسلامية» في التعامل مع الجمهورية اليهودية؟!).

2- حل مشكلة اللاجئين خارج حدود إسرائيل (يعني ملايين اللاجئين الفلسطينيين يشوفولهم حتة في لبنان أو الأردن أو سيناء ويحلوا عنا محدش راجع أرضه وبلده).

3- دولة فلسطينية منزوعة السلاح (ممكن يتم تسليحها بخلة أسنان أو قنابل زيتون!!).

4- القدس عاصمة إسرائيل الموحدة (ونكتفي من القدس نحن العرب بأغنية فيروز عن القدس مع توزيع جديد لعمر خيرت أو عمرو مصطفي).

5- إسرائيل لن تبني ولن تقوم بتوسيع المستوطنات في الضفة الغربية لكنها سوف تسمح بالنمو الطبيعي للمستوطنات، هوه ده الجديد، لأن السيد باراك طلب عدم بناء مستوطنات (وليس - لا سمح الله - هدم المستوطنات التي التهمت ما تبقي مما تبقي من الضفة الغربية)، فنتنياهو قرر الاستجابة فقط مع شيء بسيط «صغنطوط» هو السماح بالنمو الطبيعي للمستوطنات، ما هو هذا النمو الطبيعي يا سيدي؟ معقولة عايز إجابة؟! الأخ جون ميتشيل مبعوث العناية الأوبامية للشرق الأوسط صرح أمس الأول بأن من المهم جدًا محاولة معرفة ما تقصده إسرائيل تحديدًا بـ «النمو الطبيعي للمستوطنات». وأضاف ميتشيل: «هناك عدد من التعريفات لـ «مفهوم النمو الطبيعي» يقارب عدد الناس الذين يمكنهم التحدث.. الأشخاص المختلفون لديهم تفسيرات مختلفة لعبارات مختلفة.. ونحن نحاول الوصول إلي اتفاق وتفاهم يساعدانا علي تحريك العملية للأمام». انتهي كلام ميتشيل الذي لا يعرف معني النمو الطبيعي للمستوطنات!

سأترككم في رعاية الله وأمنه ونلتقي بعد كام سنة حتي تستقر المفاوضات والمشاورات والمباحثات علي المقصود بـ «النمو الطبيعي للمستوطنات»، وسأتفرغ أنا للنمو الطبيعي للحاجة الساقعة!!
:)

الفتنة مشتعلة بارك الله فيمن اخمدها




تحديث:
تلاتة بالله العظيم فيه ريحة نتنة مالية الدنيا
اللنك ده نزله ساندمانكي على التويتر واللنك بيقول ان الصورة اللي جوة دي بتاعة طفل ايراني قتله الباسيج!
الصورة لطفل في غزة وموجودة على الفيديو ده، معلش استحملوا تامر حسني شوية، والفيديو بقاله ست شهور
معناه ايه الكلام ده؟
معناه ايه؟ حد ما يكونش بيشك في صوابع رجليه زيي يقول لي معناه ايه؟
اللي مش قادر يستحمل تامر حسني الصورة في الدقيقة 4:31

ما ينفعش كده، تحت اي بند واي ظرف، سواء الباسيج هم اللي عملوا كده زي ما اللي منزل الفيديو بيقول، او ناس مندسة عشان تعمل وقيعة، كل طرف بيقول على الطرف التاني بيضرب في المليان عشان يلبس غيره مصيبة
ايا كان
الطرفين من الناس انا محترماهم
والطرفين من السلطة انا مش محترماهم
انا مش مقتنعة ولو بنسبة واحد في المية ان الانتخابات دي اتزورت، من الاول كان باين انها مش متزورة، من اول ما موسوي البسوس ده طلع من قبل تقفيل الصناديق يقول: انا نجحت ولو ما نجحتش يبقى فيه تزوير
مرورا بانه ينزل الناس الشارع قبل ما يقدم تظلم
وانتهاء بان لما التظلم بتاعه يتقبل يقوم ما يحضرش اللجنة
لو عنده ذرة شك ان فيه تزوير حقيقي كان حضر
ولو الفريق التاني عنده ذرة شك ان فيه تزوير كان تحايل على قبول الطعن
بس في النهاية اللي نزلوا الشارع بتصور ان فيه تزوير ومش قابلينه او اللي نزلوا الشارع بتصور ان فيه تدخل اجنبي ومش قابلينه، الاتنين محترمين
ناس من المتظاهرين ماتوا، وناس من الباسيج ماتوا، وتفجير انتحاري في مرقد الامام الخوميني مش ممكن يكون ايراني هو اللي عمله
ده عند ام لالو، لان الايراني اللي مش بيحب الخوميني مش ح يعمل عملية انتحارية، والايراني اللي عنده استعداد يفجر نفسه مش ح يفجر مرقد الخوميني ده يفجر نفسه في اللي يفكر انه يئذي مرقد الخوميني
اللي مش محترم هو اللي حركهم، كفاية، كفاااااااية، كفاااااااااااااااااية
ام الولد هي اللي تتخلى عنه
تاني
ام الولد هي اللي تتخلى عنه عشان ما يتقصمش نصين
ومش باين ابدا ان موسوي ده ام الولد
اللي ناصروا موسوي قالوا كلام كتير معاهم حق فيه بخصوص الحريات وان نجاد بينفرد برأيه مع ان له مستشارين كتير وان لسانه طويل وادا مبرر لاسرائيل انها تتسلح
وقالوا كلام كتير مقرف، زي انه بيلبس مبهدل وعرهم وسط الناس، وان اللي انتخبوه مجموعة من الفلاحين الجهلا وانهم مش ممكن يقبلوا ان الجهلة يتحكموا في مصايرهم، وانهم عايزين اوباما يتدخل
بس انا والله ما كنتش اعرف ان العيال السيس كتير كده في ايران، ده معناه ان مستوى المعيشة مرتفع
و"الفلاحين الجهلا" طلعوا في مناصرة نجاد وقالوا كلام كتير لهم حق فيه زي انهم مش عايزين تدخل اجنبي، وان مافيش حد في الدنيا يخسر في الانتخابات يقوم يقلب الدنيا بالطريقة دي، وانهم ما قدموش اي دليل واحد على تزوير الانتخابات ولما جات لهم الفرصة اتهربوا
وقالوا كلام برضه مقرف، زي: اعدمووووووووووووووهم دول خونة
الناس لها حق، دايما الناس لها حق اذا كان دول او دول، وايوة فيه ناس اندست وامريكا واوروبا لعبوا لعب وسخ وقال ايه خايفين على الديمقراطية الايرانية وهم بيدفعوا مليارات للاوساخ اللي حاكمينا عشان يخلوهم على قلبنا
 وايوة العملااااااااااء بالفم المليان مبرتعين ومنطلقين وبيشتغلوا على التويتر والنت بالزمبلك وعلى وشها تنور على صدرها تنور، ودول اقل اهمية لان اصلا من الاول متعلم عليهم
ومافيش حد في ايده يحل غير يا نجاد يا موسوي، كفاية
واضح ان موسوي مش عايز يحل
نجاد ناجح في الانتخابات فعلا، وهو رئيس ايران الفعلي، كل المؤشرات بتقول كده، واللي بيشككوا في الانتخابات ما عملوش ولا خطوة تقول انهم واثقين من نفسهم، وعشان كده لازم يتنحى، عشان يحافظ على البلد، مدام هو الرئيس الفعلي اللي الناس اختارته تبقى مهمته يحافظ على البلد، يستنى اعادة الفرز وبعد النتيجة يتنحى بعد خطاب محترم
انا ماليش لا في دول ولا في دول لانه فعلا شأن ايراني داخلي، بس انا باقول اللي يخلصني من ربنا
اللي فيهم خايف على بلده اكتر ووطني حقيقي يمشي واللي ح يمشي الاول هو اللي ح يبقى انتصر مش اللي ح يتمسك ويقعد، لان بالشكل ده ماحدش فيهم ح يقعد
لا نجاد ولا موسوي
(معلش انا بصراحة نفسي اتف عليه موسوي ده بيفكرني بناس كده عندنا اتعودوا ينزلوا الناس الشوارع عشان هم يتعمل لهم دعاية)
بس كفاية، دي ارواح ناس، وامن قومي، ولو فضل كل واحد يشد من ناحية مش ح يفضل لهم بلد يشدوها
اللي معاه الحق هو اللي ينقذ البلد
كفاية
ما يتعلموا من نصر الله، يا عيني يابني، ده كان على كده مفروض يرمي نفسه من الشباك على كل اللي شافه
اهو بالانجليزي
The REAL mother is the one who relinquishes the baby to save him from Solomon's knife
اكتبها لهم بالفارسي؟ ما باعرفش فارسي اللي بيعرف فارسي يترجمها
بس دي ترجمة جوجل
مادر حقیقی ، کسی است که ترک کردن کودک را به او را از چاقو سلیمان ذخیره شده است

Saturday 20 June 2009

بتوع الكالفين كلاين نسونا الغلابة

هارشين احنا ان بعد هولوكوست الخنازير بقينا الدولة العربية الاولى في فلفلوسا الخنازير، ليه؟ لان هي دي الريادة المصرية، احنا الوحيدين اللي اعدمنا الخنازير في العالم وتقريبا لما الكونغو لقتنا بنعمل كده عملت زينا، اه والله :) من غير ما يفكروا كده، مجرد بس عشان مصر عملت كده، برضه الورد مهما يدبل يفضل عبيره فيه
بس الاهم من الخنازير اللي دعت علينا (انا متأكدة انها دعت علينا، ويمكن المصايب اللي احنا فيها دي جزء منها دعوات الخنازير المسكينة علينا) البني ادمين اللي كانوا بياكلوا عيش من ورا الخنازير، اللي اتخرب بيتهم
غادة صاحبتي عشان بتشتغل في التنمية قالت لي ان تحت ايدها ابحاث ان مصر احسن دولة في العالم في الريسايكل بالرغم من بدائية الادوات، وان كل اللي محتاجينه ارشادات صحية: يعني يلبسوا جوانتيات يلبسوا كمامات، وان البدائية دي بتوفر فلوس كتير
وده طبيعي، احنا اقدم دولة في العالم في الريسايكل، لاننا اول فلاحين في الدنيا، والفلاحين مش بيرموا حاجة ابدا، ما عندهمش زبالة
وعشان كده، خربوا بيت الناس الوحيدين اللي بيعملوا حاجة عدلة في البلد دي وجابوا لهم شركة ايطالية المفروض اصلا تتعلم من الزبالين بتوعنا ازاي الشاطرة تغزل برجل حمار
-------
طبعا الزبالين مش مهمين، وخراب بيوتهم مش مهم، عشان مش عاملين شعرهم زبايكي ولا لابسين كالفين كلاين ولا نسوانهم مزز  

وايه دخل المتوتين المصريين والموريتانيين في ايران؟

من لغلوغه ان ما كانت لعبة سي اي ايه على كبير
حد بقى يفهمني، ازاي ناس من مختلف الدول، مش ايرانيين، كلهم تبع مؤسسة واحدة، وكلهم من اصحاب مبدأ: احنا مالنا بغيرنا، اللي يعوزه البيت يحرم على الجامع، احنا بتوع الشأن الداخلي، احنا بتوع الاصلاح الداخلي
فجأتن كلهم بقوا ناشطين ايرانيين ومتضامنين وداخلين معارك، لا وايه، بينقلوا مواعيد المظاهرات والفيديوهات وبيقدموا اقتراحات غاية في العبثية والدموية (طبعا ماهم مش خسرانين حاجة) وبيقابلوا بمنتهى الشراسة اي حد مجرد مش مهتم باللي بيحصل في ايران ومش داعم لانصار موسوي؟
حد يفهمها لي دي
ده مثلا موريتاني
طب الرقاصين بتوعنا وحفظناهم، لكن هي وصلت لموريتانيا كمان؟
وكلهم من نفس المصدر النجس
حد يفهمني بقى
انا بقى بصراحة ما يهمنيش ايران، انا يهمني ان اللي حذرت منه طلع صح
وان فعلا بياخدوا عيالنا فمين عشان يرجعوا يشتغلوا بالزمبلك وعلى وشها تنور على ضهرها تنور
ده لو جايلهم امر عسكري مش ح يعملوا ده كله
ده فيهم ناس كانوا متعاطفين مع نتانياهو، الطم يقولوا الولية اتجننت؟
الا هل بلغت؟
لما تبقوا تلاقوا البلد ولعت وعلى راسنا اوسخ من مبارك ابقوا افتكروني
اصلهم ح يقتلوني اول ما يوصلوا عينة الجلبي والعلاوي 

Friday 19 June 2009

اهانة الفلسطينيين على الحدود



وبهذه المناسبة السعيدة قررت مصر انها تزود حصة الغاز لاسرائيل........عشان اصل احنا حاسين ان صحتنا تشيل اكتر من الطاعون

Wednesday 17 June 2009

احنا عملنا ايه؟

احنا عملنا حاجة، وماحدش بقى يرص لي الكلام الفارغ بتاع خراب الذمم والناس بقت تفتري على بعض والهجص ده، ده حال الدنيا والانسان على مدى تاريخه
بس احنا عملنا حاجة محددة، فيه حاجة معينة عملناها هي اللي خلت مصر تبقى الدولة العربية الاولى في انفلوانزا الخنازير
في نفس الوقت اللي ريسنا ينصاب مصاب كبير، في نفس الوقت اللي الطاعون بيهددنا في نفس الوقت اللي جاب لنا ميكروب غريب في الدم قتل تلاتة في اسكندرية
البوست ده مش موجه لبتوع: قد مس آباءنا....وما يجوش هنا ولو جم ما يعلقوش
انا خايفة فعلا ومش طالبة حرية رأي خالص في الموضوع ده
احنا العادي بتاعنا ان كل حاجة بتحصل غصب عننا، حتى الكلام بتاع الرشاوي والناس بتضرب بعض في الشارع، كل ده غصب عننا
بس فيه حاجة تواطأنا مع مبارك عليها
ايه؟ حد يساعدني، يساعدني عشان ابري ذمتي منكوا واخلع انا بصراحة، انا ماليش دعوة بيكوا ده ربنا احنا ح نهرج؟ ولا اعرفكوا
ايه؟
موضوع غزة؟ بس ده كان غصب عنا، ايوة ما عملناش حاجة بس احنا مستضعفين، ده احنا لما رحنا قافلة فيها عشرين واحد نزلوا لنا تلات مدرعات على بوابة العريش
ايه؟
السيد حسن دعا علينا عشان ظلمناه؟ تصدقوا ممكن، بس ياربي مش كلنا كنا موافقين
صحيح ناس كتير زايدت وقلت ادبها بس فيه ناس دافعت، ما يغنوناش دول؟
عملنا ايه؟
فيه ظلم عملناه شبه اللي عملناه ايام سيدنا موسى، لان فيه تسليط علينا زي اياميها بالظبط
ملحوظة: انا مش عايزة سفسطة والنبي، انا باكلم المؤمنين اللي مصدقين ان ربنا هو اللي بيعمل كل حاجة حتى الاسباب، عشان مش طالبة افتحها مكفرة هنا
كفاية اللي احنا فيه
طب نستغفر كتير يمكن ربنا يلهمنا احنا عملنا ايه ونصلحه

Tuesday 16 June 2009

عاوزة رأيكوا

تفتكروا ايه اللي ناقصنا في الفضائيات؟ يعني لو كل واحد عنده امكانية يعمل قناة فضائية ح يعملها ازاي؟ او ايه الحاجة اللي ناقصة وهو شايف انها محتاجة تكمل؟

طاعون؟

طاعون في ليبيا؟ هو احنا كنا ناقصين؟ يارب اموت بقى بسرعة انا مش عايزة فزع، المفروض الحدود تتقفل مع ليبيا خالص
اصلا اصلا المفروض يلغوا الطيران بسبب انفلوانزا الخنازير
كل الانتشار ده بسبب السفر، الرسول قال لما ييجي وباء في مدينة لا حد يخرج منها ولا حد يدخلها، لو كان من اول لحظة منعوا رحلات الطيران في المكسيك وامريكا ما كانش خرج منهم

وحياة امك الحاج آن يا اوباما؟

انا اصلا شايفة ان نظام الشرطة لازم يتلغي، وان لو مافيش شرطة مش ح يبقى فيه جرايم اصلا، الشرطة هي السبب في ان الناس تبقى مجرمة
بس اوباما بروح امه، السفاح اللي نازل قتل في الناس في اقليم سوات، وفي افغانستان، ومخبي صور التعذيب عشان يحمي المجرمين، قال ايه؟ زعلان قوي على قمع التظاهرات في ايران
وحياة امك؟










 
يعني ده اصلا المتظاهرين ولاد الجبانة مافيش اندل منهم واول ما يشوفوا ح الظابط يجروا، وعددهم قليل جدا، امال لو كان عندك مظاهرات مليونية بيحدفوا البوليس بالطوب كنت عملت ايه؟
قال مصدوم في مشاعره بروح امه، اتغاظت قوي، مش ناقص غير حسني مبارك كمان يعلق على قمع المتظاهرين
اه والله، ده اللي ناقص، ما تدلي بدلوك يا عوكل انت كمان، سمعنا واشجينا

استكمالا للخبطة بتاعة ايران، ادي احنا بنتسلى

صباح الخير، فاكرين المدون الايراني اللي بعت له اسأله وقلت لكوا مستنية رده، اداني اذن انشر رده بس طلب مني ما انشرش اسمه ولا اشير لمدونته! امال هو عامل مدونة وكاتب عليها نفس الكلام ليه؟ بس انا بقى ح اسمع كلامه، ملحوظة: انا ما اعرفش اسمه، انا اعرف الاسم الحركي زي مثلا ما انا اسمي تهييس كده، وهو اصلا كاتب على المدونة تصييح كتير وحاطط صورته كمان، طب اشمعنى مش عايزني انا بالذات انشر اي معلومات عنه؟ مافيش غير انه خايف من مراته بقى
المهم ده نص الميل عشان الخبطكوا اكتر واكتر وتنبسطوا:
انا كنت سألته:
1- ازاي الانتخابات مزورة وفيه مراقبة دولية وقالوا كده في التلفزيون
2- ليه موسوي امر انصاره بالنزول للشارع قبل ما يقدم تظلم؟ كده انتوا بتعملوا ضغط على النظام القضائي
3- ليه لجأتوا للعنف؟
4- هل صحيح الكلام اللي قالته السي ان ان، بان فيه طلبة جامعة ح يقدموا شكوى لاوباما؟
(السؤال ده كنت سألته لواد تاني ايراني على النت برضه وما ردش)
5- رفسنجاني فعلا حرامي يا عمي، انتوا بتدافعوا عنه ليه؟ ده الكلام ده اتكتب في الجرايد المصرية حتى اياميها


ودي ردود المدون ده، (ملحوظة تانية: المدون ده كويس، اقصد يعني محترم ودماغه نضيفة، ومواقفه مشرفة، وعنده شغلانة شريفة بياكل منها عيش مش بياخد سبوبة يعني من السياسة ولا التدوين، كائن محترم يعني وهو من انصار موسوي)


الاجابات بالترجمة:
Here are my replies:


1. There was not any international monitoring on the election. In fact they even rejected any independent Iranian monitoring calling it an enemy plan!! This request was made by Mousavi and Karoubi several months ago.


1- مافيش اي مراقبة دولية على الانتخابات، ورفضوا اي مراقبة ايرانية مستقلة وقالوا عليها خطة عدائية لما موسوي وكروبي قدموا الطلب من شهور
2. Mousavi and Karoubi asked Khamenei for a meeting right after they noticed the fraud. This was repeated several times and Khamenei rejected to meet them. Plus it was not Mousavi nor Karoubi that asked people to get into streets, people did it by themselves. In fact, Mousavi asked them to calm down. But the guard brutally attacked people. They even attacked other people who were not part of the demonstrations. Yesterday my colleague's wife was beaten and shot by a rubber bullet on her arm just as she was shopping with her children. They started arresting many political figures that were not in any part of this story.


موسوي وكروبي طلبوا مقابلة خامنئي بعد ما لاحظوا التزوير، اكتر من مرة، وخامنئي رفض يقابلهم، كمان لا موسوي ولا كروبي طلبوا من الناس انهم ينزلوا الشارع، الناس عملت كده من نفسها (! يا شباب مش هو اللي طلب التظاهر؟) الحقيقة ان موسوي وكروبي طلبوا منهم يهدوا. والامن هاجم الناس بعنف، دول حتى ضربوا ناس ما كانوش في المظاهرة، امبارح زميلة مراتي انضربت برصاص مطاطي في دراعها وهي بتتسوق مع ولادها (وهي راخرة حبكت تنزل في يوم القيامة ده؟) واعتقلوا سياسيين كتير مالهش علاقة بالموضوع ده اصلا.
3. The main cause of violence is the guard. As I mentioned Mousavi has asked them to keep it quiet. But the government is trying to push it into violence so that they can smash it down easily.

السبب في العنف هو الامن، زي ما قلت لك موسوي طلب من الناس انهم يهدوا، لكن الحكومة عايزة تدفعهم للعنف عشان تسحقهم بسهولة


4. I haven't heard it! If it happens, it is an isolated issue.

انا ما سمعتش بالموضوع ده! لو حصل تبقى حاجة فردية
(قصده على الجواب اللي ح يبعته طلبة الجامعة لاوباما)


5. Rafsanjani was a rich person before the revolution in Iran.. Meanwhile he was fighting against Shah and using his money for that purpose. He was the most close person to Imam Khomeini. Many anti revolutionary groups were using those types of propaganda to attack Khomeini through Rafsanjani. Meanwhile, as you know Khadija (pbuh) the wife of prophet Mohammad (pbuh) was also rich, as was Abobaker. But they were using their wealth for Islam. To make it short, even if there was any problem with Rafsanjani's wealth it is the judiciary system that should follow the case. They have checked his families wealth 3 times and concluded that it has become less than what was before the revolution. What you see in Egypt is traces of the propaganda they have made in last 3 decades against Rafsanjani and probably some other key figures.

رفنسجاني غني من قبل الثورة.. وكان بيحارب الشاه وبيدعم الغرض ده بفلوسه. وكان اقرب الناس للامام الخوميني. كتير من اللي ضد الثورة استخدموا البروباجاندا دي للهجوم على الخوميني من خلال رفسنجاني. (قصده الناس اللي بتقول عليه حرامي). وبعدين السيدة خديجة (عليها السلام) زوجة النبي محمد (عليه السلام) كانت غنية، وابو بكر كمان. وكانوا بيستغلوا ثروتهم في سبيل الاسلام. باختصار، حتى لو فيه مشاكل في ثروة رفسنجاني، المسئول عن ده النظام القضائي. وهم فحصوا ثروته تلات مرات والنتيجة جات انه فلوسه بقت اقل من ايام قبل الثورة. اللي بتسمعيه في مصر دي دعاية بقالها تلات عقود ضد رفسنجاني وشخصيات مهمة اخرى.


Nawara, the cause of Palestine is supported not only by both of these sides but also by other political groups. Many of us (majority of Iranians now) believe that Ahmadinejed is in fact helping Israel to get stronger by baseless threatening them. As you know Israel is using his threats to get more arms from US, . . . In fact, Mousavi, Karobi and Rafsanjai are pioneers in this aspect. Meantime, we are looking not only for this but also for the unity of all Muslims including Shias and Sunnis in a respectful ground.

البرجراف الاخير ده بيحاول ياخدني لصفه :) بيقول لي ما معناه انتوا حاشرين مناخيركوا ليه؟ ما تخافوش على مستقبلكوا:
نوارة، الطرفين بيدعموا قضية فلسطين، مش بس الطرفين، كتير من الاحزاب السياسية بتدعمها. وكتير مننا، او اغلبية الايرانيين دلوقت معتقدين ان نجاد بيساعد اسرائيل وبيديها مبرر انها تقوي نفسها بسبب تهديداته اللي مالهاش لازمة. زي ما انت عارفة اسرائيل بتستغل تهديداته عشان تاخد اسلحة اكتر من امريكا، الحقيقة موسوي وكروبي ورفسنجاني رواد في القضية دي. وبعدين احنا مش بس هدفنا القضية دي، احنا هدفنا وحدة المسلمين شيعة وسنة على ارضية محترمة.
-----------------
كلام حلو مش كده؟ اقتنعتوا؟ طب خدوا اللنك ده واتلخبطوا زيي، اشمعنى انا اتلخبط لوحدي
انا مش عارفة هم بيتخانقوا ليه؟ وليه بيتبادلوا الاتهامات؟
انا شايفة انها اختلاف في وجهات النظر مش حاسة ان حد فيهم عميل ولا حرامي ولا بيكره بلده ولا بيشتغل لحساب حد تاني
(يعني دي الحاجات اللي احنا متعودين عليها على الاقل)
اقصد الناس انا مش باثق في السياسيين، بس الناس لما بتبقى قوية بتعرف تضغط على السياسيين لحد ما ربنا يسهل والعالم كله يخلص منهم، بس واضح ان عندهم مشكلة طبقية
يعني مثلا المدون ده لو تلاحظوا اجاباته عمال يبرر ان فيه ناس اغنيا كأنها تهمة، ومؤيدي احمدي نجاد بيقولوا: انا اللمبي انا من بلد الكنبلة من بلد الميت مليون شاب، وبعدين انا اول مرة اشوف الاغنيا حاسين بالظلم، ده استعباط ده؟ وللا ايه؟ لابسين لباس كالفين كلاين وحاسين بالظلم؟ امال لو كان من ابو دكة كانوا عملوا ايه؟
وليه الخناقة الكبيرة دي؟ مالهم فيه ايه؟ على فكرة ناس كتير مستغربة مش انا بس: يا سلام؟ كل ده عشان شك في تلاعب في الانتخابات؟ طب ما مصر فيها تزوير، وامريكا فيها تزوير، ويسري بيمشي في الشارع والجابري بيمشي في الشارع، هو كل واحد حصل تلاعب في انتخاباته ح يقوم يكسر الدنيا؟ ما كناش خلصنا
امال لو كان فيهم اللي فينا كانوا عملوا ايه؟ على رأي سناء جميل في فيلم اضحك الصورة تطلع حلوة: احنا غلابة قوي يا سيد
--------------
لجنة صيانة الدستور ح تعيد فرز الاصوات