Saturday, 31 January 2009

رسالة من طفل فلسطيني الى الرئيس الامريكي الجديد

نص الرسالة هنا على هولوكوست
وكمان اشتركت على الصفحة بتاعة اوباما هو عامل زي كاتب كده موقع للبلوجات عملت عنده بلوج ونزلتها هنا
ادخلوا عليها كتير، يعني اقفلوا وافتحوا عشان تظهر لهم على الموقع بتاعهم وعدد اكبر من الناس يقروها
اللي يقرا الرسالة ويوافق عليها ياخدها وينشرها على اي حبل غسيل يحبه

Friday, 30 January 2009

عناوين القنصلية التركية لتوجيه خطاب شكر لاردوغان

احنا شكرنا شافيز والمفروض نشكر اردوغان عشان الناس بس ما تحسش اننا البعدا خنازير وجلودنا سميكة وبنستمتع بالجزم على دماغنا وماحدش يتصدر لنا بعد كده، كفايا الفضايح اللي عاملها الحكام العرب، الناس لازم تحس اننا مساندينهم
هم عليهم من ده بايه؟ اذا الحكام العرب نفسهم ماسحين بينا البلاط واحنا راضيين
يبقى على الاقل نشكره عشان ما يندمش ان هو قال كلمة حق في صفنا
عنوان القنصلية البريدي في مصر اهو
معلش، انا عارفة اننا بقينا عاملين زي الباز افندي في ابن حميدو آه، عمالين نكتب في عرايض آه
بس الحمد لله ان اخيرا فيه ناس حست بينا آه، ولازم ما يندموش انهم حسوا بينا آه
الهي ربنا يعركوا ويفضحكوا ياللي في بالي اكتر ما انتوا مفضوحين آه
تركيا عايزة تدخل الاتحاد الاوروبي، ومع ذلك الراجل جازف عشانا ومافيش حد في تركيا (لا من يمين ولا من شمال) قال له: واحنا مالنا احنا، اولها فلس واخرها طين ما احنا ياما عملنا عشان فلسطين، مش دول العرب اللي اتآمروا مع الانجليز علينا؟ (على فكرة الكلام ده صحيح، العرب اتآمروا مع الانجليز على الخلافة آه)...وكلام المنايفة اللي بنسمعه ليل نهار هنا في بلد حدودها لزق في حدود فلسطين...آه
اشمعنى كل الناس عندها كرامة آه، واحنا البعدا عندنا البواسير آه
انا مش فاهمة احنا جنس ملة ابونا ايه؟
آه
آه
آه

Thursday, 29 January 2009

ههههه لا لا لا لا ايه الحشاش ده

ههههههههههههههههههه

فتح دول لو جدعان يرموا عباس ودلاديله من شباك الدور السبعة وعشرين

طب دحلان وعرفناه، عم البويس ده ايه؟ مش كفاية اولمرت بيبوسه من خدوده كأنه بيبوس عيل عنده تلات سنين خدوده مكلبظة؟ انا عايزة افهم ناس زي مصطفى البرغوتي، سايبين الصراصير دول على راس فتح ازاي بس؟

Wednesday, 28 January 2009

صبح صبح يا عم الحاج عدوا ورايا عشان ماحدش يرجع يلوم حماس تاني

من ساعة وقف اطلاق النار، وبعدين قتلوا صياد فلسطيني وبعدين قتلوا فلاح فلسطيني
اهو
عدوا بقى عشان اللي ح يحمل حماس مسئولية المذبحة اللي جاية ح احط اقدم جزمة في بقه
حماس ساكتة اهي
اهي ساكتة اهي
وعشان ماحدش يرغي كتير امبارح عسكري اسرائيلي اتقتل في نفس اليوم اللي اتقتل فيه فلاح فلسطيني وده كان بعد ما اتنين فلسطينيين ماتوا قبله
ومافيش صواريخ بتطلع اهي
اهو
هه
يارب نركز

Tuesday, 27 January 2009

لا انا لسة ملوية


مش ملوية قوي زي في الاول، بس ملوية برضه، ما اعتذرش على انهم احتلونا، لسة بيقول: اسرائيل حليف مهم لامريكا وده مش ح يتغير، لسة محتل افغانستان وبيضرب المدنيين في باكستان، وبعدين بيغالط، هو بيقول الظواهري بيهاجمني قبل ما اتولى الرئاسة، لا، دي مغالطة، الظواهري هاجمة عشان راح باس الاعتاب في اسرائيل، وبعدين هو ماله ومال ايمن الظواهري؟ ما يسيبه في حاله ويخليه في السفاحة اللي حتى الصحفيين الامريكان هزأوها وقالوا لها يا ارهابية يا سفاحة وهو قابلها من قبل ما يبقى رئيس وما تفش على وشها وقال عليها بتدافع عن نفسها، هو له عين يشتم الظواهري...اممم، هو ما شتموش، بس ما ريحش برضه، ما بيريحش الواد ده، وبعدين البادي لانجويدج بتاعه غريب قوي، يبتسم ابتسامة ساخرة في جملة مافيش مجال فيها للسخرية ويتنح تتنيحة معينة كده في جمل تانية كأنه عايز يقول حاجة تانية واللفتات دي شكلها مقصود مش عفوي، هو فلاح وللا ايه؟ وبعدين كل شوية يرقعنا على وشنا: مش معنى كده اني ح اوافق على كل اللي بتقولوه
بيفكرني بـ: لت مي بي كلير
يا عم هو حد كلمك؟ يا عم هو حد جه ناحيتكوا اساسا؟ مش انتوا اللي عمالين تعوموا في دم الناس؟ هو احنا فينا حيل نقول حاجة لحد؟  
مش عارفة، برضه متبع الطريقة النصابة بتاعته دي انه يضرب ويلاقي يضرب ويلاقي، ده منوفي مش كيني
على العموم النصب في حد ذاته مش حاجة وحشة، اهداف النصب هي اللي بتحدد اذا كانت وحشة وللا كويسة، ومادخلش مخي في حواره غير جملة واحدة: الناس ح تحكم عليا باللي باعمله مش باللي باقوله
انا تعبت من حل مربع السودوكو بتاع اوباما على فكرة ده ليفيل تمانية، ما كناش ناقصين غير عم البازل ده كل يوم يطلع يحيرنا، انا باقول اسيبه في حاله شوية واريح دماغي لحد ما الميت يوم يخلصوا ولو كان ح يبان
بس سلام مع اسرائيل؟
ده عند امه يا ادهم
حد فاهم الواد ده ايه بالظبط؟

هل كان جورج واشنطن ارهابيا؟

Was George Washington a terrorist? find the answer here

ارقعوا بالصوت الحياني هنا ضروري

انا عايزة افهم انا ما متش لحد دلوقت ازاي؟ جالي الميل ده من امي:

التلفزيون الايطالي يجري هذا الاستفتاء: من هو الذي انتهك القانون الدولي خلال حرب غز؟

هناك اربع اختيارات:

اسرائيل بالقائها قنابل الفسفور على المناطق السكنية.
(اضغط هنا)è Israele, con le bombe al fosforo in centri urbani

حماس باستعمالها المدنيين والنساء والاطفال كدرع وقائي.

Hamas usando civili, donne e bambini, come

 
الاثنين معا.
Hamas usando civili, donne e bambini, come
لا احد منهم.
Nessuno dei due

 
انصار بني صهيون شغاليين فماذا انت فاعل, انصر الحق واختر: اسرائيل بالقائها قنابل الفسفور على المناطق السكنية.
Israele, con le bombe al fosforo in centri urbani
صوت وارسل هذه الرسالة لمن تعرف في كل انحاء العالم
---------
ايه الاسئلة دي؟ هو العالم اتجنن يا ناس؟ العالم اتجنن؟ فيه حاجة في الدنيا اسمها كده؟ يعني المسئول عن ضحايا هيروشيما ونجازاكي هم اليابانيين عشان دخلوا الحرب العالمية التانية؟ المسئول عن الهولوكوست هم اليهود عشان سيطروا على الاقتصاد؟ المسئول عن محاكم التفتيش هم العلماء عشان كانوا بيقروا كتب كيميا؟ المسئول عن المليون شهيد هي المقاومة الجزائرية عشان كانوا بيقاوموا؟ المسئول عن ضحايا ثورة تسعتاشر هو الشعب عشان خرج في مظاهرة؟ او سعد زغلول عشان اتقبض عليه؟ المسئول عن العدوان الثلاثي هو احنا عشان اممنا القناة؟ المسئول عن احتلال النازي لفرنسا هي فرنسا عشان مش نازية؟ المسئول عن قتلى فييتنام من المدنيين هم المقاومة الفييتنامية؟ المسئول عن قتل سيدنا حمزة هو سيدنا محمد صلى الله عليه وسلم عشان قبل الرسالة وهاجر؟ 
معقولة المناقشة دي؟ اولع في مين انا دلوقت؟ ده مافيش زمن في الدنيا الحق فيه واضح والباطل واضح زي زمنا ده
هم البني ادمين ايه اللي حصل لهم؟ وانا اللي ظلمت المصريين وقلت التلوث هو اللي عمل فينا كده؟ ده احنا قمر والله، ده احنا اسياد العاقلين، طب احنا عندنا تلوث، دول عندهم ايه؟

صباح الخير ع الصبح بقى

انا لسة صاحية وفاتحة الجزيرة، وعمالين يلتوا في الفقرة الرياضية، هي اسرائيل ضربت النهاردة؟ ايه استشهاد فلسطيني اللي على شريط الاخبار دي؟ وللا ده بقى نشاط يومي للفلسطينيين بصرف النظر يعني؟

Sunday, 25 January 2009

عيد ميلاد سعيد يا شرطة

كل سنة وانتوا طيبين يا شباب ولو انهم مش بيدونا اجازة ولا علاوة في العيد ده، النهاردة منى الشاذلي كانت بتعرض فيلم اصدرته وزارة الداخلية لتحسين صورة الشرطة مع وجود اوباما لتحسين صورة امريكا خصوصا ان الحمد لله الشرطة بقى لها غزوات في ضرب الفلسطينيين لدرجة ان كان فيه ناس من اللي عاملين نفسهم بيناصبوا الشرطة العداء، لمجرد ان الشرطة ضربت الفلسطينيين عملوهم ابطال قوميين، وكويس الحاجات دي بتحصل عشان تبين المزيف من الحقيقي والموجه من المخلص
واستمرارا للبطولة عرضوا علينا الفيلم ده ووزعوه على الاعلام ولم اجد افضل من تعقيب امي على الفيلم: هو ده فيلم عن ضحايا عدوان الشعب المصري على جهاز الشرطة؟

ولا الامريكان بني ادمين اصلا

ماحدش يقول لي اصل الاعلام بيضللهم، السي ان ان قدامي اهي، بتغطي تغطية كويسة وبتاخد من الجزيرة كمان وجايبة كل العيال اللي روسهم طايرة والمحروقين والعمي وكل حاجة، وبعد كل اللي شافوه ده ستين في المية من المشاركين في استطلاعات الرأي لمشاهدي السي ان ان متعاطفين مع اسرائيل
!!!!!!!!!!
انا عايزة افهم ده على اي اساس؟ مين يعني يشوف المناظر دي ويتعاطف مع اللي بيعمل كده في الناس الا اذا كان خنزير؟
دي لو حرب تحرير فلسطين، والجيوش العربية منتصرة وعملت كده في الاسرائيليين كنت ولعت فيهم وفي نفسي
حتى المذيعة، ومذيعات السي ان ان عشان يدوا انطباع انهم موضوعيين بيفضلوا مبتسمين ابتسامة هابلة ويبقى الواحد مش فاهم هي مالها سعيدة قوي كده وهي بتقول كل المصايب دي، حتى المذيعة ام ابتسامة بلهاء فتحت بقها وقالت للراجل بتاع الاستطلاع: ليه؟ ليه يعني؟ قال لها يمكن عشان حداشر سبتمبر، الله يخرب بيوتهم على بيوت اهاليهم على بيوت اللي ماتوا في حداشر سبتمبر، ما كانوش تلاتلاف واحد اللي قتلوا قدامهم اتنين مليون وقاعدين يعوموا في دم الناس بقالهم سبع سنين ويتشفوا في غيرهم لما اسرائيل تموت لهم ناس كمان، والراجل يقول لها الناس لما اوباما قال ان اسرائيل بتدافع عن نفسها اتأثروا قوي وده لمس جواهم وتر
الهي يقطع اوتارهم هم واسرائيل في ساعة واحدة قادر يا كريم
طب ناس ربنا مديهم ناعوم تشومسكي اللي بيقول ان اوباما ما يفرقش كتير عن بوش وانت قتل المدنيين دي استراتيجية اسرائيلية نشأت مع نشأة دولة اسرائيل وانهم بيتعمدوا يعملوا كده عشان يكسروا ارادة الناس ويخوفوهم ويثنوهم عن حتى التفكير في المقاومة
وبيقول مقاومة ما بيقولش ارهاب
حمير ليه بقى؟ ايه اللي يخليهم حمير؟ يعني ناعوم تشومسكي ده بينزل عليه الوحل؟ مش بني ادم زي بقية البني ادمين؟
لا مش حمير....اشرار عشان هم عندهم ناس بتفهمهم اهو وبيتشفوا في دماء الاطفال برضه 
امال احنا نعمل ايه اللي ربنا مدينا مصطفى الفقي؟ ده احنا ابطال والله
وكل ما تكلمهم يقولوا لك: ما كل الحضارات كان عندها امبراطورية، اشمعنى احنا؟ ما انتوا كان عندكوا امبراطورية، احنا كمان عايزين امبراطورية! هو احنا بنوزع فسدق هنا؟
الامبراطوريات دايما بتموت وبيفضل ذكرها، يعني الفراعنة الناس فاكراهم بالاهرامات والتحنيط، اليونان الناس فاكراهم بالفلسفة والمنطق، الرومان الناس فاكراهم بالـ...بايه؟ بالملاحم والشذوذ الجنسي، العرب الناس فاكراهم بالجبر وعلم الاجتماع والشعر، انجلترا الناس فاكراها بالثورة الصناعية
الامريكان بقى ح يفتكروهم بايه؟ ح يفتكروهم برقصة الافتتاح اللي ابتدوا بيها الامبراطورية في الحرب العالمية التانية في هيروشيما وناجزاكي، القنبلة الذرية، والنووية، والعنقودية، والفسفورية، والدايم
حتى الكمبيوتر والموبايل والريسيفر قابلين للانفجار
يعني دي الامبراطورية المتفجرة، على الله يفرقعوا قريب بقى ويخلصونا
اسكتوا، مش قريت واحد بيقول على اوباما انه شيوعي وانه عامل زي جمال عبد الناصر؟ ههههههه والله ما اعرفش انا امريكاني في سني كده يعرف جمال عبد الناصر منين؟ بس بيقول انه بيتحدى الكونجرس وعايز يمشي خطة الاقتصاد بتاعته غصب عنهم والخطة بتاعته شيوعية وبيستغل كاريزمته ويأثر على الناس ويقولهم كلام يريحهم وفي الاخر يعمل اللي في دماغه وبيفرض رأيه في كل حاجة وعامل زي جمال عبد الناصر
هههههههه
احسن خليهم يخيبوا، هو الراجل لسة عمل لهم حاجة؟ ده ما بقالوش خمس ايام، ده حاطط خطة تسوى عمرهم، ياريت حد من البهايم هنا يعملها، احسن خليهم يرفضوها وتطبل على دماغهم، خلي الديمقراطية اللي قارفينا بيها تنفعهم، دي تغور من وشهم، وهو يستاهلهم برضه، عشان يبقى يطلع لنا يرقع صداغنا من غير مناسبة وكل ما تجيله فرصة يسب لنا ويقول لنا: لت مي بي مور كلير احنا ملزمين بامن اسرائيل
وطبعا لت مي بي مور كلير دي مش متوجهة لا للامريكان ولا للاسرائيليين لان ده مفروغ منه بالنسبة لهم، ده جاي لنا احنا وبيقول لنا: وانظر لي وفي ذلك حكمة، ماهو احنا اتبلينا بواحد الكام سنة اللي قضاهم في اندونيسيا ح تخلينا في اللا وعي بتاعه على طول وح يقضي عمره كله يبذل كل جهده عشان يتبرى مننا
طب كويس بقى انهم لبسوه في الشيوعيين خلينا احنا نخلص من البلوة اللي اتحدفت علينا دي، انا عارفة كان مستخبي لنا فين ده راخر؟   

Saturday, 24 January 2009

استعنا ع الشقا بالله

ياللا يا شباب، احنا الحمد لله ابتدينا المدونة لمحاربة الصهيونية، ومحمود شلطف عمل الفيديو بتاع دلال خلاص، وفيه كذا حد مشارك في المدونة دلوقت وده اللنك بتاعها
اللي عايز يشارك معانا يسيب الميل بتاعه عشان ابعت له انفيتيشن اللي مش عايز الميل بتاعه يتنشر يقول لي في التعليق مش للنشر
عشان احنا لسة باديين مافيش حاجة عملناها قوي غير فيديو دلال وكام فيديو وعايزين اقتراحاتكوا معانا
فيه كام نقطة بس عايزة اوضحها:
ماحدش مستفيد من استمرار اسرائيل غير الحكام العرب، مافيش حاجة واكسانا غير وجود اسرائيل اللي دايما بيأجل احلامنا في التقدم والمطالبة بحقوقنا
عشان كده الحكام العرب ماسكين فيها بايديهم وسنانهم، ولا نافع حرب ولا نافع سلام مع اسرائيل
ادي احنا اهو خير مثال:
لما كنا بنحارب كنا بنسف التراب ونسكت: هشششششش احنا ورانا حرب، لما ننتصر ان شاء الله نبقى نتكلم
وادي احنا اهو عملنا سلام مع الكيان الصهيوني
قاعدين نتنفض من الرعب والخوف: لا ما نفتحش المعبر احسن اسرائيل تضربنا
لا ما نطردش السفير احسن اسرائيل تضربنا
لا ما نوقفش الغاز احسن اسرائيل تضربنا
لا ما نكحش احسن نصحي اسرائيل من النوم وتضربنا
وفوق البيعة حسني مبارك اخد سوكسيه بعمره كله، ليه؟ مش عشان بطل قومي لا سمح الله
بس عشان منوفي، قفل على الناس وهي بتنضرب: وحمانا من ان اسرائيل تضربنا
الله
يعني ح نعيش خايفين في الحرب والسلم؟
ح نعيش مأجلين احلامنا في الحرب والسلم؟
النقطة التانية
تفكيك اسرائيل مافيش اسهل منه
اذا كانت اقامتها اللي هي كانت اصعب اتحققت
بس المهم الواحد يصدق في حلمه، واللي معاه الحق مش ممكن يخسر، ومافيش اي حاجة مهما كانت صغيرة او بسيطة، مدام بتتعمل باخلاص، تبقى مش مهمة
صحيح انا لا بنحارب ولا بنعمل حاجة فيها مجهود يعني
بس مين عارف، يوضع سره في مدون خلقه

دلال

Friday, 23 January 2009

بالذمة دي ناس تستاهل تعيش؟

فيه في الدنيا كلها، كلللللللللها، حزب تزيد شعبيته طول ماهو بيقصف الاطفال بقنابل فسفورية ولما يوقف الحرب شعبيته تنقص اربعة في المية عشان وقف الحرب؟
بقى دول بني ادمين عاديين زي البشر؟ انا بجد عمالة احاول احط نفسي مكانهم عشان افهم مخهم شغال ازاي واجيبها يمين وشمال مش جاية معايا خالص
مجانين دول وللا ايه؟
اتفرجوا: ده فيديو جابهولي عم مينا، الاسرائيليين كانوا بيطلعوا رحلات عشان يتفرجوا على الناس وهي بتتقتل
بيغيروا جو، وبنت صغنونة وامورة تشوفها تقول ملاك، بتقول انا طالعة اتفرج على الحرب، حاجة لطيفة! والله العظيم ما طبيعيين

Wednesday, 21 January 2009

عاجل للشغل الجد


تحديث:
ده فيديو دلال، بعته لواح اسمه توم قال لي انه مترجم محترف وانه مستعد يعمل سابتايتل لاي فيديو
عايزة تقطعوا صورة البنت وهي شايلة القطة وتعملوها بانر حلو، انا لسة راجعة وما قرتش كل الناس، ح انزل تاني وبالليل ارجع ان شاء الله ونتكلم، عشان ده بس اعداد للمدونة عشان ح ناخد الاسامي والميلات للي ح يشاركوا في المدونة
طلب عاجل يا شباب: مصطفى دلوقت مسافر، بس هو سايب التلفزيون يسجل :) المهم انا عايزة الفيديو بتاع دلال، دلال والقطة بتاعتها، الفيديو ده حد يسجله ونعمل له سابتايتل بالانجليزي، انا ممكن اترجم بس ما اعرفش ازاي اعمل سابتايتل على الفيديو المهم ان التقرير بتاع دلال بيتذاع كل شوية على الجزيرة حد يسجله بسرعة وينزله على اليوتيوب وبعدين نعمل سابتايتل لما ارجع او حد موجود يعمل له سابتايتل ويدخل يسيبه وجابر او مادو يقطعوا صورة دلال وهي شايلة القطة ووراها صورة الخراب ويسنجفوها ويعملوها بانرات حلوة، ويدخلوا يسيبوها والكل ينشرها في كل حتة ولو اتأخروا عليا ح اخرب بيتهم، هي بلطجة كده، اتوسل اليكوا تاخدو صور الهولوكوست هنا وهنا وتنشروها لحد لما اي حد يعمل سيرش على الهولوكوست ما يلاقيش غيرها، انتوا ما تتخيلوش ردود الافعال عشان كام مدونة نشروها، والصهاينة عاملين باللو على الصور دي ومش عارفين يروحوا فين وييجوا منين، التوقيعات بتاعة سحب الجايزة من بيريز عملت ربعميت واحد بس؟ اخصصصصصصصصصصصصصص، ليه يعني؟ ده على راي مواطن مصري ولا يستاهل جايزة نوفل

احنا نبتدي حاجة واحدة الاول، عايزين نعمل مدونة مشتركة، هدفها التصدي لجيش المدونين الصهاينة
بصوا بقى
طبعا ممكن يبقى هدفها خدمة القضية الفلسطينية، بس بصراحة بقى انا بعد اللي حصل ده، انا مش عايزة اخدم القضية الفلسطينية، انا اللي عايزاه دلوقت ان اسرائيل ما تبقاش موجودة، خالص، مش عايزاها في الدنيا خالص، وانا شايفة انه ممكن جدا، اساسا هي جات لنا منين زفتة دي؟ وبقالها ستين سنة بس، ولسة بقالها ستين سنة وبتعمل كده في الناس
لا يمكن باي حال من الاحوال اسرائيل دي تستمر خالص، انا مش عايزاها، مش عشان فلسطين ولا عشان الفلسطينيين ياخي بلاش الفلسطينيين اللي واقفين في زور العالم بالعرض من غير سبب دول، بس عشان الانسانية، تخيل انها لا قدر الله مشيت بالمعدل ده وخلصت على الفلسطينيين، ح تعمل ايه في بقية الانسانية، دي عمالة تتوحش وتتغول كل مدى، انا مش عايزاها خالص ابدا بعد كده، كفاية انها كرهت الناس في بعض
ما طول عمر الدنيا فيها اديان مختلفة وكانوا عايشين مع بعض، وكان بيبقى فيه حروب دينية وحروب مصالح بس مافيش كده ابدا، دي اسوأ من النازي والله العظيم، لانها رد فعل مرضي للنازية، ودايما رد الفعل المرضي بيبقى اسوأ من الفعل مهما كان الفعل سيء، دي اسوأ ما عرفته الانسانية كلها
انا لا هدفي اخدم الفلسطينيين، ولا العرب ولا المسلمين، انا هدفي اخدم الانسانية كلها بالقضاء على الفكر المريض ده
ده فيه مدون انجليزي كتب يقول: مين قال ان الناس ما بتتعلمش من التاريخ، الاسرائيليين اتعلموا من النازي يعملوا ايه في البشر
طيب اه، بس ما اتعلموش ان النازي راح في مزبلة التاريخ، زي ما هم ح يروحوا بالظبط ان شاء الله، واحنا عايزين مدونة يبقى هدفها ان اسرائيل تروح لمزبلة التاريخ
اول حاجة: محتاجين اكتر من لغة، غير الانجليزي والعربي، كان فيه واحدة دخلت لي وقالت لي انا فرنساوي، طيب عايزين لغات كمان
تاني حاجة: عايزين نركز على حاجة حاجة، يعني الجريمة الاخيرة دي، انا عارفة ان اسرائيل جرايمها كتير، واحنا محتاجين نركز على الجريمة الاخيرة، بس مش كأنها اول مرة تحصل، لازم نوصل للعالم ان هي دي طريقتها طول عمرها وان احنا مطلبنا تقديم القيادات العسكرية والسياسية للمحاكمة، واحدة واحدة، نمسك حاجة حاجة
تالت حاجة: عايزين صور وفيديوهات كتير، االمشكلة في عرض القضية الفلسطينية من اول النكبة ان بيبقى فيها وثائق طويلة ومكتوبة، عايزين شرح للقضية الفلسطينية من اولها بفيديوهات وصور بعدة لغات وبشكل مكثف من غير ما نزهق الناس برغينا، واضح ان ماحدش مقتنع بينا عشان احنا رغايين وللا ايه
خلينا نكون حسني الظن ونقول انهم مش مقتنعين عشان احنا رغايين وما نقولش انهم مش لاقيين حد يضطهدوه غيرنا
رابع حاجة بقى: احنا عايزين نطالب الامم المتحدة تطلع قانون لحماية العرب والمسلمين من الاسلاموفوبيا والعربوفوبيا لان كده بقى ما ينفعش فعلا التهزيء اللي احنا فيه، ولما نتهزأ ونزعل يتريقوا علينا، طب اللي بيتعمل فينا ماحدش يقدر يعمله في الصهاينة ابدا
خامس حاجة: انا ليا صحاب امريكان بيقولوا لي ان احد اسباب كراهية العرب انهم بيدرسوا في التاريخ الحملات الصليبية
شوف البجاحة يا اخي، شوف البجاحة يا اخي، ييجوا يحتلونا ويطلعونا احنا اللي وحشين كمان، وده بيخلي اسقاط كل الكراهية على العرب سهل، اولا لانهم بعيد، ثانيا لان يمكن استلهام الكراهية من التاريخ، لما سألتهم طب هو انتوا لازم تكرهوا حد؟ قالوا لي اه!!! لازم يبقى فيه عدو نسقط عليه كل الكراهية عشان ده بيبقى محفز كويس للشغل وشحذ الهمم والنشاط الخارجي والداخلي
(للتوضيح رجاء قراءة كتاب الامير لمكيافيللي)
لا معلش يشوفوا لهم حد يكرهوه غيرنا احنا اخدنا نصيبنا
النقطة دي لازم تتوضح
سادس حاجة: احنا مش ننتقد الناس ونعمل زيهم
بشكل اوضح، انا مش عايزة احفاد القردة والخنازير والكلام المهبب ده، اردوغان كان ذكي جدا لما قال اجدادي العثمانيين احتضنوا اليهود لما كانوا بيعانوا من الاضطهاد، والحقيقة التاريخ بيقول ان اليهود المواطنين طول فترة الحضارة العربية كانوا مدلعين اخر دلع، اكتر من المسيحيين بكتير (هههههه يا عيني المسيحيين) وانا عندي وثائق تاريخية بكده، ودراسات تاريخية عاملها الباحثين اليهود نفسهم، وفي مؤتمر المخطوطات كان فيه باحث يهودي قدم بحث رائع بيوثق بالمخطوطات ان مكانة اليهود في ظل الحضارة العربية كانت اخر دلع وهشتكة وده لانهم كانوا عددهم قليل واهتماماتهم كلها منصبة على التجارة والعلوم وما كانش لهم اطماع سياسية فكان دايما الخليفة يدلعهم ويقربهم
بالمختصر، انا مش عايزة عنصرية، ومش عايزة نكرر غلطة الصهيونية، هم يعملوا رد فعل للناز واحنا نعمل رد فعل للصهيونية ونلف في حلقة مفرغة، التوحش والكراهية دي لازم تقف دلوقت حالا لو ينفع
عشان كده انا مش عايزة اسرائيل خالص بقى، مش عايزاها خالص، تروح في الزبالة دي ما ينفعش تعيش اكتر من كده، ستين سنة وعملت ده كله، امال لو قعدت كمان عشر سنين ح تعمل ايه
انا دلوقت حالا حاطة هدف قدامي عايشة عشانه ان اسرائيل تختفي في ظرف عشر سنين، ومستعدة اعمل اي حاجة عشان هدفي ده يتحقق، ومش ح ينفع احققه لوحدي، كل الاهداف في بدايتها كانت مستحيلة
بما في ذلك اسرائيل نفسها، كانت مستحيلة لدرجة ان الفلسطينيين والعرب قبل النكبة كانوا مش واخدين خوانة ولا مصدقين اصلا انها حاجة ممكن تحصل
واهي حصلت، وانا مؤمنة اننا نقدر نرجع الوضع على ما كان عليه وده يبقى اسهل من مهمة الناس اللي خلقت وضع جديد، ودلوقت انا مش عايزة حاجة في حياتي غير كده
اللي عايز يتشارك معايا في الحلم ده يتفضل، انا عندي الميل بتاعي اهو على المدونة، ويسيب تعليق هنا، يقول لي امكانياته، ومقترحاته، ح نبتديها بمدونة وربنا هو المستعان، ننظم افكارنا ووقتنا ومقترحاتنا، ومش عايزة واحد ولا واحدة هدفه اقل من مسح اسرائيل من على الخريطة واعادة الوضع على ما كان عليه زي الاول، زي ما كنا طول عمرنا في المنطقة دي بالذات، اعراق مختلطة واديان مختلفة وكنا عايشين، مافيش حاجة اسمها وطن قومي لليهود
طب فين الوطن القومي للمسلمين؟ وفين الوطن القومي للمسيحيين؟ وفين الوطن القومي للبوذيين؟ والهندوس؟ واللا دينيين؟ وشهود يهوه؟ اشمعنى اليهود يبقى لهم وطن قومي؟ واليهودية دي دين وللا جنسية وللا عرقية وللا ايه بالظبط؟
اليائسون يمتنعون
مغسولو الامخاخ يمتنعون
المتصهينون طبعا يمتنعون
وماحدش يكلمني عن سلام، السلام ما يبقاش مع كيان بيهدد سلام البشرية كلها
واكتر من كده، انا عندي قناعة ان الصهاينة المحتلين فلسطين دول بني ادمين، وفي النهاية جهازهم العصبي مش ممكن يستحمل اللي بيعملوه في الناس ده، زي الراجل اللي حرق باسبوره الاسرائيلي، زي الست دي وحتى لو مش متخيلين انهم يمسحوا فكرة الصهيونية بالالحاح ح يقتنعوا وح يعرفوا انهم ما يقدروش يعيشوا بالطريقة دي، ولا فيه انسان في الدنيا ينفع يعيش كده، ودي مش دولة لان مالهاش سيادة، لولا الفيتو الامريكي والسلاح الامريكي والدولار الامريكي عليها كان زمانها في الزبالة من زمان
انا مصدقة في اننا نقدر على راي سي زفت الطين اللي لو مالوش قيمة في حياتنا غير انه اوحى لنا بان كل حاجة ممكن يبقى كفاية
yes we can

Tuesday, 20 January 2009

خطابك زي وش مراتك ولبسها يا اوباما

ياريتك الابعد ما نطقت يا شيخ. بادئ ذي بدء، الانسان مننا مهما كان بني ادم برضه، والحادث الاليم ده حاجة اونسانية، يعني الافرو امريكان والمهاجرين شافوا ايام اسود من قرن الخروب وجه يوم بقى واحد افرو امريكان ومهاجر يبقى رئيس، ولو انه مش افرو امريكان قوي، هو مهجن، بس شغال يعني، وفجأتن من غير مقدمات لقيت نفسي خايفة عليه ليتقتل ونتنكد بقى. وهو داخل وماشي كده وعلى وشه نص ابتسامة انا دموعي نزلت، وكنت كده اكسايتد شوية، بالرغم من كل تحفظاتي عليه، بس النهاردة يوم استثنائي، اول ما نطق قلت بس بس، ياريتك ما فتحت بقك يا منيل جتك نيلة في شكل اهلك على اليوم اللي اتبلينا بيه
والله العظيم رجع ابوك عند اخوك
ايه الخطبة المتعجرفة المتكبرة التهديدية المتجبرة دي؟ ايه القرف ده، هو هو نفس كلام بوش بعد ما رجع شتم بوش، بس اوباما متعلم عنه شوية
وراجع تاني بعد كل الوساخة والتطهير العرقي اللي بلده عملته، واحنا لسة دمنا سخن واسرائيل قاتلانا بسلاحهم القذر اللي اسمه الدايم، اللي مافيش انسان طبيعي، ولا حتى شيطان يخطر في باله انه يخترع سلاح زي ده، بدل ما يتكسف على دم اهله ويتنيل يتكلم في الشأن الداخلي ووكستهم السودا راجع تاني يقول لنا
Our nation is at war, against a far-reaching network of violence and hatred
مين يا ابن الدايخة اللي بيروج للعنف والكراهية غير يور نيشن؟ مين؟ مين اللي بيضرب الناس بالقنابل المحرمة دوليا غيركوا انتوا والمقطورة بتاعتكوا اسرائيل؟ مين يا ابن المتضايقة اللي قتل اتنين مليون في سبع سنين؟ ح ترتووا من دمنا امتى؟ ما تختشي على دمك بقى، انت اللي زيك وشه يبقى في الطين
And so to all other peoples and governments who are watching today, from the grandest capitals to the small village where my father was born: know that America is a friend of each nation and every man, woman, and child who seeks a future of peace and dignity, and we are ready to lead once more
الهي تولعوا كلكوا يا شيخ، تاني؟
ready to lead once more
تاني؟ انت تاني؟ وتاني بتخرف وتقول كلام عكس بعضه زي اللي قبلك؟ منين اصدقاء ومنين عايزين تاخدوا القياد؟
ولسة بتتعاملوا مع نفسكوا على انكوا امبراطورية وان سيادتك الامبراطور، ياشيخ ربنا يبقى يجيب لكوا مصيبة تاخدكوا وتقصم وسطكوا تقعوا ما تقوموش تاني ابدا، يا شيخ قرفتونا في عيشتنا الله يخرب بيت كلومبوس على امريجو على اليوم اللي اتنيلنا اتبلينا بيكوا فيه
قال
know that America is a friend of each nation and every man, woman, and child who seeks a future of peace and dignity
قال
NO THANKS, JUST GET OFF OUR BACKS FOR GOD''S SAKE
ينعل ميتين كده في الارض، هم فاكرين نفسهم مين عشان يتعاملوا مع البشر بالطريقة دي؟ احنا بني ادمين زينا زيهم ومش عايزين حاجة غير اننا نملك قياد نفسنا، ومش عايزين قيادة من حد
فكوا عنا
لا ويرجع بعد ما يقول لنا: احنا مستعدين دلوقت لقيادتكوا يقول قوتنا نابعة من
the tempering qualities of humility and restraint
كل ده ومتواضعين؟ متواضعين ورابطي الجأش، عشان كده مشيتوا تقتلوا في الناس، وعشان كده لسة حضرتك بتتكلم عن قيادة العالم ولا كأنكوا عاملين كوارث في الدنيا والمفروض تتلطوا وتحلوا عن البشر وتشوفوا وكستكوا ولسة التقيل جاي ورا
We will begin to responsibly leave Iraq to its people, and forge a hard-earned peace in Afghanistan
ايوة يعني اهل افغانستان دول مش بني ادمين يعني؟ انا مش فاهمة يعني ليه كل الناس مستحلة دم الافغان بالطريقة دي؟ وللا عشان مش عرب؟
and for those who seek to advance their aims by inducing terror and slaughtering innocents, we say to you now that our spirit is stronger and cannot be broken; you cannot outlast us, and we will defeat you
متهيالي الكلام ده اولى بيه رام ايمانويل الموساد الصهيوني اللي خدم في الجيش الاسرائيلي تقولهوله، متهيالي يعني؟ وللا ايه؟
انا مش قادرة اصدق ان ابن الـ....ده لسه بعد ما بلده عامت في دمنا على مدى سبع سنين لسة له عين يتكلم بالطريقة دي تاني، يعني ياريت يشرح لنا واحنا لسة خارجين من مدبحة وبندور على جثثنا مين دول اللي عايشين على الارهاب وذبح الابرياء؟ وباسلحة مين؟ ومين يا ترى اللي استخبى تحت الكرسي والناس بتموت وقال
one president at a time?
ولما هو وان بريزيدنت آت آ تايم قابل ليفني السفاحة ليه؟ طب قابل ليفني السفاحة وهو لسة مش رئيس عشان بينه وبينها ود قديم، لسة ابن الكلب له عين يتكلم عن الارهاب وذبح الابرياء وطبعا الشخص ده موجود هنا؟ بالطبع آه، احنا
بصوا بقى في المقطع اللي جاي بيثبت "التهمة" اللي كانوا بتوع ماكين بيقولوها عليه انه رباية مسلمين لا مؤاخذة
To the Muslim world, we seek a new way forward, based on mutual interest and mutual respect. To those leaders around the globe who seek to sow conflict, or blame their society's ills on the West — know that your people will judge you on what you can build, not what you destroy
بيضرب ويلاقي ويرجع يضرب تاني سعادته، يعني عيب عليك ده احنا اللي بدعناها، قصدي العلوقية الناشفة يعني، ما تبيعهاش علينا
ده انت طلعت ربايتنا فعلا
يعني الجملة الاولى طبعا تنطبق على دول الخليج عشان فيها بترول، وبقية المقتطف ينطبق على ايران عشان بتقول اسرائيل ما ينفعش تبقى موجودة
طب انا عايزة اعرف، حلوف مين؟ بغل مين؟ بهيم مين؟ حيوان مين؟ اللي بعد كل اللي حصل في التلات اسابيع اللي فاتوا شايف ان ممكن عالم فيه تلاتة بس محترمين يقبل ان كيان تدميري عنصري متوحش حقير زي ده يستمر في الوجود؟
وده بقى حسني مبارك
To those who cling to power through corruption and deceit and the silencing of dissent, know that you are on the wrong side of history; but that we will extend a hand if you are willing to unclench your fist
طب احنا مش ح نمشي حسني مبارك باذنك يا عم الكتكوت
To the people of poor nations, we pledge to work alongside you to make your farms flourish and let clean waters flow; to nourish starved bodies and feed hungry minds
يعني مش ناوي يقطع المعونة، مش ناوي يقطع المعونة، يعني ح اللي بنبات فيه بنصبح فيه، وبدل ما يديها لفلان ح يديها لعلان اللي بيبعت له جوابات غرامية، ويرجع ابوك عند اخوك، ومش ناويين يسيبونا في حالنا على كل اللي هم فيه ده
يعني الامل الوحيد انه سعادته يبقى مواطن امريكي صالح يتنيل ينشغل في مشاكله الداخلية ويحل عن سمانا تبخر في الخطبة دي، ده ما سابش حد من عندنا ما جابش سيرته، جاب سيرة بن لادن (الشبح اللي هم عاملين يطاردوه) وجاب سيرة الخليج، وايران، وحسني، وايمن نور، وكان ناقص يجيب سيرتي انا واسماء بوابين العمارات بتاعتنا وسواقين الشغل والست اللي بتنضف البيت وصاحب الكشك اللي باشتري منه السجاير
هو احنا ح نفضل عايشين في الكابوس ده طول عمرنا؟
ومعلش حلوف مين اللي ما عندوش كرامة وما اتجرحش من الخطبة دي؟ خصوصا بقى اللي زعلوا من حسن نصر الله عشان قال للمصريين انتوا ناس محترمين ما يصحش تسكتوا على اللي انتوا فيه ده، ح يعملوا ايه بقى في اللي بيقول لنا ح اغير لكوا الريس بتاعكوا عشان فاسد ومش عاجبني؟ وللا الخواجة سره باتع؟ ده كان ناقص في اخر الخطبة يقول لنا: انا عارفك يا بتاع تانية تالت

اشمعنى بقى؟

اشمعنى الامريكان في تنصيب رئيسهم بيصلوا اهو وماحدش قال عليهم دولة دينية متخلفة؟ اشمعنى احنا اللي دينا بس هو اللي متخلف؟
اشمعنى بيصلوا صلاة مسيحية وعندهم بوذيين ويهود ومسلمين ولا دينيين وشهود يهوا ومن كل الاديان وما حدش قال لهم انتوا بتتجاهلوا الاقليات ليه؟ امريكا للامريكيين. وللا لازم الصلاة تبقى بالانجليزي؟
طب ترجموا الفاتحة بقى يا شباب

سبحان الله

شوفوا ديك تشيني وجورج بوش الكبير عاملين ازاي؟ ولسة وبكرة ربنا يفرجنا على كوندي وبوش الصغن، الا اذا ربنا عامله بانه ليس على المجنون حرج واقف مش عايز يهمد، عمال يتنطط ويضحك بهبل ويروح وييجي ولا كأنه مضروب بالجزمة
يا ضنايا يابني
والواد رام الحيوان عمال يسلم على الناس ويبوس فيهم تقولش عريس، هم ليه رؤساء الولايات المتحدة مالهمش في خلفة الصبيان؟
اوباما داخل واوباما داخل
العوالم جم العوالم جم

اما انا مجنونة صحيح

طب انا مش باحب باراك اوباما
خايفة عليه ليه انا دلوقت؟
ايه الجنان ده؟

ينعل ابو دي مصالحة

لا انقسام الصف العربي احسن، ايه القرف ده؟ وايه عوكل يعني متسبعن وعامل غضنفر على الغلابة دول، ما يورينا سبعنته على الاسرائيليين والامريكان، وهم مالهم موكوسين كده؟ هو ماسك عليهم صور؟ يعني شاطر يقهرنا ويقهر الدول العربية، ما يقهر الست تسيبي
انا مش فاهمة الانسة دي لها تأثير على كل الناس كده ليه؟ سوا على الدبلوماسية المصرية اللي بتسمك بالخيوط، وللا امير قطر اللي كان قاعد معاها بمنتهى الادب والاحتراس والاعجاب اللا متناهي وللا كوندوليزا وحتى على العبيط اللي اسمه اولمرت، معلش يعني انا مش شايفاها حلوة ولا حاجة، عينيها كلها شر وقسوة
النهاردة صحيت الصبح لقيت واحد باعت لي على الفيس بوك بيقول لي: شفتي يا ستي قمة الكويت؟ اهو عوكل قال لهم: يا اشخ في زيركوا يا اروح ما اجيلكوا
طب ما يروح، ما يروح انا مش فاهمة هم عايزينه في ايه؟ هم مش قالوا اتفاقية السلاح ولا ح تحوق معانا و ح نقب نغطس نجيب سلاح؟ خلاص، المعونات الانسانية تيجي في نفس الشنطة اللي جاي فيها السلاح ولا الحوجة
يعني مش ممكن كسر المناخير اللي حصل في قمة الكويت ده: هو كده، والمقاومة مالهاش صفة، واللي ح يعمل اعادة اعمار لغزة هو عباس، وعباس هو الوحيد اللي له صفة وحيدة، وينعل تيت المقاومة، واسرائيل اتوكست وح نقومها من وكستها ونجيب لها المكاسب اللي هي ما عرفتش تجيبها بكل القتل ده، ومافيش حد ح يقوم بوساطة ما بين الفلسطينيين (اللي هم مش حد تاني غير عباس) وما بين الاسرائيليين غير مصر (اللي هي مش حد تاني غير عوكل)، وماحدش ح يحط ايده في الليلة دي غيري، وفعلا يا اشخ في زيركوا يا اروح ما اجيلكوا
مصالحة ايه بقى اللي عملوها؟ اتغدوا سوا؟ طب بالهنا والشفا والسم الهاري ان شاء الله
الهي يجيلهم تعنية

ما تتفرجوش على الفيديو ده ووزعوه على اوسع نطاق

يا شباب خدوا اللنك ده عليه لنكات مدونات امريكاني
اقرفوهم بقى

ابي بعتتهولي، ما تتفرجوش عليه، وزعوه على اوسع نطاق، انا برخامتي بادخل على المدونات الاجنبية واسيب الحاجات دي تعليق، على قد ما تقدرو وزعوه، وبجد ما تتفرجوش، هم يستاهلوا يشوفوا المناظر دي احنا ما نستاهلش، عشان اي حقير بيبرر لاسرائيل اللي هي عملته باي شكل من الاشكال، بطريقة مباشرة او غير مباشرة، وعايز الناس يتعمل فيها كده من غير ما تقاوم اي مقاومة، يبقى يستحيل تبقى الست والدته جابته من ابوه

اسرائيل تطلق جيش من المدونين!!!

قال عاملين جيش من المدونين بيتكلموا لغات، عايزين نخلي بالنا بقى، هم ح يعملوا مدونات بالانجليزية والاسبانية والالمانية والفرنسية
احنا عندنا زنوبيا مدونة جدعة قوي وكفيلة بطقم الانجليزي، ومدون فلسطيني كمان شاطر قوي كان محمود شلفت جابلي اسمه، ومدون سوري اسمه ميلسون تقريبا
المهم بقى الاسباني والالماني والفرنساوي
وده نجيبه منين ده؟

من النهاردة مافيش بوش....انا بوش....انا بوش

بصرف النظر عن شماتي الشديدة في الناس اللي كانت متفائلة باوباما
وبصرف النظر عن ان الواد ده مش نازل لي من زور لانه عامل زي نجوم السيما
بس بصراحة صعبان عليا، والله العظيم ما عارفة هو ح يعمل ايه يا قلب امه؟ وبصراحة انا مش عارفة ح نعيش من غير بوش ازاي؟ انا من كتر ما اخدت على دماغي ايام بوش حاسة اني اتولد يوم ما بوش جه، مش فاكرة اي حاجة قبل بوش، حاسة ان الدنيا ابتدت ببوش، حاسة ان بوش ده اصلا هو اللي زقنا برة الجنة، وان اول ما البشرية نزلت الدنيا لقت بوش في وشها
وختمت له بقبلة الوداع يا كلب
يا ضنايا يابن حسين، ح تعمل ايه يا مدهول في اللي الملحوس ده سايبهولك، ده ولا اعصار تسونامي

Killer Shimon Perez does not deserve Nobel Peace Prize

وقع لسحب جائزة نوبل من السفاح شيمون بيريز
Murdere Shimon Peres does not deserve noble prize for peace, sign here
وزعوها في كل حتة الله يكرمكوا واعملوا لها بانر

Monday, 19 January 2009

نؤمن ان المقاولة تخضع لحسابات المكسب والخسارة

الكلمتين دول سمعتهم من خطبة الريس قبل ما ادخل انام في قمة الكويت، طبعا ما نمتش في قمة الكويت، الريس هو اللي قال كده في قمة الكويت
طبعا المقاولة تخضع لحسابات المكسب والخسارة، يا ترى احنا مقاولتنا طلعت كام في الليلة دي؟
صدق فرويد، الا انا فرويد ده ما كنتش باستلطفه قوي حيث انه الله يرحمه مخه كان مش نضيف وظنه وحش في الناس
بس الظاهر طلع معاه حق
-------
بالنسبة للاخوة اللي عايزين ينقلوا مقال ندى، او اي حاجة من المدونة، المدونة تحت تصرفهم من غير اي اذن، وتحت تصرف البشريات كلهم، اللي عايز ياخد حاجة يتفضل من غير ما يستأذن

ايه بقى؟

انا اصلي كنت في المرور من الصبح، واطالب منظمات حقوق الانسان العالمية انها ترفع قضية جرائم حرب على تجديد الرخصة وترفقها بالقضية اللي ح ترفعها على اولمرت وليفني
ايه اللي حصل بقى طول النهار؟ انا فتحت لقيت: مصالحة سعودية سورية واخرى قطرية مصرية
!!!!!!!!!!
خيبة تقيلة، على رأي الساعي اللي كان بيعلق لي النمر الجديدة: الاخوة الاعداء
مش ح ينفع كده على فكرة، هي ليفني احسن من اي حد فيهم في ايه؟ ما يتعاملوا مع بعض زي ما بيتعاملوا مع ليفني

ندى القصاص تكتب لكم تفاصيل زيارتها الى رفح

غزة كشفت غياب وسقوط "الدولة" المصرية
بقلم: ندى القصاص 
• أدعوكم جميعا الى الحضور لمعايشة ملحمة تاريخية لا يمكن نقلها او وصفها..
• على حدود رفح:
خط فاصل بين ذل الاستباحة وشرف المقاومة
• على الجانب المصرى البيوت ترفع الاعلام البيضاء!
• رفح المصرية تحولت الى ثكنة عسكرية!!
• ام هديل ودعت أكثر من 11 شهيدا من عائلتها..وصلت مع ابنتها المصابة من مدينة غزة...يوم الاثنين الدامى:
o فلسطين مهرها غالي ونحنا حاضرين




أصحبكم معى الى رفح:






- الطريق:






فى الطريق الى العريش مررنا على منطقة التل الكبير، حيث هزمت الثورة العرابية بفعل الخيانة...ودار فى ذهنى تساؤلا: كم ثورة وفرص تحرر مرت على الوطن العربي..واجهضتها الخيانة!






اولى الملاحظات هى كم عربات النقل المحملة بالمعونات لغزة، من داخل مصر وخارجها، الثانية هى كم عربات الامن المركزى (ثلاثة ارتال كل منها 10 سيارات!!) التى صادف عودتها من العريش وقت ذهابى..فقد ذهبت الى العريش يوم السبت الموافق 10 يناير 2009، وكان قد سبق ذلك اليوم –كما عرفت من اصدقائى فى اللجنة الشعبية لدعم الانتفاضة بالعريش- مظاهرة حاشدة تطالب بفتح معبر رفح، وقطع الغاز المصرى عن العدو، وكان جموع المتظاهرين قد شرعوا فى التوجه بالفعل الى مقر شركة الغاز المصرية فى العريش، والتى تقوم بامداد العدو بالغاز المصرى، وقتها بدأ الامن يتعامل بمنتهى القسوة، حسب رواية الزملاء، واعتقل منهم خمسين، 3 فقط مسيسين وهم: أشرف الحفنى أمين عام التجمع بالعريش ومنسق اللجنة الشعبية وحركة كفاية هناك، وصلاح البلك عضو حزب حركة الكرامة، واظن الثالث أشرف قويدر عضو التجمع، والباقين من أهالى العريش.


فى اليوم التالى –يوم السبت- حول الامن 13 منهم الى النيابة، وفور وصولى للعريش ذهبت الى الزملاء، ووجدت الجميع مجتمع هناك، الا ان المنطقة قد تحولت الى ثكنة عسكرية، ورغم ان النيابة اصدرت قرارها فى ذات الليلة، الا ان الامن نفذ قرار الافراج ليلة الاثنين!!


http://tinypic.com/view.php?pic=2nipv6e&s=5
http://tinypic.com/view.php?pic=rmicsl&s=5
 http://tinypic.com/view.php?pic=1ow3dh&s=5
http://tinypic.com/view.php?pic=e5kbbn&s=5
 
ملاحظة لابد من ذكرها: برغم صعوبة وصول القوافل الشعبية والتجمعات الى العريش ورفح، الا ان الذهاب بشكل فردى او فى مجموعات صغيرة، سهل للغاية، حتى الدخول الى داخل معبر رفح!
رفح:




فى اليوم التالى مباشرة –الاحد 11 يناير الجارى- ذهبت الى رفح، مررت اولا على صديق يسكن فى الشيخ زويد، ثم انطلقنا معا الى الحدود:


الطريق الى رفح-فيديو


http://www.youtube.com/watch?v=pIJffnrfWyk&feature=channel_page



وأدعوكم جميعا للحضور الى رفح لتعايشوا بانفسكم ملحمة تاريخية، لا يمكن وصفها ولا نقلها مهما تعددت الوسائط، هنا التاريخ يسجل أسطورة، حيث الحدود والخط الفاصل والسلك الشائك، لم يمزقوا ويقسموا فقط الارض والعائلات، بل يفصل بين نهجين، واقعين، خيارين:
جانب تحولت فيه المنطقة السكنية الى ثكنة عسكرية، تنتشر العربات البوليسية والعسكرية فى كل شارع وحارة ومنعطف، والجنود فوق أسطح منازل...ترفع الرايات البيضاء!!




الارض والجو والبحر كلها مستباحة تماما للعدو، تستطيع ان ترى طائرات استطلاع الصهيونية –بدون طيار يطلقون عليها هنا الزنانة- ومنطاد الاستطلاع، وطائرات الاف 16 والاباتشى تقصف غزة من داخل الحدود المصرية! نتطلع الى السماء فنراها فوق رؤسنا..برغم الحضور الأمنى مكثف!


طائرة العدو فوق رؤسنا-فيديو






http://www.youtube.com/watch?v=66TF1Cy44v0



لم ينج مبناَ واحدا داخل رفح المصرية من اضرار القصف، بيوت وجوامع تهدمت، نوافذ زجاجية تحطمت، وبعضها انتزع من مكانه تماما، أبواب ونوافذ عصف بها القصف وتطايرت. حتى ان أغلب سكان المنطقة الملاصقة للحدود قد هجروا منازلهم، او على الاقل لا يبيتون فيها




http://tinypic.com/view.php?pic=ifpq1j&s=5
http://tinypic.com/view.php?pic=2qt9t09&s=5
شظايا فى الشوارع وداخل البيوت، صواريخ تهبط كاملة غير منفجرة داخل ساحات المنازل والحقول، يلملمها الاهل ويسلمونها للعسكر، لفحصها وتأمينهم منها، الا ان بعضها اصاب النساء والاطفال داخل بيوتهم. بل والعسكر أنفسهم...دون اى رد من اى نوع!




رغم العسكر المنتشرين حتى فوق اسطح المبانى!!






http://tinypic.com/view.php?pic=2mqkzcy&s=5







ولا حتى كلمة احتجاج من جهة رسمية مصرية، ولا قدمت شكوى لاى جهة! لم نسمع ولو كلمة اعتذار واحدة من الجانب المعتدى...هنا معنى استباحة وطن –أرضا وسماءا وبحرا وبشرا عسكريين ومدنيين- متجسدة فعليا وواقعيا على أرض الواقع فى رفح المصرية، بفعل صناع القرار السياسى، حيث "الدولة" بكل مؤسساتها، بأبجديات دورها فى حماية الحدود -كشف العدوان على غزة وأكد- غيابها وسقوطها...فقط أسطورة غزة هى الحاضرة..حية بكل عنفوان.


هنا تعيش ذل الاستسلام ومعنى الاستباحة، تدرك انك تعيش ظهرك مكشوف، ما من حائط ولا سقف يسترك، ما من جيش او جهة تدافع عنك او تحتمى بها...فقد أزال "السلام" اسنانك واظافرك تماما، صرنا "دولة" مستأنسة. هنا تعايش طعم الذل عجزا وتموت خزيا..كونك مصريا!! وتتمنى لو مت قبل ان تشهد هذا اليوم.


قتلنا السلام...وليتنا اكتفينا بذلك..بل صرنا دعاة للموت ذلا..لم اتصور يوما ان يبات ذلك هو حجم ودور مصر.






بينما على الجانب الاخر، نرى القصف وعنفه وشراسته، ونتعجب كيف حال الناس هناك، كيف تتلقى غزة ذاك الشريط الصغير المكتظ بالسكان، كيف يحتمل هذا الجحيم..


http://www.youtube.com/watch?v=3ns_66QYd_U&feature=channel_page
http://www.youtube.com/watch?v=_DABhVpnekU
http://www.youtube.com/watch?v=1PYzMwtZIck
http://tinypic.com/view.php?pic=e8shkx&s=5
ويأتيك الرد مع الجرحى وأهاليهم المرافقين لهم، وجوه مبتسمة متفائلة فخورة مفعمة بالحياة والعافية...آملين فى النصر او الشهادة، تلمس معهم معنى الايمان بالله حقا...وتتذوق طعم شرف المقاومة، وفخر الكرامة، وقيمة الحياة حرا أبيا، رافضا للعيش عبدا ذليلا مستسلما، رافعا الراية البيضاء رغم ما تتلقاه من ضربات...تدرك لماذا يزفون الشهيد الى السماء بالزغاريد


هنا معانى كثيرة متجسدة، لا يمكن لكاميرا او لكلمات او لصور ان تنقلها. لذا ادعوكم للحضور لتتعافوا من أوهام "السلام" وعجزه، لتستردوا وعيكم من غيبوبة الاعلام الرسمى ودعايات "الحكمة" عهر مبادرات بيع الاوطان وعار دعوات رفع الرايات البيضاء.




هنا يمكنك اختبار خيارين على أرض الواقع ومعايشتهما.






تجولت فى المدينة وتحدثت الى الناس هناك، ومنهم عم حسن محمد عواد –شيخ عجوز- ودعونى الى بيوتهم لتسجيل صور الاضرار التى اصابتها، واصابتهم هم وجوامعهم، وحدثونى عن أحوالهم وكيف تهز الانفجارات بيوتهم وتزعزع سقوفها وتتصدع الحوائط، وكيف يفزع صغارهم ليلا، وتتطاير النوافذ والابواب عليهم من شدة الانفجار المتاخم لهم، وتتساقط شظايا الصواريخ والقنابل –بعضها ضخم جدا- على أسطحهم وساحات المنازل حيث يلعب الاطفال، وفى حقولهم، ويخشون ان تكون مشعة او تنفجر فيهم، فيجمعونها ويسلمونها للأمن، يحذرون ابنائهم من العبث باى جسم غريب يجدونه، ويمنعون ابنائهم من الخروج بعد المغرب. بل بعضهم عثر على صواريخ كاملة سقطت فى حدائقهم دون ان تنفجر ونقلوها للامن. وحتى ان كثيرين ممن يسكنوا قرب الحدود هجروا بيوتهم الى منازل اقارب ومعارف أبعد وأكثر أمنا..هم يعيشون أجواء حرب كاملة بكل مخاطرها.






فرصة الهدوء لتمشية الصباح لعجوز رفح-فيديو


http://www.youtube.com/watch?v=M7gEjdQJjaE


http://tinypic.com/view.php?pic=205pjls&s=5


http://tinypic.com/view.php?pic=2weaquu&s=5



http://tinypic.com/view.php?pic=7k0z&s=5


شظايا قنابل وصواريخ


http://tinypic.com/view.php?pic=1zock03&s=5



حكاوى أطفال وأهل رفح المصرية عن القصف-فيديو






http://www.youtube.com/watch?v=hT4XDBrdgMU
http://tinypic.com/view.php?pic=rw6mpi&s=5
http://tinypic.com/view.php?pic=35382s5&s=5
http://tinypic.com/view.php?pic=16hmdkx&s=5


وإلتف حولى الصغار يحكون لى عن اصدقائهم: فى ليلة السبت، اصيب ابن الشيخ رياض (مؤذن مسجد) عمره 11 سنة، وشيماء إبنة الشيخ عطية 6 سنوات، الاثنين أصيبا بشظايا وهما داخل بيوتهم، وأصيب محمود جلال –عمره عامين- فى رأسه. وحكى لى حامد –طفل عمره 8 سنوات- كيف تهدم بيت لدى السواركة وجامع هناك. ثم ليلة الاحد 11 يناير سمعنا عن اصابة ثلاثة عسكريين عند بوابة صلاح الدين
http://tinypic.com/view.php?pic=14wg03l&s=5
http://tinypic.com/view.php?pic=2hnar1g&s=5
http://www.youtube.com/watch?v=BXA84_VUI5E
http://www.youtube.com/watch?v=UG0nJRMAVTE
http://www.youtube.com/watch?v=YEz4VgtQ-lQ
http://tinypic.com/view.php?pic=332szrt&s=5
ثم حكوا لى فى براءة كيف يتظاهرون عند الحدود لفتح المعبر ووقف ضرب غزة...وكيف مزقوا منشورات قذفتها طائرات العدو على الجانبين تأمرهم باخلاء منازلهم، واعطونى نسخة سأعطيها لك
http://tinypic.com/view.php?pic=qq3fi1&s=5
http://www.youtube.com/watch?v=mZUG-CI8TgE&feature=channel_page


زرت احلام قشطة ام محمود جلال ،وحكت لى كيف قسم السلك الشائك عائلتها عام 1982، فجزء منها مصرى والجزء الاخر فلسطيني، وهو حال أغلبية أهل رفح، وكيف دخلت الى غزة حين سقط الجدار وعادت –تهريبا- مع ابنائها السبع من البحر! مغامرة انتهت باحتجازهم فى قسم الشرطة اربعة ايام!!



http://tinypic.com/view.php?pic=ae8b47&s=5


http://tinypic.com/view.php?pic=25p1dky&s=5


حفر مكان المبانى والبيوت-فيديو






http://www.youtube.com/watch?v=fFgBP9ZQZlM&feature=channel_page



احلام وبيتها-فيديو






http://www.youtube.com/watch?v=dzO5FGrb3Gw&feature=channel_page







صحبتنى فى جولة داخل بيتها لمشاهدة حجم الضرر، ثم الى سطحه لتريني بيت اهلها فى رفح المصرية، وبيوت أخرى تهدمت وحل محلها حفر عميقة...وباغتتنى بسؤال: وين إنروح؟!...


حين خرجت من بيت أحلام، كان مازال الاطفال يلتفون حولنا، وقصصهم لا تنتهى، قابلتنا هذه السيدة وظنت اننا قناة فضائية، فجأتنا من بعيد وهى تصرخ: وين انتم؟ تعو شوفوا حالنا...وين نروح...ما ضلش لنا مكان انروحه..اتشردنا من بلادنا وبيوتنا...نروح وين من اليهود


سيدة مصرية فلسطينية-فيديو






http://www.youtube.com/watch?v=gTGij9Tqxws



وبينما نفترش الارض نسمع مآسى الناس، دلفت فتاة الى البيت المقابل وخرجت معها جدتها، فقد انتهزت هذه العجوز فرصة الهدوء النسبى وخرجت فى شمس الظهيرة تتمشى مع حفيدتها:


فرصة الهدوء لتمشية الصباح لعجوز رفح-فيديو






http://www.youtube.com/watch?v=M7gEjdQJjaE



- المعبر:




فوجئت من سهولة الوصول الى داخل المعبر بشكل فردى، فما عليك الا التقدم للحرس بالبطاقة الشخصية وما يثبت وظيفتك او مهمتك داخل المعبر، ويسمح لك بالدخول.


بالطبع لم يكن الامر بهذه البساطة سابقا، لكن الان يريدون شهودا على ان الجانب المصرى يقدم كل ما يستطيعه الى غزة، لديهم هاجس تحسين صورة وسمعة مصر. والحق هناك الجميع شديد اللطف فى تعامله، بما فيهم أمن الدولة..تصور؟! وكثيرين يقومون بدور بطولى فعلا، منهم فريق الاسعاف مثلا...والجميع متعاطف مع غزة لاقصى حد، قلة منهم يلقى باللوم والمسئولية على حماس، المشكلة ليس فى المواطنين والافراد المصريين، انما فى القرار السياسى ومن يصنعه.


داخل بوابة معبر رفح-فيديو






http://www.youtube.com/watch?v=y0_DVEo8pow



داخل المعبر-فيديو






http://www.youtube.com/watch?v=y0_DVEo8pow







داخل المعبر2






http://www.youtube.com/watch?v=xcUKSZzer4E



حتى المعبر لم يسلم من أذى القصف






http://tinypic.com/view.php?pic=25u7l8k&s=5

http://tinypic.com/view.php?pic=a42yz7&s=5







بالنسبة للاطباء، تحدثت مع دكتور أحمد عبد الوهاب رئيس الفريق الطبى هناك، وأكد لى ان عدد الاطباء الذين مروا الى غزة من معبر رفح هو 43 طبيبا من اتحاد الاطباء العرب، اغلبهم مصريون، ويوم الاحد دخل خمسة، 4 اجانب وطبيبا اردنيا. بينما عرفت –من مصادر أخرى- ان الفوج الثانى من اطباء الاتحاد المكون من 35 طبيبا، منع من دخول العريش!!


أكد لى د.أحمد ان الحالات الاصابات غير عادية، بل لم يرى مثيل لها فى حياته برغم من خبرته الطويلة فى هذا المجال، بتر بدون نزف، اصابات شظايا من الرأس للقدمين، حروق غريبة الشكل تتقيح فى ساعات ولها روائح قوية وكريهة!


د.احمد-فيديو






http://www.youtube.com/watch?v=XOQ_DTZ9NsQ



باقى الحوار مع د.أحمد –ملف صوتى


http://rapidshare.com/files/184945954/dr_ahmed.WAV



اما الجرحى فجل ما وصل الى مصر 261 جريحا من ما يزيد عن الاربعة آلاف جريح! وذلك بسبب ان الاسعاف الفلسطيني لم يكن قادرا على نقل الجرحى، بسبب استهدافه، فجرى تنسيق امنى حيث تولى الاسعاف المصرى نقل
الجرحى من داخل غزة، وتم الاتفاق على تأمين ممر آمن له، كان تطبيقه لاول مرة يوم الاثنين 12 يناير، وتصادف تواجدى هناك يومها، فتابعت رحلة 25 سيارة اسعاف مصرية يصحبها 50 مسعفا بقيادة دكتور امام. بالطبع كان هناك حالة ترقب وقلق بالغين على الفريق المصرى خشية تعرضه للقصف الصهيوني، ويتعطل مرة أخرى نقل الجرحى
http://tinypic.com/view.php?pic=n2oqaq&s=5


بينما كنت هناك وصل اثنين من الجرحى الذين كانوا يتلقون علاجا فى مصر، عائدين الى غزة..شهداء. كان احدهما لفتاة صغيرة، حين قدمت تعازي لوالدتها قائلة لها: ربنا يرحمها..ردت فى ثبات: ولا تحسبن الذين قتلوا فى سبيل الله امواتا...أردت مواستها فكانت خير عونا لى، تقدمت اليها وانا فى منتهى التأثر لمصابها والخجل من عجزى والموقف الرسمى، فاستقبلتنى "حنان" متفهمة رابطة وقوية مرفوعة الرأس، مما شجعنى على طلب خدمة منها، وهى نقل رسالة لصديق ينتظرنى على الجانب الفلسطيني، وافقت بترحاب وودعتها بكل امتنان لكل ما منحته لى فى لقاءنا القصير جدا..وتبادلنا الدعوات لله بالنصر والسلامة.




اثنين من الشهداء عائدين الى غزة-فيديو






http://www.youtube.com/watch?v=GuTsPbOaR6c



حنان ام شهيدة عائدة الى غزة-فيديو






http://www.youtube.com/watch?v=GuTsPbOaR6c







بعدها قضينا ليلة قاسية جدا، فترات صمت وهدوء يقطعه صوت طائرات الاستطلاع تزن فوق رؤسنا، ونداءات متبادلة من الجانب الاخر تتردد فى الفضاء الواسع والظلام الدامس، لا يمكن ان ترى من يطلقها او تتبين كنهها، ثم أزيز صاروخ قريب جدا وانفجار عنيف، يهز الارض تحت اقدامنا، يتلوه غبار ورائحة بارود وموت...يليه احيانا اصوات سيارات الاسعاف.


صوت انفجار-ملف صوتى-ستجدون صوت الانفجار فى الوسط تقريبا


http://rapidshare.com/files/184939594/bom.WAV



وبرد قارس شديد القسوة يدفعك للتفكير فى الجانب الاخر، كيف يقضون الليل وقد اضطروا لهجر بيوتهم، وبدون كهرباء اى فى ظلام دام وبلا تدفئة..وتحت حصار لثلاث سنوات، وفوق ذلك كله قصف مسعور جوا وبحرا وبرا.


مرت فترة طويلة قرب وصول الجرحى بدون قصف جوى، تخللها قصف شديد من جهة البحر، ثم قبيل وصول قافلة المسعفين وبينما الجميع يستعد لاستقبالها (اطباء وقوات امن وسيارات اسعاف احتياطى وقنوات فضائية وصحفيين)، فجأة تلقى الامن انذار (اسرائيلي) بضربة قريبة من المعبر، وبدأ الامن يلقى تعليماته للمتواجدين بالابتعاد عن سور المعبر وبوابته واتخاذ ساتر والابتعاد عن النوافذ الزجاجية، وابعاد السيارات كلها...ثم فترة ترقب وقلق طويلة وقاسية...تلاها عدة انفجارات قوية، أحدها سمعنا صوت ازيز الصاروخ قريب جدا حتى تتصور انه سيقع فوق رأسك مباشرة، ثم انفجار ووميض. بعدها بلحظات وصلت قافلة الجرحى..وسط تهلل وفرحة كل من فى المعبر
http://tinypic.com/view.php?pic=11cdvm0&s=5
http://tinypic.com/view.php?pic=15cn403&s=5

عم نعمان رئيس فريق المسعفين-يرفض الايجازات






http://tinypic.com/view.php?pic=optzy8&s=5


سور ورا سور-فيديو






http://www.youtube.com/watch?v=kNAykGc8xSw







100 سيارة اسعاف فى معبر رفح-فيديو






http://www.youtube.com/watch?v=RxNRaZv3yyM



اسعاف فاضى عائد الى العريش!-فيديو






http://www.youtube.com/watch?v=XVcqh8GsEzs







الاستعداد لاستقبال الجرحى-فيديو






http://www.youtube.com/watch?v=SGteXxi_WHc



ناحية البحر-فيديو






http://www.youtube.com/watch?v=c7rXnezTuDg


انذار بضربة قريبة من المعبر-فيديو






http://www.youtube.com/watch?v=x-Rs_iKeEBU



هرج ومرج بعد تلقى الانذار






http://tinypic.com/view.php?pic=2hdbev5&s=5


واخيرا..وصول الجرحى-فيديو


http://www.youtube.com/watch?v=iJY3XcoSvsU



وبمجرد دخولها تتابعت الانفجارات بشكل هستيرى، لدرجة ان احد المسعفين تصور ان اضواء سيارات الاسعاف سبب جذب انتباهم وتوجيه ضربات قريبة، فظل يركض صارخا "اطفوا الدورية...كله يطفى الدورية"...ورغم سذاجة الفكرة لدرجة مضحكة الا ان الجميع استجاب
وصل 38 جريح، 8 حالات فى غيبوبة و30 حالة صعبة كما وصفها عم نعمان –كبير المسعفين وقائد فريقهم- أغلبهم اطفال ونساء، تنوعت الاصابات –كما نقلها لى عم أحمد الاباصيرى احد اقدم المسعفين هناك- بين حرق وبتر وكسر نتيجة القصف بالصواريخ. جاءوا من داخل مدينة غزة، فى ليلة من أصعب الليالى وتحت هجوم كان الاشرس وكأن العدو قد اصابته هستيريا

كان من بينهم لؤى ذلك الطفل الصغير الشجاع الذى ظهر على قناة الجزيرة، وقد فقد عينيه اثر تعرضة انفجار صاروخ
بعيد انفجار وبعد وصول الجرحى



http://www.youtube.com/watch?v=NaKei6-cIS4



المصاب جلل


http://www.youtube.com/watch?v=Oy0RnvdotC8


ايهاب


http://www.youtube.com/watch?v=M8uigytqO-4



حسن






http://www.youtube.com/watch?v=b_ICoDfknWg
حسن






http://www.youtube.com/watch?v=b_ICoDfknWg

لؤى


http://www.youtube.com/watch?v=UezC79fgucg

محمود

http://www.youtube.com/watch?v=FcQeqzj1dE8



الجرحى كانوا فى حالة اعياء شديد، اما أهلهم فكانوا متهللين بشكل مذهل، معنوياتهم فى السما.



لكن أكثرهم مفاجأة لى كانت ام "هديل"


أم عروس غزة:



ام هديل عروس غزة






http://www.youtube.com/watch?v=Lld2bBCSgdw



باقى حديث ام هديل-ملف صوتى


http://rapidshare.com/files/185157906/hadeel_mother.WAV.html



ام هديل جزء من الاسطورة المجسدة فى هذا الشعب، ألقيت عليها التحية فوجدتها متهللة بشكل عجيب، وسألتها من معك فأجبتنى دون ان تفارقها ابتسامة مذهلة: هذه ابنتى مصابة عندها 19 سنة، مصابة بكسر فى الساق وشظايا فى اقدامها وساقيها، عروسة جديدة تزوجت من 4 شهور فقط، من ابن عمها، زوجها استشهد وعمها وسلفها...وحاولت متابعة العدد معها فلم انجح بعد العدد 11...الشعب الفلسطيني مدبح، لكن معنوياتنا فى السما، والمقاومة الله يقويهم رافعين روسنا الله يحميهم ويخليهم إلنا


قلت لها البعض يرى ان المقاومة جرت ويلات على شعب غزة، ويريدها ان تتوقف، صرخت فى منزعجة -دون ان تفارقها ذات الابتسامة- لا بدنا مقاومة لاخر رجل عندنا...وان انتهوا بيقاوم النسوان والاطفال عندنا، فلسطين مهرها غالى ودمها غالى...ونحنا حاضرين ولو فنينا كليتنا بنفدى العالم بدمنا...تراب فلسطين بيستاهل اكتر من هيك...والحمد لله معنوياتنا عالية.



هذه المرأة جاءت من جحيم اسوء ليلة مرت على مدينة غزة، دفنت للتو اكثر من 11 من عائلتها، تصحب ابنة مصابة، صلابة وصمود وايمان يفوق اى تصور.


التفت الى ابنتها اعزيها فى زوجها وقد غرقت فى الذهول، فصرخت فى امها: نحنا لا نحزن على شهدانا، نحنا بنقول مبروكة الشهادة، بنزف شهدانا بالزغاريد..وكأنها تدفع عن ابنتها وحش افترسنا..الخوف واليأس والاحباط والعجز...فهتفت: كيف يمكن هزيمة شعب مثلكم؟!


وتمنيت لو كحلت عينى بتراب غزة وتناولت مصل روح المقاومة والعزة.






قبل ان أعود الى القاهرة، عرفت من مصادر ترفض ذكر اسمها لكنها مؤكدة، ان أجهزة أمريكية لكشف الانفاق قد وصلت منذ أيام الى العريش، ومعها طاقم أمنى أمريكي عالى التخصص فى ضيافة جهة أمنية مصرية عليا..


ثم بعد يومين سمعت عن توقيع اتفاقية بين أمريكا و(اسرائيل) بشأن تهريب السلاح الى غزة، وفى اليوم التالى سمعت تصريحات وزير خارجيتنا –اسكته الله- ان لا شأن لمصر بهذه الاتفاقية، وأكد تلك التصريحات رئيس الجمهورية –عفانا الله منه- يؤكد نفس الكلام...!!


من قال ان مصر مطلوب منها توقيع على اتفاقية جديدة بهذا الشأن؟ من قال ان مصر يتم الاتفاق معها او إلزامها باتفاقات جديدة؟! مصر وقعت على بياااااااض...وتنفذ دون حاجة لاتفاقات ولا التزامات.






• مؤتمر الدوحة انتصار للمقاومة واعلان انقسام عربي حول "المبادرة العربية" او قل "السلام كخيار استرايجي عربي وحيد".


• قمة شرم الشيخ حشد لقوى "الخيار"!!


• لم تصل مصر يوما لهذه المنزلة المهينة والمذلة...المقاومة تحشد دولا عربية واسلامية فى الدوحة..فتحشد مصر فى المقابل دولا أجنبية لاجهاض المقاومة!